رواية من اجلك
الفصل الرابع4
بقلم سعيدة عكاشة
إباء=مرتضى ماف اخبار عن مصطفى
مرتضى=إباء مش امس اتكلمتي معاه قولي بسم الله
إباء=بس المفترض انو يطمنا عليه
مرتضى=م هنتكلم يوميا لانو هيشكو فيه وبعدين د القيصر م اي زول
إباء=احكي لي عنو
مرتضى=هو شخص غامض م ف زول عارف عنو شي غير اسمو القيصر وبيتاجر بالاسلحة والمخدرات
إباء=عارفين د بس وبتوصلو ليه كيف طيب؟
مرتضى=....
إباء=إنت م واثق فيني؟
مرتضى=مهما كان انا م بقدر اوري زول دي معلومات وصلنا ليها بي تعب
إباء=انا هضيع تعبكم؟
مرتضى=إباء
إباء=تمام فهمت
<طلعت وقعدت ف كرسيها>
مرتضى=الفطور
إباء=م عايزة
مرتضى=إباء بطلي حركات شفع
إباء=دي م حركات شفع دي حركات ناس م بتثق ف اخوات اصحابهم
مرتضى=مصطفى بيقول لينا افصلو الحياة العملية عن الشخصية انتي هنا متدربة م اخت صحبي
إباء=المهم انا م عايزة اكل
مرتضى=براحتك<ومشى>
إباء=بارد كريه د
مرتضى=سامعك على فكرة
إباء=المهم عندي موضوع هجي بعد نص ساعة
مرتضى=إباء الحكاية م لعب قبل اتنين م ف طلوع
إباء=بس انا اصلا م قاعدة اعمل شي
مرتضى=مف طلوع
<إباء مشت ليه ف مكتبو وفضلت قاعدة>
إباء=طيب وريني بتين هيتصل مصطفى
مرتضى=لمن يحس انو الوضع آمن
إباء=ممكن آخد رقمو واتصل ليه
مرتضى=لو كنا عايزين زول يعرفو م كان سموه رقم مشفر وبعدين هو ف رحلة عشان تتصلي ليه؟
إباء=انا خايفة عليه
مرتضى=إباء المجال د إنتي م قدرو والدليل موقفك اسي ومشاعرك الماقادرة تتحكمي فيها دي
إباء= د اخوي وصاحبك لو نسيت
مرتضى=د ضابط وبيقوم بواجبو
إباء=طيب اديني معلومات عن القيصر د
مرتضى=إباء انا مشغول وانتي امشي الساحة باقي نص ساعة للتدريب
<إباء طلعت وقعدت ف الساحة وهو رجع لشغلو>
إباء=انا هجيب معلومات عنو بطريقتي م هخلي اخوي بين يدين المتوحش د واقعد انتظر
<خلص اليوم ع كدة وإباء رجعت البيت>
إباء=إتعشيت ي بابا
رائد=لا منتظرك م قدرت اكل براي
<إباء جهزت الاكل وقعدت ف السفرة>
إباء=حتى الاكل م ليهو طعم بدون توفي
رائد=اي والله بس م ف يدنا شي
إباء=بابا مش انت متقاعد وكلهم بيحترموك اتكلم معاهم عشان يتصلو ليه
رائد=لو اتصلو ليه ورد زول تاني كدة هيكتشفو امرو وبعدين هيشكو لو الاتصالات بقت يومية وهو زاتو مشى ياداب
إباء=انتو م قلقانين عليه وهو مع زول خطير زي القيصر
رائد=وعرفتي كيف انو خطير
إباء=مرتضى حكى لي عنو معلومات بسيطة
رائد=المهم انتي م تعملي اي شي غبي يعرض حياة مصطفى للخطرر اهتمي بي تدرييك وبس والباقي ع مرتضى وفريقه
إباء=حاضر
<اليوم التاني>
إباء=صباح الخير
مرتضى=صباح النور، الليلة م ف تدريب جيتي ليه
إباء=عشان اكون جنبك واعرف لو مصطفى اتصل
مرتضى=لو اتصل انا هوريك انتي امشي
إباء=لا
مرتضى=عارف راسك القوي د خلاص خليكِ انا عندي حاجة وبجيك
إباء=طيب
<اول م اتأكدت انو مرتضى طلع قفلت عليها باب المكتب وبدت تفتش ف الملفات ع امل انو تلقى معلومة عن القيصر د