رواية رهان الحب
الفصل الرابع4
بقلم جمانه السعيدي
انوار ثاني يوم بعد المحاضره الأولى لكيت رائد كاعد بلحديقه بلمكان الي متعودين نكعد بي اني وصديقاتي
بس شافني باوع عليه نضره غريبه
اجاني احساس مختلف من شفته
انوار...صباح الخير صديقاتي بس شافنه راحن كعدن
على اقرب مسطبه
رائد...صباح الخير
انوار...تعالن ماكو شي خاص تعالن اكعدن هنا
اشرتلي امال من بعيد لا
التفت على رائد اتفضل استاذ رائد اسمعك
رائد...شلونج
انوار...الحمد لله
رائد...اريد اتعرف عليج يعني اعرف كم شغله عن حياتج يعني اتعرف عليج وعلى اهلج
انوار....وليش احجيلك تفاصيل حياتي
حتى تقبل بيه مثلا ومنو كال اني اريدك
ايجوز اني مااقبل بيك
من يكول اني من اعرف تفاصيل حياتك راح تعجبني
انت ماتشوف زودته حيل
تريد تقحم نفسك بحياتي بلغصب
جمانه السعيدي
رائد....انتي شكد عنيده وقويه مستحيل اني ماصادفة
وحده مثلج
انوار....شوف اني متربيه تربيه صح اصلي واصوم
وأهلي ناس محترمين
مامتعوده على اللف والدوران
اني صريحه وياا الكل
وهذا اسلوبك تحاول تقرب مني حيل ماعاجبني
جاي تحاول تفرض نفسك عليه بلقوه
لازم تنطيني مجال افكر واقتنع يله
رائد...اي غير نكعد ونحجي ونطلع سوا حتى تتعرفين عليه
انوار....وليش اضيع وقتي واهدر صحتي وابقه افكر بيك
انت منو حتى اتعب نفسي وابقه وياك علمود بلاخير
بلكت أعجبك
ماعندي وقت الهاي السوالف التعبانه
اني انسانه جديه وصربحه
رائد...وهسه شلون
انوار..تعوفني لمن اكمل هاي المرحله بدون ماتقرب عليه
واني اذا اتخرجت وخلصت دراسه وشفتك الانسان المناسب
راح اقبل بعرضك
بس كلشي يصير بلنور يعني اجيب اهلك وتتقدملي
ويصير كلشي بينا رسمي وشرعي
وساعته ممكن تحجيلي واحجيلك ونطلع وندخل سوا
بس هسه حاليا اني مامستعده للزواج
اربد وقت افكر على كيفي
واسئل عنك وعن أخلاقك ساعته ممكن اقبل تتقدملي
واذا اهلي وافقو راح يصير ببنا تعارف
جمانه السعيدي
رائد...هاي الشروط كله علمود تعارف
انوار...اي
رائد...تدرين اني ممكن اتعرف على عشره بساعه وحده
انوار....اعرف ذني من طينتك نفس مستواك
نفس عقلك
اني اختلف وعندي التعارف يختلف
وهسه من رخصتك اروح الصديقاتي
رائد...عافتني وراحت ولا كأنما كاعد كباله
معقوله هسه بهذا الوقت اكو بنيه هبج
الصراحه صدمتني بعمري ماشايف هيج بنيه
بس تعرفون الاختلاف حلوووو
كنت احس نفسي مرغوب من كل البنات ومستحيل وحده ترفضني
واي وحده ممكن تجيني بااشاره
الصراحه انوار حركت شي بداخلي
وخلتني انتبه النفسي
واشوف حقيقتي زين
يمكن راح احبه من صدك حبيت الاختلاف الي بشخصيته
حبيت قوته وعناده
بيومها صعدت سيارتي وبقيت امشي ورا ها منا لمن وصله الخط
الحد ماشفته وصلت البيت اهله
بقيت كاعد بلسياره واباوع على بيتهم
اكثر من نص ساعه واني كاعد وبس افكر بكلامه
تعرفون الاختلاف حلوووو
تجمع البنات عليه خلاني احس بلغرور واتباهى بنفسي
صعب على واحد مثلي خلص كل عمره اي شي يربده ياخذه
وهسه توكف بوجه وحده وتكول لا
وهاي الوحده اني عرفت غيرها هواي
احلى منه واهلهن مكانتهم اعلى من مراتب اهله
وعدهن املاك
يعني هي مابيه ميزة جمال احسن منهن
بس شخصيته تختلف
طبكت السياره بابهم وفتحت البنيد
السياره مابيه شي
بس اربد اتعرف على أهل انوار بحجة السياره
تقدمت ردت ادك بابهم
راسا وكفت سياره ونزل منها ولد شاب مرتب
احمد...تفضل اخي
رائد...سيارتي عطلة بابكم محتاج مي ابرد البنيد
الحد مااشوف واحد يصلحه
احمد...اي اهلا وسهلا تفضل
رائد...لا مااريد ازاحمكم
احمد...ازاحمنا تفضل تفضل اهلا وسهلا
رائد...لا بس انطيني مي
احمد...ولله اله تدخل احنا عدنا مصلح هسه اخلي يشوفه شبيه
رائد...لا مايحتاج خل ابرده بلكت تشتغل
احمد....انوار انوار وينج البسي عباتج وتعاي
ام اسعد...خير شكووو
احمد..ماكو شي ست الحبايب وين انوار
ام اسعد... ماما انوار البسي عباتج وانزلي اخوج يريدج
جمانه السعيدي
انوار...توني وصلت وصعدت الغرفتي بدلت ملابسي
لبست تراك واريد انزل
امي صاحت البسي عباتج وانزلي اخوج يرريدج
رائد...استغربت شنو علاقة انوار بتصليح السياره
شنو اخوها يعرف اني وياها بنفس الجامعه
رائد...لا تزعج نفسك بس اريد شوبه مي
احمد...مالك شغل هسه السياره تصلح وماتطلع اله تتغدا عدنا
رائد...شنو القصه شنو اتغدا عدكم لو اعرف هيج راح تنخبص بيه مااجيت
راسا طلعت انوار شافتني داخل ببتهم وتفاجئت بيه
من الصدمه بقت واكفه وماحجت اي شي
احمد....تعاي شوفي سيارة الأخ عطلت ابابنا واني كتله عدنا مصلح
تعاي شوفيه
رائد..بقبت افر بااذاني شنو انوار شنو مصلح
انوار.... اول ماشفت رائد توقعت لاحكني
بس سيارته عاطله بابنا شنو هاي المفارقه والصدفه العجيبه
احمد...شببج تعاي شوفي السياره
انوار..اي تمام طلعت للشارع شفت بنيد السياره مفتوح
التفتت على رائد وكتله ممكن تصعد اتشغلها واني اشوفه منا
جمانه السعيدي
رائد....مامصدك عيوني انوار تصلح سيارتي
دخلت بلسياره وشغلته
راسا اشتغلت هي اصلا مو عاطله ولا حاميه
اني وكفته بابهم حتى اتعرف على اهلها
انوار....مابيه شي حتى ماحاميه
احمد...ادخل ارتاح
رائد...لا ماكو داعي اروح شكرا الكم
احمد...خل اجيبلك مي تشرب وتبرد السياره
دخل احمد
انوار...شنو هاي الصدفه العجيبه
رائد....غمزتله احلى صدفه
انوار...من شفته غمز دخلت للبيت
احمد اخذله مي وطلع
شويه سمعته شغل سيارته ومشى
بقبت افكر...هاي صدفه لو رائد مدبرها
شلون عرف عنوان ببتنا
ولله هلرائد يريد يخبلني
رائد...اسوق بلسياره واني مبتسم ياربي كلشي بيه مختلف
ابد ماتوقعت تعرف تصلح سيارات
ثاني يوم اخذت باقة ورد حمره ورحت للكليه
بقيت انتضرها لمن اجت للكليه
رائد..صباح الخير
انوار...صباح الخير
رائد...تفصلي الورد للورد
انوار...مااخذته شنو المناسبه
رائد...صلحتي سيارتي
انوار....اني ماصلحته مابيه عطل حتى اصلحه
رائد....حتلو انتي واهلج استقبلتوني احلى استقبال
انوار...مايستوجب هيج هديه اي احد بمكانه
راح يسوي نفس الشي
رائد...النبي قبل الهديه ممكن تاخذيه وماتفشليني
انوار...راح أخذه بس لا تعيد هاي الشغله مره ثانيه
رائد...تمام
بقيت طول ألبوم عيني عليه وين ماتروح
بديت احس باختلاف بينه وبين البنات
الصراحه عجبتني حيل
بس مااكدر انسحب من هذا الرهن اني بديت بي ولا زم انهي للنهايه
انوار...اخذت الورد للكافي وطلبت منه يخلي بمي
عفته وطلعت
اني بدبت اهتم برائد
اهتمامه ولحالحه الزايد كدر يحرك مشاعري
ابو المثل يكول كثرة الدك على الحديد يلين يعني الحديد شكد قوي ممكن يتغير شكله من الدك
اهتمام رائد والحاحه كدر يغير مشاعري اتجاها
يمكن لان اني ماعندي علاقات سابقه
حبيته وتعلقت بي
بمكن لان هو مامل وبتعد عني رغم اني شكد صديته
المهم وجوده بحياتي
سوا نوع من الاختلاف
وكمت اهتم الوجوده
وانتضر يجي يحجي وياي