أنا لمياء عندى 23 سنه من أكبر عائلات الصعيد واغناهم وده لأن جدى الأكبرعمل نظا'م والكل ماشي عليه لحد دلوقتي
محدش يتزوج من بره العيله وبكدا فلوسنا تزيد ومحدش غريب يدخل بينا ونفضل أيد واحدة والعيلة تكبر
كل بنت فى العيله بتتجوز أول ما تم ستاشر سنه إلا انا
كنت مكتوبه لابن عمي مروان لكن هو كان غاوى علام ودرس الطب وسافر بلاد بره وفضلت منتظراه وقدام العيله وأهل البلد أنا مخطوبه له
وحسب النظام المتبع أخويا أتجوز بنت عمي سناء اخت مروان وكلنا كنا عيشين فى دوار كبير بيت العيله
كان زى الفيلا ومقسوم من جوه جهه يمين لنا إحنا وجهه شمال ل عمي عثمان أبو مروان
والدور الأرضي لنا كلنا وبنطبخ وبناكل مع بعض والعيال الصغار بتنام فى الدور الأرضي
وبسبب سفر مروان قدرت أكمل تعليمي وخلصت المعهد ع عكس بنات العيله مافيش واحدة فيهم معاها الإعدادية ويعتبر أنا وبنت عمتي بس اللى اتعلمنا
وانهاردة أحلي يوم فى عمري مروان أتصل وقال أنه فى المطار وجاى فى الطريق
امي حمديه ….
يا لمياء ابن عمك جى يابت أنا كلمت عمتك تجيب الكوافيرة وتزوقك روحى طلعي لكي فستان حلو يبين جمالك تقابلي به عريسك ده بقالوا سنين مشافكيش
لمياء….
ربنا يخليكي ليا ياما بس خايفه يكون عينه زاغت ع واحدة من بنات بره ويرفض يتجوزنى دى تبقي مصيبه' واتفضح فى البلد كلها
امي حمديه….
ميقدرش يا عين امك ده نظام والكل ماشي عليه واللى يخالفوا ملوش أرض ولا فلوس عندنا والعيله تتبري منه
وكمان اخوكي عبدالرحمن متجوز سناء اخته وده كان إتفاق ابوكي مع عمك أنتي ل مروان قصاد ما عبدالرحمن يتجوز سناء
وإحنا نفذنا الاتفاق ودلوقتي عبدالرحمن عنده ولدين كمان يبقي الدور بقي ع ابن عمك ينفذ كلمته ويلا كفايه كلام اطلعي جهزى حالك الكوافيرة زمانها جايه
لمياء….
لسه طالعه لقيت عمي عثمان قدامى قالي افرحي يابنت خوي مروان جاى فى الطريق وهنعمل فرحك بعد سبوع واجبلك عوالم ومطربين من القاهرة مخصوص ده إنتى بنت الغالي وعروسه الغالي
اكتسفت آوى وقولت له يجي بالسلامة يا عمي وجريت وأنا الفرحه مش سيعاني وعماله أفكر ازاى فى أسبوع هلحق أختار فستان الفرح واتزوق وحسيت إنى متلخبطه
أنجي. …
لوووولولى وافرحي يا عروسه أنا العريس يا عروسه يا عروسه أنا العريس مبروك يا لمياء أخيرا يابت هنفرح بكي يلا قومى
امي جابت الست الكوافيرة ياااااه عقبالي يارب
عارفه نفسي أتجوز واحد زى اخوكى عبدالرحمن راجل وجدع وحنين أوى أنا عارفه ليه مالكيش أخ تاني كدا زيه يابختك يا سناء
عبدالرحمن ….
كنت واقف قدام اوضة لمياء ولسه هخبط ع الباب سمعت كلام أنجي حب عمري أيوة بحبها من وهى صغيرة وبتكبر قدام عيني لكن محدش يعرف ويوم ما تم الإتفاق بأني أتجوز سناء قولت ل أبويا انى رايدها
وكان رده جوازك من سناء معناه ان اختك تتجوز مروان ولد عمك وهو فى كليه طب وهيبقي دكتور ومافيش بت فى العيله هتبقي زي اختك معلشي يابني لازم تفكر فى اختك ومستقبلها محدش فينا أتجوز اللى رايدها بس ده نظام وماشين عليه وانت شايف بنفسك لولا كدا مكناش بقينا أكبر عيله فى البلد وضحيت بحب عمري علشان خاطر أختي
وخبطت ع الباب وفتحتلي أنجي وقولت ل لمياء عامله إيه يا عروسه جريت وحضنتني وقالت ليا أخيرا يا عبدالرحمن أنارشامنصورمش مصدقه نفسي حاسه إنى بحلم
كنت فرحان لفرحتها لمياء دى أختى الصغيرة وبعتبرها بنتي رغم ان فرق السن بينا خمس سنين بس
عمتي إحسان. ….
ألف نهار أبيض يا بنت خويا عقبال ما أفرح ب بنتي أنجي يارب وأشوف عيالكم وعيال عيالكم
يا عبدالرحمن ما تشوف يا خويا عريس ل أنجي متعلم ومتنور من شباب العيله يليق ب بنت خالك
انت عارف كل اللى حوالينا مش مكملين حتى الاعدايه وبتي فى الجامعه وخا'يفه يتحكم عليها تتجوز حد منهم أنا متوكله ع الله وعليك يا عبدالرحمن
عبدالرحمن….
قولت ل عمتي من عنيا ده أنجي ست البنات وأنا من جوايا بتقطع' معقول هتبقي لوحد غيري بصيت ل أنجي وأنا شايف الحب فى عنيها وسكت مافيش فى أيدي حاجه أعملها
سناء….
مبروك يا لمياء محدش زيك انهاردة اومال ايه لازم تفرحي محدش زى أخويا معاه شهادة كبيرة زيه بنات البلد بيحسدوكى ع أخويا وكل بنت بتحلم تتجوز واحد زى أخويا
ولقيت أنجي بنت عمتي بتقولي ولمياء زينه البنات ومش جاهله يا سناء دى معاها معهد مش زى بقيت البنات مش معاهم حتى الاعدايه
اتغظت منها اوى وهى بتلقح عليا بالكلام قولت لها قصدك ايه يا ست أنجي هو حد كان كلمك ولا علشان ما إنتي في الجامعه عملتي نفسك محاميه أنا يا حبيبتي واحدة متجوزة ومخلفه بدل العيل اتنين الدور والباقي عليكي بايرة محدش عبرك
عمتي إحسان. …
قطع' لسانك هى حصلت تعيبي فى بتي وأنا واقفه ده أنتي بت قليله الربايه صحيح والله لولا فرحتنا انهاردة برجوع مروان لكنت عرفتك غلطتك ولسه هترد عليا لقيت
عبدالرحمن. …
اخرصي قطع' لسانك بقي تغلطي فى أختى وسكت ودلوقتي بتغلطي فى أنجي وكمان عاوزة تقلي ادبك ع عمتي فوقي لنفسك وامشي انجري من هنا وحسك عينك أسمعك تعدى حدودك تاني وألا اربيكي من أول وجديد غوري من هنا
لمياء….
معلشي يا عمتي حقك عليا يا أنجي هى لسانها كدا متبري منها حقكم عليا ما انتوا شوفتوا بتقولى ايه وبفوت لها
عمتي إحسان. ..
وإنتي ذنبك ايه يا بتي ومدام جوزها شكمها ماليش إني اتكلم تاني المهم خلي بالك من عيالك يا ولدى شباب عيلتنا متربين الخوف بقي عيالك يتعلموا قليله الربايه زى أمهم
الله يكون فى عونك يا ولدي والله لولا حكم أخواتي لكنت جوزتك بتي زينة البنات بس نصيبك عاد وقعك فيها
المهم يلا يابنت خوي الكوافيرة منتظرة تحت علشان تتزوقي
عبدالرحمن …
يلا اسيبكم أنا وبوست أيد عمتي وقولت لها حقك ع رأسي وبصيت ل أنجي وخرجت
أنجي. …
آة يا عبدالرحمن لو تحس بيا ربنا يسامحك يا خالي خلاك تتجوز واحدة مش عارفه قيمتك
لمياء….
نزلت أنجي وجابت الكوافيرة فى أوضتي وفضلت تعملي ماسكات ومكياج والاغاني شغاله والزغاريط وجايبين بتوع المزمار واقفين تحت عند البوابه منتظرين وصوله
وخلصت الكوافيرة وكنت ولا العروسه وعمتى فضلت ترقيني وأمي ومرت عمي تزغرط وكنت فرحانه آوى وكلهم حواليا
لحد ما جت البت بهيه وقالت يا حجه الدكتور مروان وصل والرجاله طلعت تستقبله بالطبل والزمامير لووووولولي
جرينا ع البلكونه بنبص عليه وشوفته وسمعت ضر'ب النار واول ما نزل من العربيه😲
الفصل الثاني
لميا جت البت بهيه وقالت يا حجه الدكتور مروان وصل والرجاله طلعت تستقبله بالطبل والزمامير لووووولولي
جرينا ع البلكونه بنبص عليه وشوفته وسمعت ضر'ب النار واول ما نزل من العربيه😲
ست ومعاها عيل فى ايدها بصيت ل أمي ومرات عمي
امي حمديه….
مين دى عاد يا ام مروان قالت ليا والله ما أعرف تعالي ننزل ونشوف فى إيه هات العوا'قب سليمه يارب
لمياء…..
مكنتش قادرة اتلم ع أعصابي وانجي بنت عمتي تهدي فيا وتقولي تلاقيها ضيفه تبع حد من زمايله وجايين يحضروا فرحك متخافيش. بس أنا قلبي كان مقبوض ونزلت تحت معاهم ولقيته بيسلم ع الكل
وأول ما شافني قالي والله وكبرتي واحلويتي يا لمياء
قولت له حمدلله ع سلامتك يا ولد عمي وبصيت ع الست لقيتها بتبتسم ليا
سعديه إم مروان …..
حمدلله ع سلامتك يا ولدى نورت الدار هي مين اللي معاك دى أزيك يا حبيبتي ولدك ده زى القمر يتربي فى عزك يا بتي
مروان…
أعرفكم ع الدكتورة جيلان دكتورة في علم الأحياء مراتي وام ابني أحمد وفجأة لقيت الكل تنح وبيبصوا لبعض وفجأة سمعت صر'يخ وببص لقيت لمياء وقعت من طولها واغمي عليها ولسه هروح اشيلها
عبدالرحمن. …
يدك عنها إيه بلاد بره نسيتك الأصول باعد وشيلتها وأنا قلبي بيتقطع' ع أختي وخا'يف عليها من الصدمه.
عمتي إحسان. ..
أجري يابت يا بهيه ابعتي للدكتورة بسرعه استر يارب ولقيت مروان بيقولى مارشامنصور أنا دكتور يا عمتي ولا نسيتي
قولت له لا انت اللى نسيت الأصول وعادتنا يا ولد خوي يا خسارة العلام اللي نساك تربيتنا وكفايه عاد اللى عملته فيها يا حسرة شبابك يا بتي
الدكتورة جيلان….
كنت واقفه مش فاهمه حاجه وبعد الزغريط والفرح اتقلب صو'يت ونكد وكلمهم بيبصولي كأني عدوتهم. أنا مش فاهمه حاجه قربت ع مروان قولت له إيه اللي حصل
بص ل مامته وقالها طلعي مراتي وابني فوق يرتاحوا من السفر لحد ما اخلص كلام مع بابا
عثمان أبو مروان …
إيه اللي عملته ده تتجوز ع بت عمك عاوز تخسرني أخويا عاوزهم يقولوا عليا ماليش كلمه حطيت رأسي فى الأرض ياريتك ما جيت ولا شوفتك لبستني الفضيحه.
عبدالرحمن. …
نزلت لهم وسيبت أمي وعمتي وانجي مع أختي لمياء اللى بدأت تفوق ومنهارة من العياط ولقيت
عمي بيزعق ل مروان وابوي قاعد حزين رأسه فى الأرض ولقيت سناء مرتي واقفه ومبسوطة وشمتانه فى أختي قولت لهم
أسمع يا عمي إحنا كان فى بينك وبين أبوي إتفاق وابوي قالي أتجوز بتك ورغم إني مكنتش عاوزها بس نفذت كلمه ابوي وانت بقي يا مروان جاى بعد كل السنين دى واختى انكتبت ع اسمك وكل البلد عارفه جاى دلوقتي تقول أنك متجوز ومخلف كمان
يبقي ولدك مش راجل يا عمي
سناء….
أنا أخوي زينه الرجاله وكمان بيقول متجوز دكتورة يعني واحدة متعلمه زيه ومخلف منها الواد وانت عارف يا عبدالرحمن عيال العيله ميتربوش بره تبقي شوف لأختك عريس تاني دور لها ع حد من الشغالين فى الغيط أهو كتير
مروان …
بص يا عبدالرحمن انت أخويا أنا مقصدش اسبب اى زعل بس أنا حبيت جيلان وكمان هى بنت ناس وأبوها دكتور كبير فى لندن وساعدنى فى دراستي وشغلي كمان وأكيد انت واحد تحب ليا الخير
عبدالرحمن. …
من حقك تتجوز اللى تحبها وأنا كمان لما ابويا غصب عليا أتجوز أختك مكنتش بحبها لكن نفذت كلام أبوي
لكن مدام انت خالفت الإتفاق ومحترمتش كلام الرجاله يبقي يا عمي عثمان بتك سناء مش تلزمني
وبدل ما تبقي أختى سيرتها ع كل لسان بتك هى كمان هتبقي سيرتها ع كل لسان ومش بس كدا أنا هتجوز كمان وهجوز اختى تبقي دور بقي لبتك ع عريس من الغيط
سناء…..
الحقني يا بوي ده بينه اتخبل فى عقله
وهدان….
جه اليوم اللي عيالك يتمسخروا عليا وع بتي يا عثمان وهتخليني مضحكه فى البلد كتر خيرك يا خوى وأنا الغلطان إنى غصبت' ع ابني يتجوز بتك
بتك اللي بتتريق ع بتي زينه البنات كتر خيرك
عمي عثمان….
لقيت أختى إحسان نازله ع السلم قولت لها لمياء عامله ايه قالتلي عماله تعيط ع حالها وامها بتعيط معاها
مروان….
انتوا مكبرين الموضوع كدا ليه ولو ع الجواز أشوف لها اى حد آة 😮
عمي عثمان….
مقدرتش امسك نفسي وضر'بت ولدى بالقلم قولت له يعني غلطان وكمان بتقل ادبك ع بت خوى دى ستك وضفرها بر'قبتك وهتجوزها غصب عنك ومرتك دى تطلقها وتاخد حقوقها وتسفرها ل أبوها وابنك هيتربي هنا مع عيال الدار وكلمة تانيه هحرمك من الميراث والعيله تتبري منك تبقي روح اشحت انت ومرتك بقي ولا خلي أبوها الدكتور يصرف عليك
عبدالرحمن. ..
فضلت ساكت مستني اشوف رد مروان ولقيته قال يا جماعه افهموا أنا ابني معاه جنسيه اجنبيه. وده يدي الحق ان مراتي تاخد ابني وتسافر وتحرمني منه شوفولي حل وأنا تحت أمركم انتوا أهلي ومقدرش ازعلكم
سناء….
اتجوزها ع مرتك أنت مش أول واحد تتجوز اتنين وابنك يتربي معاك واخوي هيفتح العيادة فى القاهرة ويعيش مع مراته هناك وقدام البلد أهو لمياء مراته ييقي يجيلها كل سنه يشق عليها
ابويا وهدان….
صعب عليا اللي اتقال وبصيت ل عبدالرحمن وأنا عيني مكسورة نفسي ارفض لكن رفضي فضيحة' لبتي فى البلد هيتقال ان بتي معيوبه ويحطوا راسنا في الطين
وموافقتي ع الكلام ده كسرة وحسرة لبتي فضلت اتحسبن
مروان ….
وإنا موافق اتجوزها اكتب كتابي عليها دلوقتي واخد مراتي واسافر القاهرة وهبقي اجيلها زيارة
عبدالرحمن…..
مدام يا سناء شايفه ان مفيهاش حاجه أختى يبقي لها ضر'ه وكمان جوزها يعيش بعيد عنها يبقي أنتي كمان زيها
يا عمتى أنا طالب ايد بتك أنجي وجوزاى هيتم يوم كتب كتاب أختى ع مروان وع فكرة يا عمي ولو أبنك مجوزش أختى بتك هتكون طالق وأهو العيال مش هتتربي بره
سناء……انت بتقول إيه عاوز تتجوز عليا يااااااالهوي….
عمتي إحسان
لووووولولي ألف مبروك يا ولدى ده يوم المني لما اجوز بنتي لراجل زيك يفهم فى الأصول ويرفع رأس أخته
معلش يا عثمان بس انت عارف عادتنا وأنت اللى خالفت الإتفاق تبقي اتحمل بقي أنت وعيالك
بت يا أنجي اول ما خرجت من اوضه لمياء قولت لها مبروك يابت ولد خالك زينه الرجاله عبدالرحمن طلب يدك وأنا وافقت
عمي عثمان….
أنا بتي ذنبها إيه يا عبدالرحمن هى مالها باللي حصل
عبدالرحمن …
ذنبها ان أخوها ميعرفشي فى الأصول وبدل ما تعقل أخوها بتعيب فى أختى وشمتانه فيها أهو أنا هخليها هى كمان مضحكه البلد يا عمي آة نسيت حمدالله ع السلامه يا مروان
ولقيت ابوي بيقولي تسلم يا ولدى جبت حق أختك
عمتي إحسان. …
طلعت جري ع لمياء افرحي يابت خوي الرجاله حكموا' ع مروان يتجوزك ومش بس كدا ده هيجوز بتي علشان يربي سناء لما لقاها شمتانه فيكي والله اخوكي راجل ولد راجل صح
لمياء….
هيتجوزنى ع مرته غصب.وهو مش بيحبني ولا طايقني. هى دى جوازة يا عمتي ولقيتها بتقولي يا هبله اتجوزيه وأنا هخليه زى الخاتم فى صباعك
ولو مش مصدقاني بكره اخدك ونطلع ع الشيخ درويش وهو هيخلي مروان ميبقاش طايق مرته ويطلقها كمان ويفضل معاكي
أنتي يا ست البنات وبكره تقولى عمتي قالت
بصيت ل أنجي لقيتها بتقولي المهم دلوقتى أنه يتجوزك علشان محدش يتكلم عليكي فى البلد وأكيد بعد كدا هيحبك هو هيلاقي فى جمالك أنتي بس تلاقي مراته دى كانت نزوة لأنه كان عايش لوحده هناك لكن أنتي الأساس ولازم تدفعي عن حقك واوعي تسبيه
حتى لو كان زى ما أمي بتقول تعملي له عمل
آخرتها يا مروان أشتري حبك بالأعمال 😓