رواية الحربايه والثعبان الفصل السابع والاربعون47 والثامن والاربعون48 بقلم منه محمد
نرفع البارت الجاحد ده لان الي فات كومً والي جاي كًوم ساحق
البارت 47
#الحربايه_والثعبان
✿ قصص منه محمد كاتب ✿
أمير قعد جنبه وفاتح الموبيل: ها يا ماما لسه مصممه ان مراتي, مذنبه وجمال بريئ, قوليلي
رياض: شوفي واسمعي وقوليله
ناني: ما يمكن تكون مفبركه وجايز داغر فبركها
آمير بعصبيه خفيفه : ماما فيه شئ واحد مؤكد , انك دايما وابدا بتحاولي تثبتي ان دعاء كدابه قوليلي ازاي هتفبرك محدثات برقمه وفويسات بصوته
رياض: لاء ده صوته , وده كلامه , مش متلفقين , وكل ده مش كدب
آمير: قوليلي ليه جمال بيحاول يتصل بمراتي بأستمرار, ويكتبلها رسايل ويطاردها , ومن وقاحته وبجحته طلب منها الجواز وهو متجوز اختي, هو بيجري وري مراتي
ناني بنفعال: مراتك الي بتشده ليها, وده الي بيحصل في اي علاقه حرام
آمير انفعل جدا: الي انا بقيت متأكد منه انه غير صحيح بالمره
ناني شخطت فيه : ليه رحاب تدعي ع دعاء ليه؟!
آمير: ده الي مش عارفه, ومش عارف ايه هي مشكله رحاب مع دعاء, بس الي بقي واضح وصريح مفيش علاقه بين دعاء وجمال, كان بيضايقها هنا , ولسه بيضايقها بعد ما مشت
ناني: دي مشكله دعاء مش مشكلتك
رياض: ناني المشكله مرتبطه ببنتك هو كل شويه هنفكرك ان جمال جوز رحاب , وهو بيخدعها آمير حالا نطلع ع بيت اختك ونجيبها هنا, مقدرش اسيب بنتي معاه بأي ثمن, ونرجع دعاء بيتها امتي وازاي ,هنقرر ده سوي , وده قرار نهائي
ناني اتحركت بنزعاج لانها رافضه دعاء ترجع لـ آمير
..............قصص منه محمد كاتب....................
جمال واقف ع اخره ولنفسه: لاول مره في حياتي مام ترفع ايدها عليا ........ مستحيل انسي انك مستدتيش دينك القديم يادعاء .......وضفتي عليه الجديد ...........وكدا حسابك تقل اوي
رحاب قربت منه: جمال
جمال رفع ايده انها تبعد عنه وسابها ومشي
رحاب طلعت وراه: جمال اقف اسمعني
رحاب لمحتها قاعده قربت عليها: طنط محتاجه اتكلم معاكي
سولا : اتكلمي
رحاب بنكسار وضعف: انا آسفه بجد ياطنط, كنت مفكره انك دائما ضدي , معرفش انك دائما واقفه لصالحي
سولا بتنهيده طويله: للاسف معظم الحال عند كل الناس, نميل بالكره للشخص الي بيحاول يصحح اخطائنا , عارفه مشكلتي ان قواعدي ثابته, لكن ابني كسر قواعدي , وخلطها بالطين
رحاب: انتي معملتيش حاجه غلط حاولتي
سولا: هددت داغر بالشرطه مكنش ينفع وهو بيقول الحقيقه
رحاب: طنط داغر جه هنا يتكلم , ليه يتخانق كان ممكن اتكلم بهدوء
سولا بصتلها بستغراب: انا لحد اليوم مش قادره افهمك ابدآآ, انتي بتحبي جمال وبتحبي تملكيه وشوفت القلق والغيره لما قرب من جيسي , لكن بتتعاملي مع تواصل جمال مع دعاء بشكل هادي وبارد
رحاب بتنكر الواقع: بيتكلم معاها لكن مشفتش ده بنفسي, ويوم ما شوفته طردت دعاء من البيت
سولا: انتي مفكره ان دعاء غلطانه في كده , مفكره ان دعاء لوحدها المخطئه
رحاب: طنط انا كنت بحاول انقذ بيتي معنديش وقت للتفكير في اي حد تاني
سولا: كنتي بتحاولي تنقذي بيتك ولا تهدمي بيت اخوكي, الطريقه الي ردتيتي بيها ع داغر'مخلتنيش احس بس بالخوف, بس خلاص مًصره ان ابني عنده خطئ اكبر 'في كل ده
رحاب: دعاء دي تقدر تكدب عشان تدافع عن نفسها مش كدا
سولا: دعاء بنت لايمكن تقلل من احترامها وترخص نفسها ابدآآ, اظن انتي عرفاها اكتر مني انا امنيتي تعيشي انتي وابني في سعاده ابديه, لكن لو بقيتي سبب في دموع حد تاني , مستحيل تعيشوا براحه وهدوء مع بعض ابدآآ
..........قصص منه محمد كاتب.................
في شقه داغر
معمر رايح جاي بتوتر: مش بيرد ليه خلتيه يروح ليه يادعاء
دعاء : والله حاولت امنعه لكن
معمر قطعها: لكن ايه لو اتهور والموضوع وصل للبوليس, احنا ناقصنا مشاكل
دعاء برتباك وخوف : يارب استر
معمر : متقلقيش هروح اطمن عليه
دعاء :ماشي
معمر : معاكي رقم الي اسمه جمال ولا عنوان بيته
دعاء: ايوه معايا
معمر: ابعتهولي هروح انا اشوفه
دعاء: ماشي
معمر بيفتح الباب لقاه داغر واقف وبيحاول يحط المفتاح في الكلون
معمر: كدا برضه ياداغر تروح لحد عنده برجليك
داغر عيونه إحمرت وعروق وشه شددت: كنت لازم اعرفه مقامه
معمر بعصبيه: انت اتجننت صح تروح لحد عنده وتتخانق
دعاء :افرض اتصل بالبوليس ولا لقدر الله حصلت حاجه تانيه
معمر بعقلانيه:احنا ناس متربيه, مش بلطجيه نروح نعتدي ع بيوت العالم ونضربهم , ده مش حل ابدا
داغر بقهره :امال هنحلها ازاي , عندها اتنين رجاله والبيه مستقل بيهم, ولسه مستمر يضايقها واحنا نفضل ساكتين وهو يتمسخر بأختنا انا هـ قتله
معمر اتعصب منه: ولما تـ قتله هتدخل السجن ويضيع مستقبلك , فكرت في كده انت كنت عاقل ايه الي صابك, يابني المسائل دي متتحلش بالطريقه دي , انا عايز دعاء ترجع بيتها عايز الاتهمات تختفي من فوق راسها عايزها تقعد وتحل الامور مع آمير
داغر بضيق: اختك مش عايزه تتكلم معاه , ولا تحل المشكله اسألها بيتصل بيها رافضه ترد عليه
معمر: دعاء وبعدين
دعاء بهدوء: آبيه مش هقعد معاه اتكلم في امور مليش ذنب فيها
معمر: امال ازاي هتنتهي الخلافات بينكم
دعاء: انا مليش خلافات مع حد’ حتي لو قعدت مع امير وفهمته, هو محتاج اثبات ع برائتي وانا مش هقعد معاه افهمه اني مظلومه وبريئه , ده كان المفترض يفهمه من نفسه
معمر: دعاء
دعاء: آبيه صفحه آمير مقطوعه الصدمه لما بتيجي من اقرب الناس بتوجع اوي اسفه جدا عن اذنكم احط العشاء
داغر نفخ بضجر: جننتني انا كمان , معندهاش استعداد تسمع وقالت مش هترجع لـ آمير
معمر: وانا مؤيد رآيها , هو ميطلبش اثبات برائتها, كان لازم يصدقها, انا هقوم اروح وخالي بيبو عندكم مفيش حد في البيت
داغر: مش فاهم
معمر: لو معندكش مانع ابني هسيبه هنا عمته تهتم بيه
داغر: امه راحت فين؟؟!!
معمر: طردتها عند امها لحد ماترجع فلوس اختك . ولو مرجعتهاش مش هترجع
داغر: كدا خليك اتعشا معانا
معمر: لاء شبعان , وعندي شغل الصبح من بدري يله سلام
داغر وصله ودخل لدعاء المطبخ ووقف جنبها: مفيش داعي تقلقي بالي حصل اليوم
دعاء بحزن : الامور خارجه عن سيطرتي, الاول كان الامر مقتصر ع بيتي وبس, لكن اليوم جمال بينشر اني خاينه في كل مكان , وعارفه انه مش هيتراجع وكل مكان هروحه هيفضل ورايا ينشر الاشاعات ضدي
داغر: للسبب ده عايزك متفكريش تشتغلي, انتي مش محتاجه الوظيفه , اهتمي بصحتك وبيبو بقي معانا مين يهتم بيه ويراعيه
دعاء: داغر اطلب من معمر يرجع ميسر البيت, مش عايزه الفلوس دي
داغر: شوفي يادعاء المسأله مش مسأله فلوس , ومش عايز بيت اخويا يتخرب ويعيش لوحده لكن مش هناخد ع قفانا من واحده ست , والي حصلها تستاهله
دعاء هزت دماغها بتأيد: انا متفقه معاك , وقلت كدا لاني بقيت يائسه من كل حاجه
داغر: قلت لك سلميها لله بيبو جاع
دعاء: انا هحط الاكل
داغر اخد منها طبق وطلع حطه ع السفره: انا جعان جدا يله يادودوه من فضلك هاتي الاكل يالهوي هموت من الجوع ها يا بيبو ناوي تعمل ايه بعد العشا
بيبو: نلعب سوي بلاستيشن واغلبك
داغر: انا اتدربت كتير ومش هتفوز الليله
بيبو بخبث: هسيبك تغلبني بس بشرط واحد
داغر: ايه هو ياسي بيبو
بيبو: تأخدني انا وعمتي بكره 'ناكل ايس كريم
داغر: بس كده هاخدك بكره 'ناكل ايس كريم مايله يادعاء
دعاء: جايه بلاش دوشه
داغر بضحكه : انا جعان 'والاكل ريحته حلوه 'اعمل ايه افطس من الجوع
دعاء: يله يابيبو خد العيش وكل حبيبي
.............قصص منه محمد كاتب.............
قاعده حاطه ايدها ع خدها بتفكر في الي هيحصلها ومصيرها المجهول
امها: الله يلعنهم اخوات ليه بينتقموا مننا, الاول قسوا ع اختك ودلوقت طردوكي , واخدوه ابنك من حضنك
ميسر: الفت هي السبب في الي انا فيه , بسببها الملعونه بيتي اتخرب , لو مجريتش وري داغر اعمل ايه يا ماما اجيب منين 250 الف بس
امها: الفت قشطتني قبل ما تمشي بس معرفش ايه الي طلعها في دماغها , انا قلقانه لو حصلها مكروه
ميسر: الي تسرق اخرتها سوده, شوفي حصلي ايه نهايه رهيبه 'ماما لازم اخلق الفلوس اعملي اي حاجه , بيعي الشقه التانيه
امها بغيظ: انتي يا بت مجنونه, ابيع شقه باكل من ايجارها , دي هي الي حلتي هبيعها , مش كفايه اختك هربت ومعاها دهبي وانا الي كنت بفكر اجهزها واجوزها مره تانيه, بس ايه الفايده
ميسر: وانا اعمل ايه دبريني
امها: اصبري غضب معمر هيزول مع الوقت ,وهيرجعك لما يلاقي ابنك وحشتيه ,بس الاول لازم نعمل بلاغ بغياب الفت
ميسر قامت من مكانها بنرفزه: متجبليش سيرتها قطعت
امها: انا عارفه ولا هتهتمي بقلق امك ولا بغياب اختك
............قصص منه محمد كاتب............
الشغاله رحاب هانم والدك واخوكي موجودين بره
رحاب بدهشه: ايه بابي وآمير هنا
الشغاله: ايوه في الصالون
رحاب جريت وهي منهاره ودخلت في حضنه :بابي
رياض ضمها: حبيبتي انتي, فيه ايه مالك
رحاب رمت نفسها في حضنه اكتر وبكت
رياض اخدها في حضنه ومسح ع شعرها : ايه الي حصل يارحاب ؟؟ يابنتي ليه بتعيطي
آمير: جمال عملك حاجه
رياض: اقعدي واحكيلي ايه الي حصل؟ ليه متوتره كده!؟
رحاب: ابدا بس لما شوفتك هنا (بكت اكتر) وانت كنت مخاصمني وزعلان مني
رياض مسك دقنها: معقول افضل زعلان ومخاصمك, انتي وآمير حياتي, تعالي معانا احنا جاين ناخدك البيت
رحاب: البيت ليه؟؟!!
آمير: قررنا كده لحد ما نكشف الجانب الحقيقي لجمال وخلال الفتره دي هتعيشي معانا
رحاب: لكن يا آمير
آمير قطعها بحده: رحاب اظن دافعتي عن جمال من باب العناد والمكابره مش اكتر لكن الحقيقه
رحاب: مهما كانت الحقيقه عايزه ادي جمال فرصه تانيه
رياض: انتي جرالك ايه يابنتي حتي بعد ما عرفتي انه بيجري وري مراه اخوكي وانه كداب غشاش ازاي تكملي معاه
رحاب : بس انا لسه بحبه بنفس القدر
آمير: ايه الفايده من حبه وهو ميستهلكيش ولا يستاهل تضيعي كرامتك عشانه
رحاب : زي ما انت بتحاول تنقذ بيتك , وعندك استعداد تدي دعاء فرصه تانيه, انا مش بمنعك وعشان كدا بدي فرصه تانيه لجمال_مسحت دموعها_ وانا مش هقدر اسيبه وارجع معاكم
.............قصص منه محمد كاتب..............
في التراس
ناني بفخر : شايفين بنتي ام قلب كبير, هي مستعده تدي فرصه لجمال, لاء وكمان عطت فرصه لدعاء
رياض بغيظ: بطلي تتكلمي بغباء, ازاي تعيش مع عواطفها لوحدها, لازم يكون عندها عقل كمان وده مش عندك لا انتي ولا بنتك خالص
ناني بغضب: رياض انت بتهني
آمير بحيره: انتم ليه هتتخانقوا
رياض بنرفزه: امك تطير برج من عقل الواحد, مش بتفكر, ليه بنتها عطت فرصه تانيه لجمال
ناني: قولي انت ليه!؟
رياض: السبب واضح ان رحاب الغلطانه , وان دعاء ملهاش ذنب في اي حاجه, وجمال هو الي بيتحرش بمراه ابني , ولسه بيتحرش بيها
ناني صرخت في وشه بعصبية بنرفزه: دعاء, دعاء , دعاء 'انا كرهت الاسم ده , كرهته, انتم الاتنين تمدحوها ونزلتوا دموع عليها
آمير بصلها اوي : انا مش بعيط عشانها , انا بحاول اعرف الحقيقه, هي مراتي ومش عايزها تدفع ثمن ذنب ماعملتهوش , غير كدا ع وش ولاده , ومحتاجني وانا مش معاها
رياض جز سنانه وبصلها بغيظ : ست غبيه
............قصص منه محمد كاتب................
في مول لملابس الاطفال
دعاء: بقولك ايه هروح اشوف الاطقم دي
داغر: اوكيه همرحج بيبو واجيلك
دعاء: اوكيه
داغر موبيله رن فتح الخط ورد: الو ايوه وصلنا , ودعاء معايا
دعاء راحت تنفي الملابس للبيبي ومسكت طقم وفضلت تتأمله بأبتسامه
آمير جه من وراها ومسك ايدها وقال: عجبك ده هشتري لـ ابننا
دعاء لفتله بغضب:آمير سيب ايدي
آمير : دعاء ايه حكايتك عايز اتكلم معاكي
دعاء شدت ايدها منه وبحمقه : انا مش عايزه اتكلم معاك
آمير: ع الاقل عرفيني غلطي, انا بعمل المستحيل عشانك , وواقف بدافع عنك قدام عايلتي وانتي تتكلمي معايا بالاسلوب الفج ده
دعاء: الي حصل كله كان بسببك
آمير: ده بسبب سكوتك, لو قولت لي الحقيقه مكنش حصل, كل الي حصل
دعاء : وعملت ايه بعد ما قلتلك الحقيقه , ها , هنتني وطردتني من البيت
آمير لف حواليه بنزعاج: وطي صوتك احنا في مكان عام , وبعدين انا مطردتكيش من البيت
دعاء : امك واختك قاموا بالواجب وزياده, ايه الي انت عملته منعتهم
آمير اتغيرت ملامحه بقهره : دعاء كنت متعصب جدا , معترف بخطئ , بس محصلش قدامي
دعاء نطقت بحرقه وبغل : نص البلد عرفت دعاء اطردت من بيتها ع ايد اهل جوزها, اصلها طلعت واطيه خاينه حتي مديره المدرسه طردتني وقالت عليا اني ست منحله , لو علمت الاطفال ده هيأثر عليهم
آمير: دعاء من فضلك وطي صوتك صوتك عالي جدا
دعاء : عارف العيب مش عليك العيب عليا , محدش غلط الغلط كله عليا انا بس, والعقوبه الي باخدها استحقها
آمير: دعاء الناس كلها بتسمعنا
دعاء بحده اكبر : ميهمنيش تسمع اني قد ايه كنت طيبه , وبعمل حساب للعشره, دا الي اتربيت عليه , وانتم معملتونيش بالمثل , عشان كدا ابعد عني عشان موركش الي الدنيا علمتهولي
آمير: انا بسعي بشتي الطرق ارجع علاقتنا لكن انتي رافضه
دعاء: ايوه رافضه عشان مش هسعي للحفاظ ع شخص مبقاش عليا لحظه ضعفي , مش هشحت وجوده , عارف العشم ده وحش اوي لما تفكر انك مش هتهون وتهون عادي , والاصعب منه انه يتقل قيمتك ,و تكتشف انك ملكش قيمه اصلا, وغلطتي الوحيدة اني حبيت بجد من كل قلبي وان مشاعري كانت حقيقه مش كدب ولا مزيفه عارف يومها لو سمعتني كنت سمعتك لكن انت كنت مستبيع ولما ترجع هتلاقيني بقولك مع الف سلامه والقلب دعيلك
آمير ضغط على أسنانه : قلت وطي صوتك
دعاء بصتله بضيق وعلقت الطقم بعنف ع الاستاند ولفت مشت وراحت خطفت ايد ابن اخوها ع بره: يله يا بيبو
آمير بيمد وراها برجاء: دعاء رجاء اقفي اسمعيني
داغر وقف قدامه وطبطب على كتفه بخفه : سيبها آمير هي محتاجه هدنه , من كل حاجه
..............قصص منه محمد كاتب......................
رحاب واقفه بتفرك ايدها بتوتر لحد ما دخل من غير ما يبصلها !!!
سولا : جمال جمال
جمال مكمل مشي بدون ما رد
سولا: اظن بتكلم معاك عارف انا ورحاب قلقنا عليك ازاي
جمال بسخرية حادة : وفري خوفك وقلقك المزيف لنفسك, ضربتيني بالقلم ليله امبارح, واثبت لي مدي حبك ليا
سولا : انت عارف سبب القلم , وصدقني مش سعيده ولا فرحانه اني ضربتك, جمال ليه متسبش دعاء في حالها, رحاب هي مراتك وبتحبك كتير
جمال بص لرحاب بحقد: مش عايز حبها , لانها فقدت عقلها, بلاش تمدحي فيها بدون داعي
سولا بهدوء: يابني انا بحاول انقذ بيتك من الخراب
جمال بوقاحه وتبجح: جوازي منها كان اكبر غلطه في حياتي, ودلوقت بقي حبها طوق ملفوف حوالين رقبتي, انا بعترف اتجوزتها بس عشان انتقم من دعاء , لانها رفضتني وانا محبتش الا هي
رحاب وشها شحب واصفر وهزت له دماغها بـ لاء
سولا بنفعال : جمال انت واعي للي بتقوله
جمال اتحولت عيونه للاسود القاتم : ايوه واعي وبكررها تاني مش هحب ست تانيه غير دعاء, حتي لو اتجوزت وعرفت الف ست, انا بقول الحقيقه , دعاء الست الوحيده الي عجبتني تحفظها, تربيتها ومفيش غيرها ملاه عيني, لكن رحاب وقعت بينا وخلتها اهانتني قدام طلاب الجامعه كلها, وبرغم كدا مقدرتش انساها بسهوله , واتجوزت من رحاب عشان اطلقها من آمير واتجوزها
رحاب وسعت عيونها من الصدمة : يعني استخدمتني عشان توصل لدعاء_صرخت من بين بكائها_ ازاي قدرت تخدعني كده ازاي
جمال شاور عليها بحده : انا مخدعتكيش انا عملت فيكي معروف, اتجوزتك وحطيت اسمك جنب اسمي , وبالنسبه لدعاء فرقتي بينا عشان بتكرهيها وبتحقدي عليها اكتر من اي شخص تاني , ويما هنتيها قدام آمير وابوكي وامك
رحاب شهقت بحرقه : ايوه انا بكرهها, وهفضل اكرهها بس انت عارف السبب, لانك حبيتها, وانا حبيتك كتير
جمال انتفض من شدة الغيظ: انتي انانيه, مش بتحبي الا نفسك وبس, اتخلصت منك بس رجعتي لحياتي تاني بسبب مام , واعرفي انا مش بحبك, سامعه مش بحبك
رحاب سحبته من وسطه بتملك : اسمع انت بتحبني , انا عارفه عشان طنط ضربتك انت منفعل
جمال دفعها عنه بمنتهي القسوة : ابعدي عن طريقي
سولا بشخط: جمال
جمال مشي وعيونه عباره عن كتله نار ورزع الباب عمل صوت عالي!!!!
رحاب جسمها بيرجف: طنط شفتي قال ايه انا عارفه انه غضبان عشان مديتي ايدك عليه , هو بيبالغ هو مش بيحب دعاء, هو بيكرهها هو ماخدنيش وسيله , هو بيحبني انا , انتي عارفه صح
سولا : رحاب هدي نفسك
رحاب مره واحده الدنيا غيمت ووقعت من طولها وسولا صرخت بفزع
الفصل السابع والاربعون
سامي دخل ملهوف: طيبه طيبه
طيبه اتفاجئت بوجوده: الله رجعت يعني
سامي: اه هي صاحبتك مشت
طيبه بخوف وارتباك: لاء لسه هنا بس هتمشي
سامي: طيب انا هدخل اغير , واعمليلي كوبايه شاي
طيبه: حاضر
سامي لنفسه : كويس انها لسه هنا ........دي طلعت معاها فلوس يما ودهب كتير......ولازم يكونوا معايا ...........غير هدومه وطلع قعد في الاوضه الي فوق السطوح
طيبه طلعتله: يعني انت هنا وانا بدور عليك بالشاي؟؟!!
سامي اخدها منها: طلعت اسقي التكعيبه, واشرب بالمره سيجاره , عارف مش بتحبي ريحتها
طيبه رفعت كتافها ببساطه: عادي اتعودت ع سيستم الحياه معاك, واتأقلمت عليها , بس ليه راجع بدري من الشغل
سامي اخد نفس وقال: ابدا مكنش عندي شغل كتير, قلت ارجع بدري اريح احسن
طيبه : ممكن اسألك ع حاجه لسه زعلان مني
سامي ضم حواجبه: ليه بتقولي كدا
طيبه : يعني روحت الشغل من غير ما تفطر ودي اول مره تحصل!
سامي ابتسملها: كنت مستعجل مش اكتر, بس انتي ست غريبه فاكره كل حركه ليا ومش بتفوتي اي حاجه
طيبه بتكشيره: البركه فيك لانك مخلص زياده ومحب بوفره
سامي بغموض: طالما انا كدا خالي صاحبتك تفضل هنا
طيبه بخوف: لاء خليها تمشي , احسن لترجع تقلب تاني , وتقولي اطرديها
سامي :طيبه انا معرفكيش قد ما انتي عرفاني , انا عايزها هنا عشان سعادتك , واطمني من ناحيتي
طيبه بقلق: ايوه بس ميصحش تعيش معانا , وانت موجود لاء تمشي
سامي بخبث :ياستي ليكي عليا بالليل اطلع انام في الاوضه هنا, لحد ما تمشي ها استريحتي
طيبه برتياح:كده اه طبعا والف شكر
سامي :بس قوليلي هي سابت بيتها ليه
طيبه :هقولك
.............قصص منه محمد كاتب................
داغر دخل حط علب واكياس كتير ومعاه ظرف وقرب منها: دعاء
دعاء فاقت من تفكيرها: همممم
داغر شاورلها ع التربيزه: الحاجات دي بعتهم آمير , وشويه فلوس
دعاء بحده : مكنش المفروض تاخد منه اي حاجه
داغر بضيق , ازاي ارجعهم والسواق بنفسه هو الي جابهم لحد هنا , مرضتش اعمل موقف قدام سواقه
دعاء: والمواقف الي عملوها اهله , وبعدين ايه الي بيحاول يثبته لما يبعت لي الحاجات دي وشويه فلوس اني محتجاله
داغر بهدوء: دعاء المسأله مش كدا 'هو بيقوم بواجباته ومسؤلياته , ولو معملش كل ده, انتي هتبقي في مشكله وقتها
دعاء بنفعال: مش عايزه منه حاجه ,ولا بقيت متوقعه منه اي حاجه
داغر : انا عارف كويس جدا انك بتنفسي شحنه غضبك ع آمير في حاجه تانيه , ومعاكي الي حصل هو كان غلطان ' لكن اوكيه ع الاقل الحاجات والفلوس هو مش غلطان اطلاقا, لكن لوحاسه انه غلط هاخد الحاجات والفلوس ارميهم في وشه , وبكدا يكون اتقطع اي امل عنده
داغر مشي وبيبو دخل بفرحه يفتح في العلب وسألها: عمتي لمين كل الالعاب دي؟؟!!
دعاء قربت بأبتسامه جميله: ليك انت طبعا
بيبو حرك دماغه شمال ويمين: لاء هم مش ليا, دول للبيبي وانا كبرت عليهم خلاص
دعاء: هممم تصدق نسيت ان بيبو كبر وبقي راجل
بيبو : ممكن اسأل سؤال
دعاء ضربته ع خده بخفه : اسألك زي ما تحب
بيبو بصلها وسألها : هي ماما سابتني ومشت
دعاء مسحت ع شعره برفق : لاء يا بيبو ازاي تسيبك, فيه ام في الدنيا تسيب ابنها وتمشي
بيبو بحزن: ما تيته بهية سابتنا ومشت بعيد
دعاء كتمت دموعها للحنين لبهيه وقالت: حبيبي ستك تعبانه شويه وامك قاعده معاها تراعيها وهترجع تاخدك كمان يومين, يله بقي قولي ايه رايك في الدب ده مش فيه شبه منك
بيبو بضحكه: هو حلو بس ده للبيبي
دعاء بابتسامة شقية: تمام يا سي بيبو , وايه عن الالعاب الي بيجبهالك عمك داغر, يله بينا نغلس عليه , ونطلب منه يشتريلك العاب جديده , وكتيره
بيبو: موبيلك بيرن
دعاء: استني ارد الاول_رفعت الخط_ الو
آمير: امتي معاد الدكتوره الجاي
دعاء بجفاء: بتسأل ليه؟؟!!
آمير عقد حواجبه: لاني هروح معاكي في المره الجايه
دعاء رمشت بعيونها بسرعه: هتعمل ايه لما تروح هناك!؟
آمير بضيق : دعاء انتي مش عايزه يكون ليا اي علاقه بيكي , ودي رغبتك, لكن لايمكن تمنعيني اقلق بخصوص ابني , وده حقي
دعاء: تمام هبعتلك مسدج بالتاريخ والوقت
آمير: تمام
دعاء: سلام
............قصص منه محمد كاتب................
في منزل طيبه فوق السطح
سامي مسح جنب شفايفه :طيبه حكتلي عنك وعن ظروفك وزعلت اوي لقصتك
الفت :همشي من عندك قريب
سامي اتحرك بنزعاج: لاء مش ده قصدي ,انتي تقعدي براحتك زي ما تحبي, وتقدري تمشي لما تلاقي مكان , خليكي مع صاحبتك , ولا ايه رايك يا طيبه
طيبه: ليه لاء هو عطاكي الاذن بنفسه , ومن ناحيتي معنديش اي اعتراض
سامي: انتي صاحبه طيبه من ايام المدرسه , وعشان كدا صاحبتي انا كمان
الفت فهمت قصده الدنيئ وطيبه وشها احمر وبان عليها الغضب
سامي ارتبك وقال , الي اقصده هو انك ضيفه ,وصاحبه مراتي, وبقيتي اخت مراتي
طيبه : اه طبعا اختي اكتر من صاحبتي وعملت الصح لما جات ع هنا
سامي: فعلا عندك حق, احسن لينا كلنا , وطيبه لقت الي يونسها وتبقي داعم ليك يا الفت, ولو احتاجتي ايتها حاجه متردتيش اطلبيها ع طول
الفت بنظرات خبيثه: اكيد
سامي بلؤم: ده زي بيتك واكتر
طيبه: انا والفت هنقوم نعمل الاكل وانت ادخل استريح
سامي بينه وبين نفسه: انا مش هستريح غير لما اكل البطه واخد الفلوس
.............قصص منه محمد كاتب..................
في غرفه رحاب
الدكتوره: مبروك المدام حامل
سولا بفرحه :دكتوره في اي حاجه تستعدي القلق
د: لاء كل الامور تمام لكن اعتقد حالتها النفسيه مش مستقره ,ربما تكون تحت ضغط نفسي شديد
سولا: فعلا
د: ممنوع الضغط والزعل في حالتها
سولا : اوكيه
د: ياريت نحل اي مشكله مزعلها كتبت لها شويه تحاليل , وتجبلي النتيجه في العياده , وكتبت شويه فيتامينات تساعدها بخلاف العلاج , والراحه النفسيه , مهمه جدا للحامل
سولا بمتنان: شكرا يادكتوره اتفضلي اوصلك
سولا :وصلت الدكتوره لحد الباب وشكرتها وراحت لجمال الي رايح جاي....!!!
سولا بفرحه كبيره: هتبقي اب
جمال ببرود : عارف
سولا: لازم تهتم بيها اكتر من الوقت الي فات , بلاش تزود الضغط عليها 'وخدها اعملها التحاليل
جمال : مام بليز متتوقعيش مني اي حاجه من دول
سولا : يابني انت مش بتعمل كدا عشان رحاب , لكن عشان ابنك
جمال نبره عاليه :قولت لها وحذرتها بلاش تحطني في دوشه الاطفال , بس هي مش بتسمع لي
سولا بهدوء: ياجمال اتحرج , حرام تجحد بنعمه الله, انسي كل حاجه 'وسيب الطريق الي ماشي فيه
جمال بعناد: سوري مام هفضل كدا, لحد ما اوصل للطريق الي انا عايزه , لو كنت عايز اتغير كنت اتغيرت من زمان يمكن من اربع سنين
...........قصص منه محمد كاتب...............
في منزل عائله ميسر ع الموبيل
معمر بنفعال: ليه كل شويه بتتصلي
ميسر: معمر ع الاقل اسمعني
معمر بنفس اللاسلوب: بعد الي عملته مفيش مجال للكلام
ميسر: معمر انت كل همك اختك, انت مش قلقان عليا ولا ع ابنك , مش عارف ان ابني ميقدرش يعيش بعيد عن امه
معمر: بيبو سعيد جدا مع عمه وعمته, الاتنين بيحبه لحد كبير
ميسر: لايمكن يحلوا مكاني ابدا , انا جايه اخد ابني
معمر بنرفزه: متستخدميش بيبو وسيله وتيجي لحد هنا, انا قولت لك قراري النهائي ومفيش راجعه فيه 'ترجعي فلوس اختي وتعتذرلها ولما تسامحك تدخلك هي البيت 'معندكيش اي اختيار تاني لو معملتيش كده خليكي جنب امك ع طول
ميسر دموعها فرت منه وبرجاء: معمر اسمعني
امها: حصل ايه قالك ايه؟؟!!
ميسر بدمعه بتتحرك جوه عدسه عيونها: قالي لازم ارجع فلوس دعاء , والا مش هيدخلني البيت ابدآآ
امها: ده فقد عقله ده مجنون
ميسر نبره كلها قهره : انا الي فقدت عقلي, لما رفست كل النعم الي ربنا عطهالي, كنت جاحده , ناقمه' كنت بهددوه اسيب له بيبو كل شويه , ودلوقت شوفتي يا امي ابني مبقاش معايا 'والله اعلم هشوفه تاني ولا لاء
امها طبطبت ع كتفها: وحدي الله ومتقوليش كدا, ابنك هيرجعلك , ان شاء الله, يرجعلك
ميسر رفعت عيونها للسقف وبكت بحرقه : يارب
..........قصص منه محمد كاتب................
في الصالون في فيلا عائله آمير
ناني: رياض كنت عايزه اتكلم معاك في موضوع مهم, ليه منروحش نطلب نهال
آمير دخل بتحذير: امي اياك تعملي حاجه من دي, اظن قولت لك انا مش هتجوز واحده تانيه
ناني بصتله اوي وكشرت : امير اظاهر مخدتش كلامي ع محمل الجد , مش قولت لك تنسي اني ابقي امك
رياض بنرفزه: هو انتي ليه عنيده كدا, عايز افهم نوعيتك ايه , بتسعي تدمري سعاده عيالك بأيدك
ناني : انت بتشكك في امومتي , وبتقيمها اني مصلحش اكون ام
رياض بنزعاج منها : انا مقولتش كده , انما بتتصرفي مع دعاء وآمير, بطريقه مستفزه
ناني : عشان ده الافضل له , مش عايزه يدمر حياته باسمها وهي سـ
آمير قطعها بشده: ماما لو الامر هيتعلق بالتهديد ,احب اقولك لو اجبرتيني هسيبلك البيت وامشي نهائي
رياض نطق بحزم : سمعتي, اياك تاخدي اي خطوه من الجنان الي في دماغك
آمير بصلها شويه واتغير لون وشه وخرج بكل غضبه
رياض : عندنا مشاكل ملهاش حصر , وفوقهم عايزه ابنك كمان, يهج من البيت
ناني موبيلها رن: ايوه يا سولا..... لاء اصل الوقت متأخر فقلقت..........بجد والله...... اه هاجي بكره اشوفها
رياض بقلق: حصل ايه وليه سولا اتصلت بنتي كويسه
ناني بأبتسامه عريضه: ايوه كويسه والف مبروك هنبقي جدو ونناه
رياض: ايه
ناني بحيره: مش قادره اصدق نفسي, بس ليه رحاب متصلتش تبلغنا الخبر
رياض بسعاده: الصبح نروح نطمن عليها
............قصص منه محمد كاتب................
سولا: يابنتي وقفي عياط , ده مش كويس ع صحتك, اتصلت بوالدتك
رحاب بصتلها : كلمتي مامي قولت لها حاجه
سولا: لاء بلغتها عن الحمل وبس
رحاب بدموع: طنط جمال مش سعيد اطلاقا بالحمل
سولا: الطفل بيغير قلوب الناس, لما يشيل ابنه بين ايديه
رحاب بصوت مقهور: طنط لو كان كده ان الاطفال بتغير القلوب, ليه اونكل مش معاكي
سولا بقهر: تقدري تسمي انه حظي السئ, او سوء حظ جمال, لكن ابن جمال مش هيبقي حظه سيئ جمال هيتغير وانتي بتحبيه كتير , خليكي صبوره وكل الامور بينكم هتتحسن يله قومي اغسلي وشك لازم بكره الصبح نروح المستشفي نعمل التحاليل
رحاب قامت غسلت وشها وطلعت لقته قاعد عاقد حاجب ومكشر جدا بصتله وأأعدت ع السرير بكسره نفس وهو رفع عيونه وبصلها بغضب
رحاب بصوت مكسور : جمال انت حقيقي مش بتحبني
جمال قام شاور عليها بالسبابه بحقد: انا لاء, تحبي اكتبهالك يافطه ع الحيط, اسمعيني انهي رسمك ده في اسرع وقت ممكن, مش عايز اطفال, انا مش هتحمل اي مسؤليه , اتجاه اي طفل
رحاب بعدم توازن نفسي: بتقول ايه ازاي تقول كده
جمل رد بصرامة : بنفس الطريقه الي خططتي بيها تدبسيني بالحمل, احنا قررنا سوي مفيش خلفه حصل
رحاب رجعت ع وري بسرعه من حده صوته : فيه امور بتحصل مش بايدينا بس ربنا كاتب يدخل حياتنا , وده الي حصل
جمال ربع ايده وبتريقه: Really 'انتي بتقولي كدا من امتي بدئتي تتكلمي زي الطبقه الشعبيه الطريقه الي بتعمليها انتي او مام تبتزوني عاطفيا مش هتنجح , اقسم بالله لسيبكم كلكم هنا واسافر امريكا , وتقدري تربي ابنك لوحدك بعد كده براحتك, لكن لو عايزه تكوني في حياتي تسمعي كلامي وتنفذي الكلام الي قلته عن دعاء تحتفظي بيه لنفسك, لو عرفتي حد من عايلتك عنه اظن انتي سعيتي بكل طاقتك ان دعاء تسيب حياه آمير, فلازم تدعميني ياتري كلامي اتفهم
جمال مشي بخطواته السريعه ورحاب انهارت في العياط والدموع وفتحت الدرج واخدت كذا برشامه