رواية الحربايه والثعبان الفصل التاسع والاربعون49والخمسون50 بقلم منه محمد
في شقه داغر دعاء سرحت في الحاح آمير انه محتاج وجودها جنبه لكن كبريائها وكرامتها بيمنعوها تروحله حتي لو روحها فيه
داغر نغزها في كتفها بمرح و قعد قصادها: بتفكري في ايه كدا
دعاء: ولا حاجه
داغربجديه: دعاء انا شايف انك لازم تروحي المستشفي, هم محتاجلك دلوقت جدا, و بصرف النظر عن الطريقه الي اتعملوه بيها معاكي بس مهما حصل هو لسه جوزك' وانتي مراته 'وهو محتاج لدعمك
دعاء: سهل عليا اخد قرار , لكن قولي ايه الي هيفرق لو روحتله لحد هناك 'عشان كدا
لو سمحت بلاش تضغط عليا كل شويه , ومش بحس براحه لما برفض طلبك بأستمرار
داغر بصلها وابتسم بحزن لانه حاسس بيها ومتعاطف معاها وقام حط ايده ع كتفها بحنان وخرج لما الباب خبط فتح لقاه قدامه
داغر ابتسم بترحاب: عمي اهلا وسهلا
رياض بأحراج: ازيك يابني ممكن ادخل
داغر فتح الباب وشاورله : اه طبعا بيتك ومطرحك اتفضل رحاب عامله ايه؟!!
رياض: الحمد لله اتحسنت كتير, ورجعت لوعيها بس عندها صدمه, اتمني ربنا يرحمها وتتعافي قريب
داغر: ان شاء الله تتعافي وترجع احسن
رياض بأحراج: داغر يابني عايز اقابل دعاء اذا سمحت اقابلها
داغر: ياخبر بتقول ايه بس ياعمي اتفضل اقعد وهروح اجبهالك
دعاء راحت ع مصدر الصوت ودخلت
داغر مبتسملها: اهيه جاتلك بنفسها
دعاء: السلام عليكم
رياض: وعليكم السلام يابنتي 'ممكن تقعدي من فضلك
داغر بنظره رجاء: دعاء من فضلك انا هروح اعمل قهوه
دعاء: خليك هعملها انا
داغر قعدها: لاء خليكي اتكلموا سوي وانا هعملها
رياض بصلها: دعاء يابنتي كل الي حصل ولسه بيحصل, هو غلط كبير لكن كل الامور حصلت فجأه وصدقيني حتي قلبي متقبلش ده ابدا وانتي عارفه ان ناني ورحاب كان عندهم سوء تفاهم بسبب جمال, لكن يا بنتي الحقيقه واضحه زي نور الشمس ممكن ترجعي بيتك معززه مكرمه
دعاء: سهل عليك تقول الكلام ده كله لانك معشتش الالم الي عانيته انا
رياض: يا حبيبتي قادرافهم
دعاء اتكلمت بوجع: انا اتهمت في شرفي , اضريت في سمعتي, اتسحقت تربيتي , انا متهمه بالخيانه كنت عارفه ان جمال بيدور ع فرصه , لكن مدام ناني و رحاب ازاي قدروا يقوله عني اني علي علاقات غراميه متعدده في الكليه
رياض : رحاب في المستشفي وهي مش في حاله تسمح اننا نتكلم ونسألها, ليه ادعيت عليكي صدقيني انا حتي مش عارف ليه بنتي قالت عنك كل الكلام ده , دعاء اتوسل اليكي بالنيابه عنهم انك تسامحي وتغفري
دعاء: عمي من فضلك متحرجنيش ارجوك
رياض: آمير ورحاب مهمين جدا بانسبه لي , وصدقيني هعرف ليه بنتي قالت عنك كدا , وناني كانت عايزه تيجي تعتذرلك لكن آمير منعها تيجي معايا هو شايف مينفعش راس امه تنزل من الخجل, بس انا عايزك تيجي معايا لو سمحتي يابنتي, واوعدك محدش هيظلمك تاني وهتيجي وانتي راسك مرفوعه
دعاء حركت دماغها بالرفض التام
رياض بتوسل: من فضلك , والله العظيم آمير وناني محتاجين لدعمك المعنوي , وانا عايزك ترجعي تعالي معايا لبيتك وحياتك وبكدا نقطع كلام الناس ارجوكي يابنتي
دعاء سكتت شويه وقالت: حاضر
رياض فرح جدا انه قدر يقنعها وهم نازلين جمال كان واقف بعربيته قدام عماره داغر وشافهم سوي وده جننه اكتر وقرر لازم يبعدها عن آمير بأي تمن!!!
دقايق ودخلوا سوي المستشفي لكن دعاء اول ما قربت من البوابه وقفت مكانها
رياض لف عليها: تعالي يابنتي
دعاء بتردد: عمي
رياض: ايوه ياروحي
دعاء: انا جيت مع حضرتك بناء ع اصرارك, لكن شايفه ان الوقت مش مناسب اظهر قدام رحاب , قصدي يعني هي مش كويسه , ولو ردت فعلها عنيفه انا الافضل استني هنا
رياض: يابنتي متقلقيش, واتمني ميحصلش حاجه , عندي يقين قوي بالله , متقلقيش تعالي يله, يابنتي يله
.................قصص منه محمد كاتب.............
في غرفه رحاب الي مانعه الكلام نهائي
آمير دخل ببوكيه ورد: ها حاسه بأيه دلوقت
ناني: بقت احسن همست في ودنه اتكلمت مع دعاء قالت لك جايه
آمير: خليني اطمن الاول ع حاله اختي يا ماما , رحاب روحي شوفي جبتلك ورد , خلينا نحطه هنا , وجبتلك كمان اكل ايطالي من المطعم الي بتحبيه, يله قومي كلي
رحاب ساكته وبس
آمير: حبيبتي ايه الحكايه اتكلمي معايا
رحاب حطت ضهر كفها ع وشها وبكت بحرقه وهو ملامحه قفلت بحزن ع وضعها
آمير: رحاب مش عايزه تتكلمي مع اخوكي, بابا فين يا ماما
ناني: خرج مشوار وقال راجع ع طول
آمير مسح ع شعر رحاب: حبيبتي كل حاجه هتكون بخير متقلقيش , احنا جنبك ومعاكي
ناني: رحاب يله كلي الاكل الي بتحبيه
آمير: تقدر تاكل لما تجوع بلاش تجبريها يا ماما
رياض فتح الباب: ادخلي يابنتي ادخلي
دعاء دخلت بخطواتها المتردده: السلام عليكم
آمير انتصب في وقفته بندهاش ورحاب بصتلها ورجعت دارت وشها الناحيه التانيه وناني ردت السلام
رياض: رحاب حبيبتي (لف دقنها بأبتسامه ) شوفي مين جات تطمن عليكي دعاء
ناني نزلت دموع الندم : الف شكر انك جيتي , وحققتي رغبتي , مش عارفه ازاي صدقت ده ارجوكي سامحيني
دعاء: من فضلك بلاش تحرجيني بتكرار الموضوع , حبيت اجي بنفسي اشوف رحاب واطمن عليها
ناني بصوت مبحوح : مش قادره اصلب طولي ورحاب في الوضع ده من اول ما رجعت لوعيها وهي لا بتتكلم ولا بتاكل
دعاء: بأذن الله تبقي كويسه ونتمني تتعافي بسرعه
آمير قرب ووقف يبصلها وهي لفت وشها عنه رافضه تبصله!!
........قصص منه محمد كاتب................
في شقه داغر
معمر: الحمد لله ان اختنا رجعت بيتها
داغر: جه حماها ياخدها بنفسه , والواضح ان دعاء راجعه متكدره , وشكلها هترجع هنا تاني
معمر: ربك والحق هم معملوش فينا وفيها شويه , بهدلوني لما روحتلهم , بس ميهمش , المهم اختنا ترجع بيتها واحنا نعدي ونفوت ع الاهانه عشانها
داغر بتنهيده : اتمني ع الله ياخويا
معمر: حيث ان دعاء مش هنا هاخد بيبو مين هيهتم بيه
داغر: مفيش حد هيراعيه احسن من امه , عايزك تنهي الخلافات معاها وترجعها
معمر بأصرار: مش هيحصل ياداغر , مش هيحصل فضلت اسمع لميسر طول عشره سنيني معاها وجه الوقت الي تسمع وتنفذ كلامي , ولو مرجعتش الفلوس هطلقها وهاخد ابني معايا
داغر : مش ده الي اقصده يامعمر اقدر اهتم بيبيو انت متقدرش , ممكن يفضل معايا ومتشغلش بالك بيه خالص , ده انا بطبخ وبغسل حلو اوي
معمر: اتكلمت مع دعاء
داغر: لا اتكلمت مع آمير
معمر: قالك ايه
داغر: ما قولت لك اختك متعنده في الرجوع , بس هو هيحاول معاها بشتي الطرق الممكنه
.............قصص منه محمد كاتب.............
نايمه ع الكنبه ودموعها سيول علي حياتها الي ادمرت بأيدها!
امها قربت منها: ميسر خدي دول
ميسر اتعدلت ومسحت دموعها: ايه دول يا ماما
امها : 250 الف بعت الشقه, اديهم لدعاء , وارجعي لبيتك وابنك
ميسر بصوت مخنوق : سامحيني ياماما دي الي كانت فضلالك, الفت اخدت كل دهبك
امها : مفيش مشكله دهبي كان ليها , ودول نصيبك , والبيت ده ملكك انتي واختك, بعد موتي
ميسر: بعيد الشر عليكي ياماما
امها: يابنتي كل واحد فينا بينزل في محطته , ولما اشوفك عايشه في بيتك سعيده هـ موت وانا مرتاحه, عملت غلطات كتير, ربنا عطاني معمر جوز لبنتي وانا عمري ما عطيته اي اهميه وعمري ما قدمتلكم اي نصيحه نافعه ابدا, اهمها احترام غيركم وشوفي دي النتيجه, بنت طفشت وخلتني مش قادره اواجهه الناس , وانتي قاعده معايا
ميسر فضلت تحرك دماغها وتعيط: متقلقيش الفت هترجع , الدنيا دي قاسيه اوي لما تحس بقسوتها هترجع , انا مش عايزه الفلوس دي خليهم معاكي
امها : بس يابنتي
ميسر بتمسح دموعها الكتير : عندي دهب هبيعه وهرجع فلوس دعاء, لاني مش محتاجه اي حاجه غير ابني وبيتي ومش عايزه افضل عبئ عليكي , وفهمت مكانه الست في بيتها وامومتها لو ضيعت بيتها بتدمر ولا كنوز العالم تعوضها
امها طبطبت عليها: ربنا يهديلك جوزك
.........قصص منه محمد كاتب.......................
في فيلا عائله آمير في غرفه رحاب
ناني: الحمد لله خرجنا من المستشفي للبيت, القاعده فيها تقصر العمر , وتجيب المرض للسليم يله نامي حبه , وانا شويه هرجعلك
رحاب مسكت ايدها: مامي اقعدي معايا, بقالنا كتير متكلمناش سوي
ناني: هقعد بس ع شرط واحد , مش عايزه اشوفك حزينه لازم الابتسامه تفضل ع وشك
رحاب بقهره: مفيش سبب ابتسم عشانه
ناني: يابنتي اخلقي السبب انتي قويه مش كده
رحاب انفجرت فالبكاء : مامي انا مش قويه اساسا
ناني حضنتها : يابنتي ليه العياط بس الي حصل وارد يحصل , لـ اي شخص والكل بيكمل ويعيش حياتة ,ويواجهه التحدي , مش بيفقدوا قوتهم, ويستسلموا
رحاب شهقت: نصحتيني كتير بس ولا مره سمعت ليكي ولا لبابي
ناني: يابنتي هو انتي الوحيده الي بتغلطي, كلنا بنغلط مش هعاتبك ع اي حاجه لما تكوني اتعلمتي الدرس وقبلتي الحقيقه واقتنعتي بيها , يبقي خلاص انتهي , ومش هنتكلم فيه تاني ونقفله لحد هنا يله نامي وارتاحي , هرجعلك بعدين يله حبيبتي
............قصص منه محمد كاتب................
في غرفه النوم طالعه من التوالت وقف قدامها وعيونه احتواتها بشوق كبير
آمير: شكرا انك جيتي لما طلب بابا , مش عشان انا طلبت
دعاء: مش مهم طلب مين, المهم اني اتنازلت وجيت
آمير: دعاء ممكن ننسي الماضي 'ونبدء حياه جديده
دعاء: ممكن بسهوله تبدء حياه جديده, لكن لازم توضيحات عن القديمه
آمير: طلبتي مني مسألكيش اي سؤال, وشوفي ظهرت الحقيقه قدام الكل
دعاء بعصبيه خفيفه: ولو مظهرتش كنت هفضل متهمه , وفي موضع شك دائما , وجيت لان عمي عمره ما ضايقني او زعلني بكلمه من يوم ما خطيت البيت هنا 'واول مره يطلب مني طلب مقدرتش ارفضه من اول يوم دخلت البيت هنا بجاهد بكل طاقتي اني اوفي بعلاقاتي وهفضل كدا لحد ما اخلص مهمتي لكن انا وانت لايمكن ترجع علاقتنا نفس الاول
آمير: ليه لايمكن, نحاول هنقدر' انتي شخصيه رحيمه اوي
دعاء: امير انا احترامي لنفسي اتجرح , والجرح ده مش هيلتئم بسهوله
راحت سحبت مخده ولحاف وهو قرب ناحيتها ووقف يبصلها ودعاء زي ما هي لفه وشها رافضه تبصله
آمير بستغراب: بتعملي ايه
دعاء ردت بجفاء : بعد اذنك هنام
آمير حرك دماغه باعتراض : دعاء مينفعش تنامي ع الكنبه وانتي بوضعك الحالي ده
دعاء رفعت عيونها وبصتله : معنديش اي مشكله
امير: ظهرك هيألمك
دعاء بأصرار: امير هنام هنا
آمير: لو عشان متنميش جنبي اوكيه هنام انا ع الكنبه , و نامي انتي ع السرير , لوسمحتي حاولي تسمعي كلامي لو مره واحده , وبلاش توجعي قلبي
دعاء: متتكلمش عن الوجع وانت مجربتش احساس ان كلام الناس بيكون نازل فيك زي السكاكين وانت مش قادر ترد اوتبرهن لانك عارف انهم مش هيصدقوك, لان الي منك كدبوك
آمير: انا نفس وجعك انتي متعرفيش انا مريت بايه ومهما اوصفلك مش هقدر ابينلك الصوره الي انا حستها في الليله اياها
دعاء: ازاي نمت الليله الي كسرت قلبي فيها ازاي
آمير: منمتش يادعاء لانه من قمه الوجع عيوني رفضت تغفا ثانيه . من كتر منا مش قادر استوعب ازاي حالنا وصل لكدا , فضلت فتره مبتكلمش وساكت دماغي مبتطلش تفكير ولا اسأله , وعشت في توهان لدرجه بقيت حاسس اني تايهه, بس بعرف اعدي اليوم وخلاص وآسف لو ظلمتك بدون ما اسمعلك
دعاء ابتسمت بسخريه لاذعه: اسف دي الحل الامثل لكل حاجه , بس انا قلبي ماليان زعل لدرجه مش هعرف اعبر عنه ولا احكيه , تخيل انسانه مجروحه من الدنيا وانت الضماد لقلبها وتيجي انت وتزيد قلبها وجع تفتكر ده شئ هين
آميربندم واعتذار : دعاء كل الي اقدره اقلهولك اني ندمان وزعلان من نفسي بالتحديد ‘لما بحس اني ظلمتك واتهمتك من غير قصد , وارجوكي سامحيني حتي لو عايزه تنفجري فيا انا مستعد لده ‘بس بعده نهدي ‘ونرجع
دعاء: انت مفكر ان الانفجار زعيق وخناق وكلام بيوجع, الانفجار بالبعد والاعتزال قرار ‘عدم العتاب قرار , انك تقف لغايه نقطه معينه وتقول انك مش هتستمر ‘ولا تكمل ده اكتر من قرار
آمير لسه هيرد قطعه نغمه موبيله رن فتح الخط: ايوه يا بابا...حاضر نازل _بصلها_ دعاء كلمنا مخلصش ‘وانا مش هيأس , ده برضو قرار
الفصل الخمسون
آمير صحا الصبح جسمه مكسر من نومه الكنبه وفضل ينشط عضلاته بتمارين الصباح وهي دخلت حطتله كوبايه شاي بالبن
آمير : دعاء استني دقيقه
دعاء وقفت وبصتله : في حاجه اجبهالك
آمير: انتي لسه زعلانه مني
دعاء هزت له دماغها وسكتت
آمير اتنهد: عارف انك مش هتردي وتقولي حاجه, لكن عارف انك لسه بتحبيني بنفس الشغف الي حبتيني بيه اول مره , وصدقيني انا حبيبتك ولسه بحبك ‘لكن مش عارف امتي وازي بدئت ثقتي تقل فيكي , مش فاهم ده حصل ازاي ‘شكوكي وعدم ثقتي بعدتني عنك اوي , و افترقنا كتير لدرجه لو عارفه فهميني
دعاء: انا مش عايزه اتكلم في اي حاجه زعلتني , رغم قلبي مليان كلام كتير , بس عقلي بيقولي بلاش تتكلمي ‘عشان هوجعك اوي يا آمير
آمير: اوجعي يادعاء اتكلمي ‘وصدقيني مهما قلتي , انا مش هزعل منك
دعاء بتنهيده : مفيش كلام يتقال, يمكن اكتر حاجه وجعتني الفتره دي اني اتشافت وحشه في نظر الناس الي اديتهم كل الحلو الي جوايا , ده اسوء احساس , ممكن يتحس
آمير كسر عينه من الاحراج وقال: وللسبب ده مش قادر ابص في عنيكي, انا مش بقولك انسي السخافات الي حصلت, لكن تعالي نحاول لو مش عشنا عشان ابننا , نقدر نعمل عشانه الكتير
دعاء: مطلوب مني ايه يا آمير
آمير: انا طالب منك فرصه اخيره, تقدري تديني فرصه ده الي طالبه
دعاء: انا مش بحب اخسر حد كان بيني وبينه عشره بسهوله , بديلو فرصه واتنين ,والي مخليني اسامحك انه مكنش خطائك لوحدك, انا كمان غلطانه كنت لازم احكيلك كل حاجه من البدايه
آمير: لو عايزه لسه عندنا وقت نتكلم ونحكي ونعزز علاقتنا
دعاء: انزل يله عشان تفطر سوي
امير سحبها من وسطها باس راسها : حقك عليا وبعتذرلك بالنيابه عن كل الي زعلوكي, وبعتذر عن كل لحظه وحشه مريتي بيها في حياتك , وصدقيني انا لو كنت خسرتك ‘كنت هخسر انضف قلب ممكن اقابله انا بجد اسف
دعاء بتحذير شديد: وانا سامحتك يا آمير , بس خد بالك انا بقدم حبي ليك مره وثقتي فيك مره , ورحمتي ليك مره, لكن لو خيبت املي مره تانيه مش هتشوفني تاني , لاني صعب اشرب من نفس الكاس مرتين
آمير خطفها في حضنه : مستحيل اخيب املك وابعدك عن حضني تاني , صدقيني ياحته من روحي, مش هقدر عليه’ لاني بجد بحبك ووحشتيني ‘ونفسي احضنك اتاملك ‘نفسي ابوسك
دعاء لفت ايدها ع وسطه : وانا عايزه اكل جعانه يله ونبقي نكمل كلامنا
آميرحضنها بقوه : يشهد ربنا اني بحبك , وكرهت غيابك سامحيني يادعاء
دعاء : مسامحاك عشان انا قلبي بيصفي من ناحيتك مهما ضايقتني ‘وزعلتني ‘هتعامل معاك بطهاره قلب
امير : ودي اجمل ميزه فيكي ‘و ربنا يقدرني واسعد قلبك , وتبقي طول العمر جنبي
............قصص منه محمد كاتب..................
في غرفه رحاب
ناني دخلت مسحت ع شعرها: عامله ايه يا حبيبتي شكلك احسن من امبارح, فات يومين ع قعدتنا وكلامنا
رحاب لفت شافت دعاء دارت وشها : مامي عندي صداع شديد من فضلك امشي
ناني: كفايه يارحاب برغم مراه اخوكي بريئه الا انها غفرت كرهنا ليها, والجاني بقي واضح
رحاب بصوت باكي : الجاني هو انا, لو عايزه تعاقبي الجاني عاقبيني انا
ناني: يابنتي محدش فينا عايز يعاقبلك, انا جيبالك دعاء عشان نفسي ترجعوا اصحاب مره تانيه الصداقه الي انتهت بسبب جمال
رحاب : مامي قولت لك مش عايزه اتكلم مع اي حد, بليز اطلعوا انتم الاتنين
ناني : رحاب
دعاء: طنط خليها ترتاح من رآي بلاش نضايقها
ناني: بس يا بنتي
دعاء قطعتها: يله تعالي معايا هي محتاجه الراحه يله بينا
ناني مشت ورجعت بصت عليها بقهره ورجعت قفلت الباب
دعاء بحزن: اظن قولت لك مش الوقت المناسب اروحلها , هي مش بتحبني اطلاقا
ناني: انا مبقتش فاهمه حاجه, لحد امتي الحال هيستمر ع كده, لحد امتي هيفضل التوتر بينك وبين رحاب وانتم تحت سقف واحد ,لازم المشكله دي تتحل ,انا اخدتك عندها عشان كنت عايزها تعتذرلك
دعاء: من فضلك يا طنط خالي الحال زي ما هو حاليا, ع الاقل لحد ما تبقي هي مؤهله نفسيه ترجع لطبيعتها مره تانيه , لا قدر الله حالتها سائت
ناني دمعت : كفالله الشر ويحاسب المجرم جمال , ينتقم منه ع الي عمله في بنتي البريئه , شوفتي حتي هو مش مهتم بالالم والكرب, الي بتعاني منه بنتي
دعاء: سلميها ع الي خلقك الي معاه ربنا مبيغلبش اوعي في يوم تيأسي
ناني دخلت في نوبه بكاء مريره: يارب
دعاء :من فضلك سيطري ع نفسك , تعالي اقعدي هجبلك كوبايه ميا
............قصص منه محمد كاتب..............
في غرفه رحاب
آمير: رحاب ليه مش عايزه تاكلي اي حاجه, تحبي اطلبلك من المطعم الاكل الي بتحبيه
رحاب: ليه بتغصبوني ع الاكل سبوني ع راحتي
آمير: ازاي اقدر اسيبك وانتي بتدمري نفسك مقدرش
رحاب نزلت دموعها: انا مستهلش حب جمال هو محبنيش حب غيري
آمير: لو هتفضلي تنكشي في الماضي ازاي هتكملي الي جاي
رحاب: هعمل ايه بالي جاي مش عايزه مستقبل لما اشوف كل حاجه ضلمه
آمير: ياحبيبتي الحياه لسه قدامك
رحاب: هنفيها
آمير ضغط ع شفايفه : ازاي هتنفي نفسك هتحبسيها في الاوضه 'وتعذبي في نفسك
رحاب صوتها رايح من البكي: انا هعذب نفسي , ومش هشتكلكم ابدا
آمير نخ قدامها ع ركبه ونص وقال : اسمعيني بابا وماما عملوا كتير عشان سعادتنا لو اتصرفتي معاهم بالطريقه دي هيتعبوا ‘راجعي نفسك تحبي انهم يتألموا
رحاب بعصبيه: قولي اعمل ايه انا مبقتش عايزه حاجه ‘مبقتش عارفه المفروض اعمل ايه
آمير وقف بحزم: كفايه دموع , وخدي خطوه لقدام, الدنيا مبتقفش ع حد
............قصص منه محمد كاتب................
وقف قدام العربيه اخد فرامل ونزله
جمال بنرفزه: انت عايز مني ايه
العامل برجاء: ع الاقل اسمعني يا بيه
جمال رفع السبابه في وشه: انت الي تسمع هي كلمه واحده , بتحاول تلاعبني, اظاهر متعرفش انت بتلعب مع مين
العامل بستهزاء : هو انا اخدت منك غير شويه فكه
جمال سحبه من ياقته بشده: انت هتستهبل, انت واحد عاطل وكل شهر بيتحط في حسابك مرتبك , غير ما اخدت مني الوفات, عايز ايه تاني
العامل: يابيه انت مش عارف ابني
جمال قطعه بعصبيه : ماله ابنك هو كمان, مره مراتك ومره ابنك, ثم ابوك, كل يوم عذر شكل عشان تاخد مني فلوس , مش هيديك ولا مليم واحد, بعد اليوم
العامل نبره تهديد: انت كدا بتغلط معايا
جمال بغضب احمق: انت بتهددني
العامل : ده مش تهديد ولو مدفعتليش متاخذنيش ع الي هعمله
جمال زقه بأهانه: يله فرجني ع الي هتعمله , هتروح تقول للكل اني قـ تلت الست العجوزه , هي كانت اصلا ميته , ومفيش معاك دليل
العامل ابتسم بخبث: لاء يا بيه انا اخدت الشريط الاصلي من الكاميرا , ولسه معايا وانت بتشيل القناع وبتحط بدله مخده, معلش منا مش كروديه عشان اثق في واحد زيك, ممكن يغدر بيا في اي وقت' بس مستعد اكتم بؤي قصاد الفلوس اعقلها!
جمال بنظرات غدر: هيوصلك في حسابك تمام
العامل :تمام يبشا هو ده الكلام
جمال راح ع العربيه وفتحها ودخل قعد وشه مكفهر
سامو: ممكن اقولك حاجه
جمال : قول
سامو : انت حاصرت نفسك بشكل سئ عشان تنقذ نفسك من السجن والعقاب, هتضطر تحشي جيبوب العامل بفلوس كتير
جمال: هو ميعرفش بيلعب مع مين
سامو : دبرت خطط كتير عشان تفوز بدعاء , وشوف هي رجعت لجوزها , وانت واقف فين انت ملفوف بحبل شباكك
جمال : بالنسبه لي الهروب من الورطه مهمه سهله
سامو : الامر مش بالسهوله دي, انت مروحتش بيتك بقالك كذا يوم
جمال: مش بسبب الخوف ,مام في حاله حداد عشان رحاب اجهضت, قلت تنسي الامر الاول وانا معنديش خلق اسمع كلامها ونصايحها المستفزه
سامو: وعن العامل
جمال رفع حاجب :شايف ملك المـ وت بيحوم حواليه
.............قصص منه محمد كاتب..............
في فيلا عائله آمير
ناني وقفت بغضب: انتي جايه هنا ليه تحطي نار ع حرقنا
سولا بستعطاف: من فضلك ياناني خليني اقابل رحاب, حصلها كتير وانا قلقانه جدا عليها
ناني بهجوم شرس: لو كنتي قلقانه عليها مكنتيش وصلت بنتي للحاله دي . بسبب افعال ابنك المنحطه
دعاء: طنط ناني اعصابك
سولا: تقدري تقولي كل الي تقوليه , احنا بندفع تمن اخطاء اولادنا , وبعد الي عمله ابني مقدرش حتي اعتذرلك
ناني: انتي مش عارفه الاذي النفسي , الي بنتي اتعرضت له, بسبب ابنك
سولا: انا مدركه لده
ناني بصوت عالي : ابنك كان قاسي معاها دي افعاله ع رده لحبها
سولا بصت لدعاء نظرات رجاء وهي اخدتها لغرفه رحاب
سولا: عامله ايه يارحاب
رحاب: لسه عايشه
سولا بصتلها بوجع : اغفري لي يابنتي مقدرتش اعملك حاجه
رحاب لفت جسمها للشباك: كل حاجه انتهت
سولا طبطبت ع كتفها: حاولي تقاومي انتي فعلا تعبانه
رحاب انفجرت في البكاء: هو مكنش محتاج لحبي مكنش محتاج لي مكنش عايز ابننا
سولا بكت بحرقه عليها وخرجت من قدامها بسرعه ودعاء اخدتها للجنينه
سولا جففت دموعها وبعتذار: الاول عايزه اعتذرلك عن افعال جمال, والي عمله فيكي انا مكسوفه اوي منه عمري ما تخيلت ابدا ان ابني ممكن يدمر حياه اي بني ادم
دعاء بحزن: انتي ملكيش ذنب في كل الي حصل
سولا: بالعكس انا معرفتش اربي كويس ,واعلمه الفرق بين الصواب والخطاء وده انا فشلت فيه , ظلم رحاب , واجرم في حقك , مقدرتش اوقفه في الوقت الي فات, لكن الي جاي هعمل كل الي اقدر عليه , بكل جهدي همنعه يؤذيكي تاني
دعاء: وده الي بتمناه يبعد عني, ويسبني في حالي, وميؤذيش حد تاني
سولا بأعجاب واشاده : انتي رحيمه اوي يادعاء, انك بتصفي قلبك لكل الي اذوكي بالسرعه دي, لولا افعال ابني المخزيه, كنت زماني واقفه قدامك بكل فخر
دعاء: من فضلك بلاش تحسي بالذنب
سولا: عارفه حسستيني ان الدنيا لسه فيها خير بالصفه الحلوه الي عندك, التسامح مع الناس الي اذوكي بكل سهوله ربنا يحميكي , ويكتر من امثالك, ويديم عليكي السعاده, انا همشي
دعاء: مع السلامه خدي بالك من نفسك
.................قصص منه محمد كاتب.................
في غرفتها بينها وبين نفسها: رحاب عملت فيا كتير بس ليه اتهمها لوحدها بالمسؤليه كانت بتحب جمال وحبها جبرها ع كرهي وهو كل الي عليه فرق بيني وبينها بس انا برضو سبب كل المشاكل لانه حبني محبهاش
امال قطعت عليها التفكير: ست دعاء مراه اخوكي عايزه تقابلك
دعاء: ميسر تمام هنزلها
امال: تمام
دعاء نزلت وراحت عليها: انتي هنا ليه؟؟!!
ميسر عيونها منفخه من كتر البكاء: جايه اقابلك عشان اعتذرلك, مكنتش اعرف انك رجعتي بيتك , ومكنش معايا عنوان داغر الجديد, اتصلت بيه رفض يرد عليا
دعاء بتتحرك: ميسر هجبلك حاجه تشربيها
ميسر قعدتها في مكانها: لاء مفيش داعي, انا هنا مش ضيفه انا هنا متسوله, انا افتريت عليكي واتماديت معاكي ولا مره حاولت اقف جنبك, بالعكس كل مره كنت بظلمك وبأذيكي, فلو تقدري تغفري وتسامحي يبقي كتير الف خيرك _وطت ع ايدها تبوسها_
دعاء سحبت ايدها بنزعاج: ميسر انتي بتعملي ايه بس
ميسر:انا كان صعب عليا اجمع نفسي , وقبل ما انهار سبيني اقولك كل حاجه جوايا انا غبيه ضيعت علاقات بالحب وانا معرفتش قيمتها ولا اعتزيت بيها , يمكن عشان انا مستحقهاش
دعاء: ميسر انا نسيت كل الي حصل
ميسر عيونها دمعت: بس ازاي انا هقدر انسي, وانا اتعاملت مع مصيبتك بكل قسوه , طردتك من البيت , وحسيت بيكي لما سبت بيتي واطردت منه , وانا الي عملت كدا في نفسي جنيت ع نفسي, رفست النعمه خرجت من الجنه للجحيم (مسحت دموعها وبنكسار ) خدي دي الفلوس الي سرقتهم منك هم ناقصين 20 الف بس اقسم لك اول امي تقبض الجمعيه , هرجعهملك بس قولي لمعمر ان الفلوس كلها وصلتك عشان يدخلني البيت , مش قادرة اعيش من غير بيبو ومعمر
دعاء: انا هاخد دول عشان حلفان ابيه , ومش عايزه الباقي وصلوا , ووعد هتكلم مع اخويا وهرجعك بنفسي بيتك, انا مش هفرح وبيت اخويا بيتخرب, اطمني هترجعي اديني بس شويه وقت انا لسه راجعه ومضطربه , والا كنت طلبت من ابيه يرجعلك حالا
ميسر بكسوف: انتي طيبه اوي , وكريمه اوي, حتي بعد كل المرار الي شوفتيه لسه قلبك مفتوح للكل, وانا الي في كل خطوه استحق الشفقه ارجوكي سامحيني
دعاء بأبتسامه صافيه : ننسي كل حاجه من الماضي اجبلك تاكلي
ميسر: طمنيني ابني عامل ايه
دعاء: كويس وزي الفل , مع عمو داغر مبسوط خالص, ومفتقدك بشده
ميسر: خديني لـ ابني ابوس ايدك
دعاء: عيوني
ميسر قامت باست دماغها وخدها: ربنا يسعد كل اوقاتك , ويكرمك براحه البال ويديكي ع هوي نيتك
...........قصص منه محمد كاتب...............
في بيت طيبه الفت رايحه جايه بتفكر بعد ما سامي اتحرش بيها وضايقها جدا ولنفسها: اقول لطيبه ....ولا يمكن مش وقته اقولها....... لاء قبل ما تفهم غلط....... انا لازم امشي
طيبه دخلت: مالك يا الفت شكلك قلقانه
الفت برتباك: لاء هقلق من ايه
طيبه: امال مالك شكل مضطربه؟؟!!
الفت :عايزه امشي من هنا
طيبه استغربت: عايزه تمشي' انتي خايفه من حاجه , ولا حد فينا زعلك مننا
الفت حركت دماغها: لاء الموضوع مش كدا, بالعكس انتي اهتميتي بيا اكتر من الاخت, بس ميصحش افضل هنا مده طويله , وعايزه الحق انا عرفت انه غلط جدا ,بسبب عنادي خربت بيتي بسبب غيرتي الزايده 'واني فضلت الشك عليه
طيبه بستفهام: عايزه ترجعي بيتك
الفت برفض: لاء مش عايزه ارجع اصلا , عايزه ابدء حياتي من اول وجديد , واول ما القي مكان اعيش فيه هدور ع شغلانه
طيبه قعدت ع السرير :وماله متقلقليش 'نفكر سوي
الفت قعدت جنبها وبحماس: بقولك ايه اقدر ائجر شقه , انا معايا فلوس
طيبه :المسأله مش تلاقي شقه المهم تلاقي حاجه كويسه وقريبه من هنا, هتكلم مع سامي يشوفلك حاجه معقوله , وتقدري تنقلي وتعيشي فيها
الفت :اتمني يحصل ده بسرعة
طيبه: اطمني هتكلم انا رايحه السوق بكره, اجيب شويه خزين للبيت, تحبي تروحي معايا, اكيد زهقتي من قاعده البيت
الفت : ماشي
............قصص منه محمد كاتب................
دعاء قاعده جنبه: ميسر جات هنا اليوم
آمير بتعجب: هنا
دعاء: ايوه رجعت لي الفلوس مش كامله ناقصين 20 الف وعايزني ارجعها بيتها
آمير: وهو معمر هيسامحها
دعاء: اكيد هي رجعت الفلوس وعرفت غلطها
آمير بمرح: بس ناقصين 20 الف جنيه عايزهم
دعاء ضربته في دراعه: بطل غلاسه , ومش هنقول لـ ابيه الفلوس رجعت كامله
آمير: اكيد مش هنقوله وكويس لما عرفت غلاطها وصلحته
دعاء: لما بنحس بقيمه العلاقات, لازم نرجع منتأخرش ونعتذر , عارف رغم كل الي عملته كنت بعتبرها اختي الكبيره, لو كانت امي لسه عايشه كانت فرحت بتغيرها
آمير: اه لو اختي كمان بتتعلم من اخطائها, لكن عايزه ترجع تبص وراها
دعاء مسكت وشه بين ايدها :اطمن وارتاح حبيبي هتعرف غلطها متشلش الهم
آمير باسها من ايدها: دعاء لو سمحتي اهتمي بيها , هي محتاجه لينا الفتره دي, احنا رفعنا قضيه طلاق
دعاء: اتكلمت مع رحاب في الموضوع
آمير: ايوه طبعا
دعاء اتكلفتت باللحاف: ده افضلها يله لما انام كفايه سهر لحد كدا
آمير سحب اللحاف بغيظ : هو ايه ده مين دي الي هتنام
دعاء: انا دعاء هنام
آمير: طيب ايه رايك اغنيلك
دعاء بصتله بستياء : تغني انت اصلا صوتك وحش
آمير: انا صوتي وحش امال انتي صوتك يبقي ايه ياعديمه الروح
دعاء ضحكت بلعلعه: منا برضو صوتي وحش لكن بقر ومعترفه
آمير: لما ضحكتي وشك اتغير
دعاء : ما انت كمان وشك اتغير
آمير بأبتسامه وبنظره حنونه :ياريت عندي القدره اوهبلك كل السعاده الي في الدنيا
دعاء: للدرجه بتحبني
آمير ضمها بتملك لحضنه: للدرجه, لانك نص روحي , نص عقلي, كل قلبي , وبحبك عشان معرفتش الحب الـ معاكي , وبحبك عشان انتي اكتر واحده فاهماني في الدنيا دي , وبحبك عشان انتي قلبي وروحي وكل حياتي , دعاء متبعدش عني دقيقه واحده علشان مش هقدر استغني عنك
دعاء باست خده : مستحيل ابعد , العالم كله يبعد عن بعض , بس احنا الاتنين مخلوقين لبعض
آمير: انا لما ببصلك بستغرب ازاي كل الحب ده ممكن يكون ليك في قلبي, انتي ممكن تكوني عارف بحبك بس متعرفيش انا بحبك اد ايه ,يا قدري أنتي ,عارفه في غيابك كنت باخد صورتك في حضني وانام
دعاء: طيب يله خدني في حضنك ونام
آمير سحبها من وسطها لصدره: مفيش نوم الليله دي, هو انا مش هعرف افرضي كلمتي عليكي , ولا اعمل فيكي زي الراجل ما عمل في مراته
دعاء بصتله اوي :عمل ايه في مراته؟؟!!
آمير ضيق عيونه بمكر: جوزها قـتلها عشان قالت له هنام وكان روحهم في بعض
دعاء رمت اللحاف لبعيد: مين بتفكر تنام انا ’ انا لو سهرتك مطوله يابشا 'انا معاك لـ اخرها انشالله للصبح انت وحشتني ,وحشني وشك ,وصوتك وكلامك , وحشتني البصه في عنيك
اميرقربها منه اوي وقال : يله بصي في عنيا , ولو رمشتي هتتباسي للصبح اتفاقنا
دعاء بصتلو شويه : اتفاقنا وراضيه بكل الي يجي منك
آمير : ده انا هقرقشك
دعاء لفت ايدها حوالين رقبته وبضحكه جذابه: وانا نفسي اعيش معاك للابد, فبلاش القرقشه