رواية لعنة اختي والعقرب
الفصل الثامن8
بقلم منه محمد
ايمن طلع من عند ذكي وغضب الدنيا قدامه واتصل جاب بلطجيه يدمروا الدكان
حمو جري عليهم: بتعملوا ايه
ايمن مسكه من رقبته: هتعرف هيحصل ايه دلوقت
حمو: انت مجرم
ايمن اتك ع رقبته: دلوقت هوريك الاجرام يله يارجاله كسروا كل حته في الدكان وانت اتفرج وانت ساكت
حمو ؛انتم اتجننتم
ايمن: انت المجنون يله يارجاله فرجوه الفيلم بس الاول اقفلوا الباب عشان محدش يتأذي
حمو بيصرخ :نهار ابوكن اسود بتعملو ايه
ايمن :هقولك حالا ،فين معلمك اسير الي اتجوز خطيبتي
حمو بحمقه:انت كدا بتغلط
ايمن :الغلط حصل معايا
حمو: سيبني يا مجرم
ايمن: انا ماسكك اسكت
حمو بيصرخ ويعيط :حرام عليكم الدكان
ايمن :دكان مين انتم خسرتوا الدكان ذهب مع الريح
حمو :حرام عليك
ايمن :فهم اسير مش هعمل كدا وبس يله دغدغه كل حاجه
ذكي طالع شاف ايمن ماسك حمو ومكتفه ورجالته بيكسروا في الدكان ركب الموتسكل وهرب
في منزل عائله اسير تحديدآ ع التلفون
رباب/ الو مين
حمو: معاكي حمو يا ابله رباب بتكلم من الدكان
رباب بتعجب: فيه ايه ياحمو
حمو: البلطجيه كسروا الدكان كله
رباب: ايه
حمو: خطيب ابله جميله جه وكسر الدكان بكل الي فيه واتصلت بعم اسير مش بيرد ناوليه التلفون
رباب: انت بتقول ايه خلاص هقوله اقفل( بصوت عالي للجو) اسير اماااااااه
خيريه طلعت من غرفتها: ايه فيه ايه يارباب
رباب بأعلى صوت: يا اسيييير
اسير: ايه الي حصل
رباب: انزل بسرعه
خيريه بقلق: فيه ايه يابت عماله تصرخي
رباب: احنا في مصيبه كبيرة
خيريه شدتها من هدومها: يابنت قوليلي
رباب: بيقوله المصيبه متجيش لوحدها بتيجي معاها الخراب
خيريه اتكت ع اسنانها بغيظ: يابنت هتموتيني فهميني
رباب: هقول لـ اسير
خيريه: عارفه كويس بعد ما جات وش الشؤم لا يمكن يجي الخير للبيت
اسير نزلها: فيه ايه عماله تندبي
رباب: فين موبيلك
اسير: في الاوضه ايه الي حصل
رباب: لو خرجت من غيبوبه الجواز حمو اتصل بيك كذا مره خطيب مراتك القديم دغدغ الدكان
خيريه ضربت صدرها: نهار اسود الله يلعنها بعد ما جات وش االخراب اه دماغي ضغطي ارتفع كان قلبي حاسس
اسير شخط فيها: بطلي عياط
خيريه: اه سكتني وخليني اختفي يارب اعمل ايه؟؟
اسير حط الموبيل ع ودنه: حمو ايه الي حصل......انت كويس
حمو: متقلقش عليا بس الدكان دمره
اسير: انا جاي
حمو: اه تعال رموه كل حاجه بره الشارع
رباب: كنت رافضه الجواز البدل لان حياه اربع اشخاص هتدمر ومكنتش شايف حب في البيت بقالك 25 سنه ودلوقت ايه الي حصل اتكلم قولي جه خطيب مراتك معاها لحياتنا ونفذ اول جزء في الانتقام حتي باب الرزق اتقفل
اسير سابها وخارج خيريه شدته: اقف هنا واسمعني الاول رد ع كلامنا بعد ما جات البيت اتخرب الدكان الي تعبت وشقيت فيه واشتغلت بجهد راح معرفش ايه تاني هيدمر
جميله: يا خالتي ليه بتلوميني ع كل حاجه
رباب زعقت فيها: امال نلوم مين في ليله واحده حياتنا ادمرت وباب رزقنا اتقفل بسببك
اسير بقي مش عارف يقف يسلك ما بينهم ولا يروح يشوف حاله اخر ما زهق جاي ناحيه الباب
خيريه مسكته: اقف هنا بحذرك تطلع من هنا قبل ما تاخد النحس دي معاك الدكان راح النهارده معرفش ايه الي هيتهد بكره بسبب دي
اسير: امهاااا اختي اسكتوا شويه بلاش تختبروه صبري اقسم بالله لو سبتلك البيت ما هتعرفني ترجعيني وهرجعلك بعد ما اعمل حادثه وجميله هتفضل في البيت ومش هتمشي رايح للدكان
خيريه جريت وراه: اسير
اسير شد دراعه منها بنرفزه: طول الوقت رغي
خيره قعد ع الانتريه: اه ادمره كل حاجه
رباب بحقد: اللي حصل بسبب المنحوسه مراته
جميله عيطت ودخلت اتصلت بصاحبه الاتيليه ترجع تشتغل عندها عشان ترجع فلوس اسير وتخلص منه والست رحبت بيها ووعدتها تروحلها بكره
...........قصص منه محمد كاتب................
اسير وصل الدكان وركن الموتسكل وقرب عليه وحط ايده ع كتفه: حمو
حمو بالم: اه كتفي
اسير: اسف ياحمو حصلك كده بسببي
حمو بدون اكترث: سيبك من الي حصلي هنعمل ايه في خساره الدكان انت حطيت كل الي حلتك فيه
اسير بقهر: هعمل اي حاجه وارجعه زي الاول تعال المستشفي
حمو برفض: لاء وجع بسيط هاخد مسكن والصبح ابقي كويس
اسير: روح البيت استريح وغير هدومك
حمو: مش هسيبك , ده انا كنت فرحان و مبسوط اني جايلك البيت اشوفك واشوف ابله جميله واباركلكم
اسير: انا كمان كنت مبسوط الحب الي اتمنيته جالي بنفسه بس مكنتش اعرف ان فيه فرق بين دخول البيت ودخول الحياه
حمو: ايه الي حصل انت ضحيت بأغلي حاجه عشان تتجوز ابله جميله ضحيت بعربيه النقل لـ ابوك
اسير: بس هي شيفاني بلطجي لحد دلوقت
حمو زعل اوي عشان اسير مش كدا ده اطيب انسان اتعامل معاه
اسير :بص انت تروح بيتكم ترتاح الدكان اتكسر كله تعال وانا هلم البضاعه
حمو: لاء انا هرجعلك بعد عشر دقايق
اسير ماشي خد مسكن وتعال
اسير طلع الموبيل واتصل بصاحبه: الو بقولك ايه يا صاحبي ابعت لي شويه عمال للدكان
اسير اثناء كلامه لمح ذكي بعد الموبيل: انت
ذكي بصله: انا
اسير: ايوه تعال(حط الموبيل ع ودنه) صاحبي هكلمك بعدين ابعت الرجاله
ذكي: عامل ايه الموتسكل بيلمع
اسير: الي حصل في الدكان الصبح شوفته
ذكي بكدب :ايه الي حصل مرجعتش من امبارح البيت كنت مع واحد صاحبي في المستشفي وقضيت طول الليل معاه ايه الي حصل
اسير :ايمن خرج وكسر الدكان وضرب حمو
ذكي مثل الدهشه: حرام عليه يضرب الواد الغلبان وبعدين ليه خرج بعد يوم واحد فين صاحبك الظابط كان لازم يحبسه لشهور دلوقت هيخالي حياتنا جحيم
اسير: عايز رقمه وعنوانه
ذكي: ايه
اسير بنفعال: مسمعتش عايز رقمه وعنوان ايمن
ذكي: اسمع كفايه الي حصل بلاش تكبر المشكله بنتي في بيتك ولو حصلك حاجه هتبقي ارمله
اسير: اسير يضرب ويقتل الرقم
ذكي خاف: اه معايا خده
اسير سجل الرقم والعنوان ع الموبيل
ذكي: خلاص
اسير بصله وهو مشي وراح دايس ع الرقم
ايمن رد: الو
اسير: انا اسير
ايمن: اخيرآ خرج الاسد من العرين
اسير: اه وحب يقولك لما يجي موت الخروف هيهرب للمدينه لكن لو لقيت غابه في الطريق اتخباه فيها وانقذ حياتك
ايمن ضحك بستفزاز: ادي حد تاني دروس يا حبيبي اسمع كويس للي هقوله لما الظابط صاحبك ميخلنيش غير ليله واحده في القسم انت هتعمل ايه فهمني
اسير: انت هتفهم دلوقت هرجع دكاني بالفايده وافتكر
ايمن ضحك بصوته كله: مستنيك ولو خسرت هاخد منك جميله
اسير: ولا لو بصيت ناحيه جميله هصفيلك عينك وبعدها اقتلك سمعت يا حيله لانها مراتي
ايمن ضحك: كل ده انفعال بس مش كويس ع الصحه اقفل دلوقت الوقت اتأخر
اسير قفل الخط وقرر يروح يطلع عينه ويعرفه بيتعامل مع مين!!!!
..............قصص منه محمد كاتب...............
اسير رجع البيت وعرف ان جميله مأكلتش راح حضرلها صنيه ودخلها لقاها بتقفل الموبيل
اسير قرب منها: خدي كلي
جميله لو مأكلتش مش هموت
اسير اتك ع شفته: لو مات حد في بيتي من الجوع مش هتحمل, بعد موت ابويا معرفتش قيمه الاكل ولا الفلوس لكن عرفت من المعامله والاسلوب انه لو مات الاب او الام حتي الاقارب بيبعدوا وعزه النفس بتقف ع لقمه واحده وبس
جميله قامت بنفعال: بتقولي كل ده عشان اطلع الكره الي ليك في قلبي ولا لان العبد يسمع كلام السيد قولي يا سيدي ازاي اقدر اخدمك تحب ادلكلك رجلك ولا احضرلك الاكل ولا اشغلك المروحه
اسير شاورلها :ولا اي حاجه تعمليهم من دول اعتبري بس البيت ده بيتك
جميله: لما بيستقر القلب بيقي مكان الواحد يا اسير الدين حياتي كانت صعبه في بيت ابويا لكن هنا بقت اصعب بس الي بيني وبينه علاقه دم فتحملت افعاله لكن هنا ازاي اتحمل بعلاقه ورقيه ليه اقعد هنا انا مستنيه ارجعلك فلوسك وارميهم في وشك وامشي من هنا
اسير :افتكري الي قولته مش هسيبك تمشي قبل كده
جميله بصتله بغل وكره وهو بصلها بكل حب وطلع من عندها مقهور
خيريه قربت عليه: الخساره قد ايه
اسير: حوالي خمس الاف او اكتر محسبتش كويس
خيريه: وطبعا هيفضل الدكان مقفول لحد ما تصلحه
اسير: واضح كده
خيريه سابته ودخلت اوضتها جابت ظرف: امسك
اسير: اي ده
خيريه: فلوس كنت شيلاهم وجبتهم من البنك عشان جوازك انت ورباب
اسير بتعجب: ليه بتديني وانتي غضبانه عليا ليه الكرم
خيريه: لان سواء الام راضيه ولا غضبانه لا يمكن تتجاهل مشاكل عيالها دكان ابوك عطيته لرباب ولو ده اتقفل ميزانيه البيت هتتاثر وانت اتحملت مصاعب كتير لحد ما وصلت لهنا ضحيت بكل حاجه الاول عشان اختك والنهارده عشان مراتك ومفكرتش في سعاده امك الارمله بس انا ازاي اتجاهل وجعك
اسير مسك ايدها وبرجاء :اماه طالما مهتمه بيا كده اقبلي جميله مراه ابنك ملهاش ام اهتمي بيها
خيريه شدت ايدها من ايده: مش هقدر اعمل ده لما بشوفها بحس بغيظ وقهر لان قلبي مقهور وطالما قلب الام مقهور
اسيرساب الظرف وقالها: هشتغل وهكسب فلوس وهعوض الخساره لكن لما امي تدعي عليا اخبط ع باب مين
خيريه: اسير
اسير سابها ودخل لقاه جميله بتاكل انبسط وهي لمت الاكل بحرج
اسير ابتسملها بمرح: جيت اخد حاجاتي لحسن امشي من هنا تقفلي الباب
جميله مردتش عليه وقامت تغسل ايدها وهو ابتسم انها اكلت ونغشها وهي طالعه
اسير: سمعتي كلامي بسرعه فكرتك هتقعدي جعانه ع طول
جميله: ده مش بيت ده سجن ولازم المساجين ياكلوا عشان نقدر نتنفس جوه السجن
اسير كشر: شاطره في جرح القلوب بس هتعملي ايه لو اتفرض عليكي تحطي مرهم
جميله لفت وبصتله: انت اذتني متتوقعش مني احط مرهم لان انا هجرحك كل مره
اسير: لو مش عايز لا يمكن تخرجيني من الاوضه
جميله: عارفه كويس الراجل ضعيف وعاجز لما ميطولش غرضه بالرضا فياخده بالغصب حتي لو ده حصل ما بينا لا يمكن تملك قلبي
اسير مسك دراعها بقسوه تواجهه :اسير الدين مش بيطلب اكتر من حقه ومتعودتش اخد حاجه من غير تعب لكن العلاقه دي مسأله قلب ناخدها بالحب مش بالتعب
جميله بتحدي:مش هيتحول املك ليقين
اسير بتحدي اكبر :خلينا نشوف مين هيفوز اول مره القي قصادي منافس قوي
جميله :بلاش تحلم لما احط فلوسك في ايدك يومها هخلص روحي منك ومن عبئ اسمك
اسير سحب بطانيه ومخده وطلع ينام ع الانتريه لحد ما النهار شقشق
خيريه خارجه شافته وهو حدف البطانيه والمخده
خيريه :اسير ايه ده انت مش نايم في اوضتك
اسير: لاء كنت بتكلم مع حمو لازم ارجع الدكان وكنت بحسب الخساير ونمت بعد كده وانا قاعد
رباب :اصل اسير بينام فوق السطوح حتي اول يوم جواز نام فوق
اسير بصلها وعوج وشه: وماله ده بيتي انام ما كان ما حب حد عنده اي اعتراض والليله مكنش حد اساسا في مكانه وفقدت عقلي وكان مزاجي نيله ونمت في اي مكان
خيريه لرباب :دي مساله تخصه هو ومراته يحلوها سوي متخلقيش كل يوم مشكله وصوتنا يطلع للناس
رباب بعصبيه: الخساره والمشاكل اظن مش بسببي ,دول سببهم مراه ابنك
اسير شخط فيهم: اماه لوجه الله فطريني والا هشك ان بعد ما اتجوزت بتتعاملوا معايا زي قسم البوليس
رباب: وليه تجبلك الفطار مراتك عندك تحضره قولها تحضرلك معاها
اسير: رباب حاضر هقول لمراتي بس اسكتي شويه
خيريه ضربت التربيزه: بس اسكتوا انا الي ابوس ايدكم انا لسه عايشه لسه ممتش قوم اغسل وشك وانتي ادخلي اوضتك
رباب قامت بنرفزه :انا ادخل اوضتي هو ده بيتك لوحدك كل حاجه ليها حدود
............قصص منه محمد كاتب...............
قدام الدكان
اسير بيعلق اليافطه : حمو تعال شوف كدا معدوله
حمو :كويسه
اسير نزل :ها البضاعه كامله
حمو :كله تمام بس النجار لسه ماخدش حسابه
اسير قرب للعمال: اخويا كام الحساب
العامل :300 ج
اسير: امسك وبص ع الدكان ونضفه
العامل: حاضر
اسير :حمو سيب العامل في الدكان رايحين مشوار
حمو :هنروح فين
اسير :مش لوحدنا هنروح نصفي الحساب وناخده من ايمن