رواية رهان الحب
الفصل الثاني عشر12
بقلم جمانه السعيدي
انوار....عمتي بس سمعت راح ارجع للكوت كامت تبجي
انوار...ليش تبجين عمه هذا الكوت خطوتين واني يمكم
عمتي....كلما اشوفج بلبيت عبالك شايفه هاشم
هلكد ماجان يحجي ببج اخير فتره
يايمه الله يوفقج ماقصرتي ويانه ابد
انوار...حضنته وبسته كلما افرغ اجيكم انتم اهلي
عمتي...فدوه الوجهج لا تتأخرين علينا
حتى جهال حماتي يكولون لا ترحين تعودنا عليج
حماتي ورجله راح نشتاقلج
رجعت للكوت وراح ابدي حياة جديده
احس نفسي كبرت الف سنه من هاي السنه الي عشته بيت عمي
بس حبيت اوضحلكم شي نسيت احجيلكم عنه
صديقاتي امال وسناء ابد ماكطعت التواصل وياهن
ثنيبنهن ازوجن وصار عدهن اطفال
ومنتضرات الوضبفه
ابد ماعافني بااصعب ضروفي حتى بوفاة هاشم اجن وراي للنجف
جمانه السعيدي
بديت اداوم بلتربيه لبسي كله اسود
اني الوحيده اداوم بعبايه ابد مانزعت عباتي
اخلص الدوام وارجع كبل للبيت
بعدها بدت امي ادور عرايس لخواني لان امي تعبت
واني ارجع متأخره من الدوام اريد بس لرتاح
خطيه تخلص النهار كله وحدها بلبيت
امي تريد عرايس ثنيين حتى ازوجهم ثنيبنهم سوا
يمكن سبع اشهر وهي ادور على عرايس
منا لمن لكت بنات ثنيين خوات خريجات بدون تعيين
صادف العرس بعد وفاة هاشم بسنه وسبع اشهر
شكد حاولت امي حتى انزع الاسود
بس ماقبلت
اريد ابقى لابسه اسود وماانزعه
اما بيت عمي حضرو العرس كلهم بدون استثناء
حتى بناتهم هنا ورجولتهن حضرن العرس
صار اكو تغير بلبيت امي فرحانه لان لكت احد يونسه بلبيت لان تخلص كل النهار وحدها بلبيت وضوج
اما بلنسبه للدوام كنت اكثر وحده مثابره بلشغل
ابد مااسوي علاقات وياا اي احد
الوقت كله للشغل اخلص شغلي اول بااول
الكل بلدائره يحترمني ويقدرني وابد محد يقرب عليه
سنتين واني اشتغل بهذا المكان حياتي كانت روتينيه
نفس الشي كل يوم
عمل وبس
اما بلبيت صار عدنا اطفال ثنيين ولد وبنيه اخواني واحد صار عنده ولد وواحد صار عنده بنيه
مدير القسم طلع تقاعد مبكر لان تمرض وسوا عمليه مال غده وعنده ضغط
المفاجئه مو هنا المفاجئه اختاروني اصير مديرة هذا القسم
رغم اني صار بس سنتين اداوم هنا
بس لان منضبطه بشغلي واحترم المواعيد
وكع الاختيار عليه
اترقيت وصرت مديرة قسم
رغم كم واحد اقدم مني ماكان عاجبتهم هاي الترقيه
وحسيت بيهم ضاجووو
حتى سمعوني كلام مو حلووو
بس مو اني الي اختاريت هم اختاروني
اما بيت عمي كل شهر اروح اشوفهم ابقى يمهم يوم
اروح أزور هاشم وارجع للكوت
حياتي كانت عباره عن عمل مابيه شي جديد
يمكن اني الي مااحاول اصنع شي جديد
صايره روتينيه وانطوائيه كلش
جمانه السعيدي
بعد ترقيتي بتسع اشهر
بيوم كنت مدنكه اكتب وندكت الباب
كلت تفضل بدون ماارفع راسي لان متعوده على المراجعين
....صباح الخير
الصوت سامعته مو غريب عليه
رفعت راسي جان اشوف رائد واكف كبالي
هو تفاجئ واني تفاجئت بي
بقينا ساكتين تقريبا خمس دقايق
بعدين انتبهت النفسي
انوار....تفضل
رائد....انوار انتي هنا يمته رجعتي للكوت
انوار....اهلا وسهلا ممكن اعرف بيش اخدمك
رائد...العفوو هاي المعامله محتاجه توقيع رئيس القسم
انوار....كلبي كام يدك على السريع
ماكدرت ارفع راسي
اخذت منه الكتاب ووقعته
رائد...يمته اباشر عمل هنا
انوار...كتابك كامل تكدر تباشر من باجر
رائد...شكرا
انوار...اخذ أوراقه وطلع بس اني ماكدرت اكمل شغل
رجع شريط الماضي كدامي
كلشي صار بينا رجع انعاد على كلبي
لا والمشكله راح يجي يشتغل هنا ويصير وياي بنفس المكان كل الوكت
ياترى شنو صار وياا كل هذا الوقت ايجوز ازوج
وصار عنده اطفال
ابد مو وكتك ترجع مااريد ترجع عليه ألمواجع مره ثانيه
بيومها ماكدرت اكمل شغل مجاي اكدر اركز
اريد الدوام يخلص بسرعه وارجع للبيت
رائد...من شفت انوار مدير القسم حيل اتفاجئت
شلون رجعت للكوت ويمتى وتشتغل بهيج منصب
لازم اعرف كلشي عنه
جمانه السعيدي
انوار...رجعت للبيت بس عقلي مو براسي بعد كل هاي السنيين الطوال رجع رائد
مو نسيته ليش رجع الحياتي مره ثانيه
لازم ماانطي مجال ابد
اكيد ارتبط وعنده حياته الخاصه
من رجعت للبيت حتى مااكلت صعدت الغرفتي كبل
بدلت ملابسي وتمددت
رائد.. بقى عقلي يجيب ويودي طول النهار انوار هنا
وراح نستغل بنفس المكان
ثاني يوم رحت للدوام بس عقلي وفكري كله يم
انوار
ليش الضروف رجعت جمعتني ببه مره ثانيه
شنو هلصدفه العجيبه
اول يوم اداوم وصلت قبل الكل وبقيت انتضرها تجي
يمكن زعلانه مني وماكدرت تنسى كلشي صار ببنا زمان
وصلت بس شافتني سلمت عليه وعلى الموضفين سلام عادي
ودخلت الغرفته
بقيت انتضر شويه
ورحت دكيت الباب
انوار...تفضل
دخلت بس شافتني دنكت
انوار...تفضل
رائد...صباح الخير
انوار...صباح الخير
رائد...ممكن اعرف شنو شغلي لان انتي مدير القسم
انوار...رفعت التليفون وتصلت
انوار...استاذ قاسم عرف استاذ رائد شنو شغله
نزلت التليفون وكتله تفضل
رائد.... درت وجهي اجيت اطلع ورجعت وكفت
ممكن اسئل سوال
انوار...واني مدنكه مارفعت راسي تفضل
رائد...ليش هيج تعامليني
انوار....رفعت راسي ونزلت حواجبي نعم اعاملك شنو اعاملك ليش اكو شي ببنا
رائد...اي على الاقل جنا زملاء بلكلبه
انوار....نعم شنو يعني اي واحد جان وياي بلكلبه اكعد
احجي واتسامر ويااااا
الكليه جان بيه اكثر من ٥٠٠٠ طالب وطالبه
رائد...بس اني اختلف
انوار...شمرت القلم وليش حضرتك تختلف
على راسك ريشه مثلا
رائد....اسف جنت اتوقع اكو عشره بينه
انوار....ممكن ترجع الشغلك رجاء
رائد.... صار
جمانه السعيدي
رائد.....طلعت من الغرفه وطبكت الباب انوار صايره أقوى من قبل يمكن بعدها تحقد عليه
رحت للمكتب وأخذت الملفات وكعدت اشتغل بعد ما قاسم علمني على بعض التفاصيل
اول يوم خلص بسلام من طلعت شفت انوار صعدت سيارته وطلعت
ثاني يوم قررت اعرف عنها بعض الشغلات
رائد...استاذ قاسم ممكن اسئل كم سوال
قاسم..اي تفضل
رائد...ست انوار صار شكد تشتغل هنا
قاسم...٣ سنوات
رائد...٣ سنوات مديرة قسم
قاسم...لا سنتين موضفه بس كلش مجتهده وبعدها صعدوها مدير قسم
رائد...تعامله موجاف وياا الموضفين
قاسم...بلعكس كلش خوش انسانه وكلمن تنطي حقه
رائد...ليش لا بسه اسود
قاسم...على زوجها حسب ماسمعت بعد زواجه بست اشهر اتوفا
ترملة وهي زغيره