رواية الضحية الفصل الاول1والثاني2 بقلم اروي عادل
المقدمة والاول والثاني
تبدأ قصتنا عندما قرر عمر الحبيب السفر للعمل فى إحدى دول الخليج حتى يستطيع تكوين نفسة لكى يستطيع الزواج من أروى حب حياته بل عشقه الاول والاخير ..
كان فى ذلك الوقت أروى تبلغ ١٨ عام بينما عمر ٢٤ .. لحاد هنا كان كل شئ يبدو طبيعى لكن القدر كان له كلمة أخرى
عندما قررت الحياه ان تعطى ظهرها لأروى
ان تظهر الحياة لها أسوء ما فيها
لتصبح ضحية ذنب لما تفعلوا
.و تدفع ثمن خطأ ليس لها
و تتحول أروى من فتاه محبوبه من الجميع إلى فتاه منبوذه و مرفوضة من الجميع المحيطين بها
حتى عائلتها استبعادوها عنهم كأنها حشرة نكره لا قيمة لها
الكل ينظر إليها بأحتقار
حتى الرجل الذى أحببته أكثر من نفسها أحتقار . كما كان يتلذذ فى أذائها
ما أصعب أن يتحول الحبيب إلى عدو شرس لا يرحم
أذآ فلنبدأ قصتنا و نعرف ماذا حدث مع لضحية الواجب
هيا بينا. نبدأ
#المقدمة_لإحداث_الرواية_الضحية
اليوم الفراق
يوم سفر عمر
فى سطح العمارة إحدى أحياء القاهرة
يجلس عمر فى أنتظار حبيبته أروى حتى تأتى لكى يودعها و هنا ظهرت أروى وهى تلتفت و هنا وهناك لتتأكد أن لما يراها أحد هى تصعد على السطح
عمر ٠٠ فى ايه مالك هو أحنا بنسرق
أروى ٠٠ (تتحدث بتوتر) اه و أكتر كمان يعنى مكانش ينفع تسلم عليا و أحنا تحت وخلاص أنا خايفه يكون حد شافنى و أنا طالعه
عمر ٠٠ اهدى شويه بطلى قلق وترتينى
و كأنى دى أول مره نتقابل على السطح العماره
أروى ٠٠ بس يا عمر
( قطع عمر حديثها وقال)
عمر ٠٠ ششش اسكتى ولا كلمه خلينى ابصلك بس و أشبع منك.. أنا مش مصدق أنى مش هشوفك لمدة سنتين ياه هتوحشنى أوى يا أروى
أروى ٠٠ اسكت بقى هتخلينى أعيط .. أسمع بقى انت كل يوم هتكلمنى على النت مكالمة فيديو .
و أوعى يا عمر تبص على أى واحده غيرى أقسم بالله هقتلك
عمر ٠٠ هو انا أصلآ عينيه بتشوف غيرك انتى حبيبتى و صاحبتى و بنتى و عمرى كله و هتبقى مراتى و أم أولادي
( هنا لم تستطيع أروى السيطرة على دموعها رغم أنها حاولت أن لا تبكى أمام عمر لكن فقدة السيطرة على دموعها و هنا أقترب عمر منها و قامة بمسح دموعها وهو يقول)
عمر ٠٠ أنا مش عايز أشوف دموعك دى أبدآ .
( ثم مسكها من ذراعيها و لف وجهها إليه هو يقول )
كمان انتى بتكون وحشه أوى و انتى بتعيطى على فكره
( كان بيحاول ينرفزها حتى تتوقف عن البكاء .. حينها قالت أروى بصوت أنثوي طفولى لا يخلو من الدلع)
أروى ٠٠ يا سلام يا خويا أوعى كده انا حلوه فى كل حالاتى
عمر ٠٠ حلوه بس ده انتى أميرتى الجميلة صاحبة اجمل عيون و أجمل ضحكه أم غمزات و أجمل شفايف كمان
( هنا قامت أروى بضرب عمر على صدره و هى تقول)
أروى ٠٠ بطل قلة أدب
عمر ٠٠ يا ساتر عليكى انتى مش بتفوتى أى حاجة
أروى ٠٠ اه أذا كان عجبك
عمر ٠٠ هههه عجبنى والله عجبنى.. هو أنا أقدر اقول غير كده المهم امسكى الأجندة دى
أروى ٠٠ ايه الأجندة دى
عمر ٠٠ دى من أول بكره تكتبى فيها يومياتك و انا كمان هكون معايا أجندة زيها
أروى ٠٠ مش فاهمه ليه
عمر ٠٠ دى عشان تكتبى فيها كل حاجة تحصلك كل يوم لمدة السنتين و انا كمان هعمل زيك و لما أرجع من السفر أنا هاخد الأجندة إللى معاكى وانتى هتاخدى الأجندة إللى معايا.. و كده كل واحد فين هيعرف كل حاجه حصلت مع التانى خلال السنتين
أروى ٠٠ أى حاجه أى حاجة
عمر ٠٠ أه أى حاجه و كل حاجة أحاسيسك
و مشاعرك أى حاجة بتحسى بيها. .من غير أحراج كأنك بتكتبى لنفسك ..وأنا هعمل كده بردو ا. قوليلى عندك الجرأه أنك تعملى كده
أروى ٠٠ طبعآ ياعمر انت عارف أنى عمرى ما خبيت عنك حاجة
عمر ٠٠ خلاص يبقى أنتى تاخدى إللى لونها بمبى المكتوب عليه عمر. .. و انا هاخد إللى لونها أزرق المكتوب عليه أروى
أروى ٠٠ تمام . اه صح انا جبتلك هديه اتفضل
( اخرجت أروى خاتم فضة من جيب البنطلونها مكتوب عليه أحرف الأوله من اساميهم و قامة بوضعوا فى إصبع يده
عمر ٠٠ خاتم ايه ده هو انتى بتخطبينى
أروى ٠٠ ( بأحراج) ده عشان أى واحده تحاول تقرب ليك و تشوف الخاتم تعرف انك بتاعى انا ...
( هنا عمر مسكها من خدودها برفق وهو يقول)
عمر ٠٠ حبيبتى الغيوره
أروى ٠٠ تعرف انا لو أطول اعلق على ركبتك لوحة و اكتب عليها ممنوع الاقتراب هذا من ممتلكاتى الخاصة
( قهقه عمر على تفكير أروى الطفولى ثم قال )
عمر ٠٠ و الله هيوحشنى جنانك ٠ تعالى انتى بقى شوفى انا جبتلك اية
أروى ٠٠ ايه دى.. سلسله و فيها حجر كريم أخضر
عمر ٠٠ أه انا عارف انك بتحبى الأحجار الكريمة
تعرفى الحجر ده رمز للحب عند الفراعنة . و طول ما انتى لبسه فى ركبتك هيفضل حبنا موجود
( بعد ما قامة عمر بوضع السلسله فى عنق أروى قال)
عمر ٠٠ أنا لازم امشى كده هتأخر على الطياره
أروى ٠٠ ( بحزن) هو ميعاد الطياره امتى
عمر ٠٠ بعد ساعتين ... ومن غير عياط بالله عليكى
( عدى دقائق هم ينظرون لبعض فى صمت و كأن كل منهم يطبع ملامح الاخر فى ذكرته. و لم يكسر الصمت غير صوت هاتف عمر كان زين صديقه يقول له أن السيارة جاهزه لتنقلوا للمطار بعد انتهاء المكالمة قالت أروى)
أروى ٠٠ خلاص هتمشى
عمر ٠٠ ( بحزن ) هتوحشينى يا أورى
أروى ٠٠ ( بألم) وانت كمان
عمر ٠٠ ( بخبث) أروى هو انا لو حضنتك دلوقتي هتزعلى
( ابتعدت أروى عن عمر و قالت)
أروى ٠٠ ايوه كده أظهر على حقيقتك .. دخلت عليا بطقم حنيه و كلام حلو و سلسلة هديه كل ده عشان توصل لغرضك إللى مش محترم
عمر ٠٠ الله يخرب بيت دماغك .. انتى كبرتى الموضوع كده ليه .. كل إللى انا طلبتوا بس حضن
و خلاص انا ماشى مش عايز حاجة
( أستعد عمر للمغادرة عندما سمع صوت أروى و هى تقول)
أروى ٠٠ عمر انت هتمشى خلاص و تسيبنى
( هنا رجع عمر أليها و قامة بأحتضانها بقوة وهو يستنشق عبيرها ... ثم انطلقه مسرعآ قبل أن بفقد السيطرة على نفسه وهنا أطلقت أروى صرح دموعها التى كانت تنهمر على خديها مثل الشلال هى لا تعلم لماذا اتقبض قلبها فى ذلك الوقت و كان لديها شعور قوى بعدم الراحه
##################
بعد مرور شهرين من سفر عمر
####################
فى منزل محمود الكيلانى
داخل غرفة أروى فى المساء
--------------------------
تجلس أروى هى تكتب فى دفتر يومياتها كل ما حدث معاها خلال اليوم مثلما طلب منها عمر
بدأت الكتابه
!!!!!!!!!!
مساء الخير انه اليوم ٦٠ و انت بعيد عنى
اليوم جاء صاحب الشركة التى تعمل بها شقيقتى أسراء لطلب يديها لزواج منذ أن غادر منزلنا و المنزل منقسم نصفين نصف موافق و يرى أن الزواج من هذا الثري فرصة العمر لا تعوض لأسراء و النصف الآخر يرى أنه ستكون زواج غير متكافئ للفرق الكبير بينهم فى كل شيئ
!!!!!!!!!!!!!!!!!!!!!!!!!!!
وهنا دخلت أشجان غرفة أروى و قالت
أشجان ٠٠ممكن تقوليلي انتى بتعملى ايه هنا و البيت كله مقلوب بره و انتى قعدة تكتبى و لا على بالك حاجة
أورى ٠٠ و أنا أعمل ايه يعنى يا ماما
أشجان ٠٠ يعنى انتى عجبك إللى اختك بتعملوا
أروى ٠٠ ياماما أنا رأي لا هيقدم ولا هيأخر كمان حضرتك عارفه أسراء كويس هى مش هتغير رأيها
أشجان ٠٠ قفلتيها فى وشى ..طيب قومى يلا كلمى أبوك
☆☆☆☆☆☆☆☆☆☆☆☆☆☆
بعد مرور أسبوع
#############
كان يجلس جميع الأسرة أثناء المساء عندما قالت اسراء
أسراء ٠٠ بابا طارق جاى النهارده
محمود ٠٠ انتى لسه عند رأيك فى موضوع جوزك من صاحب الشغل بتاعك
أسراء ٠٠ ايوه يا بابا ده بعد أذنك طبعآ
محمود ٠٠ طيب فكرتى فى فرق إللى بينكم فى الحالة الاجتماعيه و السن
أسراء ٠٠ بابا فرق السن ١٠ سنين بس يعتبر مش كتير
أشجان ٠٠ طيب بالنسبال انه كان متجوز قبلك
أسراء ٠٠ ما حضرتك قولتى يا ماما قبلى لكن دلوقتى لاء. هو مطلق
أنجى ٠٠ فكرى كويس يا أسراء ده جواز
أسراء ٠٠ قولتلكم فكرت و انا راضيه عن قرارى
أشجان ٠٠ بس انا مش موافقه
محمود ٠٠ بقولكم ايه انا هدخل أنام و بكره تكونوا اخدتم القرار النهائى عشان نقفل الكلام فى القصة دى تانى
( بعد ما غادر محمود لغرفته قالت أورى )
أروى ٠٠ أسراء أيه أخبار عادل
( عادل بيكون خطيبها و حبيبها السابق خطوبه دامت ٣ سنوات ولم يستطيع عادل توفير مسكن لزوجيه حينها قرر السفر لتوفير المال لشراء شقه عندما علمت أسراء انه قرر السفر فسخت الخطوبه)
أسراء ٠٠ تقصدى ايه بكلامك يا أروى
أروى ٠٠ أسراء كلنا عارفين انك لسه بتحبى عادل بيقى ازاى عايزه تتجوزى طارق ولسه عادل جوه قلبك
أسراء ٠٠ يعنى عملى ايه الحب .. انا لازم أمشى ورا عقلى.. و بالعقل كده أنا عندى ٢٣ سنه عايزانى استنا كمان ٣ سنين لما عادل يقرر يرجع من السفر اكون سعاتها عندى ٢٦ و عقبال لما نتجوز و اخلف أكون عندى ٣٠ سنه.. افضل بقى طول حياتى أربى العيال
و حياتى تروح منى فى الفقر و قلة الحيله..
أنجى ٠٠ ده الطبيعى و سنة الحياة
أسراء ٠٠ طيب وليه مع أنى قدامى طارق إللى هيخلينى ملكه . شقة على النيل. عربية أحدث موديل لبس من احسن براندات . غير ده كله هو عايزنى بشنطة هدومى ..يعنى حاجة ببلاش كده
أروى ٠٠ كل إللى قولتى ده مش هيخليكى سعيدة ..اسراء فكرى أنتى هتتجوزى واحد و قلبك مع واحد تانى . بكره تندمى
أشجان ٠٠ أهى أختك الصغيرة قالتلك اعقلى يا بنتى بقى
أسراء ٠٠ خلاص سيبونى أجرب أنا واثقه أنى مش هندم و طارق هو الاختيار الصح
أشجان ٠٠ خلاص براحتك . واللى بيشيل قربة مخرومة بتخر على دماغة هو مش حد تانى
☆☆☆☆☆☆☆☆☆☆☆☆☆☆☆☆☆☆
بعد مرور شهر
#############
أروى تجلس كعاده تكتب فى دفتر يومياتها
!!!!!!!!!!!!!!!!!!!!!!!!!!!
عمر انا أسفة ياحبيبى لأنى لما اكتب لك فى يومياتى منذ أسبوع انت تعلم أنى كنت مشغوله بتحضير تجهيزات الزفاف شقيقتى أسراء و الحمدالله تم على خير... تعرف ياعمر رغم أن الجميع كانوا منبهرين بسخاء و الكرم الزائد لطارق كمان انه رجل خلوق متواضع يحترم الجميع.. الا أننى لم أرتاح لهذا الطارق لدي أحساس انه يتصنع ليس على طبيعته . ده غير نظراته أتجاهى يوجد بيها شيئ مريب لا اعلم يمكن هذا كل من وحى خيالى
المهم سوف أذهب إلى الفراش الآن تصبح على خير
☆☆☆☆☆☆☆☆☆☆☆☆☆☆☆☆☆
بعد مرور ٤ شهور
##############
أستيقظت أروى على صوت شيجار ولدها مع أسراء
خرجت مسرعة من الغرفة و قالت.....
أروى ٠٠ فى ايه
أشجان٠٠ اهدى يا محمود مش كده انت قلبك وجعك
هنا حط محمود أيده على قلبه كأنه على وشك الإصابة بأزمة قلبية
محمود٠٠( بصراخ) بنتك عايزه تفضحنا
#يتبع
#نبذه٠عن٠شخصيات٠الاساسية٠للرواية
#واعمارهم٠فى٠الوقت٠الحالى
بطلت الروايه #أروى ٢٢ عام
فتاه شقية مرح جميلة جذابه تمتلك جميع مقومات الأنثى الكامله .... طالبة كليه طب الفرقة الرابعه.. تحب القرأءه و الكتابه
من أسرة متوسطة الحال
الأب #محمود الكيلانى. ٥٠ عام.. رجل تربوية موجه أول للغة العربيه....
الأم #أشجان عبد الحميد ٤٦ عام.. ربة منزل أم مصريه أصيله
الاخوات
#أسراء ٢٦ عام .. فتاه جميلة طموحه خريجة تجاره انجلش
#أنجى ٢٤ عام.. فتاه جميلة اجتماعيه متواضعه آخر عام كلية هندسة
آخرهم أورى
#طارق الهاشمي زوج أسراء ٣٤ عام ..رجل أعمال ميسور الحال رجل قوى الشخصيه عنده حب التملك يحب السيطرة لديه ميول عدوانية اتجاه من يقترب من ممتلكاته .. لديه مشاعر سرية اتجاه أروى
#زين خطيب أنجى ٢٨ عام .. شاب طموح ذكى أحتماعية مهندس ديكور صديق مقرب لبطل روايتنا عمر
☆☆☆☆☆☆☆☆☆☆☆☆☆
بطل الروايه عمر
المهندس عمر ٢٨ عام .. خريج الهندسة شاب وسيم ذكى قويه رياضى شخصية قويه واثق من نفسه نابغة فى الهندسه المعمارية رغم صغر سنه إلى أنه أثبت وجوده فى أكبر شركات المقاولات فى إحدى دول الخليج
من أسرة حالتها فوق المتوسط
الأب عزت الصاوى ٥١ عام مدير فى إحدى البنوك
الأم #ليلى عثمان ٤٦ عام .. مديرة إحدى مدرس الحكومية .. وبنت عم أشجان ام أروى
الأخت الوحيده #روان ٢٢عام صديقة الطفوله لأروى
☆☆☆☆☆☆☆☆☆☆☆☆
اصدقاء عمر
حسام من أكثر الأشخاص الذى يثق بيهم عنى
أصدقاء أروى
روان #ريم
عادل خطيب أسراء السابق
غادة ٢٦ عام مهندسه ديكور شقيقة زين و صديقة أنجى و مجنونه بحب عمر لذلك تكره أروى هى أيضآ من سكان نفس العماره
ملحوظه توجد صداقه قويه بين عائلات الاصدقاء لانهم يسكنون فى نفس العماره
أما باقى الشخصيات سوف نتعرف عليها أثناء القرأت
وما هى الفضيحه الذى تحدث عنها محمود
ما العلاقة التى تجمع بين أروى وطارق
ماذا فعلت أسراء
الفصل الثاني
محمود ٠٠ انتى عايزه تفضحينا
أسراء ٠٠ اعمل ايه يا بابا أنا مش قدرة اكمل معاه
محمود ٠٠ اقول ايه للناس بنتى عايزه تطلق بعد كام شهر من جوزها
أروى ٠٠( بصدمة) طلق ايه ده هو انتى لاحقتى
أسراء ٠٠ مالكيش دعوة أنتى يا أروى و كمان دى حياتى و انا حره فيها
محمود ٠٠ آمال لما هى حياتك و انتى حره فيها جاية ليا ليه
أسراء ٠٠ أنا أسفه يا بابا انا طبعا مقصدتش حضرتك انا اقصد أروى
محمود ٠٠ أروى دى اختك مش واحده من الشارع
أشجان ٠٠ محمود اهدى بالله عليك كل حاجة و ليها حل
محمود ٠٠ طيب قوليلى يا أشجان دى حلها ايه .. لسه من كام شهر كانت واقفه فى نفس المكان جات و قالت انا هتجوز طارق دى حياتى و انا حره فيها.. و النهاردة بردوا جايه و بكل بجاحة تقول انا عايزه اطلق من طارق دى حياتى و انا حره فيها
أسراء ٠٠ بابا ارجوك أفهمنى انا ماينفعش اكمل مع طارق
أشجان ٠٠ طيب ايه السبب فهمينا
( هنا سكتت أسراء وهى تفكر فى سبب مقنع يجعلهم يوافقون على الطلاق وهنا قال محمود)
محمود ٠٠ شوفتى اهى سكتت اكيد مش عندها رد .
أسراء ٠٠ هو مش كفاية أنى مش عايزه اكمل حياتى مع طارق
محمود ٠٠ اخرسى بقى انتى ايه مش خايفه على سمعتنا قدام الناس ولا سمعة اخواتك البنات انا إللى ربيت أجيال مش قادر أربى بنتى
( وهنا محمود كاد بفقد الوعى عندما جلس على الكرسى كان واضح عليه التعب وهنا صرخ الجميع وقالت أروى بصراخ )
أروى ٠٠ أنجى بسرعه هاتى جهاز الضغط من على مكتبى كمان هاتى برشام القلب بتاع بابا
(هنا صرخت أسراء )
أسراء ٠٠ ( برعب ) بابا مالك ...بابا انا أسفه
أروى ٠٠ ( بصراخ ) ابعدى عنه انتى عايزه ايه منه تانى
أسراء ٠٠ أروى انا مقصدتش
( قطعت أروى حديثها وهى تقول بعصبية)
أروى ٠٠ طول عمرك أنانية مابتحبيش غير نفسك مايفرقش معاكى أى حد حتى أهلك
( و هنا سقطت أسراء أرضآ مغشى عليها هذا ما زاد الطين بلة )
☆☆☆☆☆☆☆☆☆☆☆☆☆☆☆
فى المساء من نفس اليوم
الجيع مجتمعون حول محمود بعد ما تحسنت حالته الصحية بعد ما علم ان أسراء حامل كما أنها ترجعت عن فكرة الطلاق من طارق
وهنا وصل طارق بعد ما اتصل عليه محمود وبعد ما القى تحية المساء قال
طارق ٠٠ خير يا عمى اتصلت بيا قولت انك عايزنى ضرورى
محمود ٠٠ طيب أقعد يابنى الأول
أشجان ٠٠ قولى تشرب أيه ولا تتعشا الأول
( من غير مقدمات قال)
طارق ٠٠ ياريت كوبية قهوة و تكون من أيدك يا أروى
أروى ٠٠ ( بأستغراب ) حاضر
( كانت أروى ملاحظة نظراته طارق الملفته أليها و اهتمامه الزائد بيها )
بعد دقائق جاءت أروى وهى تحمل صينية عليها فنجان القهوة وعندما قامت بتقديم القهوة إليه تعمد طارق ملامسة يدها بطريقة أثارت شكوك أروى أتجاه نوايا طارق إليها... لكنها نفضت الفكره من دماغها وقالت لنفسها أكيد أنها تتوهم )
أشجان ٠٠ طارق مبروك أسراء حامل
طارق ٠٠ ( بدهشة ) حضرتك بتهزرى صح
أنجى ٠٠ وهى دى فيها هزار
طارق ٠٠ حامل أزاى يعنى
محمود ٠٠ لا إله إلا الله إيه إللى انت بتقولوا يابنى
أشجان ٠٠ أكيد أتلخبط من المفجأه
( مرت ثوانى و طارق ينظر إلى أسراء بطريقة غير مفهومه كما كان واضح انه غير سعيد بهذا الخبر)
أسراء ٠٠ فى ايه انت بتبصلى كده ليه
( كان الجميع متوتر من رد فعل طارق على الخبر حامل أسراء هنا قررت أروى أن تغير حالة التوتر عندما قالت)
أروى ٠٠ أبيه طارق قولى بقى انت نفسك فى بنت ولا ولد
( هنا نظر طارق لأروى و أخيرآ ابتسم بأتسامه خبيثة وقال)
طارق ٠٠ بنت وتكون شبهك و هسميها أروى كمان
أسراء. ٠٠ كنت فاكره انك هتقول انك عايز بنت شبهى انا
أشجان ٠٠ و انتى ايه و أروى أيه فى النهايه انتم أخوات
طارق ٠٠ طيب أستأذن أنا دلوقتى .. وانتى يا أسراء خليكى هنا النهاردة لانى عندى شغل لحاد الصبح
( ثم غادر دون انتظار أى رد من احد )
أسراء ٠٠ شوفتم ده شكل واحد لسه عرف ان مراته حامل
أشجان ٠٠ معلش يابنتى فى ناس مبتعرفش تعبر عن إللى جواها
هنا أستأذنت أروى لكى تذهب إللى غرفتها ..وعندما دخلت الغرفة مسكت القلم و كتبت فى دفتر يومياتها كل ما حدث طول اليوم
☆☆☆☆☆☆☆☆☆☆☆☆☆☆☆☆
فى إحدى الملاهي الليليه
يجلس طارق على البار يشرب مشروبات كحوليه مع شادى صديقه الوحيد و كاتم أسراره و شريكه.. و بعد ما حكى طارق له مع حدث .. ثم تذكر ماذا قال له دكتور أستشارى أمراض الذكورة و العقم من
٥ أعوام عندما كان متزوج المره الاولى
###########
فلاش باك
############
طارق ٠٠ انت بتقول أيه يا دكتور
الدكتور ٠٠ أنا عملت التحليل ده ٣ مرات وفى كل مره نفس النتيجة
طارق ٠٠ يعنى انا عمرى ما هكون أب
الدكتور ٠٠ للأسف دى الحقيقة التحليل إللى قدامى بتقول كده
طارق ٠٠ طيب مافيش علاج أنا ممكن أسافر ايه مكان فى العالم
الدكتور ٠٠ للأسف مافيش علاج لحالتك
طارق ٠٠ يعنى مافيش أمل انى اكون أب
الدكتور ٠٠ أنا أسف
##############
العودة من الفلاش بال
###############
طارق ٠٠ ( بعصبية ) واحده زى دى خاينه انا جبتها و نضفتها و عملتها واحده ست عايزه تضحك عليا انا
شادى٠٠ أهدى يا طارق مش يمكن إللى فى بطنها ده يكون فعلآ أبنك
طارق ٠٠ ابنى ازاى انت عارف انى مابخلفش
شادى ٠٠ مافيش حاجة بعيده عن ربنا
طارق ٠٠ مستحيل يكون إللى فى بطنها ده ابنى
شادى ٠٠ خلاص اعمل تحليل دى أن أى و أتأكد انه مش أبنك و بعدين أعمل إللى انت عايزه
طارق ٠٠ بيقى لازم أستنا لما تولد بعدين أعمل تحليل
و أتأكد وبعدها لازم أعرف مين الكل،ب إللى خانتنى معاه وبعدين انا هعرف شغلى معاهم
شادى ٠٠ ده الحل الوحيد.المهم انسى قولى أيه أخبار أختها
طارق ٠٠ أروى ياه يا شادى دى حورية من الجنة ماشيه على الأرض .. كل حاجه فيها جميلة و مظبوطة على مسطره شعرها الناعم الطويل عينها الزرقه جسمها المنحوت و........... ( قطع شادى كلامة و قال )
شادى ٠٠ أيه اهدى شوية و اوعى تنسى انها أخت مراتك
طارق ٠٠ أه فكرتنى ليه بس .. تعرف انا عشان خاطر أروى بس . النهاردة مسكت نفسى. ماقت*لتش أسراء لما قالتلى أنها حامل
شادى ٠٠ يعنى عشان خاطر أروى ممكن تعدى خيانة أسراء
طارق ٠٠ أنا عشان خاطر أروى ممكن اعمل ايه حاجة
بس بردوا أسراء لازم تدفع تمن خيانتها ليا بس مش دلوقتى على الأقل
شادى ٠٠ آمال امتى
طارق ٠٠ كل شئ فى وقته حلو..
☆☆☆☆☆☆☆☆☆☆☆☆☆☆☆
#############
بعد مرور ٨ شهور
بعد ولادة أسراء بشهر
##############
تجلس أروى فى غرفتها أمام الاب توب تتحدث الى عمر عبر الإنترنت
---------
عمر ٠٠ انا تعبت ماعندش قادر كل يوم بيعدى عليا وانا بعيد عنك كأنه سنه
أروى٠٠ معلش هانت فات سنه و شهرين و فاضل
٨ شهور
عمر ٠٠ مالك بتتكلمى ببساطه كأنهم ٨ ايام
أروى ٠٠ يعنى هعمل ايه لازم نستحمل.. المهم زين وأهلو كانوا عندنا امبارح عشان يخطبوا أنجى
عمر ٠٠ أه عرفت زين قالى .. آه صح فكرتينى ايه حكاية العريس إللى كان متقدملك من يومين
أروى ٠٠ انت عملتوا عريس .. ده واحد اتقدملى و انا رفضت عادى زيه زى غيرو
عمر ٠٠( بعصبية ) آه يعنى كان في غيرو .. و انا نايم على ودانى طبعآ
أروى ٠٠ عمر إللى بتقولوا ده .. الحكاية كلها أنى ماكنتش عايزه ادايقك
عمر .. لا بعد أذنك بعد كده متخبيش عليا حاجة
أروى ٠٠ حاضر .. قولى مين إللى قالك طنط ليلى ولا روان
عمر ٠٠ ماما هى إللى قالتلى .. و على فكره انا طلبت منها تكلم خالتى أشجان عن خطوبتنا .. خلينا نرتبط رسمى .. عشان نخلص من موضوع خطابك إللى ظهروا فجأة دول
أروى ٠٠ ( بفرحه) بجد يا عمر
عمر ٠٠ بجد يا قلب عمر
أروى ٠٠ متعرفش انا فرحانه أد ايه
عمر ٠٠ أن شاء الله ربنا يقدرني و انا هخليكى أسعد بنت فى دنيا
أروى ٠٠ انا أسعد بنت طول ما انت معايا
عمر ٠٠ كفايه عشان انا مش مستحمل كلمتين تانى هتلاقينى على أول طياره راجعة مصر
أروى ٠٠ عارفاك مجنون و تعملها .. ايه ده الفجر أذن
عندنا
عمر ٠٠ هنا الفجر أذن من زمان
أروى ٠٠ خلاص أسيبك تصلى و تنام شويه
عمر ٠٠ خليكى معايا شويه بكرة اجازة ده اليوم الوحيد إللى بعرف اكلمك و أشوفك فيه طول الاسبوع
أروى ٠٠ معلش و بكره هحاول اكلمك .. تمام
عمر ٠٠ حاضر يا حبيبتى تصبحى على خير
( إنتهت المكالمة الفيديو )
☆☆☆☆☆☆☆☆☆☆☆☆☆☆☆☆☆
فى مساءاليوم التالى
يجلس محمود و أشجان فى غرفتهم يتحدثون
محمود ٠٠ هى حكاية جوز بنتك بقاله شهر من يوم ما ولدته وهو سيبها هنا
أشجان ٠٠ لا هو جاى ياخدها النهاردة اتصل بيها و قالها تجهز نفسها
محمود ٠٠ طيب كويس
( بعد ساعة جاء طارق و أخده أسراء ثم ذهب بيها الى المستشفى بحجة أنه يريد أن يطمئن على الطفل لكنه عمل تحليل دى أن أى دون علم أسراء)
وبعد أسبوع ظهرت نتيجة التحاليل
☆☆☆☆☆☆☆☆☆☆☆☆☆☆☆☆☆☆
فى شقه فخم على النيل
تجلس أسراء تداعب طفلها عندم جاء طارق و وجه عابس و قال
طارق ٠٠ حلو أبنك بس مش طالع شبهك
أسراء ٠٠ آه صح
طارق ٠٠ يمكن طالع شبه أبوه
أسراء ٠٠ آه فعلا هو ممكن يكون شبهك يا طارق
طارق ٠٠ ليه هو أنا أبوه
( هنا اتسعت عين أسراء وقالت)
أسراء ٠٠ انت بتقول أيه
طارق ٠٠ بقول الحقيقة .. مين ابوه الولد ده
( هنا صرخت أسراء و هى تقول)
أسراء ٠٠ طارق انت كده اتعديت حدودك ازاى تتهمنى بحاجة زى دى .. لا انت اكيد مش بعقلك
طارق ٠٠ أسمعى يا بت بلاش تعملى فيه الشريفة هانم ...لأنك واحده وس*خه مقرفه و خيانه.. عندك عيل فى الحرام من راجل غير جوزها
أسراء ٠٠ لا انت أكيد مجنون ..
طارق ٠٠ اخرسى و اوعى تتعدى حدودك معايا و اعرفى انتى بتكلمى مين.كمان يا حلوه انا عقيم
ما بخلفش
( اتصدمة أسراء من كلام طارق ثم بلعت ريقها و قالت بتأتأة )
أسراء ٠٠ عادى ممكن يحصل و مافيش حاجه بعيده على ربنا
طارق ٠٠ انتى مصنوعه من أيه لسه هتكدبى ايه البجاحه دى
( ثم صفعة على وجهها عدة مرات ثم قامة بخنقها حتى احمر وجهها لكنه سيطر على انفعاله فى اللحظه الأخير.. ثم رمى التحليل فى وجهها)
طارق ٠٠ ده تحليل دى أن أى .. و التحاليل بتقول أن الولد مش أبنى .. ايه لسه مصمم على كدبك
( وهنا انهارت أسراء و هى تصرخ و تبكى بهستريا و تقول )
أسراء ٠٠ لأ ٠٠٠ لأ ٠٠٠ لأ مش ممكن لأ.. مستحيل
طارق ٠٠ أصرخى و عيطى اعملى إللى انتى عايزاه عشان المهم لما أرجع من بالليل عايزه اعرف كل حاجه ..كمان مين أبو الولد ده .. ده أحسنلك مفهوم
( ثم تركها و خرج و هى فى حالة لا يرثى لها
وبعد ساعة من البكاء و النحيب المتواصل مسكت الهاتف و قامت بالاتصال بشخص وقالت )
أسراء ٠٠ تعالى على بيتى حالآ عايزاك