رواية سما
الفصل الثالث 3
بقلم وسام الفراجي
جان يكول لابوية هاي البنوتة محجوزة ومن حصة خوالها ..
زوبع من سمع هيج ربع تربيع ورفع راسه ..
اني تجمدت معرفت احجي لان اول مرة احد يكولها هيج مباشرة كدامي ..
وثانيا زوبع موجود و يسمع! وهنا الكارثة ..
انتظرت زوبع يسولف شو انبلع لسانه ..
ابوي: بعدها صغيرة يادوب 13 سنة عمرها من تكبر عود الله كريم ترا هي ناعمة الي يشوفها يكول جاهل ..
خالي : ياصغيرة متشوفها متعيزبة وتطبخ وتنفخ ولتنسى مصطفى من جيلها بس هو جبير بالشكل
امي: كلشي قسمة ونصيب ابو مصطفى
عمي عنتر : نربي بيها ونكبرها علمود ولدنا وتالي يجون خوالها ياخذوها عالبارد ههههه
امي : ليش شبيهم خوالها هههه ابو زوبع اشو السهر والتعب كله ع جتفي هههه ولتنسى زوبع اكبر من بنتي ب 7 سنين يعني هواي
ابوية : يمعودين هسة تصير شيل وارجد البنية صغيرة ومانزوج هسة بعدها تمن متعرف تسوي هههه
ضحكوا كلهم وع اساس يشاقون بس واحد شايل حمل عالثاني احسهم ..
و زوبع ساكت ولا انطه اي تعبير رضا او انزعاج
واني انهزمت وطلعت واسمع خالي يصيح استحت استحت..
لحكتني امي جان تكلي روحي لبيت #ابو_ياسين كوليلهم نريد استكانات جاي شوي ونرجعهن لان عدنا ضيوف ..
كلت الها ليش مو نروح لبيت عمي عنتر ناخذ استكاناتهم
خوزرتني وكلتلي علميني شتصرف علميني
كتلج روحي ف روحي بدون كلام ..
رحتلهم ودكيت الباب ..
طلعلي ياسين ..
كتله بس امي دزتني ع استكانات جاي فد 5 او 6 اذا عدكم ..
كلي ماشي وفات ..
طلعت ام ياسين شايلة استكانات ونطتني اياهن وباستني وكلتلي اسلم ع امي ..
رجعت .. نطيتهن لأمي ..
طلعت بحديقة بيت عمي عنتر ..
كعدت ع كرسي ..
ومتجهة عالباب ..
ماحسيت الا واحد رفع الكرسي ليورة ع رجلين اثنين واستندت ع رجليه ..
باوعتله ولكيته مصطفى ..
- مصطفى راح توكعني
- الا تكوليلي تريديني اني لو زوبع!
- ياخي بدون شقة ثكيل نزلني لخاطر الله
- ما انزلج الا تكولي ..
ـ اهوو عاد ليش تحب تلح
ماحسيت الا صوت عمي عنتر يكله نزلها ماعدنا زلم تلاعب ببناتنه روح اكعد يم الزلم هذا مو مكانك ..
مصطفى نزلني وماحجه شي ومتفاجئ اول مرة عمي عنتر يسولف وياه هيج ..
اخذني عمي عنتر من ايدي وفوتني ببيتهم وكلي غير زوبع محد ياخذج حطيها ترجية بإذنج
انتِ لزوبع واذا طلعتي لغير واحد اني وانت نعرف شراح اسويلج وتذكرين كبل من عاندتيني شصار !
كتله عمي اني اريد زوبع بدون تهديد عوفني خليني اروح ..
كلي بيج عطر طيب حيل وتقرب عليه ..
جان نسمع صوت هديل بنت عمي هلال ..
ونزل ايده وابعد عني واني طلعت ركض لبرى البيت وكلبي يدك ومرتبكة ..
الله ياخذه ويخلصني منه ما اتزوج زوبع الا ببيت وحدي بعيد عنه حتلو غرفة بس ..
هديل صح مو جبيرة بس هي عظمها خشن ومبينة اكبر من عدنا بهواي ..
يعني ناضجة وحياتها مخلصتها تنمر وضحك ولعب وهي زلامية هههه يعني عبارة عن مسرحية ..
اجاني مصطفى الفطير كلي كدام هديل ..
سما اذا ما صرتي الي اخطفج وما اخليج تصيرين لهذا زوبع ..
هديل : ايباه تخطفها! دروح منا راسك تكول صرة مال عجايز
مصطفى باوعلها شافها لسانها متبري منها ما رد عليها ..
شفت هديل يمي عدال 4 زلم
كتله لمصطفى احجي عدل ..
ابوي وامي موجودين وفوت من الباب لتفوت من الشباج ..
ردتلي هديل راسه بي طشت لحم ميطب من الشباج لتخافين
ـ ههههه يهديل اسكتي لمي لسانج شوي ليش تخربين ام السالفة وتكلبيها تنمر ..
طلعت رنا شايلة الاستكانات ..
واخذتهن لبيت ابو ياسين ..
طبعا بيت ابو ياسين ناس حضر وبيت عبارة عن كيوت كلهم بس طيبين هواي هم ..
المهم راحت هديل ورحت فتت ببيتنا جوة وهوسة الزلم والنسوان وملتمين كلهم واني اعتزلت بمكان وحدي افكر يمكن راح يصير زعل بين خوالي وعمامي علمودي ولازم اقطع الشك باليقين و الاكي حل اخذ بيه زوبع النفسية الي ميتنازل عن كرامته ..
وبنفس الوقت اعرف مستحيل يزوجني ابوي بهيج عمر ولو احنه الدارج عدنا النسوان وهي صغار يتزوجن ..
يعني هواي من كرايبنا 13 و 14 و 15 تزوجن ..
ميخلوهن يظلن هواي ..
اي نصيب يجوهن ينطوهن!
مديت راسي عالمخدة ونمت هي النومة الا كعدت عالحر مطفية الكهرباء الساعة تقريبا 2 بالليل والدنيا ظلمة وعركانة وطلعت اتلمس بالحيطان لان ظلمة والكل برا نايمين حاطين جراجف ومتمددين بالثيلة برا جانوا الكل تنام برا بالحديقة مو مثل هسة يعني ..
جانت امي تمد جرجف بارد يصير ومطكع الوان كله الالوان بي ..
مالكيت مكان يم امي واخذت مخدتي اني عين مغمضة وعين مفتحة ولكيت مكان مال نفر ومدري منو نايم قريب عالمكان مغطي كله من راسه لرجليه بالجرجف و نايم ..
اني كبل حطيت مخدتي وتمددت ..
غفيت شوي محسيت الا ايد ع خصري وجاي يتقرب بيها ويتلمس وخرتها
بعدين لزك حضني من ورة ولزمت ايده افكها وارفع اصابعها وهو شادها ع بطني وصوت مكدر اسوي اي حركة يكعدون وتعالي شجابج هنا وانت رايحة ومن هالسوالف ..
وصرت احرك برجليه علمود يبعد عني ميتقرب اكثر جان يصير علينه ضوة جداحة ..
اثنينه ماسوينه اي حركة من اشتغل الضوة مالت الجداحة
شافنه ابو ضوة الجداحة حاضني من ورة واني ادفع بي ومن صار الضوة وخر ايده عني ورجع ..
طفه الضوة وهذا الي لازمني معرفته رجع تغطه بالكامل..
واني ظليت ع نفس النومة متحركت حتى ميفتح الضوة لان كلت ممكن ماعرفني من صار ضوة الجداحة ..
الي حيرني ابو الجداحة منو وليش ما سوة اي ردة فعل وببالي الف سؤال حيرني اكثر من الشخص الي تحرش بية لان اكيد عمي عنتر ..
وابد ما تبعد عن عمي عنتر لان هو دائما هيج يتصرف وياي ويباوعلي بشهوة حيوانية ..
بس اختاريت اسكت واظل ساكتة وعلى نفس نومتي ظليت متحركت واني متت بمكاني لا يصيح والكل يكعد ويشوفوني ..
كمت ورى شوي وافتر بين هالبشر النايمة حتى وصلت قريب ع امي بس ع ثيلة مباشرة والثيلة شوي مبللة بس كلت اهون من هناك ..
نمت من بعد تفكير جثير .. وكعدت قريب ال5 الصبح ولكيت الكهرباء عالكة والكل طاب جوة ينام ..
ظلت بنفسي اعرف منو هذا الي تحرش بية وحضني من ورة بحيث مكدرت لا اتحرك ولا اصيح لا يكعدون وانفضح شنو هالجرأة هاي ..
وظلت بنفسي اعرف ابو ضوة الجداحة شنو جاي يدور بباله وشاف كل هالشي وظل ساكت اكيد ناوي على شي ..
الصبح كعدنا وتريكنا وخالي كال لأهلنا العصر نروح نرجع لبيتنا ..
و اني صراحة ارتاحيت اريدهم بس يروحون ..
اجت امي عليه كالتلي سما والله اذا رفضتي خوالج تتندمين بيت وسيارة وفلوس وشبعانين فكري زين احسن من الفكر زوبع ..
واذا اختاريتي زوبع لا اني امج ولا اعرفج ..
وهسة كبل تروحين ماريد اصنع اي رد منج لبيت ابو ياسين عالمحل تشترين منهم كيلو شكر وتجين اريدج طلقة ..
امي تحجي كل عقلها اول مرة تحجي وياي بصورة جدية يعني وهي اصلا معتبرتني طفلة شلون انكلبت هسة وصارت تحاجيني وتقنعني معقولة لان خايفة من عمامي ياخذوني ..
المهم رايحة للمحل واكول اهوو هسة امي سوتلها زعلة ويا بيت عمي عنتر وصارت ماتدز الا عالمحل وراح اخلصها روحي يا سما وتعالي يا سما ..
لكيت ياسين بالمحل ..
ـ شلونك ياسين امي دزتني ع كيلو شكر عدكم
ـ هلا بيج اي موجود هذا كدامج بالرف اخذي
ـ سجله بالدين
ـ تمام انتِ
صاحني عمي عنتر كلي تعالي اصعدي شوفي التانكي شكد بي مي لان زوبع مو هنا وماعندي احد خفيف وصغير غيرج ..
صعدت ع درج من خشب مسوينه يدوي يعني ..
و هو ظل جوة الدرج كتله عمي وخر شوي خلي اصعد كلي اصعدي ..
اني اصعد وهو يتقرب ع درج اكثر ورافع راسه ويباوع ..
لزمت دشداشتي وحطيتها بين رجليه ونزلت كتله مكدر اخاف ..
كلي متكدري ممم يلا يجي زوبع ويشوفها ..
نزلت وعفته عالسريع
وصرت الوم بنفسي ليش اني هيج فاهية و ثولة ودائما ما اعرف جاي يستغلني الا بعدما اوكع بالشغلة يلا افتهم متأخرة...
عمي عنتر عزم خوالي عالغدة وكال لرنا و اليه عمتجن تريدجن عاونوها بالغدة خاف تحتاج شي ..
رحت اني ورنا ودزت عمتي ع زوبع يروح يجيب فخاذ من المحل ..
و طب زوبع كأنما ماشايفتي وسلم سلام عام وطلع يشتري ..
نطتني عمتي جدر جبير كالت نظفي زين وقبل ما اشتغل لفيت الشال ع راسي شديته شد ورفعت ثوبي علمود المي ما يتنكع ..
ولزمته جلف جلف وصحت عمتي كلت الها عمة هيج عندج شي انوب اشتغلج اياه
لمحت عمي عنتر من باب المطبخ من برا يباوعلي ويبصبص عليه ..
اني كبل نزلت شالي وشمرته ع راسي ونزلت ثوبي ..
باوعت لرنا تخوزرني بعيونها ..
واشرتلي يعني تعالي هنا يمي ..
كرصتني من ايدي وكلتلي تستري والبسي عدل
طب بهاللحظة زوبع شايل علاليك جان عمتي تكلي اخذي من زوبع العلاليك وتعالي ..
اجيت وصرت اخذ من ايده العلاليك وحدة منهن سحبتها واصبعه بعده مجلب بالعلاكة وكلي ع كيفج ورفع عينه حطها بعيني ..
لحظة صمت ..
لزمت اصبعه ودفعته واخذت العلاكة ..
كلبي صار طبل ..
بس هو حسيته يريد يتجاهلني او شعور غريب لان كل مرة هو يتحجج حتى يصير هيج موقف ..
ردت اتواجه وياه وحدنا حتى اكله شبيك ليش متغير لان بصراحة الحب احسه مو مال كبرياء خصوصا ويا هيج شخصيات زلم شوي عنيدة وعدهم كبرياء قوي ..
ظليت ويا عمتي كاتلني الحر والمطبخ يفور ويغلي و ماعت روحي جوة وعمتي بس تتطلب ..
حدما واجهته برا وطلعتله كتله اوكف خل اسمعك كلمتين ..
انتَ الي تريد ماتريد سوالف كبرياء ماتفيدني من تروح تزوج غيري وانتظرك 20 سنة انوب بس حتى اخذك وما انتظرك تكول اي او لا والله ابليك بلوة اذا صرت لغيري وغصب عنك وعنك شاربك تاخذني اني بنت عمك ومجبور بية ..
هو ماحجه شي خلاني اكمل كلي المكتوب عالجبين تشوفه العين .. وراح ..
بصراحة صدمني بكلامه وتصرفه ..
ليش هالتغيير السريع والمفاجئ رغم ما بدر مني شي ..
اني هنا حسيت اكو شي مو صحيحة لازم اعرفه ..
صبينه الغدة تغدوا كملوا ..
شربوا جاي
وكاموا يروحون .. كمنا كلنا وياهم ونودع بيهم جان يكوللهم زوبع يلا فترة وتجون لعرسي متتأخرون ..
هنا فرفح كلبي وصرت اضرب خيالات وطلعت لعالم ثاني فقدت ..
سلمنا وراحوا ورجعنا لبيتنا وعمي عنتر كال اخذوا راحتكم رايح لبيتنا اني ..
وصرت اريد زوبع يباوعلي ..
صد عليه حركتله بيدي يعني ظل ..
طبوا اهلي جوة كتله ماتدري شكد فرحت بسالفتك مال العرس ايمت قررت شو ماكلتلي اني كلش سعيدة ..
كلي اي الله يديم عليج السعادة
لعد هديل بنت عمي هلال شلون فرحتها وهي العاروسة