رواية رهان الحب
الفصل التاسع9
بقلم جمانه السعيدي
انوار...بعد ماكملت الحفله صعدت بدلت ملابسي ونزلت
بدينا نحضر بلعشى
بيت عمي كلهم واسعد وزوجته اجو من النجف علمود المهر
تعشينا ونضفت المطبخ
زوجت عمي....عوفي المواعين تعاي اكعدي يم هاشم
انوار...بس خل اخلص
زوجت عمي....اني اكمل بمكانج
غسلت اديه ورحت كعدت يمهم الولد كاعد يسولفون
بس دخلت بدو اخواني ينسحبون واحد واحد
وعمي طلع راح يم زوجته بلمطبخ
بقينا بس اني وهاشم
هاشم....اليوم ماكو واحد اسعد مني
انوار...ماعرفت ارد علي لان محرجه كلش
هاشم...اربد رقم تليفونج حتى اتواصل وياج من اجهز
غرفتنا
انوار...اي اني انطيك رقمي
هاشم..تحبين تجين للنجف نشتري غرفة النوم على ذوقج
انوار....لا مايحتاج انت اشتري
هاشم...ليش احسج مو فرحانه انتي مغصوبه على هذا الزواج
انوار...لا اكيد لا
هاشم...زين اكو شي اريد افهم
انوار...ماكو شي بس بعدني مامتعوده عليك
جمانه السعيدي
راسا كام واجا كعد بصفي
هاشم...اذا اكو شي اني مستعد اسمعج
انوار....لا بس تعرف مقبلين على امتحانات وهاي سنه اخيره
هاشم...تمام اني مراح الح عليج
بس اريدج تعتبريني صديق قبل لا أكون زوجج
انوار...اي
هاي اليله خلصت
الصبح كعدو بيت عمي اتريكو وطلعو همه وبيت اسعد
هذا اليوم صادف جمعه
بقيت انضف وارتب طول النهار
من رجعت للدوام والبنات شافن الحلقه بايدي وحافة وجهي واكو بعض التغيرات
امال....صدك انخطبتي وماعزمتينا
انوار...حفله عائليه
سناء...واحنا مو من العائله ليش قابل كل يوم تنخطببن
انوار....بلزواج اخذكم وياي للنجف
امال...يله سماح ميخالف
سناء...عاد اشوف الصور مالت الخطبه
انوار....الصور بتليفون هاشم باجر اخلي يدزهن وشوفنهن
بهذا اليوم انتشر خبر خطوبتي واغلب البنات اجن باركلي
على الخطوبه
واكلن كلبي بلاسئله منو خطيبج وشنو يشتغل
وين تعرفتو وين صور الخطوبه
الحد مادخت من حجيهن
هذا ألبوم كان رائد اول بوم يرجع للكليه بس نص الدوام وطلع ماشفته
اليوم الي بعدا بعد اول محاضره طلعنا اني واللبنات
كعدنا بلحديقه
البنات راحن يجيبن جاي
بقيت كاعده وحدي
مااسمع اله صوت من وراي
رائد....مبروك سمعت انخطبتي
انوار...كمزت من سمعت صوته كلبي كام يدك على السريع
اجا كعد كبالي
انوار...شتربد
رائد...اجيت اباركلج
انوار...شكرا
رائد...ومنو هذا سعيد الحظ
انوار....ابن عمي
رائد....وهيج بكل سهوله نسيتي كلشي صار بينا
لا تكولين انتي جنتي تمثلين الحب عليه
ترا اني عندي خبره بلبنات واعرف الي تحب من صدك من الي تمثل الحب
انوار... اني الي غشيمه وصدكت حبك جنت تضحك عليه رائد اني تضحك عليه وتتراهن ليش اشفت مني
رائد....منو كالج اني تراهنت عليج
انوار....عرفت بللحظه الاخيره رب العالمين يحبني ودزلي واحد يحذرني منك
جمانه السعيدي
رائد...منو كولي منو وصلج هاي السالفه
انوار...زين اسئلك جذب
رائد...سكتت
انوار...ليش سكتت جذب انت مامتراهن عليه انت وجماعتك
رائد...اني راح احجيلج الصراحه اول مره بحياتي راح احجي كلشي
بس لان انتي انسانه مختلفه مو مثل باقي البنات الي عرفتهن
انوار...هااا هاي مراهنه جديده
رائد...اسمعيني للاخر اني صح تراهنت عليج
هذا الرهان لعبه احنا نلعبه من زمان
بس حتى نتسلى بس البنات اغلبهن كلش سهلات
يوم يومين وتقبل بهاي العلاقه
بس وياج الوضع اختلف انت شلعتي كلبي
كنت كل يوم اكتشف ببج شي جديد يخليني اتعلق ببج اكثر واكثر
كنت خايف انسحب من هذا الرهان خاف جماعتي يضحكون عليه
بس بنفس الوقت اني بديت اتعلق ببج
انوار...بعد مااصدك كلمه وحده من كلامك اني بعد ماعندي ثقه ببك ابد
اول مره بحياتي احب وحبيت الشخص الغلط
من عرفت انت متراهن عليه مااعرف شصار بيه بعد شويه واتخبل عقل مابقه براسي
زين ليش تأذيني اني ما اذيتك
ساعته حبيت اوصلك احساس الهزبمه
واكلب الطاوله عليك
اريدك تعرف شنو واحد يتراهنون علي ويضحكون على مشاعره
شفت الهزيمه بعيونك
هاي فكرت المراهنه اخذته منك استاذي
بس اني دعيت رب العالمين اذا انت بيك شر عليه يبعدك عني
فعلا رب العالمين دز الشخص المناسب حتى يحذرني منك
قبل لا تعلن انتصارك عليه وتضحك كل جماعتك علبه
انت لو تحبني من صدك جان نهيت هاي اامهزله
وكلت لا اني مااكدر استمر اضحك عليه
انوار ماتستاهل
بعد مستحيل اصدك كلامك وماعندي ثقه بيك ابد
من رخصتك
كمت من مكاني ودموعي نزلن وهو بقه كاعد بمكانه ومدنك
جمانه السعيدي
احس كلبي يدك على السريع
احجي وياا نفسي وين كان هذا كلامك قبل لا أعرف بلرهن لو عايف الرهن ومعترفلي بحيك قبل
جان ماقبلت بهاشم
بعديش جاي تكول احبج
البنات شافن رائد كاعد يحجي وياي كعدن بعيد
من شافني كمت مشيت اجن وراي
امال...ليش تبجين راح تبقين كلما تشوفين رائد تبجين
سناء...عوفي ليش اتاذين نفسج
انوار....اففففف ممكن مانحجي بهذا الموضوع ابد
خلصت اليوم كاعده بلقاعه ماطلعت ابد
وكلشي مافتهمت بيومها
رائد....تعالو كلكم محد يعرف بقضية الرهن غيركم
منو الي وصل سالفة الرهن الانوار
أسامه...ليش هي عرفت بلرهن
رائد...اتكول اني ابد ماكنت متراهنه عليك بس من عرفت
انت متراهن عليه قررت اكلب الطاوله عليك
واكول اني متراهنه عليك حتى تحس احساسي
واحساس كل بنيه ضحكت عليه
اريد اعرف منو وصلله سالفة الرهن محد يعرف غيركم
مهيمن....اني بلنسبه اليه طلعني من دائرة الشك لان اكره كل البنات
رائد...وانت حليم ليش مالك حس
حليم...واني شنو مصلحتي اوصلله خبر
رائد...تخاف تدفع يافكر
حليم...لا مو اني شوف منو ترا انتم جاي ادوسون عليه لان فقير
رائد....راح اعرف منو بس اذا عرفت منو الي فضح الشغله
ابد ماارحمه
انوار..... رجعت للبيت نمت بلا غده
كعدت بليل على صوت التليفون هاشم يتصل
هاشم...هلو حبيبتي
انوار...هلووو
هاشم....شنو نايمه
انوار....بيش الساعه هسه
هاشم...بثمانيه
انوار....رجعت تعبانه ونمت
هاشم...اريدج اصحصحين اليوم شفت كم شغله واخذتلهم صور شنو يعجبج منهن
انوار.... ممكن تنطيني وقت اصحصح وارجع اتصل عليك
هاشم...اي ممكن
بعد هذا اليوم رائد ابد ماقرب عليه بس احسه يراقبني دائما
من بعيد
حسيت الندم مسيطر علي
بس بعد مااكدر ارجعله
اني مخطوبه او مزوجه وحرام عليه
السبب الأهم الكليه كله عرفت بلي صار بينا مااكدر ارجعله
لازم انسى حرام اصلا افكر بي
مرت الايام واجذب اذا اكول نسيته خصوصا هو كل بوم كبالي ودائما اشوفه يراقبني
جمانه السعيدي
هاشم....ممكن اسئل سوال
انوار...اكيد
هاشم...مااحس تحبيني اسحب الكلام منج سحب
اكو شي لازم اعرفه
انوار....لا ماكو شي بس الامتحانات ماخذه كل وقتي واحس متوتره
هاشم...متاكده
انوار....طبعا متاكده
بعد شهر واحد من خطوبتنا غاب عني هاشم بومين مايتصل ولا يسئل
حسيت بلذنب يمكن مل مني المسكين شنو ذنبه
اتصلت علي
انوار....هلو هاشم شلونك
هاشم...زين وانتي
انوار...الحمد لله صوتك مو تمام مريض
هاشم...اي ولله القالون يوجعني وكل يوم اكول اروح
للدكتور بس تعرفين شركه اهليه
شغل كل يوم ماعندي مجال
انوار...سلامتك الف سلامه
هاشم...الله يسلمج من سمعت صوتج صرت احسن
انوار....افتقدتك مو من عوايدك ماتحجي ويأي يومين
هاشم...اذا غيابي يخليج تسئلين راح اغيب دوووم
انوار....لا تدلل عليه
هاشم...اذا ماادلل على حبيبتي عليمن ادلل
احسب بوم يوم يمته تخلصين حتى نكون سوا
انوار...الله كريم
قبل الامتحانات النهائيه بيوم
اجا رائد وكال اريد احجي وياج
انوار...خير هلمره الرهان يسوه لو لا
رائد...لا يكون كلبج اسود مااريد منج شي بس اريد تسامحيني
انوار....مسامحتك بس لا تطلع بوجهي ابد لان كلما اشوفك
اذكر مصيبتي
رائد...اتمنالج السعاده من كل كلبي
عافني وراح
كلما أعود نفسي على غيابه يطلع من جديد
خلصنا امتحانات وما كان ادائي احسن شي
بس خلصت امتحانات اجا هاشم يشوفني ويطمن عليه
شكله كله متغير
ضعفان وجوه عيونه اسود وماعنده ذيج الحيويه
امي بس شافته سئلته شبيك خاله متغير
هاشم....تعبان من الشغل والتجهيز للعرس
امي....الله يساعدك على كيفك وياا نفسك
هاشم...بس اخذ انوار يمي بلنجف اصير احسن
الكلام الي يدوربينا كلام عادي عن تجهيزات العرس
يستحي من اهلي
وحتلو نكعد سوا كلامنا كله عن عرسنا وبس
حددنا يوم العرس
من تعشينا اكل قليل وكام وااكل بس زبادي يكول مااكدر اكل اي شي
ثاني يوم رجع للنجف
طلعت النتيجه بيوم الحنه مالتنا طلعت ناحجه
بس درجاتي على الحافه يعني نجاح بلكوه
بيوم الحنه اجا هاشم هو حنا أديه هدية نجاحي
١٠٠ دولار وساعه تخبل
ثاني يوم طلعنا للنجف من الصبح اني وامي اخذنا هاشم وطلع
هما حاجزيلي صالون قريب عليهم
وصلنا البيت عمي تغدينا وطلعنا للصالون
صارت زفتنا قبل المغرب بشويه
حفل عرسنا كلش حلوه
كل لحظه كنت اقنع نفسي هاشم هو الصح
لازم احبه واتعود علي
عقلي يكلي انتي على الطريق الصح بس كلبي
جاي يتمرد
اكيد راح احب هاشم بس محتاجه وقت اتعود علي
صعدت للطابق الثاني يخبل يخبل مسوي هاشم
كلش حلو
بعد العشى زفو هاشم للغرفه
دخل عليه ووجها حيل اصفر ولازم بطنه
بس دخل كعد كبل
انوار...بيك شي
هاشم...لا ماببه هسه اصير احسن هذا الالم صار فتره
انوار.....جبتله مي
هاشم...اكو حب مسكن جيبي بلمجر
انوار...اني بدلتي كمت جبت العلاج وفتحت الستره
نزعته خفت لان ووضعه مايطمن
ووجها اصفر وشكله تعبان