رواية الحربايه والثعبان الفصل السادس والاربعون46 بقلم منه محمد
دعاء انهت فرضها وفضلت تدعي لله عز وجل يفك كربها وهي بتلم السجاده تلفونها رن بصت في الاسم وفتحت الخط وحطته ع ودنها
آمير: الو دعاء
دعاء: افندم
آمير: بتصل بيكي بأستمرر ليه مش بتردي
دعاء: وانت ليه بتتصل اصلا بأستمرار
آمير: عايز اقابلك
دعاء: بس انا مش عايزه اقابلك
آمير حرك عينيه بغيظ: دعاء لو مش هنتقابل مع بعض 'ازاي هنقدر نحل مشكلتنا
دعاء: تمام سيب مشاكلنا زي ماهي 'محلك سر 'انا مش هقعد ادافع عن شرفي 'واتأذي نفسيا اكتر
آمير بنرفزه: اما انك فعلا غريبه' ارتكبتي الغلط ودلوقت رافضه تتكلمي عنه
دعاء صرخت فيه: انا معملتش حاجه سامع
آمير اتعصب: بجد امال انا الي عملت شوفتيني مع واحده تانيه مش كدا والكل بيتكلم عني
دعاء بدون اي رد عليه قفلت الخط في وشه وحدفت الموبيل بعصبيه وغيظ!!
داغر قرب منها بهدوء: لما بيحاول يتكلم معاكي كنتي اتكلمي معاه
دعاء: مش عايزه اتكلم معاه
داغر: بس حقه ازاي هتوضحيله لو متكلمتيش معاه
دعاء: مبقاش يهمني لو المشكله متحلتش ومظهرتش برائتي قدامه , هو متصل و بيتهمني انه شافني مع جمال ليه اقدمله تفسير وبرهان اني مخلصه , انا في نظره عملت الخطيئه وبجد مش عايزه اقدم اي تفسير 'هو شافني خاينه وانتهينا آمير مبقاش يهمني ياداغر مبقاش يهمني ابدآآآ
داغر بضيق: انتي ليه دماغك ناشفه وعنيده
دعاء: عشان مش هتحس بيا محدش شاور عليك وحطك في موضع اتهام عشان كدا بتقول عنيده انا كنت حذره في كل خطوه بمشيها في الحياه في الكليه بذلت مجهود احمي نفسي وسمعتي ومؤلم اوي ان جوزي يشك فيا لمجرد شافني واقفه مع واحد اي ان كان
داغر اخد نفس طويل وقال: دعاء انتي اخدتي حته من عقلي , لو فيه اي حاجه تانيه قولهالي وانا هقولهالو , انتي بتخبي وانا بحاول احل الامور , وياريت توقفي عياط ممكن
دعاء وهي بتمسح دموعها بصوت موجوع اوي: انا بعيط اني استنيت يردلي الحب الي حبتهوله, استنيت يردلي التضحيات الي ضحيتها عشانه يوم ما اخته ضربتني بالقلم قدام الناس وجيت ع نفسي عشانه , انا سبب زعلي الوحيد مش ع اتهامي انا زعلي الوحيد كنت طيبه وجدعه مع ناس ما تستاهلش وفي الاخر ندموك ع طيبتك
داغر ضمها ودفنها في صدره ومسح علي شعرها بلطف : سلميها لله
............قصص منه محمد كاتب.............
ميسر : بيبو انت جايب التاب ده منين؟؟!!
بيبو: عمي عطهولي
معمر: ليه بتزعقي للولد بيبو خد التاب والعب بره حبيبي
ميسر برفعه حاجب: انا متأكده انه البيت هنا مبقاش مكانك , لان اخوك واختك معدومه الشخصيه مش هنا
معمر صرخ فيها بعصبية: لمي لسانك
ميسر اتعصبت عليه : لو ملمتهوش ليه اخدت ابني عندهم ليه
معمر بصلها بنظراتٍ قاسية و قال بحزم: ابني هيزور عمته وعمه ومش هياخد اذن حد
ميسر: انا امه لايمكن تاخد ابني لراجل ظلم اختي
معمر اتعصب وبكل غضب زعق فيها: كان عنده حق في الي عمله كان صح لما طلقها , هي مستحقش تعيش معاه ,وطلاقها دي اقل عقوبه ع الجرايم الي عملتها هنا في البيت
ميسر بحلقت فيه بدهشة: ايه
معمر: اسمعيني وصدريلي ودانك من اللحظه هتقطعي علاقتك نهائيا بيها, لو سمعت ولا عرفت هطلعي اسوء ما فيا , بس وقتها اتحملي عقابي , انا الكيل عندي طفح , سامعه
ميسر وقفت مستغربه هجومه بالشكل ده وفضلت تعيط!
.............قصص منه محمد كاتب..................
في منزل صديقه الفت
طيبه: دي اوضتك خدي راحتك
الفت: الف شكر يا طيبة
طيبه: بتقولي ايه انتي صاحبتي, ودي اقل حاجه ممكن اعملهالك
الفت: انا همشي قريب
طيبه: تقدري تمشي وقت ما تحبي ولحد ما تمشي , انتي صاحبتي وضيفتي لو احتاجتي اي حاجه قوليلي ماشي
الفت: ماشي
طيبه: يله استريحي ونتكلم الصبح تصبحي ع خير
الفت: وانتي من اهله
سامي واقف بره: وفرتلها ملجآ في بيتنا
طيبة: هي محتاجه وجات لي اطردها
سامي: وانتي هبله وصدقتي اي قصه تحكهالك , يا بنت الناس مينفعش تبقي مؤدبه مع كل الناس شوفي العالم ده مش معمول بس للعبط والسذج زيك, فيه ناس كتير زيها ماليه الدنيا وصاحبتك مش مريحه, والله اعلم عملت ايه قبل ما تيجي ع هنا
طيبه: دي لسه جايه مبقلهاش ساعتين , ازاي حكمت عليها
سامي: لاني عارف الاشكال الي زيها , وانا مش بحب استقبل حد غريب معرفوش في بيتي
طيبة: عشان خاطري هي صاحبتي , ارحمها هي محتاجه مساعدتي
سامي: انا عشانك هوافق تفضل هنا الليله, لكن اول ما يطلع النهار تمشي بكل ادب واحترام
طيبه سابته ومشت وهو اتسحب وراح يبص ع الفت من الشباك شافها وهي بتطلع فلوس كتير وعلبه مليانه دهب وقرر يسرقهم منها لكن بعد ما يلعب عليها
.........قصص منه محمد كاتب.....................
في فيلا عائله جمال جيسي قررت ترجع امريكا
سولا: جيسي لم اخفي عنك شئ كل شئ كان امامك اذن لماذا قررتي الرحيل بهذه السرعه
جيسي: عمتي لقد فكرت في الامر كثير بعد ان نظرت في وضع المنزل هنا قررت المغادره لاينبغي ان اتي هنا تريدي ان يكون جيمي سعيدا اليس كذالك وتريدي, ان يزدهر جمال ورحاب في العلاقه اليس كذالك , اذا بقيت هنا فسيؤدي ذلك الي المزيد من سوء الفهم بينهما
سولا :كلاهما ليس لديهما فهم لبعضهما البعض, يبدو لي كلاهما يخدع الاخر
جيسي بتعجب: لكن لماذا
سولا: هذا لا استطيع معرفته
جيسي نبره حزينه: لم يكن عليكي ان تقولي ما قولتيه لرحاب , هذا جعلها اكثر انزعجا
سولا: اذا كانت ذكيه لو قليل فبدلا من اللقاء اللوم ع الاخرين, ستقوم بتصحيح اخطائها لا استطيع ان الومها ع كل شئ , ولا اقول شيئا لجيمي , ربما اكون والدته, لكن الحب الذي اكنه لا يهمني: لاتقلقي ساتحدث مع جيمي
جيسي هزت دماغها بقتناع: اوكيه
رحاب كانت واقفه بره الغرفه وسمعت الحديث الي دار بينهم واكتشفت ان جيسي جمال مش في دماغها من اصله وهو كذالك
...................قصص منه محمد كاتب.............
يوم جديد دعاء راحت شغلها لكن فوجئت بيتم طردها بعد ما زوجه العامل نشرت انها ع علاقاه اثمه مع زوج اخت زوجها والمديره اهانتها وطردتها طلعت للشارع وافتكرت الكلام الي وجعها
=عندك علاقه مع جوز اخت جوزك وعشان كدا جوزك طردك من بيته لو كان الكلام ده صحيح لايمكن اسمح لواحده زيك تشتغل وتربي اطفال , الاطفال هنا من الطبقه العليا والا خبار دي هتأثر عليهم
جمال وقف بعربيته وقالها: تحبي اوصلك لمكان
دعاء كتفت ايدها حوالين صدرها وعيونها عليه بكل برود!!!!
جمال: قولت لك انك هتندمي وكل ما هتروحي مكان هدخلك فيه ومش هخليكي توري وشك لحد قلت لك مش كدا
دعاء واقفه بصاله وساكته
جمال تابع: لسه فيه وقت , اسمعيني مستعد اوهب حياتي لصحابي , لكن لـ اعدائي, اقـ تلهم بألف جرح
دعاء شاورت لتوكتوك وركبت وجمال طلع وراها لحد ما وصلت العماره ودخلت وهبدت الباب وراها
داغر قرب منها وسألها بقلق : دعاء رجعتي بدري ليه حصل حاجه
دعاء بصوت متهدج من بين دموعها : داغر (بكت اكتر)
داغر: ايه الي حصل ليه بتعيطي جمال عملك حاجه
دعاء انفجرت بالبكاء وجسمها ارتعش بهستريا من كتر الشهقات
داغر طبطت على ظهرها بحنيه: فيه ايه يادعاء , ارجوكي وقفي عياط , وفهميني قلبي هيقف
دعاء: جمال طردني من المدرسه معرفش ليه بيعمل كل ده النهارده كان اخر يوم ليا
داغر اخدها في حضنه: تمام ادخلي اغسلي وشك وبطلي عياط تعالي
...........قصص منه محمد كاتب.................
رحاب دخلت غرفتها ووقفت قدام مرايتها
انعاكسها في المرايا: ليه بتكدبي يارحاب الحب مش هو الي عماكي لكن غيرتك وحقدك من دعاء هما الي عموكي
رحاب: لاء مش كدا انا بحب جمال كتير
انعكاسها: انتي بتحبي نفسك وبس اتعاملتي مع جمال تحدي وبس لما عبر لحبه لدعاء
رحاب: لاء مش كدا انا عارفه جمال من مده طويله وهو كان بيتسلي مش اكتر
انعكاسها: انتي خططتي تفرقي بينهم هو حبها بجد وجايز كانت تحبه بس لما كدبتي عليها انه بيخدعها وعايز يقضي معاها يومين عشان تبعدي عنها ومليتي السم في قلب دعاء من ناحيته وبسببك دعاء ضربته قدام الكل
رحاب: انتهي حبه مع الموقف
انعكاسها: متأكده لو انتهي ليه بين كل وقت والتاني جمال بيجري وري دعاء لحد اليوم واياك تقولي ان هي الي بتشجعه ع كدا
رحاب صرخت بشكل هستيري : ايوه هي حبت تنتقم مني الاول سرقت آمير اخويا الي كنت مهمه جدا بالنسبه له
انعاكسها: انتي واحده مسكينه بصي لنفسك امتي لقيتي نفسك سعيده من لما خرجت دعاء من البيت بصي لحالتك جمال مجرد وهم بتلاحقيه في حياتك ولا يمكن تعيشي بالوهم ده ابدا لانسان بيتعب من البحث عنه زي ما انتي تعبانه دلوقت شوفي حالتك حبيتي تهزمي دعاء بس انتي الي اتهزمتي انتي خسرتي
رحاب صرخت وهشمت المرايا: لاء انا مخسرتش , فاهمه اخرجي من هنا , انا مخسرتش ابدا
..............قصص منه محمد كاتب.....................
في منزل عائله دعاء
ميسر مسكت الموبيل: نعم يا ماما ليه عماله ترني كل شويه , مش هقدر اتكلم دلوقت
امها: الله يلعنك بتصل بيكي من امبارح مفكرتيش لمره واحده تطمني, يمكن امك واقعه في ورطه ولا مصيبه
ميسر: معمر زاد غضبه يوم بعد يوم
امها: الفت اتجننت هي كمان هربت من البيت
ميسر بخضه: ايه هربت راحت فين مصيبه
امها: مقلتليش مشت الفجر , وفكرتها راحت لخالتك , بس مفيش اخبار عنها
ميسر: اتصلتي بيها
امها: ياختي اتصلت يجي خمسين مره تلفونها مقفول
ميسر: البت دي اتجننت ممكن تروح فين
امها: انا عارفلها
ميسر: قوليلي اخدت معاها حاجه فلوس دهب
امها: ايوه اخدت كل دهبي , ودهبها حتي الفلوس الي انتي عطتهوملي
ميسر ضربت صدرها: نهار اسود , دي فلوسي تاخدهم ليه
امها: سابت لي رساله بتقولي انها هتكمل حياتها حسبت رغبتها هي , وقالت انك وفرتي الفلوس من جيب داغر ,وبتقول دول حقها هي
ميسر: امتي دي كدابه دي مش فلوس داغر دي فلوس دعاء , وانا خبتهم عن معمر عندك , ازاي هي تاخدهم_بتلف لقته واقف في وشها_
معمر: قلتي الحقيقه اخيرا بنفسك , ده السبب الي استعملتيه تجبري اختي تخرج من البيت
ميسر بلعت ريقها من الخوف: معمر انا
معمر: ازاي تكوني منحطه كدا ازاي قدرتي, كنت دايما بعاملك بمنتهي الاحترام, طول العشر سنين صدقت انك بتحبيني, صدقت انك ضحيتي بكل حاجه عشان بجد حبتيني, صدقت انك شاركتيني في واجبي بس كل ده طلع وهم وكدب, كنت عارف, كنت عارف انك مش بتحبي اهلي لكن زي اي زوج اقتنعت ان عندك تحفظات مع اهل جوزك, زي اي ست تانيه , مش عايز اعيد في المشاكل الي حصلت زمان , روحي لـ امك رجعي الفلوس واطلبي من اختي تسامحك
ميسر بارتباك: الفت اخدت الفلوس , حتي سرقت دهب امي
معمرصرخ فيها بغضب: مش اتسترتي ع افعال اختك المشينه, قـ تلت ابن دعاء لما زقتها من حقدها , وقـ تلت امي
ميسر: الفت مقتلتـ هاش هي بس مساعدتهاش
معمر نزلت دموعه: لو امي وصلت المستشفي قبل دقيقتين , جايز كانوا انقذوها
ميسر: الحياه والموت بأيد الله
معمر رفع صوباعه في وشها : مش عايز اتخانق معاكي هي زيك بالظبط هي اذت اهلي بسببك انتي ,الشئ الوحيد الي منعني اخد قرار هو انك ام ابني ومش هترجعي هنا الا لما ترجعي فلوس اختي ولحد ما دعاء بنفسها تسامحك وتدخلك البيت غير كدا مفيش رجوع
ميسر: اجيب منين 250 الف اخدتهم ومشت
معمر: دي مش مشكلتي
ميسر: معمر اسمعني
معمر: امشي رجعي الفلوس لدعاء
ميسر: معمر اسيب ابني
معمر: اياك تعملي ابنك حجه فاكره قررتي تسبيه قبل كدا لما ساومتيني اطرد اختي دلوقت تقدري تمشي من غيره والا هطردك في الشارع بنفسي يله اطلعي بره يله
.............قصص منه محمد كاتب.................
في منزل عائله جمال
سولا: روحت فين
جمال: كان عندي شغل عملته ورجعت
سولا: من الصبح مفيش اي مكان مفتوح من سته الصبح
جمال: كان شغل مهم ع اي حال فين جيسي بلغيها هاخدها معايا الشركه اليوم
سولا: مفيش داعي هاخدها معايا بنفسي للشركه , ولو هي محتاجه مساعده في الشغل فيه موظفين كتير يساعدوها هيكون افضل تنساها , وتدي شويه وقت لرحاب
جمال: شايف بتبعدي جيسي عني بسبب رحاب, مام رحاب واحده مجنونه بجنون العظمه وبتتصرف بالطريقه دي في كل مره بتشوفني مع بنت
سولا: ولما عارف كدا ليه تهتم بواحدة تانيه وتلغي وجود مراتك, ليه تعمل حاجه تزعجها وتجننها
جمال: مام ايه التفكير القديم ده انا عندي friends بنات كتير ,مقدرش اقطع علاقتي معاهم بسبب رحاب, ورحاب كذالك عندها شله من الشباب وعندنا اصدقاء مشتركين شباب وبنات
سولا: فيه فرق بين اصحابك , واصحاب رحاب وانا مش عايزه اشد معاك بجد , جيسي هي بنت اخويا وضفتي ومش عايزه يجي اسمها في مشاكلك مع مرتك , وابعد عنها تماما, ده افضل لاني اقنعتها تفضل هنا بصعوبه
جمال : مام
رحاب قربت منهم ووقفت توزع نظراتها عليهم لقوا داغر دخل بندفاع
داغر شده بشده من ياقه البدله بصرامه وصرخ : انت ازاي تتجرء
رحاب بتضربه في كتفه: انت اتجننت سيبه
داغر بيشد فيه وجسمه ينتفض من شدة الغيظ : مش هسيبه هقـ تلك ياحقير هقـ تلك
الحارس مقرب يشده وجمال امره يبعد
جمال مسك ايده من ع جاكت البدله : بعدته عنك لانك شقيق دعاء , مش عشان انا خايف منك , ولا مرعوب
رحاب بصراخ : انت ازي تتجرء وتلمسه
داغر بنفعال اسود: الاول اساليه عمل ايه في دعاء ؟؟ حول حياتها جحيم حي ,هو بيطاردها في كل مكان تروح له هو بيتحرش بيها , افهمي بقي
سولا بدهشه: ايه
رحاب : ايه التخريف ده
داغر: انتي مش مصدقاني
رحاب بتنفي الحقيقه : اه طبعا
داغر طلع موبيله وفتحه قدامها: اتفرجي ع الرسايل شوفي مكالماته الفائته وفويس بيبعتهالها اتفرجي بعتهم لـ آمير كمان , رحاب هو بيكدب, هو بيخدعك هـ موته النهارده
رحاب بتسلك جمال: سيبه
جمال ع غفله وضربه بوكس وقعه ع الارض
سولابنفعال: لو مطلعتش بره هتصل بالشرطه فورا
داغر زعق فيها: يله اتصلي, اتصلي بالدنيا ولو مش هتتصلي انا هتهمه بالتحرش باختي الامهات الي زيك الغلط كله عليهم ,وع تربيتهم الوسـ خه, لما ربتيته بالطريقه دي , ولما كبر حول حياة البنات جحيم , بدل ما تبني له قصر , لو كنتي ضيعني تعبك ومجهودك ع تربيته بشكل سليم كان بقي راجل , هو حتي ميستحقش اطلق عليه اسم راجل, اسمعني كويس من دلوقت لو شوفتك في اي مكان قريب من اختي هتشوف الي هيحصلك
جمال بصوت عالي: رعد رعد
الحارس :نعم يا بيه
جمال بحتقار: خدوه ع بره
الحارس سحب داغر: تعال
جمال بسخريه: اتاكد انه مشي مستقيم يارعد
الحارس: امرك يا بيه
جمال ابتسم بتهكم: كلام فارغ, كداب زي اخته , مام
سولا لطشته بالقلم : داغر مش كداب لو ربيتك كويس مكنتش سمعت الي سمعته اليوم, ده غلطي انا فعلا مربتكش واثبت لي اني مصلحش اكون ام صالحه
ياتري جمال هيفوت القلم بسبب دعاء .....آمير هيعمل ايه لما يسمع الفويسات وهو بيحب في مراته ......ولا رحاب ولا ميسر يالهوي دي هتولع بالقوي يله نحلق ونشقلب الاحداث ونحولها جحيم ع الورق
الفصل السابع والاربعون
أمير قعد جنبه وفاتح الموبيل: ها يا ماما لسه مصممه ان مراتي, مذنبه وجمال بريئ, قوليلي
رياض: شوفي واسمعي وقوليله
ناني: ما يمكن تكون مفبركه وجايز داغر فبركها
آمير بعصبيه خفيفه : ماما فيه شئ واحد مؤكد , انك دايما وابدا بتحاولي تثبتي ان دعاء كدابه قوليلي ازاي هتفبرك محدثات برقمه وفويسات بصوته
رياض: لاء ده صوته , وده كلامه , مش متلفقين , وكل ده مش كدب
آمير: قوليلي ليه جمال بيحاول يتصل بمراتي بأستمرار, ويكتبلها رسايل ويطاردها , ومن وقاحته وبجحته طلب منها الجواز وهو متجوز اختي, هو بيجري وري مراتي
ناني بنفعال: مراتك الي بتشده ليها, وده الي بيحصل في اي علاقه حرام
آمير انفعل جدا: الي انا بقيت متأكد منه انه غير صحيح بالمره
ناني شخطت فيه : ليه رحاب تدعي ع دعاء ليه؟!
آمير: ده الي مش عارفه, ومش عارف ايه هي مشكله رحاب مع دعاء, بس الي بقي واضح وصريح مفيش علاقه بين دعاء وجمال, كان بيضايقها هنا , ولسه بيضايقها بعد ما مشت
ناني: دي مشكله دعاء مش مشكلتك
رياض: ناني المشكله مرتبطه ببنتك هو كل شويه هنفكرك ان جمال جوز رحاب , وهو بيخدعها آمير حالا نطلع ع بيت اختك ونجيبها هنا, مقدرش اسيب بنتي معاه بأي ثمن, ونرجع دعاء بيتها امتي وازاي ,هنقرر ده سوي , وده قرار نهائي
ناني اتحركت بنزعاج لانها رافضه دعاء ترجع لـ آمير
..............قصص منه محمد كاتب....................
جمال واقف ع اخره ولنفسه: لاول مره في حياتي مام ترفع ايدها عليا ........ مستحيل انسي انك مستدتيش دينك القديم يادعاء .......وضفتي عليه الجديد ...........وكدا حسابك تقل اوي
رحاب قربت منه: جمال
جمال رفع ايده انها تبعد عنه وسابها ومشي
رحاب طلعت وراه: جمال اقف اسمعني
رحاب لمحتها قاعده قربت عليها: طنط محتاجه اتكلم معاكي
سولا : اتكلمي
رحاب بنكسار وضعف: انا آسفه بجد ياطنط, كنت مفكره انك دائما ضدي , معرفش انك دائما واقفه لصالحي
سولا بتنهيده طويله: للاسف معظم الحال عند كل الناس, نميل بالكره للشخص الي بيحاول يصحح اخطائنا , عارفه مشكلتي ان قواعدي ثابته, لكن ابني كسر قواعدي , وخلطها بالطين
رحاب: انتي معملتيش حاجه غلط حاولتي
سولا: هددت داغر بالشرطه مكنش ينفع وهو بيقول الحقيقه
رحاب: طنط داغر جه هنا يتكلم , ليه يتخانق كان ممكن اتكلم بهدوء
سولا بصتلها بستغراب: انا لحد اليوم مش قادره افهمك ابدآآ, انتي بتحبي جمال وبتحبي تملكيه وشوفت القلق والغيره لما قرب من جيسي , لكن بتتعاملي مع تواصل جمال مع دعاء بشكل هادي وبارد
رحاب بتنكر الواقع: بيتكلم معاها لكن مشفتش ده بنفسي, ويوم ما شوفته طردت دعاء من البيت
سولا: انتي مفكره ان دعاء غلطانه في كده , مفكره ان دعاء لوحدها المخطئه
رحاب: طنط انا كنت بحاول انقذ بيتي معنديش وقت للتفكير في اي حد تاني
سولا: كنتي بتحاولي تنقذي بيتك ولا تهدمي بيت اخوكي, الطريقه الي ردتيتي بيها ع داغر'مخلتنيش احس بس بالخوف, بس خلاص مًصره ان ابني عنده خطئ اكبر 'في كل ده
رحاب: دعاء دي تقدر تكدب عشان تدافع عن نفسها مش كدا
سولا: دعاء بنت لايمكن تقلل من احترامها وترخص نفسها ابدآآ, اظن انتي عرفاها اكتر مني انا امنيتي تعيشي انتي وابني في سعاده ابديه, لكن لو بقيتي سبب في دموع حد تاني , مستحيل تعيشوا براحه وهدوء مع بعض ابدآآ
..........قصص منه محمد كاتب.................
في شقه داغر
معمر رايح جاي بتوتر: مش بيرد ليه خلتيه يروح ليه يادعاء
دعاء : والله حاولت امنعه لكن
معمر قطعها: لكن ايه لو اتهور والموضوع وصل للبوليس, احنا ناقصنا مشاكل
دعاء برتباك وخوف : يارب استر
معمر : متقلقيش هروح اطمن عليه
دعاء :ماشي
معمر : معاكي رقم الي اسمه جمال ولا عنوان بيته
دعاء: ايوه معايا
معمر: ابعتهولي هروح انا اشوفه
دعاء: ماشي
معمر بيفتح الباب لقاه داغر واقف وبيحاول يحط المفتاح في الكلون
معمر: كدا برضه ياداغر تروح لحد عنده برجليك
داغر عيونه إحمرت وعروق وشه شددت: كنت لازم اعرفه مقامه
معمر بعصبيه: انت اتجننت صح تروح لحد عنده وتتخانق
دعاء :افرض اتصل بالبوليس ولا لقدر الله حصلت حاجه تانيه
معمر بعقلانيه:احنا ناس متربيه, مش بلطجيه نروح نعتدي ع بيوت العالم ونضربهم , ده مش حل ابدا
داغر بقهره :امال هنحلها ازاي , عندها اتنين رجاله والبيه مستقل بيهم, ولسه مستمر يضايقها واحنا نفضل ساكتين وهو يتمسخر بأختنا انا هـ قتله
معمر اتعصب منه: ولما تـ قتله هتدخل السجن ويضيع مستقبلك , فكرت في كده انت كنت عاقل ايه الي صابك, يابني المسائل دي متتحلش بالطريقه دي , انا عايز دعاء ترجع بيتها عايز الاتهمات تختفي من فوق راسها عايزها تقعد وتحل الامور مع آمير
داغر بضيق: اختك مش عايزه تتكلم معاه , ولا تحل المشكله اسألها بيتصل بيها رافضه ترد عليه
معمر: دعاء وبعدين
دعاء بهدوء: آبيه مش هقعد معاه اتكلم في امور مليش ذنب فيها
معمر: امال ازاي هتنتهي الخلافات بينكم
دعاء: انا مليش خلافات مع حد’ حتي لو قعدت مع امير وفهمته, هو محتاج اثبات ع برائتي وانا مش هقعد معاه افهمه اني مظلومه وبريئه , ده كان المفترض يفهمه من نفسه
معمر: دعاء
دعاء: آبيه صفحه آمير مقطوعه الصدمه لما بتيجي من اقرب الناس بتوجع اوي اسفه جدا عن اذنكم احط العشاء
داغر نفخ بضجر: جننتني انا كمان , معندهاش استعداد تسمع وقالت مش هترجع لـ آمير
معمر: وانا مؤيد رآيها , هو ميطلبش اثبات برائتها, كان لازم يصدقها, انا هقوم اروح وخالي بيبو عندكم مفيش حد في البيت
داغر: مش فاهم
معمر: لو معندكش مانع ابني هسيبه هنا عمته تهتم بيه
داغر: امه راحت فين؟؟!!
معمر: طردتها عند امها لحد ماترجع فلوس اختك . ولو مرجعتهاش مش هترجع
داغر: كدا خليك اتعشا معانا
معمر: لاء شبعان , وعندي شغل الصبح من بدري يله سلام
داغر وصله ودخل لدعاء المطبخ ووقف جنبها: مفيش داعي تقلقي بالي حصل اليوم
دعاء بحزن : الامور خارجه عن سيطرتي, الاول كان الامر مقتصر ع بيتي وبس, لكن اليوم جمال بينشر اني خاينه في كل مكان , وعارفه انه مش هيتراجع وكل مكان هروحه هيفضل ورايا ينشر الاشاعات ضدي
داغر: للسبب ده عايزك متفكريش تشتغلي, انتي مش محتاجه الوظيفه , اهتمي بصحتك وبيبو بقي معانا مين يهتم بيه ويراعيه
دعاء: داغر اطلب من معمر يرجع ميسر البيت, مش عايزه الفلوس دي
داغر: شوفي يادعاء المسأله مش مسأله فلوس , ومش عايز بيت اخويا يتخرب ويعيش لوحده لكن مش هناخد ع قفانا من واحده ست , والي حصلها تستاهله
دعاء هزت دماغها بتأيد: انا متفقه معاك , وقلت كدا لاني بقيت يائسه من كل حاجه
داغر: قلت لك سلميها لله بيبو جاع
دعاء: انا هحط الاكل
داغر اخد منها طبق وطلع حطه ع السفره: انا جعان جدا يله يادودوه من فضلك هاتي الاكل يالهوي هموت من الجوع ها يا بيبو ناوي تعمل ايه بعد العشا
بيبو: نلعب سوي بلاستيشن واغلبك
داغر: انا اتدربت كتير ومش هتفوز الليله
بيبو بخبث: هسيبك تغلبني بس بشرط واحد
داغر: ايه هو ياسي بيبو
بيبو: تأخدني انا وعمتي بكره 'ناكل ايس كريم
داغر: بس كده هاخدك بكره 'ناكل ايس كريم مايله يادعاء
دعاء: جايه بلاش دوشه
داغر بضحكه : انا جعان 'والاكل ريحته حلوه 'اعمل ايه افطس من الجوع
دعاء: يله يابيبو خد العيش وكل حبيبي
.............قصص منه محمد كاتب.............
قاعده حاطه ايدها ع خدها بتفكر في الي هيحصلها ومصيرها المجهول
امها: الله يلعنهم اخوات ليه بينتقموا مننا, الاول قسوا ع اختك ودلوقت طردوكي , واخدوه ابنك من حضنك
ميسر: الفت هي السبب في الي انا فيه , بسببها الملعونه بيتي اتخرب , لو مجريتش وري داغر اعمل ايه يا ماما اجيب منين 250 الف بس
امها: الفت قشطتني قبل ما تمشي بس معرفش ايه الي طلعها في دماغها , انا قلقانه لو حصلها مكروه
ميسر: الي تسرق اخرتها سوده, شوفي حصلي ايه نهايه رهيبه 'ماما لازم اخلق الفلوس اعملي اي حاجه , بيعي الشقه التانيه
امها بغيظ: انتي يا بت مجنونه, ابيع شقه باكل من ايجارها , دي هي الي حلتي هبيعها , مش كفايه اختك هربت ومعاها دهبي وانا الي كنت بفكر اجهزها واجوزها مره تانيه, بس ايه الفايده
ميسر: وانا اعمل ايه دبريني
امها: اصبري غضب معمر هيزول مع الوقت ,وهيرجعك لما يلاقي ابنك وحشتيه ,بس الاول لازم نعمل بلاغ بغياب الفت
ميسر قامت من مكانها بنرفزه: متجبليش سيرتها قطعت
امها: انا عارفه ولا هتهتمي بقلق امك ولا بغياب اختك
............قصص منه محمد كاتب............
الشغاله رحاب هانم والدك واخوكي موجودين بره
رحاب بدهشه: ايه بابي وآمير هنا
الشغاله: ايوه في الصالون
رحاب جريت وهي منهاره ودخلت في حضنه :بابي
رياض ضمها: حبيبتي انتي, فيه ايه مالك
رحاب رمت نفسها في حضنه اكتر وبكت
رياض اخدها في حضنه ومسح ع شعرها : ايه الي حصل يارحاب ؟؟ يابنتي ليه بتعيطي
آمير: جمال عملك حاجه
رياض: اقعدي واحكيلي ايه الي حصل؟ ليه متوتره كده!؟
رحاب: ابدا بس لما شوفتك هنا (بكت اكتر) وانت كنت مخاصمني وزعلان مني
رياض مسك دقنها: معقول افضل زعلان ومخاصمك, انتي وآمير حياتي, تعالي معانا احنا جاين ناخدك البيت
رحاب: البيت ليه؟؟!!
آمير: قررنا كده لحد ما نكشف الجانب الحقيقي لجمال وخلال الفتره دي هتعيشي معانا
رحاب: لكن يا آمير
آمير قطعها بحده: رحاب اظن دافعتي عن جمال من باب العناد والمكابره مش اكتر لكن الحقيقه
رحاب: مهما كانت الحقيقه عايزه ادي جمال فرصه تانيه
رياض: انتي جرالك ايه يابنتي حتي بعد ما عرفتي انه بيجري وري مراه اخوكي وانه كداب غشاش ازاي تكملي معاه
رحاب : بس انا لسه بحبه بنفس القدر
آمير: ايه الفايده من حبه وهو ميستهلكيش ولا يستاهل تضيعي كرامتك عشانه
رحاب : زي ما انت بتحاول تنقذ بيتك , وعندك استعداد تدي دعاء فرصه تانيه, انا مش بمنعك وعشان كدا بدي فرصه تانيه لجمال_مسحت دموعها_ وانا مش هقدر اسيبه وارجع معاكم
.............قصص منه محمد كاتب..............
في التراس
ناني بفخر : شايفين بنتي ام قلب كبير, هي مستعده تدي فرصه لجمال, لاء وكمان عطت فرصه لدعاء
رياض بغيظ: بطلي تتكلمي بغباء, ازاي تعيش مع عواطفها لوحدها, لازم يكون عندها عقل كمان وده مش عندك لا انتي ولا بنتك خالص
ناني بغضب: رياض انت بتهني
آمير بحيره: انتم ليه هتتخانقوا
رياض بنرفزه: امك تطير برج من عقل الواحد, مش بتفكر, ليه بنتها عطت فرصه تانيه لجمال
ناني: قولي انت ليه!؟
رياض: السبب واضح ان رحاب الغلطانه , وان دعاء ملهاش ذنب في اي حاجه, وجمال هو الي بيتحرش بمراه ابني , ولسه بيتحرش بيها
ناني صرخت في وشه بعصبية بنرفزه: دعاء, دعاء , دعاء 'انا كرهت الاسم ده , كرهته, انتم الاتنين تمدحوها ونزلتوا دموع عليها
آمير بصلها اوي : انا مش بعيط عشانها , انا بحاول اعرف الحقيقه, هي مراتي ومش عايزها تدفع ثمن ذنب ماعملتهوش , غير كدا ع وش ولاده , ومحتاجني وانا مش معاها
رياض جز سنانه وبصلها بغيظ : ست غبيه
............قصص منه محمد كاتب................
في مول لملابس الاطفال
دعاء: بقولك ايه هروح اشوف الاطقم دي
داغر: اوكيه همرحج بيبو واجيلك
دعاء: اوكيه
داغر موبيله رن فتح الخط ورد: الو ايوه وصلنا , ودعاء معايا
دعاء راحت تنفي الملابس للبيبي ومسكت طقم وفضلت تتأمله بأبتسامه
آمير جه من وراها ومسك ايدها وقال: عجبك ده هشتري لـ ابننا
دعاء لفتله بغضب:آمير سيب ايدي
آمير : دعاء ايه حكايتك عايز اتكلم معاكي
دعاء شدت ايدها منه وبحمقه : انا مش عايزه اتكلم معاك
آمير: ع الاقل عرفيني غلطي, انا بعمل المستحيل عشانك , وواقف بدافع عنك قدام عايلتي وانتي تتكلمي معايا بالاسلوب الفج ده
دعاء: الي حصل كله كان بسببك
آمير: ده بسبب سكوتك, لو قولت لي الحقيقه مكنش حصل, كل الي حصل
دعاء : وعملت ايه بعد ما قلتلك الحقيقه , ها , هنتني وطردتني من البيت
آمير لف حواليه بنزعاج: وطي صوتك احنا في مكان عام , وبعدين انا مطردتكيش من البيت
دعاء : امك واختك قاموا بالواجب وزياده, ايه الي انت عملته منعتهم
آمير اتغيرت ملامحه بقهره : دعاء كنت متعصب جدا , معترف بخطئ , بس محصلش قدامي
دعاء نطقت بحرقه وبغل : نص البلد عرفت دعاء اطردت من بيتها ع ايد اهل جوزها, اصلها طلعت واطيه خاينه حتي مديره المدرسه طردتني وقالت عليا اني ست منحله , لو علمت الاطفال ده هيأثر عليهم
آمير: دعاء من فضلك وطي صوتك صوتك عالي جدا
دعاء : عارف العيب مش عليك العيب عليا , محدش غلط الغلط كله عليا انا بس, والعقوبه الي باخدها استحقها
آمير: دعاء الناس كلها بتسمعنا
دعاء بحده اكبر : ميهمنيش تسمع اني قد ايه كنت طيبه , وبعمل حساب للعشره, دا الي اتربيت عليه , وانتم معملتونيش بالمثل , عشان كدا ابعد عني عشان موركش الي الدنيا علمتهولي
آمير: انا بسعي بشتي الطرق ارجع علاقتنا لكن انتي رافضه
دعاء: ايوه رافضه عشان مش هسعي للحفاظ ع شخص مبقاش عليا لحظه ضعفي , مش هشحت وجوده , عارف العشم ده وحش اوي لما تفكر انك مش هتهون وتهون عادي , والاصعب منه انه يتقل قيمتك ,و تكتشف انك ملكش قيمه اصلا, وغلطتي الوحيدة اني حبيت بجد من كل قلبي وان مشاعري كانت حقيقه مش كدب ولا مزيفه عارف يومها لو سمعتني كنت سمعتك لكن انت كنت مستبيع ولما ترجع هتلاقيني بقولك مع الف سلامه والقلب دعيلك
آمير ضغط على أسنانه : قلت وطي صوتك
دعاء بصتله بضيق وعلقت الطقم بعنف ع الاستاند ولفت مشت وراحت خطفت ايد ابن اخوها ع بره: يله يا بيبو
آمير بيمد وراها برجاء: دعاء رجاء اقفي اسمعيني
داغر وقف قدامه وطبطب على كتفه بخفه : سيبها آمير هي محتاجه هدنه , من كل حاجه
..............قصص منه محمد كاتب......................
رحاب واقفه بتفرك ايدها بتوتر لحد ما دخل من غير ما يبصلها !!!
سولا : جمال جمال
جمال مكمل مشي بدون ما رد
سولا: اظن بتكلم معاك عارف انا ورحاب قلقنا عليك ازاي
جمال بسخرية حادة : وفري خوفك وقلقك المزيف لنفسك, ضربتيني بالقلم ليله امبارح, واثبت لي مدي حبك ليا
سولا : انت عارف سبب القلم , وصدقني مش سعيده ولا فرحانه اني ضربتك, جمال ليه متسبش دعاء في حالها, رحاب هي مراتك وبتحبك كتير
جمال بص لرحاب بحقد: مش عايز حبها , لانها فقدت عقلها, بلاش تمدحي فيها بدون داعي
سولا بهدوء: يابني انا بحاول انقذ بيتك من الخراب
جمال بوقاحه وتبجح: جوازي منها كان اكبر غلطه في حياتي, ودلوقت بقي حبها طوق ملفوف حوالين رقبتي, انا بعترف اتجوزتها بس عشان انتقم من دعاء , لانها رفضتني وانا محبتش الا هي
رحاب وشها شحب واصفر وهزت له دماغها بـ لاء
سولا بنفعال : جمال انت واعي للي بتقوله
جمال اتحولت عيونه للاسود القاتم : ايوه واعي وبكررها تاني مش هحب ست تانيه غير دعاء, حتي لو اتجوزت وعرفت الف ست, انا بقول الحقيقه , دعاء الست الوحيده الي عجبتني تحفظها, تربيتها ومفيش غيرها ملاه عيني, لكن رحاب وقعت بينا وخلتها اهانتني قدام طلاب الجامعه كلها, وبرغم كدا مقدرتش انساها بسهوله , واتجوزت من رحاب عشان اطلقها من آمير واتجوزها
رحاب وسعت عيونها من الصدمة : يعني استخدمتني عشان توصل لدعاء_صرخت من بين بكائها_ ازاي قدرت تخدعني كده ازاي
جمال شاور عليها بحده : انا مخدعتكيش انا عملت فيكي معروف, اتجوزتك وحطيت اسمك جنب اسمي , وبالنسبه لدعاء فرقتي بينا عشان بتكرهيها وبتحقدي عليها اكتر من اي شخص تاني , ويما هنتيها قدام آمير وابوكي وامك
رحاب شهقت بحرقه : ايوه انا بكرهها, وهفضل اكرهها بس انت عارف السبب, لانك حبيتها, وانا حبيتك كتير
جمال انتفض من شدة الغيظ: انتي انانيه, مش بتحبي الا نفسك وبس, اتخلصت منك بس رجعتي لحياتي تاني بسبب مام , واعرفي انا مش بحبك, سامعه مش بحبك
رحاب سحبته من وسطه بتملك : اسمع انت بتحبني , انا عارفه عشان طنط ضربتك انت منفعل
جمال دفعها عنه بمنتهي القسوة : ابعدي عن طريقي
سولا بشخط: جمال
جمال مشي وعيونه عباره عن كتله نار ورزع الباب عمل صوت عالي!!!!
رحاب جسمها بيرجف: طنط شفتي قال ايه انا عارفه انه غضبان عشان مديتي ايدك عليه , هو بيبالغ هو مش بيحب دعاء, هو بيكرهها هو ماخدنيش وسيله , هو بيحبني انا , انتي عارفه صح
سولا : رحاب هدي نفسك
رحاب مره واحده الدنيا غيمت ووقعت من طولها وسولا صرخت بفزع