رواية رهان الحب
الفصل الثامن8
بقلم جمانه السعيدي
انوار....اليوم الي بعده قررت اروح أزور ابوي من انتقلنا للكوت واني ماجايه للنجف ولا زايره كبر ابوي
العصر طلعنا اني وزوجت اخوي رحنا للمقبره
بس وصلت انفجرت من البجي وكانما اريد حجه حتى ابجي من الي سوا بيه رائد
اريد احجي البابا واكله تعال ساعدني
تعال ساندني بعدك مااكدر وحدي
بقيت كاعده وابجي بحركه وزوجت اسعد تريد تسكتني ماكوووو
بعدين رحنا زرنا الامام علي ورجعنا للبيت
الولد بعدهم ماراجعين من العرس
بدلت وغسلت احس راسي يوجعني هلكد مابجيت
شكد مقهوره شكد متاذيه مجاي اكدر اجاوز الي صار
اول مره بحياتي احب
ومن حبيت اختاريت الشخص الغلط
اندكت الباب رحت فتحته اخواني وهاشم جاي وياهم
فتحت الباب ورجعت بسرعه لان ملابسه حجاب
لبست حجاب ورجعت سلمت على هاشم
جمانه السعيدي
هاشم...ماتبقون بعد كم يوم هنا
أمجد...اني عندي دوام وانوار هم عدها دوام بلكليه
هاشم...ولو يوم واحد تجون يمنا بلبيت
أمجد.... غير مره
هاشم...زين اني عازمكم تتغدون واطلعو للكوت
باجر اكيد ماترحون للدوام لان توصلون متاخربن اني مصمم تتغدون عدنا وطلعون
أمجد...تمام هاي الخاطرك
انوار..ثاني بوم كعدت الساعه بلعشره الصبح سبحت وبدلت
وحضرت ملابسي
الساعه ١١ ونص طلعنا البيت عمي
اخذت جنطتي وياي لان مناك نطلع للكوت
وصلنا وكان استقبال غبر عادي الكل فرح بينا
خاصه هاشم طاير عبالك اول مره ندخل عليهم
يسولف ويضحك ويحشش
ينقل بلاكل ويخلي كدامنا
يباوع عليه ويكول توا البيت نور
كلما ارفع عيني الكا يباوع عليه يبتسم حسيته فرحان بيه
كملنا اكل وودعناهم ورجعنا للكوت
كل هاي السفره اني قافله تليفوني امي تتصل على أمجد
واحجي وياها
رجعنا للبيت مااحس هاي السفره غيرت هواي من نفسيتي
رجعت بس دخلت للبيت ضجت
الحقيقه اني ضايجه لان مااكدر اطلع رائد من بالي
اول حب بحياتي
مستحيل انسى ببن يوم وليله
رائد...طلعت من العمليه تعبان بقيت بلمستشفى يوم كامل
ثاني يوم رجعت للبيت
اصدقائي وياي ابد مافاركوني
بلمستشفى والبيت وياي
أسامه....يله ضلع ارجعلنا ترا كلشي موحلو بدونك
مهيمن....ارجع خل ننتقم من كل البنات بسبب انوار
حليم....بعد مانتراهن على شي غالي شي بسيط
يمكن رائد
انفجر مصرانه علمود الرهن خاف يخسر الكل واحد ببنا
ورقه
سماح ضلع بس ارجع مانريد منك اي شي
أسامه....يله مانريد الورقه
رائد....بعد هاي سالفة الرهن انسوها اني ماادخل بعد برهانات
مهيمن...ليش لاتكون حبيت انوار
رائد...لحد يذكرني بيه
حليم....خسارت رهن واحد هيج اتسوي
يمكن رب العالمين يريد بعاقبنا لان هيج نضحك على البنات
رائد...اني احس هاي حوبت البنات هيج سوت بيا
كل هذا الوقت نضحك على البنات
اله دزلنا الي تضحك علينا
جمانه السعيدي
انوار...رجعت للدوام بس ماعندي واهس ابد
اول ماوصلت وشافني البنات اجن عليه ركض
حضنتني ويبوسن بيه
امال... مشتاقين
سناء....ولله الج وحشه
انوار...اني هم اشتاقيتلكم
سناء....شلونه الونسه
انوار....يعني زينه
امال...خل اسمعج اخر الاخبار
انوار...كولي اسمعج
امال....رائد سوا حادث ونقلو للمستشفى سوله عمليه
بعد العمليه بسبب الحادث
لو بعدين مافتهمنا المهم هو سوا حادث ونقلو للمستشفى
سووله عمليه بس عملية شنو مااعرف
انوار...من سمعت مسوي حادث كلبي انقبض ضجت حيل
بس سكتت مااريد اسئل عنه كلما اذكر الي صار منه
اضوج اكثر
بعد رجعتنا للكوت بيومين
من رجعت من الدوام تفاجئت بيت عمي عدنا بلبيت
عمي وزوجته وهاشم
سلمت عليهم وصعدت بدلت ونزلت
اسمعهم يسولفون وياا امجد واسعد
انوار...شعجب ببت عمو جايين شكووو
امي...جايين يخطبوج
انوار....يخطبوني
امي...اي هاشم يريد يتقدملج
انوار....استغفر الله
امي...شبيج مهندس ومتعين شاب حلو متدين
يكول اكمل الطابق الثاني واثثه ونسكن بي
والزواج بعد ست اشهر لمن تكملين كليه وهو يكمل
تجهيزات الزواج
انوار....شمرت المواعين وصعدت الغرفتي
تمددت ولله ابد مو وقتك هاشم اني عايشه ازمه نفسيه
مو وكتك كلش
امي صاحت تعاي سلمي على بيت عمج راح يرحون
لبست حجابي ونزلت
سلمت عليهم
سلمت على عمي وزوجته هاشم بس سلمت علي ابتسم
شويه ودعناهم وراحووو
امي...شببج كالبه بوزج
انوار...مااريد ازوج
امي....اي من تتخرجين اني اكول ابد لا ضيعين هاشم من ايدج ابن عمي تعرفي ويعرفج
من نفس طبقتنا متدين محترم موضف خريج
مستحيل تلكين واحد نفس هاي الموصفات
انوار....اففففف استغفر الله
امي...شبيج المفروض تفرحين
انوار....الله كريم منا لمن يخلصن ست اشهر
امي...الاسبوع الجاي يجون نلبس حلقات
انوار...شنو الاسبوع الجاي غير افكر
امي...هو هاشم هم يحتاج تفكرين علموده
انوار... شنو فاجئوني خطبه وكبل تلبيس حلقات
خليه بعد ست اشهر
امي... اي غير يخطبون حتى يبدون يجهزون نفسهم
انوار...اني مالي خلك بكيفكم
صعدت الغرفتي ضجت بلزايد على نفسي
الانسان الي حبيته طلع يضحك عليه
والانسان الصح الي يحبني ويريدني مااحبه
جمانه السعيدي
هذا الأسبوع كله ماداوم رائد بس اخباره منتشره بلكليه
واريد اكللكم شي ثاني
اني بلكليه الكل عينهم عليه البنات اكثر من الولد
الكل يكول هاي داهيه كدرت تضحك على رائد
لو يكولون هاي الي كدرت تلعب على رائد وتخلي يركض وراها
البنات الي رائد جان يضحك عليهن
اجن يكولن عفيه بردتي كلبنا برائد
والولد يكولون هاي قويه محد يكدر عليه
انتهى هذا الأسبوع وببت عمي دزو خبر الخميس يجون حتى نعقد ونلبس حلقات
الكل بلبيت كان فرحان بهاي الخطبه اله اني
رغم ان هشام مايتعيب ابد
كامل من كلشي واي بنيه تتمنى
بس اني كلبي مو ملكي مجاي اكدر اتخطى رائد
رغم عملته السوده
قبلت بهاي الخطبه هلكد مااهلي يلحون عليه
كان الاتفاق حفله عائليه بسيطه
اشتريت فستان ستن بنفسجي مقسم على جسمي
الردن طويله نهايته كشكش
والصدر خناقي ولبست حذاء فضي
فتحت شعري اني شعري سرح طويل
ولبست طوك خرز فضي
اني مو هلكد احب اامكياج خليت مكياج هادء
بيت عمي كلهم اجووو وأهلي وعماتي ثنيين من النجف
وخالي وخالتي
هاشم مشتري طخم ذهب كامل من النجف
وجايبين حلويات وباقة ورد
حتى الشيخ جايبينه وياهم من النجف صديق هاشم
عقدلي بلبدايه زوجت عمي تهلهل فرحانه حقه ابنه الجبير وهاي فرحته الاولى
بس اني امبين عليه مامقتنعه لان كاعده وماده البوز شبر
بعدين عقد الهاشم
تقريبا ساعه وكل الأقارب راحووو بس بيت عمي بقو
لمن طلعو كل المعازيم يله اجا هاشم يمي
كان يباوعلي نضرات عجيبه كله حب
اول مادخل باسني براسي
كعد قرب عليه وكال
هاشم...انتي احلى شي صار بحياتي
لو تعرفين شكد صار منتضر هاي اللحظه اللحظه الي نتجمع بيه اني وياج بلحلال
لزم ايدي وباسه بعدين بدا يلبسني الذهب
سحبت شعري ليكدام حتى يلبسني الكلاده
باسني بكتفي وهمس باذني شعرج حلووو
كلشي بيج حلوووو