رواية هوس ساره الفصل الرابع4والخامس5 والسادس6 بقلم اميمه تيتو
هاله: مدام ساره مدام ساره
ساره: هاا نعم
هاله: انت كويسه
ساره: ايوا في ايه
هاله: بلاقي شويه واقفه بكلمك بس مش بتردي عليا
ساره: هاا اه كنت بفكر ف حاجه مهمه انت روحي شوفي شغلك
هاله: ايوا بس كنت جايه اقولك ان سيف رجل من المدرسه وسخن خالص
ساره: بفزع نعم ليه كدا
هاله: مش عارفه والله انا عملتلو كمادات بس لسه الحراره منزلتش
ساره: اه طيب روحي انت انا هروح اشوفو
وراحت غسلت وشها
وبصت للمرايا انا لامتي هفضل افكر ف الماضي ماخلاص خلصت من واحد واخد نصيبو مات وفضلي واحد مش هسيبك يامحمد
ف اوضه سيف
ساره: مالو حبيب قلب ماما
سيف: انا زعلان ياماما
ساره: ليه ياقلب ماما ايه اللي مزعلك
سيف: بدموع كل الاطفال عندهم اب وانا لا
ساره: مانت عندك اب
سيف: بس مش موجود بابا فوق ف السما
ساره: ايوا بس انا موجوده معاك عايز ايه تاني
ساره: عايز بابا يروح معايا للمدرسه ييجي يخدني عشان نرجع البيت يحضر معايا الحفلات اللي بتكون ف المدرسه زي صحابي
ساره: بصوت عالي انت احسن من صحابك انت عندك فله كبيره مكتوبه باسمك وعندك عربيات كتيره
سيف: بس انا عايز اب
ساره: مانا جبتلك اب بس منفعش كان لازم يموت
سيف: نعم يعني ايه
ساره: هاا لا ولا حاجه نام انت شويه
وخرجت
هااااله هاله
هاله: نعم
ساره: خلي بالك من سيف عندي مشوار مهم اطلبي دكتور ييجي يشوفو
بعد عشر دقايق ساره بتسوق بسرعه رهيبه
وفجأه داست فرامل
وفكرت ف كلام سيف وفضلت تلووم نفسها انا كنت بقول ايه للولد الموضوع دا مينفعش حد يعرفو غيري وسرحت
فلاش
قبل ست سنين
حبيبي انت هترجع البيت امتي
عمر: مش هينفع ارجع انهارده انا مع مراتي وابني قاعد معايا اقفلي دلوقتي
ساره: انا عايزه اقولك خبر حلو
عمر: بعدين بعدين
ساره: ياعمر
ياحيوان تقفل ف وشي انا ورجعت رنت عليه
عمر: نعم ياساره اتكلمي بسرعه انا دخلت الاوضه مفيش حد معايا دلوقتي قولي عايزه ايه
ساره: انا حامل
عمر: باستغراب نعم
ساره: في ايه
عمر: دا حصل ازاي دا محصلش بينا حاجه ازاي حامل
ساره: انت نسيت ليله كتب الكتاب ايه اللي حصل ولا ايه
عمر: بصراحه مش فاكر حاجه انت بتقولي كانت ليله جميله بس انا مش فاكر حاجه من اللي بتقوليها دي خالص
ساره: يعني ايه طيب عايز تقول اني حامل من حد غيرك مثلا طيب سلام
عمر: استني استني مقصدش خالص وبعدين دا انا اقتلك قبل ماتفكري تعملي كده
ساره: كمان تقتلني طيب باي انا مخصماك
وقفلت
وبغضب تقتل مين ياحيوان طيب هتشوف هعمل فيك ايه
بعد ست شهور
حبيبي انا ممكن اولد ف اي وقت هتيجي امتي
عمر: مش هينفع انزل دلوقتي
ابني تعبان
ساره: وانت مالك مامتو معاه انا هولد يانهارده يابكره لازم تكون موجود معايا انا مليش حد غيرك
تاني يوم
ف بيت ساره جرس الباب رن
ساره فتحت حبيبي انت جيت
عمر: مقدرتش اسيبك لوحدك ف يوم زي دا
وبعد شويه
ساره بصراخ ااااه
عمر: مالك
ساره: بولد ياعمر
بعد ساعتين كانت راحت المستشفى وولدت
الممرضه: مبروك ولد زي القمر
بعد مرور
سنه
ساره: بزعل انت هتفضل مع مراتك الاول وسيبني انا وابنك انت بتيجي اسبوع بس واكتر وقتك معاها هيا وابنها
عمر: عشان مش عايزها تشك ف حاجه
ساره: ابننا عنده سنه المفروض نضمن مستقبلو
عمر: ازاي يعني مانا مش هتخلي عن ابني
ساره: لا بس احنا بقلنا اكتر من سنه متجوزين وعايشين ف بيتي وابنك ومراتك التانيه عايشين ف قصور مش من حقي اخاف علي مستقبل ابني
عمر: يعني ايه
ساره: يعني تشتري فله وتكتبها باسمي انا وابني ونص املاكك تكتبها باسم ابني
عمر: ازاي
ساره: ازاي ايه هو مش ابنك
عمر: طيب انا هسافر انهارده لما ارجع تاني
ساره: لا عيد ميلاد ابنك انهارده انت نسيت ولا ايه لازم نكون معاه دا اول عيد ميلاد ليه
عمر: طيب ياقلبي
بعد ساعتين
عمر وساره كانو بيحتفلو بعيد ميلاد سيف
بعد نص ساعه
عمر شال سيف انا بقي جيبلك هديه جميله اوي
ساره: ايه اهي يابابا
عمر: دا عقد لفله زي ماطلبتي باسمك ودي هديتي ليكي ودا تنازل عن نص ثروتي لسيف
ساره بفرح حضنت عمر وابتسمت
بعد ست شهور
ساره: حبيبي انا عايزه واحده تساعدني ف الشغل البيت وتربيت الولد
عمر: حاضر هجيب واحده قريب
بس انهارده انا مش هجاي البيت
ساره: ليه
عمر: مراتي هتجي عشان في حفله وكدا ولازم تكون موجوده
ساره: مانا مراتك اروح معاك
عمر: لا مينفعش انت اقعدي هنا مش كنتي عايزه فله اديني جبتلك فيله اقعدي فيها بقي واعملي اللي انت عايزاه
ساره: حاضر
بعد خمس ساعات
كانت ساره عرفت مكان الحفله وراحت
من غير ماعمر يعرف
وف الحفله راحت لمرات عمر الاوله وكانها متعرفهاش واتعرفت عليها
بعد ساعه
كان ابن عمر الاول بيلعب وبيجري وكان في سلك كهربا مرمي علي الارض
ساره اخدت بالها وكانت عارفه ان دا ابن عمر وابتسمت اهو هيموت من غير ماعمل حاجه وابني ياخد كل الثروه
والولد كان كل شويه يقرب اكتر من السلك صغير ومش فاهم اكبر من ابنها بتلات سنين
ساره: اتخيلت ان ابنها هو اللي بيلعب جمب السلك جريت عليه واخدت الولد ف حضنها وفضلت تحضن فيه وتبوسو
وتقول حبيبي انا مش هسمح لاي حاجه تأذيك او تخدك مني
هاجر: شكرا شكرا انا مش عارفه اقولك ايه انت انقذتي حياه ابني
ساره: ابنك
وبصت للولد
هاجر: ايوا دا ابني
ساره: اه اه اتفضلي خلي بالك منو
هاجر: انت كويسه
ساره: هااا اه اه انا كويسه
هاجر: طيب تعالي اوصلك للبيت
ساره: ابتسمت اممم طيب ياريت انا اصلا اتخديت من اللي حصل واعصابي باضت
هاجر: طيب يلا وراحو راكبو العربيه
ف العربيه هاجر رنت علي عمر وقالتلو انها راحت مشوار مهم وبعدين هتروح للفندوق اللي نزلين فيه
بعد نص ساعه
ف فيله ساره
ساره: ثواني هجيب حاجه نشربها
هاجر: لا لا مره تانيه انا لازم امشي جوزي مستني ف الفندوق ولازم امشي
ساره: طيب يعني هتيجي تاني
هاجر: اكيد شوفي ابني وابنك اندمجو مع بعض ازاي زي مايكونو عارفين بعض من زمان
اومال فين ابوه
ساره: ابوه دكتور بسافر بييجي هنا اسبوع ويسافر شهر وهكذا
اتجوزتو من سنه ونص
هاجر: اسمو ايه
ساره: دكتور عمر
هاجر: عمر
ساره: اه
هاجر: طيب انا همشي دلوقتي
وخرجت رنت علي عمر وقالتو انها سافرت و اتضرت ترجع
واستنت حمب الفيله
بعد نص ساعه
عمر واقف قدام فيله ساره
وهاجر واقفه ومصدومه
ساره: اتفضل ياقلبي
عمردخل
ساره: مش المفروض تكون مع مراتك
عمر: سفرت
هاجر: بغضب انا هنا
ايه رايك ف المفاجأة
عمر: ه هاجر
هاجر: اه مستغرب صح
عمر: مش سفرتي
هاجر: انت بتعمل ايه هنا ياحبيبي
عمر: انا جاي اكشف علي ابن مدام ساره صح يامدام ساره
هاجر راحت وضربت عمر كف جامد
عمر:بغضب انت مجنونه
هاجر:بدموع اه فعلا مجنونه ياخاين مجنونه اني كنت مصدقه انك بتحبني وانت متجوز عليا من سنه ونص عشان كده بقي كنت مهتمه بيا زياده عن الازوم صح
ومسكت سكينه وقربت من عمر
عمر: هتعملي ايه
هاجر: هموتك
عمر: انا مكنتش عايز اتجوز غيرك انت عارفه اني بحبك بس هيا ضحكت عليا
ساره: بدموع ضحكت عليك ازاي مش انت اللي كنت بتحبني وكنت عايز تعتدي عليا
عمر: هااا لا
ساره: ياكداب انت بتقول ايه
هاجر: انت عملت كدا ورفعت السكينه عليه
عمر: العيال شايفين اللي بيحصل مينفعش
هاجر: انت خايف علي شكلك قدام عيالك
وقربت من ابنها وقالت شوف ياحبيبي بابا خاين خان ماما وجبلك اخ من ام تانيه
وجريت علي عمر بسكينه عمر جري وخرج من الفله
هاجر جريت وراه وركبت العربيه بتاعتها وفضلت ماشيه وراه وهو بيجري قدامها لحد ما دعستو بالعربيه
ساره جات وراها ومعاها العيال انت عملتي ايه
هاجر: بدموع انا مليش دعوه انا مقتلتوش
بعد شويه جات الاسعاف اخدت عمر والشرطه اخدت هاجر
هاجر: ابني ابني عايزه ابني
ساره: متخفيش عليه
الناس اللي موجودين ف الشارع
كلهم كانو بيقولو هيا كانت قاصده انها تقتلو
بااااك
ساره: طيب طيب همشي اهو ايه دا ماالطريق واسع عدي وبعدين مشت بالعربيه
الفصل الخامس
ف الفيله
مازن كان قاعد بيذاكر
هاله: تحب احضر الغدا عشان تاكل يابني
مازن: لا ياداده لما ماما ترجع اومال فين سيف
هاله: نايم جوه ياحبيبي
مازن: طيب انا هروح اشوفو
ف اوضه سيف
سيف بيلعب وكل اللعب مرميه علي الارض
مازن: انت بتلعب الداده قالت انك نايم
سيف: انت عايز ايه
مازن: جيت اشوفك انت كويس
سيف: ايوا اخرج من اوضتي
مازن: انا عايز العب معاك
سيف: لا امشي مش عايز العب
ساره: عاملين ايه ياحبايب قلبي
مازن: كنت فين ياماما
ساره: كنت زهقانه ف خرجت اتمشا شويه
سيف: وخرجتي وانت عارفه اني تعبان انا بحب داده هاله اكتر منك
مازن: اسكت انت بتقول ايه مينفعش تكلم ماما كدا
سيف قام واخد عربيه لعبه من الارض ورمها علي مازن
مازن: اااه
ساره: مااازن انت كويس وشالت ايديه من علي رأسه ولاقت دم
ساره: انت عملت ايه ياسيف اخوك بينزف وشالت مازن وخرجت
سيف جري واتخبا ورا هاله
ساره: بتوتر اجري بسرعه جيبي علبه الاسعافات
هاله جريت تجيب العلبه
ساره: بدموع متخفش ياروحي انا معاك مش هيحصلك اي حاجه
هاله: اتفضلي يا مدام ساره
ساره اخدت قطن وبدأت تمسح الدم
الحمدلله الجرح بسيط
وضمتت الجرح بعد مادهنت مرهم
خلاص ياحبيبي متخفش مفيش حاجه
وبصت لسيف وكان واقف خايف وبيعيط
وقالتلو تعالي
سيف كان خايف اوي وفضل واقف مكانو
ساره: تعالي متخفش
واخدت سيف ف خضنها وباستو وباست مازن
وقالت لسيف انا زعلانه منك انت ليه عملت كده ف اخوك
سيف: انا مكنتش اقصد انه ينجرح غصب عني
ساره: طيب اعتذر من اخوك واوعدني ان مستحيل تعمل كده تاني انا عايزكم تحبو بعض
سيف: انا اسف يامازن وانا بحبك مش هعمل كده تاني
هاله: طيب احضر الاكل يامدام
ساره: ايوا روحي
سيف: تعالي يامازن نساعد الداده
مازن: يلا
بعد يومين
ساره: الو
عارف انا مين
محمد: مين
ساره: انا ساره فاكرني ام ابنك اللي مش معترف بيه
محمد: بذهول انت لسه عايشه
ساره: اه وابنك معايا انا لسه بحبك وعايز نعيش سوا ايه رايك وبعدين انا بقيت غنيه ومعايا فلوس سيب مراتك وتعالي نكمل حياتنا سوا
محمد: اه بس انا بحب مراتي ايه يعني معاكي فلوس مراتي اهم
ساره: طيب خلاص سلام
محمد: استني انا عايز اشوف ابني
ساره: اممم مش عارفه اقولك ايه بس مش هقدر ابعدك عن ابنك مهما كان هبعتلك العنوان بتاع البيت وتعالي شوفو
محمد: طيب ازاي وجوزك
ساره: متوفي من خمس سنين
متخفش يلا سلام
ورمت الموبيل علي السرير وراحت عند البلكونة مش هسيبك يامحمد وهخرب حياتك
الفصل السادس
ف الجنينه
مازن قاعد علي المرجيحه ومعاه البوم صور
وبيتفرج عليه
وكان مبسوط ان في صور لبابها عشان مات وهو صغير ومش فاكره خالص
مازن: سيف بص دا بابا
سيف: انا عايز بابا يرجع تاني يامازن بجد انا نفسي يكون عندي اب ونخرج سوا ويجبلي لعب ونلعب سوا
مازن: طيب بس احنا عندنا ماما وكل الحاجات دي ماما بتعملها وبتجيبلنا لعب وكل حاجه عايزنها
سيف: انا عايز اب زي صحابي
ف المدرسه صحابي بيضحكو عليا وبيفضلو يقولولي انت مش عندك اب
مازن: متزعلش احنا اه معندناش اب بس عندنا ام جميله وبتحبنا اوي
سيف: اممم صح انا بحب ماما اوي وزعلان من بابا انو مشا وسبني
مازن: بابا مات ياسيف مش مشا وسابك
سيف: هات عايز اشوف الصور دي
مازن: طيب يلا تعالي اقعد جمبي
ف الفيله جوه
هاله: مدام ساره انا هنزل اجيب خضار وشويه حاجات محتاجينها
ساره: طيب روحي بس فين الولاد
هاله: فالجنينه
ساره طلعت الجنين وقربت تشوف هما بيعملو ايه وراحت عندهم حبايب الماما بيعملو ايه
سيف: بشوف صور
مازن: ماما ماما مين الست دي
ساره اتصدمت وملامح وشها اتغيرت وكان واضح اوي عليها انا اضيقت ومتلبكه
جبت الالبوم دا منين
مازن: من الاوضه اللي تحت السلم
كان هناك
ساره: بغضب مش قولت محدش يدخل الاوضه دي
انتوا ليه مش بتسمعو الكلام هات واللي اقولو يتسمع فاهمين
واخدت الالبوم من مازن ومشت
سيف: هيا الاوضه دي فيها ايه ليه ماما مش عايزنا ندخل الاوضه دي
مازن: مش عارف بس احنا هنسمع كلامها بلاش ندخل وخلاص انا هروح اعتذر من ماما
ف اوضه ساره
انا لازم اخد بالي اكتر من كده مازن شاف الصوره وسأل مين اللي فالصوره مش عايزهم يعرفو اي حاجه عن الماضي مازن بالذات مش مفروض يعرف ان دي امو الحقيقيه
ودخلت الحمام عشان تغسل وشها وفضلت تقول لنفسها اهدي اهدي مش هيحصل حاجه وبعدين انت مش غلطانه انا معملتش حاجه انا مقولتش لهاجر تقتلو هيا من نفسها قتلتو انا مليش دعوه
وسمعت صوت مازن
بينادي عليها
ماما ماما انت هنا
خرجت من الحمام
نعم عايز ايه
مازن: بحزن انت زعلانه منى
ساره: ايوا انت مش بتسمع كلامي
انا مش قولت محدش يدخل الاوضه دي
مازن: غصب عني انا كنت بلعب والكوره جات عند باب الاوضه دي وكان مفتوح دخلت لاقيت الالبوم دا فكنت عايز اتفرج عليه
انا اسف متزعليش مني
ساره: باستغراب كان مفتوح
مازن: ايوا
ساره: طيب روح انت العب دلوقتي
مازن: زعلانه مني
ساره: لا بس متعملش كدا تاني
مازن: حاضر ولف بجسمو عشان يخرج من الاوضه
ساره: استنا
وراحت حضنتو وباستو ف خدو
متزعلش منى انا بحبك
مازن: وانا بحبك
ساره: طيب يلا روح العب وخلي بالك من اخوك
مازن: ماما الفون بتاعك بيرن
ساره راحت اخدت الموبيل كان صامت ومحطوط علي السرير
الوو
محمد: انا وصلت للمكان اللي قولتيلي عليه
ساره: انا نازله خليك عندك
وابتسمت ابتسامه فوز ونزلت
ف الجنينه
محمد واقف وبيكلم سيف
انت اسمك ايه
سيف: انا اس
ساره: بفزع شدت سيف ورا ضهرها
روح العب جوه
محمد: بإبتسامة عامله ايه لسه جميله زي ماكنتي
ساره: انا بخير
محمد: مش هتقوليلي اتفضل
ساره: لا انت جاي تشوف ابنك هتشوفو وتمشي
محمد: طيب عيب اني اجي بيتك وافضل ف الجنينه
ساره: لا مانا كنت ناويه اخليك تشوفو وانت برا الفيله خالص مش تدخل الجنينه كمان
بس الداده مشت وباين نست تقفل الباب وراها وانت قليل الذوق دخلت علي طول
محمد:باستغراب انت ازاي بتتكلمي معايا كده
مش انت بتحبيني
ساره: بضحكه سخريه اه مش برضو من ست سبع سنين كدا كنت انا فبيتك ورمتني برا وقتها برضو قولتلي انك بتحبني صح انا بقي احسن منك لاني لسه سيباك واقف قدامي اهو
محمد: انت شيله بقي
ساره: أبداً شيله دا ايه انت صحيح مش كنت جاي تشوف ابنك
عايز تشوفو ولا لا
محمد: مانا شوفتو مش هو لسه داخل من شويه
ساره: بضحك لا لا دا مش ابنك دا ابني انا وعمر
ابنك جوه
محمد: انت جبتي ولد من عمر
محمد: اه اومال فاكر هوقف حياتي عليك والفيله دي كلها والعربيات اللي قدامك كلها باسمي انا وعيالي
محمد: اه دي لعبت معاكي
ساره: لا انت متخدش عليا اوي كده متنساش انت مين انت مش شايف انت فين وانا فين
محمد: انت بتتكلمي معايا كدا ليه انت مش قولتيلي انك بتحبني وعايزني ارجعلك ونعيش سوا
ساره: حصل قولت فعلاً بس انت رفضت وقولتلي انك بتحب مراتك ودي مش اول مره
انت رفضتني مرتين
انسا الكلام دا بقي
انا هنادي الولد تشوفو من بعيد عشان مايشكش ف حاجه
مااازن مازن
محمد:اسمو مازن
مازن: نعم ياماما
ساره: بتعمل ايه جوه
محمد: انت جميل اوي يامازن
مازن: مين دا ياماما
ساره: دا واحد محتاج شغل بس مش هقدر اساعدو مفيش شغل ليه
مازن: طيب خلي يشتغل سواق ياماما مش كنتي عايزه سواق
ساره: اه صح انا نسيت طيب ياحبيبي هشوف روح انت العب مع اخوك كنت بطمن عليك بس
محمد: دا ابني
ساره: ايك تقول كدا تاني دا ابني انا اسمو مازن عمر
انت صعبت عليا عشان كدا سمحتلك تشوفو بس دي اول واخر مره يلا امشي
محمد: لا لا دا ابني من حقي اشوفو
ساره: بضحك لا بجد مش دا نفس الولد اللي رفضو من سبع سنين واخترت تكون مع مراتك امشي من بيتي ودخلت جوه ف الفيله وقفلت الباب
ووقتها ابتسمت ساره انا مش هرحمك يامحمد انت فاكر اني لسه بحبك بجد وعايزك تبقي مجنون انا بس كنت عايزك تيجيلي برجلك واوعدك انك هترجع تاني خصوصا بعد ماشوفت الفيله والعربيات واللي انا فيه صبرك عليا