رواية انا والمغرورة الفصل التاسع9 العاشر10 بقلم اروي عادل
شادية٠ ستى أسيل
فاتن ٠ فى ايه يابت ما تنطقى مالها أسيل
شادية ٠ تاهت منى
فاتن٠ هتجولى ايه يا مخبلة انتى تاهت كيف يعنى
سميحة ٠ خبر ايه
فاتن٠ دى شادية هتجول ان أسيل ضاعت منيها
( صرخت سميحة هى تضرب بيديها على صدرها)
سميحة٠ واه يا مرارى .هاتى المحروق ده.. ازاى ضاعت منيكى
شاديه٠ واللهى كانت جارى( جانبى) فجأه أختفت. مخابرش وين
سميحة . يعنى ايه اختفت يا مخبلة و انتى وين دلوك
شاديه٠ فى سوق السياحى
سميحة ٠ واه روحتى تنيلى ايه اهناك
شاديه٠ ستى أسيل هى إللى جالتلى انها رايده تروح السوق .. أنى اعمل ايه دلوك
سميحة ٠ خليكى عنديكى أشيعلك( ابعتلك) حامد وصلاح
( أنتهت المكالمة )
سميحة٠ ارمحى دلوك ( اجرى) هاتلى حامد و صلاح طوالى
فاتن٠ حاضر ياما
( رجعت و معاها حامد وصلاح و نعمات و بناتها)
حامد٠ صح الحديد ده يا جده
سميحة ٠ أيوه يا ولدى
نعمات٠ يعنى ضاعت كيف هى عيلة صغيره اياك
سميحة٠ اسمع يا حامد خد رجاله أمعاك روح دوروا عليها انشالله تجلب الأقصر كلاتها عليها
( ذهب حامد و صلاح ومعاهم بعض الرجاله للبحث عن أسيل
////////////////////////
بعد مرور ساعتين
----------
سميحة ٠ يا مرارى يابوى البنيه راحت منينا على أجده
فاتن٠ اهدى ياما مش أجدة صحتك
نعمات٠ اومال وين جاسر
سميحة ٠ واه لساته جاسر ميعرفش
يا مرارى يا سمحيه
سعاد٠ يعنى هيعمل ايه . ده كأنه ما هيصدق انه خلص منيها
سميحة ٠ واه جاك كلب يحش مصرينك.. قومى من وشى قبر يلمك يا بعيده
نعمات٠ واه بالهداوه على البنية مش أجدة ياما
سميحة٠ فاتن أحكى مع حامد تانى
فاتن٠( بعد ما اتصلت ) لساتها ضايعة
سميحة٠ بجولك ايه كلمى جاسر .
فاتن٠ حاضر ياما
( اتصلت فاتن بجاسر قالت لجاسر يحضر حالآ لم يمر إلا ربع ساعة و كان جاسر فى المنزل )
رحاب٠ جاسر وصل يا جده
سميحة ٠ ربنا يستر
جاسر٠ مالكم في ايه
سميحة٠ اسمعنى ياولدى (ثم سكتت)
جاسر ٠ ماتتكلمى يا جده في ايه
نعمات٠ بصراحه أكده مرتك تاهت
جاسر ٠ تاهت يعنى ايه مش فاهمه
فاتن٠ كانت مع شاديه و تاهت منيها
جاسر ٠ العزبة مش كبيرة لدرجة تتوه فيها يعنى اكيد هتظهر دلوقتى
نعمات٠ لاه ياولدى ما هى ماكنتش فى العزبه دى تاهت فى الأقصر( وهنا صرخ فيهم جاسر )
جاسر٠( بصراخ) و هى ايه اللى وداها الأقصر
سميحة ٠ نزلت مع شادية الأقصر
جاسر٠ راحوا مع مين
سميحة ٠ لوحدهم ياولدى
جاسر ٠ ازاى تسيبها تطلع من البيت .. هى متعرفش ايه حاجه هنا . كنتى حتى ابعتى معهم حد ومين قالها تروح اصلآ
سميحة ٠ ( بتوتر) انى إللى جولتها تروح . كمان هى أسيل راحت بالعربيتها
جاسر٠( بغضب) كمان بالعربيتها . حد اتصل بيها
فاتن٠ محدش فينا أمعاه نمرتها
فاتن٠ ان شاء الله هنلاجيها ..حامد و صلاح راحوا يدوروا عليها
جاسر٠ من امتى
نعمات٠ يجى ٣ ساعات
جاسر ٠ وانا آخر من يعلم صح
( انفجر فجأة كبركان و هو يصرخ)٣ ساعات و محدش كلف نفسه يقولى
سميحة ٠ احنا جولنا هنلاجيها جبل ما تاجى
( هنا حاول جاسر الإتصال بأسيل لكنها كنسلت عليه بعدها تم غلق الهاتف )
سميحة ٠ خبر ايه
جاسر٠ كنسلت عليا بعدها التليفون اتقفل
نعمات٠ يبجى لازمآ طفشت
( كانت عيون جاسر حمرا مثل جمرة النار من الغضب عندما نظره إلي نعمات .. كانت نظرات جاسر كفيله أن تخرس نعمات لانها تعلم ماذا سيحدث لها من جاسر لو نطقت بالكلمة إخرى..
و رغم ذلك كان جاسر يفكر ايضآ فى هذا الاحتمال ان تكون أسيل هربت منه إلا لماذا لم ترد على إتصاله
و لماذا قامت بقفل الهاتفها و هنا قال)
جاسر٠ انا رايح أدور عليها
( خرج دون انتظار اي رد من أحد)
( إخذ الجاسر السيارة و ذهب يبحث عنها .. كان جاسر يقود السياره بسرعة رهيبه حتى انا وصل للمكان فى نص الوقت)
☆☆☆☆☆☆☆☆☆☆☆☆☆☆☆☆☆☆☆☆
---------فى السوق السياحى---الاقصر

( التقى جاسر بالجميع )
حامد٠ مش موجوده فى السوق كله
جاسر٠ ازاى يعنى راحت فين.. شاديه ازاى تاهت منك
شادية ٠ هجولك الحق. هى كانت بتشترى حاجات كتير
/////////////////////
فلاش باك
//////////////////////
شادية ٠ كفايه يا ست أسيل هنشيل كل الحاجات دى كيف
أسيل٠ خلاص روحى حطى الاكياس إللى معاكى فى العربية و انا هستنكى هنا
شادية٠ اسيبك لوحدك أهنه
أسيل٠ ماتخفيش انا هتفرج على المحل ده لحد لما تيجى . يلا روحى بقى
( غادرة شاديه للسيارة)
وقفت أسيل أمام المحل و قالت لصاحبه
أسيل٠ لو سمحت بكام العقد ده
صاحب المحل ٠ ٤٥٠ج
أسيل٠ تمام انا هخدو
( هنا قامت بالاتصال بهاجر)
أسيل٠ الو هاجر
هاجر٠ الو أسيل ايه يا بنتى اخبارك
أسيل٠ تمام . تعرفى انا فى سوق سياحى فى الأقصر بس فى هنا انتيكات
و اكسسوارات تحفه كمان فى حبة شنط تجنن
هاجر ٠ أسيل انتى حبيبتى هتجيبلى ايه معاكى
أسيل٠ جبتلك عقد تحفه و جيبت كمان شنطه ل
( هنا صرخت أسيل)
هاجر٠ فى ايه
أسيل٠ مش عارفه فى حاجه شكتنى فى دراعى جامد
هاجر ٠ حاجه زى ايه
أسيل٠ زى دبوس مش عارفه بس الست إللى كانت واقفه جانبى حاسه انها هى إللى شكتنى
هاجر٠ يمكن متهيألك
أسيل٠ هاجر الدنيا بتلف بيا
هاجر٠ أسيل. أسيل٠ أسيل ردى عليا يا أسيل
( هنا أسيل فقدة الوعى بينما هاجر كانت بتصرخ فى الهاتف عندما سمعت ست بتقول انها مع أسيل و بعدها تم غلق الخط)
///////////////////////////
عودنا من الفلاش بال
///////////////////////////
شادية ٠ لما رجعت مش لاقيتها فى المحل
جاسر٠ تعالى ورينى المحل ده فين
شادية ٠ اهو المحل ده
جاسر٠ لو سمحت فى بيت كنت بتشترى حاجات هنا من ٤ ساعات تقريبآ.
صاحب المحل ٠ يا باشا انى بيجى عندى زبائن كتير هفتكر مين ولا مين
حامد٠ أنى أمعايا صور ليها على التلفون
( نظره جاسر لحامد بغضب)
جاسر٠ صورة مراتى بتعمل ايه على تليفونك
صلاح٠ الحديد ده مالهوش عازه دلوك
( عندما رأى صاحب المحل الصوره)
صاحب المحل ٠ ايوه طبعآ فاكرها اشترت منى حاجات كتير قبل ما تتعب
جاسر٠ تتعب هى كانت تعبانه
صاحب المحل ٠ ايوه فجأة وقعت من طولها وهى واقفه أهنه. والست إللى كنت أمعاها هى إللى أخدتها
شادية٠ أنى إللى كنت أمعاها و ماشوفتش ايه إللى بتجول عليه ده
صاحب المحل٠ لاه مش انتى الست إللى كنتى أمعاها
جاسر ٠ شكلها ايه الست دى
صاحب المحل٠ كانت منقبة ماشوفتش شكلها
جاسر٠ صلاح خد شادية شوف العربية أسيل لسه ركنة مكانها
صلاح ٠ ايوه لساتها مكانها شوفتها جبل سابق
( هنا جاسر أتأكد ان فى حاجه غلط)
جاسر٠ حامد و الرجالة خليكم هنا فى السوق ... صلاح هات شاديه تعالى معايا
صلاح ٠ وين
جاسر٠ هبلغ البوليس
☆☆☆☆☆☆☆☆☆☆☆☆☆☆☆☆☆☆
------------فى سيارة----- أمام السوق السياحى

فى كبوت السياره نصف نقل
--------------
بتدأت أسيل تفتح عينيها لكنها رجعت اغلقتهم عندما سمعت المرأتان و رجل يتحدثون)
المرأة ١ ٠ يابوى شوفتى شنطتها فيها فلوس جد ايه
المرأة ٢ ٠ و التليفون شكلو غالى أوى
الراجل ١ ٠ ده ايفون يابت
المرأة ١ ٠ ايه ده
الراجل ١ ٠ دى فيزا
المرأة ١ ٠ يعنى بتجيب فلوس الفيزا دى
الراجل ١ ٠ دى بتجيب السعد كله . يابت اوعى تكون أجنبية الحكومة تطربق الدنيا على دماغنا
المرأة ١ ٠ جولتلك لاه أنى سمعتها وهى بتحدد فى التليفون كانت بتتكلم مصراوى
و كانت لوحدها كمان
الراجل ١ ٠ طيب اقلعى الدهب منيها خلينا نرميها قدام السوق . لو انها خسارة تترمى
المرأة ١ ٠ لم نفسك احسنلك
( سمعت أسيل كل ما دار و فهمت ما يحدث لكنها فضلت على حالها هى تفكر كيف تخرج من هذا المأزق )
المرأة ٢ ٠ خليكم كده لحد ما تفوق
الراجل ١ ٠ لاه ماتخفيش دى اخده مخدر. قدامها على الأقل ٥ ساعات لما تفوق
(من الواضح أن كمية المهدئات إللى بتخدها أسيل أثرت على مفعول المخدر )
الراجل ٢ ٠ امشوا من هنا بسرعة
الراجل ١ ٠ خبر ايه
الراجل ٢ ٠ السوق كله مقلوب على البت دى
الراجل ١ ٠ ليه هى تطلع مين
الراجل ٢ ٠ يقولوا انها من عائلة المطيرى
الراجل ١ ٠ يا وجع مربربة
الراجل ٢ ٠ ليه يعنى
الراجل ١ ٠ دى عايلة كبيره قوى عندينا فى الأقصر .. .ربنا يخرب بيتك يابعيده مالقتيش غير دى تخطوفيها
المرأة ١ ٠و انى اعرف من وين بعدين شكلها غريبة من أهنه
المرأة ٢ ٠ احنا نرميها فى الصحراوى ولا من شاف و لا من درى
الراجل ١ ٠ بسرعة قبل ما الحكومة تملاه المكان
( هنا ذهب الرجلين إللى الكابينة السيارة بينما ظل المرأتان فى الخلف مع أسيل)
( هنا فكرت أسيل انه أنسب وقت لكى تهرب قبل أن تتحرك السيارة وهنا قامت بدفع المرأة الاوله حتى ارتطمت رأسها فى السيارة فاقدة الوعى...و هنا بدأت السيارة تتحرك.. بينما المرأة الثانيه حاولت تهجم على أسيل لكن أسيل دفعتها برجليها لخارج السيارة هنا صدمتها سيارة أخرى ثم قامت أسيل بالقفز من السيارة و هى تتحرك بعد ما اخدت شنطتها كادت هى ايضآ ان تصدمها سيارة لكنها واقفت فى اخر لحظه.. و هنا وقفت السيارة المختطفين بعد ما أنتبه الرجلين ما يحدث فى الخلف السياره
بينما ركضت أسيل عندما رأت الرجلين ينزلان من السيارة
هم ايضآ ركضوا ورأها لكنهم وقفوا فجاة من الصدمة عندما شاهدوا المرأة الثانيه وهى على الأرض بعد ما صدمتها سيارة
ما كان أمامهم غير الهروب من المكان
توقفت أسيل و هى تلهث بعدما تأكدت أن لا يوجد أحد وراها ... كانت أسيل تشعر بالاجهاد و التعب
و الأم فى جسدها كله نتيجة القفز من السيارة هى مسرعة
رغم ذلك حاولت تتمالك نفسها و هنا اخرجت الموبايل حتى تتصل على جاسر لكنها كنت الصدمة عندما رأت هاتفها محطم نتيجة القفز من السيارة
عندها سألت إحد المارة فى الشارع عن مكان لتصليح الهاتف الجوال
☆☆☆☆☆☆☆☆☆☆☆☆☆☆☆☆☆
-------فى قسم الشرطة فى نفس الوقت-----
( بعد ما هاجر اتصلت بجاسر و حكت لها ما حدث فى المكالمة الهاتفية التى كانت بينها و بين أسيل
تأكد جاسر و الشرطة أنه تم اختطاف أسيل)
الظابط ٠ لو سمحت يا كابتن جاسر مش كدا اهدى شويه
جاسر ٠ لو سمحت انت محدش يقولى اهدى
الظابط٠ القسم كله بيدور عليها ما أنه قانون المفروض ماتحركش قبل ٢٤ ساعة من غيابها
صلاح ٠ اهدى يا جاسر خلى الناس تشوف شغلها
جاسر٠ مش قادر اقعد وانا مش عارف ايه إللى بيحصل معاها .. انا هروح أدور عليها بنفسى
صلاح ٠ رايح فين دلوك
( خرج جاسر متجاهل كلام الجميع)
☆☆☆☆☆☆☆☆☆☆☆☆☆☆☆☆☆☆
----------فى محل تصليح الهاتف----
أسيل٠ لو سمحت عايز اصلح الموبايل
صاحب ٠ طيب سيبه هنا تعالى خدى بكره
أسيل٠ ماينفعش انا عايزه اصلحو دلوقتى.. انا ممكن ادفعلك إللى انت عاوزه
صاحب المحل ٠ طيب أقعدى شويه اشوف هينفع يتصلح النهاردة ولا لاء
الفصل العاشر
صاحب المحل ٠ طيب أقعدى شويه اشوف ينفع يتصلح النهاردة ولا لأ
( جلست أسيل وهى متعبة)
بعد مرور نصف ساعة
أسيل٠ لسه كتير
صاحب المحل٠ لأسف يا أنسة عايز تغير شاشة
أسيل٠ اوكى غيرو الشاشه
صاحب المحل٠ التليفون ده غالى والشاشة بتاعتو بتجى بطلب ممكن بعد يومين اجيبهلك
شاشه له
أسيل٠ طيب قولى مافيش مكان تانى قريب من هنا تكون الشاشه موجوده عنده
صاحب المحل٠ قريب من هنا لا مافيش
أسيل ٠ شكرآ
☆☆☆☆☆☆☆☆☆☆☆☆☆☆☆☆☆☆☆
----------فى سيارة جاسر-----------
( رن هاتف جاسر)
بدء المكالمة
جاسر٠ الو يا صلاح فى جديد
صلاح٠ ايوه فى حا*دثه حصل فى شارع المحطة من شويه عربية خبطت بنت
جاسر٠( برعب) تقصد انها أسيل
صلاح ٠ لاه بس شافوا بنت تانيه نفس المكان بنفس مواصفات أسيل بتجرى أهناك كانت بردو هتخبطها عربية و الحكومة رايحه على أهناك
جاسر ٠ انا جانب الشارع هروح عليه
(إنتهت المكالمة)
( خمسة دقائق و وصل جاسر للشارع)
(ظل يسأل فى الشارع عنها من الصوره إللى فيه الهاتف لكن دون فايده )
جاسر٠ لو سمحت ماشوفتش البيت إللى فى الصوره دى
صاحب المحل٠ ايوه دى كانت هنا جايه تصلح تليفونها
جاسر٠ امتى
صاحب المحل ٠ من عشر دقايق تقريبآ
( وهنا خرج جاسر مسرعآ و هو يبحث عنها يمينآ و يسار حتى سمع صوت يأتى من خلفوا)
أسيل٠ لو كنت اعرف أن خوفك عليا هيخليك تمشى على رجلك من غير عكاز كنت خوفتك عليا من زمان
( واقف جاسر دقيقة لكى يستوعب انه هذا صوت أسيل ثم استداره ليجدها أمامه ركضه إليها و عنقها

... استغربت أسيل من رد فعل جاسر عندما رأها ٠٠ بينما كان جاسر ينظر إليها ليتفحص جسدها ليطمئن انها بخير و هو يقول بنبرة منفعلة من القلق عليها)
جاسر٠ انت كويسه . طيب فيكى حاجه .. ساكته ليه ماتتكلمى و أيه الجرح إللى فى راسك
أسيل٠ الحمدالله أنا كويسه . ده جرح بيسيط
جاسر٠ امال شكلك متبهدل كده . و هدومك كمان
أسيل٠ ده موضوع طويل . هحكيلك على على كل حاجه بس فى البيت عايزه امشى من هنا لو سمحت
جاسر٠ لأ نا عايز اعرف دلوقتى انتى كنتى فين . و أختفيتى فجأه من السوق كله روحتى فين وبعدين انتى اصلآ ايه إللى وداكى السوق و ازاى تطلعى من البيت من غير أذنى . ماتردى و لا انتى حبه تلعبى بأعصابنا وخلاص
أسيل٠ بالله عليك مش وقت خناق دلوقتى خالص انا كل حته فى جسمى بتو*جعنى مش قادره حتى أقف على رجله
( هنا أمسكها جاسر من ذراعها ليتفحصها لثانى مره)
جاسر٠ ما انا سألتك فيكى حاجة وانتى قولتى انك كويسه
( هنا صرخت أسيل عندما أمسك جاسر ذراعها من الألم )
أسيل٠ اه ايدى
جاسر ٠ مالك فى إيه ٠٠دراعك ماله
أسيل٠ مش عارفه كتفى كله بيو*جعنى
جاسر٠ تعالى نروح المستشفى
أسيل٠ لا مش مستاهله
جاسر٠ هنروح المستشفى و نشوف هناك أذا كانت مستاهله ولا مش مستاهلة
( ركبت أسيل السيارة مع جاسر ... و هنا لاحظ جاسر . أسيل وهى بتنظر على رجلو )
جاسر٠ عجباكى رجلى
أسيل ٠ سورى بس من غير عكاز ازاى
و امتى
جاسر٠ انتى قولتيها من خوفى عليكى
أسيل٠ ( بأحراج) ده مجرد كلام طلع منى لما شوفتك واقف على رجلك يعنى ماكنتش أقصدو
جاسر٠ بس الكلام ده حقيقى انا فعلآ خوفت عليكى لدرجة انى ما اخدتش بالى و نسيت العكاز
( كنت أسيل غير مستوعبه كلام جاسر وهى تقول لنفسها معقوله هو كان خايف عليا بجد
و هنا قالت)
أسيل٠ كنت خايف على أسيل و لا على مراتك
( وهنا تذكر الحا*دث و انها تزوجته رغم عنها و بشروط حينها قال)
جاسر٠ انتى مراتى و شايلة أسمى أى حاجة تحصل ليكى تبقى فى وشى و وش عايلتى
( ادايقت أسيل من كلام جاسر )
أسيل٠ اه تمام
جاسر ٠ ادايقتى من كلامى
أسيل٠ لأ عادى هدايق ليه يعنى
☆☆☆☆☆☆☆☆☆☆☆☆☆☆☆☆☆☆☆
------فى المستشفى----------
( بعد ما جاسر و صل المستشفى اتصل بالجميع واخبرهم انه وجده أسيل)
جاسر٠ خير يا دكتورة
دكتوره٠ ماتخفش كلها شويه كدمات بس هى إصابة كتفها اللى هيحتاج عناية شوية لان المكان ده صعب يتجبس
جاسر ٠ هى أصابة كتفها خطيرة
دكتورة ٠ لأ بس هو هيتعبها شويه
و هيحتاج من اسبوع لعشر أيام لحد ما يخف وكمان ممكن تسخن شويه انا هكتبلها على مسكن و دهان موضعى ده مع كمادات مياه الساخنه مرتين فى اليوم هتساعدها فى تسريع الشفاء و تخفيف الألم
جاسر٠ تمام يا دكتورة
أسيل٠ (بتعب)طيب انا اخرج دلوقتى مش كده
دكتورة ٠ تمام ممكن تخرجى بس ياريت تهتمى بأكلك كويس لان تحليل إللى معايا ظاهر عندى ان نسبة الانيميا عندك عليا ...وضح انك مش بتكلى كويس لازم تهتمى بنفسك اكتر من كده .. لازم تاخدى علاج للأنيميا.. ده بعد ماتخلصى علاج كتفك الأول . تمام
جاسر ٠ تمام احنا متشكرين لحضرتك
دكتوره . على ايه ده واجبى . طيب عن أذنكم
( غادرة الدكتورة بينما جاسر نظر إلى أسيل قال)
جاسر٠ انتى آخر مره أكلتى فيها امتى
( سكتت أسيل) طبعآ مش فاكره . حتى صحتك مستهتره بيها
( وهنا دخل الظابط و معاه حامد )
الظابط٠ حمدالله على السلامة يا مدام ممكن بقى نعرف إللى حصل
( حكت أسيل كل ما حدث بتفاصيل)
الظابط ٠ يعنى الست إللى كنت تبع حا*دثة امبارح من المختطفين
أسيل٠ اه انا إللى راميتها من العربية
( وهنا نزلت دموع أسيل رغم محاولاتها لأخفائها)
جاسر٠ انتى بتعيطى ليه دلوقتى
أسيل٠ مش عايزه اكون سبب فى مو*ت حد
الظابط ٠ هى عايشة متخافيش
جاسر٠ لو حتى ما*تت ده دفاع عن النفس
أسيل ٠٠ بس انا مش أد حمل ذنب حد تانى يتأذى بسببى
الظابط٠ طيب أمضى على اقوالك بس اكيد هنحتاجك تانى
جاسر٠ ليه
الظابط٠ إللى كانوا خطفينها احنا بندور عليهم من مدة انتى مش أول ضحية ليهم
بس انتى اول واحده تشوف وشهم
جاسر. دول عصابة بقى انتو ازاى ساكتين على حاجة زى كدا
الظابط ٠ للأسف همآ أذكياء جدا بيختاروا البنات إللى بيكونوا لوحدهم بيخدروهم
و بيخدوا اى حاجة معاهم فلوس دهب موبايل بعد كدا بيرموا البنات دى فى اى مكان مقطوعة طبعآ البنت بتفوق بتلاقى نفسها مرميه مش فاكره ايه حاجه ولا عارف ايه إللى حصل
أسيل٠ أنا على كده محظوظه انى فوقت بسرعة
جاسر٠ ده تقريبآ بسبب المهدئات إللى بتخديها أثرت على مفعول المخدر
الظابط٠ كده انا فهمت انتى فوقتى بسرعة ليه
أسيل٠ هو الحوار ده هياخد وقت كتير انا تعبت
حامد ٠ متشغليش بالك ..انتى ارتاحى المهم انتى بخير
( هنا أنتبه جاسر لوجود حامد)
جاسر٠ انت مارجعتش على العزبة
حامد٠ جولت أطمن عليكم الأول و نرجع سوا
جاسر٠ أسيل فين مفاتيح عربيتك
أسيل ٠ فى الشنطه
بعد ما اخذه جاسر مفاتيح سيارة أسيل قال
جاسر٠ خد المفاتيح دى و ارجع انت بالعربية بتاعت أسيل . وانا هجيب أسيل بعربيتى
☆☆☆☆☆☆☆☆☆☆☆☆☆☆☆☆
___________فى سيارة جاسر__________

جاسر٠ انت كويسه
أسيل٠ أنا تمام ... وقفت هنا ليه
جاسر ٠ هنزل اجيب العلاج و عشا مش هتأخر و لا تحبى تنزلى تأكلى فى المطعم
أسيل٠ لا ده ولا ده انا عايزه اروح
جاسر٠ انا غلطان انى سألتك
( قال جملته ثم غادرة السيارة بعد نص ساعة رجع)
أسيل٠ اتأخرت كده ليه
جاسر٠ نص ساعة مش تأخير .... أتفضلى كلى
أسيل٠ بيتزا . انا قولتلك (قاطعها قائلآ )
جاسر ٠ ملكة الاعتراض ممكن تكلى وانت ساكته
( لاحظة جاسر انها لا تستطيع أن تأكل بأيدها نظرآ لأصابة كتفها ..هنا أوقف السيارة على جانب و قامة بأطعمها بنفسه.. أحست أسيل بأحراج من أهتمامة)
أسيل٠ متشكرة شبعت
جاسر ٠ انتى مش كلتى غير قطعه واحده والدكتوره قالت أنك لازم تكلى كويس
أسيل٠ معلش انا مش قادره
جاسر٠ خلاص تبقى تكملى اكل فى البيت
☆☆☆☆☆☆☆☆☆☆☆☆☆☆☆☆☆☆☆☆
----------فى عزبة المطيرى--------المنزل
( الجميع فى أنتظار أسيل حتى عمران وسميرة رجعوا من السفر لما عرفوا خبر أختفاء أسيل)
سميحة ٠ انى السبب انى إللى جولتلها تنزل الأقصر
عمران٠ خلاص ياما حوصل خير الحمدالله انها مليحه
نعمات٠ يعنى انتى إللى جولتلها تروح السوق السياحى
سميرة ٠ نعمات عندها حق هى إللى اتصرفت من دماغها
حامد ٠ يعنى هى كانت تعرف إللى هيحوصل أمعاها فى السوق
نعمات٠ انى مش خابره انت بتدافع عنيها ليه أجده
حامد ٠ واه ياما انى بجول الحج و بس
سميحة ٠ انت شوفتها بعينك صوح ياولدى
حامد٠ أيوه شوفتها يا جده
سميحة ٠ اومال عوكوا ( اتأخروا) ليه أجده
فاتن٠ صوت عربية جاسر ( نظرت من النافذة ) واصلوا ياما
( دخل جاسر و أسيل بدؤوا الجميع فى الاطمئنان على أسيل ... بينما صرخت سميره عندما رأت جاسر)
سميرة٠ جاسر انت ماشى على رجلك من غير عكاز
( هنا أنتبه الكل على جاسر انه واقف على رجلو دون عكاز ... كانت الفرحة البهجة تملأ المكان و هنا اطلقت فاتن و شاديه الزغاريد و ألتف الجميع حول جاسر )
عمران٠ الحمد وشكر ليك يارب انا كنت فاكر انى عمرى ما هشوفك واقف على رجلك من تانى ياولدى
( حضنت سميرة جاسر و هى تبكى)
فاتن٠ واه هو وقته الحزن دلوك
عمران ٠ صلاح بكره ندبح عشر عجول
و تفرقهم على العزبة كلاتها...
صلاح ٠ حاضر ياعمى
( عندما رأت .أسيل سعادة و فرحة العائلة بجاسر شعرت أسيل بذنب انها هى من كانت السبب فى حا*دثة جاسر و حزنهم جميعآ.. وهنا غادرت أسيل إللى غرفتها دون أن يلاحظ أحد )
سميرة٠ والله أنا لحد دلوقتي مش مصدقه انى شايفاك واقف على رجلك
جاسر ٠ خلاص يا أمى ممكن تنسى الحزن بقى و إللى عياط
نعمات٠ تعرف سعاد بتى كانت نادرة تصوم شهر كامل لما ربنا يشفيك
سعاد. ايوه والله يا ولد عمى من بكره هصوم كمان
جاسر٠ متشكر يا جماعة
سميحة٠ واه هى أسيل وين
نعمات٠ راحت على أوضتها يمكن مش جدره تشوف فرحتنا
سميحة ٠ اقفلى خشمك يا نعمات
نعمات ٠ واه هو انى جولت حاجة غلط
حامد ٠ ياما البنية تعبانه و شافت يوم صعب و ما يعلم بيه غير ربنا اكيد راحت ترتاح شويه
( هنا نظر إليه جاسر بغضب و قال)
جاسر٠ مراتى مش محتاجه حد يدافع عنها لو كانت محتاجة حد هيكون أنا ٠٠
قال ما قاله ثم انصرف ☆☆☆☆☆☆☆☆☆☆☆☆☆☆☆☆☆☆☆
-----------فى الغرفة جاسر٠ ------------

كانت أسيل مستلقيه على السرير هى تفكر فى كلام جاسر ان كل ما فعلوا .. فعلوا فقط لأنها شايله اسمة
..أغلقت عينيها مطصنعة النوم عندما سمعت صوت فتح باب الغرف .. دخل جاسر الغرفة هو ينظر إليها هو يعلم جيدآ انها مازالت مستيقظة )
جاسر٠ أسيل أسيل
( لم ترد عليه)
--------------فى صباح اليوم التالى----------
(استيقظ جاسر على صوت صراخ أسيل عندما اقتربت منها
. وجدها مازالت نائمة لكنها كانت تصرخ و هى نائمه و تقول)
أسيل ٠ (و هى نائمة) بابا لا....لا ماما ماتسبنيش ماما . سندس لأ ... لأ سندس خليكى معايا