سعديه أم مروان….
طلعت الدكتورة مرت مروان ع اوضته وأنا بدعي ربنا يسترها ولقيت الدكتورة بتقولى هي البنت اللى أغمي عليها دى مين وليه حصل كدا هى عندها السكر ولا حاجه
قولت لها دى لمياء زينه بنات العيله وزى الفل يكشي بس هى الأقدام في أقدام بتدخل بالخيروتعمر واقدام بيجي معاها الخر'اب وسيبتها ونزلت أشوف إيه اللي حصل وأنا مش طيقاها' لولا أنها ضيفة كنت جبتها من شعرها
الدكتورة جيلان….
هى مالها فيها إيه وقصدها إيه بأقدام جي معاها الخر'اب؟ ؟
وحسيت الفضول هيمو'تني عاوزة أفهم إيه اللي بيجري بصيت ل أحمد قولت له حبيبي تقعد هنا معايا ولا تنزل ل بابا يا حبيبي تلعب تحت وطبعا قالي أنزل ألعب وفتحت باب الاوضه وخرجت أحمد وسيبت الباب مفتوح يمكن أسمع اى حاجه
سناء….
شوفتي المصيبه' اللى جت ع رأسي ياما أهو جوزى هيتجوز عليا لا وكمان يتجوز أنجي اللى شايفه نفسها أحسن مني علشان دخلت الجامعه بتك ياما هتبقي مضحكة البلد يا شماته الناس فيا
كله من أبنك هو يسافر ويتجوز وأنا اشيل الطين ع دماغي والله يا بنت إحسان ما اخليكي تتهني بجوزى اة ياما نا'رقايدة جوايا
سعديه ام مروان….
ياريتك ما رجعت يا ولدى قلبت الدار كانت دخلتها دخلت شوم أكيد هى اللي لعبت عليه شكلها سهونه ومش سهله
ولقيت سناء بتقولى هو أنا فى ايه ولا فى ايه متو'لع مراته أنا فى جوزى وبيتي اللى هيتخر'ب لو أبنك متجوزش لمياء
أمي حمديه ….
كنت قاعدة مع بتي وإحسان وانجي ومقهورة من جوايا بقي بتي اللى مستنيه أفرح بها طول السنين دى فى الآخر تتجوز بالشكل ده
وفضلت ساكته
عبدالرحمن….
كان محر'وق د'مى ع أختي وع فرحتها اللي اتكسر'ت حتى أنجي حب عمري مكنتش أتخيل لما أطلب ايدها محسش بالفرحه بالعكس الحزن مالى قلبي وطلعت قعدت ع المصطبه بره البيت مش طا'يق أشوف حد وكل ما أفتكر كسر'ة أبويا أحس إنى عاوز اق"تل مروان وأخلص من أخته اللي شمتانه فى أختي
الدكتورة جيلان….
سمعت صوت واحدة بتبكي. وفهمت من كلامها أنها اخت مروان جوزى وبتقول أنه لازم يتجوز واحدة إسمها لمياء 😲
فهمت هى دى البنت اللى أغمي عليها تحت بقي انت جايبني مصر علشان تتجوز عليا يا مروان
لمياء….
مكنتش طايقه نفسي واتمنيت امو'ت ولا ان حد يشمت فيا وبالذات سناء مرات أخويا ع أد ما محر'وق د'مى نفسي احر'ق دمها علشان كدا قولت ل عمتي إحسان أنا من بدري هروح معاكي ع الشيخ درويش وفجأة لقيت أنجي داخله علينا بتعيط كانت نزلت تعملي ليمون وقالت
أنجي. …
شوفتي يا ماما سناء قاعدة مع أمها وعماله تغلط. فيا لا وكمان بتقولها أنها مش هتسيبني اتهني ب عبدالرحمن هو أنا مالى هو اللى طلب يتجوزنى ولا أنا اللى خطفته' منها
أنا خايفه تعمل فيا حاجه أنا راحه بيتنا ومش جايه هنا تاني ولقيت لمياء قالتلي استني خديني معاكي أنا مش هقدر أقعد وأشوف مرات مروان قدامى ولا عاوزة أبص في وش سناء
عمتي إحسان. …
مافيش نزول من اوضتك حتى الوكل امك هتجيبه لكي أنتي تعبانه ولو نزلتي قدامهم دلوقتي هيقولوا انك كنتي بتمثلي الزعل ونازله كويسه بعد ما عرفتي ان مروان خلاص هيتجوزك
باتي هنا معاها يا أنجي وأنا هنزل كأني هجبلك خلجات تنامي فيها وشوف إيه اللي بيحصل تحت وهقولهم أنك تعبانه ومش قادرة تتحركي وأنى هسيب بتي معاكي علشان تساعدك لو احتاجتي حاجه وانتي يا حمديه مدخليش حد عليهم وطلعي لهم الوكل بنفسك
وهدان….
طلعت ل ابني لقيته شايل الهم. قولت له أنا الغلطان. يوم ما غصبت' عليك تتجوز بت خوى كان غرضي يا ولدى استر' أختك بجوازة الكل يحلم بها وهتبقي معانا فى الدار متبعدش عني
هنعمل ايه يا ولدى لو مروان رجع فى كلامه ومجوزش أختك لازم نفكر يا ولدى قبل ما نكون مسخرة. البلد
عبدالرحمن. …
سيبها يا بوي ربك هيدبرها وخليه ميجوزهاش وأنا احسره. ع إبنه ومرته وهطلق أخته
لقيت أبويا قالي الولد هيفرق العيله بعد ما كنا أيد واحدة وبنبص لقيت عمي عثمان واقف قدامنا
عمي عثمان ….
وانا مرضاش إبني يفرق بينا يا وهدان وبتك دى بتي وإذا إبني مجوزش بتك أنا اللي هخطف' ولده لحد ما يطوع أمرنا ويتجوزها ورجله فوق رقبته.
عمري ما كنت هسمح ان إبني يهد' العيله ويفرق بينا وحتى لو عبدالرحمن أتجوز ع بتي مش مهم دى بت أختى ومش غريبه عنا المهم منبقاش مضحكه. البلد'
مروان…..
كنت قاعد فى الصالون لوحدى مش عارف أفكر ازاى اقول ل جيلان إنى هتجوز عليها دى ممكن تطلب الطلاق وأنا مينفعشي أطلقها دى دكتورة ولها مركزها وأبوها دكتور كبير يعني نسب يشرف لكن بنت عمي مهما كانت متعلمه أبوها أساسه. فلاح الميزة الوحيدة أنها غنيه وبس
يعني لو ضمنت أتجوز لمياء وتفضل جيلان معايا يبقي كدا معايا الجاه والمال وببص لقيت أحمد بيلعب ع السلم نديت عليه
عمتي إحسان. …
نزلت لتحت وشوفت مروان وشايل أبنه ومحدش معاه من الرجاله وأول ما شافني جالي وسألني ع لمياء
قولت له كل ما تفوق تفضل تبكي ويغمي عليها تاني وهسيب بتي تبات معاها أهو تساعدها وتاخد بخاطرها
مروان….
طب ممكن اطلع أشوفها مدام الدكتورة اتأخرت كدا
عمتي….
بقي هى بتبكي منك عاوزها تفوق تلاقيك فى وشها عاوز تخلص' عليها ولا إيه دى مش طايقه. تسمع اسمك وصعبان عليها انك كسر'ت بخاطرها خليك مع ولدك ولا روح اقعد جنب السنيورة بتاعتك كانت دخلتها داخلة شووم' علينا
وسيبته وخرجت لقيت اخواتى عثمان ووهدان ومعاهم عبدالرحمن
قولت لهم البت ياحبة عيني كل ما تفوق يغمي. عليها تاني أنا هخلي بتي تبات معاها بس تبقي خلي مرتك يا وهدان هى اللى تطلع لهم الوكل أوعى سناء تدخل عندهم زمانها مش طايقه ولا بتي ولا بتك لمؤاخذة يا عثمان وخدت بعضي وروحت ع بيتي
وفجأة جتلي فكرة ليه أنا مخدش أطر. عبدالرحمن واخليه يحب بتي ويبقي كيدت سناء بس لا دى سناء ناويه ع حاجه ل بتي
يعني وقتها هتشعلل' نا'ر أكتر ويمكن تعمل فيها حاجه مافيش بقي غير الشيخ درويش أروح له وافهم منه إيه الصالح
لمياء…..
كنت قاعدة مع أنجي وأمي قالت هتنزل المطبخ تشوفهم عملوا الوكل ولا لسه المفروض رجاله العيله جايين يباركوا لرجوع مروان من السفر
قولت ل انجي عمتى كلامها صح لو كنت نزلت كانت سناء قالت إنى عملت كدا علشان ادبس. أخوها فى الجوازة بس حتى لو زى ما عمتي بتقول ممكن يطلق مراته ما أبنه هيفضل هنا وهيفضل حبل الود متصل بينهم علشان الواد يعني عمري ما هخلص' منها
أنجي. …
بصي يا لمياء أنتي تحكي للشيخ كل حاجه وشوفي هو هيقولك إيه
بس انارشامنصوراسمع أنهم بيطلبوا أطر. او صور
ولقيت لمياء قالت ليا صح وبعدين هنتصرف ازاى قولتها
أنا هنزل وقت العشا تحت كأني بجيب لنا الأكل وأحاول اصورهم
بهيه…..
يا ست أنجي الدكتورة وصلت ينفع ندخل
انجي….
نامي بسرعه وعيطي ولو ينفع تصو'تي في وشها يكون أحسن
الدكتورة….
السلام عليكم خير يا بنات فى إيه ببص لقيت بنت نايمه ع السرير وعنيها ور'مه من كتر العياط. والبنت اللى معاها تقولها أهدي أهدي
وقالت ليا منتظرينك من بدري يا دكتورة دى عماله تصو'ت وكذا مرة كانت عاوزة. ترمي نفسها من البلكونة شوفلها مهدئ بسرعه
وفعلا لقيت البنت بدأ صوتها يعلي فى البكاء وتصر'خ وتقول مش عاوزة اعيش' لحقت بسرعه اديتها حقنه مهدئه وقولت لهم
هاجي بكره اطمن عليها أنا مش هينفع أكشف عليها وهى كدا ونزلت تحت قابلت أهلها
وهدان….
بتي عامله ايه يا دكتورة طمنيني عليها ولقيتها قالت
بنتك عندها انهيا'ر عصبي وحاولت الانتحا'ر انا اديتها مهدئ علشان تنام ومتعملش فى نفسها حاجه وهجيلها بكره ان شاء الله
بصيت ل عثمان اخوي قولت له مبسوط باللي ولدك عملوا فى بتي والله لو بتي جري لها حاجه ما يكفيني ابنك وولده كمان
عثمان…..
دخلت جوه لقيت مروان قاعد وبيلعب ابنه قولت له مبسوط وبتلعب وبت عمك كانت هتمو'ت نفسها غور أنت وولدك ع فوق ومتخرجش من اوضتك والوكل الشغاله هطلعهولك وإياك المحك ولا المح مرتك فى الدار ركبتني العا'ر
أنجي. ….
دخلت البلكونه ووطيت خالص علشان محدش يشوفني وسمعت الكلام اللى قالته الدكتورة ودخلت ل لمياء قولتها اللى حصل وان كدا لما تنزل معانا بكره محدش هيقول أنها سليمه بالعكس هيتقال أننا بنحاول نبعدها عن البيت علشان أعصابها ترتاح شويه وبدأت لمياء تروح فى النوم وأنا قعدت أفكر فى حالي
ياتري عبدالرحمن هيتجوزنى ولا قال كدا بس علشان بيهد'د مروان طب لو اتجوزنى هيكون معايا ولا هيفضل عايش مع سناء ما هى ام عياله يعني أكيد بيحبها 😔
شكلي هشتري حبك بالسحر يا عبدالرحمن
الفصل الرابع
مروان
أخدت احمد ابني وطلعت ع أوضتي لقيت امي وسناء قاعدين بره وأول ما شفونى لقيت سناء جايه تمسك فيا وتقولي عجبك اللى حصل مكنش ده اتفاقنا أنا قولتلك هاود أبوك لحد ما تكمل تعليمك وتسافر بره وأكون أنا اتجوزت عبدالرحمن وخلفت منه وساعتها محدش يقدر يغصبك ع جوازها ولما عرفتني انك اتجوزت وخلفت قولت بركه هشوفها مكسو'رة قدامي بس دلوقتي جت ع دماغي وجوزى هيتجوزعليا ولو انت متجوزتش لمياء جوزى هيطلقني
سعديه أم مروان. ….
واه 😲بتقولى إيه بقي أنتي كنتي متفقه مع اخوكى ع بت عمك وكمان عارفه أنه متجوزأخس ع تربيتك والله تستاهلي الحر'ق
تعملي كدا فيها دى زى اختك ده انتوا متربين سوي وانت يا ولدى يا متعلم يا كبير تسمع كلامها ليه هى بت عمك عفشه دى زينه البنات والله لو ما اتجوزتها لفضحكم' فى الدار وتبقي خلي مرتك تصرف عليك وتعملك العيادة بتاعتك وأنتي مش بعيد جوزك يقتلك' ع عملتك دى كان يوم أسود. يوم ما خلفتكم وسيبتهم وروحت ع أوضتي
مروان….
يعني كان لازم تتسحبي من لسانك غوري يا شيخه وروحت ع أوضتي لقيت جيلان فاتحه الباب وقاعدة وشكلها مش مريح كأنها ناويه ع حاجه
عمتي إحسان. …
روحت البيت وجبت خلجات ل بتي وأنا رجعه لبيت اخواتى لقيت وهدان بيضر'ب كف ع كف وعثمان مش موجود قولت له إيه اللي حصل تاني يا وهدان مال أبوك يا عبدالرحمن
حكالي ع اللى قالته الدكتورة قولت له هى عرفتك أنا مردتش أقولك انها كانت عاوزة تحدف نفسها من البلكونه وببص شوفت رجاله العيله جايين من بعيد قولت لهم اضحكوا ومتخلوش حد يشمت' فينا وأنا هدخل للحريم علشان يجهزوا الوكل وأول ما دخلت بصيت ملقتش حد ولسه بطلع السلم سمعت كلام سناء واخوها ورد سعديه مرت خوى عليهم ونزلت براحه وروحت المطبخ لقيت حمديه عرفتها ان الرجاله جت وهطلع انادى سعديه وهنزل اساعدهم وقصدت أعمل صوت وأنا طلعه السلم
سناء….
كنت قاعدة وبعيط مش عارفه أتصرف ازاى لقيت عمتي بتقولي الرجاله جت تحت فين امك مرت عمك لوحدها تحت مع بهيه فى المطبخ يلا علشان نساعدهم واعدلي وشك ده مينفعش حد يعرف حاجه ولا يشمت فينا قولت لها بكره بنتك تتجوز جوزى والكل يشمت فيا ولقيتها قالت
عمتي إحسان. …
أنتي هبله يابت إحنا قولنا كدا علشان اخوكى يحس بغلطه ويتجوز بنت عمك لكن لو اخوكى متجوزهاش إنتي عارفه عبدالرحمن هيتجوز عليكي ويطلقك ومش بعيد يجيب خدامه يتجوزها علشان يذلك ويخليكي مضحكة البلد
ووقتها الكل يشمت فيكي بصحيح هيتقال ساب بنت عثمان وجاب خدامه بدالها ع الأقل لونفذ كلامه وخد بتي هيتقال علشان يتيمه وميصحش حد غريب يدخل ويخرج علينا يعني لها حجه فهمتي فتحي مخك وعقلي اخوكي بدل ما تلاقي نفسك مطلقه وتقعدى منكادة وانتى كل يوم شيفاه مع مرته وقدام عينك قومى نادى ع امك لحد ما شوف البت العيانه عامله إيه بيقولوا الدكتورة اديتها علاج
وخدت بعضي ودخلت اوضه لمياء ولقيتها نايمه وحكيت ل أنجي ع كل اللي حصل وأكدت عليها أنها متقولش لحد حاجه
جيلان….
مالك يا مروان من ساعه ما وصلنا وانت سايبنا وقاعد تحت مع اهلك ايه نسيت مراتك لقيته قالي أنا بقالي سنين بعيد عنهم وخلاص أنا طلعت أهو وهفضل معاكي ومش هننزل تحت تاني قولتله اشمعني انت جايبنا تحبسنا' فى الاوضه ولا إيه بصحيح إيه أخبار لمياء بنت عمك اللى أغمي. عليها أول ما عرفت أنك متجوز😏
مروان….
بصي يا جيلان انتي مش فاهمه إحنا هنا فى الصعيد فى عادات مختلفه عن القاهرة اللى اتربيتي فيها وعن أوروبا اكيد وهنا لازم كل القرايب يتجوزا بعض وياستي أهلي عشموها إنى هتجوزها وكل بنات العيله اتجوزت وهى لا ولما عرفت إنى اتجوزت أغمي عليها جالها صد'مه وانهيار عصبي أصل هى كدا يعتبر عانس بالنسبه للي فى سنها مسكينه. العيب فى أهلي هما السبب
كنت بتكلم وبراقب ملامح وشها ولقيتها قالت وبعدين يا دكتور كمل وطبعا هتقولي ان الكل هيغصب' عليك تتجوزها وان هو ده علاجها الوحيد وانك غصب. عنك هضحي لكن انت مش عاوز وكلهم محملينك مسؤوليه. مرضها مش دول الكلمتين اللى أنت مرتب تقولهم وتضحك عليا بيهم يا دكتور
عبدالرحمن. ….
استقبلنا رجالة العيلة ودخلتهم المضيفه من الباب التاني وروحت ناديت عمي وقولت له أعدل وشك يا عمي الناس جايه تبارك ونادى ع المحروس أبنك يقعد معاهم ومش عاوز أشوف مراته وابنه ولو بالصدفه قدامي وأبويا فضل قاعد مع الرجاله وأنا روحت المطبخ اقولهم يستعجلوا الأكل ويعملوا الشاى دلوقتي لحد ما بقيت الرجاله ما تتجمع ولقيت سناء وعمتى ومرات عمي وأمي والبت بهيه قولت لامي انتي سايبه أختى وواقفه هنا
عمتي إحسان. …
روح يابني انت أقعد مع الرجاله وبتي قاعدة مع لمياء فوق واختك نايمه بعد الحقن اللى خدتها يا حبة عيني
روح يابني واستني عند الباب وهبعتلك البت بهيه بالشاى خده منها وفضلنا نجهز الوكل والحمد لله الليله خلصت ع خير وأول ما الرجاله ما مشيت لقيت أخوي عثمان قال لابنه لآخر مرة أشوفك فى وشي غور ع أوضتك
وروحت ع بيتي وتاني يوم الصبح طلعت ع الشيخ درويش احجز ميعاد عنده والمساعد بتاعه قالي تعالي المغرب ودفعتله 300 جنيه وطلعت ع بيت اخواتى أعرف لمياء اللى عملته وأشوف لو فى اى حاجه جديدة حصلت
لمياء….
صحيت من النوم دايخه بسبب الحقنه وحاسه إنى عاوزة أفضل نايمه ولقيت عمتي قالت أنها حجزت مع الشيخ درويش بس لازم نفكر دلوقتي أنتي لو جيتي عندى ازاى تخرجى من غير ما حد يشوفك لان البيت جنب البيت !؟
ولقيت أنجي قالت المهم دلوقتى حتى لو لقينا طريقه للخروج أنا منزلتش إمبارح ومصورتش حد منهم مرات خالى جابتلي الأكل هنا وقالتلي خليكي مع لمياء متنزليش
عمتي إحسان. …
مش مهم إحنا نروح الأول والشيخ يفهمنا نعمل إيه
بصوا إحنا هنخرج وقدام الكل كمان أنا هقولهم إنى روحت المستشفي والدكتور قالي ان التمشيه كتير فى الهواء بتهدي الأعصاب وهاخدك أنا وانجي وهقولهم محدش يجي معانا علشان تنسي اللي حصل
مروان….
جيلان إنتي عارفه أنى بحبك ومقدرش أفكر فى واحدة غيرك وبصراحه لما رفضت أبويا هد'دنى أنه هيحرمني من الميراث والعيله هتتبري مني وبعدين وصلوا لحل أني اتجوزها قدام الناس وبعدين اسافر واعيش معاكي فى القاهرة وكل كام شهر أنزل يومين إجازة علشان محدش من أهل البلد' يتكلم يعني يعتبر جواز ع الورق وبس وهفضل معاكي أنتي يا قلبي إنتي حبي الوحيد وأم ابني😙
جيلان…..
تعالي نرجع لندن تاني ومنرجعش هنا إلا لما يكون معاك فلوس للعيادة ده لو أنت صحيح مغصو'ب عليك
ولقيته قالي يعني أتعب سنين علشان أجمع فلوس سهل عليا اخدها بعد شهرين ومن غير تعب اديني شهر واحد اتمم الجوازة وساعتها هاخد منهم فلوس للعيادة وبعد ما تجهز هنبقي خلاص مش محتاجينهم قولتله
اياك تفكر تغد'ر بيا يا مروان أنا معشرتي للعقارب والتعابين خليتني أعرف الدع زيهم وساعتها مش هعمل حساب أنك أبو ابني فاهم يا مروان
عبدالرحمن…..
روحت اطمن ع أختى وخبطت ع الباب ولقيت أنجي فتحتلي وعمتي قاعدة جنب لمياء ع السرير وشكلها لسه تعبان
أخبار القمر بتاعي إيه هو فى عسل بالشكل ده عامله ايه يا قلب اخوكى انهاردة بصي أنا مش عاوزك تفكري فى اى حاجه خالص طول ما اخوكى فى ضهرك ولقيت عمتي قالتلي
عمتي إحسان. …
والله يابني نفس كلام الدكتور أنا طلعت من بدري ع المستشفي والدكتور قالي لازم تنسي وتخرج وتتمشي وتغير جو شويه وهى صحتها تتحسن علشان كدا ع آخر النهار تكون فاقت وكلت علشان تقدر تصلب. طولها وتخرج معانا أنا وانجي ونتمشي شويه
عبدالرحمن. …
بس كدا وأنا هاجي معاكم وهعزمكم ع سينماء كمان ونتعشي بره هو أنا عندى كام لمياء
لقيت عمتي قالت لا يا ولدي متركبناش الغلط أنت قدامهم خطيب بتي عاوزهم يقولوا انك خرجت معاها من قبل ما تكون مرتك أنت تفهم الأصول يا ولدى إحنا هنتمشي شويه ونرجع ع طول مش هنتأخر
قولت لها زي ما تحبي يا عمتي وطلعت ألفين جنيه واديتهم ل لمياء قولت لها اخرجي وانبسطي ولو حسيتي أنك تعبانه اتصلوا عليا هجيلكم طوالي ولما جيت اخرج قولت ل أنجي معلشي يا عروسة بدل ما تجهزى حالك قاعدة مع أختي
أنجي. …
حسيت من كلام عبدالرحمن ان قلبي بيدق أوى هو هيتجوزنى فعلا مكنش بيهرج وقولت له لمياء أختى وصاحبتي ومش هكون مطمنه عليها وأنا بعيد عنها وكمان أنا أمي مجهزاني من زمان مفضلش غير فستان الفرح وبس
ولقيته قالي أحلي فستان ل أحلي عروسه هجبهولك ع ذوقي
وخرج من الاوضه وحسيت إنى هقع. من طولي
وفجأة لقيت😲