رواية من اجلك
الفصل الثاني والعشرون22
بقلم سعيدة عكاشة
إباء=عارفة
مهاب=ومالك م بتردي
إباء=لاني م عايزة ارد
مهاب=د كلو عشان قلت م هتخلى عن المافيا
إباء=لا لانك م اخترتني
مهاب=انتي عارفة انو لو خيرتيني بينك وبين اي شي هختارك بس حتى لو اتخليت عن المافيا م هنعيش ف سلام
إباء=انا وريتك انو....
<ف صوت من غرفة مصطفى>
مهاب=مصطفى
<الاتنين مشو الغرفة ولقو انو يد مصطفى إتحركت من محلها ورمت الكباية>
إباء ببكاء=يدو اتحركت يعني اتحسن صح
مهاب=اهدي خلينا نكلم الدكتور
<الدكتور جا>
الدكتور=هو بدا يحرك اطرافو يعني بدا يستجاب للعلاج
إباء=واخيرا الحمدلله
مهاب=شكرا بتقدر تتفضل<الدكتور طلع>
إباء=شكرا لانك اشرفت ع علاجو لحدي م وصلنا للمرحلة دي
مهاب=انا كنت السبب فكان لازم اعالجو
<إباء قررت تبيت ف غرفة مصطفى عشان لو اتحرك>
مهاب=ممكن ادخل
إباء=اتفضل
مهاب=جبت ليك عصير
إباء=شكرا
مهاب=إباء ممكن نتكلم؟
إباء=اكيد
مهاب=انا م هقدر اتخلى عن المافيا و م بقدر اتخلى عنك فلو سمحتي م تضغطي علي
إباء=انا م هضغط عليك سوي العايزو براحتك
مهاب=يعني م ف زعل؟
إباء=دي حياتك وانت حر فيها
<مرت الايام وإباء بقت تبعد عن مهاب اكتر واكتر>
مهاب=ممكن افهم الحاصل شنو
إباء=كالعادة بسقي الورود وين الجديد ف الموضوع
مهاب=كل م اجي بلقاكِ نمتي واحيانا بتتصنعي انك نايمة م بتطلعي من غرفتك الا اطلع من البيت و م بتدخليها الا ادخل البيت ولمن نتلاقى بتختصريني يومين انا م لمحتك ولا بالغلط
إباء=صدفة
مهاب=صدفة ولة بتعاندي لاني رفضت اتخلى عن المافيا
إباء=جا موعد دوا مصطفى
مهاب=كل مرة نفس العذر طيب ارح انا كمان ماشي اتطمن عليه
إباء=م ف داعي
مهاب=انا عايز كدة
إباء=وانا قلت م ف داعي
مهاب=شكلو م ف دواء زاتو بس عايزة تتهربي مني كالعادة
إباء=مهاب انا ماشة اديه ادويتو ابعد من طريقي
مهاب مسك يدها=م هتتحركي الا توريني الحاصل
إباء ببكاء=مهاب يدي هتكسرها انت
مهاب=م تحاولي دموعك م هتأثر فيني
إباء ببكاء=يدي ي مهاب
يونس=مهاب فكها
مهاب=انت م دخلك
يونس=مهاب انت م شايف لون يدها قلب كيف انت ضاغط عليهة فكها
مهاب=ابعد م تخليني اعمل شي اندم عليهو
<يونس حاول يفكها ومهاب لزاه ضرب راسي مع الكرسي وداخ مهاب من الخلعة فك يد إباء>
مهاب=يونس، يونس اصحى
إباء وهي لسه بتبكي=يونس قوم الله يرضى عليك
<مهاب اتصل للدكتور وقال انو فقد وعيو نتيجة للضربة بس شوية وهيصحى>
#من_أجلك💙
#بقلم_سعيدة_عكاشة
بارت《19》³
<مهاب اتصل للدكتور وقال انو فقد وعيو نتيجة للضربة بس شوية وهيصحى>
إباء=انت لحدي بتين هتفضل تأذي الناس البحبهم، م ف زول حبيتو لحدي اللحظة الا واذيتو، مصطفى ودخلتو ف غيبوبة ابوي وقتلتو يونس وبرضو م قصرت معاه
مهاب=زول حبيتيه؟ انتي بتحبي يونس؟
إباء=ايوة
مهاب=وبكل قوة عين بتقوليها لي؟ عارفاني بحبك وتحبي يونس؟ ع كيفك هو؟
إباء=انك بتحبني م معناه اني لازم احبك
مهاب=لا ي حلوة انا بحبك لازم تحبيني وفوق عينك
إباء=الدنيا م ع كيفك
مهاب=هنشوف ع كيف منو
<وقبل م إباء ترد صحى يونس>
إباء بلهفة=يونس انت كويس؟
يونس=تمام بي حاسس بشوية صداع
مهاب=طبيعي تحس كمية المواضيع الفي راسك تحسسك بكدة واكتر
يونس=اي مواضيع؟
مهاب=مثلا انك تحب حبيبة صحبك
<يونس عاين لإباء>
إباء=وريتو اي
يونس=انا م بحبها وانا وريتها
مهاب=وشنو الفايدة ف النهاية هي بتحبك انت م بتحبني انا
يونس=انا وريتك ستين مرة كيف تكسب قلبها بس انت اللي رافض تتغير وجاي تلومني ع انها حبتني و م حبتك؟
إباء=كفاية ي مهاب هو ياداب صاحي شوف حالتو الصحية كيف وانت بتتكلم ف شنو
مهاب=تمام ي إباء تمام
<وطلع>
يونس=م اتوقعت انك تنعدي من قساوة مهاب بالسرعة دي
إباء=نعم؟
يونس=انت كسرتيه مستوعبة كلامك د هيودي لوين
إباء=هو اصلا م بيحبني البيحب م بيأذي
يونس=هي دي شخصيتو عايزاه يتصرف كيف، وانتي الكان بيدك تروضي الوحش اللي جواه بس م راضية تتنازلي عشانو
إباء=انا م قادرة احبو غصب هو؟
يونس=انتي بتحبيه بس م قادرة تفهمي انتي بتخافي عليه وبتهتمي بيه د لو م حب شنو
إباء=م عارفة بس م بحبو
يونس=انا طالع افتش عليه
إباء=انت حالتك م بتسمح ليك
يونس=انا عارفو موجوع م بقدر اقعد ساي
إباء=طيب تمام انا هشوفو انت خليك
<إباء طلعت نزلت تحت و م لقتو ولقت عربيتو واقفة مشت غرفتو واول م فتحت الباب انبهرت لان لقت الغرفة كلها عبارة عن صورها>
إباء=وااو دي كلها صوري<د كلو ومهاب ف الحمام> دي كانت اول مرة شفتو فيها، ودي يوم كنت ماشة التدريب
ودي كانت...
مهاب=اول مرة جيتي فيها القصر
إباء خافت=معلش لاني دخلت غرفتك وانت مانعني
مهاب=كنت مانعك لان م كنت عايزك تشوفي ديل الا بعد تحبيني وتكون ذكرى حلوة مشتركة بينا بس شكلو م هتحبيني فما فرقت لو شفتيها او لا
إباء=م هتجوط؟
مهاب وهو بيلبس ساعتو=لا
إباء=طيب ممكن اشوف الباقي؟
مهاب=شوفيهم<وطلع>
يونس=انت كويس؟
#من_أجلك💙
#بقلم_سعيدة_عكاشة
بارت《19》⁴
يونس=انت كويس؟
مهاب=انت ليه اتحركت انت لسه م بقيت كويس
يونس=انا تمام انت كويس؟ م حصل شي؟
مهاب=من الليلة هنقفل الموضوع وكأنو م حصل شي
يونس=متأكد؟
مهاب=ماشي الشركة
<مرت الايام ومهاب بقى يرجع تبع زمان بقى م يتكلم مع إباء الا نادرا ويومو كلو ف الشركة م بيجي القصر الا ف الاسبوع مرة زي زمان>
مهاب وهو ماسك صورة إباء=عارف انك م هتحبيني مهما حصل و ف المقابل انا هيزيد حبي ليك بس كفاية م هطلب حبك بالعافية
<عند إباء>
يونس=الو
إباء=مهاب بقى م يجي بقيت م اشوفو اسبوع كامل واحيانا ف الاسبوع مرة
يونس=اشتقتي ليهو صح
إباء=ايوة حاسة يومي كئيب
يونس=د كلو و م بتحبيه؟
إباء=انا م قادرة افهم شي
يونس=إباء انا كنت بغيب عنك كتير بس م كنتي بتشتاقي لي انتي صح بتخافي علي بس من باب الصداقة اما مهاب انتي بتشتاقي ليهو وعايزاه معاكِ طول الوقت وبتخافي عليه وبتهتمي بيه شعورك لي كان نابع عن امتنان لانك فاقدة شي وانا اديتك ليه اما مهاب رغم انو بيحرمك من حاجات كتيرة واحيانا بيفشل ف تعويضك بس لسه بتحني ليه لان بتحبيه هو م انا
إباء=تصدق انو معاك حق كل القلتو حصل بس انا م كنت قادرة افهم نفسي، شكرا ي يونس انت اجمل صاحب ممكن احصل عليه
يونس= انتي و مهاب غاليين علي فماف احلى من انو اشوفكم مبسوطين
<إباء قفلت منو وقررت انها هتعترف لمهاب بكرة>
يونس=اعتقد اني حتى انا م حبيتها والا م كان هيهون علي اني اسلمها لغيري وبيدي لان البيحب م بيتخلى
<مرت الليلة ع ابطالنا وكل واحد فاهم نفسو صح ولاول مرة، يونس عرف انو م حباها لإباء، وإباء اتأكدت من مشاعرها ناحية مهاب، ومهاب موجوع من فقد إباء و م عارف الهيحصل