رواية ليلة زفافي
الفصل الثاني2
بقلم جمانه السعيدي
علا....خلصن يومين واني موضوع واثق شاغل بالي
وابوي بعدا ماسائل عنه
اتصلت مها تطمن
مها...شلونج علا
علا...الحمد لله
مها...شنو القصه شكد راح تبقون تسئلون ترا احنا ناس معرفوين
بيت سعيد همام الحميري
اشهر من عدنا ماكووو ليش اتاخرتو علينا
علا...ابوي جاي يسئل ليش مستعجله اذا اكو قسمه
راح تصير
مها...فدوه استعجلو نريد هسه بس نخطب
علا...انشاء الله
قفلت التليفون ورحت كلت الامي
علا...ماما اخت العريس تسئل شوكت نرجعلهم خبر
امي...ابوج بعدا ماسائل عنهم
علا...اي انتي لحي علي اذا مايعجبونه نرفض
حتى يشوفون
احد غيرنا
جمانه السعيدي
امي اليوم انشاء الله
راح بابا يسئل عنهم ورجع متفاجئ
بابا...تعاي علا انتي وامج
علا...خير بابا
امي....سئلت عنهم
بابا....اذا هو هذا الولد نفسه بابا هذا دره مو ولد
اخلاق والتزام ومصداقية ووضعه المادي كلش زين
امي...يعني نوافق علي
بابا....بكيف علا اني سئلت عنه خوش ولد
علا....لا بابا بكيفك انت
امي...اذا تكول عنه زين خل نتوكل على الله ليش يروح منا
بابا... اتصلي على أخته وخل يجي هنا البيتنا نتعرف علي
باجر بليل خل يجي
يعني يجي وحده جلسة تعارف
علا...اي بابا
علا...فرحت فرحه مو معقوله لان مو بس عجبني عجب بابا واهلي
بس رفعت التليفون اخته اتصلت
مها....هااا علا بشري
علا....بابا يكول يجي باجر نتعرف علي بيتنا
مها...اي هذا الحجي الحلو
اليوم الي بعدا صادف جمعه ماعندي دوام
بلشت نضفت البيت وعطرته وبابا جاب ضيافه كبك وعصير
امي...شنو هذا النشاط كله كون كل يوم يجينا عريس
حتى اشوف هذا الحماس
علا...اني انضف بيتنا لان من زمان مامنضفه هيج تنضيف مو علمود العريس
امي...اي صدك اني هم ادري
طبعا ورود كلشي ماسوت لان يوم الجمعه تطلع للمكتب
من الصبح وماترجع اله ورا اذان المغرب
بليل اندكت الباب راح حازم اخوي فتحه
اني اباوع من شباك اامطبخ
دخل وبيده علبة حلويات جبيره
اسمع بابا شلون رحب بي
شويه وصعد صوت السوالف والضحك
حسيتهم حيل اندمجو هو وبابا
بابا...احنا سئلنا عنك ماشاء الله اخلاقك وسمعتك الذهب سابقتك
انسان محترم
واثق...الله يحفظك
بابا...بس الزواج بعد التخرج
واثق. ... ماعندي مانع بس عندي طلب اريد اتواصل وياا
علا بهاي الفتره
حتى نتعرف على بعض اكثر
بابا....اي ماعندي مانع بس تعقدون عقد شيخ حتى لا ندخل بلحلال الحرام
واثق... شوفو اليوم الي يعجبكم اني مستعد
بابا .. اني اتصل عليك
واثق....طلباتكم
بابا...ماعدنا اي طلبات بس المعامله الحلوه
لان الفلوس تروح وتجي
واثق....بعمري مراح اقصر وياها بشي
علا...فرحتي ماتنوصف من سمعت هو بابا اتفقو على المهر
حسيت نفسي احبه من زمان
يمكن لان اجا تقدملي ومابقه يماطل بالعلاقه
لو يريد يخلص وقت براسي
حسيته رجال
جمانه السعيدي
حددنا موعد المهر بعد اسبوع اني اتصلت باخته وحددنا الموعد
دزلي مبلغ محترم حتى اشتري فستان وذهب
واحجز بلصالون
بهذا الاسبوع داومت يوم واحد لان مخبوصه بالتحضيرات
رحت للصالون يومين علمود اسوي بعض التغيرات
وشتريت فستان يخبل
وطقم ذهب يجنن
بيوم المهر دزلي خواته وياا السايق اخذوني للصالون
كنت فرحانه مثل العاشكه صار عشر سنوات ومنتضره حبيبه
طلعت وحده ثانيه اخبل عبالك باربي
اخوات العريس كل وحده سوت تسريحه ومكياج شكد فرحانات
بعرس اخوهن
ورود ماقبلت تجي وياي للصالون بقت اتساعد امي
حتى اختي المزوجه هم اجت هي وجهاله
رجعت من الصالون شويه واجا العريس
شكد جايب ناس للخطبه كلهم ناس اصلين سيارات كله حديثه
عقدلي الشيخ وبعدين عقدله
شويه ودخل علينا لابس قاط رصاصي فاتح
وقميص ابيض طالع يخبل
بس شافني ابتسم
واثق. ...مبروك
علا.. الله يبارك بيك
لبسني الذهب وكطعنا الكيك واكلنا واخذنا كم صوره سوا
خواته صمم نركص سوا اني ويااا
قرب عليه لزم ايديه وبدينا نركص اني ويااا
ابتسامته كلش حلوه
شوفو الصراحه اني طبيت خلاص وحبيته
احس جنت انتضره من زمان
هو هذا فارس احلامي
بعد الحفله صمم كلنا نطلع نتعشى برا
اني وياا وخواته وعائلتي كله اهلي ماقبلو يطلعون وياي
يستحون منه
بابا وماما اعتذرو وكالو على غير مره
اخذنا المطعم كلش فخم تعشينا وكعدنا نسولف ونضحك
اكتشفت اضافه للوسامه الي شايله دمه خفيف
عافنا وراح للحمام مرتين غسل ورجع
بعدين رجعني للببت وراح
بس وصلت وغيرت ملابسي دزلي رساله
وهاي كانت أول رساله توصلني منه
جمانه السعيدي
واثق....اشتاقيتلج
علا...يمته
واثق...هسه
علا...مو جنا سوا قبل شويه
واثق...ولو مشتاقلج
علا...ليش ماكلت
واثق...هذا الكلام خاص بينا محد يعرفه غيرنا
علا...هااا هيج
واثق...اي هيج
علا...يعني تحبني
واثق....مااعرف دقيقه خل افكر
علا....شنو تفكر تفكر تحبني لو لا
واثق....اي
علا...زعلت
واثق....اموت على الزعلان تعرفين اني صار شكد ادور على عروسه
علا... اي وبعدين
واثق ....اربع سنوات شكد شفت بنات بس ولا وحده عجبتني
علا...ليش ولا وحده عجبتك
واثق....لو احسه بلا اخلاق راسا تاخذ وتنطي ماعدها حجل
لو طماعه اول شي تبدي تسئل عن الأملاك والفلوس
وشكد راح تقدملي مهر
ووين راح نروح بشهر العسل
لو احسه رخيصه مستعده تقدم كلشي علمود الفلوس
لو اسلوبه مو حلووو
لو وكحه
علا...واني
واثق....صار فتره اراقبج شخصيتج
حلوه واثقه من نفسج
محتشمه
وبعد اكو سبب احس روحي حبتج
وكانما كلبي يكول اي هي هاي
من شفتج اول مره وحجيت وياج كلش عجبني خجلج
وطريقتج بلكلام
علا...شعور متبادل
واثق...يعني شنووو
علا...اني هم عجبتني شخصيتك حسيتك رزن وثكيل
اني ماأحب الولد الخفيف
واثق....اي احجي بعد خل اسمع من يمته تحبيني
علا..من اول مره شفتك يمكن اروحنا التقت قبل هلمره
واثق...اموت عليج
علا... اني هم
واثق...انتي شنو احجي
علا...احبك
واثق...الله الله بعد مره
علا...لا كافي
واثق...باجر امر عليج للكليه ونطلع سوا
علا....اني صار اسبوع مامداومه يمكن مراح اتخرج
بسبب هذا الزواج
واثق...لا لازم تنجحين وتتخرجين حتى نزوج
علا...انشاء الله
واثق....خلاص الصبح من تكعدين لازم نحجي قبل لا اطلعين
علا...اذا كعدت هسه الساعه ثنتين نص واني بعدني مانمت واليوم كلش تعبانه
واثق....يله خطيه روحي نامي تصبحين على خير
علا...وانت من اهل الخير