رواية العطر السحري الفصل الثاني2 بقلم منه محمد
بعد انتهاء الحصه و اثناء جمعها لاشيائها اكتشفت ان واجبها كان في الحقيبه لكنها لم تلاحظه
رنا : ايه ده الواجب طلع ف الشنطه !!
هاجر : يلا يا حوله
خرجت إلي مكتب المدرس و اعطته إياه : سوري يا مستر شكلي مخدتش بالي منه طلع ف الشنطه من بدري
عمرو : مش انت البنت بتاعت البرفيوم
رنا بخجل : ايوه
كانت "هاجر" تحدق في الملاحظه التي كتبها الاستاذ ل"رنا" في واجبها
هاجر : متفوقه مثقفه جميله
و نظرت له بدهشه بينما بادلتها "رنا" بنظرات الفخر
هاجر : طب الف مبروك عليكي ، يلا اهو عريس حلو و غني هو متجوز بس ماشي الشرع حلل اربعه
رنا بتعجب : انت بقولي ايه !!
هاجر : اه غني هو احنا بندفعله شويه
رنا : مش اصدقي كده
هاجر : اومال اصدقك علي ايه ؟
رنا بتفكير : تفتكري يكون البرفيوم هو السبب
هاجر : لا عادي هو المستر ده كده بيحب يتمحلس للبنات
رنا : يت ايه !!
هاجر : يتمحلس 👈👉
رنا : ايوه يعني ايه بقى
هاجر : يعنيييي يعني بيعمل حركات عشان يعجب البنات
رنا : ما علينا، انا بس بفكر لو استخدمته مع زياد ممكن يحبني
هاجر : ييييي هو انت لسه بتفكري ف الواد الملزق ده
رنا بتذمر : لا متقوليش علي زوزتي كده
هاجر بنبره ساخره : زوزتك، اتصدقي ده لو عرف انك بتقولي عليه كده لا هاينفع معاكي برفان و لا سحر اسود حتى
_____________________________________________________________________________
ف اليوم التالي كانت تتجهز امام المرآة ثم وضعت من نفس العطر الذي وضعته امس
تلقت رساله من "هاجر" بأنها ف الاسفل لتنزل لها
ذهبوا معنا إلي السنتر و كانت عين "رنا" تحوم في المكان تبحث عنه
هاجر : رنا رنا رنااااااا
افاقت علي صوتها : ايوه
هاجر : هنفضل وافقين في نص الطريق كده قافيلن الدنيا عن الناس
جلسوا ف اول صف و مازلت "رنا" تراقب الداخل و الخارج
حتي وصل اخيراً هو و اصدقائه
رنا : ااا هاجر انا هروح الحمام بسرعه مش هتأخر
ثم قامت بسرعه دون ان تنتظر تعليق منها و هي خارجه اصطدمت بصديق "زياد"