رواية لعنة اختي والعقرب
الفصل التاسع9
بقلم منه محمد
جميله صلت فرضها ولبست فستان طويل وخارجه
خيريه: رايحه فين؟
جميله بهدوء: رايحه اقضي مصلحه
خيريه: يابت
جميله اخدت نفس: نعم
خيريه: اي مصلحه ده مش بيت ابوكي تطلعي وقت ما تحبي ,ده بيتي انا ساكته عشان تهديد اسير انه هيسيب البيت بس متخدهوش نقطه ضعفي وبعدين رايحه فين
جميله :رايحه للمكتبه وبعدين اتيليه ملابس انا بفصل ملابس وبصمم كمان
جيريه عقدت حواجبها: ايه
جميله ببساطه: كنت بساعد ابويا وادفع مصاريف كليتي بنفسي
خيريه فهمت: اه انتي بنت ناس فقيره عرفنا كدا من يوم جوازك لكن اسمعيني مش هتشتغلي دلوقت ،ومش هتساعدي ابوكي ،اقعدي في البيت وبطلي تمثيل
جميله بتحدي: اسفه لايمكن انفذ الي بتقوليه
خيريه: والله عال قوليها ع بلاطه انك رايحه تقابلي خطيبك طبعا لازم ترجعي العلاقه القديمه ،وانا فاهمه كويس انك بتتصلي بيه لحد دلوقت عشان كدا كسر دكان ابني ،وحاول يخسره
جميله بعصبيه: انتي ملكيش اي حق تهيني اخلاقي ومش محتاجه اذنك عشان اخرج ،عشان كدا من فضلك
خيريه :كدا لكن محتاجه مفتاح يفتح الباب
جميله طلعت تجري وراها :خالتي اسمعيني
خيريه نزلت جري ع السلم تقفل باب المدخل
جميله: ياخالتي اسمعي متقفليش انا لازم اخرج ده معاد مهم
خيريه حطت قفل ع الباب وبصتلها بحقد
جميله بنرفزه: انتي بتفرضي عليا قيود وعيزاني اعيش مسجونه
خيريه :بعرفك حدودك دخولك لحياه ابني وبيته مش معناه انك تعملي الي انتي عيزاه ان ام لكن لا ضعيفه ولا سهله
جميله برجاء وتوسل: ياخالتي افتحي الباب
................قصص منه محمد كاتب..................
اسير نزل هو وحمو وواحد صاحبه اتهجموا ع فيلا ايمن وضربه الحرس واسير جاب عصيان يضربهم وفتح الباب الرئيسي ع سعيد
سعيد قام بهجوم :انت ازاي تتجرء تدخل بيتي ده بيت محترم
اسير شده من هدومه وهبده في الحيطه
سعيد :احترم ع الاقل سني اتجننت
اسير: فين ابنك
سعيد :عمل ايه
اسير سابه وبقي يكسر كل حاجه بغضب وسعيد يصرخ في ايديهم واسير مسك الشاشه وهبدها ع الارض
اسير :فين ابنك انطق فين ابنك
سعيد: مش في البيت تعال كمان شويه احنا مفيش بينا عداوه
اسير :حمو شوف شغلك
حمو بنتقام وغل: هشوف شغلي
حمو مسك حديده وبقي يحطم كل حاجه تطولها ايده
سعيد بصراخ :حرام دي فلوس حلال
صاحب اسير مكتفه :اخرس
سعيد :سبني
حمو: كسر دكانا كده كسروا كده وكنت زيك بصرخ
سعيد :حرام ده شقايا عملت لك ايه انا زي ابوكم وقفوا
صاحب اسير قلت لك :اخرس
اسير بيكسر :فلوسك حلال وفلوسنا كانت حرام
سعيد :يابني
صاحب اسير مش بقولك :اسكت
اسير :قولي فين ابنك
سعيد :مش هنا
صاحب اسير :انطق
سعيد :مش في البيت كام مره هقولكم
اسير مسك مكتبه كبيره كسرها بكل الي فيها: دكاني اتكسر كدا
سعيد :عملت ايه هعملك الي انت عايزه بس كفايه
اسير :قولي ابنك فين
سعيد :معرفش
اسير :لحد ما تعرف احنا بنكسر
سعيد :عيب انا قد ابوكم احترموا شيبتي
اسير :فين ايمن اتصل بيه واطلبه يجي
سعيد: لو اعرف هو فين كنت هقولك
اسير: انت عارف هو فين
ايمن هنا دخل وسعيد صرخ :اجري يابني اهرب
حمو شد ايمن من دهره واسير مسكه من قفاه وسحبه ع اوضه ونزل فيه ضرب مبرح
...............قصص منه محمد كاتب..............
رباب لجميله بأمر: انتي يا بت قطعي الخضار وهقولك تطبخلنا ايه بتعرفي الاول تطبخي
جميله بتعالي وعزه نفس: انا مش خدامه عشان تأمريني
رباب ضحكت بستفزاز: بس مش ملكه
جميله بهدوء: شوفي انا مقدره حزنك ان خطوبتك اتفسخت بس وقفي غضب لحد هنا
رباب: ايه الكلام الفارغ ده ( مسكت معصم ايدها بقوه) قلتي ايه
جميله بألم : بتعملي ايه سيبي ايدي
رباب اتكت اكتر: هو ده الغضب, انتي سمعتي ان الصاحب صاحب , وصاحب العدو عدونا
جميله بغيظ: سبيني
رباب اسير ظلمني طول حياتي ودلوقت هؤذيه لما اؤذيكي
جميله اتكت ع اسنانها :قلت سيبي
رباب حدفت ايدها : قطعي الخضار
جميله رمت الشنطه ع التربيزه وفضلت تعيط من وجع ايدها ودخلت شدت ملايا السرير بهدلته وفتحت الدولاب ورمت كل هدوم اسير منه وفتحت شنطتها ورصت هدومها واخدت مكانه وراحت مسكت صورته من ع الكمدينو وحطتها في باسكت الزباله شويه اسير رجع بص لمنظر الاوضه ودخل قعد ع الكنبه وحمحم
اسير : لما ارجع البيت بحب اشرب كوبايه شاي ومعاها كوبايه مايه, او ع الاقل ارمي السلام لو مكنش ده اقله بصيلي
جميله قامت وطلعت بره وجابت تلفونها ومن غير ما تبصله سألته: قولي اسم الواي فاي
اسير ابتسم وقام: لازم اجي جنبك (بص في التلفون ) انتي اتصلتي بشبكه غلط دي خاصه بالجيران
جميله :ايوه فين بقي
اسير شاورلها: دي انا بطلك
جميله :كلمه السر
اسير بتمعن فيها: الحب الحقيقي
جميله بضيق: يارب صبرني الرقم
اسير قالها الرقم وبسؤال: ها اتصلتي
جميله همشته وراحت قعدت ع السرير تراسل صاحبه الاتيليه
اسير بص لهدومه وابتسم: حظي حلو النهارده هدومي مرميه بره الدولاب (لمها كلها واخدها يحطها في الدرفه لقاها محتله وراصه هومها وقف يتفرح وهو فرحان جدا
اسير لف وبصلها: عجبني اسلوب احساسك بالملكيه واعتبرتي اوضتي ليكي شكرا
جميله بحتقار: مش عايزه اتكلم مع جاهل زيك خليك في حدودك
اسير: انا في حدودي عشان كدا كل ليله بنام بره الاوضه, بس كويس بالحجه دي لمستي هدومي
جميله: انت بصيت كويس رميتها كلها ع الارض بكره كتير
اسير ابتسم اكتر: مش مهم بس لمستيها
جميله: احمد ربنا اني رمتها ع الارض ,والا كنت رمتهم في الزباله هي كمان
اسير رفع حاجب: هي كمان حطيتي ايه في جردل الزباله( يبيص لقاه صورته اخدها) بتكرهيني وبتكرهي صورتي كمان, طيب عملك ايه الغلبان الي في الصوره
جميله بنرفزه: بص بلاش تزعجني انا ع اخري, لما مش هتقدر اهلك يحترموني ليه جبتني هنا وعدتني تصلح كل حاجه , فين وعدك, قولي
اسير بستفسار: ايه الي حصل امي ولا اختي قالولك حاجه زعلتك
جميله سالت دموعها: انت رهنت انفاسي بـ 100 الف وامك ربطت رجلي مش عايزني في البيت ورفضت اني اخرج وحطت قفل ع الباب كدا هتخالي ليا مكان في بيتك فهمني
اسير كل دمعه بتنزل من عيونها بتألمه وبتنهيه
................قصص منه محمد كاتب.............
ع السفره خيريه بترص الغداء
اسير: عايز اتكلم معاكي
خيريه قعدت: عايز تتكلم عن مراتك مش كده
اسير سحب كرسي وقعد: ايوه
خيريه: الاول قبل ما تدخل اوضتك كنت بتيجي ترمي عليا السلام ,وتقعد وتاكل معايا, اما دلوقت بص لنفسك عامل زي وكيل النيابه
اسير بجديه: جاوبي ع سؤالي
رباب طلعت بتريقه: شوفي يما حالا اشتكت له , ده انا معملتش زيها في وجود ابويا
اسير بصلها بضيق: انا بتكلم مع امي
رباب: انت مش بتعرف تحترم حد يبقي مراتك هتحترم انا قولت لها قطعي الخضار اتريقت عليا عشان خطوبتي اتفركشت
خيريه : جاب واحده معرفش منين ،ومش بتحترم امه ازاي هتحترم اخته
اسير :ليه حطيتي قفل ع الباب
خيريه: ابوها مقدرش يحافظ ع سمعته, بس انا بخاف ع سمعتنا اهل الحته ميعرفوش انك اتجوزتها في الضلمه
اسير : كان ممكن تفهميها براحه
رباب: ثانيه كده محدش زعلان ع فركشه خطوبتي
اسير بصلها بغيظ: :رباب انا بتكلم مع امي , حطي اكلك في طبقك وكلي , اماه هي مراتي وبنت ناس لو اتجوزتها برغبتك كنتي هتهضملها الغلط وهي خلاص مراتي وده بيتها
رباب : ايه بيتها
اسير همشها وكمل : اماه لمره واحده حطيها في مكان بنتك وفكري
رباب بسخريه: هايل بيدي درس عن الحنيه ,شايفها بنت امك لكن انا مش اختك عمرك ما فهمت امك بنفس الطريقه عشاني
اسير لف وبصلها: من اول ما كبرت وانا بدعمك, بطلي تكوني جاحده
رباب عوجت بؤها بتريقه : انسي يا اسير
اسير: اماه عشان خاطري خلي قلبك كبير ورحيم , صفي قلبك لجميله شويه
خيريه بشخط: قوم مش عايزه اتكلم , طالما امك انسانه وحشه مش مهم
اسير كشر وبص لرباب بضيق وقام
.............قصص منه محمد كاتب...............
سعيد: ب تتوجع يابني
ايمن قاعد بالعافيه: مش قادر اتكلم
سعيد: طلع البت دي بقي من قلبك حصل دمار كتير وانت خسرت شايف عملو ايه في الفيلا لو جرالك حاجه انا هعمل ايه
ايمن: لاء يا بابا مش هسيب اسير حبيت اذل جميله واكسر عينها بس دلوقت هحاسب اسير ع كل حرج جميله كانت ليا وهتفضل ليا
سعيد :احنا تجار ملناش علاقه بالخناق هو انا هقلق عليك ولا ع شغلي قولي اعمل ايه
ايمن :انا الي هعمل بنفسي
سعيد هو انا دخلتك المدارس عشان تكون بلطجي ها
ايمن :هقولك بعدين اول حاجه لازم احاسب ذكي كنت عارف انه جشع وطماع بس لعب لعبه كبيره كدب عليا وخدعني اسير اتحمل خسارته بطريقه مش مفهموه لكن لو ذكي طالته الجروح دي هيقع تحت رجلينا ويعتذر بسهوله ويرجعلنا فلوسنا انا اقسم بالله ما هسيبه
سعيد :ارتاح هجبلك مسكن
ايمن :هنتقم منك يا اسير انت وذكي وجميله كمان كسرت بيتي ومسكت في رقبه ابويا هوريك
.............قصص منه محمد كاتب.................
اسر دخلها وبهدوء: قوليلي رايحه فين وانا هوصلك
جميله :مش محتاجه لا لدعمك ولا حتي اذنك, شيل القفل وده كفايه
اسير :شلت القفل ممكن تروحي زي ماتحبي ومحدش هيمنعك
جميله: متتوقعش مني الشكر
اسير حط ايده الاتنين في وسطه وابتسملها: ابتسمي لو لمره واحده هيوصلني الشكر منك
جميله: اتوقع ايه من تاجر المكسب والخساره هما بس الي بتفكر فيهم ,اتجوزتني للهدف ده بس انا مش كده
اسير ملامحه اتغيرت وقال :افهمي زي ما تفهمي مش هديكي مبرر كل يوم, قوليلي كنتي رايحه فين هوصلك
جميله :رايحه للمكتبه وبعدها اتليه للملابس لكن الوقت اتاخر مش رايحه
اسير :تمام اخدك تشمي شويه هواء , والا هتتهميني بانك بدئتي تتخنفي من قاعده البيت
جميله :مفكر انك اول ما تقولي تعالي معايا هاجي معاك
اسير بدعابه: تعالي ومتبصليش
جميله لفت وشها عنه: دي مشكله امثالك بتفهموا نفسكم غلط
اسير ملامحه قفلت بحزن:انا مش عجبك للدرجادي
جميله ربعت ايدها : ايه الي ممكن يعجني فيك
اسير سكت شويه وهو بيفكر
جميله بتحاول تهرب منه :اخرج عشان اغير هدومي
اسير بمرح:ادعي انك بدئت اعجبك
جميله :متحاولش تعاكسني كتير
اسير اتعصب شويه : لو عايز اعاكسك مكنتش اتجوزتك
.............قصص منه محمد كاتب............
في بيت ذكي الباب خبط بطريقه تقلق ذكي فتح وهو ذقه
ذكي بيشد فيه: انت رايح فين
ايمن مسك فيه: فين الفلوس الي عطهالك اسير
ذكي :معطنيش حاجه, صدقني اهل الحاره كتبوا كتابهم , ورفضوا يسمعوني
ايمن : هو انا عيل صغير قدامك, انا هقولك كل حاجه اصبر
ذكي بخوف :هتعمل ايه فكر في حرمه البيت
ايمن دخل اوضته يفتش فيها ويرمي كل حاجه
ذكي: اوضتي مفهاش حاجه هنا كلها فاضيه
ايمن اخد باله ان ذكي قعد ع مفرش السرير
ايمن بحده وغضب: قوم
ذكي برتباك :مفيش حاجه هنا
ايمن رفع المرتبه لقاه ظرف فتحه كله فلوس
ذكي مسك ايده برجاء: سيبهم انا محتاجلهم
ايمن :منين الفلوس دي بتكدب عليا, منين الفلوس اسير عطهالك
ذكي بخوف:اسير عطهالي ,ولو عرف اني عطتهالك مش هيسبني
ايمن: ما انت طلعت اهو شجاع اخدت منه الفلوس فين الباقي انطق عطاك 130 الف دول كام انطق كام
ذكي :عطاني سبعين الف بس عشرين منهم صرفتهم ع الدكان ودول الي فاضلين وانا محتاجهم
ايمن :ماشي روح لـ اسير وهات منه الستين الف , خدعتني خدعت ايمن سعيد, عمي اسمعني كويس حياتك في ايدي لحد ما اخد فلوسي, انا عيني عليك , ومراقبك طول الوقت ياذكي
ذكي تابعه لحد ما خرج وبعدين انفجر: زي ابوه نصاب ربنا يحاسبك
............قصص منه محمد كاتب...............
في منزل عائله اسير يوم جديد الباب خبط
رباب فتحت الباب وسألته: نعم انت مين
ذكي بثقه: انا والد جميله
رباب : بجد انت ابوها الي بعت بنته بيت جوزها بسرعه
ذكي :عيب انا اكبر منك في السن والتجربه كمان
رباب ضربت ايدها: ليه زعلت جات بنتك ليله امبارح وانت جيت النهارده وبعد بكره تيجي العيله كلها, احنا مش فتحنها ملجاء
ذكي مسك الباب: انا مش شحات ,جيت اخد باقي فلوسي من اسير
رباب بستفهام: اي فلوس , ليه اسير يديك فلوس
ذكي :كلامي معاه
رباب :الاول قولي ليه اسير يديك فلوس
ذكي :اتفق معايا ع 100 الف ويتجوز بنتي عطاني 70 الف فاضل 30 جيت اخدهم روحي نادي لي حد كبير
رباب قفلت في وشه الباب بغل
ذكي هبد عليه وزعق بصوت عالي: ليه تقفلي الباب جيت اخد فلوسي, وهاخد فلوسي مش همشي انا قاعدلكم ,وميهمنيش مين يسمع تمت البيعه وخلاص
رباب طلعت زي المجنون لجميله سحبتها من ايدها: تعالي معايا
جميله بتجري معاها: هصلي هتاخديني ع فين
رباب جرتها لحد المدخل: مفكرنها تكيه ,ولا احنا مجانين ,ضيعتوه احترامنا في الحته وهنتونا
جميله بتحاول تسحب منها ايدها: سبيني
رباب زقتها ع ابوها : جه ابوكي دلوقت فيه حدود لكل حاجه
ذكي ضمها: جميله
رباب :البيعه مش هتم ,خد بنتك وغوره من هنا
جميله خبطت ع الباب: رباب استني متعمليش كده خالتي
جميله لفت لقت ناس المنطقه واقفين يتفرجوا وهي واقفه بجلباب الصلاه
جميله همست لذكي: خلينا نمشي الناس بتتفرج علينا
ذكي بدموع وبصوت عالي: سبيهم يتفرجوا , مش همشي من هنا غير لما الباب يتفتح, قدام الناس جوزك اخدك بكل احترام , ومقدرش يخلي اهله يحترمه مراته ليوم واحد الاول دفع تمن بنتي ودلوقت اهانها مكنتش اعرف ان كل ده هيصحلك مالك بصالي كدا ليه
جميله ضمته بدموع: شايفه قلقك عاليا , فكرتك مش مهتم بيا قلت اتخلص من عبئ
ذكي بقلق مزيف: انا قلقت عليكي , وجيت اشوفك والا كنت اتجوزت من زمان مكنتش عشت لوحدي , انتي لما اتصلتي قلبي متحملش , وهما بيتعاملوا معاكي كده, بس مكنتش متخيل هتصل بأسير
جميله بتشد منه الموبيل: بلاش هنخلق مشكله
ذكي بعصبيه: متمنعنيش هعمل واجبي متمنعنيش (اتصل) انا واقف بره بيتك في الشارع...... اهلك طرده معايا مراتك ..........ماشي تعال انا قاعدلك هنا
................قصص منه محمد كاتب.................
ذكي فضل يهبد بقوه ع الباب
خيريه قامت من ع السرير: ياربي مش هيكست وانا ماصدقت نمت
رباب بتحذير: متفتحيش الباب
خيريه بنرفزه منها: ابعدي الناس اتلمت والجرس هيتحرق سبيني اشوفه
رباب: الناس كلها عرفت الي عمله اسير
خيريه : قصدك ايه هو اتجوز
رباب :بتشل من هدوئك , لو كنت فعلا بنتك وخطوبتها اتفركشت كنتي هتبقي مقهوره لحد دلوقتي
خيريه :مفيش داعي منين ما تشوفي خلقتي تحمليني الوم دايما , انتي الي نيتك مش صافيه حتي لو اتجوزتي كنتي هتعملي كل يوم خناقه مع جوزك , وترجعي البيت غضبانه وتخلي حياه اسير ومراته عذاب مش هتبقي مرتاحه ولا هتسبيهم يعيشوا مرتاحين
رباب : مش مهم الي حصل معايا لكن انتي هتتقهري لما تعرفي عمل ايه ابنك عارفه انه دفع 100 الف لـ ابو جميله عشان يتجوزها
خيريه بعصبيه: بطلي هبل
رباب :مش هبل دي حقيقه , انا متاكده الي زيها بيتجاروه في نفسهم , واهو دفع تمنها وجابها لحد البيت اتفضلي ياخيريه
................قصص منه محمد كاتب..............
اسير وصل لقاه الناس متجمعه بصلهم: يله ندخل
ذكي: بعد ما كرمتنا اتبعترت عايزنا ندخل لا هنتكلم هنا اهلك ضيعوا احترمنا الاول اهتنتي قدام الناس ودلوقت اختك طردتنا انا وبنتي في الشارع
اسير بحرج: انا اسف معرفش ان كل ده هيحصل والا مكنتش خرجت خلينا ندخل
ذكي لجميله: ادخلي انتي ياجميله معاه
جميله حركت دماغها برفض: لاء انا راجعه معاك
ذكي بشخط: قلت ادخلي
جميله :ادخل بعد كل ده
ذكي :ايوه بعد كل ده البنت تحافظ ع احترام ابوها العاجز امشي
جميله: مش هدخل من غيرك
ذكي باس دماغها :وغلاوه امك ادخلي معاه
اسير راح فتح الباب ووقف منتظرها تدخل
ذكي للناس: يله موركمش شغلانه تعملوها ,بتتفرجوا ع مسرحيه
جميله وهي داخله ضربت اسير بنظره كفيله تقضي عليه
اسير للناس: تحبوا ارقصلكم امشوا كل واحد يشوف حاله عمي تعال جوه
ذكي :كفايه الي حصل بره اعمل ايه جوه
اسير سحبه للمدخل :هو انا مش قولت لك متجيش البيت , وتطلب الفلوس ليه جيت اهلي ميعرفوش بالاتفاق
ذكي : كنت اعمل ايه مش بترد ع مكالماتي ودكانك مقفول
فوق كل ده ايمن حول حياتي عذاب , وجه البيت واخد الفلوس وبالعافيه وانا واقف مكاني هيحصل فيا ايه لا بضاعه في الدكان ولا فلوس في ايدي , قولي بعد كل ده بنتي متهانه في بيتك هات الستين الف باقي الاتفاق
اسير :انا اضمن لك احترام بنتك وده مش هيتكرر تاني
ذكي :انت ضامنت احترام جميله انا بقي مين هيضمن لي حياتي, لو كنت اعرف ان ايمن هيخرج بعد يوم واحد , مكنتش وافقت تتجوزها, انا كنت اه فقير لكن دلوقت الوضع بقي يخوف اكتر
اسير بنرفزه : امشي انت وانا هتعامل مع ايمن
ذكي :هات الستين الف
اسير: هو انا معايا ستين الف , عربيه ابويا عند صاحبي بيبعها , وانا اخدت منه الفلوس ولما يبعها تعال خد فلوسك
ذكي: ليه بتعلي صوتك عليا, اتغيرت لهجتك اخدت بنتي وسرقت فلوسي وخدعتني
اسير بتحذير صارم : كلمتي مبرجعش فيها لو ع رقبتي : طالب مهله بس
ذكي :يعني امشي
اسير: تحب اوصلك لبره
ذكي: وع ايه ماشي لوحدي
اسير دخلها بحده وصوت قوي : ليه طردتي جميله بره
رباب بتلف في الاوضه ومش بترد عليه
اسير: مش بتردي عليا ليه (مسك دراعها) ردي انا بكلمك ليه طردتيها انطقي
رباب: انا مطردتهاش سلمتها لـ ابوها , اتكلم معايا عن الصفقه وانا رجعت له بنته وخلصتك من الصفقه
اسير :هتطردي مراتي وعيالي بعد موتي من البيت احنا عملنا معاكي كده بعد موت ابويا
رباب بحقد :بعد ما جيت الدنيا انا اتحرمت من حب ابويا ياتري نسيت مستنتش موته وسرقت مني حياتي
اسير بملل: عندك تلاتين سنه لكن رباب ام 16 سنه لسه عايشه جواكي ولحد دلوقت بتتعاملي بالحقد الي جواكي لو متغيرتيش وشلتي السواد مش هتبقي مبسوطه ولا هتسيبي غيرك يعيش حياته مبسوط
خيريه دخلت :قولي جبت منين 100 الف انطق انا بسالك احنا صرفنا كل الي حيلتنا ع الدكان الجديد
اسير هرش في شعره برتباك: انا بعت عربيه ابويا
خريه لطمت خدودها :نهارك اسود الله يلعنك عيل , عملت ايه عشان البت دي ضيعت شقاه عمرنا _زقته حدفته ع السرير_ روح بيع كل حاجه في البيت وخلينا نقعد في الشارع في حياتي مشفتش كده بعت ذكري ابوك , انت مجنون بيها فاضل تحط الطين ع دماغك حطه
رباب: برافوا يا اسير كنت بتقول مش هتجوز قبل اختي , ودلوقت بقيت عبد لمراتك , فيها ايه زياده
خيريه ضربته ع دهره بغيظ: رد ع سؤالها يا وش الفقر
اسير قام قام من مكانه: بحبها وعشان الحب ده بعت عربيه ابويا , وسددت دين ابوها ودفعت مهرها اماه انا وقفت مكان ابويا من وانا عندي 17 سنه, اول مره ابص لنفسي ومش عجبك ده كمان
خيريه عيطت بقهر: الواد باع عشانها عربيه ابوه
.................قصص منه محمد كاتب....................
اسير دخل لجميلته لقاها قاعده تعيط قعد قدامها ع الارض
اسير: سامحيني ودي عمرها ماحصلت قبل اليوم اعتذر لحد لاني معتبرنفسي مش بغلط لكن اليوم حسيت ان اختي ظلمتك اسف
جميله القهره والدموع خنقتها : عبايه عزه النفس الي كنت لبساها لحد اليوم قلعتها كذا مره بعد ما جيت بيتك مكنتش اعرف ان الي مسكت ايده اطلب منه المساعده , اهل هيخرجوني من بيته , وللسبب ده مش عايزه افضل هنا
اسير: وانا بقولك الحقيقه حصل ظلم معاكي , حقك عليا انا سامحيني
جميله وقفت بنفعال: اسامحك اعتذارك هيمحي عيون الناس ودموع ابويا وراسه المحنيه وضعفي وايدينا الي احمرت من كتر الخبط ع الباب , ضعفي وقله حيلتي وفقري جابوني هنا لو كان معايا فلوس كتيره ارميهم في وشك انت والي زي ايمن واحرر روحي اتمناه
اسير بصلها بحزن :فيه حاجه تانيه, لو عندك كلام تاني يله قوليه عشان مندمش انك اتحملتي
جميله :عندي الي اقوله ايوه عندي كلام كتير حظي اسود لما دخلت حياتي القميص المبهرج والزراير المفتوحه والسلسله في الرقبه والخواتم في صوابعك والحظاظه في ايدك والاجرام والتهديد عارف مكنتش الشخص الي في خيالي ابدا ولو عندي فارس احلام مش هتبقي انت ابدا
اسير اخد كلامها الي زي السم وطلع من البيت ومرجعش
جميله قعدت في الضلمه زعلانه بعد كلامها له من نفسها
خيريه ولعت عليها النور : انتي يابت يا وش الخراب, بعد ما دخلتي حياه ابني حولتي بيتنا لضلمه ,دكانه اتكسر وباع عربيه ابوه , امتي هتسبينا وتحلي عننا , حاولتي حياتنا لجحيم قليتي راحتنا
جميله: لما ارد دين ابنك همشي من هنا
خيريه صقفتلها: هتردي الدين دول 100 الف بصي لـ ابوكي الفقير هو هيسد الدين بعد ما باع بنته حطها في كفه وتمنها في كفه, ابني بقي مهوس بحبك , باع عربيه ابوه بسببك ومعرفش راح فين والليل دخل وبقولك والله العظيم لو حصله حاجه بسببك مش هرحمك, البيت مبقاش بيت بعد ما اتجوزك
اسير هنا دخل حالته صعبه جدا
خيريه شافته جريت عليه بلهفه :كنت فين هتـ موت امك كل يوم بسبب البت دي, اخنقي بقي وريحني
اسير بصوت كله قهر: انا الي اتخنقت ,, كره اختي وغضبك, والي تسمعني كلام زي السم, زاد كتير لدرجه اني بتخنق لما بتنفس
خيريه بتعجب: ليه حصل ايه ليه بتخوف امك
اسير بقهر راح للكنبه:مفيش حاجه محتاج انام
الصبح صحي بدري غير لبسه وقرر يتغير عشانها لقاها خارجه من الحمام
اسير علق الهدوم تاني وقالها: لو الحب بالشكل ليه مجنون ليلي حب ليلي لو كنتي قلتيلي بحب غير شكلك اسير هيغير شكله من راسه لرجله ويضحي بحياته عشانك كمان لكن انتي قتلتيني بالسيف عارف اني مش دنجوان عشان ابقي فارس احلام بنت زيك شكرا انك قولتيلي والخواتم والحظاظه كل دول حاجات ابويا وبلبسهم من ريحته بعد موته بس انتي مش بتفهمي انا في نظرك تاجر رخيص الي يهمه المكسب والخساره وبس (مدلها علبه فيها فستان) فيه ستات في الحاره واقارب امي جاين وامي قالت لي استعدي بسرعه واطلعي
جميله بسخريه عليه: سبحان الله من شويه كنت بتقول كلام كبير ودلوقت عايز تحطني في رقبتك ميداليه وتفرجني للكل عايز تقولهم ان لوماخدتوش اي بنت باي طريقه تقدروه تشتروها بالفلوس
اسير :عارف انك مش مفرقه بيني وبين ايمن وبتكرهيني كره العمي بس اعملي معروف صغير متخليش امي تتقهر دي صاحبه ضغط وسكر مش هتستحمل صدمه كبيره انا طالع البسي
خيريه قابلتها في الطرقه: ايه ده انتي لسه ملبستيش
جميله :انا لابسه
خيريه :تعالي جوه
جميله :ليه
خيريه : قلت تعالي البسي الفستان الي جبتهولك وحطي شويه احمر واخضر ع وشك واطلعي قابليهم
جميله :لايمكن تجبريني
خيريه بنفعال:لازم تحترميني انتي عملتي كل حاجه (سحبتها) انجري قدامي
جميله :سيبي ايدي
خيريه سحبتها ورمتها في الاوضه:مفكره نفسك السفيره عزيزه عملتي كل الي نفسك فيه وخليتي حياتنا عذاب بجد اول مره اشوف مراه ابن في الدنيا متجيش بشورها وتطلب من اهل جوزها مهر كبير البسي بسرعه
جميله :خالتي انا بحترمك وكتير انا كدا وهطلعلهم كدا
خيريه: ده يحصل في عيلتك العروسه الجديده تطلع قدام الضيوف بعبايه قديمه ده ميحصلش عندنا احنا لينا عادات وتقاليد كفايه وروحي متبصليش كده
اسير دخل :حصل ايه ليه واقفه اطلعي لجيرانك العزاز واقاربك جم ومستنينك
خيريه بغيظ :بص لمراتك عايزه تطلع قدامهم بالهدوم القديمه وكانت بتتخانق معايا عشانها الي مبتهتمش لا بحترامك ولا باحترام اهلك
اسير ابتسم بعبط :انا الي قولت لها البسي العبايه الزيتي الي جابتها من بيتهم عشان نعرف الناس اننا مش بهتم بالجهاز والكلام الفارغ ده
خيريه ضربته ع دماغه: انت اتعبطت في نفوخك, اسمع مش هقدر اتحمل اهانتي باي تمن ابوها جه وعمل فضيحه في الحته واهانا وهي هتقلل احترمنا الي فاضل
جميله استنتها لحد ماخرجت وقالتله :انا بجد مندهشه معيار الاحترام في عيلتك بالهدوم الشيك والجهاز كنت مفكره ان اخلاق البيت وشخصيتي ليهم الاولويه
اسير مسك دراعها :انتي اتريقتي ع شكلي مش كده , لكن مبصتيش لشخصيتي كنت قاعده لوحدك مع ايمن ومبصتلكيش بصه وحشه من اول ما جيتي بيتي ,ومفرضتش حقي كزوج عليكي مش كده, لكن في نظرك امثالي بلطجيه
جميله :لو مسكت ايدي كدا تاني ,وقلت لي كلام مهين وبرقت لي بعنيك ,مفكر اني هقتنع باي حجه تقولها تبقي غلطان , طول عمري بسمع من ابويا كلام قاسي ويسم لدرجه كلامك مش هياثر مفيش ليك في قلبي مكان حتي لو صغير
اسير عندي امل او متأكد لحد ما تجمعي 100 الف هيكون بقالي مكان صغير في قلبك (بمكر) ومفيش مشكله العبايه البسيطه حجه انا عارف الحقيقه انك مبتعرفيش تلبسي ولا تحطي مكياج تمام اطلعي كده
جميله خطفت منه العلبه لاء بعرف البس واحط مكياج كمان
اسير ابتسم وهو خارج لانه وصل لهدفه
.................قصص منه محمد كاتب.................
في الصالون
جاره 1: خيريه انتي ست وحشه تجوزي ابنك ع السكت
جاره 2: سمعت ان اسير اخد البنت الي بيحبها
جاره3: اه عشان كدا فركش جوازه رباب الي بالبدل وهي من يوم طردت مراته في الشارع
خيريه بضيق منهم: طالما عارفه كل حاجه ليه جاين تتفرجوا
جاره1: اخص عليكي احنا جاين نبارك ونشوف مراه ابنك وناكل االحاجه الحلوه
خيريه: هي بتلبس وجايه
رباب طلعت وقعدت وخيريه كملت: عارفين حتي ام عادل ظلمتنا, كنت اعمل ايه اسير جاب البت الي عاوزها ويتيمه وانا حطت ايدي ع راسها وقبلتها
جاره1: عندك حق ده برضه ابنك الوحيد وده يدل ع قلبك يا ام اسير
خيريه: عندك حق الموضوع محتاج لقلب كبير وانتم عارفين قلبي الطيب رباب هاتي حاجه ساقعه قومي
جاره : وياريت لو شويه شاي
خيريه: قومي يارباب هاتي العصير واعملي الشاي
رباب في سرها: هو انا خدامه هي عروسه وانا اقوم اضايف
خيريه غمزتها: رباب قلت اعملي الشاي حلو, اكيد العروسه بتلبس وابقي ابعتي معاها الشاي يله
رباب قامت بغيظ وقررت تعكنن ع جميله اليوم والناس اخدت بالهم