رواية رهان الحب
الفصل الثالث3
بقلم جمانه السعيدي
رائد....هذا الأسبوع الثالث واني افتر وراها
طاحن رجليه وكلشي مامحصل
مااعرف شلون ادخل عليه
حيرتني شكد صعبه
باقي البنات ماكانن هيج متعباتني اصلا بس اقرب عليهن
لو اكول خل نتعرف
لو محتاج هاي المحاضره
لو ممكن اعزمج
اكو بيهن مجرد ابتسامه تجي تركض
من غير الي هنا يجن حتى يتعرفون عليه ووين مااروح يجن وراي
بس مثل هاي المصيبه ماشفت
مااعرف شلون راح احجي وياها
اني فقدت سحري شنوووو
شوقبل بس اقرب على البنيه تركض وياي ركض
وهاي مااعرف شنو ملته
جمانه السعيدي
بعد ٣ اسابيع غيرت الخطه واجيته من غير باب
بقبت منتضرها شفته طلعت من المحاضره
هي وصديقاته
تقدمت عليه وكتله من رخصتج
راسا باوعت عليه بستغراب ونزلت حواجبه
انوار....نعم تفضل
رائد...اكو موضوع اريد احجي وياج بي ممكن
انوار...بخصوص شنو
رائد.. بس نكعد وحدنا واحجيلج
انوار....شنو نكعد وحدنا وليش نكعد وحدنا اني ماكو بيني وبينك شي خصوصي
ولا معرفه سابقه ليش نكون وحدنا
امال...من رخصتج انوار
انوار...لا اوكفن ممنوع اي وحده تروح اريد اعرف شيريد مني خل يحجي كدامجن
اني ماعندي شي اخاف منه
تفضل احجي
رائد.... كلت بكلبي هاي شلون ورطه
انوار...اسمعك
رائد...بس الموضوع خصوصي مااكدر احجي هنا
انوار...ماكو اي خصوصيه بينا تفضل
رائد.حرت شحجي وياها
انوار.. احجي ليش ساكت
رائد...بس ردت منج موعد وياا الوالد اريد اتفدملج ردت احجيلج شويه عن نفسي وعن ضروفي
يعني نتعارف اني وياج قبل الخطوبه
انوار...ومنو كالك اني اريد اتعارف لو اريد اصلا ازوج
ومنو كالك انت تعجبني
انت ليش حشري تريد تخلي نفسك بحياتي بلغصب
روح شوف وحده من مستواك
مثل نوعيتك وتعرف عليه وازوجه
يله بنات خلص الكلام
رائد...عافتني وراحت واني واكف بنص هدومي ودي الكاع تنشك وتبلعني
اني رائد اشاره مني عشره يوكفن سرا عليه
مو حتى ازوجهن
لا حتى اخذهن فره بلسياره
هاي الي ماتسوي شي هيج تحجي عليه وترزلني
وكدام صديقاته
بسيطه وراج وراج لمن اخليج مضحكه للولد والبنات
امال....عفيه عليج زين تسوين بي شكد اكرها لان شايف نفسه عبالك الي خلقه ماخلق مثله
جمانه السعيدي
انوار....يريد يوكعني شلون خبيث اخطبج وخل نتعارف
وبعدين يدير وجهه وبكول ماعجبنني
امال....اي ولله واجتك الي تكسر خشمك يارائد
رائد كلش ضجت ورحت للكافي مالت الكليه اشرب عصير ابرد نار كلبي
شفت الجماعه كاعدين
رائد...شلونكم
أسامه...هلو ضلع شلونك
رائد..زبن
حليم...لا ولله مبين ضايج خاف سحلتك سحل
مهيمن...لا رائد كدها وكدود مو وحده مثل هاي متخلفه
تنتصر علي
رائد....يااخي ماله مدخل حرت وياها
مشيت وراها مافاد
حاولت احجي وياها مافاد
اليوم خطبته اتخيلو كتله نتعارف حتى اخطبج
تكلي ومنو يكول اني اقبل بيك
اني رائد الي مانخلقت بنيه لليوم ترفضني تكول
مااقبل بيك
حليم....ولله وكعت ياحلو و
رائد...اسكت لان حيل حقدت عليه قبل جنت اركض وراها علمود الرهن
بس هسه اني الي راح اطيح حظها شنو شايفه نفسه
كل شباب الكليه محد معبرها
واني ترفضني
اصلا بعدها مانخلقت الي ترفضني
مهيمن...لا تصير عصبي لازم توكع بيوم من الايام
انوار...رجعت للبيت تغديت وصعدت الغرفتي
ليش رائد يركض وراي
اكيد اكووو سبب
مامعقوله اني عجبته لان مبين مايحب هيج نموذج
زين ليش كل هذا الوكت يلاحكني
وشنو قصده من كال نتعرف اريد اخطبج
مامعقوله يخطبني وهو كلشي مايعرف عني
اهووو اني ليش مدوخه راسي
جمانه السعيدي
رائد...ثاني يوم رحت وبقيت انتضرها بس شأفتني ضاجت
رائد..ممكن نحجي كلمتين
انوار....لا مو ممكن لان اني وياك ماكو بينا اي معرفه
رائد...زين خلي تصير بينا معرفه
انوار...على اي اساس تكون هاي المعرفه
رائد...زملاء اصدقاء دفعه وحده اي شي
انوار.....بس اني مااصادق ولد بس بنات
رائد...اعتبريني بنيه
انوار...ليش ماتحجي من الاخير خل افتهم شتربد
لان بديت تزعجني الصراحه
رائد...مو كتلج اريد اخطبج معجب بيج خل نتعرف
انوار....الزواج مو توافق وحب وتفاهم
رائد...اي
انوار...اني مااحسك توافقني ولا احبك ولا اكو لغة تفاهم بينا اذن الزواج باطل
روح شوف وحده مثلك مثل ذوقك وخطبه
رائد...انتي ذوقي ماتشوفين نفسج مختلفه عن كل البنات
كل البنات اني جربتهن
بس انتي نوعج مختلف جذبتيني حسيتج مختلفه عن كل البنات
على فكره اني اعرف نص بنات الكليه
واكدر هسه كدامج امشي وياا عشره سوا
بس تعرفين كلهن متشابهات نفس الشي انتي المختلفه الوحيده بينهن
انوار...خلص كلامك اني مميزه بلنسبه اللك بس انت مو مميز بلنسبه اليه
كلش عادي انسان ماعدا هدف بلدنيا بس يصادق هاي ويمشي وياا هاي حتى يخلص يومه
حياته مابيه معنى
اني اذا اريد ارتبط ارتبط بإنسان مميز
عندا أهداف بلحياة
محقق على الاقل نص احلامه اذا مو كلهن
انت مابيك اي وحده من الأشياء الي اريدهن
ارجوك ابتعد عني لا تأذيني ولا ااذيك
رائد....هذا اخر كلام ماراح تتندمين
انوار....ميخالف خل اتندم عليك اني قابله
رائد...درت وجهي ومشيت حسيت كرامتي اطشرت
هسه هاي شلون راح اقنعه تعبتني
بقيت يومين قريب كلش منه بس مااحجي وياها
بعدين قررت احجي وياا صديقته بلكت تأثر عليه
خلص شهر واني كلشي ماسويت
معقوله راح اخسر الرهن بسببه
بقيت انتضر صديقته من طلعت من الجامعه
رائد...ممكن احجي وياج
أمال...اذا الموضوع يخص انوار ممكن تحجي وياها
رائد...بس اريدج تدخلين بلموضوع
اني فعلا معجب بيه واريد اتقدمله
مااريد شي بس نكعد اني وياها سوا ونتفاهم ترا الزواج مو لعبه
لازم يكون اكو تفاهم بين الزوجين
واني مو زغير عمري ٢٩ سنه وأهلي يلمحون بموضوع زواجي
واني جاي ااجل
ترا احجي جديات اني مااكدر ارتبط بيه راسا
لان اني الصراحه عرفت هواي بنات
ومن اختارت انوار اختاريته لان مختلغه
ارجوج اقنعيه نكعد سوا ونحجي
واذا ماعجبته ممكن ترفض الخطوبه
امال...مااعرف
رائد....رحمله والدي الي وفق راسين بالحلال ماتردين رحمه الاهلج
امال...ميخالف احجي وياها واشوف رده
جمانه السعيدي
انوار.رجعت للبيت بس رائد مايقبل بطلع من راسي
حيل محتاره مااعرف اتصرف ويااا
جاي يلح بشكل مبالغ
...هذا شبي اكيد تخبل كلما اصده اكثر يقرب اكثر
معقوله يحبني من صدك
بليل اتصلت عليه امال
انوار...هلووو امال
امال...هلوووو
انوار....شببج
امال...اكو موضوع مهم اربد احجي وياج بي
انوار...كولي
امال...اليوم من طلعنا لكيت رائد بنتضرني ويريدني واسطه حتى تقبلين تلتقين بي
وتتعارفون انتي ويااا
شنو رائيج الولد قصده شريف
انوار....انتي صدكتي
امال...ولج يكسر الخاطر وهو يتوسل يريد بس يحجي وياج
انوار....مااعرف احس اني مو النموذج الي هو يحبه
بمكن اكو لعبه بلموضوع
امال...اي لعبه ليش تفكيرج يروح بعيد هو ماكال تعارف
يكول خطبه
بس يحجي وياج بلبدايه
انوار...واي واحد يكول راح اخطبج تصدكين بي
أمال... وليش مااصدك
انوار....مااعرف
امال...زين اكعدي وياا بس مره وحده وشوفي انتي ماخسرانه شي
انوار....كعده وحدنا لا الطلاب والطالبات شيكولون علينا
امال...يمعوده منو بحالكم
انوار....صار شهر يركض وراي مااعرف شنو غايته
امال...اي اكعدي وياا وشوفي غايته
انوار....باجر الله كريم