رواية الحربايه والثعبان
في منزل بسيط جدا
بيبو: ياماما جعان عايز اكل بقي
معمر: ياميسر قومي حضري الفطار لابنك
ميسر اتعدلت ونفخت بزهق: ليه عمال تصرخ زي الديك من الصبح , هو انا مقدرش اخد راحتي وانام لحد الضهر
دعاء داخله بكوبايه الشاي : صباح الخير
معمر شافها ابتسم: صباح الورد
الولد جري عليها: عمتو
دعاء ضمته لحضنها: حبيب عمتو
ميسر بصتلها بقرفه : فين الشاي بتاعي
دعاء: فكرتك نايمه عشان كدا معملتش حسابك
ميسر: ازاي هيجيلي نوم في ام المخروب ده
دعاء تنحتلها وميسر كملت بنرفزه: ليه بتبحلقيلي كدا روحي اعمليلي كوبايه الشاي
دعاء : حاضر فيه ثانيه واحده
معمر: دعاء معلش بعد ما تعملي كوبايه الشاي ممكن تكوي لي الهدوم دي
دعاء : عيوني يا ابيه معمر , يله يا بيبو تحب تاكل ايه ع الفطار
الطفل بيبو : بيض مقلي
دعاء بضحكه : هعملك حالا احلي بيض مقلي
ميسر : الله يوجع دماغك ع الصبح
معمر : ليه تعكري مزاجك من الصبح'خدي الشاي بتاعي ' وتتحل المشكله وهشرب كوبايتك الي بتعمها دعاء وانا هستحما وامشي ع طول للشغل وارجعي نامي براحتك
ميسر قامت لمت شعرها وطلعت تبدء الخناق مع دعاء وامها زي كل يوم
ميسر : دعاء روحي ودي الهدوم لـ اخوكي , واعملي الفطار لبيبو , بس اخبزي عيش ابيض ع البوتجاز ابني بيحبه
دعاء : ايه
ميسر بزعيق : اظن بتكلم بالعربي مش تركي
دعاء : انا كدا هتأخر ع الجامعه ممكن نمشيها عيش فينو
ميسر شدت منها الهدوم وكرمشتهم بغل وشوحتلها: انسي الي طلبته متعمليش حاجه
دعاء: يا ميسـ
ميسر بشخط : خلاص قلت متعمليش حاجه
بهيه ام دعاء ومعمر بهدوء: انتي ليه مضايقه من الصبح كده يا بنتي ياميسر
ميسر بستفزاز: انا عايزه افهم , هو الكلام في البيت ده جريمه , لو عايزني اخيط بؤي واقفله ده يمشي معاكي , لاني عارفه كويس اي قيمتي في البيت هنا
معمر من عتبه الباب: ميسر في ايه ع الصبح بدري
ميسر شاورت له : تعال وانت تسمع بنفسك وانا بتهزق
بهيه : يابني والله ما قولت لها حاجه
ميسر : تقدري تقولي دلوقت مين يمنعك هنا محدش يقدر يمنعك
معمر: يا امي كفايه بقي ايه الداعي للخناق معاها ع الصبح
دعاء : يا ابيه امي مقلتلهاش حاجه , ولا انا كل الي قولته لو عجنت هتأخر ع الكليه
ميسر : انتي بت مش سهله ,تقدري تقلبي اخوكي ضدي, بس صبري له اخر واخره هتدفعه التمن مفيش وقت بيفضل ع حاله ابدا
معمر بضيق: ياجماعه حاولوا تتكلموا معاها بهدوء , انتم عارفين انها حساسه , هاتي هدومي
ميسر رمتها في وشه بغل ومشت متعصبه
بهيه: هو انا اتكلمت
دعاء ابتسمتلها:ماما روحي يله افطري عملت بيض انما ايه خمسه وهكون عندك
بهيه مشت ودعاء اخدت قميص اخوها وصاحبها وراحتله لقته صاحي
دعاء: داغر صباح الخير ،ده انا كنت جايه اصحيك
داغر بضجر: صوت مراه اخوكي العالي يصحي شارع كامل
دعاء ابتسمت: هش وطي صوتك لتعملنا ليله لو سمعتك
داغر: عارف ان ده بيحصل بسببي لو مش عاطل وبشتغل مش هتضطري انتي ولا امي تبقوا خادمينها
دعاء: حبيبي متفكرش كدا وبعدين احنا بنشتغل في بيتنا فامسمهاش خدمه وبعدين انا بحب اعمل الحاجات الصغيره خد كوتلك القميص ده وهتلبسه عشان بتبقي فيه قمر
داغر: انا رايح اشوف شغل ادعيلي يادودو اني اشتغل ع الاقل هترحم من تريقه ميسر عليا
دعاء: ان شاء الله هتشتغل وتبقي الدنيا معاك زي الفل, انا حطيت الفطار يله شهل وكل, انا لازم اروح الكليه
داغر: روحي يله وانا هفطر
دعاء: وعد ياداغر هتفطر
داغر: وعد هاكل
دعاء: هتأكد لما ارجع والله لو مأكلت استلقي وعدك من الي هعمله فيك
داغر بضحكه: وانا خفت منك وهاكل
دعاء: يله سلام
داغر: في رعايه الله
.............قصص منه محمد كاتب.............
في فيلا رياض
ناني: هو مفيش اي تحمل للمسؤليه مفيش مره تعملي حاجه وتكمليها
الشغاله: والله العظيم انا ع اخري ياست هانم
ناني: وانا شايفه انك مش بتعملي اخرك يا امال
امال: انا حطيت الهدوم في الغساله وعليت درجه الحراره عشان البقعه تروح
ناني: انتي بوظتي الهدوم لرحاب قلت لك متحطيش هدومها في الغساله انتي عارفه انها هتتعصب انتي مش مسؤله ابدا ابدا ،اتفضلي خدي حسابك وامشي من هنا ،دوريلك ع شغل في مكان تاني
امال بدموع: لكن ياهانم
ناني بشخط: ملكنش مش هسمعلك
الجده: ايه المشكله انتي ليه متعصبه منها ياناني؟؟!!
ناني: يا ماما مش بتشتغل كويس وبجد مش قادره اتحملها , عشان كدا هشوف شغاله غيرها
الجده للشغاله: روحي شوفي شغلك وخدي بالك المره الجايه
امال: حاضر يا ست هانم
ناني بضيق: لكن يا امي
الجده: تعالي بس اقعدي واسمعيني, امال بقالها فتره طويله شغاله عندنا , وكل الناس بتغلط , وده مش سبب عشان تطرديها وتقطعي عيشها
ناني: يا ماما انتي الي بتشجعيها تغلط وتتمادا عشان كدا هي مهمله
الجده ابتسمت: هم بشر زينا ياناني ،هتفهم لما تشرحلها براحه مش بتضخيم الموضوع
ناني: خلاص انتي عندك حق هقوم اباشر الفطار , تحبي ابعتلك كوبايه لبن الاول
الجده: ياريت بس كوبايه صغيره
ناني وهي بتقوم: طيب
.............قصص منه محمد كاتب.............
في بيت دعاء
بهيه: انا عمري ما عملتك ع انك زوجه ابني من يوم ما دخلتي البيت
ميسره : كله كلام الحقيقه اني مراه ابنك لايمكن اكون بنتك ابدا
بهيه: لاء يابنتي الحقيقه مفيش فرق بين مراه ابني وبنتي , لما تعتبر البيت بيتها والي فيه اخواتها
ميسر بعنجهيه: والله فيه اي حاجه تانيه مفروض افهمها , مش كفايه جوزي بيشتغل عشانكم ،وكل مرتبه رايح ع طلباتكم الخاصه شوفتيني فتحت بؤي
بهيه بكسره: عارفه ابني عليه مسؤليه كبيره وعايزاكي متقلقهوش ع امور تافه بتحصل في كل بيت
ميسر بسخريه: تصوري عمري ما شوفت حرامي بيهزق ظابط, معمر عمره ما قلق من كلامي قلق بسببكم انتم
بهيه : بندعي في كل سجده داغر يلاقي وظيفه بشهادته ويشتغل ويشيل الحمل مع اخوه
ميسر بغل وحقد: اه صلي يمكن ربنا مستني دعائك اهو جه ابنك المبجل , وقادره اشوف ع وشه الفشل , انجزي ومتقعديش تشتكيله عشان وراكي شغل كتير
داغر بص لامه وحط وشه في الارض وطلع من البيت بدون ولا كلمه !!!!!
..........
في فيلا رياض علي السفره وجبه الفطور
آمير بيتكلم ع الموبيل: ايوه قرأت الملف لاء فيه تغيرات بسيطه هقولك عليها لما اوصل الشركه ,اه شويه وابقي ع وصول (قفل وبصلهم بأجمل ابتسامه) جود مورنينج
الكل ردوا عليه الصباح ورياض والده وقاله: امير جدتك وامك نازلين فيا تبكيت عشان حملتك مسؤليه الشركه كلها
أمير: مفيش حاجه من دي ’ انتم عارفين انا نفسي ابقي رجل اعمال ناجح زي بابا وعشان كدا بشتغل ليل مع نهار , بالمناسبه عندي اخبار مفرحه ليك يا بابا انا بدئت اصدر الجواكت الجلد
رياض: ده كويس جدا والنتيجه
آمير: النتيجه هايله ومبشره بعت العينات لـ اروبا وانا في انتظار الرد
رياض: ربنا يوفقك انا موجود معاك
آمير: عارف
الجده بصت لحفيدها بضيق: ممكن تبطل كلام في الشغل , واحنا بناكل ،اتكلم في المكتب وحاول تقضي وقتك دلوقت معانا
ناني بعتاب: قوليله
آمير ضحك: جدتي انا اسف ،المره الجايه مش هتكلم اوعدك
رياض: فين رحاب هي مش رايحه الجامعه النهارده
رحاب دخلت: لاء رايحه صباح الخير عليكم جمعاء (ضربته في كتفه) آمير قوم وصلني للكليه
ناني بتعنف: رحاب مش هتفطري الاول
رحاب بدلع: مامي مليش نفس اكل
الجده: يابنتي طقه الفطار دي اهم وجبه
رحاب: اعمل ايه يا ننانه مش جعانه قوم يا آمير
ناني: هو انتي ع طول مستعجله ومش بتفطري , وكمان تقومي اخوكي من ع الفطار
رحاب اخدت تفاحه : مبسوطه امشي
ناني: امشي
امير شاور لهم: سلام
رياض: باي
...................قصص منه محمد كاتب..................
في الجامعه داخل المدرج
الدكتور فضل يشرح وجمال فضل يشد من رحاب القلم ويهزروا سوي لحد ما دعاء زقت الباب ودخلت وجريت قعدت وراه في اخر المدرج
الدكتور شافها وقال: دعاء
دعاء قامت: افندم يا دكتور
الدكتور بص في ساعته: اتاخرتي لتاني مره
دعاء بحرج: متأسفه جدا بس الاتوبيس فاتني
الدكتور: بس ده مش عذر مقبول , انا بحب الانضباط وده مش عندك
طالبه ما بسخريه: معلش يا دكتور اصلها بتقف قدام الفرن تعجن وتخبز عشان كدا بتتأخر
المدرج كله ضحك عليها ورحاب زعقت في البنت: ايه الوقاحه دي’ انتي معندكيش اخلاق تتكلمي عن زميلتك كدا
الطالبه: مالك يارحاب كنت بهزر
جمال: بس ده مش اسمه هزار دي اهانه
الطالبه: وانت بقي حسيت بالاهانه مش كدا
دعاء لمت حاجاتها وهي بتجري ع برا: انا اسفه
رحاب:دعاااء
جمال قام طلع وراها وده ضايق رحاب منه جدا وطلع يشوفها لقاها قاعده ع السلم تعيط
جيمي: انتي كويسه اشربي ميه
دعاء اخدتها منه وشربت وغسلت وشها وبتدهاله
جيمي بحنيه: خليها معاكي معايا غيرها
دعاء بهمس: شكرا
جيمي: العفو
.............قصص منه محمد كاتب..................
في الجامعه بعد انتهاء اليوم
رحاب: ليه مردتيش عليها وحرقتي دمها
دعاء : خلاص سيبك لو رديت يبقي انا نزلت لمستواها
رحاب: بس انا لو كنت مكانك ادبـ حها
دعاء: عشان انتي صحبتي بتزعلي عشاني اوي
رحاب: طبعا لو مزعلتش عشانك ازعل ع مين (ضربت جبينها ) اوبس
دعاء: ايه الي حصل؟؟
رحاب بمكر و بخبث : مسحت امر مهم
دعاء: ايه هو
رحاب: التكاليف الي بعملها كلها اتمسحت من ع الاب توب ومش عارفه حتي اتمسحت ازاي
دعاء: يارحاب ده مفيش وقت كتير وهنقدمه
رحاب: بالظبط ومش عارفه هركز ع المراجعه للامتحانات ولا ع التكاليف ،دودو تساعديني انا عارفه انتي كمان محتاجه تراجعي قبل الامتحانات والموضوع هيبقي صعب عليكي
دعاء: انا
رحاب: من فضلك انا عامله مسوده كل الي عليكي تكتبيه, لو حتي عايزه الاب توب بتاعي خديه
دعاء بهدوء: لاء عندي كمبيوتر اخويا هكتبه متقلقيش
رحاب: ثانكيو دودي
جمال: هالو
رجاب: هاي جيمي احنا رايحين نتغداء تحبي تنضمي معانا يادعاء
دعاء: لاء روحوا انتم
رحاب: تعالي
دعاء: رحاب لازم اكون في البيت ع معادي
جمال: تعالي اوصلك في سكتنا
دعاء بحرج: لاء الف شكر مفيش داعي سلام
رحاب: سلام ( مسكته من دراعه) يله واقف ليه يا جيمي
دعاء شاورتلها باي ولفت مشت تركب الاتوبيس
رحاب بصتله: شيفاك مهتم جدا بدعاء
جيمي : ازاي يعني مهتم
رحاب برفعه حاجب: يعني الطريقه الي طلعت وراها بيها
جيمي : بصراحه كدا بدئت اعجب بيها ،بس هي متكبره عليا nice جدا
رحاب : nice فعلا
جيمي بمراوغه: مش هنقدر نتغداه سوي هوصلك للبيت , لازم اروح لمام ضروري
رحاب عوجت شفتها: اتس اوكيه 'مفيش مشكله
الفصل الثاني
في بيت دعاء
بهيه : ليه يا امير مبقتش تيجلنا زي الاول ’ ومن يوم ما غبت كل يوم بسأل عليك داغر
آمير: والله يا خالتي مسحول في الشغل ،اصلي مسكت كل حاجه بدل بابا ’ وكل وقتي بقضيه فيه وجيت وجبتلك معايا الحلويات الي بتحبيها
بهيه : ربنا يباركلك يا بني
دعاء خرجت بالشاي: السلام عليكم
أمير: وعليكم السلام
بهيه بعتاب: دعاء جبتي الشاي هاتي معاه بسكوت لـ امير
دعاء :امي نسيت حالا اجيبه
امير: دعاء مفيش داعي ،بلاش تعاملوني ع اني ضيف , امال فين داغر هو مش هنا
بهيه بحزن : الصبح راح يشوف شغل ،ورجع وخرج مضايق لانه متقبلش
امير : خالتي متقلقيش ان شاء الله يلاقي وظيفه قريب
بهيه :يارب يابني
دعاء: ان شاء الله
أمير قام: كدا هقوم انا ،وبلغي داغر يتصل بيا لما يرجع
بهية : ما تقعد شويه معايا
أمير: هرجعلك تاني واقعد معاكي بس لازم امشي حالا
بهيه: ع راحتك يابني
أمير: سلامو عليكم
دعاء: وعليكم السلام مع السلامه
بهيه :دعاء خدي علبه الحلويات دي دخليها في التلاجه
ميسر خرجتلهم وبطريقه وقحه قالت :ايه الحكايه كل ما يجي آمير زياره ،يجي شايل ومحمل اوقات ببقي مستغربه جدا، ازاي واحد زي داغر ملوش فايده ومتطفل يبقي صاحب لواحد غني وابن ناس زي آمير ،بس يمكن عشان عيونه ع اخته الصغيره
آمير كان رجع وبصلها بضيق :سوري نسيت مفاتيحي
دعاء جريت بسرعه ودخلت ع غرفتها تعيط بحرقه
بهيه دخلت وراها وطبطب عليها :متعيطيش يادعاء متقهريش روحك ،ميسر متعوده تسخر ع حياه الناس متعيطيش بالطريقه دي وتقهري نفسك
داغر دخل: فيه ايه ليه الكآبه محلقه ع البيت كله
دعاء مسحت دموعها بسرعه قبل ما اخوها يشوفها
داغر وزع نظراته ما بينهم: قوليلي حصل حاجه يا امي
بهيه: لاء مفيش حاجه يابني
داغر دقق في دعاء لما شهقت وقعد بلهفه جنبها: لاء فيه دعاء بتعيط ،اكيد ميسر قالت لها حاجه تسم البدن ،دعاء قوليلي قلت لك ايه
دعاء عيطت بصوت داغر كمل بغضب: هي مش هتقولي يمه قوليلي انتي اختي بتعيط ليه
بهيه :اقولك ايه امير جه ومعاه علبه حلويات وقعد معانا شويه وقام ودخلت ميسر تلقح انه بيجي وعيونه ع اختك
داغر قام بنرفزه: ازاي تجرؤ وتقول كلام زي ده ع اختي وامير, وامير هيقول علينا ايه لما يسمع الكلام عنه انا مش هسيبها
دعاء وقفت منعته: عشان خاطري ياخويا ,انت عارف اسلوبها ,مش عايزه مشكله تقوم في البيت امي فهميه
بهيه: اسمع كلام اختك , بلاش تكب الزيت ع النار الي ولعتها ميسر , روح لـ آمير بكره شركته واعتذرله
دعاء عيطت اكتر لما جات سيره آمير واتكرر الموقف
بهيه مسحت ع شعرها: متعيطيش يا ضنايا
............قصص منه محمد كاتب.............
يوم جديد بأحداثه
دعاء: داغر انا رايحه الكليه
ميسر: دعاء
دعاء لفتلها: نعم ياميسر
ميسر: وصلي بيبو للمدرسه في الطريق اخوكي راح الشغل بدري عن كل يوم
دعاء: ايوه بس طريقي غيره وعندي امتحان
ميسر بقرفه: عارفه ان طريقك غيره, بس الموضوع كله عشر دقايق, مش هيعطلك عشر سنين
داغر: ماتقولي لنفسك لو وصلتيه مش هياخد من عمرك عشر سنين
دعاء بصتله بعتب وهو ابتسم في وش ميسر غصب وقال: يعني لواخدتيه للمدرسه اهو تمشي رجلك شويه كمرونه
دعاء: بتقول ايه بس ياداغر
ميسر: سبيبه يقولها خليه يحط سمه دي غلطتي لما تربي تعبان في بيتك
داغر اتك ع اسنانه: دعاء امشي هتتأخري
دعاء: السلام عليكم
داغر رد السلام وقام بضحكه: تعال يا بيبو عمك هياخدك للمدرسه يله سلم ع امك
الطفل : باي يا ماما
ميسر لنفسها: يرجع بس معمر من الشغل ان ما خليته يأدبك ماكون ميسر
........قصص منه محمد كاتب...............
في الجامعه بعد الامتحان
رحاب خرجت وراحت قرصت جمال من صرصور ودنه
جيمي: هاي ايه عملتي ايه حليتي؟؟!!
رحاب: حليت نص نص
دعاء قربت منهم بأبتسامه: ازيكم
رحاب وجمال ردوا عليها وهي سألتها: ها عملتوا ايه حليتوا كويس؟؟!
جمال انبسط بهتمامها : كالعاده انتي عملتي ايه؟؟
دعاء: الحمد لله الامتحان كان سهل
رحاب مسكت ايده وبتشده بغيره: جمال تعال عايزه اتكلم معاك
جمال بضيق : استني لحظه
رحاب بتشد فيه: لاء عايزه اتكلم معاك
جمال: اوكيه (لف لدعاء) اشوفك
رحاب بتشد فيه لبعيد: يله
جمال سحب ايده منها بضيق: ايه حكايتك
رحاب: انا الي حكايتي ولا انت الي ليه عايز تقف معاها
جمال: اظن قولت لك انا بحبها
رحاب بحقد مكتوم: ازاي بتحبها وهي
doesn't look like you
نهائي
جمال: ميهمنيش انا عندي الي يغيرها ويخليها زي مش كدا
رحاب: فيها ايه زياده
جمال: عندها الي مش عندنا التواضع والانا زيرو , وبجد كنتي قليله الذوق جدا لما سحبتيني بعيد وهي ابتسمت لينا بكل تواضع هي بني ادمه لطيفه ورقيقه جدا
رحاب بخبث ومكر: معاك حق تبقي مستني ايه روح وقولها كل الي انت حاسه
جمال: شايفه كدا
رحاب بحماس مزيف: شور , ليه متردد تقولها احساسك بيها’ بس رأي استني اخر يوم في الامتحانات
جمال: ده الي كنت ناوي اعمله بما انها اخر سنه
رحاب: بس لو مش هتقدر تقولها في الوش اكتبه ع كارت
جمال بصلها بستغراب : كارت هو احنا في مدرسه ابتدائي
رحاب: لاء بس البنات الي زيها بيحبوا الحركات دي , وربما لما تعمل كده تقولك ايوه
جمال: شايفه كده
رحاب ببتسامه خبث : جدا
جمال ابتسم : اوكيه هكتب مشاعري ع كارت تعالي معايا نختار الكارت يله
رحاب: اوكيه
ياتري آمير هيتقبل اعتذار داغر ؟؟!!
رحاب بتخطط لايه لجمال ودعاء
ميسر هتعمل ايه وهتولع االبيت ازاي
في شركه آمير وتحديدا في المكتب
آمير دخل شافه قاعد ابتسم: ازيك عامل ايه؟؟
داغر قام سلم عليه: الحمد لله ازيك ياصحبي
آمير: اقعد
داغر طلع فلاشه: اتفضل يا سيدي
آمير: ايه دي؟؟!!
داغر: موقع ويب الكتروني
امير: بالسرعه دي
داغر: انا واحد قاعد عاطل بحاول اضيع وقت
آمير: متقولش كدا اعتبره شغل
داغر: امير انا محروج جدا من الي عملته ميسر
آمير بتفهم : بلاش تقول اي كلمه , احنا اكتر من اصحاب ومن زماان , ويعني انا مش عارف اخلاق ميسر اتفضل الشيك ده
داغر بصله بستغراب: لايه ده ..!!
آمير: فلوس
داغر: معقول انا هحاسبك ع حاجه تافهه زي دي
آمير: كنت هدفع لـ اي حد يعملي شغلي , بس انا بدفعها لصاحب عمري , ودلوقت هتاخد الشيك والا تاخد الفلاشه
داغر ابتسم : اما عليك حركات يا امير
أمير: قولي قهوه ولا شاي
داغر: شاي تقيل
آمير بهزار: القهوه الذ
داغر بمرح: اشربها انت
آمير مسك التلفون للساعي: اتنين قهوه من فضلك (قفل وبصله بسؤال) ها بتعمل ايه الايام دي ولا لسه بتلف بالسي في ،في كل مكان لحد ما تلاقي طلبك
داغر: بالظبط وروحت لكذا مكان ادعيلي
آمير: بأمر الله تنول الي بتتمناه لو محتاج اي مساعده بجد قولي
داغر: اكيد ياصحبي
..............قصص منه محمد كاتب..................
في فيلا رياض آمير واقف يفكر يتكلم مع امه ويخطب حب عمره دعاء وينشلها من الحياه الي بتعيشها وخصوصا بعد ما شاف ميسر وطريقتها الوضيعه معاها
رحاب ضربته بخفه في كتفه: بتفكر في ايه؟؟!
امير لف بجسمه بصلها: ولا حاجه الشغل!!
رحاب: اممم ع كلا مامي ونناه بيخططوا يجوزوك جوه
أمير: واو بجد
رحاب ابتسمتله: ايوه بس انت عارف ان انا الي هختارلك مراتك
آمير: ايوه وهتحبيها
رحاب: عفوا انت مخبي عني حاجه
آمير: ولا اي حاجه هخبي عنك ايه , وبعدين انتي عارفه اني اقدر اخبي عنك حاجه
رحاب بغرور : انا واثقه ومتأكده انك مش هتقدر تخبي عني
آمير: يبقي خلاص ويله عشان فعلا اتأخرنا ع مشورنا
رحاب: الاول رد ع موبيلك
آمير حط الموبيل ع ودنه : ايوه ياداغر امر مهم اوك انا رايح المول** تعال نتقابل هناك ٠٠تمام سلام
آمير لرحاب: متأسف جدا صحبي جاي فيه مشكله
رحاب: اوكيه داغر ده صحبك القديم مش كدا
آمير:اه هو
رحاب انكشته من دراعه: اعزموه يتغداه معانا في الكافيه
آمير: تمام هقوله
............قصص منه محمد كاتب................
في المول رحاب دخلت قبل امير الي وقف يتكلم بره في الموبيل وهي ماشيه اتخبطت في شاب
رحاب مسكت كتفها بألم: هو انت اعمي’ مش قادر تشوف وانت ماشي
داغر بصصلها وساكت
رحاب طقطقت بصوابعها قدام عنيه: ماترد مش بكلمك
داغر: اما بت لسانك طويل ماتهدي
رحاب بغرور: انا لساني طويل انت اهبل ولا عبيط , لما تتكلم معايا فوق لنفسك
داغر: براحه يا ابله ليه مكبره الامور
آمير دخل بسرعه بستفسار : رحاب في ايه؟؟!!
رحاب بعصبيه : انا عارفه الشاب الوقح ده طول لسانه عليا
آمير بستغراب: داغر اتواقح عليكي
رحاب بستياء: هو ده صاحبك
أمير: ايوه هو ،واكيد فيه سوء تفاهم
داغر بضحكه: لو مكنتش لحقتني كانت طردتني من المول
أمير ابتسم: دي رحاب اختي الصغيره, هي عصبيه , عشان كدا بتقول كلام قليل الذوق سوري
داغر ببتسامه: من غير سوري كان غلطي انا اسف يا انسه رحاب
رحاب: حصل خير
آمير ضمهم من كتافهم: يله بينا
.................قصص منه محمد كاتب.................
في بيت دعاء
ميسر: هي الفلوس بس تطلع لامك واختك لكن تيجي عند مراتك تتعامل زي البخيل
معمر بضيق : دول مسؤليتي, وقولتلك انتي هديكي فلوس الشهر الجديد
ميسر بنرفزه: يعني عيد ميلادي الشهر ده، تديني الشهر الجاي
معمر بملل: قولتلك الظروف صعبه الشهر ده
ميسر: مقلتش ده لاختك ليه وانت بتديها فلوس المراجعات
معمر: عشان دي امتحانات لـ اخر سنه لو مدتهاش هتضيع عليها السنه
ميسر: وانا فين حياتي الضايعه، انت كل همك في الحياه عيلتك وانا اتحرق بجاز
معمر اتعصب وزعق : اروح امـ وت ولا اقـ تلهم , فهميني مين يهتم بيهم لو مش انا . اخويا مش هيشتغل غير بشهادته وانا الكبير الي لازم اهتم بأمورهم انا محصور بينك وبينهم , اعمل ايه انط من البلكونه
دعاء طلعت ع الصوت شافت امها واقفه بدموع قربت عليها: يله ياماما ادخلي اوضتك
بهيه: ادخل اهديهم
دعاء برقض: لاء يله
.................
في الجامعه دعاء قاعده تفكر في كلام ميسر والحمل الزايد ع كتف اخوها
رحاب راحت لجمال تشد منه الكارت: وريني
جمال رفض: ده كلام خاص
رحاب ببتسامه خبث : طيب يله روحلها بس لو وافقت قول للجامعه كلها انكم بتحبوا بعض
جمال بتمني من قلبه : ادعيلي توافق
رحاب بمكر: اكيد
جمال قرب منها وسط الطلبه وقالها: دعاء
دعاء: افندم
جمال: هو بصراحه انا كنت عايز اقولك حاجه
دعاء بحترام وهدوء: اه اتفضل
جمال بحرج: بصراحه هو انا مش هقدر اعبرلك عنه, بس كتبتهولك في الكارت هنا , اقريه لوسمحتي
دعاء اخدته منه وفتحته وقرئت اد ايه معجب بيها وانه بيحبها بشده , قفلت الكارت وحطته في كف ايده
جمال مسكها من كتفها بقوه: دعاء
دعاء بدون ما تحس لفت عليه ولطشته بالقلم قدام كل الطلبه الي انصعقت وجمال دخل في صدمه اما رحاب فتحت بؤها مكنتش متوقعه الاهانه كدا كل تفكيرها ان دعاء هترفض حبه وبس لكن فرحت ان ده حصل لانه كدا جمال هيكرها لانها مسحت برستيجه فالارض اما دعاء جريت وجمال رماه الكارت ورحاب جريت اخدته وقرئت الي فيه وذاد كرهها وحقدها لدعاء اكتر
........
في بيت دعاء
ميسر رايحه جايه: ايه ده ياحماتي كل ده بتخيطي في حته بلوزه
بهيه: يابنتي انا نظري ضعيف وقاعده بخيط ع الماكنه بالعافيه
ميسر بعصبيه: ياريت تبطلي تحطي حجج ع كل حاجه عندك اعذار جاهزه عند حاجتي , اما لو بلوزه بنتك كنتي ع طول خيطيها
بهيه: والله ماهو كدا
ميسر بشخط : بطلي كلام وخيطي البلوزه , امال فين بسلامتها بنتك انا موت من الجوع , هي مش ليها معاد
بهيه: زمانها جايه قالت لي ع اتنين ودلوقت اتنين وربع
دعاء دخلت: السلام عليكم
بهيه: وعليكم السلام
ميسر: كنتي فين اتأخرتي
دعاء: ايوه اصل كنـ
ميسر بأهانه: بعدين ابقي احكي حكايتك , روحي جهزلي الغدا، وبعدها اعجني واخبزي عيش لاخوكي وانتي ياحماتي شهلي ولا البس عبايه
بهيه لضمت الابره: حالا يابنتي
ميسر نفخت بضجر : والله بختي اسود ومايل في ام المخروب ده , لازم اشيل قرش اخيط بيه عند خياطه انا نسيت كنت جايه ليه؟؟!!!!
اما دعاء دخلت اوضتها غيرت هدومها ولامت نفسها انها ضربت جمال بالقلم قدام اصطف الجامعه وعاتبت نفسها ان الي عمله اه بايخ بس هي رده فعلها كانت قويه
بهيه دخلت: حبيبتي مالك من ساعه ما رجعتي وشك ميطمنش
دعاء: لايا امي ده بس اجهاد من الامتحان
بهيه طبطبت عليها بحنان وعطف: ارتاحي يما وانا هعجن العيش
دعاء بحنيه: لاء انتي طول النهار بتشتغلي , ارتاحي وانا هخلص كل حاجه
بهيه: لاء يا ضنايا انا مش تعبانه هخلص بسرعه
...............
في بيت دعاء المساء
معمر بصلها بغزل : اقسم بالله قمر النهارده ولا كأنه فات ع جوزنا عشر سنين
ميسر لفت وبصتله بغنج: كلامك صح عشر سنين قضتهم في جنينه الحيوان
معمر كشر: بالله عليكي مزاجك يفضل رايق وعارف كويس قضتيهم ازي
ميسر: زي دلوقت واخدني نحتفل وجيوبك فاضيه, ساعات بحس بالندم بجوازي منك , اعمل ايه بحبك, الا انت عارف كان فيه صف عرسان كل واحد احسن من التاني بس رفضتهم عشانك وده الي بتعايرني بيه امي لحد دلوقت
معمر: عشان كدا مديولك وعارف انك بتحبيني( طلع علبه حمره وفتحها) وانا بحبك من قلبي
ميسر وسعت عيونها وشهقت: الله الخاتم ده ليا حلو اوي اواي بس خفيف
معمر: في الوزن لكن في الموده والحب غالي, ولاني مش بحب اشوفك مزاجك متعكر وخصوصا اليوم
ميسر لبست الخاتم: دلوقت عرفت انك بتحبني
معمر اتنهد برتياح: الحمد له انك صدقتي يله نلحق المطعم هيقفل
ميسر: يله ياخويا
معمر طلع لبهيه: امي هنمشي
بهيه بطبق الغسيل: مع السلامه يابني ربنا يسعدكم
ميسر: اسمعي انتي وبنتك طبقوا الهدوم وحطوها في الدولاب وبعد ما تحطوها شربوا كوبايه لبن لبيبو قبل ما ينام
دعاء بحرج: بس اللبن خلص اخر كوبايه عطتها لامي مع العلاج
ميسر: انتي وامك شويه وهتاكلونا ،ولا واحده فيكم مهتمه تسيب اي حاجه للولد الصغير
بهيه: متتعصبيش هبعت داغر يشتري لبن
معمر من بره : ما يله ياميسر اتأخرنا
ميسر: لايمكن حياتي تمشي عدله ابدآآ , طول ما انتم موجودين فيها الصبر
بهيه نزلت دموعها ودعاء طبطبت عليها
.
في المقطم
رحاب اتصلت بجمال الي رد عليها بطلوع الروح وراح يقابلها بالمحايله لانه دخل في مرحله اكتئاب بسبب معامله دعاء وانها رفضت حبه الكبير ليها
جمال دقنه طويله ومتبهدل: ليه طلبتي تقابليني
رحاب: جيمي عارفه انك مضايق بسبب دعاء, وانا كمان نفسك اتصدمت من رده فعلها, انا متاكده ان الي حصلك خلاك مقهور لكن
جمال بصوت حزين ينتحب: مش عايز اتكلم عنه لو سمحتي , حتي قدام بلاش نجيب سيرته
رحاب: عندك حق ليه اصلا نتكلم ،حتي انا نهيت علاقتي بدعاء نهائي , المهم قولي ناوي ع ايه بعد كدا
جمال بص لقدام : هسافر لداد امريكا
رحاب بدهشه: ايه تسافر كدا فجأه
جمال: ايوه هكمل دراستي هناك واشغل وقتي
رحاب: ومامتك هتسيبها هنا لوحدها
جمال: مام جايه معايا ونبقي نرجع بعدين ومتقلقيش هفضل ع اتصال بيكي
.
يوم جديد في بيت دعاء ع العشاء
معمر: دعاء اندهي داغر
دعاء حطت الطبق: حاضر
داغر طلع: انا جيت لوحدي في حاجه ياخويا
معمر : من بكره تيجي الشركه الي بشتغل فيها
داغر: كل الامور تمام
معمر: ابدا عامل الطباعه اخد اجازه لمده ست شهور , والمدير طلب واحد بداله وانا رشحتك تمسك بداله فتره بعد الضهر
داغر: بس انا مليش في الطباعه انا مهندس كمبيوتر
معمر: وفيها ايه لو اشتغلت وبكدا هتاخد مرتب لمده ست شهور امي كلامي صح
بهيه بقله حيله: ايوه صح
داغر: بس انا بكسب من شغلي
معمر بسخريه : لو كنت بالعظمه دي ليه قاعدلي في البيت زي الولايه , عارف انا بصرف قد ايه ع البيت بدل ما تشيل وتساعدني واقف تدوحر معايا
ميسر بصتله بقرفه: هم كدا الناس الي تاكل ببلاش مبتحسش, ومحدش مهتم ازاي بنوفر الفلوس
بهيه: الموضوع مش كدا ياميسر , داغر عارف مصاريف البيت , ورايح من بكره يشتغل
داغر بص لميسر بقرف ومشي وهبد الباب
معمر : يعني شايفه اسلوبه , بدل ما يساعدني يمه يتصرف كدا , كلميه خليه يحس ان المصاريف عاليه عاليا جدا, انا بشتغل زي الطور طول النهار, وكل يوم بيبقي اصعب ومبقتش قادر اوفر المصاريف
ميسر: انسي يامعمر كمل اكل
معمر قام: شبعت
بهيه: يابني
ميسر قامت بغل : اه يارب امتي نخلص بقي عيشه تكفر
في الكافيه
امير: كويس انك رفضت تشغل معاه, لو قبلت العرض تبعه , كنت هتفضل ثابت هناك
داغر بحيره : اوقات بقول اشتغل اي حاجه بدل منا قاعد وايدي متكتفه , بس برضو مش هشتغل تحت رحمه اخويا لانه هيهني اكتر
آمير: انا اتكلمت مع ناس كتير عنك , استني نشوف ردهم هيكون ايه , ولحد ما يحصل تعال اشتغل معايا
داغر : معاك
آمير: ايوه اهو اشتغل لحد ما نلاقي وظيفه بشهادتك, وبعدين هتساعدني انا محتاس في الشغل لوحدي
داغر: انا متاح وتحت اشارتك اساعدك لسبعين سنه
آمير بتحايل : انا بجد محتاجلك معايا لحد مانلاقي وظيفه تناسبك
داغر : هفكر وارد عليك
أمير: وانا مستني
داغر: قوم بقي وصلني
أمير ابتسم واخده لحد باب البيت والعربيه الكوتش فرقع داغر نزل يتفحص العربيه
أمير نزله: ها لقيت ايه
داغر: زي ما توقعت الكوتش فرقع
أمير: والحل
داغر: هنبدله طبعا
آمير : سوري جدا لو هشغلك معايا
داغر فتح شنطه العربيه: ياعم آمير ما تقولش كدا
آمير خد المفك وحاول يفك الكوتشه لكن ايده اتزحلقت وصوباعه اتفتحت جامد
داغر: ايه الي حصل
آمير : ولاحاجه شكلي اتعورت
داغر: ده بينزف
آمير: هاتلي بس منديل
داغر: تعال جوه ده محتاج يتلف بقماشه تكتم الدم
آمير: هو انا يعني هـ موت ياعم منديل وخلاص
داغر بيسحبه: ياعم تعال جوه لازم تغسله
آمير: ملوش لزوم
داغر بأصرار: ياسيدي يله
أمير: هغسله بشويه ميه هنا وخلاص
داغر بصوت عالي : دعاااء
أمير: سيبني اغسله وخلاص
داغر: دعاااء
دعاء خرجت جري: نعم ياداغر
داغر بقلق: بسرعه هاتي ازازه ميه وشاش ومرهم آمير عور نفسه
دعاء بخضه : حالا
داغر: اقعد انت وانا هغير الكوتش وارجعلك
أمير وقف: اجي معاك
داغر اتك ع كتفه يقعد وبمرح : ياعم اقعد بصوباعك ده متقلقش
دعاء جابت شاش وبلستر تعقم الجرح وبصتله بنظره كلها حب وخدودها احمرت من الخجل وهو ركز عيونه عليها لحد ما ضاع في تفاصيلها
دعاء راسها لتحت: ازاي ده حصل
امير فاق ورد بسرعه : ده اه الكوتش للعربيه فرقع , حاولت اعمله مش عارف ايه الي دخل جوه صوباعي اتعور كدا
دعاء بطبيعتها الرقيقه للغايه: لازم تاخد بالك اكتر من كدا
امير اتخدر من صوتها الناعم جدا وبلع ريقه وقال : حاضر هحاول اخد بالي ان ده ميحصلش المره الجايه
ميسر زوجه اخوها : ايه الي بيحصل هنا ده
دعاء وقفت بخوف : ميسر
ميسر بوقاحه: لو عندك شويه خجل لازم يكون فيه سقف للوقاحه, بتعملي ايه وانتي ماسكه ايده
امير ارتبك: يا مدام فيه سوء فهم عندك انا هنا عـ
ميسره حطت ايد في وسطها وبردح : سوء فهم ليه شايفني عاميه , شوفت كل حاجه بنفسي , الطريقه الي قاعدين بتبحلقوا في بعض وتتكلموا
دعاء وشها احمر من شده الخوف: ياميسر الامر مش كدا
ميسر بنظرات احتقار مهينه جدا: مش كدا , بت ولا كلمه واحده منك , اخوكي يجي وهقوله ع كل حاجه , انتي والمحروس بسلامته
آمير حرفيا واقف مصدوم اول مره في حياته يتعامل مع فئه من الناس بالرخص ده ودعاء مرعوبه من قسوه اخوها الي ماشي معصوب وراه مراته ودايس عليهم بما فيه الكفايه عشانها
داغر دخل : بتقوللها ايه؟ ايه الي حصل يادعاء؟؟
ميسر شاورت عليه بحقد: كل ده بسببك انت الي دخلته البيت واتجرء يبحلق فيها
آمير : داغر ثق فيا مش بتقول الحقيقه
داغر حط ايده ع صدر آمير: استني لحظه (لميسر) انتي مش بتتكسفي من نفسك, تتهمي أمير بامر مخزي زي ده
ميسر بردح: اتكسف ليه ياروحي انا بقول الي شوفته صاحبك
داغر قطعها بصرخه: ولا كلمه, امسكي لسانك انتي مش بتهيني صاحبي لوحده بتشوهي سمعه اختي
ميسر: انت متقدرش تخوفني بالنبره دي, الاحسن تسيطر ع افعال اختك , بدل ما تسكتني والا راسكم هتتحط في الطين قال يتعصب عليا قال
آمير مشي بدون ولا كلمه لما شاف انهيار دعاء وقرر لازم يتجوزها في اسرع وقت ممكن
...........قصص منه محمد كاتب.......................
في بيت دعاء بالليل ميسر قدرت تبخ سمها في ودن معمر
معمر: من هنا ورايح ممنوع الي اسمه امير يدخل البيت
داغر: ليه؟؟!!
ميسر: وبتسأل ليه؟؟!
داغر: معمر سكتها , وبعدين ده صحبي وانا اعرفه وعارف اخلاقه , لايمكن يعمل شئ حقير زي الي بتقوله مراتك , دي شغلتها تخلق المشاكل , دي طريقتها الخاصه
ميسر: ليه اخلق مشاكل انا شوفتها بتتكلم معاه
بهيه بهدوء: بس دي مش اول مره أمير يدخل فيها بيتنا
ميسر: يعني بتعترفي انهم بيقعدوا يبحلقوا لبعض
داغر اتعصب اكتر : شايف عقليتها
بهيه: بنتي مش كدا وآمير اخلاقه فوق الممتازه زي داغر
معمر: وميسر هتكدب ليه ان فيه حاجه بينهم
داغر: لانها كدايه وبتفتري ع اختي
ميسر: ليه هعمل كده ليه، انا يهمني احترام البيت , وكلام الناس ,والي هيقوله, لو الامر خرج بره الجدران هنا
داغر بنظره ضيق: انا متأكد ان الي زيك هم بس الي يفكروا التفكير القذر ده, مراتك كل همها تفجر مشاكل في البيت
ميسر: شكلك متكيف ان ده بيحصل بينهم
داغر شاورلها بتحذير : ميسر عندك
معمر: وطي صوتك واياك تنسي انك واقف قدامي
داغر بزعيق : يعني مش سامعها ازاي بتهين اختك بدل ما توقفها تسكتني
معمر بغضب: ايه الغلط في الي قالته , دي مسؤليتك وغلطتك , وانت رافض تعترف , بس لو عايز تدخله البيت يبقي تصرف من جيبك وتبقي راجل
داغر مسكه من ياقته وهبده ع الحيط وصرخ فيه: معمر
بهيه شدته وضربته بالقلم: بتمسك في اخوك الكبير وقدامي اعتذر
معمر: هيفيد بأيه الاعتذار , ده بسبب تشجعكم , كلكم بتعاملوني كحيوان , اهملت مصاريف مراتي وابني عشان ادفع لدول ودي الطريقه الي بيشكرني بيها روح الله يلعنك
بهيه بتمسكه: معمر
ميسر زقتها: ابعدي عنه بقي
دعاء جريت ودخلت في حضن امها وداغر خرج من البيت ودعاء ملحقتش تحصله
لقراءة باقي الفصول اضغط هنا