رواية رهان الحب
الفصل الحادي عشر11
بقلم جمانه السعيدي
انوار....أصعب يوم مر عليه بحياتي هذا اليوم
حتى أصعب من يوم وفاة ابوي
ابوي الله يرحمه رجال جبير وتعبان صح انصدمت بموته
بس مو مثل هاشم
شاب وكلشي ماشاف بحياته
امه تريد تموت وابو صار واحد ثاني فقد عقله
يعيط مثل النسوان
شك ملابسه ويركض خافي بلشارع
لكيت نفسي واكفه بلشارع بلدشداشه وخاله شال مفتوح على راسي واكفه حافيه واعيط
بنص الشارع بدون عبايه
اتهسترنا مابقت عقل براسنه
رغم احنا نعرف هو راح يموت
بس اني كنت اباوعله يتنفس واطمن مادام يتنفس
يعني موجود
ماحسيت غير امي سحبتني دخلتني جوووو
التشيع جان مخيف هلكد ناس حضرت التشيع كله تبجي علي
بعمره مااذه احد ولا حجه حجايه مو حلوه
يفزع للجوارين قبل اهله
الشركه الي يشتغل بيه علنت حداد ٣ ايام على روحه
جمانه السعيدي
دخلت للبيت صعدت للغرفه فتحت الكنتور
ملابسه معلكه وعطرهن تارس الغرفه
نزلت دشداشته البيضه بعدا مالابسه خليته على وجهي وكمت اعيط بصوت عالي
انوار...ارجع هاشم البس ملابسك ارجع هاي غرفتك مالحكت تتهنى بيه
ارجع اني ماحجيتلك اني شكد احبك
ارجع امك وابوك خطيه ولك عمي يركض بلشارع حافي
ارجع بعدنا ماكعدنا ولا حجينا
انت ليش مستعجل على الموت
بعدنا عرسان ارجع واني كل يوم اكلك حبيبي
وابد ماازعلك مني
حتى مالحكت تسمع مني كلمه حلوه
اني اسفه ماعرفت قيمتك قبل
ارجع خل نعيش ارجوك لا تتركني اريد ابدي وياك من جديد
انت ماشفت الناس شلون تبجي عليك
شني هلحنيه معقوله بعمرك مازعلت احد
ابو كلب الطيب ابد مو كته تعوفنا وتروح
تعبت كلش من البجي حاضنه دشداشه واشم بيها
اجت امي كالت انزلي النسوان تسئل عليج البيت انخبص
اخذت دشداشته بحضني ونزلت
شفت خواته املخات نفسهن كابلتهن وكمت اعيط بصوت عالي
عمتي متخربطه بلمكبره وناقيله للمستسفى
وعمي مايدري بنفسه يمشي ويلطم على راسه
ايام الفاتحه أصعب ايام عمتي بلمستشفى وحماتي الجبيره وياها
واني وامي واخت هاشم الزغيره
للنسوان الي تجي عامود العزا
اسبوع والبيت مافرغ من الناس الرايحه والجايه
سوينا سبعه بعدها طشت الناس
حتى امي رجعت للكوت بس اني مااكدر اعوف عمتي وعمي خطيه
النهار كله بس نايمين كلشي مايكدرون يسسون
عمتي كل ساعه اطلع صوره وتكوم تبجي
والبنات راحن كل وحده الببته
كلشي عليه انضف واطبخ حتى اطلع اجيب مسواك
اكو اسواق قريبه علينا
ملتهيه بعمي وعمتي احضرلهم الاكل والعلاج بوقته
بليل انام يمهم بلغرفه خاف يحتاجون شي
حسيت شايله مسوليه اكبر مني صعب عليه اتحمل
كلشي وحدي
كل ليلة جمعه نروح الهاشم اني وعمتي وعمي
اني كوه الزم نفسي من البجي حتى اقرا قرآن
اريد اجمع قوتي مااكدر بس اسمع عمتي تبجي اكوم ابجي عليه
خطيه كاعده وتعاتب بي عبالك كاعد كباله
منا لمن طلعت الأربعين سوينا عشى وعزمنا كل الناس
وعمي سوا قرايه رجاليه
خلصت الأربعين وماينطيني كلبي اعوفهم
وهمه هم متعلقين بيه لان محد يمهم بس اني
مااجذب عليكم صارت عندي كئابه
اني اريد اعتزل العالم اريد اختفي اريد ارتاح
اربد ناس تهتم بيه مو اني اهتم بيهم
احس طاقتي خلصت
بعد ست اشهر من وفاة هاشم اني حايره وضعي راح يستمر هيج
ابقه هيج اربد اعيش حالي حال كل البنات
اني سويت العليه وازود
بس مااعرف شلون افتح الموضوع وياهم
كبار بلعمر ومرضى والحزن مسيطر عليهم
مااكدر اعوفهم كلبي ماينطيني
بس ماعندي حل
الحد مااجت بتهم الزغيره زعلانه عدها مشكله هي وعياله
مزوجه صار خمس سنوات ووعدها اطفال ثنيين
شويه البيت صار بي حس من اجت
والجهال مسووين اجواء حلوه
واني هم خف عليه الحمل
طبعا هي دايما عدها مشاكل وياا عياله بس رجله كلش حباب ومحترم يحبه ومتعلق بجهاله
اجا زوجه يرجعه وعمي ماقبل اله بيت وحدها
بس راتب زوجها مايكفي ايجار ومسواك ومسوليات هواي
اني خطرت ابالي فكره
راح تحل كل المشاكل مشكلتي ومشكلتهم بنفس الوقت
انوار....خلاص تعالو عيشو هنا
...صدك تحجين
انوار...اي ولله بيت جبير وفارغ هم تملين علينا البيت
وهم ترتاحين وزوجج مايدفع ايجار
كلش فرحت بلفكره
حتى عمي وعمتي فرحو توقعت اني مااقبل تجي تعيش ويانه بلبيت
عرضنا الفكره على زوجها ماقبل بلبدايه
يكوول انوار ماتاخذ راحته بلبيت
بس اني اتصلت بي وكتله لا عادي تعال حتى تنحل هاي المشكله
فعلا انتقلو يمنا اكذب اذا اكول ماتقيدت من زوج حماتي
بس ميخالف اني اصلا ناويه ارجع الاهلي
مااكدر اعيش هنا
جمانه السعيدي
بعد شهر من انتقالهم ويانه نفسيت عمي وعمتي تغيرت
على الحركه بلبيت والجهال
حسيتهم صارو احسن
اني كل هاي الفتره مارايحه الاهلي علمودهم
يعني صار سبع اشهر ماواصله اهلي
بس امي كل أسبوع تجيني
واخواني هم يذكروني
طلبت من عمي وعمتي اروح اشوف اهلي
عمي انطاني مصرف وكال لا نكطعين بينا تعلمنا عليج
انوار...انشاء الله
اسعد اخذني الاهلي هو هم يريد يشوف امي وخواني
اول مادخلت عبالك جنت مقيده بسلال ونفتحن
يومين اني بس نايمه
بس كلما اغفا اسمع صوت عمي يصيح بااسمي وافز
اسبوع وعمي تصل بيه كال ليش ماتجين مشتاقيلج
طلبت بعد اسبوع اربد اشوف اهلي
بقيت اسبوعين ورجعت بس الصراحه ماودي ارجع
تعبت من المسوليه
بس شافني عمي حضني وبقه يبوس ببه هو وعمتي
شهرين ورجعت الاهلي
انوار...امي اريد حل مااربد ارجع للنجف هناك اتكئب
اريد ابقى هنا
امي.. اتصلي بخالج وهو يشوفلج وضيفه
وبحجة الوظيفه ابقي هنا
اتصلت بخالي كال بس هاي بسيطه انطيني شهر واحد و
واني اوضفج
رجعت لعيالي شهرين يله اتصل خالي كال لكيتلج وضبغه
بلتربيه لازم تجين بااسرع وكت
ماصدكت طرت من الفرح
انوار....عمو اريد احجي وياك بموضوع
عمي...اي كولي
انوار...خالي لكالي وضيفه بلكوت ولازم اباشر بأسرع وقت
لا تروح عليه
عمي....وتعوفينا
انوار..مايهون عليه اعوفكم بس اني درست وتعبت علمود التعيين مااكدر اعوف هاي الفرصه اضيع مني