رواية رهان الحب
الفصل السابع7
بقلم جمانه السعيدي
انوار....متاكد تحبني
رائد....طبعا احبج لا يكون عندج شك بحبي
راسا وكفت وكلت للبنات تعالن قربا صورن من قريب
اريد احتفظ بهاي اللقطه للابد
اجت سناء وامال وهنه لا زمان تليفوناتهن ويصورن
ورائد مبتسم فرحان متوقع راح أعلن حبي اله
وبحضور صديقاتي واصدقائه
راح يكون فوز عظيم بلنسبه اله كدر يضحك على ام العبايه
ويضحك الناس عليه
قربن صديقاتي اشرت الاصدقائه تعالووو قربو
حتى الاحتفال يكون احلى
بقو واحد يباوع على الثاني
رائد وكف وكال تعالو تعالوو شوفو المفاجئه وهو يضحك مامصدك نفسه
قربو أصدقائه وكفو بصف رائد بس حليم واكف وراهم
ومدنك راسه
انوار...كلكم افتحو تليفوناتكم اريد تصورون هاي اللحظه التاريخيه
حتى انت رائد افتح تليفونك وصور
رائد....اني هم
انوار... اي لان هاي لحظه ماتتكرر ابد
جمانه السعيدي
فتح تليفونه رائد وبدأ يصور الكل واكف ومنتضر المفاجئه
مااعرف منيين جبت هاي القوه يمكن رب العالمين كان مساندني بذيج اللحظه
احس نفسي مو بنيه جبل وواكف
اني انوار أعلن الكم كلكم وخاصه الصديقاتي المقربات
( رسا عليت صوتي اكثر،)
اني انوار ربحت الرهان وفزت على رائد الولد الي مدوخ بنات الجامعه وماكو وحده ماضحك عليه اني ضحكت علي
وخليته يعترف بحبي
راسا رائد نزل تليفونه وبطل يضحك مامصدك الموقف
انوار...ليش مستغرب مو جبت كل عمرك تضحك على البنات وتراهن عليهن
اليوم اجا الدور عليك اني ضحكت عليك جنت متراهنا وياا صديقاتي اخليك تركض وراي الحد مآ اشلع كلبك
وتعترف كدام أصدقائك وصديقاتي انت تحبني
اني اليوم كسبت الرهان وضحكت عليك مثل ماانت ضحكت على كل البنات
منو انطاك الحق تلعب على البنات
وتقشمر عليهن
انت شايف نفسك الي خلقك ماخلق غيرك
انت اصلا حرام تنعد على الزلم
واحد فارغ لا شغل ولا عمل وملتهي يضيع وقته
بتفاهات
يله بنات كافي تصورير صفكوووو
اني الي كسبت الرهن
وضحكت على رائد اخذت ثار كل وحده ضحك عليه
البنات بقن فاهيات من كلامي
انوار....يله تعالن نحتفل بهذا النصر
الكيك والعصير عليه
جمانه السعيدي
درت وجهي والبنات اجن وراي وهو واصدقائه بقو واكفين واحد يباوع على الثاني
مصدومه من الموقف الي تحول من نصر إلى هزيمه
بلحظه كلشي تغير
انوار...كمت امشي بسرعه وكلبي يدك الف دكه بلدقيقه
ادموعي ينزلن منا ومنا
مسحتهن مااريد ابجي على واحد حقير مثل رائد
بس دموعي مايقبلن يوكفن
مسحتهن ووكفت كلبي من العصبيه يدك سريع
اسمع صوت دكات كلبي براسي
امال....شبيج تركضين منو وراج
سناء....شنو هذا الي سمعته انتي جنتي متراهنه على رائد
مااصدك
امال....شنو هاي التمثيليه
انوار....مااريد اسمع ولا كلمه اني طالعه للبيت
كبل طلعت من الجامعه اجرت تكسي للبيت
طول الطريق واني ابجي مااكدر اسكت واحس كلبي راح يوكف من العصبيه
جمانه السعيدي
وصلت كسرت الباب تكسر
فتحت الباب امي من شافتني
امي...ياستار شكووو شصاير
انوار...ماكو شي كبل صعدت الغرفتي
لحكتني امي
امي. احجي شبيج ليش تبجين
انوار...مسحت دموعي اريد احجي مااكدر ماتصورون كميه القهر الي بكلبي
امي...شبيج احجي خوفتني
انوار. المشكله مااكدر احجي اريد اصرخ واطلع الحركه الي بكلبي
امي...لا انتي مو طبيعبه راح اتصل على خوانج
امي كامت واني لزمت ايدها
انوار...مابيه شي رسبت بلامتخان
امي...كل هذا البجي علمود الامتحان
انوار...هذا اهم امتحان بحياتي
امي...شنو الماده صعبه
انوار. ....كلش صعبه
امي....خوفتيني كومي اسبحي وراح احضرلج اكل اكلي
ونامي ومن تكعدين تصيرين زينه
ولله يايمه ماعندج شغله
شنو تبجين علمود امتحان
انوار....هذا اهم امتحان اليه بحياتي ورسبت بي
امي....مو مهم فداج الف امتحان حتلو تعيدين السنه ميخالف ابد مو نهاية الدنيا
كومي اسبحي حتى ترتاحين
انوار....اريد انام ولحد يكعدني ابد
امي..نامي براحتج
طلعت امي بدلت ملابسي وتمددت
كل الحظات الي مرن علبه اني ورائد اجن سوا ابالي
كل كلامه وتصرفاته حسيت نفسي غبيه اني الي قبلت
وانطيته مجال حتى يضحك عليه
ماكدرت انام
رجعت بطني توجعني
كمت دخلت للحمام سبحت
امي...هااا مانمتي
انوار....اريد مهدء منوم اي شي عندج اريد انام
امي...اي عندي حبايه منوم
انوار. اريدها
امي.. اكلي شي
انوار..مااريد
اخذت الحبايه من امي ونمت
هسه نرجع الرائد
رائد...انصدمت من انوار اني الي حاسب نفسي شاطر ومحد يكدر عليه انوار تضحك عليه
ماكدرت اوكف
كعدت التفتت على جماعتي واكفين وكلهم مدنكين
رائد....سمعتو انوار سمعتوها لو بس اني سمعت وشفت
انوار جانت متراهنه عليه
تاخذ ثار البنات مني
انوار متراهنه عليه
أسامه....اني الصراحه تفاجئت
مهيمن...هاي الخوينسه بطلع منها كل هذا
رائد...حسيت راسي راح ينفجر من المفاجئه لا هاي صدمه
هاي صدمت عمري
كلشي متوقع بهاي الدنيا بس انوار تراهن عليه
ماتجي بعقلي
كمت اخذت سويج السياره وطلعت من الجامعه امشي بعصبيه
صعدت السياره وكمت امشي سريع
راسي راح ينفجر احس واحد بدك على راسي
مستحيل الي جاي يصير وياي
انوار اخذت ثار كل البنات مني
اني رائد هاي نهايتي انوار تضحك عليه
لا وحاسب نفسي شاطر واخطط شلون اوكعه واخليه تحبني تالي هي الوكعتني
معقوله اني جنت اركض وراها بتخطيط منها
اسوق بلسياره بسرعه ومااشوف كدامي
مااحس اله دخلت بكشك بلشارع وفلشته
نزلت خايف خاف اذيت احد
الرجال طلع وكام يصيح عليه
انت اثول انت اعمى ليش ماتشوف كدامك الي انطاك السياره مايخاف على العالم
عدكم فلوس وأرواح الناس لعبه عدكم
جمانه السعيدي
بقيت واكف وساكت ماكدرت احجي ولا ارد علي حقه
هذا باب رزقه
اتصل على الشرطه واجو اخذوني
سيارتي من كدام حيل تاذت
طلعت تليفوني واتصلت على ابوي حتى يجي وراي
ساعه واجو ابوي واخوي وبقو يتوسلون بلولد
يدفعوله تعويض بس يتنازل عن الدعوه
سيارتي حيل اتضررت واخذوها المرور حجزوها
بقيت بوم كامل بلسجن
وطلعوني بكفاله وسيارتي بقت محجوزه
ابوي شكد بقه يحجي عليه هو واخوي
قررت ثاني بوم اروح أفرج الكليه كله على انوار
اني تضحك عليه
اني رائد مانخلقت الي تضحك عليه
انوار... بقيت طول النهار نايمه كعدتني امي بليل
امي...يمه اكعدي كل النهار وانتي نايمه حتى مااكلتي
انوار...مااريد اريد انام
امي...اكلي لكمتين ونامي
انوار....مااشتهي
امي نزلت واني بقيت اتكلب بلفراش ماكدرت ارجع انام
نص ساعه واني ممده
نزلت جوا سمعت أمجد يكول اريد اروح للنجف
ابقى بومين صديقي يزوج ولازم اروح احضر عرسه
انوار....اروح وياك
أمجد....ترحين وياي شعجب
انوار...اغير جوو
أمجد....بكيفج بس ابقى يومين
انوار....حتلو اسبوع
أمجد...ودوامج
انوار....ماعندي امتحانات اربد اغير جووووو
انوار...جمعت ملابسي بجنطه وحضرت نفسي احس اكو ضغط عليه بسبب هاي المشكله
اريد اروح اي مكان بلكت انسى
ثاني يوم الساعه بلعشره طلعنا للنجف
اتصلت عليه امال....
امال...هااا وين اليوم ماكوووو
انوار....طلعنا للنجف يومين وارجع راح اقفل تليفوني
اربد راسي يبرد
رائد...مارحت للكليه ثاني يوم بسبب صدمة انوار
والهبطه على هذا الرجال
لان السياره دخلت بلكشك توقعته مات
رائد.....من كد القهر للعصر حسيت بطني كامت توجعني
عبالك سجينه داخله بيه
مااكدرت اتحمل اكثر امي شافتني وتصلت على ابوي
كمت استفرغ رغم اني كلشي ماماكل طول النهار
نقلوني للمستشفى
الدكتور أكد مصران اعور ولا زم عمليه فورا
دخلوني الغرفة العمليات واني بااسوء حاله من كد الالم
مااكدر اوكف على حيلي لازم بطني واصرخ
انوار. وصلنا النجف واخوي وزوجته فرحو بيه حيل
حتى اكثر من امجد
حارو شجابو و شخلووو
تغدينا ورتاحينا كتلهم اريد اروح أزور الامام علي
قبل المغرب طلعنا اني وزوجت اخوي رحنا للزباره
بس دخلت حسيت كلبي انشرح
دعيت رب العالمين يسندني ويقويني ومايخليني أضعف ابد
بعد الأذان طلعنا من الزياره كعدنا بلمطعم اتعشينا
شكد الأجواء حلوه
بس اني بعدني حزبنه اكو غصه بكلبي ماتطلع ابد
الله لا يوفقك رائد
انشاء الله تطلع حوبتي بيك يا ضالم
رجعنا للبيت لكينا الولد راجعين من الحنه
وهاشم ابن عمي جاي وياهم
بس شافني ابتسم
هاشم....هلو انوار عاش من شافج
انوار...اهلا وسهلا
هاشم...هاا شلون الكوت
انوار....زينه
هاشم.... منو احلى هنا لو هناك
انوار....النجف احلى
هاشم...ودراستج شلونه
انوار...زينه
هاشم.....ماباركتيلي
انوار....على شنووو
هاشم...تعينت بشركه اهليه
انوار...مبروووك تستاهل كل خير
هاشم...الله يبارك بيج لازم نزوركم قريبا بلكوت
انوار...اهلا وسهلا تشرفونا باي وقت