عبدالرحمن. ….
شوفتك فى الحلم وانتى بتتفقي مع حد ع أنك تخلصي من جيلان واحمد معقوله يا أنجي ممكن تعملي كدا انتى يا أنجي
أنجي. …
لآ مش أنا والله اللي 😲 سكت
قالي سكتي ليه قصدك ان لمياء اللى طلبت منك كدا قولت له أنت فاهم غلط خالص أنا مالى بالموضوع أصلا ولو أنا عاوزة أخلص من جيلان كنت طلبت منهم يشوفوا دكتور لها ويعلق لها محاليل لأنها رافضه. تاكل ما كنت سيبتها تمو'ت
لقيته قالي طب ممكن تفهميني كلمتك يقتل' القتيل' ويمشي فى جنازته. فهمت ساعتها ان عبدالرحمن سمع كلامى مع ماما وان مافيش حلم ولا حاجه وأنه بيوقعني. فى الكلام
قولت له الحكايه مش زى ما انت فاهمها خالص كل
الموضوع ان من أول يوم لمياء عرفت ان مروان متجوز وعنده ولد وهى مش طيقا'هم وده أمر طبيعي لكن امي قالت ل لمياء تمثل أنها بتحبه وتلعب معاه علشان الجوازة تكمل بالحب مش بالغصب. ويبقي الكل شايف ان برغم اللى عمله مروان الا أنها بتعامل ابنه كويس وبتحبه وساعتها هتخلي خالى ومرات خالي يحبوها أكتر ويفكروا ان مروان ممكن يطلق جيلان لكن كله كان تمثيل وهى كانت بتكر'هه وتتمنى أنه يمو'ت وبسبب طريقه جيلان معاك امى مبقتش بردو طيقا'ها ولا طا'يقه أحمد
واظن انت شوفت بنفسك أنهم مثلوا أنهم زعلانين عليه بس دى كل الحكايه واحمد لما تعب ومات. كان فى القاهرة ومع امه يعني محدش قرب منه ولا عمله حاجه أصلا
عبدالرحمن. …
كلام جيلان مقنع وفعلا لمياء مكنتش طيقا'هم وفعلا بعد كدا بدأت تلعب مع الولد قدامنا ورغم أننا نبهنا أنها مجبش سيرة الحمل الا أنها تعمدت تقول يعني كل كلمه قالتها جيلان صح لكن أنا حاسس أنها مخبيه حاجه عليا بس عديت الموضوع وصالحتها قولتلها حقك عليا مكنش ينفع اشك. فيكي وفعلا انتى مالكيش مصلحه فى كل ده
جيلان ….
صحيت الصبح وجهزت نفسي وهدومى أصلا كانت فى شقه القاهرة ونزلت لقيت كلهم تحت بيفطروا وعمي عثمان ادانى شنطه قالي دول 50 ألف جنيه ادفعي ايجار شهر لشقتك وبعد كدا روحى مع الرجاله ع العيادة شوفي هى هتحتاج ايه وكلمي مهندس ديكور يوضبها بس طلبي انك متروحيش فى اى حته الا وتاخدى حد من الرجاله معاكي ع الأقل يخلوا بالهم منك ويشيلوا حاجه يعملوا حاجه حد يضايقك أهو يكونوا موجودين معاكي لحد لما يبقي مروان يجيلك وشوفي اى طلبات عوزاها بلغي الرجاله وأنا ابعتلك الفلوس
قولت له شكرا يا عمي وسلمت ع الكل وخرجت ولقيت مروان واقف عند العربيه بره بيقولى أنا لولا ان لمياء حامل مكنتش سيبتك وجيت معاكي
اضيقت. من جوايا اول ما عرفت بس مبينتش قولت له مبروك وانا بعد ما أخلص توضيب العيادة هتصل عليك علشان تتفق ع الأجهزة اللى تحتاجها قالي تمام
لمياء….
كنت واقفه فى البلكونه وشايفه مروان واقف بره عند العربيه ولقيت جيلان أول ما خرجت وقفت معاه شويه وبعدين مشيت
أوف أخيرا نفسي ارتاح منها خالص بس هصبر بعد ما اولد ساعتها مالوش حجه فى الطلاق لكن لو رفض والله ل اخليها تحصل أبنها خرجت من الاوضه وكأنى دايخه أول ما شافتني سناء قولت لها نفسي فى فطير حاسه إنى شامه ريحة فطير من الصبح لقيتها قالت ليا إنتى ابتديتي بدري أوى ده لسه شويه ع ميعاد الوحم قولت لها يعنى بلاش أكل اللى أنا عوزاه نزلت تحت لقيت امى ومرات عمى واقفين يتكلموا فى المطبخ دخلت قولت يا ماما انارشامنصور شامه ريحة فطير ونفسي فيه ريحته حلوة أوى لقيت مرات عمي قالتلي بس كدا ده أنا اعملك بنفسي حالا
وبقت هى وامى عاملين يعملوا وباعتت البت بهيه تجيب جبنه قديمه وعسل أسود وعسل أبيض وقشطه وسناء عملت ليا عصير ليمون علشان دايخه وفضلت قاعدة شايفه الكل شغال علشاني
قولت فى بالي علشان تحرموا تهتموا بحد غيري
جيلان….
سافرت وأول ما شوفت البواب دفعت له عشر الألف إيجار الشهر الجديد وطلعت الشقه أول ما دخلت حسيت إنى سامعه صوت أحمد جريت ادور عليه وشوفت هدومه وحاجته وحاسه إنى سامعه صوته ولقيت الاشعه بتاعته طلعتها من الغلاف بتاعها بصيت فيها تانى لاحظت حاجه غريبه
الاشعه الأولي كان الورم حجمه زى زيتونه صغيرة والاشعه اللي اتعملت بعدها بأسبوع الورم حجمه كأنه برتقاله
ازاى الكلام ده مافيش اى سبب طبي يخلي حاجه زى دى تحصل ممكن يكون شرب حاجه او لا لا شرب ايه بس هو أول ما وصل المستشفي كان عايش ع المحاليل
وسمعت الرجاله اللى تبع عم عثمان بيقولولى تحبي تشوفي الشقه ولا نطلع إحنا ع هناك قولت لهم جايه معاكم ولقيتها شقه كبيره يعتبر دور كامل ولها بابين قولت اعمل المعمل هنا ويبقي المدخل بتاعه عند الباب التاني وللحظ سألت البواب ع مهندس ديكور قالي ان فى شركه ديكورات فى نفس العمارة وطلعني لهم وعرفتهم المطلوب ومشيت وسيبت الرجاله فى الشقه هناك واخدت ارقامهم علشان لو احتاجت حاجه وأول ما روحت ابتديت اشغل نفسي فى قراءة كتب علم الحشرات وخصوصا العناكب.
عمتي إحسان. …
دخلت البيت لقيته فاضي بصيت فى المطبخ لقيت لمياء قاعدة والكل بيشتغل حواليها وقدامها ترابيزة عليها اطباق كتير قولت لها قاعدة الكرسي مش حلوة لكي لازم ترتاحي ع السرير او كنبه إنتي لسه فى الأول
قالت ليا أصل نفسي فى الفطير واشم ريحته وهو بيتعمل بصيت لها لقيتها بصتلي وضحكت فهمت ان هى اللى عامله الحركه دى فيهم قولت لها قومى يا عين عمتك اسندك ترتاحي ع الكنبه بره وأول ما خرجنا من المطبخ قولت لها ايه اللى بتعمليه ده لقيتها قالت
علشان المفروض الكل يهتم بيا أنا وبس لكن هما اهتموا بها وكانوا زعلانين عليها حتى أمي
قولت لها انتي ماشيه فى سكه آخرتها وحشه. أوى إنتى خلاص اتجوزتى ونفذتي. اللى انتى عوزاه يبقي تعيشي وتخلي بالك من جوزك وتسيبك من الانتقا'م
عمر ما الانتقا'م ما يخليكي تعيشي مرتاحه لقيتها قالتلي
لمياء….
قولت لها بصي يا عمتى أنا عارفه إنك بتحبيني لكن متنكر'يش انك كنتي عاوزة تنتقمي. من عمي عثمان علشان سا'رق فلوسك أوعي تفتكري إنى مش عارفه حاجه
لقيتها قالت ليا
أنا منتقمتش' من أخويا ولا اتسببت فى أذى حد أنا كل اللى عوزاه ارجع حقي وانتى شوفتي بنفسك ان الأذى سهل جدا لكن أنا أول ما عبدالرحمن أتجوز بنتي اطمنت أنه هيرجع لها حقها وحتى سناء معملتش لها حاجه كل اللى طلبته أنها متعملش حاجه ل بنتي وتسيبها تعيش مرتاحه
فكري يا لمياء كويس عمر ما الانتقا'م ما يخليكي مرتاحه ارجعي لمياء بتاعه زمان وفكري فى ابنك اللى جاي
قامت وسابتني ولقيت مروان داخل من بره وقعد جنبي وبيقولى وحشتيني فضلت ساكته كلام عمتى خلاني تايهه مش عارفه أنا ايه ولا بقيت كدا ازاى قولت له أبعد عني أنا مش طيقا'ك امشي من قدامى ومن جوايا عاوزة اقوله انت السبب فى كل ده انت اللى خلتني كدا
سعديه ام مروان….
خرجت لقيت لمياء بتز'عق ل مروان تقوله مش طيقا'ك امشي من قدامى روحت لهم قولت له أنت عملت لها ايه قالي والله ما عملت حاجه ده انا بقولها وحشتيني لقيتها بتز'عقلي
قولت له معلشي يابني الحمل هو السبب سيبها ترتاح واطلع انت فوق
وقعدت جنبها وقولتلها الفطير بقي جاهز يا ست البنات يلا علشان تاكلي وأى حاجه نفسك فيها اطلبيها ده أنا نفسي أشوف عيالك انهاردة قبل بكره
أنجي. …
كان لازم أعرف لمياء ان عبدالرحمن شا'كك فى موضوع أحمد روحت لهم ولقيت الكل حوالين لمياء بيحايلوها تأكل غمزت لها علشان تبعد عنهم واكلمها لقيتهم قالولى تعالى كلي فضلت قاعدة وقولت لهم روحوا انتوا وأنا معاها هأكلها
ولسه بقرب منها واحكيلها لقيت عبدالرحمن وقف قدامى وبيقولى😲
الفصل السادس والعشرون
عبدالرحمن. …
رجعت من الشغل لقيت لمياء بتاكل وانجي بتبص حواليها وبتقرب منها كأنها عاوزة تقولها حاجه سر روحت لهم وأول ما شافتني اتخضت' قولت لها ما تقولى اللى انتي عوزاه ولا اللى يتقال مينفعشي حد يسمعه لقيتها قالت
أيوة مينفعشي حد يسمعه لأنه كلام حريمي واتكسفت اسأل حد فيه لكن لمياء صاحبتي ومش هتكسف منها
لمياء….
حسيت من كلام عبدالرحمن وانجي ان في حاجه معقوله يكون وجوده فى بيت عمتى خلاه يعرف حاجه
قولت له فى إيه يا عبدالرحمن أنجي فعلا بتسألني عن الحمل واعراضه إيه وهى شيفاني تعبانه وطبيعي تسألني أنا أكيد مش هتسال حد تاني هتكسف لقيته قالي
أنا أسف الفترة دى بقي يتهيقلي حاجات
أنجي. ..
غصب. عني دموعى نزلت طول ما الشك. ما دخل قلب عبدالرحمن أنا عمري ما اعيش مرتاحه
لقيته أول ما شاف دموعى أعتذر وحضني وقالي انسي اى حاجه قولتها أنا يمكن اكون ضغط. الشغل مخلي أعصابي تعبانه شويه وفضل يهرج معانا وجت سناء واتجمعنا كلنا علشان نتغدي بس من جوايا بقيت خا'يفه
جيلان….
عدت الشهور والشقه استلمتها من مهندس الديكور تحفه وبصراحه عم عثمان كان بيبعت اى فلوس اطلبها وعملت المعمل وجبت كل الأدوات اللازمه بتاعتي واتصلت ع مروان علشان يطلب الأجهزة بتاعته وصورت له العيادة فيديو وعجبه المكتب والريسبشن لكن سيبت له حجرة الكشف فاضيه قولت له شوف بقي ايه اللى هتحتاجه فيها
مروان….
جيلان باعتت ليا فيديو بشكل وتفاصيل العيادة بجد تحفه أنا مش متخيل ان دى عيادتى ووريتها للكل وعجبتهم أوى والمفروض كنت اسافر علشان اجيب الأدوات اللى تلزمنى بس لقيت لمياء قالت ليا أنا فضلي أسبوعين واولد عاوز تسافر وتسيبني مش فارق معاك أبنك يتولد بعيد عنك ده بدل ما تستعد وتحضر معايا الولاده وتصور أبنك وهو لسه مولود للدرجه دى وحشتك جيلان
قولت لها يا قلبي أنا ماليش غيرك ومش هتسافر إلا بعد الولادة والسبوع كمان
جيلان ….
مروان أتصل بيا وعرفني أنه مش هيقدر يجي بسبب ولادة لمياء وقدامه شهر ولا شهرين قولت له براحتك
جبت بنت تشتغل سكرتيرة للمعمل وعملت دعايه فى العمارة وع النت وأسعار التحاليل وابتديت شغل
وابتدى يجيلي طلبات من النت وشغلت ناس عندى ممكن ياخدوا العينات من البيت للناس اللى حالتهم صعبه.
والحمد لله فى أقل من شهرين اتعرفت لدرجه أنى خليت المعمل ع فترتين صباحي ومسائي بدل ما كان فترة واحدة وكبرت دماغي من مروان مافيش الا الشغل اللى هيهون عليا حزنى ع ابني وحيدي
وخصوصا بعد ما لمياء ولدت وجابت ولد وأكيد دلوقتي الكل فرحان ونسيوا خلاص أحمد ابني😓
وكنت مشتركه فى جروبات كتير فى الفيس بوك صحيح من كتر الشغل مكنتش بفتح كتير بس يوميا كنت بفتح الصفحه اللى عليها دعايه للمعمل أشوفها قبل ما أنام
وفى يوم بفتح وبقلب فى الفيس انصد'مت لقيت صورة أحمد ابني ومكتوب عليها مرض وموت' سريع احمد بن جيلان
ومكتوب فى المنشور يا جماعه الخير وأحنا بنضف المقابر لقينا كيس مدفو'ن ولقينا فيه صورة الطفل ده اللى يعرف أهله يلحق يبلغهم يمكن نقدر ننقذ. الولد
أنا مش مصدقه سحر وابني يعني ابني مات. مقتو'ل ومين اللى ممكن يعمل كدا كبرت الصورة لقيتها الصورة اللى اتصورتها فى اوضه لمياء لما روحتلها أول مرة وعمتها طلبت من أنجي بنتها تصورنا
يعني ايه هما كانوا بيعيطوا. ع ابني وبيواسونى وهما نفسهم اللى مخططين. لقتلو'ا لا أنا لازم اتاكد بنفسي وأعرف مين اللى عمل كدا والله ما هرحم. كبير ولا صغير بس اتأكد الأول باعت رساله لصاحبة المنشور اعرف منها الصورة دى كانت فى اى منطقه ولقيت معمول مشاركات كتير فضلت ابعت للكل لحد ما واحدة ردت عليا وفهمتها إنى صديقه ام الطفل ولقيتها قالت اسم منطقه تبع المحافظه اللى فيها أهل مروان اتصلت ع الرجاله اللى تبع عم عثمان وقولت لهم ع اسم المنطقه دى فين قالولى دى جنب بلادهم مسافه نص ساعه بالعربيه قولت لهم تمام وطبعا معرفتهمش سبب سؤالي وأول ما قفلت معاهم عملت اكونت فيك بإسم مستعار ودخلت ع جروبات المحافظه ونزلت منشورات فى كل جروب بأنى معمول ل بنتي سحر وهى فى المستشفي دلوقتي ومحتاجه حد يفكه قبل ما تمو'ت منى ساعدونى يا ولاد الحلال أنا ام بنتها بتضيع' منها وفضلت منتظرة لقيت كومنتات لناس تدعيلي ولقيت ناس تقولى ازاى تكونى من المنطقه ومتعرفيش الشيخ درويش ولقيت ناس دخلولى ع الخاص وقالولى عليكي وع الشيخ درويش هو بياخد كتير بس سره باتع وعنده خدام من الجن بيعملوا له كل حاجه
خدت منهم العنوان بالتفصيل واخدت اسكرين بصورة ابني وهى مكتوب عليها كلام السحر
واتصلت ع مروان وقولت له أنا لقيت شركه أجهزة طبيه بابا بيتعامل معاها واتفقت يبعتوا لنا الحاجه ع مصر وهما موافقين. ابعتلي أسماء الأجهزة والأدوات علشان اطلبها وابعتلي توكيل علشان الحاجه لازم تطلب بأسم الطبيب او الوكيل عنه وكمان هتتبعت ع العيادة بتاعتك
قالي تمام هعمل توكيل بكره وابعته لكي فاكس او مع الغفير وباعتلي أسماء الأجهزة اللى محتاجها
فضلت فى معملي صبح وليل أفكر فى الخطوة الجايه هما خسروني ابني وأنا لازم أضيع. هم
وانتظرت يومين وأنا ع نا'ر لحد ما مروان باعتلي التوكيل
اخدت معايا فلوس وبعض الحقن اللى فيها مواد أنا مستخرجاها من الحشرات.
وطلبت عربيه وسافرت وروحت ع العنوان الشيخ درويش ودريت وشي بطرحه شفافه سودة وأول ما دخلت ودفعت فلوس المقابله وانتظرت ولما جه دورى ولقيت الشيخ درويش قاعد ويقولى اتفضلي يا بنتي شكلك حزين اوى اطمني هتخرجي من عندى مبسوطه وكل طلباتك هتتحقق بس كله بحسابه قولت له وأنا تحت أمرك مش هنختلف وقومت وقفت وقربت منه أوى وفتحت شنطتي وقولت له ساعدنى يا مولانا فضل مركز معايا طلعت الحقنه ودخلتها فى رقبته. فى أقل من ثانيه وسبتها
الشيخ درويش….
كنت قاعد لقيت واحدة داخله عليا لبسه فستان اسود ضيق وشعرها أصفر وحاطه طرحه شفافه ع وشها وريحة البرفان مفحفحه أنا أول مرة أشوف واحدة كدا دى أكيد مش من الصعيد وسمعت صوتها كأنه زى العصافير وفجأة لقيت الجمال ده كله بتقرب مني بقي بيني وبينها مسافه صباع الايد ومرة واحدة لقيت حاجه شكتني فى رقبتي ولقيتها قالت اثبت لو عاوز تعيش ده "ثيوبنتال الصوديوم" مصل الحقيقه لو حاولت تقاوم وتكدب هتتعب والمصل هيأثر ع العصب. وبعده المخ وممكن تدخل فى جلطه ومحدش هيلحقك ولا حتى عفاريتك
لكن لو جاوبتني هتعيش وهديك فلوس كتير وطلعت فلوس من الشنطه قدامى
قولت لها أنتي مين وعاوزة مني ايه أنا هنفذلك كل طلباتك بس أعيش أمري وأنا أنفذ
جيلان ….
فضلت منتظرة عشر دقايق علشان اتأكد ان المصل أشتغل وابتدي يتألم قدامى روحت قولتله فى سحر معمول بالمو'ت المطلوب منك تقولى مين اللى عملوا
قالي بسيطه وريني السحر لو معاكي طلعت الموبيل وفتحت صورة ابني أول ما شافها برق عينه وقالي انتى مين أنا معرفشي حاجه مش هقدر أساعدك
شيلت الطرحه من ع وشي وقولت له أنارشامنصورامه اللى أنت حكمت عليها تعيش محرومه من أبنها علشان شويه فلوس اخدتها
ومتخافش أنا كل اللى عاوزة اعرفه مين اللى له مصلحه أنه يمو'ت ابني وأنا عند وعدى هبسطك ع الآخر بس تحكيلي كل حاجه وبالتفصيل
الشيخ درويش….
حاسس بألم فظيع' بقي فى جسمي كله ومش قادر أركز وقولت لها شيلي الحقنه دى وأنا هحكيلك كل حاجه ومن غير فلوس لقيتها قالت ….