رواية رهان الحب
الفصل العاشر10
بقلم جمانه السعيدي
انوار...اباوع على هاشم انتهى كام يتلوى حيل
فتحت دكم القميص
اخذت مي غسلت وجهه
راسا كام يتقيئ شي ازرك عبالك خيوط
خفت كلش كلش خفت فتحت باب الغرفه وكمت اعيط
الحكولي
فدوووه الحكو عليه هاشم تخربط مااعرف شبي
يمعودين وينكم
كل هذا واني بعدني بدلتي والبركع فوك راسي
سمعتني عمتي وكفت على أول الدرج
عمتي...هااا شكوووو
انوار...عمه الحكي عليه هاشم مااعرف شبي تخربط
صعدت على الدرج وهي تصيح يمه وليدي شبي
يمه هاشم بعد حيلي
وصلت لكته منتهي كوه يتنفس رجع استفرغ كدامه
وهي كامت تعيط بصوت عالي
يمه هاشم يمه وليدي بعد حيلي شبيك يمه
صعد عمي وامي والولد كلهم
راسا شالووو ونزلو جوووه
كبل اخذو للمستشفى اني كعدت وكمت ابجي
خايفه علي
ليش هيج يصير وياااا
جمانه السعيدي
امي كامت تهدي بيه كالت لا تخافين انشاء الله مابي شي
تعاي بدلي وخل انضف الغرفه اني وياج
اخذت دشداشه من الكنتور لبسته
دخلت البدله والبركع داخل الكنتور هيج شلون مجان
وقفلته
لكيت امي مطلعه الفراش مال الغرفه
نزلت جبت سطل ووصلة مسح
نضفنا الغرفه وعطرناها
نزلنا جوه ننتضرهم محد بقا بلببت بس اني وامي
والبيت هوسه صاير من العرس
حمواتي أخذن جهالهن وراحن
صار يومين يشتغلن بلبيت وكلش تعبانات
بدينا اني وامي نضف بلبيت الأشياء الزايد شلناها
مسحت البيت ورجعت المواعين للكاونتر
وطلعت الزباله برا
اتصلت على اسعد
كال وصلنا والدكتور جاي يفحص بي
بعد شويه واتصل عليج
طلعت الفراش الي ادمر بغرفتي برا بلطرمه وغسلته وشريته
دشداشتي تبللت
صعدت بدلت ورجعت نزلت
رجعت اتصلت على اسعد كال الدكتور طلب مجموعة تحاليل اخذو منه دم علمود التحليل
انوار....وهو شلون صار
اسعد...ضربو ابره مهدء ونايم
بقينا ان وامي كاعدين وندعي رب العالمين يعديها على خير
الساعه بلاربعه الصبح اتصلو كالو طلعت التحاليل وراج نجيبه ونجي للبيت
بقينا ننتضر منا لمن اجووو
شايلينه عمي واسعد دخلو جوا
عمتي كالت جيبي فراش هنا بغرفتي
نزلت فراش وخلو علي يون من التعب
انوار...فدوه طمنوني
اسعد...باجر نعيد التحاليل ونطمن علي انشاء الله خير
امي اخذت اسعد وطلعت برا حسيت اكو شي
طلعت وراهم
انوار...شكووو
اسعد...ماكو شي
انوار....بروح ابوي احجي شكوووو هاشم شبي
اسعد...اهوووو مو كلنا مابي شي
انوار...هاشم بي مرض موزين مادام ماتقبل اجاوب
امي...اسكتي روحي شوفي رجلج شبي
انوار...مااروح اله اعرف شكووو
امي...تعاي اني اكلج
قربت وهمست بااذاني شاكين بي مرض موزبن
بلقالون بس انشاء الله يطلع التحليل غلط باجر يعيدون
بقيت واكفه مثل الخشبه بمكاني رمشت نزلن دموعي
منا ومنا
هاشم بي مرض خبيث يامسكين بعدا شاب ماتهنى بشبابه
يارب عينك علي
هاشم طيب مايستاهل
يارب تطلع التحاليل غلط
رجعت كعدت يمه لزمت ايدا
انوار...هاشم حبيبي مابيك شي انشاء الله زين
احجي وابجي الموقف فوك قابليتي
فتح عينه شافني
هاشم...ليش تبجين مابي شي اسف خربت عليج ليلة
عرسج
لو تدرين شكد جنت منتضر هاي اليله
احسب يوم بوم
بس لا تخافين اني راح اعوضج بس اصير احسن
نسافر اني وياج
انوار...كمت ابجي اكثر
هاشم...ليش تبجين حبيبتي روحي انتي
لا تبجين وتطلعين كلبي
ماببه شي التهاب بلقالون اني صوجي ماسويت تحاليل قبل اخذ مسكن واكول هسه اصير احسن
لمن زاد الالتهاب عندي
اني اليوم كلشي مااكلت لا ن انشغلت بلعرس
وتهيج عليه القالون
انوار....لزمت ايدا بسته هاشم فدوه صير زين علمودي
هاشم...هااا تحبيني لو كايله احبك من زمان ماتمرضت
انوار...احبك بس صير زبن
باوعت عمي وعمتي ثنيبنهم ببجون
حسيت ماكو مشاكل بلدنيا بس مرض هاشم وهذا المرض بلذات وهيج وكت اكبر مشكله بلعالم
ياربي مالحك يتهنى
كمت توضيت وصليت وبقيت ابجي واتوسل علمود
هاشم
امي تعبت حيل وراحت تبات بم اسعد والصبح ترجع علينا
بقيت عيني على هاشم
باوعت نايم بس وجها اصفر حيل
عمتي وعمي نامو بلكاع
واني هم نمت بصف هاشم على الكاع
بقيت لازمه ايدا خاف يكعد حتى احس بي إذا يحتاج شي
حسيت ايدا تحركت كبل كمزت
فتح عينه
هاشم ...اريد ماي
انوار...اي هسه تدلل جبتله ماي كعدته شرب شويه ورجع نام
الضهر كعد اكل شويه زبادي ورجع تمدد
الضاهر منطي علاج قوي حتى يخفف الألم لان بس نايم
العصر عمي واسعد اخذو حتى يعيدون التحاليل
عمتي راحت وياهم
اني وامي بقينا بلبيت حمواتي سمعن لهاشم واجن ثنيبنهن
تجينا ناس علمود العرس
الناس تجي تبارك وتتفاجئ بأخبار هاشم
امبين علينا الحزن علمود هاشم
بعد أذان المغرب يله رجعوووو
عمي وجهه اسود وعمتي حالته حاله
وهو يون من الالم
بس شفتهم اتاكدت التحاليل طلعت صحيحه
المرض هذا عنيد وهاشم ماهتم بصحته اول مابيت علي الاعراض
خلينا بغرفة عمتي عايش على اامهدئات
الدكتور أكد المرض منتشر وحتى العمليه ماتفيده
الناس بمكان ماتجي تبارك للعرسات
تجي تواسيني على حال هاشم
لا ليلي ليل ولا نهاري نهار حتى اكل مااشتهي اكل
كل يوم يذبل اكثر وحالته تسوء اكثر
والعلاج عباره عن منوم قوي حتى لا يحس بلالم
حتى غرفتي مااصعد اله
مكابلته وكاعده عمتي وعمي حالتهم حاله الولد الوحيد
الجبير بعد ماتخرج وازوج هيج يصير بي
الببت عباره عن دموع وحزن
وكلام هاشم كله ونيبن والم
بعد ماسمعت كلمة احبج منه ابد اذا يفتح عيونه ويشوفني
راسا تنزل دموعه منا ومنا
من يتالم يعصر ايدي حيل واني الساني يلهج بالدعاء ليل نهار
بدا جسمه يضعف حيل وفاقد كل الوقت بسبب العلاج
يكعد شويه وير جع ينام
اهلي رايحين راجعين علينا
وامي بس تبجي كلما تشوف حاله تبجي علي
اخواته كل يوم يمنا يكعدن يبجن على حالته
كلنا نبجي علي بس شنو الفايده ماكو بيدنا حيله
مانكدر نقدمله بس الدعاء الله يشافي ويعافي
ست اشهر مرن عليه سود مابيهن طعم
غير الحزن والبجي
اخواني دزو التقارير للهند واللمانيه بس كله اكدت انتشار المرض بلامعاء الغليضه والدقيقه
ومناعته صايره صفر
حتى مايتحمل سفر
جمانه السعيدي
صار كلش هزيل بس اعضام
وشبه فاقد كل الوقت
ست اشهر واني مااعرف ليل من النهار بس مكابلته وكاعده
مدري ابجي علي وعلى شبابه
مدري ابجي على عمي وعمتي حالتهم بلويل
لو اخواته المسكينات
لو ابجي على حظي عروسه بعدني كلشي ماشفت
ولا لحكت اتهنى بعرسي
غرفتي احسه مو حلوه وضلمه مالحكت اتهنى بيه
ملابس عرسي بعدهن بلكنتور
الدشداشه البيضه مالت هاشم معلكه مالحك يلبسه
عطرا بعدا على الميز وساعته
شهادته معلكه بلغرفه
كلشي مالحك يسوي
حتى مانام بغرفته ولا ليله
شنو من حظ هذا ياربي مااعرف حظه السي
لو حظي اني
مالحكت اتهنى بعرسي
ست اشهر كاملات واحنا نعاني
مو بس هاشم كلنا نعاني من هذا الالم سوااا
الحد مامات مات هاشم بعد ست اشهر من عرسه
مات وتركني اني وامه وابووو
شكد جان ينتضر يوم زواجنا وشكد يحجي بي
مالحك يتهنى بعرسه
أصدقائه طلعو من الببت وهمه يهوسون عريس وربعه يزفونه