رواية رهان الحب
الفصل الخامس5
بقلم جمانه السعيدي
انوار....بقى رائد يطلعلي من كل مكان
لمن تعودت علي وصارشي مهم بحياتي واذا مااشوفه افتقده
دخلنا بلشهر الرابع وهو مغامراته ماتخلص
يمكن اني تعلقت بي
رائد......غروري يكول كمل الرهن حتى تثبت النفسك قبل الكل انوار مامختلفه حاله حال كل البنات
بلاخير قبلت تكعد وتحجي وياي
صح طولت هواي يله كدرت اخليه تقبل تحجي وياي
واخليه تستسلم بلاخير
بذلت وياها جهد ماينوصف
شكد تعبتني
بس كلبي يكول لا انوار تختلف انوار تستاهل احبه
واثقه من نفسها وحبابه
مودبه محتشمه
بيه هواي صفات ماموجوده بلبنات
تستاهل احبه واتعلق بيه
ارجع اذكر جماعتي وشلون ورطوني بهذا الرهن
مااكدر انسحب
راح يضحكون عليه خل اكمل خطتي
محد يعرف بهذا الرهان غير جماعتي ومستحيل يحجون بي
بس تعترف بحبه اسجل كلامه واخليهم يسمعونه
وبعدين نستمر بحبنا اني وياها
مستحيل جماعتي راح يحجون كدامه
لو يكشفون الرهان عليه
كمت امتضرها الصبح حتى أصبح عليه
صباح الخير وياا ابتسامه حلوه
ترد علي صباح الخير وتبتسم
بعدين بعد المحاضره الأولى أو الثانيه اروح انتضرها بلمكان الي متعوده تكعد بي هي وصديقاته
نحجي شويه كلام عادي
مرات تحجيلي شلون كانو عايشين بلنجف وحياتهم
شلون جانت قبل لا يتوفى ابوها
الصراحه اني بس اكعد يمها انطلق احجي كلشي
مااحس نفسي خايف احجي كدامه
احسه نظيفه ومودبه ومراح تاخذ كلامي وتصرفاتي بغير فكره
جمانه السعيدي
رائد...رحت ادور عليه شفته كاعده بلحديقه
هي وصديقاته
رائد...هلو انوار
انوار...عليكم السلام شنو هلوووو
رائد...العفو نسيت السلا م عليكم مو لاتي شهرزاد
انوار...يعني انت ماعندك حل وسط لو تحشش لو تسلم سلام علماشي
رائد...مو كلنا العفو شنو عندج اليوم
انوار..ماعندي شي
رائد....ليش مانطلع سوا
انوار...باوعت عليه تحجي صدك
رائد...شنو صدك قابل راح اخطفج نطلع نتمشى شويه
ونسولف
انوار...لا مااكدر اسفه
اني جاي احس بالذنب لان اكعد احجي وياك هنا كدام
الطالبات
هاي الكعده محرمه شرعا انت بلنسبه اليه غريب
لازم تكون اكو حدود ببنا
رائد...انتي ليش معقده الامور عادي نمشي ونسولف
انوار...ابد مستحيل هذا الشي يصير
الأشياء الي نسويه بعيد عن عيون الناس اكيد غلط
لان اذا صح ليش ليش نخاف احد يشوفنا
رائد..اني مستعد امشي وياج كدام الناس كله
واصيح بالاعلى صوتي احبه احبه احبه
انوار....لا انت تخبلت شنو هذا الحجي عيب
رائد...عيب اكول احبج
لج شلعتي كلبي عفت جماعتي وكل البنات الي اعرفهن علمودج
انوار....صوتك على كيفك لا أحد يسمعنا
رائد....تردين اصيح اكثر
انوار...عدلت عباتي خل اكوم احسلي انت موصاحي
رائد..الي يشوف هذا الوجه الحلو يبقى براسه عقل
انوار.... ابتسمت ومشيت وعفته
رائد...اصدقائي كانو يراقبوني من قريب
أسامه....يمكن السناره غمزت هاا اعترفتلك تحبك
رائد...لا بعد شويه تكدرون تكولون استوت
حليم....يعني شنووو مو صار اربع اشهر وانت تركض وراها
مهيمن...هلمره الرهان طول حيل وبدينا نمل
حرك نفسك شويه شبيك
رائد....الرهان طول واني انشلع كلبي شكد متحفظه
شكد ادقق بلكلام
تصرفاته كله مدروسه
صعبه يااخي بس اني خبره وماكو شي يصعب عليه
هسه ماتحسون غير واني مسجللكم اعترافه بلحب
اذا وكعت بحبي
اني اسيطر بعد ساعته اكعد اتحكم واتشرط عليه براحتي
مهيمن....اي يله شوفنا شطارتك ترا هليام ملل وين قبل
كل يوم مغامره وكل يوم وحده
جمانه السعيدي
أسامه...خل احجيلكم اخر مغامراتي اني لان رائد هلمره
طول علينا
تعرفون طيبه هاي البنيه البيضه الكصيره
صار فتره امشي وياها من امنت نفسي وشفته تحبني
كمت اطلع أعذار
دزتلي صديقته حتى نتصالح
وهسه اني وياا هاي وياا هاي ثنيينهن عندي وياهن علاقه
حليم....ولك انت ذيب
مهيمن...حيل بيه
أسامه....ولله عود صديقته جايه واسطه حتى ترجعنا
اني رجعت الطيبه وصادقت صديقته
صديقته مااستحملت مني كلمتين طلعت عينه عليه
وتستحي من طيبه
رائد....ولله البنات بسرعه يتقشمرن كلمتين حلوات
تلكاها كامت تكتب غزل اشعار بحبك
انوار.....هلو بنات
امال...هلوووو هليام ناسيتنا كل الوقت الرائد
انوار...هااا بدت الغيره
امال...شنو غيره كمنا مانشوفج هاا شنو آخر التطورات
انوار...ماكو شي يكول احبج
امال...وانتي
انوار.....الصراحه بديت اتعلق بي بس هو مايشبهني بشي
ابد لا كلامه ولا وضعه ولا ملتزم
امال....اكيد بس يرتبط راح يتغير
انوار....مااعرف
امال....هسه شنو نكول مبروك اذا انتي وياا صرتي كبل
الكليه كله تحتفل
لان رائد هلمره وكع من صدك
انوار... احبه بس بنفس الوقت خايفه من هاي العلاقه
امال...ماعندج ثقه بي
انوار...مااعرف ليش كلبي مامطمن
امال....يمعوده اصلا رائد نص بنات الكليه تتمنى تحجي ويااا بعدين انتم مصار بينكم شي غير الكلام
انوار....كلبي مامطمن
جمانه السعيدي
رائد بعد التعود لا زم تبدي مرحلة الثكل والاختفاء
لازم ابتعد عنه واخليه ادور عليه
لازم تحس هي راح تخسرني حتى تتمسك بيه اكثر
يومين اني موجود بلكليه بس مااروح احجي وياها ولا
اقرب عليه
انوار....اليوم الأول ماشفت رائد بقيت ادور علي مو من عوايده يختفي هيج
اليوم الثاني هم ماكووو بقيت افتر بلكليه وادور علي
ماشفته
خفت لايكون صار علي شي اتصل علي مايرد
رائد.....كاعد وياا جماعتي وانوار تتصل
شوفو ياجماعه جاي تتصل مو كتلكم حاله حال باقي البنات
صار يومين مارحت حجيت وياها حركت الجووو حرك
انوار....اتصل ومايرد كتبتله
السلام عليكم طمني صاير شي صار يومين ماكووو
رائد.....يله تفضلو بدت توصل رسايل الحب
اذا اغيب بعد يوم واحد تجي تعترفلي كدامكم بلحب
مهيمن...اي عفيه خل نكسر خشمه هاي ام العبابه
كلهن نفس الشي كل البنات نفس الشي
رائد...اليوم الي بعدا خليته تشوفني بس مارحت عليه
بس شافتني اجت عليه
انوار...السلام عليكم
رائد...رديت السلام عليه برود عليكم السلام
انوار.... وين مختفي صاير شي
رائد....لا بس عندي شغل عفته ورحت
انوار... بقيت مستغربه اني صار يومين حاركه دمي وافكر بي وهو هيج يحجي وياي
مشيت ورا وصحت رائد
رائد....بس عفته اجت وراي
انوار...ممكن اعرف شكووو
رائد....ماكو شي مشغول
انوار...وليش هيج تحجي وياي
رائد....عادي
انوار...لا مو عادي اريد افتهم شصاير
رائد....ماصاير شي
انوار...شكرا عفته ومشيت
وبقيت احجي على نفسي صوجي اني اني ليش صدكت بي أمن نفسه من جهتي وكام يتعزز
اني الي لازم اعرف حدودي
عفته ومشيت بس كلبي نار
اتعودت علي وحبيته وخايفه من هاي العلاقه
مااعرف اتصرف
جمانه السعيدي
رائد...من شفت تصرف انوار هيج ملهوفه عليه اتاكدت
هي خلاص وكعت
واني انتصرت عليه
غروري كرجل مايسمحلي اتنازل عن الرهان واعوفه
رغم اني عندي مشاعر اتجاها
اليوم الي بعدا رحت عليه وكلت صباح الخير
عافتني ومشت
رائد...وين رايحه
انوار...مشغوله مو انت تكول مشغول اني هم مشغوله
رائد...الهلدرجه ماتكدرين على بعدي
انوار....شنووو بعدك
رائد....اعترفي تحبيني
انوار....باوعت واجت عيوني بعيونه
رائد....اي اعترفي خلاص ماتكدرين على بعدي
انوار...استغفر الله
رائد....ترا الحب شي حلووو ليش مصعبه الشغله على نفسج
انوار....شتريد
رائد....كولي احبك
انوار.... مااحبك
رائد...انت كد كلمتج
انوار....اي اذا تعاملني هيج كد كلمتي
لا تعاملني بهذا الاسلوب
رائد....اي اسلوب ليش مكبره الموضوع
انوار....احنا ماتفقنا هيج
رائد....كل هذا اللف والدوران علمود ماتكولين احبك
ترا عادي انتي ابنيه ومن حقج تحبين وتنحبين