رواية شهر زمان
الفصل الرابع4
بقلم مريم اليوسف
(قد ماحاولت تخبيها لبنتك رح نلاقيها ونحرمك منها متل ماحرمتنا حريتنا )
عم يقرا الرسالة بأيدين مرتجفة بعض الشيء يمكن من التوتر ويمكن خوف .. بنطلع عليه وبنشوفو رجال كبير
قاعد على يخت بنص البحر ... على اليخت علم تركيا ...
طلع من الرسالة يلي قلبتلو مزاجو وراح ع اسم باسل
وكبس على الاتصال
اشرف: الو
باسل ؛ اهلا خالي كيفك
اشرف: منيح .. انت كيفك
باسل : تمام الحمد لله
: باسل شو اخبارها غفران
باسل : منيحة .. منيحة ليش ماعم تحكيها
: عم حكيها بس كيفها طمني عنها وين عم تطلع وين عم تفوت
باسل : اااه .. بالبيت اي بالبيت
: باسل لاتخبي عني
باسل ؛ شوبدي خبي عنك
: غفران في شي حواليها
باسل : لا من هي الناحية اطمن
: طيب عم تطلع من الفيلا
باسل ؛ بصراحة اي
: ع وين عم تطلع
باسل ؛ متعرفة ع رفيقة جديدة وعم تقضي معها معظم وقتها
اشرف بقلق : مين هي الرفيقة
باسل : من هي الناحية اطمن الرفيقة موثوقة وحتى غفران مغيرة هويتها
: ذكية هالبنت ... طيب مازال هالبنت موثوقة خلي غفران عندها هالفترة في حدا عم يبحبش حولي
باسل ؛ شو القصة خال
اشرف : والله مابعرف رجع اجاني تهديد فيها، لك انا استقلت من زمان وبعدت عن المشاكل مشان احمي عيلتي بترجع المشاكل بتلحقني
باسل : طيب مابتشك بحدا
اشرف : قبل ممكن شك بس بالوقت الحالي لا ،المهم انت دير بالك عليها وانا رح شوف شو رح اعمل، سلام
باسل : سلام
~~~~~~~~~~~~•
الدنيا قريب المغرب وغفران لحالها بالغرفة عم تقلب بموبايلها بضجر
اندق الباب
غفران : تفضل
دخلت بتول والابتسامة ع وجها
غفران بقلبها : ماطولت ... ماتخيلت تجي بهل السرعة
بتول : لوحدك ؟
غفران : اي معتصم راح ع المشفى دقولو في شي ضروري
بتول : يلا منيح ... وانا كمان ضايجة قلت بجي بتسلى معك
غفران : اهلا وسهلا
قعدت وقالت : ما تغديتي مو هيك
غفران : دبرت حالي بوجبات خفيفة لاتاكلي همي
بتول : انزعجتي من اهلي
غفران : عادي مابيعنيني
بتول : اي شو الاخبار
غفران : ملل
بتول : مع انو طلعتي اليوم ماهيك
غفران باستغباء : حكاني رقم قال الي معو امانة ... انا قلت من بابا بالعادة بابا بيعتلي مصروف
بتول : اي ورحتي
غفران : اي بس بعد شوي اتصل واعتذر
بتول : ومعد اتصل مرة تانية
غفران : لا
بتول : يعني متأكدة انو من ابوكي
غفران : مابعرف او يمكن مخربط ... المهم انت شو اخبارك
بتول : منيحة
غفران : لساتو عم ينحظر الواتس عندك
بتول : اااه .. لا الحمد لله
غفران : اي وشو عشان الملل
بتول : شو رأيك نطلع نغير جو
غفران : جبتيها .. بس انو بدنا نروح لحالنا
بتول : بس يجي معتصم بنروح معو
غفران ؛ وبنت عمك هالحلوة حكيها تروح مبينة حبابة
بتول : قصدك سارة
غفران : اي سارة .. شفتها امس بالنادي مع حبيبا يمكن
بتول : مين قصدك
غفران : قالت اسمو زياد
بتول : اي هاد ابن خالتها مو حبيبها
غفران : مابعرف .. بس حكيها بنتسلى
بتول : رح حكيها وبرد عليكي خبر
غفران ؛ ماشي
طلعت بتول وقالت غفران : فكرة قصة السهر خلينا نطلع شوي بالمود وخليني غيظ هالسارة شوي لأنو ماطقتها .. والاحلى تجيب معها زياد ، خسارتو فيها .. بركي بنزبطو لأنو هالديتول يلي عندي مو شايف غير سرسورتو
~~~~~~~~~~~~~•
داخلة ع المطبخ عم تضحك وبأيدها الموبايل وكانت امها قاعدة مع الخادمة يلي عم تقطع شوية فواكه
امها : شبك الله يعطينا خير هالضحكة
سارة ؛ هي بتول .. قال كانت مع مرتو لمعتصم واتفقوا انو يطلعو سهرة وغفران قالتلا حكي بنت عمك تطلع معنا قال حبتني الخوتة هههههههه
امها ؛ مابتعرف انك كنتِ خطيبتو
سارة ؛ مبلى ... بس مابدك عقل يفكر ... خطي مأجرة الطابق الفوقاني
امها : وبدك تروحي
سارة : اكيد ورح اخد زياد معي خلي معتصم يفلفل من غيرتو علي لكن انا يبدلني بوحدة متل هي
~~~~~~~~~~~~~•
واقفة على المراية عم تظبط حمرتها مع فستان اسود طويل وشعرها مخليتو على راحتو على ضهرها ..
غفران : بدن شوية فيلر بصيرو بعئدو
ضمت شفافها لتنشر الروج عكامل شفافها وقالت : وكمان هيك حلوين .. يلا لأتفضى بعملهن
دخل معتصم ووقف لما شافها بكامل اناقتها واتطلع فيها من فوق لتحت
غفران بغنج: حبيبي جيت بوقتك .. بدك تروح هيك ولا تبدل تيابك مشان مانتأخر
معتصم ؛ ع وين
غفران:طالعين نسهر اتفقت انا وبتول نطلع
شلح جاكيتو وقال : لا مو رايح
غفران : بليز بيبي خلينا نطلع وننبسط من اول ماتزوجنا ماحسستني انو نحنا عرسان ... واصلا سارة وزياد طالعين كمان
معتصم صفن وقال : كمان
غفران : اي بلييز خلينا نطلع حلوة طلعة الجمعات
معتصم : ماشي امشي لكن
غفران : مابدك تتغسل وتتعقم
معتصم : لا مابأثر امشي
غفران : يسس
معتصم : بليز ويس متطورة امورك
غفران : اي عم اتعلم كم كلمة مشان ليق بعيلتكن وبيضلك وجهك ... كلمة اجنبي عكلمة عربي بفكروني شي شغلة
معتصم :اااه قلتلي
غفران : لكن بعجبك
~~~~~~~~~~~~•
دخلو ع النايت الكلاب وكانت اجواء حلوة عفوضى واضواء خفيف وكرات الديسكو عم تبرم بالسقف لتعطي اضواء حلوة ناس عم ترقص وناس قاعدة
معتصم : مين اقترح هيك مكان
بتول : انا .. خلينا نغير جو
غفران : يسسس المكان بجنن
دخلو وقعدو ومافي دقائق انضم الهن سارة وزياد ...
غفران عيونها على معتصم كيف عيونو اتثبتو على سارة من اول مادخلت .. وكانو عيونو عم تشتعل غيرة ...
سارة :اتأخرنا
بتول : لاا هلق جينا
زياد : مسالخير
رد وقعد الكل ع نفس الطاولة
نقلت نظرها على زياد شاب هادي راكز وخجول بنفس الوقت ... وع سارة يلي عم تسرق نظر على معتصم وهو مقهور وعم يحاول يتجاهلا .. ولبتول يلي كل شوي بتحمل موبايلا وبتتفقدو
وحبت تحرك الجو مالت على معتصم وقالت : حبيبي قوم نرقص
حاول يبعد عنها ببطئ وقال ؛ مو جاي على بالي
زياد : والله الجو حلو .. شو رأيك سارة نرقص
اطلعت عمعتصم يلي عيونو حمر وشادد على اعصابو
سارة : لا بلاها
حستو ارتاح وبرم وجهو ناح الناس يلي عم ترقص
غفران : انا برقص شو رأيك
زياد : اي ليش لأ
قامت غفران مع زياد يلي عم يجاملها ومعتصم يلي مو منتبهلا
قربو من الساحة وبلشت ترقص بهداوة وشردت بحالها : ليش عم يكابرو على حالهن مزال بحبو بعض .. وزياد شو يلي جابرو يفوت بهل اللعبة يلي عارف انو خسران فيها ... اوووف انا بلشت مل منن مافي حماس .. ولا اهلو يلي مو طايقيني
انتبهت على زياد يلي شارد متلها
قربت منو وحكت ليسمعها : مبين انك بتحبها كتتير
زياد : حب طفولتي
غفران : بس هية مابتحبك
زياد : بعرف
غفران : وعم تستغلك مشان تغيظ معتصم
زياد : كمان بعرف
غفران: وليش قبلان تكون بهل المكان
زياد: ممكن مشان قضي معها وقت وكون قريب منها ... بس انت شو وضعك
غفران : هههه لااا انا قصة تانية
زياد: شو يعني
غفران ؛ عم اتسلى مو اكتر
زياد : عم تتسلي بزواجك
غفران : هههههه
اجت الضيافة على الطاولة وفاق معتصم من شرودو انتبه انو غفران مو جنبو وشافها عم تتمايل مع زياد بساحة الرقص
معتصم : ايمت راحو
بتول : من شوي
معتصم : قومي اندهيلا بلا فضايح
بتول : يلا
قامت بتول ع الساحة بس غفران سحبتها وخلتها ترقص غصب عنها واضطرت تفوت بالجو
والطاولة فضت لمعتصم وسارة
معتصم : مالك حق ليش ماقمتي رقصتي معن
سارة ؛ مو جاي عبالي
معتصم : اي منيح
سارة : كيف صرت
معتصم : منيح كتير ... ولاتواخذيني يمكن ازعجتك عن شي مهم امس
سارة: لا تحكي هيك انا موجودة بأي وقت
معتصم : لأيمت
سارة ؛ مابعرف .. بس حالياً انا موجودة
معتصم : منيح
سارة ؛ كيفك انت ومرتك
معتصم : كتير مبسوط
سارة : الله يخليكن لبعض
معتصم : وانت وزياد شو وضعكن
سارة ؛ ابن خالتي مو اكتر
معتصم : عجب صار قريب منك فجأة
سارة : متل ماتزوجت فجأة
معتصم : اي خلي حدود بينك وبينو افضل
سارة : انت عم تخلي حدود بينك وبينها
معتصم : انا عم احكي مشان مصلحتك ... وكمان غفران مرتي مو حدا غريب
سارة : لاتخاف على مصلحتي بعرفها كتير منيح
معتصم : انا اكتر واحد بعرف شقد بتعرفيها
سارة : معتصم لاتفتح دفاتر قديمة خلص اخدت قرارك ومشيت عليه وانا خليني شوف حياتي
عيون غفران عليهن وحست من ملامحهن انو حديث بارد حاد
غفران : بكفي اتعبت
رجعت ع الطاولة كان عامم الصمت ومعصتم كأنو شي بركان وبدو ينفجر ... واجت غفران بالوقت المناسب ليتفشش فيها
معتصم : انت مين سمحلك تتحركي من جنبي وتروحي ترقصي
غفران : مافيها شي رقصت شوي وجيت
معتصم : وليش ماخبرتني
غفران : قلتلك ترقص رفضت
معتصم :بتقومي بترقصي مع رجال غريب وجوزك موجود
بجية زياد : خير شوفي
معتصم: مافي شي ... مشاكل عائلية
زياد : انقهرت ليش رقصت معي
معصتم ؛ لا عادي انسى
قعدو الكل وغفران عيونها على معتصم يلي مو مبين انو غيران عليها بس بدو يتفشش وحتى بعصبيتو انسان هادي .. بس انقهرت وبدا تردلو اياها لانو محدا بيتجرأ وبيرفع صوتو عليها ... قاعدة وعم تهز برجلها ناطرة هالسهرة تخلص
شوي واجا الكرسون لوراها ونزل لمستواها وهمس بادنها تحت انظار الكل وعطاها ورقة واشر ع شخص قاعد على طاولة قريبة
اخدت الورقة ورفعت نظرها كان شخص متزعم على طاولة لحالو وجنبو شبين بادي كارد وبأيدو نربيج الارجيلة .. سحب سحبة ونفخها واشرلها بمعنى حكيني ... فتحت الورقة وكان فيها رقم موبايل
معتصم : شو هاد
غفران : رقم العينتين
معتصم بلبكة اي كبيه وخلونا نمشي
غفران : بس ؟؟
معتصم : اي بس .. شوبدك نعمل مثلاً
غفران : لاتعمل انا بعمل
حطت اديها على الطاولة وقفت ودفشت الكرسي لورا
وقف معتصم فورا بوجها وقال: ع وين مفكرة حالك رايحة
غفران : فرجيه قيمتو
معتصم : مالنا قدو ماني شايفة الحرس كيف حواليه
غفران : انت مو انا
بعدتو عن طريقها وراحت ومعتصم لحقها عم يحاول يوقفها بس هية ماردت عليه ووصلت لعند الشخص المطلوب .. يلي رمى نربيج الاركيلة من ايدو وظبط قعدتو
: نورت الطاولة والله
غفران : هي الحركة يلي عملتها قاصدني فيها انا
: ليش مين في احلى من هالقمر بهل السهرة
غفران : في النجوم
: وينن
غفران : رح فرجيك اياهن .. وبحركة سريعة كانت ساحبة الكرسي ولطشتو فيه ليوقع على الارض ويهجمو عليها البادي كارد ليقرب معتصم وزياد يناصروها بس هية كانت بالمرصاد وكانت تقاتلهن بحركات بطولية .. واتدخل حرسها بشكل سريع ومخفي
قدرت تفلت منهن وتوصل للشب يلي قاعد على الارض وقالت : كم نجمة شايف
: مابتعرفي مع مين علقتي
غفران : ومابدي اعرف
فتحت ايدها وطلعت الورقة وبللتها بلعابها ولزقتها على جبينو : وقالت انت يلي علقت من الشخص الغلط
راحت على طاولتها واشرت للحرس انو يتولوا المهمة اخدت غراضها وحكت لسارة وبتول يلي واقفين ومرعوبين : جيبهون خلونا نطلع
راحت بتول سحبت معتصم وسارة سحبت زياد وطلعو من المطعم بسرعة وبدون محدا ينتبهلن ...
اجت سيارتن وانطلقو بسرعة
مشو مسافة قصيرة ووقف معتصم والتفت عليها : شو الشي يلي عملتيه
ماردت بتجاهل
معتصم : انتييي مين ؟؟
زياد بسيارتو شافن وقفو ووقف ونزلو لعندن
معتصم : عم اسألك انت مين .. بتعرفي مين هاد يلي علقتيني معو
فتحت السيارة ونزلت
وهو نزل وراها
والكل تجمعو على الطريق
زياد : طولو بالكن .. شو القصة
معتصم : القصة انو بنفوت فوتات مالنا فيها .. رايحة تهجم على شخص مبين مجرم والحرس حواليه
غفران : محدا طلب منك تساعدني بعرف اخد حقي بايدي
معتصم : لو ماكنا موجودين شو كان صار فيكي
غفران : المهم ما اسكت عن حقي .. ومشان محدا يتجرأ علي بكلمة عم تفهم
سكت ومعد رد
غفران : بعدين محسوبة قاعدة مع رجال.. ماتخيلت منك هالتصرف تقوم تهرب .. بدال ماتقوم تاخدلي حقي من هادك الواطي
معتصم : انت بتعرفيني انو مو خرج مشاكل وقلتلك اياها من قبل
غفران : وانا روح قلبي المشاكل .. ماعجبك خلي كل واحد يروح بطريق
اتدخل زياد فورا : طولو بالكن يا جماعة الامور مابتنحل هيك
سارة وبتول تقريبا لساتن مصدومين بالشي يلي صار ومن جرأة وقوة غفران ماعم ينطقو
زياد:خلونا نمشي ولتروقوا احكوا
~~~~~~~~~~~~~•
دخلو عالفيلا هية ضلت مكملة على الغرفة وهو راح لعند اهلو يقعد معهن
وصلت على غرفتها مقهورة وخلص ناوية تترك هاللعبة...
رمت جزدانها وبلشت تشلح الاكسسوار يلي كانت لابستو
غفران : خلص رح قلو خلي كل واحد من طريقو وتضرب منك لعيلتك لحبك الفاشل ناقصني انا .. العما مليانين حقد ماني متطرة اتحمل هالوضع الزبالة ، لارجع على بيتي ومملكتي احسن الشي
رن موبايلها اخدتو وكان باسل
باسل ؛ كيفك
غفران : منيحة
باسل : بدي شوفك
غفران : ساعة زمان بتلاقيني بالبيت
باسل ؛ ليه
غفران : خلص نويت انهي هاللعبة السخيفة
باسل ؛ لا لا
غفران : ليش في شي
باسل : ابوكي حكاني ووصاني فيكي وقلي خليكي تبقي بعيدة هالفترة عن الفيلا ..وانت عندك حاليا افضل مكان
غفران : انا ماعد فهمت شي على بابا نهائيا .. مين هدول يلي بدن راسي يجو ياخدوه ويخلصوني لسه لاتطلعي لاتفوتي
باسل : معك حق شي بحط العقل بالكف بس بدها قعدة وانت مبين عليكي هلق معصبة روقي واجلي جيتك ع البيت شوي وبس لشوفك بنحكي
غفران : اوووف .. ماشي
~~~~~~~~~•
قاعدين الكل وعم يتسمعوا على بتول يلي عم تحكي عن غفران
بتول : كيف تحولت وقامت بلشت فيهن ضرب مابعرف
امو : والله هالبنت بينخاف منها ... معتصم الله يوفقك خلصنا منها مو ناقصنا مشاكل نحنا ... لا من توبنا ولا نحنا من توبها ...ومبارح ضربت الخادمة .. هي مو طبيعية ابصر شو البيئة يلي ربيانة فيها لحتى عندا كل هالعدوانية وحتى اوقات بتحسها هبلة .. مستحيل تكون طبيعية
ابوه : ابني عملت يلي بدك اياه وكسرت عين سارة .. وتزوجت بس خلص لهون بكفي طلقها وخليها تروح من مكان ما اجت وموضوع سارة رح ينحل بس بدو شوية وقت
الست : ولا معروف اصلها ولا فصلها لحد هلق ماشفنا حدا من اهلها انت من وين جبتها يا ابني
معتصم عم يتسمع وهو ساكت وحس انو عنجد لازم يحسم هالامر
فجأة وقف وطلع لعندها كانت قاعدة على التخت ومنزلة راسها وعم تبكي
معتصم انصدم فيها ووجعو قلبو على حالتها بس عم يجاهد نفسو مايضعف ويحكي يلي عندو
معتصم بجدية : لي عم تبكي
غفران : مافي شي
معتصم ؛ تمام بدنا نحكي
مسحت دموعها بأيدها ببراءة وحكت : عم اسمعك
قعد جنبها وقال غفران : ملاحظة انو نحنا ماعم ننسجم مع بعض وافكارنا بتختلف عن التاني
غفران : مشان يلي صار
معصتم ؛ بشكل عام انا وانت من بئية مختلفة
غفران : شو يعني
معتصم : لازم ننفصل
اجهشت بالبكاء اكتر وقربت ضمتو وقالت : لا لا بترجاك ، بترجاك يا معتصم كلشي الا الانفصال ، انا اسفة معد عيدها والله .. سامحني .. بوعدك اخر مرة .. انفعلت شوي بس ماتعودت اسكت عن حقي تربيت بالشوارع واذا ماكنت قويةوقد حالي كانو اكلوني .. بترجاك لاتحاسبني على ماضي انا مالي ذنب فيه .. بوعدك اتغير وصير متل مابدك ، بس عطيني فرصة فرصة وحدة بترجاك لاتنهي قصتنا هون انا ماصدقت يصير عندي عيلة وبيت ،ومشان اهلك والله معد اعمل مشاكل ورح كبر عقلي وخليهن يحبوني انت بس عطيني فرصة بترجاك يا معتصم
معتصم مصدوم وبنفس الوقت شفقان عليها كتتير
بعد عنها واتطلع بعيونها الغرقانين بالدموع ماعم يتحمل يشوفها هيك اكتر بس لازم يكمل يلي اجا مشانو
نزلها ايديها وبس لساتو ماسكن وقال: غفران اسمعيني
غفران : قلتلك كلو رح يكون ماضي بوعدك ، انا ما اتطلعت على ماضيك ولا سألتك شي عنو مع انو بعرف انو سارة كانت خطيبتك بس شي ماضي ومافي داعي نفكر فيه خلينا نفكر بالمستقبل وبوعدك اتغير بس عطيني فرصة
معتصم : غفران مو شغلة تغيير ..
غفران : لكن شو
معتصم ؛ برأيك نحنا بنعتبر متزوجين بشكل رسمي ؟
غفران : مافهمت
معتصم؛ انت مابتعرفي شو بصير بين الرجل وزوجتو
سكتت بأستفهام
معتصم : علاقتي فيكي مو كاملة ما صح ؟
هزت براسها
معتصم ؛ وماسألتي حالك ليش ماصار شي
كمان ساكتة
معتصم : انا لسه ما اتقبلتك كزوجة يمكن لانو صار كلشي بسرعة
غفران : ولساتك مو متقبلني ؟
هز براسو وحكي : واذا ضلينا هيك الانفصال احسن كرمالي وكرمالك انت بنت بتجنني ومية حدا بيتمناكي
غفران : طيب منعطي لهاد الموضوع كمان فرصة
اتنهد وماعرف شو يرد
غفران : شهر واحد بس بعد الشهر اذا ضل الوضع هيك بوعدك انسحب من حياتك نهائياً
نزل راسو وكأنو عم يفكر
اخدت موبايلها وكان اليوم الخامس من الشهر
غفران : اليوم خمسة الشهر خمسة شهر الجاي اذا مابدك اياني بطلع من حياتك ع الاخير
كان ساكت وعرفانة انو عم يقول ببالو بتحمل شهر شوبدي اعمل وهية كذلك الامر عم تقول شهر منيح لاقدر دبر حالي ولاقي مكان اطلع عليه واعرف شو قصة خوف ابي علي ، ولا والاحلى صرلي ساعة عم اترجاه وعم اعمل شي مابيشبهني اوووف رح انفجر من قهري ،بس لازم هالتمثلية تحملي غفران
معتصم ؛ ماشي رح نبقى شهر بس لا تتأملي بشي على الفاضي
مسحت دموعها بفرح وقالت : ماشي
معتصم : بس غفران شو مشان اهلي ،اهلي مو طايقين وجودك ابدا واكيد خلال هالشهر رح يصير وجع راس كتتير
غفران: قلن انو انا بعد شهر رح اترك البيت بس خالتي مسافرة لبين ماترجع خالتي بروح لعندها
معتصم : ماشي ، بس انت هلأ حاج تبكي غلسي وجهك وارتاحي
~~~~~~~~~~•
الصبح
وصل معتصم ع سفرة الفطور والعيلة كلها مجتعمة
امو : شو صار امي حكيت معها
معتصم : اي حكيت وخلص كلشي رح ينتهى
ابوه : اخيرا بلشت تحل مصايبك
امو : عم تضب غراضها ماهيك
معتصم : ماما غفران رح تبقى شهر
امو : ليش خلص طلقا وخليها تروح بحال سبيلها شو الو لزوم هالشهر
معتصم : خالتها يلي عايشة معها مسافرة وبدها شهر لترجع و بتروح لعندا ... مشان ماتبقى لحالها
ستو : لتكون حيلة من حيلها
معتصم : مابظن .. خلص اتحملوها هالشهر
امو ؛ ماشي
معتصم : بس رجاءً طرو المعاملة معها شوي .. اعتبروها ضيفة
محدا رد
معتصم : رجاءً
امو : ماشي ماشي
~~~~~~~~~~~~•
فاقت غفران ومالقتو واتنفست براحة لتكون على طبيعتها تجلست وشردت قدامها عم تفكر شو لازم تعمل وشو بدها تتصرف عم تفكر بأبوها والتهديدات وعن معتصم كيف بدا تقضي معو هالشهر
تناولت موبايلها وبعتت فويس(صوت) لباسل
غفران : باسل لازم نلتقى ونحكي
اجاها الرد : بعد ساعة حددي الموقع وبكون عندك
~~~~~~~~~~~•
بكافيه راقي قاعدة غفران وباسل عم يحكو
غفران : اتصل فيه هلق بدي اعرف شو الموضوع
باسل : ماشي بس انت روقي واسترخي
غفران : من وين بدو يجي الرواق وانا مبارح اضطريت ابكي قدام معتصم ليخلني عندو هالشهر وصرت اترجاه الشي الوحيد يلي مصبرني اني عم مثل والا مستحيل انذل لحدا خصوصا هالعيلة
باسل ضحك وقال :هههه وشو صار بالله احكيلي
غفران : اي تمسخر تمسخر
باسل : طيب مو هي لعبتك
غفران : ولما جيت بدي انسحب حضرتك بتتصل وبتقلي خليكي
باسل : بصراحة لهجة خالي خوفتني وانا قلت محلك أأمن مكان ، وخصوصا مانك بهويتك الحقيقية ، بس اذا الوضع متأزم خلص اتركيهن وبنلاقي حل
غفران : خلص بنكمل هالشهر ،و مزال حددت شهر رح كمل لعب
باسل : وكيف بدك تكملي
غفران ؛ ههههه قلتلو لمعتصم رح اتغير
باسل : ايه ؟!
غفران : عم فكر صير عاقلة ولا كمل جناني وجننهم ؟
باسل ؛الشي يلي بسليكي اكتر
غفران ؛ اممم بنفكر بالموضوع بس هلأ اتصل ب بابا بدي اعرف شو القصة
اتصل باسل بخالو وفورا اجاه الرد
اشرف : اهلا باسل شو الاخبار
باسل : مافي شي رواق بس اتصالك مبارح كركبني ،خالي ممكن افهم مشان نعرف مع مين عم نتعامل
اشرف: ما قدرت حدد الهوية بس اجتني رسالة واضحة وصريحة عم يهددوني بغفران
باسل : مابتشك بحدا
: سبق وحكيتلك
حكت غفران ؛ مرحبا بابا
اشرف : غفران ؟
غفران : اي بابا هي انا ، بابا يعني لأيمت هالحالة انا معد اتحمل كنت مغربني ولما رجعت ع البلد تركتني ورحت مابكفي الوحدة يلي انا فيها بالاضافة لسجن لاتطلعي لاتفوتي لاتشتغلي لأيمت بابا لأيمت
اشرف؛ انا كنت جاي ع البلد بس بعد الرسالة يلي اجتني خايف انكشف ويكونوا مراقبيني ويتعرفوا عليكي، المشكلة مابعرف شو قدراتو عدوي وشو بيعرف عني
غفران: بس انا بدي حل جذري
اشرف : اتركيني فكر
غفران : ماشي ناطرتك
: انتبهي عحالك
غفران ؛ اوك وانت سلم ع طنط
: ماشي
سكرو واتطلعت ب باسل ونفخت بضجر
باسل : شو قررتي كرمال قعدتك هنيك
غفران : رح اقعد هالشهر زمان شوبدي اعمل مو مشان شي بس انا بخاف على حياتي 😅
باسل ؛ هههه الله يسترهن منك
~~~~~~~~~•
عند سارة ماقدرت تتحكم بفضولها وبدها تعرف شو صار بليلة مبارح بين معتصم وغفران مشان هيك قررت تزور بيت عمها
ام معتصم : مية اهلا وسهلا بحبيبة قلبي سارة
سارة ؛ بالمهلي طنط
ام معتصم : فوتي لسمعك الاخبار الحلوة
سارة بفرح : خير شو القصة
ام معتصم : شهر لا قصدي ٢٩ يوم وهي النورية رح تتقلع من هالبيت
كملو ع الصالون وقعدت سارة بفضول وحكت مشان مشكلة مبارح مو هيك
ام معتصم :مشان هي وغير هي
سارة : طيب لي الشهر
ام معتصم : لأنو خالتهامسافرة وما الها حدا تروح لعندو
سارة : اممم
ام معتصم : مشان هيك يابنتي ركزي على حياتك انت ومعتصم ورجعوها متل قبل
سارة : طنط معتصم هو يلي استغنى
ام معتصم : معتصم بحياتو ماكان مستغني معتصم بحبك ورايدك بس انت بادري خليه يعرف انو مهم عندك
سارة : اوك ماشي رح شوف
ام معتصم : مو تشوفي بدك تحاول وتعملي كل جهدك
سارة : اوك خلص ولايهمك عندي
ام معتصم : انا رح بلش بتجهيزات العرس يلي رح نعملو بعد شهر ونص
ابتسمت سارة بنصر وقالت : معك حق عرس اسطوري بدو تحضيرات قبل بمدة
رن موبايل سارة وكان الاسم زياد سكرت وحكت بقلبها : خلص دورك ابن خالتي كفيت ووفيت
~~~~~~~~~~~~•
المسا رجع معتصم ع البيت كان كلشي طبيعي ومجتمعين عسفرة العشا بس غفران مو معهن
معتصم : مسالخير
ردو السلام
معتصم : شو الوضع
امو : تمام منيح
معتصم : غفران وين
امو : طول اليوم برات البيت ومن شوي اجت ومعها اغراض كتير ابصر شو مشترية
ستو : ستي اتفقد بطاقة البنك لتروح تخلصها
بتول : معهن حق اخي هي المخلوقة مابتتسلم هيك شغلات خلص خصصلها مصروف وخلصنا
امو : مزال قاعدة هالشهر مافي داعي للصرف تقوم تعجبها القعدة وتبطل تفل
اضايق من حكيهن وكمل لفوق لأنو مو ناقصو نق فوق ضغط الشغل فتح الباب وكان عتمة كتير واستغرب الوضع .. وفجأة اشتغل ضوء احمر خفيف مسلط عمكان معين وظهرت غفران تحت الضو بلباس هندي وحركات هندية ايد فوق راسها وايد تحت دقنها .. اشتغلت غنية هندية وبلشت تتمايل بحركات مُقلدة ، ومعتصم كان مصدوم لا فينا نقول مصعوق
كلمات الاغنية
تـيري ميـري ميـري تيـري
بريـم كهـاني هـي مشكـل
دولا فزوميـه
بيـانا هوبـاهي
اكلـر كـاو اكلـر كيـكي
هـي كهـاني هـي نهـي
دولا فزوميـه
بيانـا هوباهي
رما الشنتة من ايدو وراح شغل الضو وكمل على اللابتوب وطفى الموسيقى
معتصم ؛ شوووهاد غفران شوو هاد
غفران ببراءة: مو حلو ،وعدتك انو اتغير
معتصم ؛ تقومي تعملي حالك هندية
غفران : تغيير شكل ،ماحبيت
معتصم : لااا ماحبيت ،هيك قصدك بالتغيير يلي حكيتي عنو
غفران : مو كلو هندي يعني بنغير
معتصم : لاا تغيري خليكي هيك
غفران : يعني بتحبني متل ما انا
معتصم : استغفرك يااربي
غفران بصوت واطي بس بدها تسمعو خلص بكرا بنعمل لوك جديد شكلو ماحب الهندي
معتصم : شووو قلتي؟؟؟
غفران : عم قول بتكون جوعان انزل حضرلك العشا
معتصم : لااا متعشي
غفران : متل مابدك بدك مني شي طيب
معتصم: لا بس شيلي اغراض زي الوان ورجعي كلشي متل ماكان
غفران: امرك يا تؤبرني
نفخ بقهر ودخل على الحمام وهية معد قدرت تتحمل وطبت على التخت وهية فارطة ضحك
غفران : والله لجننكن لكن انا تتفشش فيني ،لانك معد تتحمل غيرتك على سارة خانم
~~~~~~~~~~~•
الصبح
دخلت على الغرفة بهدوء وهية حاملة صينية عليها فنجانين قهوة وجنبهن وردة قربت منو كان نايم بعمق اخدت الوردة وبلشت تمرر الوردة على وجهو بلطف
غفران : حبيبي قوم نشرب قهوة
ريحة القهوة نعشتو وابتسم بوسط نومتو
غفران ؛ يلا ياعمري قوم نشرب القهوة سوى
معتصم : سارة اتركيني نام شوي
تبدلت ملامحها لأنزعاج وتجمدت مكانها
غفران بقلبها ليش انقهرت انا عم اتسلى مو اكتر حركت راسها عم تبعد الافكار عن راسها ورجعت رسمت ابتسامة وحكت : يلا بيبي هلأ بتبرد القهوة
فتح عيونو واتجلس كانت قاعدة قدامو بفستان مورد وعلى شعرها وردة حمرا
فاق ومصحصح وشرد فيها بما انها اول شي فتح عيونو عليه
لاحظت نظراتو وتنحنحت وقالت : القهوة
معتصم انتبه للقهوة وقال : شو لزومها
غفران ؛ هية من تحت ايدي
ماحب يخجلها وقال : طيب حطيها عندك ع الطاولة بس لغسل وبرجع
غفران : اوك
دخل على الحمام ووقف قدام المغسلة غسل وجهو اكتر من مرة واخد المنشفى وصار ينشف وجهو وشاف من خلال المراية الساري الهندي يلي كانت لابستو مبارح ابتسم على جنانها وطلع
شربو القهوة بهدوء كانت غفران حاسة بالانزعاج وشاردة وساكتة ماعم تحكي
لاحظ هدوءها وحكي : شكرا على القهوة
فورا بدلت ملامحها وقالت : عجبتك؟
معتصم : طيبة
غفران : لكن انا كل يوم رح اعملك القهوة
معتصم : مافي داعي تعذبي حالك
غفران : شو هالعذاب هو فنجان قهوة
رج موبايل معتصم بمسج وقامت غفران فورا قالت : انا بجيبو
جابتلو اياه من جنب التخت وعطتو اياه
فتحو وابتسم للرسالة
غفران لاحظت هالابتسامة يلي غيرت تعابير وجهو وتحقرصت بدا تعرف مين صاحب الرسالة
اخدت موبايلها وفتحت على الكاميرا ،مدت ايدها ببطئ ووقعت الفنجان القهوة على الارض
غفران : مابقصدي صرلك شي
معتصم ؛ لا ولا يهمك
انحنى ليشوف وين صارت القهوة وهية بحركة سريعة قدرت تصور شاشة موبايلو وقامت وحكت : رح جيب شي نضفها
دخلت على الحمام وفتحت موبايلها على الصورة وشافت المرسل سارة والرسالة : كيفك معتصم شو رأيك نلتقي اليوم في شي حابة نحكيه كرمال علاقتنا
غفران : شوبدن يحكو ياترى ،مشان هيك ابتسم ،بس لاا مارح اسمحلك تخوني وانا على اسمك ، حتى لو عم اتسلى بس اسمنا متزوجين ،ومارح اسمح تستغبيني قدام هالعقربة سارة ، ايه شو عليه بنوسع دائرة التسلية عنا شهر بطولو
~~~~~~~~~•
كان مخلص معتصم لبس والتفت عليها شاردة
معتصم : مابدك ننزل نفطر
غفران: لا مو جوعانة
معتصم : براحتك
ترك الغرفة ومبينين عيونو عم يغزلو فرح
غفران : وحياتك مارح خليك فرحان كتير ، اممم بس شو الحل يا غفورة شو الحل لازم انزع هاللقاء يلي مابعرف شو غايتو ، فكري يا غفران فكري ... اييه لقيتها
اخدت موبايلها واتصلت بباسل ولما رد حكيت فورا : بدي رقم زياد
باسل : العالم بتقول مرحبا
غفران : مرحبا بدي رقم زياد
باسل ؛ شوبدك فيه
غفران : بحاجتو ضروري
باسل ؛ بتلاقيه بصفحتو على الفيس بوك
غفران : مامعي وقت ابعتلي اياه بسرعة
باسل : رح ابعتو بس بتحكيلي شو عم يصير
غفران : اوك
~~~~~~~~~~~•
عباب قصر العدل
وقف زياد بسيارتو وقبل ماينزل اخد موبايلو واتصل ع سارة يلي ماعم ترد عليه ابدا
نفخ بقهر ورمى الموبايل على التابلو بعد فشل محاولة الاتصال بس سرعان مارن واخدو بلهفة بس خاب ظنو لما شاف رقم غريب بس مارد لانو فكرو حدا من الموكلين
بس الرقم اتصل مرة تاني وبالتالتة رد
زياد : الو
غفران ؛ كيفك ميتر زياد
زياد : يا هلا
غفران : عرفتني
زياد : لا
غفران : انا غفران لازم شوفك ونحكي ضروري
زياد ؛ مين غفران ؟
غفران : زوجة معتصم
زياد : اييه ، بس انا مو فاضي حالياً
غفران : لازم نلتقى الموضوع بخص سارة
زياد : سارة !!؟ .. وينك انت
غفران ؛ انت وين انا بجي لعندك
زياد ؛ رح شوف شي مكان قريب عليه وابعتلك اللوكيشن
غفران ؛ اوك
~~~~~~~~~~~•
بعدت شوي عن الفيلا وكان سيارتها ناطرتها ركبت بعد ما اتأكدت انو محدا لاحقها
فتحت اتصال وقالت : بتضل اليوم ورا معتصم رح يقابل بنت عمو بدي اعرف المكان يلي رح يتقابلو فيه
سكرت وحكت الشوفير : وصلني ع اللوكيشن هاد (وعطتو موبايلها )
~~~~~~~~~~~•
الام والست شافوها وقت طلعت
الست : هي ع وين عم تروح مبارح واليوم
ام معتصم : ابصر ،انا مو خايفة غير عمصاري معتصم عطاها البطاقة وعم تتسرمح على كيفها
الست : ماكان لازم يخليها شهر من هون لشهر بتكون نهبتنا
الام : رح احكي مع البنك خليهن يوقفو البطاقة
الست : كيف ماخطرت عبالنا
~~~~~~~~~~~•
معتصم بمكتبو عم يشرب قهوتو و باستمتاع واتذكر قهوة غفران بس بسرعة طرد هالافكار من راسو وبدو يضل عم يفكر بس بسارة
اندق الباب ودخل رأفت
رأفت : سلاام
معتصم : يا هلا
رأفت : شو القصة محول مرضاك لعندي
معتصم : لو بقدر اجلهن كنت اجلتهن بس وضعهن مابيتأجل
رأفت : ليش شو القصة
معتصم : خلص اموري بلشت تنحل
رأفت : حلو كتتير ،هات احكيلي
معتصم ؛ رح اتقابل مع سارة كمان ساعة والظاهر خلص استسلمت
رأفت : وغفران
معتصم ؛ غفران وضعها منتهي حكيت معها وشهر بتكون طالعة من حياتي
رأفت : كيف هيك
معتصم ؛ مو مهم المهم انو بعد شهر بتطلع غفران وفورا بتزوج انا سارة
رأفت ؛ اي الف مبروك يا صاحبي
معتصم ؛الله يبارك فيك وعقبال لما تلاقي شريكة حياتك
رأفت : ان شاء الله
~~~~~~~~~~~•
وصلت غفران ع المكان المقصود وشافت زياد وراحت لعندو
وقف بكل احترام سلم عليها وقعدو
زياد : طلبت قهوة منيح ؟
غفران ؛ تمام
زياد : شو الموضوع
غفران : بالاول بدي اسألك شو وضعك انت وسارة
زياد : من مبارح عم حاول اتواصل معها وهية ماعم ترد ، مقدر ظروفها يمكن مشغولة
غفران ؛ ويمكن طلعتك من حياتها
زياد بخيبة واضحة ؛ بالاصل انا ماكنت بحياتها
غفران ؛ وقبلان تكون لعبة بين ايديها
زياد : شوبدي اعمل يعني
غفران : معتصم وسارة رح يلتقوا وبظن يرجعو لبعض
زياد : شي متوقع
غفران : وانا وانت ؟
زياد :نحنا بالاصل ماكان النا دور بحياتهن
غفران : يعني كنا وسيلة لحتى يغيظو بعض ولما يرجعو لبعض رح يرمونا برا
زياد : هي الحقيقة
غفران : بس انا مارح اسمح انو ينلعب فيني ، وانت كمان مالازم تسمح ،لك شوف حالك انت محامي قد الدنيا بتقبل تكون لعبة بأيد سارة
زياد : مابعرف
غفران : مانك مضطر تتنازل، كرامتك فوق كلشي وبدال مايلعبو فينا خلينا نحنا نلعب فيهن
سكت ومارد
غفران : مابدها صفنة وبعدين انت شو قدمت لحبك ،لك حتى محاولة ماعم تحاول
كمان مارد
غفران ؛ انا معتصم اعطاني شهر لاطلع من حياتو بس انا خلال هالشهر رح اعمل كلشي بقدر عليه لحتى اتسلى مو اكتر
شرد فيها بتفكير وبعدها حكي : معك حق انا لازم حاول ،عندك خطة
ابتسمت غفران: اي .. ليك شو رح تعمل
~~~~~~~~~~~~~•
بمكان تاني اشبه بالمكان يلي كانت فيه غفران وزياد وهو كافيه غيرو
وصل معتصم لعند سارة يلي كان بأبهى حلة وناطرتو لتستقبلو بابتسامة حلوة خلت كل الآمال تنفتح قدامو
معتصم : شو سر هالحلاوة
سارة : هي حلاوة عيونك
معتصم : بالاول شو نطلب
سارة ؛ متل ماكنا نطلب بالعادة
ابتسم ونده للنادل
معتصم : لو سمحت تنين كوفي لاتي
سارة : متذكر
معتصم : عندك شك انو ممكن انسى
ابتسمت وقالت : لاا ماعندي ادنى شك
شبك معتصم اديه وحكي : اي قوليلي شو الموضوع يلي بدك تحكيني مشانو
سارة : الموضوع هو
قاطعها صوت : سلااام
التفتو لمصدر الصوت وكان زياد
معتصم بأنزعاج : زياد !!!!
زياد : اسف حبيبتي اتأخرت عليكي
سارة بصدمة : حبيبتي واتأخرت عليكي ؟؟؟
زياد : اي ياعمري ما انا وانت تواعدنا مبارح نلتقى هون مع معتصم مشان نحكيلو عن احلى قرار اتخذناه بحياتنا
سارة : زياد لحظة شوي انت شو عم تحكي ؟
معتصم : سارة انت لحظة ، شو القصة زياد
زياد : انا وسارة قررنا نخطب
معتصم بفورة غضب : اي الف مبروك
ووقف بعصبية ليمشي
سارة ؛ معتصم لحظة شوي .. زياد عم يمزح
زياد : لا ما عم امزح هي الامور مافيها مزح ،ولا كنت ناوية تخبريه بغير طريقة
معتصم ؛ وصلت المعلومة ان كان بهي الطريقة او بغيرها الف مبروك
راح معتصم وسارة حاولت تلحقو بس ايد زياد منعتها
سارة : لك شووو عملت يا مجنون ، من وين جبت هالحكي يلي حكيتو
زياد : ليه ماعم تردي ع اتصالتي
سارة : ماوقتك ولا وقت اتصالاتك ، خربت عليي كلشي (وصارت تضرب على الطاولة بأيدها )
زياد : وانت من زمان مخربتيها علي ، وقت بدك تجاكري معتصم بيك بتتصلي فيني ووقت بتتصالحو بتتجاهليني
سارة : يعني عم ترد اعتبارك
زياد : متل مابدك افهميها
سارة : طيب انا اسفة
وقفت واخدت جزدانها لتلحق معتصم
بس كمان زياد منعها وقال : ع وين رايحة
سارة : لازم الحق معتصم وفهمو القصة
زياد : بس مارح اسمحلك
سارة : مابتقدر
زياد : انا الي بقدر يا سارة لاتستخفي بقدراتي
سارة : عم تهددني
زياد : اي عم هددك
سارة ؛ بشو
زياد : بفضحك انت وابوكي وانو ناويين على ادارة المشفى
سارة : ماعندك دليل
زياد : صح ماعندي بس هو رح يعرف لانك اخر مرة طلبتي حصتو بالمشفى ورح يربط الاحداث ويعرف انك وحدة طماعة
سارة ؛ انت بتعرف انو انا مادخلني ،هاد بابا
زياد : مو مهم المهم نتيجة وحدة ،وانا ممكن طلع مية سبب لمعتصم لحتى مايصدقك لاتنسي اني من اشطر محامين البلد وحطي بين قوسين (محامي ابن حرام ) متل مابقولوا
سارة ؛ شوبدك
زياد : بدي نبقى مع بعض شهر تخليني عبرلك فيه عن حبي واعجابي
سارة : بس انت بتعرف قلبي مع مين يعني رح تحاول على الفاضي
زياد( برضا ) ؛ بكون كسبت شرف المحاولة ، بركي عجبتك وغيرتي رأيك عن جد
سارة : ماعم افهم شي
زياد : خبرت انو كمان معتصم بعد شهر رح يطلق مرتو يعني خليكي تقيلة ولاتندلقي عليه فورا وبعد الشهر يا اما بنترك وبتروحي لعند معتصم بعد مايطلق يا اما بنكمل سوى
سارة : انت شو عرفك
زياد ؛ التقيت بغفران بالصدفة وسألتها عن هديك الليلة لانو كان الوضع متوتر وحكتلي انو تخانقو شوي ومعتصم عطاها شهر يا اما بتتغير يا اما كل واحد بطريق ...
سارة :....
زياد : لاتكوني خاينة ..على القليلة كرمال مرتو المسكينة ماتعرف انو انت السبب وتكسبي خطيتها
نزلت راسها وماحكت
زياد : شو قلتي
سارة : بدي فكر
زياد : فكري ، بس حطي ببالك مارح اسمحلك تدخلي على حياة حدا متزوج، انا لأنو بحبك بعرف مصلحتك
كمان ساكتة
بعد دقائق حكت : شو عرفك بمكاني
زياد : الحقتك ، ولما شفتك مع معتصم والابتسامة مشرقة على وجهو عرفت شو الموضوع يلي رح تتقابلو مشانو
~~~~~~~~~~~•
داخلة غفران على البيت واول مادخلت سمعت صوت ضجة
وضلت مكملة لمصدر الصوت
كانت ام معتصم والست وبتول واقفين على باب غرفة عامر
ام معتصم : عااامر افتح عم قلك
عامر : ماني فاتح
ام معتصم ؛ انت رح تجلطني ،ليش هيك عم تعمل
عامر : ماعم اعمل شي شوو عملت
ام معتصم : والخناقة يلي عاملها بالمدرسة
عامر : هنن يلي اعتدو علينا بالاول
ام معتصم : وانا مامليون مرة نبهتك تبعد عن المشاكل
عامر : شوبدك اياني اكل قتلة واسكت
ام معتصم : اشتكي للمديرة
حكت غفران : مانو زلمة وبيقدر ياخد حقو بأيدو
ام معتصم : انت لاتدخلي عم تفهميي
غفران : ليش لحتى ما اتدخل ،انت طريقتك غلط واذا عمل مشكلة خليه يعرف ياخد حقو
ام معتصم : ولادي ولاد الدكتور عمر من اكبر عائلات المجتمع بدك اياني ربيهن متل تربايتك الشوارعية
غفران : لا خليهن يطلعو طنطات احسن
ام معتصم : في فرق بين الطنطات والمحترمين يا جاهلة
غفران ؛ بالله جد
ام معتصم : بعدين انا ليش عم جادل وحدة متلك مابتعرف شي عن التربية ربيانة جنب حاويات الزبالة والاشارة ، في فرق كبير بيني وبينك انا ربيت ولادي احسن تربية
غفران ؛ واضحة كتتير التربية وعندك اكبر مثال ابنك الكبير يلي كل العيلة بتاخد عنو قرارتو وهو ماعندو رأي بالمرة
ردت عليها : شفنا القرار يلي اتخذو من راسو لما جابك
غفران ؛ مع الايام رح تكتشفي انو احسن قرار اتخذو بحياتو بس كلشي بوقتو حلو
ام معتصم :اي اخرسي وانقلعي عغرفتك
غفران : لسه ماخلصت وهلأ بدي احكي عن بنتك هي
(انصدمت بتول لماوجهت الحكي الها )
وكملت غفران : ايمت اخر مرة قعدتي معاها واسمعتيها متل شي ام راقية عقولتك ،بركي هالبنت في حدا بحياتها بركي حدا عم يستغل مشاعرها ويضحك عليها
(بتول زادت صدمتها اكتر لما اتطلعت غفران فيها نظرة خاصة )
غفران : خليهن يعتمدو على حالن حاج خايفين من المجتمع يلي مو شاطر غير بالانتقاد ،وصدقيني قد ماصرتي مثالية مارح تسلمي من انتقادتهن
وعلت صوتها ليسمع عامر : ليك عامر مابتقصر فيهن ويلي بيضربك كف ردلو اياه عشرة مانك ضعيف او جبان لتسكت لحدا مااشي
تركتن عم يتخبطو بأفكارهن وراحت على غرفتها
~~~~~~~~~~~•
بتول ماقدرت تسيطر على فضولها وحست انو غفران ورا اختفاء صابر تركت غرفتها يلي كانت رايحة جاي فيها واتجهت لعند غفران
دقت الباب ودخلت قبل ماتنطر الاذن بالدخول كان غفران قاعدة وقدامها لابتوب عم تشتغل عليه رفعت نظرها ولما شافت بتول ابتسمت وسكرتو
بتول : انت على شو كنت عم تلمحي
غفران : انا ، ابداً
بتول : مبلى حكيك كان واضح
غفران : اممم انت في شي عم ينخزك
بتول : شويعني
غفران : بقولو يلي فيه شوكة بتنخزو
بتول بلبكة ؛ طبعا لا .. بس انت ليش حكيتي عني هيك كيف بتسمحي لحالك
ضحكت غفران ووقفت وقالت : متل ماسمحتي لحالك تاخدي موبايلي وتبعتي لحبيبك صوري لحتى يبتزني
بتول بتوتر زيادة؛ انااا لا طبعا ،بعدين عن مين عم تحكي
غفران : كيف هيك معقول كان عم يكذب يعني
بتول : لي شو قلك
غفران :ههههه فضحتي حالك
بتول : اااه .. قصدي .. مين هاد يلي عم تحكي عنو .. وشو قلك
غفران : مافيكي تنكري بتعرفي ليش
بتول : ليش
غفران : لأنو صورك كلها عندي
بتول : صور شو
غفران : مافي داعي تنكري كلو واضح وصريح
صارت تبكي وتحكي بصوت مرتجف : مابعرف كيف عملت هيك ،كان بدي اتخلص منو
غفران : بتيجي بتحوليه لعندي ؟
بتول : انا معد قدرت اسحب من اهلي ولما عرفت انو معتصم اعطاكي بطاقتو قلت بحولو لعندك
غفران : وبركي ماعطيتو
بتول : كان بنفذ تهديدو وبفرجي المحادثات لمعتصم وبصير عندو حجة يطلقك
غفران ؛ هاد تخطيطك الك لحالك
بتول : الخطة الاولى اي بس اذا ماظبطت كنت ناوية دخل امي معي مشان تعطي لصابر اتعابو
غفران : لهل الدرجة مضايقين من وجودي
بتول : انا مو فارقة معي
غفران : عكل حال كلها شهر زمان وبترتاحوا مني
بتول ؛ وين صابر
غفران ؛ بالمحل يلي لازم يكون فيه
بتول : وين يعني
غفران : شفتيني امس انو مابسكت لأي حدا بحاول يدسلي على طرف وصابر بالمكان يلي لازم يكون فيه ممكن بالمقبرة ممكن بالمشفى وممكن عند الشرطة
بتول مصدومة : انت شو عم تحكي
غفران : فيكي تدوري عليه واذا مالقيته لا بمشفى ولا بمخفر بكون بالخيار التالت
بتول : عم تمزحي مو
غفران بجدية: لا ليه في بيناتنا مزح ، بالعكس لازم تفرحي انك خلصتي منو وصورك صارو بمكان آمن
بتول : انت مين
غفران ؛ هههههه مو مهم ، المهم هلأ انو انا سامحتك لأنك كنتي بمكان مظلومة فيه شوي، ولأنك بنت حماي الموصون
جامدة بأرضها من الصدمة وماعارفة شو تحكي
غفران : لو سمحتي اذا خلصتي ياريت تطلعي لأنو عندي كم شغلة
اتطلعت بتول على اللابتوب وعرفت انو مو لمعتصم
غفران :هه لاتفكري هاد مابقدر عيرك اياه متل الموبايل ،
مشت بخطوات تايهة لعند الباب بس وقفتها غفران : بتول
التفتت عليها بدون ماتنطق
غفران : الافضل يلي صار هون يضل هون وماتفتحي العيون علي ، واذا حاولتي وحكيتي انا عندي كمان شي بدي احكيه
بتول : برجع بسألك انت مين
غفران : اطمني ماني كائن مؤذي
~~~~~~~~~~•
قاعدة سارة على سفرة العشا مع اهلها وشاردة
امها : سارة حبيبتي ما تتعشي
حكت بوسط شرودها : زياد معو حق
امها : شو قلتي
فاقت على حالها وحكت : ولا شي ماما شردت شوي
ابوها : شو صار بوضوع معتصم
سارة بثقة ؛ ماصار شي ليطلق بنفكر بالموضوع مو انا يلي بقبل فيه وهو متزوج
ابتسمت امها لتفكير بنتها وابوها ماقدر يعارض لأنو عم تحكي صح
~~~~~~~~~~•
اتأخر الوقت ومعتصم مارجع على البيت
غفران : هه بكون داخل بصدمة عاطفية الاخ
طلعت من غرفتها ونزلت لقت العيلة على العشا ما عدا بتول وعامر
غفران : مسالخير
ردو ببرود
غفران لابو معتصم : عمو وين معتصم اتأخر
حكي وهو ملتهي بصحنو : قال بدو يناوب ، يعني مارح يرجع للصبح
ام معتصم : شي اكيد بدو يناوب مشان يطفش منك
ماردت عليها ولفت لتطلع لتحكيها الست ؛ تعي اتعشي
اتطلعت فيها بأستغراب وقالت : صحة وتركتن وطلعت
ام معتصم : لي لتندهيلا عمرها ماتاكل
الست : كلشي لحال بس لازم تاكل عايشة بهل البيت ومحسوبة علينا ،واذا ما اكلت هون وين بدا تاكل
ام معتصم : اطمني وقحة وقت بتجوع بتاكل
عمر : يعني متأكدين انو شهر وبيخلص كلشي
مرتو : اي معتصم اكدلنا بس لترجع خالتها يلي كانت عايشة عندها
عمر : لكن خلونا نحسن ضيافتها ،وبلاها هالمشاحنات
مرتو: متل مابدك حبيبي
~~~~~~~~~~~~•
دقت الباب على بتول ودخلت عليها متل مابتول دخلت عليها شافتها واقفة مقبال الشباك وشاردة
غفران : بدي اسألك
بتول بتوتر : عن شو
غفران : معتصم اكتر اكلة بحبها شو
بتول : لي
غفران : بدي روح ع المشفى واخدلو عشا ... ما اجا ع العشى يقبر قلبي الهي
بتول : متعصم بحب الشي الخفيف عالعشى
غفران ؛ متل ؟؟
بتول : اممم .. معتصم بحب هاد الكعك يلي بينباع بالطريق
غفران : وين بلاقي منو
بتول : فيكي تمري عشي فرن بتلاقي طلبك
غفران : ميرسي ع المعلومة
طلعت غفران واتذكرت بتول انو امها وقفت بطاقة معتصم
لحقتها لعند الباب :غفران
غفران : اي ؟
بتول : معك مصاري
غفران : اكيد ماني بحاجتك
بتول بخجل : بس امي وقفت بطاقة معتصم يلي معك
غفران ؛ هه اصلا ما استخدمتها لاعرف اذا واقفة او شغالة
رمتلها بوسة وقالت : تصبح على خير ياحلوة
رجعت بتول ادراجها والشك كبير جواتها انو غفران ابدا مانها انسانة عادية
~~~~~~~~~~
بمكتب معتصم بالمشفى اندق الباب ودخل رأفت بتيابو العادية
رأفت : انا مابصدق ايمت روح وارتاح انت بتعزمني ع السهرة بالمشفى
معتصم : طيب شو اعمل اذا ماعندي رفقات غيرك
رأفت : ما اختلفنا بس كان بلاها هالمناوبة كنا طلعنا اسهرنا بشي مكان
معتصم : اذا سهرت بشي مكان مضطر ارجع عالبيت وانا ماني طايق شوف حدا
قعد رأفت وحكت : شو صار معك انت وسارة
معتصم ؛ طلعت جاي تخبرني انها رح تخطب هية وزياد
رأفت: عنجد ؟؟
معتصم : اي والله ،يا اما عم تحاربني بنفس السلاح
رأفت: اي وشو الحل
معتصم : مافيني اعمل شي قبل ما اتخلص من غفران ، وانا وعدتها لشهر بدي استسلم لواقعي وبعد الشهر بطلق غفران وبحكي سارة انا تركت غفران اذا بدك ايانا اتركي زياد وخلينا نرجع وحاج ولدنة
زياد : اي والله ولدنة
معتصم : اي شو تشرب
رأفت : قوم ننزل ع الكافيه تحت نطلع شوي من الجو
معتصم : تفضل
مشو لعند الباب واول مافتحو طلعت بوجهن غفران ،رأفت مابيعرفها لما شافها للولهة الاولى ابتسملها لانها بالفعل اثنى حلوة وانيقة
كان معها كيس كعك وبوكيه ورد
معتصم لما شافها نفخ وماعجبو
غفران : مسالخير
رأفت ؛ اهلا يا مسالنور
معتصم رد بأشبه بالهمس : مسالنور
رأفت ؛ شكلك مخربطة بغرفة شي مريض يا انسة
غفران : لا وصلت للمكان الصحيح
حكي معتصم ببرود ؛ رأفت هي غفران
رأفت : غفرااان ؟
اتطلع بمعتصم بصدمة ورجع اتطلع فيها
رأفت : انت غفران
غفران : بتعرفني ؟
معتصم : رأفت رفيقي وبيعرف كلشي
غفران بغنج : يعني حاكيلو عني حبيبي
رأفت ببلاها : اي حكالي وياريت ماحكالي
غفران : عفواً
رأفت : قصدي يلي حكاه مابوافيكي حقك
ابتسمت وقالت : مافي تفضلي
معتصم ؛ شو جابك
رأفت : هيك حدا بحكي مرتو متعذبة وجابية ورد وحلو
غفران : معو حق رفيقك
معتصم : طيب اتفضلو
رأفت : انا بصراحة لازم روح
معتصم : خليك غفران شوي ورايحة
رأفت : لا ماحلوة اقعد بين تنين متزوجين
معتصم : انا عم قلك خليك (واصر عليه بعيونو )
غمزو رأفت بمجاكرة وقال : شوي وراجعلك بدي اعمل فتلة ع المرضى
هزلو راسو بتوعد ورأفت راح
غفران ؛كيفك ياعمري ،انشغل بالي عليك وماعم ترد على اتصالاتي
معتصم : ماعم رد يعني مابدي رد
غفران ؛ طيب انزعجت ليش جيت ؟
معتصم : ما الها داعي ابدا جيتك لهون
غفران ؛ جبت كعك
معتصم : والورد لشو شو شايفتني مريض
غفران : مو ضروري بتحطن هون على المكتب كل مابتشوفن بتتذكرني
معتصم بعصبية ؛ انا هربان منك بدك اياني اتذكرك
صدمتها الجملة لا بل جرحتها بس اتظاهرت بالامبالاة
غفران ؛ عم تمزح بعرف
قربت على خزانة مع الحيط تدور على فازا تحط الورد فيهن وعطتو ضهرا لتقدر تغمض عيونها بقهر وغصة
معتصم : على شو عم تدوري
غفران : شي نحط الوردات
معتصم : خلص خليهن على الطاولة
هزت براسها وحطتن
وقعدت وقالت : طلبت شاي ناكل مع الكعك
فتحت الكيس وريحتهن ملت المكان
قعد مقبالها راضخ لجوعو
غفران :ماعرفت ايو نوع بتحب اكتر جبت من كل نوع تنين في كرواسان وسمون وبريوش وكعك
معتصم : ليش عذبتي حالك
غفران : عذابك راحة يا روحي
اجت الشاي ومعتصم اخد كروسانة وصار ياكل فيها بتأني و عم بتجنب النظر عليها
غفران لتفتح حديث وتغير المود : اليوم كان في مشكلة البيت
معتصم بأنتباه : مشكلة شو ؟
غفران : عامر عامل مشكلة بالمدرسة وامك كانت معصبة عليه
معتصم : امم
غفران : بس كأنو امك عم تبالغ بحرصها عليكن بالنهاية انتو رجال ، لاحظت بتخاف عليكن اكتر من بتول يلي المفروض يكون الحرص الها
معتصم : امي فقدت ابن ومن وقتها بتخاف كتير علينا
غفران : شو سبب الوفاة
معتصم : كان صغير وكتير الحركة فلت من ايدها وضربتو سيارة
غفران : امم يعني دايقة مرارة الفقد
معتصم : اي وخصوصا نحنا الشباب مابتقدر تحبسنا بالبيت مشان هيك قد مافيها بتحاول تنبهنا وبتخاف علينا كتير
غفران : بس بالنهاية مابصير غير يلي الله كاتبو
معتصم : معك حق ،بس هيك عقلها وعم نسايرها
غفران شردت وحكت: ياريت كانت امي عايشة
معتصم : شقد كان عمرك لما توفت
غفران : ٩ سنين
معتصم : كيف ماتت
شردت بغصة وماردت
معتصم ؛ صعب الفقد ماهيك
غفران : كتير ،المهم شيلنا من هالسيرة
معتصم : اسف ،الله يرحمها
غفران : تعيش
معتصم : حياتك كانت صعبة ؟
غفران : قضيت حياتي وحيدة ،هو في ناس تدخل على حياتي وتطلع بس محدا بقي حتى بابا مانو جنبي
معتصم :ولا حتى اصدقاء
غفران : لا
تركت الكعك من ايدها وشردت بحزن
قلبو وجعو عليها
معتصم : غفران
اتطلعت فيه
معتصم بتردد : انا ...
قاطعتو : لاتهتم تعودت على حياتي ، كان بدي اسألك
معتصم : اسألي
غفران : عندكن قسم تجميل هون بالمشفى
معتصم : عمي خالد عم يحاول كتير يعمل هيك قسم بس انا وابي رافضين
غفران : لي فكرة حلوة
معتصم : مابدي هيك سخافات بمشفانا
غفران : طيب في حالات بتحتاج تجميل
معتصم : اي هيك عمليات بتصير عنا غير هيك لا ، ومراكز التجميل معباية البلد ، بعدين غير بكرا تجي شي وحدة بنت مسؤول راسها مربع تصير بدها تشقل انفها ومايعجبها الموديل تصير تهدد بدها تسكر المشفى ،بغنى عن هيك شي
ضحكت غفران على طريقتو
ابتسم معتصم وقال؛ شو عجبتك السيرة ؟
غفران : ههههه هيك شي
معتصم : بس انت لي عم تسألي عن التجميل
غفران : عم فكرت اعمل فيلر لشفافي
معتصم : شفافك انت
غفران : اي
معتصم : لا بالعكس شفافك حلوين كتتير ومثاليات
غفران عم تستدرجو بالحكي : يعني انا حلوة
معتصم حكي ومانو عرفان نواياها : اي حلوة
غفران ؛ يعني عاجبتك
انتبه لوين بدها توصل وقال : بشكل عام حلوة ومابدك عمليات تجميل
غفران : لكن انا صار لازم روح
معتصم : بكير
غفران بقلبها : من شوي ماكان بدك اياني، بس الوصفة ماشية مية مية
غفران : بكفي ،مابدي عطلك اكتر من هيك بدوامك
معتصم : شكرا ع الكعكات
غفران : صحة وهنا
اخدت غراضها وطلعت تركتو متأثر فيها وكأنها قدرت تغيرلو المود شوي
~~~~~~~~~~~•
قاعدة بتختها عم تتجهز للنوم ليرن موبايلها بمسج اتناولت من على الطاولة يلي جنبها وكان زياد : سارة فايقة ؟
نفخت وردت : اي فايقة
زياد : كيفك
سارة : منيحةة
زياد : وانا منيح الحمد لله
سارة ؛ بس انا ما سألت
زياد ؛ مو مهم
سارة ؛ خير في شي
زياد : حابب ندردش شوي
سارة : نعسانة وبدي نام
زياد : الوقت بكير نص ساعة مابتأثر
سارة : زياد صدقني يلي عم تعملو رح ينقلب ضددك ،لا تتأمل مني شي ، انت بهل الشهر شو رح تستفيد غير تتأمل بالعدم
زياد : بتعبر حالي مريض وعندي شهر واحد لعيشو ورح اختار انو عيشو معك وقريب منك وبعدها اذا متت ما بأثر
سارة : لاتحكي هيك ،بعيد الشر عنك
زياد : لا مو بعيد، سارة انا من دونك عم موت وانت مو حاسة فيني
سارة : لهل الدرجة بتحبني
زياد : شي اكبر من الحب ، فأذا بتعطيني هالشهر كون قريب منك رح كون ممنونك طول العمر
سارة متأثرة ؛ انا اسفة
زياد : على شو ؟
سارة : يمكن علقتك فيني بدون ما انتبه
زياد : لا تتأسفي انت ماذنبك ، الذنب ذنب قلبي يلي حب شي مو الو
شاردة بالشاشة ودمعة عالقة بطرف عينها
زياد : وين رحتي
ردت : معك
زياد : شو رأيك بكرا نفطر سوى
سارة : ماشي حدد العنوان وانا جاهزة