رواية لعنة اختي والعقرب
الفصل الواحد والعشرون21
بقلم منه محمد
وقفنا لحد رباب قامت وبخبت مسكت قلبها: اسير اه قلبي
مره واحده اغمي عليها جميله جريت بفزع: ايه الي حصلك يارباب
خيريه لطمت ع صدرها : يانصبتي بنتي
اسير بخوف ظاهر ع تفاصيل ملامحه: لازم اخدها المستشفي
خيريه: اتصل بعربيه اسعاف
اسير من الخوف رفعها ع ايده وطلع يجري للشارع زي المجنون وخيريه مسكت الجدار
جميله سندتها: ماما تعالي ندخل جوه
عدت نص ساعه وكل ما يتصله بأسير موبيله مغلق او خارج التغطيه وده في حد ذاته عملهم قلق كرروا الاتصال
جميله: التلفون بيرن
اسير رد: الو
جميله: اسير طمني اختي عامله ايه
اسير: الدكتور لحد دلوقت مردش صلوا وادعولها متكنش حاجه وحشه
جميله: متقلقش اجمد كل حاجه هتبقي كويسه
اسير مسح بين عنيه: غلطتي انشغلت بسعادتي ونسيت حزن اختي واظن كتمت القهر جواها لحد ما اتحطمت ووقعت قدامنا
خيريه: هاتي التلفون اكلمه (اخدت منها الموبيل وحطته ع ودنها) اسير حمو بيقولك يجيلك ع المستشفي وانت تعال ع القاعه ساعتين, وبعد الفرح ارجع المستشفي
جميله بهمس: يا ماما مينفعش
اسير بعصبيه: بتقولي ايه انتي, اختي تبقي مرميه في المستشفي , وانا ارقض وافرح حصل ايه في عقلك, بتقولي ايه
خيريه بنرفزه وغضب شديد: انت الي جرالك ايه , والمصاريف والناس
اسير: مفيش حاجه اهم من حياه اختي , اتصلي بالناس الي عزمتيهم وقوللهم يرجعوا بيوتهم الفرح اتلغي
خيريه بقهر: ايه هتلغي الفرح يا اسير , طب اسمعني ( بغيظ) شايفه الواد قفل السكه اعمل ايه
جميله طبطبت عليها : متزعليش كله هيعدي
خيريه اتعصبت وبكاء: ازاي مزعلش فهميني , المسأله ساعتين بس ونرجع من الفرح ع المستشفي , بس رفض يسمعني وقالي الغي الفرح , معرفش مين مستكتر عليا افرح بابني, الجوازه من غير طعم و لون , ودلوقت مش عايزنا نفرح يارب اعمل ايه
جميله: ماما ارجوكي متعيطيش , مش مهم اي حاجه , المهم رباب تبقي بخير , عشان خاطري متعيطيش
ذكي دخل: يا ست خيريه اتكلمتي مع اسير
خيريه شوحتله بزهق: انسي يرجع, اتكلمت معاه هديلك تلفون المسؤل عن القاعه اتصل بيه وبلغه ان العريس لغي الفرح
ذكي: ايه
خيريه: وانا هتصل بالمعازيم بنفسي
ذكي: بس كدا الخساره هتبقي كبيره
خيريه جزت ع اسنانها بغيظ: مش مهم اي خساره قدام حنيته ع اخته , ده اسير يارب اعمل ايه
ذكي بص لجميله بخوف: ليه بصالي كده هدومي جديده مش قديمه
جميله بغيظ: متعملش مقارنه بينك وبين اسير, انتم الاتنين تجار لكن ع الاقل هو مش بيغش العلاقات مش بيضحي بحد عشان مصلحته
ذكي: هي الفلسلفه دي مش هخلص منها , انا بعمل مقارنه هو الفرح ده بيتعملي بس نقول ايه حظك فقري عـ كت ع دماغك وتلوم ع ابوها
جميله بصتله بعصبيه وسابته ومشت وهو كمل: ياخساره فلوس الهدوم الجديده ملهاش فايده ياست خيريه هاتي رقم القاعه اتصل ابلغهم
.............قصص منه محمد كاتب............
في المشفي
قاعد مقهور وكلم نفسه: كل ما تيجي تفرح يا اسير الفرحه حالفه لتبعد عنك
رباب فتحت وبصتله: سامحني ليلتك باظت بسببي
اسير اتنبه ليها : باظت لو عملتي كدا عن قصد, لكن تعبتي واغمي عليكي غصب عنك
رباب بكدب وخداع: بجد كنت فرحانه لفرحتك, لكن معرفش حصلي ايه
اسير قرب منها وميل باس جبينها : ليه بس بتعيطي , متعيطيش العياط هيأثر عليكي , كل حاجه كويسه
رباب: بجد انت مش زعلان مني
اسير ابتسملها: بجد مش زعلان منك
رباب: هعتذر لجميله وامي كمان
اسير: محدش فيهم زعلان منك, كانوا بيدعولك, سيبك من كل ده واستريحي, امي جايه الليله تقعد معاكي , لو فيكي اي حاجه بتوجعك قوليلي
رباب : حاضر
اسير مسح ع شعرها بحنان: استريحي انتي دلوقت انا هنا جنبك
رباب لفت وشها عنه ومسحت دموع التمثيل وقالت لنفسها: الاول مـ وتني عشان توصل لسعادتك
..........قصص منه محمد كاتب................
في غرفه جميله قعدت بفستانها ع السرير وتتأمل الاوضه وبينها وبين نفسها: لما كان بيقرب مني كنت بحس بشعور الحب ناحيته ......واليوم مش قدامي وحشني.... شوفت يا اسير النهارده جميله بجد مستنياك بكل شوق
خيريه: جميييله
جميله: نعم
خيريه: كويس انك لسه بالفستان اسير اتصل رباب اتحسنت الدكتور عطاها اذن تخرج قال اللاغماء من التوتر
جميله اتنهدت وقامت تضمها: الحمد لله رباب بخير
خيريه ضمتها لحضنها: ايوه يا بنتي الحمد لله ميهمش بقي لو الفرح اتلغي انا فرحانه لان فرحه بنتي مرحتش من ع وشها ربنا يسعدكم طول العمر انا هلبس وارحلها عايزه حاجه
جميله: تسلمي
خيريه: العشاء جاهز عندك في المطبخ اسير جاي في السكه اتعشوا سوي يله سلام
جميله رجعت قعدت مكانها وهو دقايق ودخل وقرب وقعد قدامها وابتسم وجاي يرفع الطرحه ضـ ربته ع ايده وهو ملامحه كرمشت وشاورلها بمعني ايه
جميله بدلع وشقاوه: الوضع الجديد له قاعده جديده , بعد ما ترجع من المستشفي لازم تغسل ايدك وتغير هدومك
اسير بمراوغه: طب لو مغسلتهاش
جميله: مش هسمحلك تلمسني
اسير بضحكه من القلب: اول عروسه اشوفها بتتكلم بثقه
جميله: والعريس لازم يعرف انه دخل حياتي بثقه
اسير : هوهو ناويه تنتـ قمي
جميله ضيقت عيونها وبأٍسلوب مايع: طبعا
اسير بوقاحه: انا كمان بحبك اوي , والليله هتدفعي تمن قلبي الي سرقتيه مني
جميله: الاول ادخل اغسل ايدك ووشك بالمطهر وبعدها هديلك كل الي تطلبه
اسير قام وعملها تحيه الظابط: تمام يا جميله هانم يظهر اوامرك هتبعها من اليوم راجعلك بسرعه
جميله: متتأخرش
اسير طلع وقرب منها ورفع الطرحه واتأملها: بجد جميله جدا, ايه في الجمال
جميله: مش اجمل منك , قلبك جميل اوي يا اسير , وكنت بعتبرك زي باقي الرجاله بس دلوقت عرفت انك بتاخد الالم وتمحيه كمان, انت فزت بيا الناس بيتقابلوا الاول وبعدين يحبه بعض وبعدها يتجوزه , لكن انا اتجوزتك الاول , وكنت بكـ رهك بس بالتدريج اتعودت ع وجودك , وبدئت احب صحبتك , ضحكتك , ابتسامتك ,كلامك خفه دمك , وتريقتك , كل دول سيطرت بيهم ع قلبي كنت بقنع نفسي ان ده ونس مش حب , بس لما جيت اقربلك لقيتك بعدت عني مره تانيه ,الليل كان بيعدي وحسيت ان جميله ولا حاجه من غير اسيرها انا بحبك
اسير في قمه السعاده: قلتي كل ده حاسس انه هيغمي عليا, لكن مش عارف احدد هو انا هيغمي عليا بعد ما شوفت مراتي الجميله , ولا هيغمي عليا من الكلام الحلو الي قولتيه اظن كدا معايا اذن منك اقيدك بقيود الحب طول الحياه
جميله: وانا عطيتك الاذن
اسير ابتسملها وطلع علبه الشبكه ولبسهالها وباس ايدها وهي في منتهي السعاده
جميله : ع فكره كنت بتشدلك وانت محستش بكده
اسير : حسيت بس كنت عايزك تفضلي تحاولي وتتعبي شويه
جميله قرصت خده :, ولو كنت خسرت
اسير :كنت همسك فيكي بايدي وسناني ومش هسيبك , واحط كل الحب الي جوايا في قلبك مره تانيه , مالك بصالي كده
جميله : ببص ع الانسان الي يبان قاسـ ي وجامد , متخيلتش يطلع رومانسي وحبوب
اسير بضحكه من قلبه: حبوب, بس عارفه انا كمان متخيلتش ان البنت الي تقدر تجرح وتقسي كتير لو حطت مرهم بحب ع الجرح يختفي ولا يبقي له اثر
جميله بشقاوه :ع فكره انا قلبي رهيف
اسير : و انتي حبي الاول والاخير, كنت بشوفك رايحه وراجعه من الكليه بحس انك اميره عايزلها امير ياخدها ع حصان ابيض ويطير لبعيد عن عيون الناس
جميله :وانا حظي معاك زي الاميره
اسير بغزل: وانامراتي واحده في المليون وجميله زي الاميره
جميله: حبيبي حبي الكبير ليك هيخليك تنسي كل جرح سببته ليك
اسير ضحك بسعاده وقال: مش عايز احرك عيوني عنك
جميله وشها احمر جدا واتكسفت وهو مسك دقنها تبصله وقال: بتبقي حلوه لما بتتكسفي
جميله بخجل وكسوف : ولو فضلت تتكلم كده هتسكف أكتر
اسير: اتعودي لاني هتكلم كده معاكي ع طول
جميله ابتسمت بسعاده : والله هتسيب الشغل كله وتحب فيا بس
اسير: اه الحب خلاني مش نافع والا انا كنت نافع
جميله: مذهل
اسير: ممكن اقول حاجه
جميله: قول
اسير مسك ايدها بين ايده : انا يعني اسير من النهارده وانتي مالكه حياتي بجسمي وحبي وقلبي وعقلي بس الاول لازم توعديني انك متخبيش عني اي حاجه مشكله زعل تحكيلي عنه اول بأول عايز اعيش معاكي لحد اخر نفس في حياتي
جميله: تمام اوعدك بس عايزه اقولك حاجه
اسير همس جنب ودنها: قولي
جميله: الخواتم والحظاظه متخلعهمش ابدا
اسير اتنهد براحه اكتر لما كملت:لايقين اوي عليك , عارفه انك بتعتز بيهم لانهم من ريحه والدك, ومش معني انك ارتبط بيا تنسي ذكرياتك القديمه
اسير: ممكن نخرج
جميله وسعت عيونها بدهشه: دلوقت
اسير: اه انا كنت حاجز مكان بعد الفرح , وبما اننا معملناش الفرح, نفرح في حته تانيه , انا وانتي والليله والموتسكل ونغني زي عبد الحليم وشاديه, يابنتي الاوقات الحلوه دي مش هترجع مره تانيه يله بينا
جميله: يله
اسير بخفه دمه: هتروحي بالفستان
جميله ضحكت وقامت غيرت وهو كمان لكن رباب هتعدي فرحتهم استر من الي جاي