رواية رهان الحب
الفصل السادس6
بقلم جمانه السعيدي
رائد....باجر عيد ميلادي
انوار...كل عام وانت بخير
رائد...بس هيج
انوار....تريد هديه
رائد....اي
انوار... مااعرف شنو تريد عادي اجيبلك ساعه
رائد....احلى ساعه الي تعرفت عليج بيه
انوار....شكرا
رائد...لا اريد شي ثاني وسهل وبسيط وماله قيمه ماليه قيمته معنويه
انوار...شنووو
رائد....نحتفل اني وياج هنا بلنادي بس اني وياج
انوار...بس
رائد....لا هديتي تكولين احبك واموت عليك ومراح اعوفك ابد
انوار....ابتسمت
رائد...مادام ابتسمتي يعني موافقه
انوار....بس اني وياك
رائد...اي بس اني وياج حفله بيسطه
انوار...راح اقبل علمودك حتى لا تزعل
رائد....بعد ماحجينا بلهديه
انوار...شنو الهديه
رائد..تعترفين تحبيني وتموتين عليه هي هاي هدية عيد ميلادي
انوار...ابتسمت ودنكت
رائد...خلاص يعني مواففه هذا اجمل عيد ميلاد بحياتي
انوار...الله بهيدك
رائد...مو هداني الحبج بعد شكوووو
انوار....لا ادعيلك بلهدابه بكلشي
رائد.... أمين رب العالمين
انوار...خلصت الدوام كله واني بالي مو عندي بس افكر برائد
شلون خلاني احبه واتعلق بي
اول مره بحياتي احب واتعلق
معقوله هلكد يحبني عاف كل البنات واصدقائه علمودي
بقه كل النهار وياي
منا لمن خلصنا دوام وعرض عليه يوصلني للبيت بس اني ماقبلت
جمانه السعيدي
صار وقت الصلا توضيت وصليت ودعيت ربي
يارب اذا رائد بي خير اليه لا تبعدا عني
يارب أصلح حاله وقوي إيمانه ونور دربه وخلي يبطل سوالف البنات كلهن
ابتسمت حتى بالدعاء اغار علي من البنات
يارب انت تعرف شكو بكلبي
اللهم أصلح نفسي واعني عليها
ثاني يوم وصلت من وكت لان كلش فرحانه
بسبب كلام رائد وياي
اشتريت هديه الرائد
بس وصلت للجامعه
شفت صديقه منتضرني بس دخلت اجا عليه
حليم... صباح الخير
انوار...حسيت نضراته مرتبك صباح الخير
اكو شي رائد بي شي
حليم...ممكن نحجي عندي موضوع كلش مهم اريد احجي وياج بي
انوار...تفضل
حليم....مو هنا باب الجامعه تعاي وراي لان الموضوع مايتحمل يتأجل
انوار...خوفتني شكوووو
حليم...تعاي راح احجيلج كلشي
انوار.مشا بسرعه واني مشيت ورا لان مبين علي مرتبك
او خايف او اكو شغله مو مريحه بلموضوع
وصلنا مكان بلحديقه بس بنهايته يمشي سريع واني امشي ورا
انوار...اوكف فهمني شصاير ترا خوفتني
حليم....انت انسانه متدينه اريدج تحلفين ماتحجين اي شي من الي راح اكوله اني اثق بكلامج
انوار...احجي خوفتني
حليم...اربد احذرج من رائد
انوار...شبي رائد
حليم...رائد متراهن عليج
انوار...متراهن عليه ليش
حليم...هاي لعبه نلعبه من زمان نتراهن على وحده بفلوس
وهلمره انت جنتي الضحيه
انوار...مجاي افهم
حليم....كل مره نتراهن على بنيه بفلوس وهلمره
انتي الي وكع عليج الرهن
هاج اسمعي هذا التسجيل
اني رائد اتراهن على هاي البنيه ام العبايه اوكيه بحبي
واخليه تنزع العبايه وتجي تسهر ويانه بلشقه
حليم..الرهن اذا هو وكعج وعترفتي بحبه ياخذ من كل واحد منا ورقه ويخلينا نضحك عليج
واذا خسر هو يدفع النا كل واحد ورقه
الصراحه اول مره نتراهن على وحده بهيج بمبلغ لان حسيناج صعبه
كل مره الرهن يكون على عزيمه لو طلعه
بس انتي وياج الرهن صار ثكيل
حتى رائد كال كلش صعبه وماتجي بسهوله
جمانه السعيدي
انتي كسرتي خاطري وردت ابينلج حقيقة رائد
انوار...جمدت بمكاني احس مشاعري توقفت
معقوله كل هاي الفتره يضحكون عليه
حليم...كلشي يدور ببنج وببنه يحجي النا ويحجي شلون جاي يضحك عليج ويستهزء بمشاعرج
انوار....تحجي صدك
حليم...اقسم بلله احجي صدك
انوار...غمضت عيوني وكعت دمعه منا ودمعه منا
اريد استوعب كلامه
كل هاي الفتره ورائد يضحك عليه
شلون يعني شلون واحد يمثل مشاعر جذب
حليم...اني اسف بس حبيت انبهج
اليوم متفقين يسوي عيد ميلاده واحنا نكون قرببين
منه يفتح الحاكيه ونسمع اعترافج بلحب
ويكون هو الي فاز بلرهن
على فكره ألبوم مو عيد ميلاده
عبد ميلاده بعد شهرين
انوار....من الصدمه ماكدرت ارد علي
كم واحد فاشل
عايش على اهله يلعبون بمشاعر البنات ويضحكون عليهن
حليم...اني اسف من رخصتج
( طبعا حليم كشفله الحقيقه مو حبا بيه بس حتى لا يخسر الفلوس)
انوار...احس عيوني غوشن من كد الدمع الي نزل
والساني نعكد مااعرف شحجي
كعدت على اقرب مسطبه من الصدمه احس معدتي تحركني وبطني توجعني
وعيوني تغوش اكبر صدمه اتعرضت اله
معقوله كلشي مر عليه كان تمثيليه شكد اني مغفله
غبيه ليش قبلت بهذا الوضع
ماكدرت اوكف على حيلي
اكثر من ساعه واني كاعده بمكاني
المحاضره الأولى بدت واني بنفس مكاني
بعد المحاضره تليفوني يرن
باوعت رائد
يريد يكمل مسرحيته ويضحك جماعته عليه
شكد حقير ونذل
شكد رخيص واناني وخبيث
ولله اني الي راح اضحك عليك
كمت واني نار مشتعله بكلبي دخلت للحمامات وغسلت وجهي حيل
وعدلت حجابي
ردت اطلع رجعن دموعي ينزلن هذا اكبر ضلم بحقي
معقوله اني سمحت الواحد مثل رائد يضحك عليه
الكليه كله تعرف بي متعدد العلاقات
ويضحك على البنات اني شلون صدكت بي شلون سمحتله يضحك عليه
ويلعب بمشاعري
رجعت غسلت وجهي وعدلت حجابي وطلعت
وجهي وخشمي احمر من البجي
رجع اتصل عليه
انوار....هلو
رائد...وين انتي جاي ادور عليج
انوار...انتضرني بلكافتريا هسه اجيت
رائد...تمام
رحت على صديقاتي لكيتهن يدورن عليه
انوار...محتاجتجن بشغله مهمه
امال.. شبيج باجيه
انوار...لا اليوم هاجت عليه الحساسيه
امال...اكيد
جمانه السعيدي
انوار....اليوم عيد ميلاد رائد ومسوي حفله
اربد تجن وياي تصورن عيد ميلاده
يعني تكعدن قريبات علينا وتصورن عبد ميلاده
صوره وصوت
امال....هااا بيه عيد ميلاد طبعا نروح بيه كيك وعصير
سناء....اني الي راح اصور بس اليه حصت الأسد من الكيك
انوار....اكيد تستاهلين
وصلنا لكيته كاعد بس شافني استغرب وكف على حيله شبيج
انوار...ماكو شي بس الحاسيسه هاجت عليه
رائد...حبيبتي مبين باجيه وجهج احمر وعيوني وارمه
انوار...مابي شي ليش تريد تخرب الحفله
رائد...لا مااخربه
انوار...بس صديقاتي اريدهن يصورن هاي الكعده فديو حتى احتفظ بيه للذكرى
رائد....اي ليش لا
انوار..التفتت شفت جماعته كاعدبن
جماعتك هم هنا
رائد...رادو يحتفلون وؤأي بعيد ميلادي واني كتلهم لا
هاي الحفله محد.يحضره غير حبيبتي انوار
انوار....ايجوز يكرهوني لان اخذتك منهم
رائد...خل العالم كله يكرهني وانتي تحبيني اني قابل
انوار....باوعت علي وكلت بكلبي ممثل شاطر
أشر على النادل جاب الكيكه خلاها على الميز وشعل الشمعه
اني اشرت على سناء تبدي تصوير
البنات كلش قريبات من عدنا
بس جماعته كاعدين بعيد وعيونهم علينا
رائد...خل نطفي الشمعه سوا اني وياج
بس قبل لا انطفي الشمعه اريد هديتي
انوار...حرك ايده وفتح السماعه حتى جماعته يسمعون
اعترافي ويكون فاز بلرهن
رائد.. كولي احبك واموت عليك هاي هدية عيد ميلادي
اني اعتبر هاي السنه اول سنه بحياتي
لان راح تبدي بكلمة احبك
من حبيبت كلبي انوار
انوار...بلاول انت تحبني
رائد....اموت عليج
انوار...يعني تحبني
رائد..انتي تشكين بحبي اللج انتي احلى شي صار بحياتي
كله
اول مره عرفت الحب على ايدج
وراح تكون اخر مره
راح نبقى سوا طول العمر ومراح ازعلج بيوم من الأيام
ياريت متعرف عليج من زمان
انت انوار حياتي
يله كولي احبك
كولي احبك بصوت عالي خل اسمعه واتمعن بيه
كلمة احبك منج تختلف
يله كولي شلعتي كلبي