رواية لعنة اختي والعقرب
الفصل العاشر10
بقلم منه محمد
في المطبخ
رباب لقتها ندهت عليها: انتي
جميله بصتلها: اسمي جميله
رباب : مش مهتمه بأسمك تعالي هنا
جميله قربت عليها: افندم
رباب: خدي الشاي للضيوف
جميله: ولو مأخدتهوش
رباب مسكت البراد بغدر: هدلق الشاي ع ايدك كده
جميله صرخت بجنون: عملتي ايه , انتي حـ قيره وقـ ذره عملتي ايه
رباب: انا اسوء من كده وممكن اعمل الافظع من كده خدي حذرك مني
جميله جريت ع اوضتها تحط معجون اسنان وهي بتعيط من الالم اسير رحلها ملقهاش
اسير بصوت عالي: جميييييله
رباب راحت له: فيه ايه
اسير: فين جميله مش في المطبخ امي عايزها
رباب: هقولك مراتك خرعه اوي , عملتلها الشاي وحطتيه في الصنيه , وقلت لها بس تاخده ايدها اتهزت والشاي انكب ع ايدها
اسير وسع عيونه: ايه
رباب: زي ما قلت لك اتحـ رقت
اسير دخل بفزع علي الغرفه: جميله
جميله كانت في الحمام فاتحه الحنفيه ع ايدها وبتعيط
اسير خبط بجنون: جميله افتحي الباب ( خبط اكتر) جميله بقولك افتحي
جميله فتحت الباب وخارجه متعصبه جدا وهو مسك دراعها: وريني ايدك
جميله بعصبيه: ابعد عني ,انت قلبك قاسي ,بس اهلك معندهمش قلب اصلا
اسير بخوف: وريني ايدك خلينا نروح للدكتور
جميله مسحت دموعها بأيد مرتعشه وقالت : قلت لك ابعد عني, اختك دلقت الشاي سخن ع ايدي هي دي الانسانيه
اسير: بتقولي ايه اختي عملت كده , بتقول انك معرفتيش تشيلي الصنيه ,والشاي وقع ع ايدك لاء دي زادت في وقحتها هتكلم معاها
جميله منعته: استني خطوبتها اتفسخت بسببي, طبيعي تنتقم مني ودي غلطتك انت, انا بتعاقب بسببك
اسير سألها وهي طالعه: رايحه فين
جميله: ستات الحته جاين لـ امك هخدلهم الصنيه
اسير: انا هاخدها
جميله: عظيم الاخت تحرق والاخ يعالج
اسير: لو مش عايزه ترحمي نفسك اقله ارحميني انتـ قمي من حبي مش من نفسك
جميله بصتله وهو خارج ليه كلامها له بيوجعها بعد ما بتقوله لكن بتكره اوي وطلعت وراه
اسير رفع الصنيه وبصلها: يله
رباب سندت ع حرف الباب وبسخريه: جميل اوي يا اسير بقيت عبد رسمي عند الست مراتك
اسير بغيظ: متوقعتش منك الحقاره دي
رباب : وانا كمان متوقعتش منك الخدمه الكبيره دي
اسير: وفيها ايه اول مره ابقي عريس لازم يباركولي انا كمان
رباب ابتسمت بحقد: تمام يله روح
اسير: يله قدامي ياجميله
...............قصص منه محمد كاتب..........
في الصالون اسير طلع بالصنيه قدام الستات وخيريه وشها اتغير
اسير ببساطه: زيحي يا خالتي الطفايه , وسعيلي مكان عشان احط الشاي , ليه ماكلتوش حاجه جاين تحلو بؤقكم
جميله فضلت واقفه مكانها لان مفيش غير كرسي واحد فاضي
اسير ببتسامه مرحه:اماه كان لازم تحطي كرسي زياده اقعدي يا جميله
جاره مصمصت شفايفها: خيريه مراه ابنك سيطرت ع ابنك من دلوقت
اسير ابتسملها: خالتي هو شغل البيت للزوجه بس
خيريه بصتله بغيظ: ايه التصرف الي هببته ده
اسير بنفس الغيظ: اختي هي الي تصرفها زي الهباب مش كدا
جاره بتريقه: بس مراه ابنك جميله بس هي خرساء دخلت ومرمتش علينا السلام
جميله بصتلهم: السلامو عليكم
الضيوف ردوا عليها السلام واسير قاعد منشكح بفرحه من قلبه
جميله : انا متاسفه بس ايدي اتحـ رقت , رباب وقعت عليها الشاي
جاره بعتاب: خيريه ليه المعامله القاسيه دي مع العروسه الجديده , ده ظلم وحقد
خيريه بغيظ :جميله قدمي الشاي للناس
جاره : يوه مش ايدها محـ روقه
خيريه: البت الي ملهاش ام ولا اب تتعود تتحمل الصعب مش كدا ياجميله
جميله : طبعا انتي عندك حق واضح انك عاملتي كدا مع رباب مش عندي حق
جاره بصتلها : هو انتي بنت ذكي البقال كنتي بتروحي الكليه
جميله: ايوه وخلصت دراسه
جاره : والله حظك نار يا خيريه ابنك مكملش علام ومراته متعلمه, وفوق ده بسم ماشاء الله جميله زي اسمها
خيريه بغيظ : ياوليه نسيتي كنتي هتموتي وتجوزي بنتك لـ ابني هو انا لازم افكرك
اسير ببتسامه واسعه: شوفي ياخالتي انا طول النهار بره في الدكان والام مسؤله تعلم وتربي العيال عشان كدا لازم مراتي تبقي متعلمه
جاره :بصراحه مراتك جميله ومتعلمه
رباب طلعت بغيره: اه وخطوبتي اتفركشت بسبب انها جات مراه اخويا
جاره : ده فال شؤم اتفسخت خطوبتك
رباب :حظي كدا ملقتش واحد زي اسير الي باع عربيه ابوه وسدد دين ابو مراته 100 الف واتجوزها هو كريم لدرجه عطاهم مهر وهي مجبتش ملايا
جاره : سمعت بس متاخذنيش يا جميله الجوازات دي بتحصل غير لما استفغر الله يبقي فيه علاقه حرام او حاجه غلط
رباب بشماته : هقول ايه عيب جميله فقر ابوها , وطلعت من حظي تبقي مراه اخويا , وجات البيت
اسير قام لهم بنفعال: خلاص ع طول خمنتي قوموا يله
جاره: في ايه
خيريه بنرفزه عليه : ايه التصرف الغلط ده
اسير: انا الي بتصرف غلط , وهما اتكلموا بأدب , محدش له اي حق يتكلم كلمه ع مراتي مش هتحمل
جاره: والله ام عادل كان عندها حق الواد ده بقي عاشق مجنون وقليل الادب كمان
جاره بسخريه : رباب ابقي افتكري مش هتتجوزي طول عمرك , لما يكون اخوكي دلدول لمراته هتفضلي هنا مجرد خدامه
اسير صرخ فيهم : يله اطلعوا بره , امشوا غوره من هنا
جاره: انت قليل الادب
اسير : عارف حقيقه كل واحده فيكم تحبوا اعلن في الجامع, بالسلامه واقفلوا معاكم الباب عالم زباله ( بص لخيريه) ابويا له احترام في الحته ع الاقل يمه حافظي عليه
خيريه داست ع سنانها: وانت حافظ عليه اوي مش كدا
جميله قامت تجري ع جوه واسير بص لرباب وامه ودخل وراها لقاها بتخلع الغوايش
اسير ربع ايده قدام صدره: ليه خلعتي الغوايش كانت حلوه في ايدك
جميله بعصبيه :امشي من هنا مش عايزه اتكلم معاك
اسير ببتسامه جميله: اول بنت اشوفها واخده الحب معاكسه
جميله مسكت فازه وبغل منه : لو مش هتمشي هـ فتح دماغك بالفازه
اسير ضحك :لو ضـ ربتيني بحب الجرح هيبقي بمثابه ورده ع دماغي , ومش هقدر امنعك
جميله بغيظ: انا بهينك يا بني ادم هو انا بحترمك, امك مش معترفه اني مراه ابنها بس انت جيت تديني اومرها واجهز زي العروسه واختك دلقت عليا الشاي والناس اتجمعوا ع انهم هيباركولي لكن اتكلموا في شرفي مبقاش ليا احترام ولا كرامه بلاش كمان تخليني اقع في نظر نفسي
اسير :تمام مفيش حد هيتجمع هنا تاني, ومتصبريش ع اي حد الا لو حبيتي , حتي لو انا , من حقك تقومي من المكان الي ملكيش فيه احترام ومش همنعك
..............قصص منه محمد كاتب..............
يوم جديد جميله طلعت ترص اكل ع صنيه وماشيه
خيريه: مش هنفطر انا وجوزك واخته, اخدتي اكلك وهترجعي اوضتك , مفيش احترام يا عديمه الادب اهلك معلموكيش الادب
جميله: لو معتبراني قليله الادب وقبلت ده, ليه اوريكي اخلاق اهلي
خيريه: انتي بتردي عليا كتير امسكي لسانك انتي هزقتيني قدام اهل الحاره
جميله: مكنتش عايزه اطلعلهم بس انتي الي صممتي ياخالتي
خيريه: متقوليش ياخالتي
جميله: ومقدرش اقولك ياحماتي لانك رفضاني مراه ابنك ومش بتعاملي معايا ع اني بنتك عشان اقولك يمه
اسير نازل من فوق السطح بيتاوب
خيريه بنرفزه: اسير شايف مراتك بتتكلم معايا ازاي
جميله بثقه وهدوء: سوري اسير قالي المكان اللي اتهان فيه امشي منه واستعمل حقي
خيريه مسكت دماغها بقهر: اسير انا لو مـ وت بسبب حـ رقه الدم ,مراتك المسؤله انا بقولك
اسير: اتجاهليها يمه واهدي اقعدي يا حبيبتي
خيريه بنفعال: سبني مش قاعده
اسير :اقعدي بقولك
خيريه : طبعا عايز امك تسكت
اسير ابتسملها : وكلي فطارك يله
خيريه : الناس معاها حق بقيت عاشق مجنون , افتكر كلامي الست الي متحترمنيش النهارده مش هتحترمك بكره
اسير مسك ايدها برجاء: هتعمل كل حاجه حلوه , وهتبقي كويسه وتتحمل مسؤليتها اديها وقت قصير اوعدك هتكون بنتك كمان
خيريه سحبت ايدها منه بنفعال :سيب احلامك الجميله زيها
اسير لنفسه : الاول كنت بصلح بين اتنين دلوقت بين تلاته ايه العيشه دي , مين الـ جزمه الي قال الستات مظاليم
رباب طلعت وسحبت كرسي وااعدت: الاسبوع الجاي هتشغل في مدرسه
خيريه ابتسمت بسخريه : اللحق بدئت تتعلم الاخلاق الي محتاجين تربيه هما الي هيربوا اجيال
اسير كتم ضحكته : معاكي حق خدي عيش تاني
خيريه برفعه حاجب: غريبه النهارده بتدافع عن امك بدل اختك يعني
اسير بص لرباب بغيظ : عشان انا مفقوع منها ,
حـ رقت ايد جميله
رباب: اه بدئنا نتكلم عن جميله
خيريه : رباب دلقت الشاي ع ايدها , وانت روحت تشارك حزن مراتك , وجبت الصنيه قدام الناس زي الواحده الست , متكسفتش انت فضحتني
اسير بحده مسحوبه بغضب : انا بخدمكم كتير انتم كمان, اسير اعمل الشاي وروح السوق ولحد النهارده حرب البيض بينكم مخلصتش مين بيحلها انا , كل يومين بجبلكم كرتونتين بيض
رياب : متعملش فيا معروف لو اكلتني لقمه ربك هيزيدك اضعاف
اسير : انا مش بقدم فيكي معروف , بعرفك ان جميله ليها حق عليا زيكم
خيريه : مش لازم تاخد حقها بالعافيه , انت مسخرتني قدام ستات الحته, شوف محدش فيهم هيعبرنا وهيقطعونا
اسير شوحلها: ما في داهيه , انا مش هتحمل كلمه ع سمعه مراتي مش هتحمل
رباب: لو خلصتوا الكلام عن جميله ممكن اتكلم
اسير بقرفه: لاء
خيريه: اتكلمي فيه ايه
رباب :هشتغل في المدرسه الي ع اول الشارع بس في حضانه
خيريه بستهزاء: يعني هتبقي مربيه اطفال
رباب عوجت شفتها :مش مربيه هعلم العيال واخد مرتب
خيريه بنرفزه قويه: ومين هيشوف شغل البيت يافالحه
رباب : انا مش خدامه هو جاب مراته اللطيفه شغليها
اسير ابتسم بمكر وقالها : روحي اشتغلي بس نصيحتي مطوليش لسانك المر في المدرسه هيكون اهانه كبير لينا
رباب: انت اتجوزت في الخفا , ومتهناش لكن الاهانه هتحصل من لساني
اسير ربع ايده وسند ع التربيزه وابتسم: الجواز سنه الحياه ولا هتهيني كمان السنه
رباب: يباي غلس
...........قصص منه محمد كاتب............
اسير دخل لقاها قاعده بتلعب في الموبيل قعد قدامها ومره واحده مسك ايدها
جميله بشخط: سيب ايدي, بقولك سيب هتعمل ايه
اسير مسك مرهم بيدهن ايدها برفق
جميله بتشد ايدها: حطيت مرهم سبني
اسير بصلها بعشق: هو انا بمسكها عشان اسيبها , وبعدين المرهم الي بيتحط بالحب اثره بيختلف انتي متعرفيش ده
جميله بتحدي: الحب من طرف واحد ملوش اي تاثير, لو مش مصدقني بص في المرايا
اسير ببتسامه: لما القي وقت ابصلك هبقي ابص في المرايا , وانتي برضه مش هتشوفيني
جميله بعصبيه: قوم امشي وخليني اشوف شغلي امشي
اسير كشر : في يوم هتقدريني وهتندمي ع معاملتك دي
جميله: بقولك امشي
اسير اخد بعضه وخرج ومش عارف يروح فين لقاها واقفه بتتسمع
رباب بتريقه : ناوي تنام فين الليله ع السطح ولا الانتريه
اسير : انا مش فاهم انتي مبتزهقيش من رمي الكلام طلعت اشرب وانتي روحي نامي
رباب: انا اختك الكبيره وقلقانه عليك امك بتنام بدري وتصحا متاخر متعرفش ان مراه ابنها مسيطره ع اوضه ابنها الوحيد
اسير: خلاص روحي قولي لـ امي مستنيه ايه
رباب: قولت لها مره شتمتني وانا مستنيه امك تنهي بنفسها مشهد كل ليله ده ،بالمناسبه الزمن انتقم لي منك بما يكفي مخلتنيش اتجوز وجوازك معلق
اسير: اكلتي ايه في طفولتك عشان تتملي بالسم ده كله
رباب: معرفش بس استحملت كره مراه ابويا ويظهر كدا ده تأثيره
.............قصص منه محمد كاتب..............
واقفه ع محطه الاتوبيس قرب عليها ووقف قدامها بالعربيه
ايمن من الشباك: انا اسمي ايمن
ميرفت بصتله: ايمن انت الي كنت خاطب جميله الي لطشته قلم سقع ع وشه
ايمن كشر: كدا عرفتي اكيد ان جميله اتجوزت اسير
ميرفت بقهر: ايوه عارفه ومقهوره من الي حصل عارف ان الافعي عندها شويه رحمه بس جميله مش بتهتم خبيثه , كانت صحبتي وكانت عارفه كويس اني بحب اسير
ايمن: بجد كنتي بتحبيه
ميرفت: اوي ولسه بحبه اوي ومش عيب لو قلت اني بحبه
ايمن: بجد ده ظلم كبير في حقك بصي لو معندكيش مانع نقعد في العربيه ونتكلم بصراحه انا كمان قلبي مكسور وجايز انا وانتي نبقي مرهم لبعض ولو سمعتي كلامي هتكسبي
ميرفت: موافقه يله
ايمن: بجد هايل يله اركبي عارفه جميله مخدعتكيش لوحدك خدعتني انا كمان في يوم عيد ميلادها قررنا نتجوز معرفش تعرفي حاجه عن اليوم ده بس انا هقولك الي حصل انا هزرت معاها وحبيت اخد صوره لينا سوي بس هي عملتها مشكله من الهوا اتهمتني اني حبيت اتجاوز حدودي معاها وجريت ع اسير وبعدين اتلموا اهل المنطقه قوليلي هو مش بعد الخطوبه فيه شويه حريه
مرفت بتأيد: ايوه فيه طبعا بس جميله عندها شويه تحفظ
ايمن بخبث: بس انا عندي احساس انها قررت تاخد منك اسير
مرفت بقهر وحقد: انا كمان عندي نفس الاحساس
ايمن: لو حبيتي ممكن تاخدي منها اسير , وانا اخد منه جميله
ميرفت :هو ده ممكن
ايمن: ليه لاء لكن لازم تساعديني
ميرفت بحماس مستعده اعمل اي حاجه عشان اخد منها اسير وموافقه اساعدك
ايمن ابتسم : حلو اقتنعت بحبك وشجاعتك , ع كلا فيه امرين الاول تطلعي جميله من بيتها
ميرفت ضمت حواجبها بتعجب: ليه عايز تخطفها
ايمن ضحك اوي: لاء اخطف ايه, لو خطفتها الكل هيشكوا فيا وانا مش غبي ,انا عايز بس جميله تاخد قرصه صغيره عشان تعرف ان ايمن يقدر يرجع لحياتها في اي وقت , ويطلعلها من اي مكان, تاني حاجه خدي معلومات من حمو عن اسير , امتي بيجي الدكان وامتي بيمشي , واثناء الفتره دي بيعمل ايه عايز خط سيره كله , والاهم فين بيته وعايش معاه كام فرد
ميرفت : ما ممكن تسال عمي ذكي عن كل ده
ايمن بقرفه: ذكي ده راجل عيل , بس انا واثق فيكي اوي, لان الحبيب يقدر يفهم مشاعر الحبيب التاني كويس مش كدا
ميرفت: بس ايه الي هاخده
ايمن بخبث ومكر: هتاخدي اسير
ميرفت حطت ايدها تحت دقنها : ازاي بتقولها كده بثقه
ايمن: لما يتأذي اسير من جميله هيصدق حبك وهيجيلك بنفسه لحد عندك
ميرفت : اتفاقنا