رواية انا والمغرورة الفصل الاول1والثاني2 بقلم اروي عادل

فى إحدى  النوادى 

الباركينج( مكان لركن السيارت مثل الجراج)

جاسر٠ (بغضب) سعيد . سعيد

سعيد٠ ايوه خير يا كابتن جاسر

جاسر٠ عربية مين دى

سعيد٠ دى عربية أنسة أسيل 

جاسر٠ هى ازاى تركن عربيتها كده اطلع ازاى انا دلوقتى كمان اتأخرت على الشغل هو انا فاضى للعطله دى 

سعيد٠ معلش يا كابتن ثوانى اجيب المفتاح العربية  من أنسه اسيل

--------------------

(على إحدى  الطاولات تجلس أسيل مع أصدقائها هاجر و نوران و أيه  لتناول القهوة )

سعيد٠( بتوتر) أسيل هانم بعد أذنك ممكن  مفتاح عربية حضرتك عشان كابتن جاسر عايز يطلع عربيته

أسيل٠ ( بسخرية) ما يطلع و انا مالى

سعيد٠ بس حضرتك ركنه عربيتك وره عربيته مش عارف يطلع منها

أسيل٠ اه يستاهل حد قالو يركن عربيته مكانى

سعيد٠ معلش بس هو مستعجل

أسيل٠ ما يستعجل و لا يتنيل انا مالى لما اشرب قهوتى الأول ابقى اقوم 

سعيد٠ ممكن حضرتك تجيبى مفتاح عربيتك أنا  هطلعو مش لازم تتعبى نفسك

أسيل٠ مفتاح مين إللى عايز تاخده يا متخلف انت انت عايز تركب عربيتى

سعيد٠ بس يا هانم

أسيل٠ (بعصبيه)خلاص بقى ما تو،جعش دماغى قولتلك هشرب قهوتى الاول بعد كده ابقى اجى يلا أمشى من وشى

☆☆☆☆☆☆☆☆☆☆ 

الباركينج

عندما رجع سعيد مره أخرى 

جاسر٠ ايه يا سعيد التأخير ده كله

سعيد٠ معلش يا كابتن

جاسر٠ خلاص  رجع العربيه عشان اطلع اتأخرت

سعيد٠ معلش انا مش جبت المفتاح

جاسر٠ ليه

سعيد٠ أسيل هانم قالت هتشرب قهوتها بعدين تبقى تيجى ٠٠٠٠٠٠

( قطع جاسر عبارته)

جاسر٠ يعنى ايه الكلام  ده و ايه قلة الذوق دى تعالى ورينى فين ست أسيل دى كمان

------------------------------

(ذهب سعيد مره اخرى الى أسيل لكى يتوسل إليها   و هنا تدخل جاسر عندما سمع أسيل تقول)

أسيل٠ قولتلك غور من وشى دلوقتى

جاسر٠ خلاص روح انت يا سعيد.. وانتى يا انسة ممكن تيجى معايا تركنى عربيتك على جانب

أسيل٠ اوكى روح انت لما اخلص قهوتى ابقى اجى اطلع عربيتك 

جاسر٠ استغفر الله العظيم طيب اسمعى

 يا أنسه شكلك مابتسمعيش كويس أنا مش فاضى لدلع ده  فبعد أذنك قومى دلوقتى  قدامى عشان ان بدأت افقد اعصابى

أسيل٠ دلع و انا دلع عليك انت بتاع ايه

 و بعدين ماتفقد اعصابك و لا نفقد روحك انا مالى

جاسر٠لا انتى انسانه مستفزه انا لحد دلوقتى مراعى انك بنت مش عايز اغلط

أسيل٠ يعنى هتعمل ايه أخرك هاته 

نوران ٠ خلاص بقى يا أسيل ده كابتن جاسر بردو

أسيل٠ كابتن على نفسه

أيه٠ خلاص يا أسيل انا هروح معاه اطلع العربيه

أسيل ٠ انا قولت مافيش عربية طالعه غير  لما أشرب قهوتى الأول  

جاسر٠ لا انتى انسان برده و مستفزة و محتاجة تتربى بس لأسف انا النهاردة مش فاضيلك 

( كانت مفاتيح السيارة على الطاولة أمام أسيل حينما نظره جاسر إلى المفاتيح 

هنا فجأة اخد جاسر مفاتيح اسيل من امامها 

و ذهب بها إلى الباركينج  و أسيل ركض  خلفو و تصرخ  عليه لكنه تجاهلها ثم ركب سيارتها 

و ركنها بعيد عن سيارته ثم قذف المفاتيح إلى أسيل و ركب سيارته و ذهب متجاهل صراخ أسيل )

-------------فى المساء--------------فيلا المرشدى

هاجر ٠ خلاص بقى يا أسيل كفايه انتى من  الصبح و انتى  عصبيه مش طايقه حد

أسيل ٠ ولا حتى طايقه نفسى انا أسيل فؤاد المرشدى واحد زى ده يخلينى اجرى ورا قدام النادى كله 

أيه٠ بصراحة يا أسيل كان شكلك يمو،ت من الضحك وانتى بتجرى ورا ..لاء ولا ساعة ما أخد مفاتيح العربية بتعتك 

أسيل٠ اخرسى يا أيه احسنلك

أيه٠ خلاص انتى هتتشاطرى عليا أنا . 

نوران٠ وانتى كمان ذوتيها شويه يا أسيل ..ده كمان مش أي حد ده كابتن جاسر بطل مصر و العالم فى الاسكواش و فخر للنادى كله انه بيدرب فيه 

أيه٠( بتنهيده) و بطل قلبى كمان

نوران٠ اهدى على نفسك يا حلوه انتى وهى  انا سمعت انه خاطب و هيتجوز قريب 

أيه٠ مش مهم بس هو لسه بردو بطل قلبى ماى هيرو

هاجر٠ بطل قلب مين يا قمر .. انتى مش عارفه أنى  انا بكراش عليه ( تقصد معجبة بيه)

أيه٠ لا أنسى الموضوع ده خلاص انا حجزته قبلك بعدين هو طويل و حلو كده فى نفسه و انتى قصيره أزعه

هاجر٠ أنا  مش قصيره بس انتى إللى طويله بزياده 

أسيل٠( بغضب) انتى ما عندكيش د،م  انتى وهى يلا غوروا من هنا يلا اطلعوا بره انا مش ناقصه صداع .. 

-----------فى الصباح------------------------

جدو٠ مال الجميل زعلان ليه

أسيل٠ باين عليا اوى كده 

جدو٠ طبعآ باين عليكى  ياحبيبت جدو قوليلى مالك

أسيل٠ واحد مالهوش لازمه  عصبنى دايقنى امبارح

جدو٠ اكيد ده واحد مابيفهمش عشان يدايق الجمال ده كله .. يلا ورينى الضحكه الحلوه لسه ما تخلقش إللى يزعل حبيبتى

( هنا جاء صوت محسن عم أسيل حينما قال)

محسن٠ كفايه دلع بقى فيها 

أسيل٠ قول صباح الخير الأول  يا عمو... يلا انا هروح النادى و بعدين هطلع على الجامعة 

جدو٠ مع السلام يا حبيبتى خلى بالك من نفسك و صح هتمشى من غير البوسه بتعتى

أسيل٠ طبعآ لأ و أدى أكبر بوسه لجدو حبيبى يلا باااااى

( غادرة أسيل الفيلا)

محسن٠ بابا كفايه دلع فى أسيل بقى انتى كده بضرها بدلعك فيها

جدو٠ هو انت كل شويه تتكلم فى الحوار ده 

محسن٠ عشان مش عجبنى لا أسلوبها ولا تصرفاتها دى خلاص مافيش حد بقى  بيهمها

جدو٠ محسن طلع أسيل من دماغك 

محسن٠ يا بابا انا بتكلم من خوفى عليها دى بنت اخويا الله يرحمة اكيد انا عايزها تكون احسن واحده فى الدنيا .بس دلع الزايد فيها خلها حاسه  انها فوق الكل

جدو٠ حرام عليك يا محسن مش كفايه انها اتحرمت حنان  أبوها وأمها الله يرحمهم كمان مستكتر عليا انى ادلعها

محسن٠ انا عايز مصلحتها

( قطعت جدو كلاموا)

جدو٠ مافيش حد فى الدنيا دى كلها هيعرف مصلحتها اكتر منى

محسن٠ براحتك يا بابا بس ما ترجعش أندم

☆☆☆☆☆☆!!!!!!!!!!!!!!!

---------------فى النادى--------الباركينج

(وصلت أسيل معاها صديقتها هاجر إلى الجراج لكنها رأت عربية جاسر حينها قالت)

أسيل٠مش هى دى عربية كابتن زفت بتاعكم

هاجر٠ تقصدى جاسر .. أيوه هى

أسيل٠ طيب يورينى بقى هيطلع عربيته ازاى النهاردة

( كانت أسيل بتركن عربيتها ورا عربية جاسر)

هاجر٠ أسيل هتعملى ايه . هو انتى غاويه مشاكل

أسيل٠ أنا اعرفوا قيمته عشان يعرف هو  بيتعامل مع مين

( ركض سعيد الى أسيل عندما رأها سوف تركن سيارتها خلف سيارة جاسر)  

سعيد٠ أنسة أسيل  ممكن تركنى عربيتك على جانب عشان مايحصلش زى امبارح 

أسيل٠ انت بتدينى أوامر ولا ايه

سعيد٠  ابدآ واللهى بس انا مش عايز تحصل مشاكل زى امبارح كمان كابتن جاسر بهدلنى الصبح بسبب إللى حصل 

أسيل٠ ما تو،لع انت و الكابتن بتاعك انا مالى أوعى من وشى عشان اركن العربية 

سعيد٠ حضرتك كدا بتأذينى فى شغلى

هاجر٠ خلاص بقى يا أسيل

هنا لمح سعيد جاسر و صديقه جاى

سعيد ٠ اهو كابتن جاسر جه هو و البشمهندس حاتم

حاتم٠ هو فى ايه

هاجر٠ مافيش .. 

(  نزلت هاجر من السياره لتلقى التحية على حاتم و جاسر حينها رد حاتم لها التحيه 

بينما جاسر اكتفى بأبتسامه لهاجر ثم قال )

جاسر٠ سعيد خد المفتاح و طلع العربية

سعيد٠ حاضر يا كابتن.. ( ثم نظره لأسيل قائلآ) ممكن حضرتك تيجى على جانب شويه  بسيطه عشان أطلع عربية الكابتن

أسيل٠ أنا مش هتحرك من مكانى ورينى بقى هيطلعها ازاى

جاسر٠ انتى تانى . هو انا مش ورايا غيرك

أسيل٠ ( بسخريه) اه تقدر تقول كدا

( من برود رد أسيل تعصب جاسر فقام بالخبط على سيارة أسيل هو يقول)    

جاسر٠ ابعدى العربية دى من هنا دلوقتى  أحسنلك

( خرجت أسيل من السيارة و قالت)

أسيل٠يعنى هتعمل ايه  اخرك هاته 

( حاولوا اصدقاء جاسر و أسيل يتدخلوا لكن دون جدوى) 

جاسر٠ الله يطولك ياروح انتى عايزه ايه دلوقتى 

أسيل٠ تتأسف على إللى عملتو امبارح

جاسر٠ ( يضحك بسخريه) انتى عايزانى انا أتأسف ليكى انتى باين عليكى هبله ولا ايه

أسيل٠ ( بعصبيه )  انت قليل الأدب .

 و  طالما بقى انا هبله  يبقى انا هوريك الهبل إللى بجد هتعمل ايه

جاسر٠ واللهى كان نفسى اشوف الهبل بتاعك ...بس معلش مره تانيه  اكون فاضيلك ..يلا يا حاتم

( ثم تركها و ركب سيارتة عندما كان يطلع بسيارته خدش سيارة أسيل متجاهل صراخ أسيل  )

أسيل٠( بصراخ وغضب)  شوفتوا المحنون عمل أية فى العربيتى اقسم بالله ما هسيبو هيدفع الثمن غالى

هاجر٠ اهدى يا أسيل الناس بتتفرج عليكى

أسيل٠ إللى يتنيل يتفرج ما يتفرج انا المهم عندى العربية و الحيوان ده لأزم يندم على إللى عملو فى العربية

☆☆☆☆☆☆☆☆☆☆☆☆☆☆

-----فى السيارة جاسر------

حاتم٠ انت ايه إللى عملتو ده يا جاسر

جاسر٠ ما تفكرنيش أنا  مش عارف قدرت ازاى استحمل قلة أدب البنت دى

حاتم٠ تقوم تبهدلها عربيتها

جاسر٠ ده مجرد خدش بسيط

حاتم٠ بس ماكنش ينفع تعمل كده دى بردوا بنت

جاسر٠ بنت بس  لسانها طويل عايز قصو

حاتم٠ بس بصراحه البنت زى القمر انت ماخدتش بالك من جمالها

جاسر٠ يغور جمالها قدام  قلة أدبها

حاتم٠ أيه يا جاسر انت  متعصب كدا ليه خلاص أنسى

جاسر٠ حر،قتلى  د،مى .. اسمع بكره هديك فلوس  ترميها فى وشها عشان تصلح بيهم الخدش إللى فى عربيتها انا مش عايزها تحتك بيه تانى

حاتم٠ لا ياعم ماليش دعوة انت عايز تسيبك انت و تمسك فيا أنا

جاسر٠ خلاص اخلى سعيد يديها هو الفلوس

حاتم٠ و اللهى سعيد ده صعبان عليا.. صح انتو خلاص   حددتوا فرحك بعد شهرين

جاسر٠ اعمل ايه عشان اخلص من زن بابا كل شويه

حاتم٠ بس على فكرة نرمين بنت ممتازه

جاسر٠ عارف عشان كدا انا اختارتها 

حاتم٠ يعنى انت مش مختاره عشان بتحبها

جاسر٠ حب ايه يا حاتم مافيش حاجه أسمها حب  فى موده عشره تعود  لكن حب ده فى الافلام الهندي و بس

حاتم ٠ ازاى يا بشمهندس الحب موجود انت بس إللى بتفكر بعقلك

جاسر ٠٠ أنا لو ماكنتش بفكر بعقل ماكنش زمانى وصلت للى انا فيه .فى السن ده

☆☆☆☆☆☆☆☆☆☆☆☆☆☆☆

-------------من الجهة الأخرى -------------

نوران٠ أسيل ايه إللى حصل النادى كله بيتكلم على اللى عملوا كابتن جاسر فى عربيتك

هاجر٠ اسكتى دلوقتى  يا نوران انا ماصدقت أنها  تهدى

أسيل٠ و الله ما هسكت على إللى حصل لازم يدفع التمن غالى أوى كمان

☆☆☆☆☆☆☆☆☆☆☆☆☆☆

-----------فى اليوم التالى---------فيلا المرشدى

محسن٠ صباح الخير يا بابا 

جدو ٠ صباح الخير 

محسن٠ كلمت أسيل

جدو٠ على إيه 

محسن ٠ ايه يا بابا انت نسيت على العريس طبعآ

جدو٠ لا  لسه و بعدين انت عارف هى رافضه موضوع  الارتباط دلوقتى خالص

محسن٠ لحد امتى بعدين المره دى العريس ابن وزيرو شاب ممتاز ( سمعت أسيل كلام عمها )

أسيل٠ خلاص طالما شاب ممتاز ما تجوزه لبنت حضرتك

محسن٠ ياريت بس لأسف هو طلبك انتى

أسيل٠ بس انا مش موافقه و كفاية بقى مش كل يوم و التانى تجيبلى عريس

محسن٠ و السينيوره هتفضل ترفض لأمتى 

أسيل٠ لحد حضرتك ما تزهق و تعرف انى مش عايزه أتجوز .. انا عجبنى حياتى كدا 

و مبسوطه 

محسن٠ عجبك الكلام ده يا بابا شايف دلعك فيها وصلنا لأيه

جدو٠ دى حياتها و هى حره فيها و بعدين أسيل  عندها ٢١ سنه لسه بدرى على الكلام ده

محسن٠  عندك حق تعرف أنا إللى غلطان

أسيل٠ يووو بقى أنا اتخنقت من الحوار ده كل يوم و التانى .. انا ماشية 

جدو٠ رايحه فين مش تفطرى الأول 

أسيل٠ لا هفطر فى النادى مع البنات

جدو٠  صح مش النهاردة فى ميعاد مع الدكتور  بتاعى

أسيل٠ اه أنا  فاكره . والروشتة معايا فى العربية هتصل و أكد الحجز عند الدكتور.

وهاجى و اخدك على ميعاد الدكتور متقلقش

( ثم قبلت جدها و خرجت للنادى) 

☆☆☆☆☆☆☆☆☆☆☆☆☆☆☆☆

بعد مرور  ٣ ساعات فى النادى

(تجلس أسيل مع أصدقائها )

أسيل٠ هو إللى أسمه جاسر ماجاش النهاردة

أيه٠ بتسألى ليه عليه

أسيل٠ لية هو أنا  هسيبو 

نوران٠ انا شوفتو من شويه فى صالة الاسكواش

أسيل٠ يعنى هو هنا مع أنى ما شوفتش عربية فى الباركينج 

هاجر ٠ لا انا شوفتو الصبح بيركن عربية قدام النادى

أسيل٠( بخبث) طيب ما كان من الأول 

أيه٠  هاجر معرفتيش كابتن جاسر خاطب مين

أسيل٠  تصدقى انك عيله هيفا

(و هنا رن الهاتف أسيل  )

  أسيل٠ الو يا جدو

جدو٠ أسيل اتأخرتى ليه انتى نسيتى ميعاد الدكتور

أسيل ٠ سورى يا جدو  انا جايه حالآ

جدو٠ كده بردوا يا أسيل أوعى تكونى كمان نسيتى تأكدى الحجز

( كانت أسيل محرجه لأنها نسيت )

أسيل٠ سورى يا جدو أنا أول ما أوصل على العربية هتصل و أكد الحجز

جدو٠ طيب  متتأخريش عليا عشان انا حاسس انى تعبان شويه

أسيل٠ حاسس  بأيه يا جدو

جدو٠ مش عارف حاسس انى الضغط عالى شويه 

أسيل٠ خلاص يا جدو ثوانى و اكون عندك

جدو٠ توصلى بالسلامه ياحبيبتى

( إنتهت المكالمة)

أسيل٠ لازم امشى دلوقتى  اتأخرت على جدو يلا باى

☆☆☆☆☆☆☆☆☆☆☆☆☆☆☆☆

---------امام النادى-------------

( كان جاسر ركن عربية أمام النادى بحوالي عشرة متر

وعندما وصل عند بوابة النادى

جاسر٠ سعيد خد الفلوس دى

سعيد٠ الفلوس أية  دى يا كابتن

جاسر٠ أديهم للبنت لصاحبت العربيه إللى خدشتها أمبارح 

سعيد٠ تقصد أنسة أسيل

جاسر٠ أي كان أسمها أديها الفلوس تمن الخدش إللى عملتو فى عربيتها

سعيد٠ حاضر... صح هى فين عربيتك يا كابتن

جاسر٠ ركنتها  بره النادى .بعيد شويه 

سعيد٠ تحب اروح أجيبهلك 

جاسر٠ لأ كلها خطوتين و أكون عندها

( توجه جاسر الى سيارته و فى نفس الوقت إللى أسيل كانت خارجه من باب النادى  بسرعة هى تبحث فى طبلون السيارة على الروشتة الدكتور حتى أنها لما تنتبه إلى الطريق أو إلى  سعيد و هو بينادى عليها عندما رفعت رأسها لتنظر الى الطريق أمامها كانت المفاجأه  و الصدمة

الفصل الثاني 

عندما رفعت أسيل رأسها لتنظر إلى الطريق امامها كانت المفاجأة عندما رأت جاسر أمام السيارة حاولت تتفادى الاصطدام بجاسر لكن دون جدوى .. كانت أسيل متجمده مكانها لم تتحرك كأن الزهول و الصدمة اصابتها  بشلل تام .ما كسر الجمود الذى أصابه أسيل هو صوت صراخ  بعض الناس و هم يركضون إتجاه جاسر ركضت أسيل آليه وجدتة  قد أغمى عليه و الد،ماء تسيل من رأسه هنا قال سعيد الذى كان أول من وصل إلى جاسر

سعيد٠ حد يطلب الإسعاف بسرعة 

أسيل٠ ( بصراخ) انا هاخده فى عربيتى للمشتشفى أسرع 

(و هنا نظره سعيد الى أسيل وقال )

سعيد٠ حرام عليكى ليه عملتى كدا تمو،تى الراجل عشان خدش عربيتك

أسيل٠( بتوتر) انت تقصد ايه انا ماكنتش اقصد . 

( هنا قال واحد من الناس مش وقته الكلام ده الراجل د،مه هيتصفه)

أسيل٠هاتوا بسرعة على العربية

☆☆☆☆☆☆☆☆☆☆☆☆☆☆☆

------------فى المستشفى--------------

أسيل تصرخ فى الجميع و تقول أن  معاها مصاب فى حادث

بعد مرور  بعد ساعات و جاسر فى غرفة العمليات 

خرج الدكتور  

ركضت أسيل إلي الدكتور  قالت

أسيل٠ ( بخوف) هو هيعيش  يا دكتور

الدكتور٠ اه ماتخافيش هو مافيش خطوره على حياته 

(وضعت يديها على قلبها و قالت)

أسيل٠ الحمدالله

الدكتور٠ بس المشكلة فى الإصابات إللى فى رجله

أسيل٠ مش مهم. المهم انه هتعيش

( وهنا وصل حاتم ومعاه بعض اصدقاء جاسر)

حاتم ٠ هو فين جاسر  

أسيل٠ لسه ما طلعش من  العمليات

حاتم٠ و أيه إللى حصل

أسيل ٠(بتوتر) انا كنت طالعه بالعربية ما شوفتهوش

حاتم٠ يعنى إللى سمعتوا فى النادى صح انتى ضربتى جاسر بالعربية عشان تنتق،مى منه

أسيل٠ انت بتخرف بتقول أيه انت اتجننت قولتلك   انا ماشوفتهوش 

حاتم ٠ و انا مش مصدقك

أسيل٠ براحتك عندك ما صدقتنى  انت  مش فارقه معايا اصلآ

( هنا جاء البوليس )

الظابط ٠ انتى إللى خبطتى كابتن جاسر  بالعربية

أسيل ٠ ايوه انا بس٠٠

قبل أن تكمل عبارتها 

الظابط٠ اتفضلى معانا 

أسيل٠ على فين 

الظابط ٠ على قسم الشرطة

أسيل٠ ليه انشاء الله دى حا،دثة .يعنى قضاء و قدر

الظابط ٠ اتفضلى يا أنسه احنا هنكمل تحقيق فى القسم

( ثم نظر إلى أحد الظابط أقل رتبه منه وقال)

الظابط٠ ابقى هاتلى التقرير الطبى للمصاب 

الظابط٢. حاضر يا فندم

( و هنا جاء ايضآ اصدقاء أسيل)

هاجر٠ ايه إللى حصل يا أسيل

أسيل٠ مش عارفه انا فجأه لاقيتو قدامى معرفش طلعلى منين

أيه٠ الناس بتقول فى النادى انك قصدها

نوران ٠ أيه انتى بتقولي ايه  هو وقته الكلام ده

أسيل ٠ المهم انا رايحه على قسم دلوقتى  اتصلوا على جدى لأنى مش معايا تليفون

هاجر٠ حاضر .

الظابط٠ خلاص كدا يلا يا أنسة

☆☆☆☆☆☆☆☆☆☆☆☆☆☆☆

--------فى اليوم التالى-----------قسم الشرطة

فى غرفة الاستجواب 

الظابط ٠ أسيل أنتى لسه مصممه على أقولك

أسيل٠ (بتعب) قولتلك انا ما شوفتهوش انا فجأه لاقيتو ظهر قدامى

المحامى٠ اظن أقوال موكلتى واضحه  الموضوع مجرد حا،دثة غير مدبره او مقصوده

الظابط٠  هنشوف... أنسة أسيل حصل انك اتخنقتى مع كابتن جاسر قبل الحا،دث بيوم

أسيل٠ ايوه حصل 

الظابط ٠ وحصل كمان انك قومتى بتهديدو امام الجميع و قولتى انك هتخليه يدفع التمن

المحامي ٠ الكلام ده غير مقصود و كان  ساعة غضب . 

الظابط٠ لو سمحت يا أستاذ ممكن تخليها هى إللى ترد

أسيل٠ قولت  بس مش بالظبط كده

(قطع الظابط كلام أسيل) 

الظابط٠ طيب ايه رأيك فى الناس إللى شافوكى و أنتى بتهددى  كابتن جاسر وقولتى انك هتخلى يدفع التمن خدش  عربيتك غالى

أسيل٠ أنا كنت متعصبه و بقول اى كلام 

المحامى٠ أنسه أسيل كانت متعصبة حضرتك عارف ان  اى أنسان و هو متعصب ممكن  يقول اى كلام  وقت الغضب٠  وموضوع كله مجرد صدفة ان يحصل شجار بين موكلتى و المصاب و بعدها يحصل الحا،دث  ..و أكبر دليل على كلامى أن الانسة أسيل هى اللى جابت الكابتن جاسر بنفسها على المستشفى ده بيثبت حسن نوايا موكلتى  

الظابظ٠ حتى لو افترضنا جدلآ ان الموضوع كله مجرد صدفه بس دى مش أول حا،دثة تعملها الأنسه أسيل 

المحامي ٠ حضرتك الحا،دثتين إللى قبل كده تم التنازل عنهم من الأشخاص إللى وقع عليهم الضرر  

الظابط٠ ده بعد مادفعتم مبلغ محترم لكل واحد فيهم بس حظكم المردى المصاب شخصية عامة

أسيل٠ (بعصبيه) انا مش فاهم حضرتك عايز توصل لأيه بالظبط

الظابط٠ قصدك إيه يا أنسه 

أسيل٠ قصدى أنى حاسه أن حضرتك عايز تشيلنى قضية والسلام

الظابط٠ حسبى على كلامك يأ أنسه 

المحامى٠ انسه أسيل اهدى شويه و ماينفعش الكلام اللى انتى بتقولى ده

أسيل٠ يعنى ينفع أن سيادة الرأئد عايز يخلينى اما واحده قاتله أو أما واحده مهمله و مستهتره

المحامى٠ ممكن تسكتى  يا أسيل دلوقتى 

الظابط ٠ انا لحد دلوقتى  مراعى حالتك مش عايز اخد معاكى أي اجراء قانونى على الكلام إللى بتقولى ده

المحامى٠ أنا أسف  يا فندم بنيابه عن موكلتى....  حضرتك عارف أن التحقيق شغال من امبارح و أكيد اعصابها متوتره

  و حضرتك شايف حالتها بنفسك عاملة ازاى و كمان الكابتن جاسر لسه فى غيبوبة  ...عشان كدا انا بطالب بالأفراج عن موكلتى بضمان محل أقامتها . الى حين أستيقاظ كابتن جاسر من الغيبوبة و ناخد افادته

الظابط٠ أمرنا نحن الرائد ....... الإفراج عن

أسيل فريد فؤاد...... على ذمة القضية  ما لا تكون مطلوبه فى قاضية آخرى كما أمرنا نحن على السيدة أسيل فريد فؤاد المرشدى

بدفع غرامه و قيمتها ١٠٠٠٠ جنيه

☆☆☆☆☆☆☆☆☆☆☆☆☆☆☆☆

-------اليوم التالى------------فى فيلا المرشدى

محسن٠ ( بعصبية)قرأت الأخبار 

جدو٠ ( بحزن) اه

محسن٠ يعنى شوفة  الفض،يحه  إللى حفيدك عملتها لينا

أسيل٠  فض،يحة ايه إللى انا عملتها. هو انا أول واحده تعمل حا،دثه بعربيتها و تخبط واحد

( هنا مسك محسن التليفون وقرأه الخبر من على الفيس بوك. نص الخبر بيقول)

محسن٠  حفيدة عائلة المرشدى تحول تدهس لاعب الاسكواش و بطل مصر  كابتن جاسر  المطيرى  بسيارتها  لأسباب شخصية بينهم

أسيل٠ ايه الكلام ده .. جدو الكلام ده كله كدب

محسن ٠ ده بس العنوان تحبى اقرألك الخبر كله

جدو٠ ما كفايه بقى يابنى  انت مش شايف حالتها

محسن٠ حالتها حضرتك السبب فيها ياما قولتلك بلاش الدلع الزياده و أدى النتيجه

أسيل٠ انت شمتان فيا 

محسن٠ للأسف  مش قادر اشمت فيكى لأنك لحمى واللى يأذيكى بيأذينى .

المحامى٠ يا جماعة ماينفعش إللى بيحصل هنا ده لازم نهدى عشان نعرف نفكر و نشوف حل

محسن ٠ عندك حق لازم نسيطر على الموضوع ده عشان نحافظ مركزنا الإجتماعى أسمنا و سمعتنا قدام الناس

  و ده كمان غير  أسهم الشركة تراجعت فى اليومين.. لحد دلوقتى الشركه خسرانه 

عشرة  مليون 

أسيل٠ يعنى انت كل إللى فارق معاك أسمك و شكلك قدام الناس و الأسهم و الفلوس  دول أهم منى مش كدا

محسن٠ ايوه كده  يا أم لسان طويل و لولا  مركزنا الإجتماعى و الفلوس كنتى زمانك فى السجن دلوقتى 

جدو ٠ محسن ولا كلمة تانى انت فاهم

محسن٠حاضر يا بابا ممكن  حضرتك تقولى ازاى هتطلع من الورطه دى

جدو٠ مكرم انت محامى العايلة و انا بثق فيك قولى الموضوع ده بيتحل ازاى  و بصراحه

المحامى ٠ للأسف الموضوع صعب مش مبشر بخير

محسن٠ تقصد ايه

المحامى٠ يعنى لو اعتبروا الحا،دثه مقصوده هيتعملها قضية شروع فى قتل.  فيها سجن  على أقل عشر سنين

( كنت الصدمة واضحه على الجميع)

المحامى٠ لو اعتبروها مجرد الحا،دثه فى طريق بردوا فيها سجن من ست شهور الى ثلاث سنين ده حسب تقدير القاضى٠٠ كمان مش عايزين ننسا ان دى مش أول حا،دثه تعملها أسيل  ..كمان الشاب إللى ضربته بالعربية بيكون مين ده شخصية عامه بطل رياضى اكيد الحا،دثه هتأثر عليه.. غير أنه ممكن يطلب تعويض مادى كبير اوى

( صراخت أسيل عندما سمعت كلام المحامى)

جدو٠( بألم) أهدى يا أسيل انا مش هسمح لأى حاجة ممكن تأذيكى 

أسيل٠( بتعب) انا عايزه اخلص من الكابوس ده يا جدو انا تعبت

محسن٠ طيب مافيش حل تانى

المحامى٠ ان الشاب إللى ضربته بالعربية هو إللى يتنازل  او يقول انه هو إللى كان غلطان

جدو٠انا هروح بكره المستشفى و أتفهم مع أهلو

المحامى٠ ما تتعبش نفسك انا روحت لأهل الشاب طلعوا ناس صعايدة و دماغهم ناشف و شكلهم ناس مرتاحه ماديآ رافضوا اى كلام عن أى تعويض مادى 

جدو٠ بردوا انا هاروح و هاخد معايا أسيل  وانت كمان هتيجى معايا واللى فى الخير يقدمو ربنا

☆☆☆☆☆☆☆☆☆☆☆☆☆☆☆

-----------اليوم التالى ---------فى المستشفى

(كان يجتمع كل من أبو جاسر الحاج عمران المطيرى من أعيان الصعيد .. و  أم جاسر  الحاجة سميرة ... و حامد و صالح ولاد عم جاسر أصدقاء جاسر ... و نرمين خطيبت جاسر ... و طاهر أبو نرمين وأمها..)

-----‐----

و هنا جاء الدكتور وقال

الدكتور٠ كابتن جاسر فاق من الغيبوبة 

عمران٠( بلهجة الصعيدى) ولدى عامل كيف دلوك

الدكتور٠ مافيش خوف من الإصابة إللى فى رأسه

سميرة٠ الحمدلله احمدك و أشكر فضلك يارب

الدكتور٠ بس لأسف رجله مضرره جامد  ممكن تحتاج لتغير مفصل ركبة يمين ده غير الكسور  إللى فى رجله الشمال

( وهنا قال طاهر أبو نرمين )

طاهر٠ يعنى هيقدر يمشى تانى على رجله يا دكتور

الدكتور٠ لسه بدرى على الكلام ده ... احنا لسه هنقوم بأجراء عملية على ركبته اليمين  بعد شهر بعدها هنحدد أنه هيكون فى عملية تانى أو لأ  ده غير الكسر إللى فى رجله الشمال يعنى الموضوع محتاج وقت

سميرة٠  ( ببكاء شديد) لا انشاء الله ابنى همشى تانى على رجله و هيكون احسن من الأول 

نرمين٠ يارب يا طنط.. طيب يا دكتور هو ممكن يرجع يلعب أسكواش تانى

الدكتور٠ طبيآ ما أظنش بس مافيش حاجه بيعيد على ربنا ده بيرجع لأرادة المريض نفسه

سميرة٠طيب انا عايزه اشوف ابنى

الدكتور٠ هو دلوقتى  هيتنقل على غرفة تانيه تقدروا تشوفوا براحتكم 

( وهنا ظهرت أسيل مع جدها و المحامى)

جدو٠ أسيل مهما يحصل مش عايزك تفتحى بوقك فاهمه 

أسيل٠ خلاص هخرس خالص  

-------

المحامى٠ سلامو عليكم

عمران٠ عليكم السلام ورحمة الله وبركاته .. فى ايه تانى يا أستاذ

المحامى٠ معايا فؤاد بيه المرشدى

 و حفيدته الانسه أسيل جايين يطمنوا على الكابتن جاسر

سميرة٠ صحيح يقت،لوا.  القت،يل  

و يمشوا في جنازتة

جدو٠ يا مدام إللى حصل ده قضاء ربنا و الحمدالله ان الكابتن بخير..وانا هتكفل بجميع مصاريف علاجه الكابتن و إللى انتو تأمروا بيه انا تحت أمركم

سميرة٠احنا ما بنقبلش العوض وفر فلوسك للمحروسة  لما تشرف فى السجن

نرمين٠ ايوه لازم  تدفع تمن عملتها و تروح فى ستين داهيه 

(كنت أسيل واقفه بتراقب الكلام من بعيد بصمت بطلب من جدها لكنها لم تستطيع الاحتمال الكلام أكثر من ذلك فقالت)

أسيل٠ ما تهدوا على نفسكم شويه و بعدين انتى بتقولى هتودى مين في ستين داهيه

نرمين٠ انا مش فاهمه انتى ليكى عين تتكلمى ايه البجاحة دى