رواية زواج بالاكراه الفصل الاول1والثاني2بقلم اميمه
فرح قامت من النوم واخدت دوش وغيرت هدومها وخرجت من اوضتها
ماما يلا انا مستعجله اوي لازم امشي دلوقتي
سماح: طيب قولي صباح الخير
فرح ّ: صباح الخير
بابا اخد علاجو ولا لسه
سماح: لسه يا بنتي نايم مش راضي ياخد العلاج او حتي يفطر ادخلي شوفيه يمكن يسمع منك
فرح: حاضر يا ماما واخدت صنيه الاكل ودخلت
بابا بابا يلا قوم كفايك نوم
محمد: صحيت اهو يا قلب ابوكي
فرح: تسلملي يارب ويدايمك ف حياتي
يلا قوم خد علاجك عشان تفطر
محمد: لا مش عايز مليش نفس للاكل وزهقت من العلاج دا ومررتو
فرح: بإبتسامة طيب ولو قولتلك عشان خاطري هتكسفني برضو
محمد: انا اقدر اكسفك او ازعلك
فرح: انا قولت كدة برضو يلا خد البرشمه دي وتاأكل اكلك
تخلصو كلو
محمد: ربنا يسعدك يا فرح يابنتي ويفرحني بيكي
فرح: اللهم آمين
طيب انا مشي دلوقتي بقي عشان لازم اروح المستشفى
محمد: ياحبيبتي انت بتتعبي كتير بلاش تروحي انهارده
فرح: بإبتسامة ازاي بس يابابا لازم اروح عشان دا وجبي انت نسيت اني دكتوره يعني دا شغلي وبعدين لو انا هقعد ف البيت ومشتغلش ليه دخلت كليه وتعبت وسهرت
محمد:بملامح حزينه انا نفسي افرح بيكي قبل ماموت عايزك تتجوزي
فرح:ومين قال اني مش هتجوز بس لما ييجي الوقت المناسب
محمد:امتي هييجي الوقت دا
فرح:لما اقابل الشخص المناسب عن اذنك بقي اتأخرت وباست رأس بابها وخرجت
سماح: ايه يابنتي فطر
فرح: ايوا واخد علاجو
سماح: مش بيراضي ياكل غير منك مش عارفه لما تتجوزي اعمل ايه
فرح: انت مستعجله ليه اديني قاعده معاكم ولا انتوا زهقتو مني
سماح: ياحبيبتي والله ابدا دا انت بنتي بس نفسي افرح بيكي
فرح: طيب انا همشي بقي ادعيلي
سماح:ربنا يسعدك ياحبيبتي ويحفظك
بعد ساعه
ف المستشفي
فرح ف عياده الطوارء طيب متخفيش دا جرح بسيط هياخد كام غرزه بس
دكتور احمد: طيب روحي انت عياده الباطنه عشا في مرضا كتير هناك
فرح:حاضر
ف بيت فرح
الباب خبط سماح ياترا مين اللي جاي دلوقتي وراحت تفتح الباب
كمال: ازيك يام فرح الحج عامل ايه انهارده
سماح: احسن الحمدلله اتفضل قاعد ف الاوضه
كمال دخل البيت مع سماح
سماح:اتفضل اتفضل ف الاوضه
كمال ّ: ازيك ياابو فرح عامل ايه
محمد: الحمد لله اعملي كوبايه شاي لعمك كمال ياام فرح
سماح ّ: حاضر
كمال ّ: لا لا يام فرح انا همشي علي طول مش مطول
محمد: ازيك يا كمال عامل ايه
كمال: انا الحمدلله وجاي اكلمك ف موضوع مهم
محمد: خير
كمال: خير ان شاءلله خير
في عريس عايز يتقدم لبنتك فرح
هو صعيدي وكان متجوز ومراتو ماتت وابوه عايز يفرح بيه اتجوز سنه بس ومخلفش
محمد: اه بس معرفش فرح توافق ولا لا يعني فرح دكتوره ومتعلمه واكيد عايزه تتجوز واحد متجوزش قبل كده
كمال: ايوا بس مش هتلاقي شاب احسن منو لبنتك
محمد: انت تعرفو كويس يعني
كمال: ايوا هو متعلم ومحترم والله اعرف ابوه من زمان
محمد: طيب هشوف وارد عليك
كمال: طيب استأذن انا دلوقتي ومستني ردك
محمد: ايه رأيك يام فرح
سماح: بلاش الجوازه دي
محمد: لما تيجي فرح اخد رأيها الاول
سماح سمعت الكلام وسكتت وحست ان في حاجه غلط وقلبها انقبض فجأه
بعد تلات ساعات رجعت فرح البيت ازيك ياماما انا جعانه خالص
سماح بصت لفرح بحزن وكان باين علي وشها ان في حاجه مضيقها حاضر ياحبيبتي هقوم احضرلك الاكل
فرح: في ايه ياماما في حاجه حصلت بابا كويس
سماح: اه كويس مفيش حاجه
فرح: طيب هروح اشوفو
سماح: لا لا بلاش هو نايم لما تاأكلي عشان كانت خايفه محمد يقول حاجه لفرح وتزعل منها او تضيقها
عند محمدف الاوضه قاعد علي السرير وبيفكر ف موضوع العريس اللي كمال جيبو لفرح وياترا هو كويس فعلاً ولا لا ويوافق ولا لا وفرح هتكون مبسوطه
وهنادخلت فرح الاوضه عامل ايةيابابا دلوقتي
كمال: الحمدلله ياحبيبتي احسن من الاول بس في حاجه شاغله بالي
فرح: حاجه ايه يابابا احكيلي
محمد: موضوع يخصك ياحبيبتي
فرح: بأستغراب انا يخصني انا
محمد: بصراحه بقي متقدملك عريس وعمك كمال بيشكر فيه وبيقول انه كويس ومتعلم
فرح: اممم طيب وانت ايه رأيك فيه
محمد: مش عارف بصراحه متردد فقولت اخد رايك الاول بس انا بصراحه كدا عايز اوافق عشان افرح بيكي قبل ماموت
فرح: بعد الشر عليك
طيب طالما عجباك خليهم ييجو ونشوف ايه هيحصل
محمدبفرح باصص لفرح بجد يابنتي
فرح هزت رأسها باه وخرجت
سماح:ابوكي قالك حاجه
فرح ماسكه تفاحه وبتأكل فيهااه بخصوص العريس
سماح:انت قولتيلو ايه
فرح: قولتلو ييجي وبعدين نشوف ايه هيحصل
سماح: انت مجنونه يابت انا اه عايزه افرح بيكي بس مش تتجوزي واحد اتجوز قبل كده
فرح بصت لمامتها باستغراب متجوز
سماح:اه متجوز وانت دكتور والف من يتمناكي
فرح:انا انا مكنتش اعرف بابا مجبليش سيره عن الموضوع ده
سماح: انا هدخل اكلمو استني هقولو لا ارفض
ف اوضه محمد
كان ماسك موبيل ومبسوط اوي ايوا زي ماقولتلك تعالي ف اي وقت تحب تيجي فيه
سماح: انت بتقول ايه ليه مستعجل كدة دا مش مناسب للبنت
بعد تلات ساعات
ف بيت محمود الجبالي
عمر: ابوي فين ياماا
ناصره: عند عمك كمال يابني بيقولو انو رايح يشوفو ايه رأي اهل العروسه
عمر: طيب ماشي انا عندي شغل مهم ممكن اتأخر بقا
ناصره: ماشي ياجلب امك
عمرف نفسو انا مش عايز اتجوز بعد مراتي كل دا غصب عني عشان ابوي يكون راضي
محمود: ايه يام عمر فين ابنك
ناصره: طلع من شويه عنده مشوار
محمود: طيب احنا هنروح لاهل العروسه عشان نحدد موعد لكتب الكتاب عرفو ان عمر كان متجوز قبل كدا وموافقين
ناصره: كويس انا هقوم احضرلك الغدا
(زواج بالاكراه)
البارت الثاني
فرح سرحانه انا هعمل ايه وفجاه الجرس رن قامت فتحت طلع الحج كمال ازيك يا فرح يابنتي
الفرح: الحمدلله بخير اتفضل
كمال: انا جاي ومعايا اخبار حلوه
محمد: خير
كمال: انا كلمت اهل العريس وقالولي اني اقولكم انهم عايزين كتب الكتاب علي طول
محمد: طيب مش لما ييجي الاول ويقعدو مع بعض وبعدين نشوف موضوع كتب الكتاب دا
كمال: هما عايزين ييجو انهارده
محمد: طيب اهلا وسهلا ييجو
بعدساعتين
كان اهل عمر جم لبيت فرح عشان يحددو موعد لكتب الكتاب وفاكرين ان محمد موافق علي جواز فرح من عمر
محمود:اومال فين العروسه
محمد:ادخلي ياام فرح نادي العروسه
بس فين العريس
كمال:لا ياحج محمد عندهم ف الصعيد العريس ميشوفش مراتو غير ليله الداخله
محمد: اه بس لازم بنتي تشوف العريس وتتكلم معاه اومال هياخدو علي بعض ازاي
محمود: بعد الجواز يخدو علي بعض براحتهم بقي وضحك
محمد:والله معارف اقولك ايه
كمال: ياعم تقول كل خير انا عارف الشاب كويس خالص
وبعدين فرح بنتي برضو واكيد مش هضرها
محمد:طيب معاك صوره ليه
محمود:ايوا اهو اتفضل
محمد:بصراحه هو شاب حلو خدي يافرح يابنتي ايه رأيك ف الشاب دا
فرح هزت برأسها بمعني حلو
محمود:ايه رأيك يابنتي
محمد:ايه يافرح عجبك
فرح:هزت رأسهاباه
كمال:علي بركه الله
محمود:بفرح كويس قوي انتوا عارفين طبعا اننا عايزني كتب الكتاب بسرعه فانا بقولك بعد اسبوع
محمد:بسرعه كدا ازاي
كمال:عن اذنك ياحج محمود تعالي ياحج محمدعايزك ثواني
ودخلو اوضه لوحدهم
كمال:انت مش عايزتفرح بابنتك وبعدين متزعلش مني انت مش ضامن عمرك والبنت عايزلها سند لازم تجوزها ودا شاب غني اهو تخرجها من الفقر اللي فيه دا
وتقعد بقي ف البيت متشتغلش
محمد: ايوا بس خايف اخد قرار غلط اندم عليه دي بنتي الوحيده معنديش غيرها
محمود: متخفش سابها علي الله انا بقولك الناس كويسين
تعالي بس وخرجو
محمود: ايه ردك ياحج محمد
محمد: طيب موافق
فرح جريت علي اوضتها وفضلت تعيط
سماح دخلت وراها مالك ياحبيبتي متعيطيش انا هقول لابوكي يرفض متزعليش
فرح: ياماما كتب الكتاب بعد اسبوع بابا ماخدش رأيي قال موافق
سماح: بدموع فكك انا مش هسمح انك تتجوزي الشاب دا
فرح: ازاي بابا عطا كلمه للناس وخلاص حددو
بعد ساعه ف اوضه محمد قاعد بيفكر
انا خايف اكون بظلم البنت اني اجوزها واحد متجوز قبل كدا
بس ممكن يطلع كويس بجد زي ماكمال قال ودا عشمي
بالليل
قاعدين علي السفره
محمد:مالك يافرح انت زعلانه من حاجه
فرح: مش كتب الكتاب كدا هيبقي بسرعه
محمد: خير البر عجاله
بعد شويه
فرح: انا شبعت هدخل انام عشان هصحا بدري
ودخلت اوضتها وفضلت تعيط وحست انها مقيده لاول مره وخايفه ترفض بابها يتعب بعد مابقي كويس وبقي مبسوط ومش عايزه بسببها يزعل لانها لاحظت انه بقي فرحان اوي
بسبب جوزاها
بعد نص ساعه
باب اوضه فرح خبط
فرح قامت فتحت الباب تعالي يابابا
محمد:عايز اتكلم معاكي شويه
بصراحه بقي انت مش عايزه الجوزاه دي بصي انا كنت رافض ف الاول بس بعدين فهمت ان الشاب دا الافضل ليكي
فرح: انا واثقه ف قرارك وراضيه بيه يابابا
وانا عرفت انك موافق وعايز الجوازه دي وانا مقدرش ازعلك
محمد: مش مهم ازعل المهم انك تكون راضيه من جواكي
فرح ف نفسها كفايه كدا انا هوافق وخلاص عشان دا هيخلي اهلي مبسوطين وبكدا بابا مش هيصرف عليا مش هيبقي ملزم كفايه كل اللي عملو عشاني
وبصت لابوها وهزت رأسها انا موافقه
تاني يوم
سماح: يلا يا فرح تعالي افطري معانا
فرح: حاضر جايه اهو وقعده فطرت معاهم
بابا انت كويس انهارده
محمد: انا بقيت كويس ياحبيبتي هفرح بيكي عايز ايه تاني
بعد ساعه
فرح قاعده لوحدها زهقانه وحزينه
الموبيل بتاعها رن
الو
اميره:عامله ايه
فرح: مخنوقه والله
اميره:من ايه احكيلي
فرح:متقدملي عريس كان متجوز قبل كداوبابا مصمم انه كويس والاحسن ليا ومناسب وانا مش عارفه اعمل ايه
اميره:متعلم
فرح:ايوا
وغني وبصراحه شوفت صورتو شكلو حلو
اميره:بصي طالما كويس ومحترم ومتعلم خلاص وبعدين مش زنبو انه كان متجوزومراتو ماتت عنده عيال
فرح:لا اتجوز سنه بس ومش عنده عيال
اميره:خلاص حلو
فرح: طيب انا هقفل دلوقتي عايزه انام
ف بيت الحج محمود الجبالي
محمود: الف مبروك يابني
عمر: الله يبارك فيك ياابوي بس ليه بتباركلي
محمود: كتب الكتاب السبوع الجاي اهل العروسه موافقين
والعروسه زي القمر
عمر: طيب عن اذنكم انا طالع اوضتي
عمر دخل الاوضه ومسك صوره مراتو الاوله وقال والله ماكنت عايز اتجوز بس غصب عني متزعليش منى انت عارفه انك الوحيدة اللي في جلبي وعينو دمعت
بعد اسبوع
عند فرح بيحضرو الاكل عشان الضيوف
سماح: يلا يابنتي سيبي اللي ف ايدك دا قومي البسي فاضل ساعه واهل العريس ييجو مع المأذون
فرح قامت ودخلت اوضتها ولبست
وكان برضو بالها مشغول ومش مرتاح
سماح دخلت علي فرح الاوضه وبدموع زي القمر والله يا حبيبتي انت متأكده من قرارك
فرح :ايوا
سماح: طيب يلا العريس برا والماذون جاه
وعايزينك تغطي وشك وانت طالعه فرح غطت وشها وطلعت مع امها
وبعد شويا المأذون قال بارك الله لكم وجمع بينكم في خير
يتبع