رواية اقتحمت حصوني كامله بقلم ملك ابراهيم ) جميع الفصول حتى الاخير الخاتمه

رواية الحربايه والثعبان الفصل الثالث والعشرون23 بقلم منه محمد

في جناح دعاء الي رايحه جايه ع الفراند بقلق

دعاء لنفسها: انزل اقول لـ امها انها خرجت في وقت زي ده,, مش عارفه اعمل ايه ,آمير كمان مش هنا ،اقول لجدتها افرض حصل حاجه ..... لاء انا اتصل بيها اشوفها فين؟

في نفس اللحظه عربيه جمال كانت وصلت ودعاء شافتهم

جمال لرحاب: انبسطي

رحاب: جدا جدا, بجد مفاجاه حلوه , بحتفل معاك بعيد ميلادي , ومامتك عامله بروجرام هايل مش متخيل مدي سعادتي ،ثانكيو حبيبي

جمال: من امتي بتتعاملي معايا بجديه بالشكل ده , طول عمرنا واخدين ع بعض , ايه الي اتغير مابينا دلوقت

رحاب: ولا حاجه كأني اتغيرت , وكل الي عايزاه هو اننا نفضل مع بعض لـ اخر العمر ,كده 

جمال: اخر العمر ،محدش عارف القدر مخبي ايه ،وانتي بتتكلمي عن حياتنا كلها

رحاب: والمعني

جمال ابتسم: ها ولا حاجه الكلام الي خطر ع بالي قلته وبس, ملهاش معني ،يله الوقت اتأخر جدا لازم تنزلي

رحاب فتحت الباب وشاورتله: باي

جمال: بقولك استني نسيتي حاجه

رحاب وقفت: نسيت ايه؟؟!!

جمال فتح الباب ونزلها ببوكيه الورد الضخم: الورد

رحاب ضمته منه: ثانكيو باي

جمال رفع عيونه وشاف دعاء واقفه اتصل بيها وقال: ليه منمتيش لحد دلوقت, ولا كنتي واقفه حارس , فكرتي اخدتها في حته مقطوعه وهتحرش بيها مثلا, بجد تفكيرك وحش اوي لما تشكي فيا  للمستوي الدنيئ ده

دعاء بهدوء: جمال انا مش بشك فيك, لو اي حد تاني مكانك كنت هفضل برضو قلقانه ،رحاب جزء من البيت هنا بس هي بقت جزء منك كمان ،لازم تكون حريص ع شرفها ،مش تاخدها من بيتها في نص الليل

جمال: أنتي بجد دقه قديمه اوي , لكن انا بحب اهتمامك, وصدقيني ده مش هيحصل مره تانيه وعد, يله ولا تنزلي  ونكمل كلامنا ،ولا هتقوليلي الوقت متأخر 

دعاء بصتله بغيظ وهو ضحك: بهزر انا ماشي باي 

...................قصص منه محمد كاتب...............

يوم جديد

رحاب  مدت صوباعها بالخاتم: مامي شوفتي هديه عيد ميلادي

ناني  مسكت ايدها: ماشاء الله حلوه اوي ،اظن ذوق امير

رحاب قلدمت : دي هديه من جيمي لعيد ميلادي, آمير نسي عيد ميلادي خلاص

ناني: ليه بتقولي كدا ؟ده مش ممكن آمير لايمكن ينسي عيد ميلادك ابدآآآ

رحاب: لاء يامامي نسي’ وأمير خلاص اتغير مش بيهتم غير بدعاء وبس, لو كان افتكر عيد ميلادي مكنش سافر شرم

آمير هنا دخل وشاور لناني تسكت !!!

ناني بأبتسامه: يابنوتي سافر عشان  عنده شغل مهم, وده شغله ،وقال راجع بعد يومين

آمير اتسحب وقعد وراها ومره واحده قال: بقي قاعده تشتكي مني

رحاب لفت بخضه: زعلانه منك كتير , مش عايزه اتكلم معاك

آمير: معني كدا ان كل جهدي راح سدي

رحاب: ايه الجهد

آمير: سبت اجتماع مهم , عشان عيد ميلادك , وجيت اديلك هديتك , وقلت بعدها نخرج نتعشي في مكانا الحبوب  سوي ’ بس بفكر اسافر حالا شكلك مضايقه مش كدا يا مامي

ناني بضحكه: ايوه مضايقه خالص

آمير: هديتك ياقمر

رحاب: ثانكيو آمير وع فكرتك نسيت عيد ميلادي

آمير: هل انا عمري نسيته قبل كده  , محصلش , ومش معني ان عندي زوجه,  انسي اختي الوحيده , اظن عارفه انا ازاي بعرف ادير العلاقات , يله افتحي هديتك

رحاب: اه صح لما اشوف الي جواها ( فتحتها علبه حمره ) واو طقم كوليه حكايه

ناني: شوفتي مش قولت لك يستحيل ينسي عيد ميلادك

رحاب: تمام هو لطيف جدا

...............قصص منه محمد كاتب..............

في جناح دعاء

آمير قاعد فاتح الاب توب ودعاء رايحه جايه تحول في هدوم

آمير مثل الجد: رجعت للبيت ,وانتي ماشيه

دعاء وقفت تبصله: انت الي سمحت لي ولو دلوقت مضايق  هفضل معاك

آمير: يعني بعد ما رايحه جايه ،وماشيه اطلع انا الشرير وامنعك 

دعاء: انت ليه محسسني اني رايحه ومش راجعه وبعدين تعال زورني هناك

آمير: هجيلك طبعا انا اقدر مشوفكيش يومين بحالهم ,حبيبتي ممكن اقولك حاجه

دعاء: طبعا

آمير قفل الجهاز وقام وقف قدامها: عايز اتكلم معاكي في موضوع مهم ،انتي ماشيه بس اهتمي اوي بنفسك ,بلاش تهملي ارجوكي

دعاء: اطمن مش هخالي امك تشتكي مني ابدا

آمير: انا قلق امي ميخصنيش, ده قلقي انا , انا بخاف عليكي اكتر منها, وانتي عارفه كدا ولا مش كدا

دعاء: لا ء عارفه كدا

آمير: يله روحي عبئ الهدوم ,بس هتلبسي ايه يوم الفرح

دعاء راحت جابت فستان قصير وكات: ايه رايك

آمير وسع عيونه: ده قميص نوم صح

دعاء بمكر : لاء فستان افراح وبصراحه عجبني 

آمير: مش هيحصل 

دعاء: شكلي هتعب ،وانا بحاول اقنعك ،ان ده فرح اخويا

آمير: هو علشان فرح اخوكي ،تلبسي الفستان قصير من كل حته

دعاء باست خده بمرح: بموت فيك وانت غيران عليا , وبعدين انا يعني معقول , البس فستان مسخره كدا

آمير ابتسم ع جنب: والله الستات دول لما دماغهم بتضرب , الواحد يتوقع منكم اي حاجه

دعاء: وانت بالنسبه لي كل حاجه  , جوزي , وحبيبي , وروحي , وعمري

آمير: وانتي نقطه ضعفي 

...............قصص منه محمد كاتب...............

يوم فرح داغر والفت الكل كان سعيد وفرحان ودعاء مبسوطه ,, وامها وميسر مش مبطلين رقص هي ومعمر وعملوا دايره دخلوا فيها العرسان وامير اخد دعاء رقص معاها في الدايره

وداغر اتسحب منهم وراح وقف ع جنب

دعاء سابت آمير وراحتله: داغر لسه مضايق , وبتعمل الحركات دي , حتي بعد ما اتكلمنا

داغر : دعاء الموضوع مش كدا , بس صوت الاغاني عالي

دعاء: انت بتكدب , انا فاهمه كل حاجه ,لحد امتي هتتفضل تفكر فيها ,  كدا ظلم لـ الفت

داغر بقهر:حتي لو نسيت كل حاجه,  ازاي اخرج من نفسي الاحساس , بالالم تعرفي مش انا الي سحبتها هي الي سحبتني وبدئت في كدا

دعاء حطت ايدها ع كتفه: انسي كل الي حصل, رحاب متستلهلش حبك ,مفيش حاجه نقصاك وهي الي خسرتك مش انت ,وهتشوف هتندم في يوم ع قرارها , يله حبيبي عشان عروستك

داغر  بضيق: يله

آمير سمع الكلام وبينه وبين نفسه:  هي كانت بتخفف ع اخوها ,ولا بتشتم اختي 

دعاء قربت منه: آمير نروح البيت عشان نستقبلهم قبل ما يوصله

آمير بضيق منها: اكيد يله نروح هوصلك واروح انا

دعاء ضمت حواجبها: ليه خليك معانا الليله

آمير: دعاء الوقت اتاخر جدا , وانا بجد مجهد وتعبان , عايز اروح البيت انام

دعاء: لو كدا لازم تروح هسلم ع الكل ،استناني ها

آمير: تمام لحد ما ارد ع بريد مستعجل

..............قصص منه محمد كاتب.....................

في شقه العرسان صباحا

الفت :انت مش مهتم بيا ،خالص ،خالص ،فات سواد الليل ع جوزنا

داغر بتهكم :ايوه اعملك ايه مش فاهم

الفت :انت بتستفزني صح

داغر :هرد لما افهم مالك ،ايه سبب غضبك ع الصبح

الفت :لما مش بتحبيني ليه اتجوزتني

داغر: انتي ناسيه مين الي رمت نفسها عليا

الفت : انا غلطانه لما حبيتك وبدفع التمن مش كدا

داغر بتحذير: وطي صوتك لـ امي تسمع

الفت :انت مهتم بالكل الا انا

داغر إتك ع اسنانه: الفت اسكتي , مش معني اني بسكتلك اني هفضل متحملك كتير

الفت :انا حمل كتير

داغر :ايوه انتي حمل تقيل عليا

الفت  بعصبيه: انا مغفله لما اتجوزتك , رحاب كانت صح لما رفضتك , انت متستهلش الحب

داغر : الفتتتتت

الفت مسكته من دراعه: انت رايح فين دلوقت

داغر دفعها بعيد عنه : رايح في ستين داهيه ،بعيد عنك

داغر  نازل جري من ع السلم

دعاء شافته : داغر ايه الي حصل ياداغر ؟؟!!

...........قصص منه محمد كاتب...........

ميسر: ليه اتخانقتي معاه في الصباحيه

الفت :السافل رفض يلمسني لانه بيكرهني

ميسر :هتكلم مع معمر يعرفه مقامه ،مفيش داعي صوتك يلعلع ع الصبح ،نتكلم عن المشكله بهدوء

دعاء خبطت ودخلت :ايه الموضوع ليه زعلانه يا الفت كدا وداغر مشي مضايق هو كمان انتم اتخانقتوا سوي

ميسر بحده :دعاء اطلعي انا بتفاهم معها فهمتي

دعاء :لكن

ميسر بشخط :قلت لك انزلي مفيش داعي تدخلي سبينا في همنا

الفت :مفيش حاجه هتتحل ،مينفعش استني هنا الطريقه الي عاملني بيها اخوكي كاني مليش اي قيمه

دعاء :مينفعش تسيبي البيت ،الناس تقول ايه

الفت  بصراخ فيها :وانتي مين عشان تمنعيني

دعاء :شوفي لو داغر كان وقح معاكي بعتذرلك بالنيابه عنه وهخليه يفهم ويجي يعتذرلك كمان

الفت :ياسلام انا عرفاكي تموتي في المشاكل وتكبي النار انا راجعه بيت امي

دعاء وقفت قدامها :الفت اسمعيني ميصحش تروحي بيت امك

الفت  ذقتها :ابعدي من قدامي

دعاء طارت  وبطنها للاسف دخلت  في لوح السرير البارز صد في بطنها وصرخت:آآآآآآآه

ميسر جريت عليها: دعاء

دعاء كان اغمي عليها والفت لطمت

ميسر: الله يخربيتك سقطيها ياحماتي الحقي

الفت: دعاء نهار اسود روحت في داهيه

تكمله البارت الثالث والعشرون

#الحربايه_والثعبان

✿ قصص منه محمد كاتب ✿

في  المستشفي

ميسر بمكر : حاولت افهمها متبقاش مهمله بالشكل ده , مينفعش تشتغل بحالتها بس عنيده مش بتسمع الكلام مع اني كنت مسؤله عن كل ترتيبات الفرح,  ايه الداعي تيجي قبل الفرح بثلاثه ايام , اهي عملتلنا مشكله من الهوي

بهيه بصتلها بغيظ لانها عارفه كدبها ونزلت دموعها سيول .....وداغر يطبطب ع امه وواخدها في حضنه

ناني بغضب: انتي وبنتك مرتاحين شايفين الي عملته انتي وهي

بهيه ببكاء: يامدام ناني والله

ناني قطعتها بحده: مفيش داعي للحلفان  , هيرجع الي راح دلوقت, قلت بلاش , بس محدش سمع كلامي 

داغر: انتي عايزه تقولي ايه ،احنا السبب في الي حصل , ولا اختي عملت كدا متعمده

ناني: امال غلطه مين , هي مستهتره من الاول , زي ما شايفين,  لو كنتي اهتميتي ببنتك لما اخدتيها لبيتك , ولو بنتك مش مستهتره ومهمله , مكنتش تبقي هنا, لكن كل الي يهمك ايه غير ابنك يتجوز ،واحنا خسرنا  

آمير واقف بعيد قاهر نفسه من البكاء  مذهول كأنه في حلم مخيف واتمني يطلع منه ...!!!

ناني من كسره ابنها  نطقت بهجوم: ابني خسر فرحته , سعادته اتكسرت ’ امشي احتفلي بسعادتك صباحيته النهارده مش كدا 

داغر بنرفزه: نمشي ونسيب اختنا بين الحياه والموت

ناني: يعني هي تهمكم

داغر: مفكره ايه احنا مش قلقانين عليها 

 ناني: ده غلطها حذرتها الف مره تاخد بالها,  بس هي مش بتسمع لحد

داغر: انا فاهم انتي عايزه توصلي لـ ايه , دي مش المره الاولي الي تتكلمي معنا فيها بأستهانه سواء معايا او مع دعاء , كل همك تحقري مننا وبس

آمير قرب بنفعال: الزم حدودك ياداغر,  يظهر نسيت انك بتتكلم مع امي

داغر بنفس الانفعال: مش شايف امك,  ازاي عماله تهين فينا

آمير: قالت ايه ان الي حصل كان غلطكم   , ولا انا المذنب في الي حصل , عشان سمحت لها تروحلكم وبسبب الاستهتار حصل الي حصل

بهيه نطقت من بين دموعها  : لاء يابني والله , كنا حطينها في عيونا , وكانت بخير لكن معرفش ايه الي حصل , كدا فجأه

ميسر: خلاص ياحماتي , كل الي حصل غلط ودعاء اجهضت  في بيتنا طبيعي هنسمع اللوم

داغر: ده مش ذنبنا وكأن الي حصلها مكنش هيحصل لو هي في مكان تاني

ميسر بشخط: اسكت ياداغر مش ده الوقت المناسب للخناق وتخلي الوضع اسوء

بهيه ببكاء: اسكت يابني اسكت

ناني لابنها : كنت بتشكر فيه,  ده حتي مش بيعرف يتكلم مع الناس,  بدل ما يتكسف واقف يبجح

داغر بعصبيه: بقولك ايه بقي اسمعيني

آمير رفع صوباعه بتهديد : داغر مش هتحمل كلمه كمان,  اما تمشي او انا همشيك

ميسر مسكته من دراعه: يله امشي ياداغر 

ميسر مشتهم ودخلت غرفه دعاء لقت الدكتوره والممرضه عندها وقفت لنفسها: الله يحرقك يا الفت .....شوفي المشكله الي انا فيها ,.....هي تقعد في البيت .....وانا هنا في جهنم...... انا جعانه اكل ازي دلوقت 

...........قصص منه محمد كاتب.........

في الطرقه ميسر موبيلها رن ردت: عايزه ايه دلوقت

الفت بخوف: طمنيني كل حاجه كويسه

ميسر بغيظ: الله يلعنك البت سقطت

الفت لطمت خدها : نهار اسود بتقولي ايه هيحصل دلوقت , ميسر لو عرفو اني السبب داغر هيطلقني

ميسر : مش ده الي انتي عيزاه مش كدا , استعجلتي تتجوزيه , وكنتي رايحه بيت امك ,ودلوقت واجهي العواقب الي هتجيلك

الفت برجاء وتوسل :اعملي اي حاجه الله يخليكي

ميسر : طبعا لازم اتسول عشان سربعتك , وهقف ابوس ايد دعاء عشان تقفل بؤها , واقفلي انتي كمان نتكلم لما ارجع البيت , ومتقلقيش هخلص كل حاجه

الفت مسحت دموعها  بطمئنان: ماشي

ميسر رجعت عند باب غرفه  دعاء , الي غايبه تماما عن الوعي والممرضه طلعت من عندها

آمير بسؤال:  امتي هترجع لوعيها

الممرضه :هي اخدت منوم وساعتين كدا  ع ما تفوق 

ناني: آمير ارجع ع البيت يابني , انت واقف ع رجولك من الصبح ,انا هنا

آمير حرك دماغه برفض: لاء يا ماما , مش همشي , هستني لحد ما تفوق

ميسر بخبث : عندك حق ياناني هانم , آمير لازم يرجع البيت يرتاح , غير كدا دعاء هتقوم بعد ساعتين او اكتر , روح ريحهم في البيت وابقي ارجع , انا هنا , وبعدين مفيش داعي لوجود كتير حواليها 

آمير بصلها ورجع بص لناني ومش عايز يمشي.....!!

ميسر : مفيش داعي للقلق انا موجوده

ناني  وهي ماشيه: يله بينا يا آمير

ميسر في سرها: كويس انك مشيت اول ما تفوق هكلمها لوحدنا

.........قصص منه محمد كاتب...............

في غرفه دعاء الي فاقت ودموعها سيول ع خدها

ميسر بحنيه مزيفه: وحدي الله يادعاء منقدرش نغير المكتوب , دي ارداه ربنا عارفه الي حصلك ظلم كبير, بس الي هيحصل في الفت اسوء, لو حد عرف ان هي الي زقتك

دعاء عيونها لئلئت بالدموع : بس دي الحقيقه زقتني 

ميسر: ايوه لكن مكنتش قصدها ولا متعمده

دعاء بشهقه: كانت عارفه وضعي , عارفه وشايفه بطني , انا كنت بحاول اساعدها , واحللها مشاكلها لكن هي (بكت بحرقه)

ميسر: ابوس ايدك انقذي اختي,  العيل ملكيش نصيب فيه انه يجي للدنيا, لكن لو داغر عرف عمره ما هيسامح الفت ابدا , ده بيدور عن سبب يطلقها , وانا عارفه انك لايمكن تكوني سبب في خراب بيت اخوكي , اتوسل ليكي انا قولت انك دوختي ووقعتي ع بطنك جامك, لازم كلامنا يبقي واحد قدام الكل 

دعاء بصتلها بنظره قاتله وكلها كرهه

ميسر نزلت دموعها المزيفه وقالت بمسكنه: هو انا مش زي اختك اسمعي لرجائي

دعاء: امي فين وآمير؟؟!!

ميسر: آمير مشي مع حماتك للبيت , يرتاح,  وامك مشت بسبب داغر

دعاء: قصدك ايه

ميسر: اقولك داغر مسك في خناق ناني  , بس الصراحه حماتك هي الي بدئت , لكن معذوره حقها تقول الي قالته , لكن داغر مقدرش يتحكم في نفسه ورد عليها , وكان هو وآمير هيمسكوا في خناق بعض , عشان كدا اخد امك , ومشي هو ده اصلا مكان للخناق , وفضلت انصح بس كلهم مجانين مين يقدر يفهمهم

...........قصص منه محمد كاتب.........

في المستشفي جيمي عرف وهو مع رحاب ان دعاء اجهضت ورحاب بأننيتها رفضت تروحلها وهو وصلها ومن غير ما تعرف وطلع ع المستشفي يطمن ع صحه دعاء حبه الاول والاخير!!

جمال دخلها بعد ما سأل عن رقم الغرفه وقرب منها: تؤ دعاء القويه ,  فوقي مشاكلك لسه مبدئتش , ولا فئدتي قوتك خلاص , بجد شئ محزن( مسح ع شعرها) 

الممرضه دخلت: انت مين؟؟!!

جمال : انا البيست فريند المقرب ليها عامله ايه دلوقت؟؟!!

الممرضه: بخير هتخرج بكره الصبح

جمال: نايس ( مال بجسمه عليها) دعاء سمعتي هيخرجوكي بكره الصبح , هسيبك ترتاحي

دعاء كانت بين الوعي ولا وعي  مش حاسه بأي حاجه وجمال خرج لقاه قدامه

جمال: اهلا آمير

آمير: اهلا انت هنا

جمال رسم التأثر : جيت اطمن ع دعاء , وبجد زعلت جدا, جدا للي حصل,  كنتم مبسوطين بالبيبي , بجد شئ يحزن انا آسف جدا

آميرعيونه لمعو دموع: هنقول ايه قدام مشيئه الله,  تعال ادخل

جمال: لاء دعاء نايمه ادخل وخد بالك منها

آمير: متشكر انك جيت 

جمال: مع السلامه

آمير سلم عليه ودخل حط الاكل لدعاء وقالها بتكشيره: جبتلك اكل معايا 

دعاء بدموع: آمير

آمير: الي حصل , حصل هيفيدنا بأيه عياطك , مش هيرجع الي راح , متعيطيش

دعاء نزلت دموعها اكتر وهو راح قعد قدامها وشاركها في دموعها 

الفصل الرابع والعشرون 

في منزل عائله دعاء الصبح الساعه سبعه صباحا

داغر رايح جاي بيلبس: الفت, يا الفت فوقي

الفت رفعت اللحاف: عايز ايه ياداغر؟؟!!

داغر : قومي انا اتأخرت ع الشغل

الفت: ماتمشي ليه قاعد معايا

داغر: ع الاقل قومي حضرلي فطار

الفت بضجر: وانت  لما حسيت بالجوع قبل كدا  امك حضرتلك الفطار , روح وخليها تفطرك مره كمان وسبني انام

داغر بصلها بضيق واخد بعضه وخرج راح المطبخ يولع ع براد الشاي!!!

الفت رفعت اللحاف وبغيظ: مش بيعمل واجبه وعايزني اخدمه ، واديله حقوقه قال

بهيه سمعت دربكه جايه من المطبخ دخلت وسألته: بتعمل ايه يابني

داغر مبتسم : بعمل كوبايه شاي

بهيه: كنت طلبتها مني او اطلبها من مراتك

داغر : طلبت

بهيه : وبعدين

داغر:  لو ميسر قامت في يوم تعملها لمعمر , يبقي اختها كانت صحيت , تحضرلي انا

بهيه : كنت قولت لي كنت عملتك فطار جنبها

داغر : لاء ياماما انا مش جعان , هشرب كوبايه الشاي وخلاص , وعملتلك كوبايه .المهم كلمتي  دعاء عامله ايه

بهيه  بقهر: تعبانه

داغر بحزن: آسف , الي حصلها ,كان بسببي

بهيه نزلت دموعها: والاسف هيرجع الي راح منها , ده غير الكلام الي انت قولته لحماتها , في المستشفي

داغر: بس ياماما انا مقولتش حاجه غلط

بهيه: مهما عملت , وقولت, بنتي هي الي هتدفع التمن معاهم

داغر: انا كمان قلقان عليها اخدك نروحلها

بهيه: مفيش داعي,  انا هبقي اروح ازورها لوحدي , لاانت ولا اخوك تروحلها دلوقت , هروحلها الاول لوحدي

داغر: زي ما تقولي

................ منه محمد كاتب................

في منزل عائله آمير

نأني بعصبيه: كله بسبب الاستهتار والاهمال

الجده: يابنتي الامور دي قضاء وقدر , بتحصل غصب عننا , ملهمش نصيب في العيل ده ،واكيد ربنا له حكمه ،ومأجل سعادتهم 

ناني:  احنا الي بنبعد السعاده بأيدينا لما منعرفش قيمه النعمه الي ربنا ادهلنا , لما مانعرفش نحافظ عليها

رياض: ناني انسي  لان ده مش الظرف المناسب  نقول الكلام ده

ناني: كنت هنسي كل ده حالا,  لكن مش هقدر انسي الاهانه الي وجهالي داغر , بجد شاب قليل الادب والربايه ,  وكنت عاوز تجوزه اختك يا آمير,  الا ما بيعرف يقول ايه , ولا بيقوله لمين

آمير وشه اتغير وقام وقف

ناني: انت رايح فين

آمير: طالع اشوف دعاء صحيت ،عشان تفطر وتاخد علاجها

ناني لرياض: شايف هو مش بيطيق يسمع اي كلمه علي مراته ولا اهلها

رياض اتعصب بشده: بالله عليكي اسكتي شويه , مش شايفه حالته , ارحمي ،وبعدين نبقي نتكلم عن كل ده ,مش وقته الكل حزين ومقهور ،وانتي بتزيدي اكتئابنا(قام مشي متنرفز جدا)

الجده: ناني براحه ع دعاء شويه مش كدا

ناني: ماما لو سمحتي انا طبطبت عليها بما فيه الكفايه , وعانينا كلنا من اهملها

رحاب قربت وأعدت: مامي معاها حق يا نناه , دعاء مش بتقدرنا اطلاقا , حتي مش بتعمل حساب لمشاعرنا , لما مامي قالت لها متروحيش كانت المفروض تسمع كلامها ومتروحش ،والباقي كملوا اهلها بأهانه مامي

الجده بصتلها بضيق: يابنتي واحده حامل , واجهضت ده امر خارج عن ايدها  , اتعاملت مع جنينها بغشوميه 

رحاب: نناه بلاش تشبهيها انها غبيه ,هي ذكيه , بدليل لفت شباكها ع اخويا ببرائتها المصطنعه ودلوقت كسرت فرحته 

الجده: انا عارفه يابنتي انكم زعلانين  من الي حصل, ويمكن ده زعلك الجامد من دعاء , لكن ياناني فكري كأم محدش يحس بفقدان الضنا والمه, اكتر من الام نفسها

.......... منه محمد كاتب...........

في جناج دعاء آمير طلع لقاها بتقفل الموبيل دخل ووشه مكفهر

آمير: اخدتي علاجك

دعاء: ايوه 

آمير: تمام انا راح الشغل , خدي علاجك في المعاد , واتصلي بيا لو احتاجتي اي حاجه

دعاء: وممكن اتصل بيك حتي لو مش محتاجه لحاجه

آمير: انا لازم امشي

دعاء مسكت ايده يقعد قدامها: آمير صدقني مكنتش غطلتي , وبعتذرلك,  عارفه انك مجروح جدا حتي انا ببكي ع حظي التعيس , مقدرتش اوهبلك السعاده , من فضلك بلاش تضايق مني ارجوك اديني ريق حلو وسامحني ارجوك آمير

آمير بصوت مخنوق: انا مش مضايق منك

دعاء بصتله وعيونها فيها دموع : لاء مضايق مني انت مش بتتكلم معايا 

آمير: عشان مش عايز اعيد وازيد في الي حصل,  انا تقبلته كأراده الله , ولازم ننساه كمان_مسح دمعه نزلت_ ها كنتي بتكلمي مين

دعاء: كنت بكلم ماما كانت قلقانه عليا وجايه تزورني كمان يومين

آمير كشر بضيق: انا رآي بلاش تيجي هنا؟؟!

دعاء بصتله بصدمه: آمير

آمير: دعاء اظن فاكره الي قولتهولي,  انا بس الي مهم عندك , ودلوقت اثبت لي , بعد كل الي عمله داغر في المستشفي , والاسلوب الي رد بيه ع والدتي كان في منتهي الوقاحه , ومبقتش طايق اشوف وشه بعد كده , ولو كان احترامي انا وامي مهم بالنسبه لك , مش هتشوفي اهلك تاني ابدا

دعاء بألم وبكاء : انا عارفه ان داغر غلط , وغلطه كبيره وبعتذرلك بالنيابه عنه,  ارجوك اغفرله , وانا هطلب منه يجي ويعتذر لطنط ناني

آمير : دعاء

دعاء برجاء : متحطنيش في الامتحان الصعب ده  يا آمير

آمير: دعاء انا عمري ما منعتك عن اي حاجه , ولا عمري قلت لك لاء ابدا,  لكن فيه امور لايمكن نتجاهلها مقدرش اتحمل اهانه عيلتي بسبب نفسي

دعاء: تمام فاهمه هقولهم ميجوش هنا ابدآ , لكن اقدر اروح اشوفهم

آمير غمض عينه لانه مش قادر يتحمل دموعها وقهرتها وعارف طلبه فيه قسوه شديده عليها

دعاء برجاء وتوسل: آمير من فضلك

آمير: من فضلك انتي , مش عايز اكرر كلامي , ده مره تانيه , ياتري حبي  مش مكتفي بالنسبه لك , انا ماشي اتاخرت 

امال خبطت ودخلت: ست دعاء جبتلك كوبايه لبن اشربيها , آمير بيه مشدد عليا بشكل خاص

دعاء : امال كان فيه هنا لعب اطفال وحاجات تانيه في اوضتي

امال بحزن: امير بيه طلب مني انزلهم في المخزن قال انك هتزعلي لما تشوفيهم

دعاء: تمام حطي اللبن هنا

آمال: حاضر

................ منه محمد كاتب............

في منزل عائله دعاء

بهيه خبطت ودخلت: الفت يابنتي

الفت سابت قلم الكحل وبصتلها:  نعم

بهيه: عايزه اتكلم معاكي كلمتين

الفت: في ايه؟؟!!

بهيه: اسمعيني يابنتي وبلاش تاخدي كلامي حمل تقيل

الفت: ايه الحكايه

بهيه: انتي زي بنتي بالنسبه لي ووثقت فيكي وجبتك هنا مش زوجه لابني انا جوزتك داغر عشان بتحبيه ومتعلقه بيه , وهو هيحبك لما تسمعي كلامه وتراعيه , يابنتي الراجل لازم يبقي محور اهتمام مراته ولازم يبقي اهم مسؤلياتك

الفت: ممكن اقولك حاجه؟  انتي وابنك كمان عليكم واجبات تقوموا بيها , بس انتي مش مركزه عليها , فين فرحتي كعروسه اتكسرت بسبب دعاء,  لان حزنها اهم من سعادتي , حلمت بيوم فرحي بس انتي وابنك ولا مهتمين ,  ابنك يوم الفرح اتخانق معايا , عارفه ليه شايفه الغوشتين الخفاف دول واحده منهم اتقطمت ازاي دول قيمتي

بهيه: لاء يابنتي دول

الفت قطعتها: كفايه مش عايزه منك اي توضيح , انتي بس تعرفي تشتكي مني, اانتي بتقولي اني زي بنتك بس انت جايه هنا ام لابنك

بهيه: متزعليش هتكلم مع ابني يعاملك ازاي ولو زعلك تاني هحاسبه, وانتي لازم تحاولي , لو نزلت نقطه  الميه بنتظام حتي الصخره تنهار تحتها , لو عملتيه بالحب هيتغير بسرعه معاكي

الفت بصتلها وحركت دماغها بضجر وسابتها وخرجت

بهيه لنفسها: مني لله ظلمت ولادي بجوزتين خفت عليهم من السحر والاعمال والموت ..وبجاهلي قلت يعيشوا قدامي بخير...... لكن كلنا بنتعذب بسبب جاهلي .....سامحني يارب سامحني

..............قصص منه محمد كاتب................

بهيه شاورتلها وهي معديه: ميسر تعالي عايزه اتكلم معاكي

ميسرقربت : خير ياحماتي

بهيه: جبتي الدهب لـ اختك مش كدا

بهيه: ايوه

بهيه: وهي الفت راحت معاكي نقت الغوشتين

ميسربقلق: ايوه  طبعا جابت ع ذوقها هي  ليه حصل حاجه؟؟!!

بهيه: بتقول ان الغوشتين خفاف ,وواحده منهم اتقطمت , معني كدا انها خفيفه ,لو كانت تقيله مكنتش اتكسرت , ليه الغوشتين خفاف!! 

ميسر: ليه هو انا هسرق بنك , ولا هبلطج ع محل دهب انا جبت ع اد فلوسكم انتي شايفه اسعار الدهب كل يوم في السما العاليه وانتي كأنك عطتيني ملايين اختار بيهم

بهيه: يابنتي انا بسأل بس

ميسر: انا فاهمه الي وري سؤالك , قصدك تقولي اني خنسرت من فلوس الدهب , واخدته ليا ,ده الي تقصديه بس احب اقولك انا بنت ناس مش حراميه بسرق فلوس الغير , وهحاسبك ع كل حاجه بالورقة والقلم

معمر دخل ع صوتهم: ايه الي حصل ايه الغاغه دي

ميسر بنفعال: امك بتتهمني اني حراميه والمفروض مصرخش

معمر : يمه انتي بتقوللها ايه

بهيه: يابني كنت

ميسر نزلت دموعها: امك بتقول ان الفت معترضه ع تقل الغوايش لانهم خفاف,  وبدل ما تعترض كانت راحت طلبت من داغر يجبلها غيرهم, بس امك جايه تتهمني كأني سرقت من الفلوس , اه ياني انا كدا بختي قليل من يوم ماجيت هنا , مخدتش اي حاجه عدله

معمر بعتاب ولوم: امي محصلتش لكده كمان , تتكلمي مع ميسر بالطريفه الفازه دي , اتحملت كل حاجه من اول الجوازه , دي بدل شكرا 

...............قصص منه محمد كاتب...............

في شقه داغر

ميسر راحتلها بنرفزه: كام مره فهمتك بس مصره متفهميش اصرارك وعقلك مش هيتغيروا ابدا

الفت بدهشه: تقصدي ايه عملت ايه انا دلوقت 

ميسر نغزتها في دراعها: ليه تتكلمي مع بهيه عن الغوايش , مفكره عريسك من عايله البهوات

الفت: كان لازم اعرفها ان ابنها مش مقدرني 

ميسر: انا الي اشترتلك الغوشتين عايزه تقولي اني حراميه

الفت بغيظ  :ولما انتي الي شرياهم ليه مجتليش اتنين تقال,  انا مكسوفه لما بفرجهم للناس

ميسر مصمصت شفايفها: يو يعني احطلك فلوس من جيبي ,بقولك جبتلك ع اد الفلوس الي عطهالي جوزك

الفت: انسي خلاص

ميسر شخطت فيها: انسي انك انانيه وطماعه

الفت بصلتها بحتقار: مش اقل منك , انتي كمان انانيه وطماعه , ولازم كل فلوس تهفي منها 

ميسربرفعه حاجب: انا لو بخنسر ومعايا مكنتش هبقي موجوده هنا , وانتي قاعده مطمنه اظن خرجتك من الكارثه الي عملتيها وبوست ايد دعاء عشان تتفق معايا , لكن لو طلعت قولت لداغر هيمسك دراعك ويطردك جنب صفيحه الزباله,  بس يظهر مش هتسكتي الا لما ده يحصلك , عشان كدا مكنتش موافقه ع الجوازه دي عشان عارفه , هيبقي هسهس بالنسبه لي

الفت بخبث: انتي دايما تبكتيني , ع العموم مش هقول كلمه , وهعمل الي تقولي عليه

ميسر: ده احسن لك لما اشوف ابني فينه

الفت لنفسها: بدئت تهددني,  بلاش ابوظ علاقتي مع داغر  والا مش هلاقي مكان ليا هنا

...........قصص منه محمد كاتب................

في منزل عائله آمير

دعاء واقف ضهرها للباب وسرحانه في كلام جمال( مشاكلك لسه مبدئتش)

جمال جه من وراها: عامله ايه يادعاء؟؟!!

دعاء لفتله: كويسه وكويسه جدا

جمال: نايس , بس شكلك بيقول العكس , حاسس كأنك قلقانه من حاجه

دعاء نبره كلها تحدي: فعلا , لكن مفقدتش شجاعتي ولا قوتي , لاني عارفه لما تبدء المشاكل ,لازم يكون ليها نهايه وفي الاخر مهما كان الي قلقك هو مش هيدوم ابدا

جمال : اشهد انك بنت جامده وقويه جدا

ناني: جمال جيت امتي؟؟!!

جمال: ازيك ياطنط لسه داخل حالا

ناني: دعاء اعملي عصير لجمال

دعاء: حاضر

ناني: اتفضل نقعد يابني

جمال: اتس اوكيه

ناني: ها عامل ايه كويس

جمال: الحمد لله بس مشغول في الشركه

ناني: وسولا عامله ايه بجد وحشاني اوي بقالنا يما متقبلناش 

جمال: حتي انا بقالي اسبوع مشفتهاش

ناني: قصدك ايه

جمال: اصلها سافرت امريكا , خالو تعب فجأه , واضطرت تسافر بقالها اسبوع

ناني: الف سلامه وعامل ايه خالك حاليا

جمال: الحمد لله بيتحسن , لكن مام قعدت هناك , وانا هنا ماسك امور الشركه بنفسي , ومام اخدت اجازه 

الجده دخلت وسلمت وقعدت وبضحكه: وانت طبعا زهقت من كتر الشغل

جمال ضحك : اقولك ايه نناه فعلا زهقت ومليت جدا , بس من قعده البيت لوحدي تخيلي مببقاش عاوز ارجعه , وبفضل اتصل بأي حد من اصحابي اضيع وقت

ناني بحنان: حبيبي ممكن تيجي تقضي اليوم كله معانا

جمال مثل الحرج: لاء ياطنط , ازاي يعني اعمل كدا , لاء طبعا مش هيبقي وضع لائق

ناني: ليه ده بيتك بالظبط

جمال: ايوه والله واكتر,  بس لو كان يوم ولا يومين بصراحه مش عارف مام هترجع امتي؟؟

الجده: يابني انت خلاص بقيت ابننا تقدر تيجي وقت ماتحب

ناني: حتي اقعد معانا لحد العشي وقضي اليوم كله معانا , وتقدر تفضل معانا لحد ما سولا ترجع , ولا ايه رايك ياماما

الجده: هقول ايه منا قولت البيت بيته

ناني قامت من مكانها : تمام هبعتلك العصير واقول لرحاب انك هنا

...............قصص منه محمد كاتب....................

في جناح دعاء وآمير بيظبط ورق في الفايل

دعاء: آمير كنت عايزه اتكلم معاك

آمير رفع عيونه من ع الورق وبصلها: اه قولي

دعاء: مش ملاحظ ان الي بيحصل وضع غريب, جمال بيجي هنا كل يوم

آمير:ليه عندك اعتراض انه يجي هنا كل يوم

دعاء: لاء مش مسأله عندي اعتراض لكن هم لسه مخطوبين , مش هتكون مشكله لو جه هنا كل يوم لكن بعد جوازهم  , لكن حاليا الناس هيتكلموا ده قصدي

آمير قام: دعاء الناس عادي كدا كدا بيتكلموا , بس المحزن ان الناس الي جوه الاسره يعملوا زي الناس الغريبه ويتكلموا

دعاء: انت فهمت كلامي غلط انا

آمير قطعها: انا فهمت قصدك , وبعدين ده شئ ميخصكيش , واتمني تخالي نفسك بعيد عنه ,لكن لو بتواجهي تعب وارهاق في خدمته هقول لـ امي

دعاء: لاء متقولش حاجه لطنط انا معنديش اي اعتراض

آمير: انا نازل عندي شويه اشغال مهمه ومش عارف راجع امتي

دعاء راحت اعدت ع السرير نفسها تقوله انه داخل البيت عشاني انا لكن محدش هيفهم وهيتهموها انها غيرانه وكلام كتير  هي مش حمله....وقامت تبص عليه من الفراند لقته واقف وبيبص ع رحاب الي تقريبا قاعده في حضن جمال في الجنينه وآمير اضايق جدا وقرر يتكلم مع ابوه ويعجل بفرحهم

الفصل الرابع والعشرون 

في منزل عائله دعاء تحديدا ع الموبيل

بهيه: عامله ايه ياحبيتي

دعاء: انا الحمد لله زي الفل وانتي يا امي؟؟

بهيه: انا بخير كنت بس قلقانه عليكي

دعاء: متقلقيش عليا آمير واخد باله مني وكلهم هنا مرعيني ومهتمين بيا

بهيه: بس قلب الام غير اي حد, اه بالحق ليكي شويه حاجات هنا من يوم فرح اخوكي, لما تيجي تزوريني ابقي خديهم , وكنت بفكر اجيلك بيهم , واشوفك بس مفيش عندي وقت!

دعاء نطقت بسرعه: لاء ياماما مفيش داعي , هبعتلك السواق انا قولتله وهو قالي هيجيلك ياخدهم

بهيه: ده انا كنت هجبهملك عشان اشوفك واطمن عليكي

دعاء: ماما صعب انك تيجي اللايام دي , بس متقلقيش ع حاجاتي هبعت السواق ياخدهم

بهيه: ماشي يابنتي زي ما تحبي

دعاء مسحت دمعه: تمام ياماما , هقفل معاكي , اصل حاطه حاجات ع النار

بهيه: روحي يابنتي ربنا معاكي ويقويكي مع السلامه

داغر داخل من شغله : ازيك ياست الكل

بهيه بصتله: اهلا ياحبيبي

داغر شاف تعبيرات وشها الحزينه: مالك يا امي؟؟!!

بهيه: ولا حاجه يابني

داغر: كنتي بتكلمي دعاء؟؟!!

بهيه: ايوه

داغر: هي كويسه

بهيه: قالت كدا, بس حاسه انها مخبيه عني حاجه, لما قولت لها ان حاجاتها هنا , قالت لي السواق هيجي ياخدهم , اظاهر انها مخبيه عني حاجه

داغر: مفيش حاجه , متقلقيش هي عندها مسؤليات كتير هناك , فاكيد ملخومه , متقلقيش هغير هدومي , واجيلك نتكلم

بهية: ماشي ياضنايا

............... منه محمد كاتب............

في منزل عائله آمير

جمال بسخريه لاذعه: البيست فريند ،العزيزه عليا

دعاء بصتله بضيق شديد

جمال ابتسم: واضح انك مش بتحبيني اجي هنا كل يوم

دعاء: وايه الي هيفرق سواء كنت احب ولا اكره, لازم تفهم ده من نفسك , انك كل يوم رايح جي ع هنا وضع مش مناسب وميصحش

جمال: وانا مش باجي عشان انا عايز ده , العايله هنا استدعوني لانهم بيحبوني كتير , ومش عايز اكسر قلب حد , بس انا عارف ايه الي مضايقك من وجودي 'عشان الخدمه

دعاء بتحدي: لاء ده بيتي ،وبشتغل بحب لانها مسؤليتي

جمال: نايس قومي بمسؤليتك ’ وروحي اعمليلي قهوه مظبوطه

دعاء مسكت نفسها وهي بتحاول تتحكم في انفعالها وقالت: سوري بشده , لايمكن اعملهالك انت ضيف رحاب مش ضيفي

جمال لمحها جايه غير تون صوته بالكسره: انا آسف يادعاء , اني طلبت منك , خلاص متعملهاش لو مش حابه , براحتك

ناني: فيه ايه ياجمال

جمال بمكر: ولا حاجه كان عندي صداع نصفي وطلبت من دعاء فنجان قهوة رفضت بطريقه مش فاهمها وبتقولي انت ضيف رحاب مش ضيفي

ناني بذهول: ايه

دعاء ارتبكت: لاء يا طنط انا مقولتش كده

ناني بنرفزه: انتي في وعيك ،نسيتي ازاي تعاملي الضيف

دعاء: بس انا مقولتش حاجه من الي قالها

جمال: طنط حصل خير واضح ان دعاء مش مرحبه اجي هنا كل يوم ،وهي معاها حق لما تروح ع مكان كل يوم تفقد قيمتك ،وانا هخف خالص

ناني: لاء يابني ده بيتك , انت مش بس خطيب بنتي, انت ابني , دعاء حالا اعتذري لجمال

دعاء برفض: اعتذر عن حاجه انا معملتهاش

جمال: لاء مفيش داعي

ناني: دعاء بقولك اتأسفي لجمال

دعاء حست بأهانه قويه وقالت بكسره نفس : سوري غلطت ( طلعت السلم جري)

ناني: انا متأسفه يابني من الي حصل اقعد وهطلب من امال تعملك فنجان قهوه

جمال: ميرسي

ناني وهي ماشيه: امال ،يا امال

جمال ابتسم بنتصار: ولسه يادعاء كدا البدايه

............. منه محمد كاتب................

في منزل عائله دعاء الكل اتجمع

ميسر: دي مجرد حجه ,وده ملوش غير معني واحد , ان حماتها في قلبها ضغينه , اكيد منعتها تيجي

معمر: انا بخمن ان بعد مشادتها في المستشفي مع داغر ،اكيد منعتها

ميسر: والحل ؟ هنعمل ايه ؟ معقول نقعد كدا ساكتين

بهيه : احنا لا هنعمل , ولا نسوي دلوقت

معمر بقلق: لكن يمه بالطريقه دي ممكن يعملوا اي حاجه في اختنا , وانتي عارفه دعاء لو ماتت مش هتقولنا

ميسر بخبث: ماهو ده الي قلقني

الفت بصتلها بسخريه : والله عال وانتي تقلقي ليه, اهل جوزها طبقه راقيه مش وحوش, غير كده جوزها بيعشقها , سبيها خليها في بيتها مبسوطه

ميسر بشخط: اسكتي انتي , اصلك متعرفيش معادن الناس كل واحد عنده الف وش , ولو كان جوزها بيحبها ليه حول وشه عن صاحبه القديم , بس انا عندي فكره واحده ,هروح انا ارجع حاجات دعاء , ومنه تبقي حجه اطمن عليها

معمر: فعلا ميسر عندها حق , تاخد حاجات دعاء وتشوف الحكايه , هل فعلا دعاء بيضايقوها

ميسر بمكر: انا ع استعداد من بكره اروح

الفت في سرها: اكيد فيه حاجه تانيه في دماغها..... ليه مصره تروح لدعاء ....ده انا حمدت ربنا انها اتمنعت رجليها من هنا والا السر هيتعرف....... الله يخربيتك ياميسر... امتي اتعتق منك ومن عمايلك

............... منه محمد كاتب.............

في الجنينه جمال مثل الزعل وماشي عشان له هدف

رحاب بتجري وراه: جمال ياجمال اقف كلمني

جمال وقف: فيه ايه يارحاب

رحاب: انت رايح فين كدا؟؟!!

جمال: ماشي

رحاب: هتمشي كدا انت لسه يادوب جاي

جمال: وعرفت انه كان غلط ميصحش فعلا اجي هنا يوميا.

رحاب: تقصد ايه وغلط ايه فهمني

جمال: دعاء اتصرفت معايا في منتهي الوقاحه ,وقله الذوق , عارف انها بتكرهني

رحاب: ايه دعاء اتواقحت عليك, ازاي بنت البيئه تتجرء عليك , خليك هنا, وشوف انا هعمل معاها ايه

جمال مسك دراعها: رحاب بلاش تخلقي مشكله

رحاب: مستحيل الامر يعدي , انت خليك وانا هرجعها تقف في مقامها

جمال ابتسم ولنفسه: دعاء ده صدي لطشه القلم ....والاهانه قدام الجامعه ......ومش هسامحك بالسهوله دي ابدا ........ع انك رفضتيني واهانتيني

اما رحاب راحتلها بنرفزه: انتي ازاي تجروئي ع اهانه خطيبي

دعاء: رحاب اهدي الاول واسمعيني , هو بيكدب انا مقولتش اي حاجه , هو عايز يخلق مشكله معايا عشـ

رحاب قطعتها: عايزه تقولي ان جمال اخترع كل ده مش كدا؟!

دعاء بتأكيد: اه هو كدا

رحاب: عارفه لو حلفت لي , ولا اتجمدتي قدامي , مش هصدقك , من اول ما اتخطبت له وانتي ضد ارتباطنا وكنتي طول الوقت ضده

دعاء: مش كدا ليه ابقي عايزه كدا , عشان طلبت منك متخرجيش معاه بالليل , من غير ما تبلغي حد وانا هقولك المشكله الي معاه ضدي

رحاب: انا مش آمير الي بتخدعيه ببرائتك الوهميه, وبحذرك لو عملتيله اي حاجه المره الجايه هحول حياتك لجحيم افتكري اني اقدر

دعاء مسكت دراعها بشده: اقفي الاول واسمعني

رحاب فلتت دراعها وهي رايحه في اتجاه الباب بعصبيه : ولا كلمه هسمعها من واحده كدابه

دعاء: يارب انت العالم وقادر تجب لي حقي

اما رحاب نزلت لجمال : مسحت بيها الارض ازاي تهينك

جمال: مكش له داعي لكل ده يارحاب

رحاب: ليه بقي

جمال: يعني اتهزقت بسببي

رحاب: تستاهل انت عندي مهم في حياتي انت كمان مهم عند عايلتي ولو دعاء بصتلك محدش عندنا هنا هيتحمل ولا حتي انا

جمال: من ايام الجامعه في مشاكل معايا ودلوقت زادت مشاكلها

رحاب: انا ميهمنيش المشاكل الي هتعملها , احسن لها تبعد دي اكبر نعمه ليها. لانها لو جرحتك مره تانيه انا هطردها من البيت

جمال: عارفه انك حبيبتي بتزعلي عشاني كتير

رحاب: طبعا مش حبيبتك

جمال: انا محظوط جدا جدا

رحاب بغرور: اكيد عشان انا معاك

جمال في سره: ياريت يحصل وتطرديها عشان انا احتويها واخدها من آمير!!!!

...... منه محمد كاتب................

في منزل عائله دعاء

بهيه: ها طمنيني ع بنتي عامله ايه؟؟!!

ميسر: اقولكم ايه بس , والله ما عارفه اقول الحاله الي شوفت فيها دعاء معنديش الشجاعه حتي اقولكم عنها

بهيه: بنتي كانت كويسه لما كلمتني وقالت الكل واخد باله منها

ميسر عوجت شفايفها بتريقه: اسم الله ع الرعايه , دعاء وشها ضعيف كأنها مش بتاكل وحماتهاقالت الف كلمه , ومقدرتش وجودي , وبدئت تقول عليها مهمله وعنيده , ونسيت هي جايه منين والصراحه قللت منها

معمر بندفاع: كان لازم ده يتقال لما نسبنا ناس زي دول , كان لازم ده يحصل , داغر افندي كان كل همك تحافظ ع الصداقه هو فين صاحبك من كل ده , هم مش مكسوفين يعاملوا بنتنا بالطريقه المهينه دي, , امي قومي البسي هنروح نتكلم ازاي يعملوا فيها كدا

بهيه فهمت خبث ميسر وقالت: اهدي يابني لله , متتعاملش بغشوميه وبغباء , والا هتخرب بيت اختك بأيدك , واياك تقول كلمه , هكلم بنتي بنفسي , افهم منها الاول

ميسر خافت لانها بتكدب وهي الي حطت لناني ع دعاء وسخنتها

داغر: هتتكلمي معاها عن ايه ؟ ما انتي عارفه دعاء طول عمرها كتومه , ومش بتقول الحقيقه مهما كان اللامر شديد عليها

بهيه: اي ان كانت , الي بنتي فيه هي بتعرف تأقلم حياتها افضل مننا ’ بلاش تعملوا فعل متهور يدمر حياتها , ونرجع نندم

ميسر بصت لبهيه وبربشت والفت فهمت انها عايزه تجيب دعاء عشان تثير مشكله الاجهاض وداغر يطلقها بالتلاته!!!! طبعا كل متابعين روياتي بيتمنوا ان ده يحصل

...... منه محمد كاتب............

في منزل عائله آمير

رياض بصله: ليه رجعت بدري اليوم

آمير بهدوء: ابدا روحت المصنع ورجعت, والصراحه فيه موضوع , كنت عايز اتكلم معاكم فيه

رياض بهتمام: خير ايه هو

ناني: فيه مشكله في الشغل

آمير: لاء بعيد عن الشغل , بصراحه بقالي كام يوم بفكر اعجل بفرح رحاب وجمال , انا شايف كل حاجه ماشيه مظبوط وانهم منسجمين ومتفاهمين سوي , واحنا موافقين يبقي ليه التأجيل

الجده: عندك حق الامكانيات كما ن موجوده , يبقي فعلا ليه نأخر , ورآي نشوف الاول سولا لما ترجع نحدد معاد الفرح

آمير: فعلا ياجدتي , غير كدا جمال هنا كل يوم , وممكن تحصل مشاكل من سوء التفاهم , ده غير كلام الناس

ناني بحمقه: واضح انك بتتكلم بالسان مراتك , هي معترضه ان جمال بيجي هنا كل يوم , الفرق الوحيد هو انك توصلنا , انها حطت جمال في دماغها ،عشان كدا قالت الي قالته

آمير استغرب: هو ايه ده دعاء مالها , وقالت ايه

ناني: قالت ايه , ان جمال مش مسؤليتها ومش ضيف عندها

آمير اتعدل بنزعاج: مراتي قالت كدا

ناني: طبعا وانت تلاحظ وتمنعها تمد ايدها في حاجه , وبكدا تقدر تدمر هدوء البيت وتنتقم

آمير بذهول : تنتقم من ايه

ناني: لانك منعتها تشوف اهلها , وهي بتعمل مشاكل لينا كلنا هي عارفه ان العلاقه حساسه جدا بس ليه تهتم حتي بيها, ولو جمال نهي الارتباط اختك انت عارف هتتقهر ازاي

آمير قام وقف: انا هطلع اشوف ايه الموضوع

رياض مسح النضاره وهو بيضربها بنظرات كلها غيظ وقال بدفاع: ليه تحكي لـ امير , امر تافهه , وصغير

ناني: هو انت كل حاجه تعملها تبقي عندك امر تافهه وصغير , جمال ده نسيبنا , ومراه ابنك اهانته لو كان الولد عاملها مشكله

رياض: انا مش متخيل ان دعاء تتصرف كدا مع الضيف , اكيد فيه سوء تفاهم بينهم الاتنين

ناني: العالم كله بيغلط الا مراه آبنك, ملاك, كل مره تقف في صفها , حتي بعد ما شوفت بعينك عمايلها (قامت ومشت متعصبه)

رياض: ياناني

ناني شوحت له بزهق وهو قال بغيظ: شايفه عمايلها يا امي

الجده بهدوء: يابني دعاء الغلطانه المره دي , مهما حصل مكنش ينفع ترد ع جمال بالطريقه دي ،ورد فعلها هيأثر ع علاقه جمال ورحاب تأثير سلبي!!

................ منه محمد كاتب................

في جناح دعاء الي بتحكي لـ آمير وهي حزينه

آمير: لاء انا مش فاهم ايه الي حصل قولي تاني

دعاء : اظن قولتلك , وهي دي الحقيقه الولد ده كداب , انا مقولتش الكلام الي قاله

آمير: اوكيه جمال كداب , لكن ليه هيكدب ؟ مش منطقي ان جمال يتبلي عليكي , قولي لو كان فيه سبب مقنع

دعاء: آمير هو بيعمل كل ده عشان

آمير: ها عشان ايه

دعاء الكلام وقف ع لسانها ومرضتش تكمل وسكتت

آمير فضل بصصلها: كملي يادعاء ليه بيعمل كدا

دعاء سكتت لانها هتقوله ايه انه كان بيحبني ايه الي يثبت رحاب هتنكر وجمال هينكر وقدام الكل هي حقوده وبتنتقم لداغر !!!!

آمير: قوليلي ايه مشكله جمال معاكي

دعاء بلعت ريقها بصعوبه وقالت : ايوه اصل هو

آمير اتعصب: ماتقولي هو ايه , وطالما بتسكتي معناه ان مفيش حاجه, شوفي رحاب وجمال خطوبتهم مكنتش ع هواكي ممكن لو سمحتي تهتمي بأحترامي

دعاء: يا آمير الموضوع مش كدا ازاي افهمك

آمير: بجد انا كل يوم بقي عندي خيبه امك منك رهيبه

............. منه محمد كاتب...............

دعاء بتعيط في الفراند: اللعبه الي بيلعبها معايا لازم تنكشف .....التغير المفاجئ في سلوكه الطريقه الي بيكدب بيها قدام الكل ويصورني ع اني الجاني , معني كدا انه هيخلق لي مشاكل في المستقبل , ياتري لو قلت للـ آمير الحقيقه .....هيكدبني ..... لاء لازم اقوله ع كل حاجه طيب لو صدقني رد فعله هيكون ازاي .....ورحاب هتنكر وجمال هينتهزها فرصه ......ومش بعيد يخليهم كلهم يشكوا فيا ويطلعوني كدابه ومنحله .......لاء مقدرش اظهر بالصوره دي قدام آمير .....مقدرش

آمير مال عليها وسألها بقلق : دعاء ليه بتعيطي , حد قالك حاجه زعلتك

دعاء بكاء: انا مش عارفه اشرحلك, لكن لو حد قال كلمه عني كل الي هنا , يصدقوه بشكل اعمي , حتي انت من غير ما تسمعني ولا تسألني ع طول تيجي تهاجمني , هو انا ماليش اي اهميه

آمير قعد جنبها وضم كتفها: حبيبتي انا مكنش قصدي اجرحك لكن

دعاء قطعته بنفعال: آمير انا بسمع الكلام وبنفذ وانا ساكته , عشان اكسبك, لكن بلاقي نفسي ولا حاجه للبيت , حتي ليك انت اول ما تسمع كلمه ضدي تبقي القاضي والجلاد عليا , من غير ما تسمعني , وانا الي دايما بسمعلك , وبنفذ ومش عارفه الي المفروض يتعمل تاني عشان اثبت لك اني صادقه معاك

آمير: شوفي هو فيه سوء تفاهم , يمكن تكوني قولتي لجمال كلمه بدون قصد

دعاء قطعته بنرفزه: بقولك مقلتش حاجه وانت مصمم اني كدابه

آمير: تمام , تمام انسي الموضوع ده خالص, ليه تتعصبي كدا , وتبقي اوفر , جرالك ايه وصدقيني انا بثق فيكي

دعاء: لكن امك

آمير: هطلب منها متفتحش معاكي الموضوع ده تاني , مرضيه , ويله قومي نخرج نتعشا الليله سوي , بقالنا كتير مخرجناش مع بعض , وعشان خاطري فرفشي واسف لو قلت كلمه جارحه قاسيه زعلتك مني

دعاء نزلت دموعها : عشان انت عارف ان الزعل لما بيجي منك انت بالذات بيزيد الوجع والقهر

آمير مسح دموعها وباس دماغها : اسف حقك عليا , واظن انتي عارفه انا بحبك ازاي , وبخاف جدا عليكي , بخاف من جرح صغير وبخاف من قله اكلك وقله نومك , بخاف عليكي من هموم الدنيا , وبقلق بمجرد ما اسمع نبره حزن في صوتك , بخاف عليكي اكتر من نفسي , انتي وريدي معقول هأذي وريدي _ ضحك_ وانا فاكر في مره قولتلي الي بيحب حد بيتعود ع كلامه وع تصرفاته الحلوه , منها والبشعه

دعاء: وانت عارف ومتأكد ان مهما بيحصل منك لا بمل من كلامك ولا بهرب منك

آمير طبطب ع ايدها: دودي أنتي ملاكي , وحبي ليك مختلف تماما عن بقية النساء , أنتي حالة استثنائية في حياتي وابقي راجل غبي يوم ما اخسر حب ست شافت كل عيوبي وبرضه فضلت تحبني

دعاء: عشان انت

آميرقطعها: لاء دي هتقعد ترغي بقي وتنسي ان انا حاليا خلاص عايز اكل

..................

آمير اخد دعاء ونزلوا للصالون جمال كان موجود

آمير سلم: هاي جمال عامل ايه؟؟!!

جمال مبتسم: اهلا ياآمير انا تمام

آمير: اتفضل اقعد ،احنا كدا كدا ماشين

ناني: انت رايح فين؟؟!!

آمير: واخد دعاء وهنتعشا بره

ناني: طلع منين العشا وجمال موجود في البيت

جمال: ياطنط مش مهم ،انا مش واحد غريب , بليز آمير اتحرك ،بلاش تقعد عشاني

آمير: ثانكيو ،يله حياتي

جمال بخبث: دقيقه واحده , رحاب مش كان نفسك تروحي تاكلي في مطعم ايطالي اليوم

رحاب: اه ياريت

جمال: ايه رايكم لو روحنا احنا الاربعه

آمير اضايق لكن مظهرش اما دعاء الود ودها تصرخ فيه وتقوله ابعد عني بقي!!!!!

رحاب: الله فكره روعه مش كدا يا ميرو

جمال: ده لو مكنش عنده مانع

آمير بشبح ابتسامه: بتقول ايه , وليه همانع تعالوا , ماتيجي معانا انتي كمان ياماما

ناني: لاء يابني ،انتم اخرجوا انبسطوا، الاكل جاهز هنا في البيت

جمال: يله بينا

رحاب ضمت امها: مامي هتوحشيني جدا

             الفصل الخامس والعشرون من هنا 

لقراءة باقي الفصول من هنا

تعديل المقال