رواية ليلة زفافي الفصل الاول1بقلم جمانه السعيدي
موضوع القصه جديد اول مره نطرق الهيج موضوع
اني علا طالبه جامعيه مواليد ٩٥
ناعمه شكلي كلش حلو ومرتب ملامحي حلوه طولي ١٦٠
جسمي متناسق بيضه
عيوني بيهن لون قليل على عسلي
شعري طويل وحلو
اني محجبه بلكليه وملتزم ولله الحمد
ابد ماعندي علاقات من اي نوع
متفوقه بدراستي
عائلتنا تتكون من ٣ بنات اني ازغر وحده ادرس اعلام
واختي الجبيره مدرسه مزوجه وعدها اطفال ثنيين
واختي الوسطانيه محاميه
وعندي اخوان ثنيين واحد معلم وواحد خريج هندسه
عائلتنا مثقفه ومتفاهمين ولله الحمد
بلمرحله الاخيره وتحديد قبل التخرج بشهرين
اجن بنات ثنيين عليه للكليه
مااعرفهن ولا شايفتهن قبل
سلمن عليه
هلوووو ... اني مها
واني ...رنا
علا....اهلا وسهلا اعرفجن
مها...هسه نتعرف
علا...اكيد اتشرف بيكم
رنا....انتي احلى هواي من الوصف
علا...شكرا
مها...احنا بختصار جايين نطلب ايدج الاخونا
رنا...احنا عدنا اخ وحيد وندورله على عروسه واحنا نسئل على بت حلال
هواي ناس مدحو أخلاقج النا
مانكذب عليج صار فتره نسئل عنج وعن عائلتح
وعن اخلاقج والصراحه ماسمعنا عنج اله كلام حلو
هو هلاخ الوحيد ونريدله بت حلال
احنا ثنيينه مزوجات وطالعات كل وحده بيت
وهو ساكن وحده بيت العائله
جمانه السعيدي
هو خريج إدارة اعمال وعندا شركة استراد وتصدير
وعندا سياره
اموره الماديه حيل ميسوره
نتمنى تكونين من قسمته ونصيبه
انتي ماتدرين شكد طيب وكلبه حنيين
علا....شكرا بس اني اريد اتخرج بلاول
مها...اي عادي حددي موعد بس اخوي يجي يشوفج ويكون تعارف بسيط بينكم واحنا موجودين
اذا صار اتفاق بينا نتقدملج
بعد التخرج ماعدنا مانع
علاالصراحه البنات مبينات من لبسهم وطريقتهم بلحجي
بنات اودام ومبين الترف على مضهرهم
مها....هااا شكلتي بس تعارف بلبدايه
علا....ممكن بس هنا بلجامعه وبحضوركم واذا ماصار توافق انسحب
مها...تمام باجر الساعه عشره الصبح
هنا بلجامعه
جمانه السعيدي
علا بقيت متردده مااعرف تصرفي صح لو غلط
مااريد اغلط الزواج مو لعبه لازم يكون اكو توافق
واني مااعرف اي شي عنه
حتى نسيت اسئل عن اسمه
بقيت اللوم على روحي شلون قبلت
من رجعت للبيت بقيت احوس اربد اي احد احجي ويااا
ماكدرت مااحجي الامي
علا....اكو موضوع اربد احجي وياج بي
امي...اي كولي اسمعج
علا...اكو بنات اليوم اجن يردن يخطبني الاخوهن
امي...اي
علا...باجر يجي اتعرف عليه بلكليه هو وخواته يعني مراح اكعد وياا وحدي
امي...زين
علا....شنو زين مافهمت
امي...عادي اي بنيه يجيها خطابه
اني عندي ثقه بيج اكعدي واحجي ويااا واعرفي كلشي
عنه وبعدين اطلبي وقت تفكرين
واحنا راح نسئل عنه واذا خوش انسان راح نوافق علي
علا...هيج بكل بساطه
امي...وليش تعقدين الموضوع شوفي واحجي وياا
كدام خواته وبعدين نسئل عنه ونقرر نوافق لو لا
علا...شكرا ماما طمنتيني
امي...احنا ربيناج تربيه صحيحه واني متاكده مراح تغلطين ابد
بليل كمت افكر شراح احجي وشراح اسئله وشلون راح يكون شكله
بلكوه نمت
كعدت الصبح على صوت المنبه
كمت غسلت وبدلت الصراحه كشخت اخر شي وخليت مكياج خفيف وعطر
رحت للكليه بين متحمسه وبين خايفه
خلصت المحاضره الأولى وكلشي مافهمت منه
عقلي يجيب ويودي
الحد الساعه عشره رن تليفوني
نسيت اكول اني انطيت رقمي المها
مها....هلو صباح الخير
علا...صباح الخير
مها...منتضربنج
علا...اجيت
رحت للكافي امشي واني مدنكه كلش مستحيه من الموقف
ومتردده
وصلت يمهم سلمت على البنات
هو من شافني وكف
التفت علي شكله كلش حلو وانيق وملامحه حلوه
بس هو ضعيف يعني جسمه مو مليان حيل
بس انيق وشكله كلش مرتب
مها...اعرفج على اخوي واثق
علا....اهلا وسهلا
واثق...اهلا بيج شلونج
علا...الحمد لله
رنا ...اكعدووو
علا...كعدت وحسيت عيونه عليه
واثق...اني اجيت حتى نتعرف
اني واثق مواليد ٩٠ خريج إدارة اعمال اشتغل بشركة استيراد وتصدير
الشركه ورثته من ابوي الله يرحمه
والبيت هم بااسمي
طبعا اني لان مشغول عفت مهمة العروسه على البنات
مااكذب عليج احنا سئلنا عليكم
ولكل يحمد بااخلاقكم
واني مراح اكول هاي اول مره اشوفج لا اني شفتج من بعيد مره وانتي طالعه من الجامعه
وهسه اني مستعد لأي سوال
او استفسار
جمانه السعيدي
علا...اني مامخليه فكرة الزواج حاليا ابالي بعد التخرج انشاء الله
واثق...تمام ماعندي مشكله
التخرج مابقاله شي شهرين يمكن
ممكن اني وياج نتعرف بهاي الفتره اذا ماعندج مانع
علا...اريد وقت افكر
واثق...من حقج تفكرين وتقررين براحتج
علا...بس اربد اسئل سوال
واثق...اي اني جاي حتى تسئليني
علا...انت عادي تزوج على اختيار خوانك
واثق...اي كلش عادي لو امي آلله يرحمه موجوده
جان خليته تختارلي
علا...تمام ممكن تكتب اسمك الثلاثي وعنوان بينك وسكنك وعنوان شغلك ورقم تليفونك بورقه
لازم اني هم اسئل عنكم
واثق...ماطلبتي غير حقج تدللين
علا...طلع ورقه زغيره من جيبه وكتب كل المعلومات
وانطانياها
واثق...تفضلي
علا...شكرا
طلب عصير وكيك اني بس شربت شوبه من العصير
وبعدين اخذ خواته وراح
مااخفي عليكم عجبتني شخصيته وهدوءه ورزانته
حسيته مميز
يعني مو كثير الكلام بمعنى وبدون معني
ولا يحاول يلفت انتباهي بشغلات سخيفه
لا كلامه بمكانه
كلام موزون من شخص واعي
شغل فكري من اول لحظه شفته بيه
بقيت طول الدوام واني عقلي يفكر بي
منا لمن رجعت للبيت
كانت ملامح الفرح مبينه عليه
امي بس شافتني ابتسمت
...هااا خير مبين عجبج
علا...ماما حلو وشخصيه وكارزما وحضور ومثقف
اني كلش عجبني
امي...هيج من اول مره جبتي اسمه عنوانه
علا...اي كتبهن بورقه اليه
امي...جيبيه خل انطيه الابوج يسئل عنه الله يقدم الي بي الخير
صعدت فرحانه الغرفتي واكمز
طبعا اني ذكرت اختي الجبيره مزوجه
بس الوسطانيه موجوده بلبيت هاي محاميه وحتى بلبيت
تدرس قضايا
وكلامه كله بلقانون اسمها ورود
ورود...شعندج فرحانه
علا...اذا اني ازوجت قبلج تزعلين
ورود...ولله بطرانه وانتي فرحانه لان راح تزوجين
بابا تعاي شوفي كميه البنات الي جاي تطلك كل يوم
ترا الزلم بلبدايه شي وبعدين يطلعون شي ثاني
بلبدايه حجي حلو ووعود وبعدين تطلع شخصيته الحقيقه
علا...حقج انتي ماشفتي يخبل يجنن
اكلج ورود اكو حب من النضره الأولى والكلمه الاولى
ورود...اكو ثول من النضره الاولى
مثل هذا الثول الي صابج
علا...باجر اذا شفتي وتعرفتي علي راح تغيرين رائيج
مو بس جمال
جمال ومال
ورود...عود اذا رتي تطلكين اني ماارفعلج قضيه آله اخذ اتعابي ليكدام
علا...الله يستر خل ازوج بلاول
للحكايه بقيه القصه حلوه تستاهل التفاعل