رواية القصه واللي كان الفصل الخامس5والسادس6 بقلم رحاب القاضي

رواية القصه واللي كان الفصل الخامس5والسادس6 بقلم رحاب القاضي

نيران تطلق من بين يديه تحرق مستقبله المظلم،ولكنها هي نفس تلك النيران التي حرقت طيبته وقلبه النقي سابقاً....

يحي بجمود

توني انت تعرف طريق الشيمي هيكون فين دلوقتي..

توني

اعرف كل الاماكن اللي ممكن يكون فيها هو ورجالته..

يحي وهو يأخذ مفاتيح السياره من خالد

طب تعالي معايا..

خالد بقلق

ي عم يحي بلاش فتحت الصدر دي لوحدك طيب نروح كلنا..

يحي وهو يتجه الي سياره

انا اللي اتعهدت للحج بالعمليه ولو حصل حاجه قولتلكم عليا وانا مش برجع فكلمتي، يلا ي توني...

_ اخذ يحي توني معه وغادرو الي وجهتهم المنشوده..

بعد وقت قليل....

ــــــــــــــــــــ

توني بقلق وهو يأتي بأتجاه يحي الذي ينتظره اسفل احدي البنايات...

يحي بجمود

هاا فوق؟..

توني بتنهيده

لا انا طلعت اطقست من الجيران عشان لو كانو جوه مياخدوش بالهم بس طلع مفيش حد جوه..

يحي وهو يلكم السياره بقدمه بغضب

هيكون غار فين ده..

توني بقلق

هو في مكان اكيد راح هناك فيه عشان هيبقي عارف ان محدش مننا هيروح هناك..

يحي بحده

متنطق هو فين؟..

توني بقلق

ي اسطا يحي المكان ده تبع اخوه الصغير "عمر عزام" وده مش ساهل والحج مندور ديماً بيتجنب المشاكل معاه..

يحي وهو يصعد سيارته بنظرات ناريه

ودي مشكلتي انا وهجيب حقي يعني هجيبه، المكان ده فين؟..

توني وهو يصعد جواره

وانا مش هسيبك ي كبير هو اكيد فمخزن عمر عزام اللي ف***...

_ قاد يحي سيارته وبعد ما يقرب من النصف ساعه وصل الي ذلك المكان.. يحي وهو يهبط من السياره ويبتسم بشر وهو يستمع لصوت ضحكات رجوليه تأتي من الداخل، ليبتسم بشر..

واردف بنظرات يكسوها الظلام

خليك انت ي توني..

توني بجديه

والله م هسيبك هتدخل يبقي رجلي ع رجلك..

يحي وهو يربت ع كتفه بأعجاب

جدع ي توني، اسمع مني هتعمل اي..

_ داخل المخزن..

ــــــــــــــــــــــــ

_كان الشيمي يجلس وسط رجاله وهما يتناولون بعض السموم..

احد رجال الشيمي

بس اخدو حتت مقلب ي باشا انما اي زمانهم بيلفو حوالين نفسهم...

_ضحك جميعهم معادا الشيمي..

الذي اردف بغضب

كانت كملت لو اتقفشو بالبضاعه وكنت خدت حقي من الواد اللي اسمه يحي ده..

_ قبل ان يجيبه احد، استمعو لصوت طرقات ع ابواب المخزن من الخارج وايضا النوافذ، ليقف جميعهم وهم يمسكون اسلحتهم بقلق..

الشيمي وهو يبتلع ما بجوفه بخوف

حد يطلع بره يشوف مين اللي جاي يلعب مع الشيمي يلاا..

_ ذهب رجلين للخارج وهم ممسكين باسلحتهم ويدورون حول المخزن، قطع طريق احدهم عركله من قدم يحي ليسقط ارضا وقبل ان يتحدث بشئ ضربه يحي بظهر مسدسه ع رأسه عدة مرات ليفقد الاخر وعيه، نهض وهو يختبئ من الجهه الاخري وهو يستمع لخطوات الاخر يتقدم منه..ما ان ظهر الاخر وقبل ان يصوب سلاحه ع يحي كان الاخر لكمه بوجهه بقوه واخذ منه مسدسه واشار له بأن يستدير فحين جاء توني وقام بتكبيله وتكميم فمه..

توني بصوت هامس

هروح انا اكمل اللي اتفقنا عليه..

يحي بنظرات ناريه

طيب خلي بالك..

_ ذهب ذلك التوني ودلف داخل المخزن من النافذه التي توجد بالمخزن من الخلف بهدوء شديد، وذهب وهو يختبئ خلف احدي الصانديق الضخمه الي مشغلات الكهرباء بذلك المكان وقام بفصل الكهرباء..

الشيمي بصوت عالي

اي اللي بيحصل حد يشوف الزفت ده قفل لي...

_ قبل ان يجيبه احد من رجاله صدح صوت صياحهم بالداخل، وهناك ايضا صوت لكمات قويه، فحين كاد الشيمي ان يجن وهو يركض بأنحاء المخزن يحاول الخروج ولكنه تعسر وسقط ارضا..

_جلس ارضا وهو يتنفس بصعوبه من شدة خوفه وصوت صياح رجاله يزداد اكثر، اخرج هاتفه وقام باشعال ضوء الفلاش ليصعق بقوه ما ان وجد يحي يجلس ع ركبتيه امامه وع وجهه ابتسامه شيطانيه..

_ سقط الهاتف من يده وهو يتراجع للخلف بخوف، فحين اضاء المكان مجددا وكانت رجاله مكبله ارضا بتلك السلاسل الحديديه، ووجههم الملئ بالدماء يتحدث عنهم..

توني بقلق

ي اسطا يحي انت بطنك بتنزف..

يحي وهو لا يشيح نظراته عن الشيمي الذي كان يرتعد خوفا

ده واحد غشيم فيهم وجرح بسيط المهم هات انضف سلسله هنا عشان الشيمي باشا...

الشيمي وهو يهز راسه بنفي ونظراته يملؤها الرعب

انت واعي انت بتقول اي، اسمع الفلوس بتاعت البضاعه عندك اهي فالشنطه خدها وهاتو البضاعه وحقك خدته اهو..

يحي وهو ينهض ويضع يده ع جرح بطنه بألم

حقي انا خدته من شكلك وانت هتعملها لامؤخذه ع روحك قدامي، بس حق الحج مندور لسه وانا هاخدك ليه وهو يتصرف معاك..

الشيمي وهو يقف امامه ويردف برجاء

هاجي معاك بس من غير اللي عايز تعمله..

_ لكمه يحي فوجهه بقوه ليسقط الاخر ارضا..

وصاح بتوني

اربطه يلاا، واسمع انت وبتربطه اربطه ربطت الحمار الغبي اللي فاكر اني هسيب حقي...

_ نظر له الشيمي بحقد شديد ولو كانت النظرات تقتل لسقط فاقد حياته الان..

ــــــــــ #بقلم_الكاتبه_رحاب_القاضي ــــــــ

_بمنزل فرح..

_ دلف محمد. لمنزله وملامحه متهجمه وغاضبه بقوه، وجد فرح تجلس ع الاريكه بانتظاره وهي تبتسم له بهدوء..

محمد بنبره حاده

متزفته صاحيه لي؟..

ابتلعت غصه مريره فحلقها واردفت بهدوء

مستنياك اجهزلك العشاا..

_ تجاهلها وجلس ع المقعد امامها وهو ينظر لها بنظرات مليئه بالغضب.. تنهدت هي بقوه وجلست جواره ع المقعد الاخر..

واردفت بدموع

محمد عشان خاطري رجعلي كريم، انا والله هعملك انت وطنط اللي عايزينه بس هاته ليا والله ااا..

_قطع كلماتها عندما جذبها من خصلاتها بقوه واردف بصوت جهوري تحت دموعها التي سقطت نتيجة المها...

محمد

انا مش قولت مليون مره متجبيش السيره دي تاني ولما تتربي هجيلهولك، وانتي لا اتربيتي ولا حاجه والوسا*خه طبع فيكي..

فرح ببكاء وهي تحاول الفكاك منه

انا عملت اي لكل ده حرام عليك..

_صفعها ع وجهها بقوه لتسقط ارضا وهي تضع يدها ع وجهها بألم وبكاء مرير وشهقات عاليه...

محمد بغضب وصوت عالي

انتي كمان بتردي عليا انتي نسيتي نفسك ي ********...

_ مسح ع وجهه ورأسه بكفه وهو يتنهد بقوه..

ثم اردف بنبره حاده

غوري اعملي شاي وهاتيه جوه..

اومئت له وهي تمسح دموعها التي لا تكف عن الهطول..

صاح بها بقوه

اخلصي يلاا..

_ نهضت سريعاً واتجهت للمطبخ، فحين اخرج هو هاتفه وقام بالاتصال بأحدهم الذي اجاب عليه سريعا..

محمد بجمود

اهلا ي عمر باشا اخبارك..

اجابه الاخر بهدوء

كويس ي حضرة الظابط خير بتكلمني فالوقت ده لي؟..

محمد بابتسامه صفراء

معلش قلقتك ي باشاا..

عمر بملل

ي بني اخلص عايز اي؟..

محمد بنظرات حاقده

في واد شغال عند مندور العشري اسمه يحي عادل خيري..

_ فنفس الوقت كانت فرح دالفه خارج المطبخ حامله ذلك الكوب الملئ بالشاي الساخن، ولكن ما ان وقع اسمه ع مسمعيها حتي انتفضت بقوه وسقط ذلك الكوب من بين يديها ع قدمها لتتألم بصوت عالي..

نظر لها محمد بغضب وتابع وهو يتحدث بالهاتف

كنت طمعان فيك ي باشا بس تعرفلي اي اللي رماه فطريق مندور العشري انت عارف محدش بيعرف يجيب معلةمات من اي حته فالاماكن بتاعتك غيركم...

اجابه عمر باقتطام

طيب يومين كده وهجيبلك قراره اقفل بقي مش فاضيلك..

محمد وهو يغلق معه

تمام ي باشاا..

_ القي هاتفه ع الطاوله امامه، وذهب بأتجاهها لتتراجع هي للخلف بخطوات بطيئه نتيجة الم قدمها..

محمد وهو يمرر يده ع وجهها ويزيل دموعها بأنامله

لسه مأثر فيكي صح؟..

تابع وهو يجذبها من خصلاتها بقوه

لسه سيرة حبيب القلب بتأثر فيكي ي ****..

فرح ببكاء مرير

لا والله مش كده انا بس كنت هقع والله..

محمد وهو يصفعها بقوه ع وجهها عدة صفعات متتاليه

انتي هتستغفليني ي **** انا هربيكي ي *****..

_ بعد مده من الوقت كانت فرح تجلس أرضا بالشرفه الخاصه بمنزلها الذي اصبح ملئ بعذابها وألمها، تنظر لشروق الشمس بدموع لن تكف عن الهطول وهي تتحسس وجهها الذي اصبح ملئ بالكدمات ويديها التي تركت اصابع زوجها القابضه عليها اثر جعلها مليئه بالعلامات الزرقاء وقدمها التي انتفخت بإحمرار اثر الشاي الذي سكب عليها، تكورت ع نفسها اكثر وهي تبكي بقوه وشهقات عاليه غير عابئه بنسمات الهواء البارده التي تلفح جسدها...

ــــــــــ #بقلم_الكاتبه_رحاب_القاضي ــــــــ

_ دلف يحي خارج المخزن الصغير التابع لمصنع مندور العشري، وهو يستند بألم ع توني..

توني بقلق

جرحك مش مبطل ينزف ي كبير متيجي نروح المستشفي..

يحي بنفي

لا بس انا هروح احطله اي لصقه وهخف..

توني وهو يتوقف معه امام منزل مندور

طيب استني اطلعك فوق، ده نور الشمس لسه مشقشق تلاقي الكل نايم جوه..

يحي وهو يستند ع الباب

يا عمم روح انت انا هطلع متخفش..

توني وهو يذهب للجهه الاخري

ماشي ي كبير وهاجي كمان شوسه اطمن عليك..

_ اومئ له يحي، ثم فتح باب البنايه وقبل ان يدلف للداخل وجدها امامه وقد تحولت نظراتها من الهادئه البريئه للقلقه والمزعوره..

سالي بقلق وهي تمسك زراعه وتحاول اسناده

يحي اي اللي عمل فيك كده؟..

يحي وهو يضع يده ع جرحه بألم وصوت متألم

مفيش بس ساعديني اطلع فوق..

سالي وهي تمسك زراعه وقد شعر بانتفاضتها القويه

اي الد*م ده؟ انت لازم تروح مستشفي..

_ لا يستطيع الرد عليها بل شعر بأن جميع اعضاء جسده ارتخت ليستسلم لسقوطه.. فحين سقطت سالي ع ركبتيها بجواره وهي تصيح باسمه بدموع هبطت بالفعل وهي تظنه فقد وعيه.. ابتسم هو من وسط المه بهدوء وهو يري تلك النظره الخائفه ودموعها عليه فهو منذ زمن بعيد ولم يشعر بذلك الشعور بأن احد ما يهتم لأمره..

سالي وهي تهزه من كتفه

يحي يحي رد عليا متموتش والنبي يحي..

اجابها بصوت هامس من فرط ألمه

اموت اي ي شيخه ملافظ السعد ع الصبح ساعديني اقف...

سالي بابتسامه واسعه من وسط بكاءها

انت عايش انت بتتكلم صح..

_ نهضت من جواره ووقفت اسفل السلم وهي تصيح بخالد ومندور الذين اتو ع صوتها بقلق ومعهم سعاد وتلك الخادمه..

عادت هي له لتردف بعدم تصديق

يحي انت عايش صح اتكلم كده..

يحي وهو يكتم غيظه منها ويكتم المه

انتي عبيطه ي سالي..

_حاول النهوض بمفرده لتدفعه هي دون قصد وتجعله يسقط ارضا مجددا....

سالي

متقومش خليك نايم لحد منطلب الاسعاف..

يحي وهو يضع يده ع جرحه بألم

ربنا ياخدك ي متخلفه...

_ اتي الجميع من الاعلي ع صوت سالي التي كانت شبه تصرخ، التف الجميع حوله وهم يسألونه فوقت واحد ماذا حدث بقلق..

يحي بألم وغيظ

طيب طلعوني فوق الاول بدل الرميه دي وهقولكم كل حاجه..

خالد وهو يعاونه ع الوقوف

طيب تعالي انا هسندك....

سالي بقلق

لا هو لازم يروح مستشفي.

يحي بغيظ وهو يصعد بمعاونة خالد

حد يسكت البت دي انا مش ناقص..

مندور وهو يذهب خلفهم للاعلي

تعالي ي سالي شوفي فيه اي يلاا..

سعاد وهي تقف بجوار سالي واردفت بقلق

هو حصله اي ي سالي..

سالي بأنفاس متقطعه

والله ي مرات خالي معرف انا يدوب بفتح الباب لقيته فوشي..

سعاد بقلق

ي عيني ي بني طيب تعالي اطلعي شوفي جرحه ده هيتخيط ولا هيحتاج اي لحد مروح اعمله لقمه ياكلها..

سالي وهي تصعد سريعا للاعلي

حاضر...

ـــــــــــــــــــــــــــــــــــــــــــــــــــــــــــــــــــــــــــــــ

_في منزل شوقي..

_كانت تجلس الهام بجوار صغيرها تطعمه افطاره بهدوء، حتي دلف هو للداخل بملامحه المتهجمه..

الهام بقلق

شوقي خير في حاجه ي حبيبي..

_ ذهب شوقي لصغيره وقبله من وجنتيه بهدوء..

ثم اردف بهدوء

يوسف حبيب بابا هيعرف يكمل فطاره لوحده عشان عايز ماما فكلمتين..

يوسف بثقه وطفوله

ايوه وهشرب اللبن كله بس اول مرجع من المدرسه تلعب معايا..

شوقي وهو يمسد ع رأس صغيره بحنان

موافق ي باشا..

_ ثم جذب الهام التي كانت تنظر له بقلق الي غرفتهم واغلق الباب بقوه، ثم جذبها من زراعها بقوه..

واردف بغضب

انا كام مره اقولك ملكيش دعوه بـ لبني وعلاقتها بـ يوسف..

الهام وهي تغمض عيناها بألم

يوسف كان نايم وانا قولتلها النهارده تاخده مش مشكله يعني...

شوقي وهو يهزها بقوه وغضب

وبتعايريها بأنها مخلفتش وانه مش ابنها لي، انتي ي الهام يطلع منك ده كله..

الهام ببكاء وألم من يده القابضه ع زراعها

والله العظيم وحياة يوسف مقولتلها كده هي اللي فهمت الكلام بطريقه تانيه..

شوقي بغضب وحده

هي كلمه ي بت زينهم تقعدي هنا تنسي ان يوسف ابنك لوحدك تعيشي هنا وانتي محترمه نفسك وع مزاجي انا ي تغوري وتسبيه فاهمه..

نظرت له بدموع وألم واومئت برأسها بنعم... شوقي بتنهيده غاضبه وهو يرخي قبضته ع زراعها...

شوقي

ي الهام انا مش قصدي ازعلك بس حطي نفسك مكان لبني هي متعلقه بيوسف زي ابنها ودي حاجه تفرحك..

الهام وهي تمسح دموعها

حاضر..

شوقي بهدوء

وانتي ونازله تودي يوسف المدرسه تعدي عليها تتأسفيلها..

نظرت له بحزن شديد واومئت برأسها بنعم مجددا.. شوقي وهو يجذبها لأحضانه، لتنهمر هي بالبكاء، فكيف له ان يكون جلادها وبلاحظات يصبح دواؤها...

شوقي وهو يربت ع ظهرها

خلاص ي الهام انتي لسه صغيره ومش مدركه للي بتقوليه وانا لو بزعقلك فعشان مش عايز حد يمسك غلطه عليكي..

الهام وهي تبتعد عنه وتمسح دموعها

مش زعلانه ولا عمري هزعل منك..

شوقي وهو يقبل وجنتها بهدوء

وانا عشان كده بحبك وعمري مهستغني عنك ي قلبي..

_ ابتسمت بسعاده من تلك الكلمات، وذهب هو بأتجاه الخزانه الخاصه بالملابس وبدأ بانتقاء ملابس له..

لتردف هي بتوتر

شوقي في حاجه كنت عايزه اقولك عليها..

شوقي

اي هي؟...

الهام بقلق

سليم اخويا من يوم ماراح يخطب بنت الوزير وابوها رفضه ومن يومها وهو مختفي منعرفلوش طريق..

شوقي بعدم اهتمام

والمطلوب اجيب ميكرفون وانزل ادور ع الصايع ده..

_نظرت للارض بدموع وحزن ع نعته لشقيقها بهذا اللقب..

شوقي بجمود

الهام انا عندي شغل مش فاضي..

الهام بسرعه وهي تكتم دموعها

لا انا مش قصدي كده، بس لو بابا سألك قوله انك دورت وملقتهوش هو قلقان عليه جدا وعايز يقوم يدور عليه بنفسه..

شوقي بنبره ساخره

يقوم ازاي بالكرسي بتاعه ده..

نظرت له بحزن ليصحح هو قوله

بهزر ي لولو وبعدين حاضر ي ستي هقوله اني دورت..

الهام بهدوء

وكمان انا هروح لبابا النهارده اقعد معاه واعمله كام حاجه فالبيت..

شوقي بجمود

طيب بس مش هتباتي، وابقي وانتي رايحه ادي يوسف لـ لبني..

الهام

طيب ماخده معايا ده بابا عايز يشوفه..

شوقي بحده

الهام اسمعي الكلام بدل مقول مفيش روح خالص..

_ اومئت برأسها بنعم وذهبت للخارج عند صغيرها...

ــــــــــ #بقلم_الكاتبه_رحاب_القاضي ــــــــ

_في شقة خالد، وبالاخص في غرفة يحيي

كان ممداً بالفراش وسالي جالسه بجواره تمضد له جرحه، وخالد يجلس علي المقعد بجوارهم..

يحي بألم

م بالراحه ي حجه انتي..

سالي وهي تخيط جرح بطنه

مبراحه اهو انشف شويه..

يحي بغيظ

لا حول ولا قوة الا بالله..

مندور وهو يدلف للداخل من الشرفه بعد ان انهي مكالمته الهاتفيه

يحي الكلام اللي قاله توني ده صح..

يحي بجديه

ايوه ي حج..

سالي بفضول

كلام اي ده؟..

مندور بغضب

وتتصرف من دماغك لي، انت عارف انت كده ركبتنا الغلط ومع مين ي يحي..

يحي بحده

مـ براحه ي بت انتي جلدي ده مش بلاستك ي بني ادمه..

سالي بغيظ

انت اللي بتتحرك ع فكره..

مندور بحده

رد عليا ي يحي..

خالد بقلق

هو عمل اي ي خالي..

مندور بغضب

راح مخزن عمر عزام وجاب الشيمي ومكتفه ورميه فالمخزن بتاعنا تحت...

خالد وهو يشرق اثناء تجرعه الشاي

اييي عملت اي يروحمك..

يحي ببرود

وجيبت الفلوس كمان وحاطتها جنبه فالمخزن..

سالي بعدم فهم

فلوس اي والشيمي متكتف تحت يعني مطلعوش عليك ناس ضربوك زي مقولت من شويه..

يحي ببرود

خليكي فحالك وبطلي حشريه..

_ قامت بالضغط ع جرحه بقوه ليتألم الاخر بقوه..

يحي بحده

بت انتي هديكي بالجزمه..

مندور بغضب

شووف انا بتكلم فأي وهو بيحكي فاي معاها..

يحي ببرود

مهي اللي ايدها تقيله ي حج..

مندور بغضب شديد

استغفر الله العظيم ياارب .

خالد وهو ينظر ليحي بغيظ

خيطيله جرحه ي ختي وخلصي، ده اللي جاي مش جرح واحد ده هيبقي جوارح...

مندور بغضب

خالد روح خد الفلوس من المخزن وهاتها تحت وقول لسعاد تحطها فأوضتي ومتفتحهاش...

خالد وهو يذهب للاسفل

حاضر ي خالي..

ــــــــــ #بقلم_الكاتبه_رحاب_القاضي ــــــــ

_بالاسفل توقف عدد من السيارات السوداء الضخمه امام منزل مندور، وهبط منها عدد ليس بالقليل من الرجال اصحاب البنيه القويه يمسكون باسلحه ضخمه بملامح متهجمه، وقام احد هؤلاء بفتح الباب الخلفي لأحدي السيارت ليهبط منها "ويطل ع روايتنا" ذلك الشاب صاحب ال36 عام بملامحه المتهجمه...

ما ان هبط من سيارته حتي صاح بصوت عالي غاضب

ي حج مندووووووووور...

_ دلفت خارج المقهي الخاص بالمنطقه صفيه وهي ترمقه بغيظ واضعه يديها فخصرهاا..

واردفت بحده

خير ع الصبح جاي عندنا لي ي عمر ي عزام؟..

عمر عزام بسخريه لازعه

اي هي الحته رجالتها خلصت ومبقاش غير النسوان الكسر ترد عليا...

صفيه بغضب

اخص ع لسانك اللي بينقط سم من يومه الكسر دي اطلقت ورمتك تحت رجلها ولو كنت ناسي نجيب المحاكم اللي كانت بينا تفكرك...

عمر بأبتسامه غاضبه واجابها من بين اسنانه

وانا سيبتك سنين فالمحاكم واخرتها طلقتك بمزاجي..

_ كادت ان تجيبه بعد ان احمر وجهها غضبا..

ولكن قاطعها متابعا

فتتلمي ي صفيه بدل مرجعك تحت رجلي تخدميني انا وبيت عزام كله زي زمان وادخلي قهوة ابوكي واقعدي ساكته وملكيش دعوه باللي بيحصل بره...

_ رمقته بغيظ ولكن امام نظراته الصارمه لم تقوي ع قول اي شئ اخر ودلفت داخل المقهي الخاص بوالدها..

_ فنفس الوقت بالاعلي، ما ان تسرب صوته العالي الي مندور وخالد حتي هبَ واقفين، واتجه خالد الي الشرفه وعاد بملامح قلقه..

واردف

عمر عزام تحت ي حج..

_كاد يحي ان ينهض، لتمسك سالي زراعه سريعا بتلقائيه واردفت بخوف حقيقي...

سالي

استني متقومش جرحك لسه ملمش وكده ممكن يتفتح تاني....

مندور بصرامه

خليك ي يحي متنزلش غير لو بعتلك، وانا هتصرف..

ثم اشار لخالد ليلحقه للاسفل وتمتم بقلق

استرها يااارب..

سالي بعد ان غادرو

خليك نايم متتحركش وانا هروح اتفرج من البلكونه ده النهارده عيد..

يحي بعدم فهم

اشمعنا؟!..

سالي بابتسامه واسعه

عمر عزام جه، انت عارف يعني اي؟..

يحي بسخريه

يعني اي يختي؟...

سالي بنفس نبرتها

يعني كراش بنات الحته كلهم، عمر عزام ده بيعمل كل حاجه وحشه ومش بيخاف ولا يتكسف يقول، يعني لو سألته انت تاجر سلاح هيقولك ايوه وهيحط صوابعه فعينك ويقنعك ان ده الصح وانت الغلط، غير انه متعاون مع الحكومه جدا معرفش ازاي، بس بيعملولو حساب غير انه حلو وعضلات وهيبه وقمر جان فنفسه كده..

يحي بحاجب مرفوع

انتي متأكده ان بنات الحته هما اللي بيكرشو عليه مش حد تاني؟..

سالي بابتسامه صفراء

نينيني ملكش دعوه هقوم اتفرج قبل م يمشي..

_ ذهبت بأتجاه الشرفه ولكن قبل ان تدلف للداخل استدارت له. واردفت بحده...

سالي

بااااس انا كده فهمت...

يحي بتنهيده ونفاذ صبر

خير فهمتي اي ي اذكي حد قابلته فحياتي..

سالي بنبره غاضبه وهي تجلس ع المقعد بجواره

انت اتخانقت مع عمر عزام اكمنه طليق زفتة الطين بتاعتك، بس اي دخل الشيمي فالموضوع؟...

يحي بابتسامه ساخره

مش بقولك اذكي حد قابلته، وبعدين مين زفتة الطين بتاعتي..

سالي وهي تضع يدها بخصرها وتضيق عينيها بشكل مضحك

يعني متعرفش ان عمر عزام يبقي طليق صفيه..

اعتدل يحي فجلسته وهو يضع يده ع بطنه بألم

بتهزري صفيه كانت مرات عمر عزام ده؟!!...

سالي وهي تومئ برأسها بنعم

ااه والله وكمان شرشح ابوها واللي جابوها عشان يرضي يطلقها...

يحي بنظرات شارده وابتسامه خبيثه

ده كده زي الفل...

سالي بفضول

هو اي اللي زي الفل؟..

يحي بنبره مستفزه

خليكي فحالك ي حشريه..

سالي وهي تلقي عليه الوساده بغيظ

ي برووود...

_ ثم ذهبت بأتجاه الشرفه، ولكن عادت سريعا بملامح يائسه..

يحي ببرود وهو يتفحص هاتفه...

يحيي

اي مشي؟...

سالي

لا بس خالو اخده ودخل بيه البيت..

يحي

البيت هنا..

سالي بايماء

اااه مهو خالو ديما بيستقبل عمر عزام بالذات فالبيت وبيبقي اكتر وقت رخم لاننا بنقعد فأوضنا ومحدش بيتحرك لحد ميمشي..

يحي بهدوء

لي يعني في حاجه من ناحيته ولا اي؟..

سالي بنفي

لا طبعا والا مكنش خالو دخلو البيت بس الحكايه ان عمر ده عينيه زايغه وبتاع ستات وبنات وكل حاجه وخالو غيور علينا..

يحي وهو ينهض من ع فراشه

طيب وسعي كده..

سالي بقلق

ع فين اتنيل نام..

يحي بحده

اتنيلي انتي اوعي من وشي انا رايح المخزن..

سالي ببنره ساخره

ي عمم متخفش هو هيقعد تحت مش هيجي هنا نام يلااا..

يحي بغيظ

اكتمي ي سالي بدل مرميكي من فوق وانا هنزل يعني هنزل..

سالي بخوف حقيقي

طيب عشان خاطري بلاش تنزل دلوقتي انت الجرح ااه صغير بس لو اتفتح تاني هتبقي مشكله..

يحي بأبتسامه جانبيه هادئه

متخفيش ي سالي....

سالي بتوتر وهي تتجاهل النظر له

مش خايفه بس خالو قالي اخلي بالي منك بس...

يحي بخبث

لا والله طب احلفي كده...

سالي بتوتر ظهر جلياً ع نبرتها

مش خايفه ع فكره..

يحي بهدوء

طيب خلاص انا هنزل وانت متقلقيش ياللي مش خايفه..

_ انهي حديثه بابتسامه مرحه وذهب للخارج فقد كان باب شقته وغرفته تركهم خالد مفتوحين ذلك لوجود سالي معه، فحين تنهدت هي بأبتسامه واسعه وهي تراقب خروجه..

ـــــــــــــــــــــــــــــــــــــــــــــــــــــــــــــــ

_بمنزل مندور العشري..

مندور بهدوء وهو يجلس امام عمر

انا مش هشيل منك ي عمر ع الدخله الشمال اللي دخلتها من شويه دي..

عمر بحده

لا شيل ي حج لما حتت عيل يجي يجيب اخويا من مكاني متكتف بالشكل اللي سمعت عنه يبقي من حقي اشيل اي حد كان السبب فده مني..

مندور بحده ايضا

وانا لما اخوك جه وفتح صدره عليا وكان ناوي يقل مني قدام الحته عندي هنا فارضي مسمعتلكش حس..

عمر بجمود

وحقك خدته فوقتها واخويا جه متعلم عليه ومتكلمتش عشان كان حقك..

مندور بثقه

واللي جابلي حقي يحي اللي جاب اخوك امبارح فحقه لما اخوك كان ناوي يغدر بيه وبولاد اختي ويسلمهم للشرطه..

عمر بغضب

بس ميجيش مكاني وياخد اخويا كده عيب فحقي وانا محدش بيغلط فحقي ي حج مندور..

مندور بتنهيده

ما علينا من الحوار ده دلوقتي استناني هنا دقيقه وجايلك..

_ اومئ له عمر، ليذهب مندور الي داخل غرفة نومه وظل عمر يجلس بملامحه الغاضبه التي تحولت للين وهو ينظر لتلك الفتاه التي دلفت خارج غرفتها للتو بشعرها الطويل الغير منظم وينزل ع وجهها بعض الخصل وملابسه غير مهندمه بل وأن بنطال بيجامتها احدي قدميه مرفوعه لركبتها اثر نومها والاخري كما هي..

نور وهو تتثاوب بنوم غير منتبهه لمن يجلس

ي ماما سالي كانت بتصوت لي من ش...

_صمتت وهي تنظر بفم فارغ عينين مفتوحين ع وسعهما لمن يجلس امامها وهو يرمقها بجمود..

نور وهي تبتلع م بوجفها بصعوبه واردفت بصوت شبيه بالهمس

احي..

_ ركضت سريعا لغرفتها وتجمعت الدموع فعينيها وهي تتفحص هيئتها المخزيه، فحين ابتسم الاخر وهو يمسح بيده ع وجهه بهدوء...

_جاء له مندور وهو يحمل تلك الحقيبه الضخمه بعض الشئ ووضعها امامه..

واردف بجديه وهو يجلس ع مقعده

ادي الفلوس والبضاعه تحت فالمخزن عايز تاخد الفلوس والشيمي وتمشي اتفضل، عايز تاخد البضاعه واخوك ماشي برضو وكده عداني العيب وحقي خدته من اخوك..

عمر وهو يعتدل بجلسته واردف بجمود

عداك العيب ي حج مندور بس البضاعه والفلوس دي بينك وبين الشيمي انا مليش دخل وانت بنفسك رافض الشغل معايا فمتدخلنيش دلوقتي بينكم انا حقي عند الواد اللي جه منطقتي وعمل فيها دكر..

مندور بحده

والواد ده ابني واغلي كمان، وحقه فرقبتي انا فاهم ي عمر ي عزام..

عمر وهو ينهض ويردف بغضب

ابنك بقي متبنيه انقذ حياتك اكتر من مره فالسجن ميخصنيش ي مندور واللي عندي قولته..

مندور بتنهيده غاضبه فهو يعلم مدي شر ذلك الرجل

وعايز اي دلوقتي..

عمر بصرامه

انا جاي اخد اخويا وامشي واللي ليا هاخده لما اروق..

مندور وهو يقف امامه ويردف بهدوء

اتفضل ي عمر اوديك لاخوك..

_ ذهب مندور امامه وعمر خلفه الذي اختلس النظرات لتلك الغرفه التي دلفت لها نور منذ قليل فوجدها مغلقه، ليشيح بوجهه للجهه الاخري واتبع سيره خلف مندور ذاهبون الي ذلك المخزن..

_ وصل بعد قليل للمخزن، ليفتح لهم احد رجال مندور الباب ودلف مندور وخلفه عمر ورجاله.. نظر عمر بغضب لشقيقه الذي يجلس ارضاً مكبل بتلك السلاسل الحديديه، ويجلس ع احد المقاعد امامه يحي وهو يضع قدم فوق الاخري وخالد يقف بعيداً بملامح قلقه..

عمر بغضب لرجاله

هاتو الحج الشيمي..

نهض يحي واردف وهو ينظر لعمر بثبات

اتمني الضيافه بتاعتنا تكون عجبت اخوك ي حج الشيمي..

_نظر عمر لوجه اخيه الملئ بالكدمات وهو ينظر ارضاً بخزي، ثم ذهب ووقف امام يحي ليسرع مندور ووقف بجوار يحي وايضا خالد وقف بجواره من الجهه الاخري..

عمر بجمود ونظرات غامضه مثله

يحي عادل اسم اتكرر فودني كتير اليومين دول وده مش كويس عشانك..

ربت عمر ع كتف يحي بأبتسامه شيطانيه واردف

اجهز بقي للجاي..

نفض يحي بد عمر بهدوء واردف بنبره واثقه متحديه

جاهز وفانتظارك..

ثم مال عليه واردف بجانب اذنه

بس متتأخرش عشان بزهق بسرعه...

_ انهي كلماته وجلس ع المقعد مجددا وهو يضع قدم فوق الاخري، فحين رمقه عمر بغضب دفين واخذ شقيقه وغادر، ولن يتبقي سوا يحي وخالد ومندور..

مندور بغضب

متجننيش ي يحي انت بقالك شهر معانا شهر ع واحد كان عمره م دخل فالشمال واحد كان زي البفته البيضه ويوم متدخل فيه تعادي اخقر واحد فالمجال عايز توصل لاي..

يحي بنظرات شارده

لمكانه وللي اعلي منه..

_ نظر مندور وخالد لبعضهم بعدم فهم..يحي وهو ينهض ويذهب للخارج...

يحيي

متقلقوش عمر عزام حاجه هتكسبنا الفتره اللي جايه كتير...

تابع بنبره مريره وهو ينظر لمندور

متخفش يحج ع واحد الدنيا دبحته بسكينه تلمه وقتلت كل حاجه نضيفه جواه...

_ ذهب من امامهم للخارج، لينظر مندور لاثره بحزن شديد فهذا الشاب يذكره دايما به وبماضيه الذي لوثته الحياه باخطاءها..

_ فمن منا ولد فاسداً او شريراً او قاسياً، كل هذه صفات تجبرك الحياه ع اخذها، رغم انك تعرف تمام المعرفه بأنه اختيارك، وانها ليس لها شأن بما حدث لك،وانك.ستتحمل نتيجة اختيارك بمفردك ايضاً....

ـــــــــــــــــــــــــــــــــــــــــــــــــــــــــــــــــــــ

_بمنزل مندور..

نور بغيظ

متضحكيش ي سالي بقي، والله شكلي بقي زفت قدامه اصلا..

سالي وهي تكتم ضحكاتها

ي شيخه اتنيلي ع اساس ان عمر عزام كان يعرفك اصلا..

نور بملامح حزينه

اهو عرفني ومش هينسي شكلي وانا كنت طالعه بنيولوك شكوكو كده...

_ انفلتت سالي ضاحكه، لتقذفها الاخري بالوساده..

دلفت لهم سعاد وهي تضع تلك الورقه امامهم واردفت

يلا وحده منكم تنزل تجيب الحاجات دي واياكم تخلو حد من العيال يجيبهم او اللي شغالين مع مندور بيفوتو نص الحاجات..

نور وهي تذهب للنوم

انا هنام وكمان شويه هروح اسأل ع يحي خلي سالي..

سالي بحده

سالي لي سالي مش فاضيه مش كفايه المحاضره ضاعت ولازم امشي دلوقتي عشان التدريب ميفوتنيش هو كمان، وبعدين يحي واخد مسكن تقيل ونايم مش هيقوم خالص دلوقتي....

نور بحده

وانا مليش دعوه انا جيبت امبارح..

سالي بغضب

ي كداابه انا اللي جيبت امبارح واول امبارح كمان..

نور بغضب ايضا

اهو انتي الكدابه وستين كدابه متغلطيش ي سالي..

سالي بحده

طيب خلي عندك دم ومتكلميش الكدابه تاني..

نور بغضب

فستين داهيه..

سعاد بحده

بس انتي وهي مسمعش صوتكم تاني، وروحي انتي ي سالي شوفي اللي وراكي وهي الورقه قدامها والطلبات هتجيبها بالجزمه مش هيبقي لا بتغور الكليه ولا كمان بتساعدني فشغل البيت..

سالي بنظرات شامته وهي تذهب للاسفل

طيب همشي انا ي سوسو ي حبيبتي عايزه حاجه..

سعاد وهي تربت ع كتفها بحنان

لا ي روح قلبي بس خلي بالك من نفسك..

سالي وهي تلوح لنور فالهواء ببرود

حاضر ي سوسو بااي ي نور..

نور بغيظ

ي رخمه غوووري..

سعاد وهي تذهب للخارج ايضاً

اخلصي ي نور بدل مجيلك بالشبشب وانتي عارفه هعمل فيكي اي..

نور بغيظ

غايره غايره ربنا ياخد نور عشان ترتاحو..

_ كانت تضع حجابها حتي صدح رنين هاتفها، نظرت للهاتف لتجده خالد، اخذت نفس عميق..

واجابت بهدوء

نعم؟..

خالد بحاجب مرفوع

انعم الله عليكي يختي، اطلعي فوق يلا ..

نور بغيظ

هو في اي بقي كلكم عليا ع الصبح..

خالد

في اي ي بت انتي حد كلمك..

نور بتنهيده غاضبه

مش طالعه ي خالد مش فاضيه اللي عايزه قوله واخلص..

خالد بنبره هادئه

وحشتيني ي عمم اطلعي بقي..

توردت وجنتيها وابتسمت باتساع.. ولكنها اجابته ببرود مصطنع

سوري مش فاضيه غير ان بابا قالي مليش دعوه بيك خالص الفتره الجايه..

خالد بهدوء

ولا كاني سمعت حاجه يلا مستنيكي...

نور بغيظ

مش طالعه ي خالد..

خالد بغيظ

انتي قد كلامك ده؟..

نور بعند

ايوه..

خالد بتكرار سؤاله

انتي قد كلامك ده؟..

نور بعند مجددا

ايوه..

خالد بهدوء

طيب ماشي اطلعي بقي نشوف الموضوع ده..

نور بخبث

طيب هطلع بس بشرط..

خالد بتعجب

لا والله بقي عشان خالد يشوفك يتحطيله شروط دلوقتي...

نور بثقه

اذا كان عاجب..

خالد بابتسامه مرحه

ماشي ي يختي اي شروطك..

نور بخبث

هو شرط صغنن، هتروح تجيب الطلبات من السوق لماما وتديهوملي كأني انا اللي جيبتهم..

خالد بمرح

ااه ي استغلاليه ي حيوانه، اطلعي يختي وهجيبهملك وربنا ع الظالم والمفتري..

نور بسعاده

اشطا ي سطا سيكا وهكون قدامك..

ــــــــــ #بقلم_الكاتبه_رحاب_القاضي ــــــــ

_ وصلت سالي الي اسفل البنايه وهي تهم بالخروج كي تذهب الي ذلك المستشفي الذي تدرب به، ولكن ما ان فتحت باب البنايه حتي وجدت شوقي يقف ع مسافه منها وما ان رأها حتي تقدم منها، تراجعت هي للخف بنظرات خائفه وكادت ان تغلق الباب ولكن كانت يده الاسرع ودفع الباب ودلف للداخل ووقف امامها..

واردف بجديه

عايز اتكلم معاكي..

سالي بانفاس متسارعه وهي تحاول التماسك امامه

وانا مش عايزه اتكلم مع حد امشي من وشي.

شوقي بحده

لا هنتكلم ي سالي وهتسمعيني..

سالي بحده وصوت عالي

انت مبتفهمش انا لا بطيقك ولا بطيق ابص فوشك انا بقرف منك ومن اي حاجه بتربطني بيك..

شوقي بحزن

انا عملت اي لكل ده انا مكنتش اعرف انهم هيعملو فيكي كده وخدتلك حقك منهم و..

صاحت فيه ببكاء وهي تضع يديها ع اذنيها

اسكت بقي مش عايزه اسمع حاجه اسكت..

شوقي وهو يجذبها من زراعيها بقوه واردف بنبره حزينه

انا هصلح كل ده اديني بس فرصه...

دفعته عنها بقوه واردفت وهي تنتفض بقوه

اديك فرصه بعد مكنت السبب فتدميري وانا عيله صغيره، اديك فرصه وانت معرفتش تحميني، اديك فرصه وانت ايدك مليانه دم، ولا اديك فرصه ع انك كنت سبب فموت امي، ولا ع الاتنين اللي اتحوزتهم وجاي تقول بكل بجاحه انك بتحبني انت واحد مريض وانا مبكرهش فحياتي قدك ي شوقي..

شوقي بنظرات غاضبه ونبرة اتهام

انا قتلتهم بسببك انا اتجوزت وحاولت احب واعيش عشان انساكي انا بقيت اخاف من اقل حاجه بسبب اني جبتلك حقك..

سالي ببكاء شديد وهي تسقط ع السلم

انت كداب انا مليش ذنب ابعد عنيييي بقييي ي خاااالد...

_ ع السطح..

ــــــــــــــــــ

في ذلك الوقت صلت نور الي هناك لتجده يقوم بعمل بعض التمارين الرياضيه ع تلك الاجهزه..

نور بمرح

انا جيت ي عم هركليز..

نظر لها وابتسم بهدوء وهو يتقدم منها

ساعه عشان تيجي واشوفك..

نور بابتسامه واسعه

بتقل عليك ي خالود..

خالد بسخريه

بتتقلي ع اساس اني موحشتكيش يعني فالكام يوم اللي عدو وخالي حتي مش بيخليكي تطلعي تتغدي معانا عشان مشوفكيش..

نور بخجل

لا وحشتني طبعا..

خالد وهو يجذبها من خلف ملابسها واردف بحده

طيب مانا طلعت واحشك اهو عماله تزلي فاللي جابوني عشان تيجي هنا لي؟..

نور وهي تحاول الافلات من يده

يوووه مانا قولتلك كنت بتقل عليك ي بيبي..

خالد بسخريه وهو يترك ملابسها

بتتقلي ولا بتسحلبي وتدحلبي عشان اجيبلك الطلبات..

_ نظرت له بابتسامه برئيه وصمتت..

خالد بنظرات عاشقه

ااه من عنيكي دي اللي مش مريحاني خالص....

نور بجديه

خالد انا مش حابه جو اني اقابلك من ورا بابا وماما كده..

خالد بتنهيده غاصبه

نووور لو هتفتحي موضوع الجواز والخطوبه والكلام ده يبقي انزلي احسن انا مش طالبه معايا خناق..

نور بسخريه

ولا انا طالبه معايا قلة قيمه فمش هفتح الموضوع لان في موضوع انقح منه هيتفتح..

خالد بحاجب مرفوع

قلبي مش مطمنلك في اي؟..

نور بابتسامه بلهاء

احلف بس انك مش هتتعصب ولا هتزعق..

خالد بجمود

اخلصي ي نور..

نور بقلق

احلف الاول..

خالد. بحده

قولت اخلصي...

نور بابتسامه بلهاء

ي حبيبي هخلص بس احلف..

خالد بتنهيده

وغلاوتك عندي مهتعصب احكي يلاا..

نور بسخريه

هع لا غير دي حلفت بيها قبل كده وكنت هترميني من فوق..

خالد بتفكير

طيب وغلاوة خالي عندي مهتعصب..

نور بخوف

لا احلف بحاجه تاني..

خالد بحده

لا كده انتي هتوديني فداهيه ي نور اخلصي..

نور بخوف وهي تردف بسرعه شديده

عمر عزام شافني بشعري لما كان عندنا تحت الصبح..

خالد وهو يضيق عينيه بغضب

انتي بتهزري صح..

_ هزت راسها بمعني لا، ليميل الاخر ع الارض وهو يخلع ذلك الكوتشي الخاص به ويركض خلفها..

وهو يصيح بغضب

وحياة امك ي نور ده انا مشوفتش شعرك من لما كنتي فاولي اعدادي..

نور وهي تركض منه وتختبئ خلف احدي الاجهزه الرياضيه

والله والله مكنت اقصد انا كنت صاحيه ومكنتش اعرف انه عندنا..

_ كاد ان يجيبها ولكن قطع جدالهم صوت سالي وهي تصيح بخالد بنبره باكيه ليهرول للاسفل هو ونور وسعاد التي دلفت خارح شقتها بزعر.. ما ان نزلو للاسفل ليجدو سالي تجلس ع السلم متكوره ع نفسها وامامها شوقي بملامحه الغاضبه،ذهبت نور وسعاد لها يحاولون تهدأتها..

خالد وهو يجذبه من مقدمة ملابسه بغضب

انت عملتلها اي ي شوقي..

شوقي بحده

معملتش حاجه انا جيت اتكلم معاها مش اكتر..

نور بغضب

وهي مش عايزه تتكلم معاك خلي عندك دم بقي وسيبها فحالها..

شوقي بحده

ملكيش دعوه ي نور انتي خليكي فحالك..

خالد وهو يدفعه للخارج

لا انت اللي تخليك فحالك وتشيل سالي من دماغك ي شوقي عشان خالك صابر عليك فالحكايه دي عشان خاطر امي الله يرحمها فخلي عندك شوية دم وراعي عضم التربه وحل عنها..

شوقي وهو يذهب للخارج بغضب

ماشي ي خالد بس طولت او قصرت انتي لشوقي ي سالي..

_ ذهب شوقي للخارج، وعاد خالد ليجلس امام سالي التي تبكي باحضان سعاد التي تحاول تهداتها..

واردف بمرح

يالهوي ع الناس اللي بتبقي زي القمر لما تبكي..

نور وهي ترفع وجه سالي الباكي لها ثم عادته وهي تردف بامتعاض

اعوذ بالله من الشيطان الرجيم فين القمر بس..

_ ابتسمت سالي وسط دموعهاا..

سعاد وهي تقبل جبهة سالي بحنان

مدام العيال ضحكوكي وخلو وشك ينور تاني اطلع انا بقي اشوف الطبيخ اللي ع النار احسن البت مرزوقه تحرقه..

_ ذهبت سعاد للاعلي، وجلست نور بجوار سالي وهي تحتضنها بقوه وكأنهم ليس هم من كانو يسبون بعضهم منذ دقائق...

خالد بهدوء

ممكن خلاص بقي والله ي سالي مهخليه يقربلك تاني انا هتصرف معاه المهم مشوفش اختي تبكي تاني..

نور بسخريه

لا حنين بروحمك..

خالد وهو يخلع حزاءه مجددا بغيظ

انتي ليكي عين تتكلمي..

نور وهي تركض للاعلي بخوف

يالهوي الحقيني ي سعاااد..

_ ضحكت سالي بقوه ع هيئة نور الخائفه..

خالد بتنهيده غاضبه

قومي ي سالي هوصلك المستشفي..

سالي وهي تنهض وتتجه للاعلي

لا مش قادره بجد هروح انام..

خالد بجديه

براحتك ي سالي المهم تبقي كويسه..

_ اومئت له وذهبت للاعلي.

_ فحين ذهب هو للخارج ليجد مندور يسير باتجاه احد المنازل..

خالد بقلق

ع فين ي خالي في حاجه ولا اي؟!..

مندور بجديه

كويس انك جيت تعالي معايا رايح بيت عثمان الله يرحمه..

خالد بملل

خير؟..

مندور وهو يحسه ع السير معه

تعالي بس وهتعرف..

خالد بملل

طيب روح انت وانا هروح الورشه..

مندور بحده

قولت تعالي معايا ي خالد..

خالد بغيظ

معاك ي خالي معاك..

ـــــــــــــــــــــــــــــــــــــــــــــــــــــــــــــــ

_في منزل فرح..

_تقف بالمطبخ الخاص بمنزلها وهي تعد بعض الاطعمه، وترفع يدها من الحين للاخر تمسح تلك الدمعه التي تهبط ع وجنتها بألم وذاكرتها منذ ان استمعت لاسمه بالامس لن تتوقف عن دفع كثير من الذكريات لها وكأنها الاخري تستبيح عذاب فؤادها...

فلاش باااااك..

ــــــــــــــــــــ

_ مر اكثر من يومين ع مهاتفتها له كانت متردده للغايه، ولكن هناك سعاده وشعور جديد بداخلها وخصوصا عندما تقرأ تلك الرساله التي ارسلها لها عندما اغلق معها والتي كان محتواها...

"عبد الحليم قال فاغنيه قبل كده، حبيتها ايوه انا حبيتها مش قادر انسي ضحكتها، بحبك ي فرح"...

_تقرأ تلك الرساله للمره التي لا تعلم عددها وتحتضن الهاتف بابتسامه واسعه وهي تغمض عينيها بقوه وقلبها تتزايد نبضاته التي وكأنه تتسابق ع نطق اسمه بداخلها...

_ فاقت من شرودها عندما صدح رنين هاتفها الذي كان بين يديها، نظرت للمتصل، ثم هبت جالسه ما ان رأت رقمه يزين شاشة هاتفها..

فرح بتوتر شديد وهي تحدث نفسها..

فرح

اي ده هو مش قال هيستني انا اكلمه اي ده بقي..

_ وقفت واخذت تدور بالغرفه وهي ممسكه بالهاتف وتنظر له بتوتر مصحوب بالخجل، ولكن حسمت امرها قبل ان ينتهي الاتصال..

واجابت بهدو...

فرح

الو

_لا يأتيها رد..

فهتفت بنفس نبرتها الرقيقه

يحي انت معايا..

اتاها صوته وهو يتنهد طويلا ويردف بمرح

يالهوي ع يحي وسنينه..

فرح بابتسامه خجوله

اي في اي؟...

يحي بهدوء

احم لا متخديش فبالك انتي عامله اي؟..

فرح بهدوء

الحمد كويسه، انت كويس..

يحي وهو يجلس ع فراشه ويردف بنبره صادقه

كويس عشان كلمتك ورديتي عليا..

_ صمتت فرح بخجل وهي تنظر لانحاء الغرفه بتوتر شديد..

يحي بتوتر مثلها ايضا

فرح انتي فكرتي اكيد يعني فاللي قولتلك عليه..

فرح بهروب

اي اللي قولتلي عليه يعني مش فاكره كويس...

قاطعها وهو يردف بجديه غير قابله للنقاش

اني بحبك ي فرح ومستعد اعمل اي حاجه تأكدلك ده لو انتي كمان بتحبيني..

فرح بخجل شديد وتوتر

اا انت يعني بتوترني جدا و..

يحي بجديه

فرح دلوقتي اسمع ردك انتي في حاجه من ناحيتك ليا..

_ صمتت كثيرا فحين كان هو ينتظر ردها ع احر من الجمر..

يحي بنبره حزينه

للدرجه دي السؤال مدايقك..

فرح بسرعه وتلقائيه

لا طبعا..

يحي بنفاذ صبر

اومال اي طيب ي فرح..

فرح بتنهيده قويه وقد توردت وجنتيها بخجل شديد

اكيد لو مكنتش في حاجه انا مكنتش هرد عليك..

يحي بجديه

لو سمحتي ي فرح مش عايز رد الالغاز ده انتي بتحبيني ولا لا..

فرح بخجل اكبر ولكنها اخذت نفس عميق واجابته

ايوه..

يحي بابتسامه واسعه

اايوه اي؟..

فرح بخجل شديد

ايوه ااه ي يحي ومتوترنيش اكتر من كده بقي..

_ ضحك هو بقوه، لتبتسم هي بخجل...

يحي بهدوء

خلاص ي ستي انا كده خدت اللي عايزه، نغير الموضوع طيب ونتكلم شويه..

فرح بابتسامه تظهر سعادتها

ماشي

يحي بهدوء

انا ي ستي اسمي يحي عادل بدرس فحقوق وان شاء الله ناوي ع نيابه ااا عندي اخت كبيره اسمها عائشه متجوزه وعندها بنت جميله اووي اسمها قمر ع اسم ماما وعندي اخ صغير فأبتدائي ارخم اخ فالعالم اسمه ياسين..

فرح بابتسامه هادئه

ربنا يخليهم ليك؟..

يحي بهدوء

ويخليكي ليا..

تابع بتوتر

ااا وانتي بقي عندك اخوات اي وناويه تدخلي كلية اي؟..

فرح بهدوء

معنديش غير خليل اخويا الكبير بس احنا اصلا من اسكندريه بس نقلنا المنيا هنا من كام سنه بسبب شغل بابا، بالنسبه بقي للكليه فمش عارفه..

يحي بعدم. فهم

ازاي يعني كل واحد عنده حلم بكليه معينه عايز يدخلها وبيتمرمط فثانوي بقي عشان يوصلها..

فرح بنبره حزينه

مهو انا بابا مش عايز يدخلني كليه بيقول كفايه ثانوي تفكيره قديم شويه بس هو بيخاف عليا جدا..

يحي باندماج فالحديث معها

طيب انتي، فرح نفسها تدخل كلية اي؟..

فرح بتقكير

حقوق..

_ ضحك يحي عاليا..

واجابها بملاوعه

ده اشمعنا بقي؟..

فرح بتوتر

عشان مبحيش طب وهندسه هتستغرب بس انا فعلا كرهت الاتنين بسبب صحابي اللي بيستفزوني ديما انهم عايزين يدخلوهم وانا مش هقدر ادخلهم فلو هدخل هختار حقوق..

يحي بهدوء

انتي بس ذاكري كويس وموضوع الكليه ده ربنا يسهل..

فرح بسخريه

اي هتيجي تقنع بابا بيها مثلا..

يحي بجديه

ولي لا؟..

فرح بقلق

وانت هتكلمه فحاجه زي دي بصفتك اي ي يحي متهزرش..

يحي بجديه

بصفتي اي ، انا مرتب نفسي ع ان بعد. معرف مشاعرك ناحيتي هكلم والدي الاسطي عادل وهجيبه ونيجي اخطبك من سيادة اللواء عزت ومش شرط خطوبه عشان انا لسه بدرس بس ع الاقل نقرا فاتحه واحجزك لتتخطفي مني..

فرح بابتسانه واسعه وقد لمعت عيناها بفرحه عارمه واردفت بتوتر

بس انت فجأتني وو وانا لازم اقفل باي..

_ اغلقت الهاتف بوجهه ليضحك هو بهدوء، فحين احضنت هي وسادتها واخذت تدور بها بالغرفه بسعاده كبيره..

قاطعتها والدتها التي دلفت للغرفه وهي تصيح بها

لي ي فرح صوتك ده عيب ي حبيبتي انتي بنت صوتك.ما يعلاش..

فرح بسعاده تظهر ع وجهها

اسفه ي ماما هوطي صوتي خلاص..

اردفت والدتها بهدوء

طيب غيري هدومك واطلعي سلمي ع محمد ابن عمك جه وسأل عليكي بره..

فرح يتنهيده غاضبه

لا مش هطلع انا مش بطيق البني ادم ده..

اجابتها والدتها بحده والله ي فرح لو مسمعتي الكلام وطلعتي سلمتي عليه وانتي فارده خلقتك لاخد. منك الموبيل..

فرح بسرعه وخوف

لا لا لا خلاص طالعه..

ــــــــــــــــــــــــــ

_ فاقت من شرودها ع صوت باب منزلها وهو يفتح، لتتنهد بضيق ما ان علمت بوجوده.. جاءها صوت صغيرها من خلفها، لتنظر له باشتياق شديد وتذهب وتحتضنه..

فرح وهي تقبله من وجنتيه وتحتضنه بقوه

وحشتني ي حبيبي وحشتني اووي..

كريم بحزن طفولي

انتي كمان وحشتيني ي ماما، بس انا زعلان عشان انتي كنتي مش عايزاني وبعتيني اقعد عند تيته وحدي..

_فرح وهي تحتضنه ببكاء وترمق زوجها الذي يقف امام باب المطبخ بحده...

فرح

انا اسفه ي حبيبي والله مهسيبك تاني..

كريم وهو يرفع يده امام وجهها ويردف بتحزير طفولي

اخر مره صح..

فرح وهي تقبله من وجنته باشتياق

اخر مره والله..

محمد وهو ينظر لها بهدوء

اهو عشان تعرفي اني قلبي طيب ومش بيهون عليا زعلك وجبتهولك اهو..

_نظرت له فرح بأشمئزاز فهو الان يتحدث بكل برأه والامس كان يضربها ولا يفرق بينها وبين هؤلاء المجرمون الذين يعاملهم بعمله...

اردفت بسخريه

قلبك الطيب اللي جابه، ولا والدتك زهقت منه..

محمد بحده

تصدقي انا غلطان اني بحترمك انتي ملكيش غير الذول والضرب زي ال*****...

_ اردف بكلماته وتركها وغادر خارج المنزل، لتتجاهله هي وتحمل صغيرها وهي تحتضنه بقوه وتعوض حرمانها منه تلك الايام...

ـــــــــــــــــــــــــــــــــــــــــــــــــــــــــــــــ

_ وفي منزل بسيط من احد منازل منطقة مندور العشري..

_يجلس مندور وبجواره خالد وامامهم امرأه تبدو بالـ45 من عمرها وبجوارها ابنتها الوحيده صاحبة ال18 عام تجلس وهي تضم زراعيه لصدرها وملامحها غاضبه بقوه..

مندور بهدوء

مهو ده مش كلام يتسع ي مي..

مي بحده وهي مازلت تنظر لهم بغضب

مش مطالب من حضرتك تسمعه..

نهرتها والدتها بحده

اتلمي ي بنت وكلمي عمك كوبس..

مندور بهدوء

سيبيها ي ست منال تقول اللي هي عايزااه ها ي مي واي تاني..

مي بحده

ولا تاني ولا تالت انا واخده قراري، يعني وجودكم هنا زي عدمه..

خالد بغضب

متتكلمي عدل ي بت انتي وتحترمي ان في ناس كبيره قاعده عشان تعقلك..

مي بحده

انت مالك اصلا ودخلك اي فالموضوع..

مندور بنفاذ صبر

من الاخر ي مي انا جاي هنا مش عشانك عشان ابوكي الله يرحمه كان صاحب عمري وموصيني عليكي انتي وامك قبل ميموت وانتي فرقبتي لحد موصلك بنفسي لبيت جوزك..

مي بسخربه

لا كتر خيرك انا بعفيك من وصية ابويا وشكرا ع اللي عملته معانا الفتره اللي عدت دي وربنا يقدرنا ونردهولك فالافراح ي حج..

منال بغيظ

شايف ي حج طريقتها، طيب ي مي قدامهم والله لو مدخلتي الكليه لانتي لا بنتي ولا انا اعرفك..

مندور بصرامه

هتروح كليتها وخالد ع اخر الاسبوع هيروح يقدملها فكلية الهندسه..

ثم نهص واردف بحده

لما رجالة الحته يلبسو طرح ويقعدو فبيوتهم ابقي انزلي اشتغلي واصرفي ع نفسك وامك ي بنت عثمان..

تابع وهو يدلف للخارج

يلاي خالد..

خالد بسخريه وهو ينظر لتلك التي تستشاط غضباً

دي دماغ تشتغل طب انضجي واكبري الاول..

مي بغضب وحده

غور يلا اطلع بره بخلقتك دي..

خالد وهو يذهب للخارج وهو يرمقها بغيظ

اقسم بالله بالعه كلب مسعور...

_ اغلقت الباب خلفهم بقوه..

خالد بتنهيده وهو يسير بجوار مندور

البت دي مش هترضي ي حج ودماغه مش هترحمها..

مندور بقلق

نفس عند ابوها بس هي بنت وصغيره اسمع ي خالد خلي حد من العيال يتابعها لو طلعت من البيت يشوفها هتروح فين...

خالد بايماء

اطمن ي خالي فرقبتي الموضوع،هروح انا اجيب كام حاجه من السوق للبيت واجيلك ع الورشه....

مندور

ماشي وابقي روح اطمن ع يحي وخد سالي تشوف جرحه..

خالد وهو يذهب

ماشي..

ــــــــــ #بقلم_الكاتبه_رحاب_القاضي ــــــــ

_ الساعه تتجه للواحده صباحاً..

وقف اسفل البنايه الخاصه بمندور، كانت الاجواء هادئه للغايه لا يوجد احد بالمنطقه غير بعض الماره من الحين للاخر...

اخرج هاتفه وقام بالاتصال بإحداهم، نعم انها صفيه..

التي اجابت بصوت نائم

الو ي يحي اي رياح خلتك تكلمني دلوقتي..

يحي بهدوء

اجيلك ولا هتكملي نوم..

صفيه بابتسامه وواسعه وهي تنهض عن فراشها

دقيقه نازله افتحلك اهوو..

_ اغلق معها واستند ع الحائط بإنتظارها، وما ان لاحظ الباب يفتح حتي ذهب بإتجاهها هو ينظر حوله يتاكد بأن لا احد يراااه، وتلقائياً رفع راسه للنافذه الخاصه بمنزل مندور وبالاخص علي غرفة سالي بتأكد من عدم وجودها وانها ترااه مجددا..

_اعاد راسه للامام مجددا وهو يبتسم بسخريه من ما فعله هل يخااف منها ام يخاف ع منظره امامها، نفض تلك الافكار ودلف للداخل عند تلك المرأه..

_ بعد. مده من الوقت..

ـــــــــــــــــــــــــــــ

دلفت صفيه الي غرفة نومها وهي ممسكه بذلك الحامل المعدني وتضع عليه بعض الاطعمه الشهيه ووضعتها امام يحي الذي كان نائما ع فراشهاا..

صفيه بهدوء

تلاقي سعاد وبناتها محدش افتكرك بلقمه فيهم ترم عضمك وانت تعبان..

يحي بهدوء

بالعكس دول اهتمو وبزياده، المهم مقولتليش قبل كده انك مطلقه..

نظرت له بجمود واردفت بهدوء

انت مسألتش عشان اقولك واديك عرفت..

يحي بحده

لا معرفتش..

صفيه ببرود

اي اللي عايز تعرفه ي يحي؟...

يحي بحده

كام راجل من لما اطلقتي دخل هنا وناويه ع مين تدخليه بعدي..

القت الطعام من يدها فالطبق بغضب وصاحت به

وانت جاي تقولي الكلام ده بعد مجيت واترميت فحضني ي حيلتها...

جذبها من زراعها بقوه واردف بغضب

اتكلمي بأدب ي روح امك وردي ع سؤالي..

اجابته بدموع وهي تحاول الثبات

محدش دخل غيرك ولا هيدخل ي يحي ولو كنت دخلتك هنا وسلمتلك كل حاجه عشان شوفتك بتكسر مناخير الشيمي اللي زلني وكسرني هو ومراته واخووه اللي كان جوزي، قولت اطبقك واخليك فصفي واردولهم القلم قلمين....

يحي وهو يترك زراعها واردف بجمود

احكي كل اللي كان بينك وبين عمر عزام واخوه واي حكايته سامعك..

صفيه وهي تمسح دمزعها وتردف بعيزن كساها الظلام

هحكيلك...

فماذا ستخبرنا به صفيه ولن نعرفه حتي الان وما تأثيره ع يحي؟...

الفصل السادس

حبيبها.. ليس وحدك حبيبها..

اكتست عيناها بظلام مريب وهي تتذكر ما مر بماضيها وتخبره بـ..

صفيه بشرود وبنبره يكسوها الحقد

انا كنت بنت صاحب القهوه اللي تحت دي الحج وهدان راجل ليه كلمته وهيبته فالحته، كنت ست البنات هنا، وعمر عزام كان زي مهو كده نفس قوته وجبروته لف ودار ورسم الحب عليا كنت صغيره وصدقته واتجوزته فالسر، اتاريه ابن ال**** كان عايز يكسر عين ابويا ويبقالو كلمه فالحته هنا عشان يبقي مسيطر ع المنطاق كلها، ابويا عرف بجوازي منه طب ساكت فيها ومات، ودخل عمر بيني انا ولبني اختي واتجوزني، وبان قدام الحته ان هو الكبير اللي هيشيل بيت الحج وهدان وبناته، شوقي بعدها جه وخطب اختي عشان يبقي نسيب عمر عزام ويكبر هو كمان..

اكتست عيناها بدموع مؤلمه وهي تتابع

الشيمي كان متجوز بنت رجل اعمال متعاون مع عمر من تحت لتحت، المهم الراجل ده كبر وبقي وزير وبنته مرات الشيمي ومخلفه منه عيلين وطبعاً انا اقل وحده، الشيمي يضرب ويهين ومراته تعاملني زي الخدامه، ولما اروح اشتكي لجوزي يضرب هو كمان مانا مليش حد الجأ ليه، بس فاض بيا طفشت منه وروحت رفعت عليه قضية خُلع، عمر وقتها كان اي ظابط محتاج وسطه يجيبله ويشغله ومخلي ناس جوه الحكومه تحت ايده وبيعملوله الف حساب، خلاني بكل سلطته دي الف ع المحاكم اربع سنين لا طايله سما ولا ارض، ولما جابه مزاجه طلقني ورماني ولولا الحج مندور فتحلي قهوة ابويا وجابلي البيت ده كان زماني مش لاقيه اكل..

_ انهت حديثها وانهمرت دموعها تغرق وجهها ببكاء مرير.. اقترب هو منها واحتضنها بهدوء فماضيها لن يختلف عنه، كلاهما سحقه الماضي بطريقته..

يحي بمرح

دي لحظه تاريخيه صفيه بتبكي وفحضني..

رفعت عيناها له واردفت بجديه

اتجوزني ي يحي..

_دفعها عنه ونهض وهو يضبط من وضع ملابسه ولم يجيبها..

صفيه بحده

اي مش قد المقام؟..

يحي بهدوء

ايوه كده ارجعي صفيه اللي اعرفها..

نهضت عن الفراش واخذت تدفعه للخارج

غور امشي بره يلاا، وابقي ابويا مخلفش فيا لو دخلتك هنا تاني..

يحي وهو يضحك بمرح

طيب براحه طيب انا مضربتكش ع ايدك عشان اجي ي صافي..

صفيه بغيظ

عجباك الست الدكتوره وناوي عليها صح..

يحي بعدم فهم

دكتورة مين...

صفيه بحده

سالي ي حبيبي اللي كل شويه رايح جاي بيها توصلها وتجيبها..

يحي وهو يضرب كف بالاخر بنفاذ صبر

انتو اي حكايتكم هااا اي سالي سالي اللي فاكرني واقع عليها دي..

صفيه بسخريه لازعه

يكون فعلمك شوقي مش هيسيبها تتجوز غيره، لان اللي حصل زمان وانت متعرفوش ميخليهاش هي نفسها لو فكرت تتجوز تتجوز غير شوقي..

يحي بفضول شديد

هو اي اللي حصل زمان؟..

صفيه بخبث

لما تقولي مين فرح اللي اسمها مكتوب ع صدرك دي هحكيلك اللي محدش يعرفه عن الدكتوره بره بيت مندور العشري غيري...

يحي ببرود شديد

ميهمنيش اعرف ولو عايز اعرف مش هستناكي تساوميني ي صافي..

_كادت ان تجيبه ولكن صدح صوت طرق ع باب منزلها...

جذبها يحي من زراعها بقوه واردف بغضب

مين ده اللي جايلك دلوقتي ده الفجر لسه مأذن...

صفيه بابتسامه واسعه

اي بتغير عليا ي يحي..

يحي بسخريه

لا يختي انا قلقان حد يقفشني عندك وانا لسه بكون سمعه فالمنطقه...

صفيه بغيظ

خليك هنا هروح اشوف مين متطلعش..

_ ذهيت للخارج، وعادت بعد قليل..

وهي تردف بهمس

دي لبني اختي شكلها متخانقه مع شوقي، خليك هنا بس شويه وهخليها تخش اوضتها وابقي اخرج انت..

يحي بغيظ

طيب انجزي قبل الناس متكتر بره فالشارع..

صفيه بابتسامه بلهاء

طيب متتجوزني ويبقي زيتنا فدقيقنا..

يحي وهو يدفعها للخارج بغيظ وصوت هامس

غوري يلا ي ماما روحي اتصرفي فأختك دي...

_ ذهبت هي للخارج كي تواسي شقيقتها فحين، ابتسم وهو يجلس ع الفرااش..

واردف لنفسه بسخريه

ده انتي لو الاسطي عادل والحجه قمر سمعوكي كانو طبو ساكتين...

_ ابتسم بمراره وذاكرته تعود مجددا لما مضي...

_فلاش بااااك...

ـــــــــــــــــــــــ

قمر بسعاده

انا موافقه ومستعده اروح اكلم مامتها دلوقتي واخطبهالك..

عادل بحده

بس ي قمر مش سلق بيض هو ده جواز وابنك لسه فبداية حياته هروح اخطبله بنت سيادة اللواء واقوله معلش هو لا بيشتغل ولا عنده شقه هو لسه طالب فسنه اولي..

_صمت يحي وهو ينظر ارضا بحزن..

قمر بدفاع عنه

لا استني عندك ي عادل انا ابني من لما دخل الكليه خد منك قرش ده ي حبة عيني بيصرف ع نفسه من شغله معاك فالورشه وشقته فالبيت فوق وعبال ميتخرج ويدخل نيابه يجهزها ونكون احنا ساعدناه بحاجه...

يحي وهو يقبل يد والدته بفرحه

والله انتي مفيش منك ي ست الكل..

تابع وهو ينظر لوالده

شاايف ي حج اهي حلت الموضوع ببساطه..

عادل بتنهيده

طيب الراجل برضو هيقبل بينا واحنا ع قد حالنا..

قمر بحده

جرا اي ي عادل متعقدهاش ع الواد وبعدين بكره يتخرج ويبقي وكيل نيابه قد الدنياا..

يحي بنظرات رجاء

عشان خاطري ي بابا تيجي معايا انت وماما ونخطبها..

عادل بمرح

ابنك وقع ي قمر..

قمر بخبث

طالع حبيب لابوه..

يحي وهو يذهب للخارج

هسيبكم انا بقي واروح الحق حجز الكوره، متنساش ي بابا تكلم عزت بيه وتاخد منه معاد....

ـــــــــــــــــــــــــــ

_ فاق من شروده وهو يبتسم بسخريه مريره...

استمع لصوت صياح يأتي من الخارج، ذهب واقترب من الباب ليستمع لشقيقة صفيه، لبني وهي تصيح ببكاء..

لبني

اصبر لحد امتي ي صفيه ده بيبقي نايم جنبي ويقول اسمها، سالي سالي سالي لحد مخلاص جيبت اخري ودلوقتي جاي يقولي هتجوزها وبيخطط عشان يتجوزها من غير محد يعرف غصب عنها..

صفيه بتوتر من وجود يحي وتحاول تهدأتها

طيب خلاص هنروح للشيخ علام تاني ونخليه يعملها حاجه..

لبني بحقد

دي اخر مره هروح عند شيوخ بتوعك دول بس ورحمة ابويا وامي لو مبعد عنها لقتلها وارتاح ويبقي هو اللي قضي ع عمرهاا..

صفيه بحده

طيب روقي يختي وبطلي هلفته بالكلام وادخلي ريحي شويه والصباح رباااح..

لبني وهي تمسح دموعها

هروح، ولو شوقي جه قوليلو هترتاح شويه وترجع..

صفيه وهي تحثها ع الدلوف لغرفتها

سيبي شوقي عليا وادخلي ارتاحي ي حبيبتي..

_ اغلقت صفيه باب غرفة شقيقتها، وذهبت سريعا وفتحت باب غرفتها لتجد يحي بوجهها يرمقها بجمود..

صفيه بقلق

لو سمعت حاجه من كلام لبني سيبك منه دي غيرة حريم ويلا امشي عشان متاخدش بالها..

يحي وهو يذهب للخارج واجابها بصوت رخيم

سالي مش هتتجوز شوقي غصب عنها ولا بأرادتها قوليلها تطمن..

_جذبته صفيه من ملابسه واردفت بشراسه من بين اسنانها

صفيه

يبقي اللي كنت فهماه صح اي بينك وبينها ي يحي..

يحي وهو ينفض يدها بقوه

بيني وبينها حاجه مش هتفهميها ماضي يخليني مشوفهاش تتغصب ع واحد زي شوقي..

_ ذهب للخارج، لتردف هي لنفسها بتنهيده: ياتارا ماضيك كان ازاي ي يحي عشان تتكلم بالمراره دي...

ــــــــــــــــــــــــ

_في منزل عمر عزاام..

_ ابتسم باتساع بعد ان وجد حسابها ع الانستجرام بعد ان بحث عنها مطولا.. عمر بابتسامه واسعه وهو ينظر لصورها التي تملأ حسابها..

عمر

نوور مندور..

_ اخذ يتفحص جميع الصور الخاصه بها، لا يعلم كم مر من الوقت وهو شارد بصورها وهي تضحك وتاره اخري وهي تتصنع الشرود ليبتسم بزاوية فمه، ولكن اختفت وحل محلها الجمود وهو يري بعض الصور لها مع خالد واخري تجمعها مع خالد وسالي..

عمر وهو يغلق حسابها

شكلها هتبقي مسليه اوي الفتره الجايه..

_ اخرج هاتفه وقام بالاتصال بأحدهم الذي اجابه سريعا..

عمر بجمود

اسمع ي فخري في واد اسمه يحي شغال جديد مع مندور..

اجابه الاخر بعفويه

ومين مبقاش يعرفه، ده مندور عمال يقول ابني وخليفتي غير انه علم لامؤخذه ع الشيمي بيه و..

عمر بحده

هووانا مكلمك عشان تحكيلي مسيرته بروحمك اسمع اللي عايزك فيه واقطم لحد مخلص..

فخري بخوف

اسف ي باشا اتفضل..

عمر بنظرات خبيثه

عايزك **************

ــــــــــــــــــــــــــــــــــــــــــ

_بمنزل مندور العشري، وبالاخص بغرفة نور

نور وهي تتحدث بالهاتف بصوت منخفض

حاضر ي نيره والله هاجي بس مش هلبس اللي انتي قولتيلي عليه هاجي بلبسي العادي..

نيره بهدوء

ماشي المهم تيجي دي حفله كبيره وبابي قالي لازم احضرها وانا مش عاوزه اكون فيها لوحدي ووعد هوصلك بعربيتي لحد بيتك..

نور بتوتر

طيب بصي انا اصلا قولت لماما وهي وافقت بس قالتلي سالي تيجي معايا..

نيره بابتسامه واسعه

طيب ياريت والله انا اصلا بحب سالي جدا وهبقي مبسوطه لو كانت معانا..

نور بسخريه

ربنا يستر بس وتوافق..

نيره بحماس

انا مستعده اكلمها بليييز ي نوني تيجو..

نور بحماس

هنيجي وربنا يستر وخالد ميعرفش ويكسر رقبتي..

نيره بهدوء

لسه ي نور الحفله ع اخر الاسبوع اقنعيه فالوقت ده..

نور بسخريه

اقنع مين ي ماما انا مش هقوله اصلا وحتي بابا انا قيلاله ان ده عيد ميلادك هع هع هع..

نيره بضحك

ههههه مش مهم كل ده المهم تيجي تمام..

نور بتنهيده

تماام..

_ اغلقت مع صديقتها وذهبت للخارج، لتجد سالي تجلس تتناول الافطار وهي تلهو باللابتوب الخاص بها..

نور وهي تجلس جوارها محتضنه اياها

ي لالي ي حبيبتي ي قمر..

سالي وهي تبتعد عنها

مش هروح الحفله ي نور..

نور بحده

متبقيش غلسه بقي...

سالي بخبث

بقي انا رخمه؟ طيب انا بقول ناخد رأي خالو قبل مينزل الورشه..

نور وهي تجذبها من زراعها بقوه

استني بس ي سالي والنبي والله اخر مره اطلب منك حاجه، وبعدين نغير جو ونشوف بقي حفالات الناس الغنيه اووي دي..

سالي وهي تغلق حاسوبها وتنهض من جوارها

هفكر ي نور..

نور بتنهيده

طيب قبل متروحي التدريب بتاعك، خالد بيقولك اطلعي ليحيي عشان الجرح بتاعه اتفتح ونزف جامد ومش راضي يروح مستشفي ولا يعمل حاجه..

سالي بقلق شديد ظهر عليها

اتفتح ازاي ونزف من امتي ولي محدش قالي من بدري..

نور بنظرات خبيثه

اهدي ي لالي ده جرح بسيط كله سبع غرز مش محتاج الخوف ده كله..

سالي وهي تجذبها من زراعها بقوه

طيب قدامي بقي نروح نشوفه عشان متأخرش ع التدريب..

نور بغيظ

اوعي ي زفته وانا مالي اطلعي وحدك..

سالي بخبث

طيب هطلع وحدي ومش هروح الحفله..

نور وهي تركض للباب

انا فووق اصلا...

_ وصل الاثنين الي منزل يحي الذي فتح لهم وهو يضع يده ع جرح بطنه ويبدو ع وجهه الالم..

يحي بجمود

عايزين اي؟...

نور بحده

اي قلة الذوق دي ياااه؟ متتكلم بأدب اشحال مكناش جاين نطمن عليك..

يحي بخبث

والله حلال فيكي اللي بيعمله خالد فوق..

نور بفزع

بيعمل اي فوق؟..

_نظر لها نظرات حزينه، لتستشاط غضباً وتركض للاعلي..

_سالي بفضول وهو تدلف خلفه للداخل تاركه الباب خلفها مفتوح...

سالي

هو خالد بيعمل اي؟..

يحي ببرود

اطلعي شوفيه....

سالي بغيظ

اتنيل وريني الجرح وهغور من وشك خاالص..

يحي وهو يرفع تيشرته وويردف بجمود

مكنش ليه لزوم تتعبي نفسك..

سالي وهي تعقد حاجبيها

انت عملت مجهود كتير لي مش انا قولتلك تتنيل ترتاح لحد متخف..

يحي ببرود

اخلصي شوفي هتعملي اي ي تنزلي..

_سالي وهي تذهب وتحضر علبة الاسعافات وتبدأ بتعقيم جرحه مجددا، ثم اقتربت منه وضيقت عينيها بغضب..

يحي بقلق

في اي ي حجه؟ فين الحدود؟..

ابتعدت عنه واردفت بحده

حلوه اوي ريحه البرفيوم بتاعت صفيه دي..

يحي بتوتر لا يعلم سببه

ااا صفيه اي وبعدين ده رجالي اصلا..

سالي بحده اكبر

لا انا عارفه ريحته كويس لان محدش بيحط الريحه التقيله دي غيرها..

يحي بهروب

طيب انتي عايزه اي يعني؟..

سالي بغيظ

مش عايزه حاجه انت حر اصلا، بس اظن انك مره قولتلي ان عندك اخت فياريت تحسن فتصرفاتك عشان ميتردش فيها بعد اذنك..

_ اتجهت للخارج، فحين تحولت ملامحه للغضب لينهض سريعا ويجذبها من يدها قبل ان تذهب للخارج..

يحي بجمود

استني..

نفضت يدها منه واردفت بحده

عايز اي؟..

_ نظر لها ولا يعلم بماذا يخبرها غضب من نفسه كثيرا فتلك الكلمات التي القتها عليه كانت مثل الصفعات التي فوقته ولو قليلا ع ما اتجه له مؤخراً..

سالي بحده

عايز اي انا مش فاضيه..

يحي بتنهيده ضيقه ونظرات نادمه

اسف..

تابع وهو يشير لها بان تذهب

اتفضلي..

_ كادت ان تذهب للخارج وهي ترمقه بعدم فهم، ولكنها انتفضت بقوه ما ان رأت شوقي يقف امامها بملامح غاضبه، لتذهب تلقائياً وتقف بجوار يحي..

شوقي بغضب

انتي بتعملي اي هنا ي محترمه؟..

يحي بجمود

جايه تتطمن عليا، انت بقي جاي لي؟..

شوقي بغضب اكبر لسالي

تعالي قدامي لتحت يلااا..

_يحي وهو يمسك يد سالي واردف بنبره حاده لاول مره تشهدها منه..

يحيي

هي مش هتنزل ولا هتروح معاك اي مكان، واتفضل عشان مش فاضين اصلها هتغيرلي ع الجرح..

اسودت عيني الاخر واردف بغضب

ده بيت اخويا وانت هنا ضيف وتقيل وسالي دي بنت خالتي و..

يحي وهو يجذب سالي من يدها للخارج

تعالي ي سالي نطلع نغير ع الجرح فووق..

_اخذ يحي يدندن بصوت هادي ومستفز وهو يمر من امامه..

يحيي

حبيبها ليس وحدك حبيبها..

_ اخذها وذهب معا للاعلي، فحين اسودت عيني شوقي بحقد واردف بصوت رخيم..

شوقي

استعد بروح امك للي جاي وبقاش اسمي شوقي لو مخليت مندور العشري هو اللي يطردك من هنا..

_ ذهب شوقي للاسفل، ليعود يحي وسالي الذين كانو يقفون ع السلم ينظرون للاسفل..

سالي بعد ان تأكدت من دلوفه لمنزل خالها

اي بقي اللي قولته لشوقي ده..

يحي ببرود

هو مش بيدايقك انا بخلصك منه وبستفزه مش اكتر...

سالي بملامح حزينه

شكرا..

ثم تابعت بحده

وبعدين انا برضو مش هكلمك تاني ي بتاع صفيه..

يحي وهو يقترب منها بخبث

مدايقاكي اوي صفيه انتي، والغيره عامله عمايلها معاكي..

سالي بتوتر شديد

اي غيره اي دي لا مش كده بس انا يعني عايزاك زي خالد وهغير لي اصلا..

يحي ببرود

لا هي صفيه يتغار منها اصلا بطل فنفسها كده..

سالي وهي تدفعه من كتفه وتتجه للاسفل

غوور من وشي اووعي بزوقك اللي يقرف ده..

_ نظر لطيفها بابتسامه واسعه، ولكنها اختفت سريعا وحل محلها الجمود والظلام..

_اردف وهي و يضع يده ع موضع قلبه واردف بدموع متحجره...

يحيي

مش هتتكرر تاني محدش هياخد مكانك ي فرح...

_ دلف لتلك الشقه واغلق الباب بقوه خلفه..

ـــــــــــــــــــــــــــــــــــــ

_واعلي المنزل "علي السطوح"

ذهبت نور للاعلي لتجد خالد يقوم بعمل بعض التمارين الرياضيه لتبتسم بأتساع.. واردفت بمرح..

فرح

اي ده الشحات مبروك بنفسه عندنا ع السطوح، بس تقريبا عامل دايت صعب..

خالد بأبتسامه مرحه

وحياة امك، طيب بزمتك مين اجمد..

نور وهي تقترب منه بمرح

سيبك من الاجمد، متحاول تعت*دي عليا والنبي وانا اصوت ويجو يدبسونا ونتجوز بقي..

_ قهقه خالد عاليا وهو يمسح ع رأسه بيده..

خالد من وسط ضحكاته

ي بت انا والله هتجوزك، غلي نفسك بقي واستني تيجي مني..

نور وهي تجلس امامه

ي راجل احنا اهل مبيناش الكلام ده..

خالد وهو يهز راسه بمعني لا فائده منها

انتي اي اللي جابك هنا دلوقتي..

نور بغيظ

زفت الطين يحيي شككني فيك وقالي روحي شوفي بيعمل اي فوق..

خالد بحاجب مرفوع

اهو انا مش هتجوزك غير لما تبطلي تفكيرك الشمال ده..

نور وهي تربت ع كتفه

يبقي اطمن هنخلل جنب بعض ي عين امك..

ابتسم خالد وامسك يدها واردف بتنهيده طويله

بحبك...

نور بخحل تحاول اخفاؤه

مش محتاج تقولها عشان تثبتني انا متثبته لوحدي..

خالد وهو يتجه للاسفل

انا نازل اشوف ابوكي تحت اللي لو كان يعرف انه هيدفع دم قلبه عشان يجيب مصيبه زيك مكنش دفع قرش..

_ ابتسمت له نور ببراءه وهي تلوح له بيدها فالهواء..

ـــــــــــــــــــــــــــــــــــــــــــــ

_بمنزل فرح

_ كانت بتلك الايام الماضيه تقضي وقتها بأكمله مع صغيرها تحاول ان تعوض اشتياقها له بتلك الايام التي اخذه منها زوجها ووالدته، فحين كانت تتجاهل التعامل مع محمد ع الاطلاق عندما يستيقظ تتصنع الانشغال بصغيرها وعندما يعود مساءاً تتصنع الارهاق والنوم..

_وهي الان تجلس بجوار صغيرها يتابعون احدي البرامج الدراميه..

كريم بفضول

ماما هو لي بيقرو فاتحه لما يجو يتجوزو..

اجابته بهدوء

دي زي الخطوبه كده، بتبدأ بالفاتحه عشان تبقي فاتحة خير اول حاجه فالجواز يبقي القران يبقي خير..

نظر الصغير للتلفاز واردف بابتسامه بريئه

انتي كنتي مبسوطه زي العروسه دي يوم قراية الفاتحه بتاعتك انتي وبابا..

_ نظرت له بدموع، فماذا تخبره هل ستخبره بانها اجبرت ع ابيه بعد ان تم تعذبيها لارغامها بالموافقه عليه..

كريم بحماس

احكيلي ي ماما اليوم ده كان ازاي بلييز..

ابتسمت بدموع واردفت وهي شارده فيما مضي بينها وبين يحيي..

فرح

كان يوم جميل اووي من اسعد ايام حياتي من لما سمعت بابا الله يرحمه وهوو بيقول لماما انه جاي هو وباباه ومامته عشان يتقدمو، فضلت اعد الايام والسعات والدقايق وانا مستنيه اليوم اللي جاين فيه، ورتبت البيت مع الشغاله بنفسي ونزلت اشتريت فستان جديد..

_ هبطت دموعها وذاكرتها تلقي لها ما مضي..

_فلااااش باااك..

ـــــــــــــــــــــــــ

كانت تقف امام المرآه الخاصه بغرفتها وهي تعدل من ضبط شعرها وفستانها حتي دلفت لها والدتها...

واردفت بجمود.

ع اي كل ده باباكي هيرفضهم هو بس احرج يقولهم متجوش..

فرح بحزن

لي بس كده ي ماما؟ م بابا قال انه شاب كويس واهله كويسين..

نوال بغضب

وع قد حالهم، يعني اولا هيربطك جنبه لحد ميتخرج، ثانيا بعد ميتخرج مرتبه يدوب يكفي مصروفك اللي بتاخديه من باباكي هنا..

فرح بجديه

بابا مش بيفكر كده..

نوال بغيظ

ومحمد ابن عمك مهو قال عليكي الاول..

فرح بحده

والله ي ماما لو محمد الحيوان ده بتاع البنات اخر راجل انا مش هتجوزه..

جاء والدها واردف بابتسامه واسعه

يلا ي فرح الناس بقالهم كتير بره...

فرح بتوتر وهي تنظر للمرآه

جايه ي بابا اهوو..

_ دلفت خلف والدها وهي تنظر ارضا بخجل وخلفهم والدتها التي تنظر ليحي ووالديه بوجه متهجم..

قمر بابتسامه واسعه وهي تحتضن فرح

بسم الله مشاء الله اللهم بارك اي الحلاوه دي..

فرح بخجل شديد

ميرسي ي طنط..

ثم قامت بمصافحة عادل واردفت بهدوء

ازي حضرتك ي عمو..

عادل بابتسامه واسعه

الحمد لله ي بنتي اللهم بارك ياارب..

عزت بمشاكسه

مش هتسلمي ع يحي ي فرح..

_ابتسمت فرح بخجل شديد واصبحت اناملها تنتفض بتوتر، فحين وقف هو بتوتر لا يقل عنها ومد يده ليصافحها، فقامت بمصافحته بطرف يدها وجلست بجوار والدتها..

_ فحين اخذ والدها ووالد يحي يتحدثون حول موضوع الخطبه، نظرت ارضا بخجل شديد تشعر بنظراته التي لا تنزاح عنها ليزداد توترها..

عزت بجديه

انا معاك ي يحي انت بس هات التقدير والنيابه موجوده بإذن الله..

يحي بابتسامه واسعه

ان شاء الله اكون عند حسن ظن حضرتك، بس ياريت متكسفنيش فطلبي..

عزت بجديه

انا من لما نقلت هنا وانا شايفك ي بني وانت صغير بس ايدك فايد ابوك زي اجدع راجل كبير، وفنفس الوقت بتطلع الاول ع مدرستك واخلاقك اللي الحته كلها بتشهد بيها، وكل منزل اصلي الفجر والاقيك بتقيم الصلاه بالناس اللي اكبر من عمرك بعمرين وبتلاته، وانا كنت بتمني خليل ابني يبقي نص اخلاقك وتربيتك، كل الحاجات دي تخليني اقولك انا هديك اغلي حاجه عندي وانا واثق اني اديتها لراجل يحميها..

_ نظرت له فرح بفخر بأن قلبها لن يدق الا لشخص به كل صفات التميز، فقد اخبرها والدها الان بما لا تعرفه عنه بما جعلها تريد اخبار الجميع بانها اصبحت متيمه به الان..

يحي بابتسامه هادئه

كلام حضرتك ي عمي ده شرف ليا لاخر عمري واوعدك اني هراعي ربنا فـ فرح وزي مهي اغلي حاجه عندك..

تابع وهو ينظر لها بصدق ونظرات عاشقه

بقيت اغلي حاجه عندي..

عادل بفخر بأبنه

نقرأ الفاتحه طيب ي جماعه..

عزت بابتسامه هاديه

هنقرا الفاتحه دلوقتي ولما اخوها يجي اجازه من كلية الشرطه يبقي نعمل خطوبه..

_ ذهب يحي وعائلته، وبقيت فرح تتابع والدتها وهي تصيح بغضب..

نوال بغضب شديد.

بقي ترفض محمد ابن اخوك اللي هيبقي ظابط قد الدنيا غير الفلوس اللي سيبهالو ابوه اللي لو فضل يضيع فيها مش هتخلص ولا المحلات بتاعته وهتديها للجربوع ده..

عزت بحده

وانا هستفتد اي لما اديها لمحمد وتجيلي مطلقه ولا زعلانه انا مش هجوز بنتي غير لراجل، محمد ااه ابن اخويا بس طايش واناني وامه مربياه ع الانانيه والطمع ده غير اخلاقه اللي زي الزفت..

نوال بحده

شاب وطايش بكره يتجوز ويعقل..

عزت بحده

ده تبرير بايخ زي كلامك، م يحي اهو شاب وصغير بس محترم والكل يشهدله..

نوال بغيظ

بس..

عزت بصرامه

مبسش من النهارده يحي بقي خطيب بنتك واهلو بقيو نسيبنا فتبطلي رفعة المناخير بتاعتك دي ومتنكديش فرحة بنتك..

نوال وهي تذهب لغرفتها

ماشي ي عزت اللي تشوفه..

_ دلفت فرح لغرفتها بملامح حزينه ع زعل والدتها الغير مبرر سوا بالطمع، امسكت هاتفها ووجدت عدة مكلمات فائته من يحي، ابتسمت بتوتر وقبل ان تعاود الاتصال به صدح رنين هاتفها بمكالمه منه..

احابت بهدوء

الو..

يحي بحده

اي ي هانم من اولها كده مطنشاني..

_صمتت ببعض القلق من نبرته، لينفجر هو ضاحكا ً..

يحي بمرح

بهزر والله اوعي تكوني زعلتي انا قولت بس اعمل جو المخطوبين ده..

فرح بابتسامه هادئه

لا مزعلتش بس متزعقش تاني..

يحي بهدوء

اوامرك ي باشاا..

يحي بصوت شبه هامس

فرح..

اجابته برقتها المعهوده

نعم..

يحي بتنهيده ونبره متيمه

بحبك، بحبك، بحبك..

فرح بتوتر شديد

ع فكره انت بتحرجني جدا وانا بتكسف و..

تابع يحي متجاهلا حديثها

انا النهارده حلم كبير اووي حلمته من فتره قليله اتمنيت من كل قلبي انه يتحقق وربنا مخذلنيش وخلاكي ليا ي اجمل فرحه فحياتي..

فرح بتنهيده واردفت بصدق

وانا كمان لحد دلوقتي مش مصدقه اللي حصل انا ديما بتمني ونفسي فحاجات كتير معظمها متحققش بس ربنا كرمني بحاجه مكنتش ع بالي وبس..

يحي بمرح ومشاكسه

لا بس اي ده انا مصدقت تنطقي كملي يلا سامعك..

_فرح وهي تلقي بجسدها ع فراشها وهي تضحك بمرح....

فرح

لا كده خلاص ومتاخدش ع كده كمان..

يحي

كمان لا انا شكلي اتغشيت فيكي وهاجي للحج عزت ونلم الليله..

_ ضحكت هي بقوه واخذ يتحدثان بكل شئ يخصهم ولا تخلو مكالمتهم من مشاكسته لها والمرح بينهم..

ــــــــــــــــــــــــــــ

_ فاقت من شردوها بجلوس محمد زوجها ويحاوطها بزراعه لتنكمش ع نفسها بخوف منه..

محمد بهدوء

اي بتتكلمو فأي؟..

كريم بمرح

كنا بنتكلم فقراية الفاتحه..

فرح بتوتر

ا اجهزلكم العشاا..

محمد بنبره حاده وهو يهمس لها

لا يروحمك انتي تروحي تنيمي ابنك وتيجي عايزك، ولو عملتي زي الكام يوم اللي عدو وتتهربي مني هتبقي ليله سودا ع دماغك..

_ تركها وذهب باتجاه غرفته، لتهبط دموعها بألم نفسي كبير..

ـــــــــــــــــــــــــــــــــــــــــــــــ

_بالمستشفي الخاص بتدريب سالي..

كانت قد انهت تدريبها العملي وتهم بالمغادره، حتي اعترض طريقها ذلك الطبيب الذي يدعي احمد..

احمد بتوتر

اي ي سالي مروحه؟..

سالي بهدوء

ااه ي دكتور التدريب خلص النهارده وانا مش هحضر الاضافي عشان متاخرش فهمشي..

احمد بهدوء

طيب تعالي اوصلك فطريقي الوقت اتاخر..

سالي بجمود

شكرا لحضرتك انا طلبت اوبر بعد اذنك..

_ تركته وذهبت لتلك السياره وغادرت..

فحين ذهب هو لسيارته ووقف امامها وهو يمسح ع وجهه بغضب شديد..

جاء صديقه من خلفه واردف بمرح

اي ملحقتهاش ومشيت صح؟..

احمد بغيظ

لا وحياتك صدتني كالعاده...

اجابه صديقه بشماته

اووبااا عيب والله فحقك اللي بيحصل ده، اشحال لو مكنتش لسه بتدرس وطالبه وانت ابن صاحب المستشفي وواد جان كده فنفسك..

احمد بتنهيده شارده

البنت دي متربيه وبنت ناس هي ااه يتيمه بس متربيه صح ي سيف..

سيف بقلق

انت ناوي ع اي ي صحبي..

احمد بجديه وهو يقود سيارته

هظبط اموري وهجيب عنوانها وهخطبها..

_ قاد سيارته وغادر من امام صديقه الذي كان يرمقه بفم فاارغ..

ـــــــــــــــــــــــــــــــــــــــــــــــ

_في منزل مندور

اردف مندور وهو يضع بعض الاموال امام توني الذي يجلس بجوار خالد ويحي ومعهم شوقي..

مندور

خد ي توني ده نصيبك من العمليه، ومعاه نصيب الرجاله..

توني بعدم فهم

ثواني بس ي حج هي البضاعه راحت ازاي للشيمي..

مندور بهدوء

عمر عزام اتدخل هو فالعمليه وخلص الموضوع..

توني بجديه

طيب كده باقي الطلبيه لسه عندنا المفروض هنسلمهم ع مرتين هنتعامل مع الشيمي تاني..

مندور بتنهيده

لحد دلوقتي مش عارف...

يحي بجمود

لامؤخذه ي حج بس احنا هنحط سعر ع مزاجنا واللي عاجبه يشتري..

مندور

من لوقتها نشوف..

ثم تابع بحده وهو ينظر لشوقي

وده نصيبك ي شوقي اتفضل..

شوقي بغيظ من معاملة مندور له

في اي ي خالي هو انت زعلان من حاجه مني..

_ نظر مندور لتوني، ليستأذن الاخر بأحترام ويذهب...

مندور بغضب شديد وهو ينظر لشوقي

انت ليك عين تتكلم قدامي ي بجحتك بجد..

شوقي وهو ينظر ليحي بغيظ

في اي ي خالي لازمته اي الكلام ده..

مندور بحده

لازمته اني مليون مره اقولك تبعد عن طريق سالي، والبعيد معدوم الدم ومش سايبها فحالها انت اي مكفاكش اللي عملته زمان دمرت طفولتها وجاي تدمر اللي باقي من حياتها انت عااايز اي؟..

خالد بقلق

اهدي ي خالي الكلام مش كده..

شوقي بغضب

انا بقرب منها عشان اصلح اللي حصل زمان اللي مش هيتصلح غير معايا لما تبقي ليا انا..

نظر ليحي من اعلي للاسفل وتابع بغيظ

وبعدين ي خالي مش هنتكلم فالموضوع ده قدام الغريب اللي بينا..

_نهض مندور من مجلسه وصاح بغضب امام نظرات يحي البارده: لا انت زودتها اووي اسمع ي شوقي لو في حد غريب هنا يبقي انت يحي صاحب بيت..

_جاءت سعاد وخلفها نور وسالي وهم يتابعون ما يحدث بقلق شديد..

شوقي بغضب شديد وهو ينهض امام مندور

صاحب بيت منين كان من باقي اهلنا، ده حتت عيل اتعرفت عليه فالسجن وجيبته وهتخليه يركبنا ومقعده وسط اهل بيتك ي كبير..

_ انتهت جملته بصفعه قويه ع وجهه من مندور، لتشهق سعاد وهي تضرب ع صدرها..

وتردف بصياح

ي نصيبتي لي كده بس ي حج..

مندور بغضب

امشي غور اطلع بره ويوم متحترم البيت واهله واولهم يحي ابقي تعالي واتكلم ع انك راجل غور بره يلاا..

_ ذهب شوقي وهو يرمق يحي بحقد وشر دفين..

سعاد بلوم

لي كده بس ي حج هو ميقصدش وبيدب الكلام ده...

مندور بحده

مش عايز اسمع كلام فالموضوع ده، وبعدين مخالد اخوه اهو لي هو مش زيه، بس ازاي ده طبعه سم ونار ده..

خالد وهو يربت ع كتف والده

متزعلش ي خالي امسحها فيا اناا..

مندور بهدوء

ولا يهمك يبني..

يحي بجمود

ي حج مندور لو موضوع قاعدتي فالبيت هيسبب مشاكل انا..

قاطعه مندور بحده

انت اي كمان، اسمع يالا انا دخلتك البيت وقولت انت بقيت من اهله يعني اي حد يتكلم من بره تحط ايدك فعينه ولو طلعت دلوقتي هتعيبني انا واهل بيتي فتلم نفسك وتسكت..

يحي بابتسامه جانبيه هادئه

اللي تشوفه ي حج..

_مندور وهو ياخذ بعض الاموال واعطاها لخالد، ثم اخذ جزئين من المال ونظر لـ يحي..

واردف بجديه

ده نصيبك من طلبية الشيمي، وده نصيبك من شغل الورشه والمصنع، بس مكنت حطيتهم ليك ع بعض..

يحي بجديه

لا كده احسن..

_ثم اخذ جزء من المال الخاص بعملية الشيمي ووضع الباقي امام مندور واردف بجديه...

يحيي

ده اول دفعه فأجار الشقه اللي فوق..

مندور بهدوء

طيب خليها من الشهر الجاي خلي الفلوس معاك..

يحي وهو يتجه للخارج

لا مش محتاجهم..

_خالد وهو ينظر لسالي ونور وهم ينظران لبعضهن بتوتر...

خالد

انتو رايحين فين..

نور بتوتر

اا انا اخدت الاذن من بابا انا وسالي هنروح عيد ميلاد وحده صحبتنا..

خالد بحده

ومقولتليش لي...

مندور بخبث

وتقولك لي، بصفتك اي...

خالد وهو يتجه للخارج ويرمقها بغضب

براحتك ي نور..

نور بغيظ

اهو اليوم بدأ بنكد..

مندور بهدوء

هبعت حد من الرجاله يوصلكم..

_نغزت نور سالي بيدها، لتردف سالي بنبره متوتره للغايه..

سالي

اا لا ي خالو بب بس احنا طالبنا اوبر هيوصلنا وهيمشي عشان الحفله كلها بنات وكده واحنا وراجعين صحبتنا هتوصلنا بالسواق بتاعها لحد هنا..

مندور وهو يذهب لغرفته

طيب برضو متتاخروش ساعه وتيجو..

نور وهي تذهب وتحتضنه بقوه

من عنيا ي ابو نور ي قمر انت..

_مندور بابتسامه واسعه وهو ينظر لهم وهم يدلفون للخارج...

مندور

ربنا يحميكم ويبعد عنكم الشر اللي غارقان فيه ي غاليين..

ــــــــــــــــــــــــــــــــــــــــــــــــــ

وعند يحيي..

يحي بهدوء وهو يتحدث بالهاتف

اخلص ي ياسين واسمع الكلام..

ياسين بحده

لا مش هسمع حاجه، الفلوس دي حقك انت وبعدين الله واعلم انت جيبتها منين..

يحي بغضب

في اي ي ياسين متتعدل وانت بتكلمني واسمع الكلام شوف يوم تكون فاضي فيه وتقابلني عند محطة المنيا ومتقولش لحد عندك انك هتشوفني وتقولهم انك جيبت الفلوس من اي حته، المهم متجيبش سيرتي خالص..

ياسين بجديه

قبل مقولك تمام، انت جيبت الفلوس دي منين؟..

يحي بسخريه مؤلمه

حقك تفكر كده مانا رد سجون وبقيت مش مضمون دلوقتي..

ياسين بإحراج بعد ان شعر بنبرة اخيه الحزينه

يحي والله مقصد كده بس..

يحي بجمود

متقلقش الفلوس دي تمن شغلي فورشة خشب ومصنع كبير هنا فالقاهره بعيد عن اي حاجه تاني بعملها ومتسألش انا بعمل اي؟..

ياسين بتنهيده طويله

طيب مدام انت مش عايز حد يعرف انك هتيجي المنيا يبقي خليك، انا بكره الصبح جاي القاهره...

يحي بحده

جاي تنيل اي وهتسيب امك وابوك واختك؟..

ياسين بهدوء

مش هطول هو يوم واحد نازل اخلص ورق فالجامعه عشان الدبلومه..

يحي بجمود

طيب كلمني اول متخلص وانا هقابلك..

ياسين بمرح

انت كان ممكن تبعتهم فدافون كاش او اي حاجه بس انت بتتلكك عشان تشوف اخوك صح..

ابتسم يحي بهدوء واردف

اقفل ي ياسين مش فاضيلك..

_ اغلق معه يحي وهو يبتسم بألم، كم افقدته الحياه كثير من سعادته، اكثرها مرحه مع شقيقه الذي تحول رغما عنه لجديه غامضه، واعترافه باشتياقه لعائلته اصبح يخاف من الاعتراف بذلك..

ــــــــــــــــــــــــــــــــــــــــــــــ

_في الحفله عند نور وسالي..

نيره بابتسامه واسعه

ها اي رئيكم فالحفله..

نور بمرح

حلوه اووي انا حاسه اني وقعت ففيلم عربي عند بيت ناس اغنيه..

سالي وهي تنظر حولها لهؤلاء الاشخاص الغير مؤلفين لها بهيئتهم ومناظرهم الباهظه المختلفه عن بيئتها..

سالي

انا بحد هموت وامشي..

نيره بقلق

لي ي سالي في حاجه مديقاكي؟...

سالي بانزعاج

اااه جدا احنا هنا فمكان لا شبهي ولا شبه نور، انا مقصدش حاجه بس انا مبحبش اكون فمكان غير اللي متعوده عليه...

نور بحده

سالي بلاش ام محضراتك دي دلوقتي استمتعي بالجو وبس..

_ تنهدت سالي بضيق وصمتت..

اتت لهم امرأه تبدو فبداية عقدها الرابع ترتدي فستان رقيق بعض الشئ باهظ الثمن وتضع ما يكفيها ويفيض من مساحيق التجميل، وقفت امامهم ورمقتهم من الاعلي للاسفل بحاجب مرفوع..

ثم نظرت لنيره واردفت بجمود

نيره تعالي سلمي ع عمر..

نيره بتنهيده غاضبه

مش هسلم ع حد انا واقفه مع صحابي ي كارما..

كارما بحده

انتي هتسمعي الكلام ولا اناديلك بابي يخليكي تسمعيه..

نيره بغيظ

اووف روحي ي كارما وانا جايه وراكي..

_ ذهبت كارما وهي ترمق سالي ونور بتلك النظرات الحاده..

نيره بحزن

دقيقه ي بنات هسلم ع جوز اختي واخوه وجايه..

نور بهدوء

ماشي احنا مستنينك..

_ تركتهم نيره وذهبت باتجاه والدها واقاربها، فحين لن تكف سالي عن مراقبة الاجواء بملل وضيق..

سالي بضيق

متيجي نمشي ي نور بقي...

نور وهي تنظر لاجواء الحفل بابتسامه واسعه

اسكتي بقي ي سالي واستمتعي ده يووم مش هيتكرر كتير..

_ صمتت سالي واخذت ترتشف مشروبها بهدوء، ولكنها صعقت بقوه وهي تري ذلك الذي يدعي عمر عزام وشقيقه الشيمي يقفان مع نيره ووالدها وشقيقتها...

سالي وهي تردف بنبره عاليه

نور بصي كده..

نور وهي تنظر لما تنظر له سالي

نهاار اسود، اي اللي جاب دول هنا..

سالي بقلق

هي نيره قالت انها رايحه تسلم ع جوز اختها واخوه..

نور وكادت تبكي خوفا

نيره باباها وزير سابق وو ومرات الشيمي باباها وزير سابق يعني نيره اختها كارما تبقي مرات الشيمي..

سالي وهي تاخذ حقيبتها

انا بقول نجري قبل محد منهم يشوفنا ويروح لابوكي يقوله بناتك كانو ببعملو اي فحفلة الوزير..

نور بتنهيده قويه

مش همشي غير لما اقول لنيره عيب امشي كده...

سالي بغيظ

براحتك ي نور هو هيبقي يوم ابوكي اسود النهارده..

نور بقلق شديد

لا ده مش يوم ابويا، ده يومي انا وحياتك..

_ ع الجانب الاخر..

ـــــــــــــــــــــــــــ

كارما وهو تنظر لعمر بابتسامه واسعه

نيره كانت عايزه تشكرك ي عمر عشان خلصتها من الواد اللي اسمه سليم اللي كان بيضحك عليها...

_نظرت لها نيره بحده وهي تستمع لقول الاخر الخبيث..

عمر

لا ع اي تشكرني ده واجب ناصر بيه وانا يدوب برده...

ناصر وهو يربت ع كتف عمر

طول عمرك جدع..

الشيمي بمرح

الاغنيه دي حلوه اووي لولا ان كارما مش بتحب الرقص كان زماني واخدها ونبقي اول كابلز..

كارما بخبث

احنا كبرنا ي حبيبي خلاص نخلي الشباب ياخدو فرصتهم ولا اي ي عمر انت ونيره..

عمر بهدوء

اكيد طبعا، يلا ي نيره نرقص..

_كادت نيره ان ترفض ولكن نظرات والدها وشقيقتها المحزرين جعلوها تصمت وتتقدم معه..

_ ولكن توقف هو عندما رأها نعم هي من سلبت تفكيره تلك الفتره الاخيره، تختلف عن اول مره رآها بها، انها الان ترتدي فستان ازرق رقيق وحجابها الابيض زادها جمالا بملامحها الرقيقه وبعض مساحيق التجميل الهادئه..

كارما بقلق

في حاجه ي عمر؟..

عمر بابتسامه خبيثه وهو لا يزيح نظره عن نور

دقيقه بس وجاي..

_ تقدم باتجاه نور وسالي، تحت نظرات الترقب من كارما ووالدها والشيمي..

سالي بخوف شديد

الحقي ي نور عمر عزام جاي نحيتنا..

نور وهي تاخذ حقيبتها

لا احنا المره دي نجري لا مفر من ذلك اوختااه..

_ كاد الاثنين ان يذهبا ولكن اوقفهم صوته الصلب..

عمر

نور...

_ استدار الاثنين وهم ينظران لبعضهم بخوف...

نور بصوت بالكاد خرج منها

نعم..

عمر وهو يتفحصها من الاعلي للاسفل بجرأه

اي مش فكراني ولا اي، ولا مش عارفاني خالص ؟..

نور بتوتر شديد غافله عن نظراته الغير سويه

لا طبعا عارفاك، وهل يخفي القمر..

لكمتها سالي بقدمها لتصحح نور حديثها بـ

قصدي يعني اعرف حضرتك يعني شوفتك فالحته عندنا كام مره..

عمر بخبث وابتسامه جانبيه

حصل واخرها من كام يوم فبيتكم..

_ انهي حديثه بغمزه مشاكسه، فحين تصبغ وجهها باللون الاحمر بخجل شديد واحراج اكبر..

مد يده لها واردف بابتسامه ونبره هادئة

تسمحيلي نرقص...

_نور وهي تمسك يد سالي وتنظر ليده الممدوده بتوتر وقلق شديد...

نور

لا مش هينفع احنا لازم نمشي..

_ اقترب عمر منها بجرأه ومد يده ليمسك يدها الاخري، وانتفضت هي بقوه واتسعت عيناها بصدمه..

عندما همس بأذنها

عمر عزام مبيتقالوش لا ي بنت مندور..

_ جذبها رغماً عنها تحت صدمتها من جرأته معها، ثم نظرت لسالي بخوف، لتشهق الاخري بخوف وهي تضع يديها ع فمها وتنظر حولها بدموع..

_ثم اخرجت هاتفه سريعا وقامت بالاتصال باحدهم..

سالي بدموع

الو ي يحي..

يحي بجمود

في اي؟..

سالي ببنره مهزوزه

انت فين؟...

يحي بقلق

انا فالبيت كنت شويه وهنام، انتي اللي فينك واي صوت الاغاني اللي جنبك دي...

سالي وهي تمسح دموعها

هقولك بس متقولش لخالي ولا خالد..

يحي بقلق شديد

انطقي ي سالي انتي فين؟...

_ بعد مده من الوقت...

ـــــــــــــــــــــــــــــ

نور وهي تجلس امام الاخر بتوتر شديد

لو سمحت حضرتك انت عايز اي، يعني رقص واتزفت معاك وانا اصلا مبعرفش ارقص وشكلي كان عره وقولت ما علينا وعديت رخامة حضرتك لامؤخذه، انما مقعدي وعمال تشرب فعصير التفاح ده مبحلق فيا ومش مخليني اقوم كده كتير وانا لازم اروح..

عمر ببرود

ده مش عصير تفاح ده ويسكي..

نور ببلاهه

ي مصيبتي..

_ قهقه عمر عاليا ع ردة فعلها..

نور بقلق من نظراته

انا همشي...

عمر بجديه

متكلمناش...

نور بعدم فهم

نتكلم فأي؟..

عمر وهو ينظر لها بوقاحه

انك عجباني..

نور بصدمه وتوتر من كلامه، ولكنها اجابته بغضب

انت مش محترم..

_ قامت وكادت ان تذهب، ولكن جذبها من يدها واعادها للمقعد امامه مجدداً وتابع بجديه...

عمر

عجباني جدا من اليوم اللي شوفتك فيه مش قادر اطلعك من دماغي...

نور بغضب وقد تحولت من الهدوء للشراسه

نجوم السما اقربلك مني..

عمر بثقه ونظراته لها لن تتغير

وانا قولتلك مبيتقاليش لا..

نور بغيظ

يعني اي..

عمر وهو يتناول مشروبه مجدداً

يعني مش بيتقالي لا واللي بيعجبني باخده بالذوق بالعافيه بقلة الادب بقلة الاحترام باخده..

_ ع الجانب الاخر.....

_ وصل يحي الي ذلك الحفل، دلف للداخل واخذ يبحث بعينه عنهم، حتي وقعت عينه ع سالي تجلس بجوار احدي الفتيات التي كانت نيره وهي تنظر حولها بقلق، ذهب لها.. ما ان راته حتي ابتسمت كالغريق الذي وجد طوق النجاه..

سالي بلوم

اتأخرت لي؟..

نظر لها بحده واجابها

مسافة السكه، فين نور.؟...

_ ابتلعت ما بجوفها بتوتر واشارت له ع احدي الطاولات..

_يحي وهو ينظر لنور الجالسه بجوار عمر يتناولن الحديث بانفراد..

يحيي

الله واكبر ده انتو يومكم اسود..

سالي بدموع

عارفه بس هاتها هو خدها غصب عنها..

_ تقدم يحي باتجاههم، ثم وقف امام تلك الطاوله..

واردف بجمود..

يحيي

يلا ي نور..

نظر له عمر بهدوء مستفز

طيب استأذن من صاحب الحاجه الاول ولا انت لسه مصمم تتربي..

يحي بنبره اكثر هدوء

والله انا مستنيك بقالي حبه مشوفتش حاجه، وشكل الكلام اللي سمعته عنك كلام مش اكتر زي اللي سمعته دلوقتي عن انك صاحب الحاجه..

مال يحي عليه واردف بنبره جاده

بس الحاجه دي مش للعب دي فيها دم لانها عرض مندور العشري ابوياا الروحي..

_ رمقه يحي بتحزير، ثم جذب نور من يدها بقوه حتي وصل الي سالي وتركها وذهب امامهم وهم خلفه ينظران لبعضهن بخوف، تحت نظرات الغضب من عمر عزام...

_فـ سيارة يحي...

ـــــــــــــــــــــــــ

نور وهي تجلس بالامام بجوار يحي

والله ي سالي لو عملتي كده لهزعل، ده يحي نفسه وعدني مش هيقول لحد..

سالي بحده

بس انا هقول لخالد عشان اللي حصل النهارده ميتسكتش عليه وانا عارفه انك مش هتحرمي غير لما خالد يعرف كل حاجه..

نور برجاء ليحي

يحي والنبي قولها متقولوش..

يحي بحده وهو يقود السياره

اسكتي ي بت انتي مش معني اني مش هقول لابوكي ان الموضوع هيعدي ده ي ويلك لو عرفت بغلطه تاني..

تابع وهو ينظر لسالي من خلال المرآه الاماميه

وست الدكتوره اللي تبعتك وراحت معاكي كمان..

سالي بحده

انا ااه غلط بس مش هكررها انما نور والله مهتتلم غير لما خالد يعرف عشان هي مش بتخاف ولا بتعمل حساب لحد غيره..

نور بحده

يعني انتي هترتاحي لما هو يعرف ونتخانق..

سالي

لا طبعا بس انتي اللي اجبرتيني ع كده..

نور بغضب واندفاع

لا وحياتك ده انتي مصدقتي اكمنك متغاظه اننا بنحب بعض وهنتجوز وانتي لا هتقدري تحبي ولا تتجوزي..

_ هبطت دموع سالي ع وجنتيها سريعا فور ما انهت نور ما تفوهة به من اهانه لازعه لها، تحت نظرات يحي المليئه بالفضول وعدم فهمه سبب ما تفوهة به نور..

نور بندم شديد وهي تستدير لسالي للخلف

انا اسفه ي سالي والله مقصد، انتي عارفاني دبش وغبيه ومتخلفه...

_سالي وهي تمسح دموعها واردفت بثبات جاهدت لاخراجه...

سالي

بصي قدامك ي نور واياكي لسانك يخاطب لساني تاني، وابقي فعلا استاهل الاهانه دي لو اتدخلت فحاجه تخصك تاني..

_ نظرت لها نور بدموع، ثم اعتدلت بجلستها وهي تنظر ليحي بان يقول لها شئ، ليتجاهلها الاخر ويتابع سيره..

نور بغيظ وصوت هامس

غور ي شيخ ينعل ابو غلاستك انت كمان.

ــــــــــــــــــــــــــــــــــــــــــــــــــــــــ

_وباليوم التالي بأحد القصور الباهظه...

ـــــــــــــــــــــــــــــــــــ

يجلس ويتناول افطاره مع صغاره باجواء هادئه ع عكس تلك التي ظهر لنا بها سابقاً..

الشيمي بأبتسامه هادئه

كملو افطاركم ي ولاد يلا عشان متتاخروش ع المدرسه..

اردف احد ابناءه بهدوء

بابي متيجي توصلنا انت النهارده ده لو مش عندك شغل..

تابع الاخر بحماس

ايوه ي بابي بلييييز..

اردفت كارما التي جلست بجوار زوجها للتو

بابي مش فاضي، السواق هيوصلكم..

اردفت بغيظ وهي تنظر للشيمي

مين البنت اللي رقص معاها عمر امبارح دي وساب نيره اختي ويعرفها منين...

الشيمي بتنهيده

دي بنت واحد بنشتغل معاه انما بقي اي علاقتها بأختك انتي ي هانم...

كارما يغيظ

انت عارف اختي مش بتلم غير ع الناس البيئه، بس عمر علاقته بيها اي...

الشيمي بهدوء

معرفش ومش هقدر اسأله بس اطمني هو لو هيتجوز مش هيتجوز غير نيره اخويا وانا عارفه، واسكتي بقي عشان هو نازل..

كارما وهي تبدأ فتناول افطارها

ماشي اما نشوف اخرتها...

_جلس عمر ع رأس الطاوله بعد ان القي عليهم تحية الصباح..

عمر وهو ينظر لابناء شقيقه

مالكم في اي؟..

اجاب احدهم بحزن

كنا عايزين بابي يوصلنا المدرسه بس هو مش فاضي...

عمر لشقيقه بجديه

وصل ولادك الشغل مش هيطير..

الشيمي باعتراض

ي عمر الشغل ا..

عمر بمقاطعه حاده

فستين داهيه، ع اساس انك بتعمل شغلك صح، قولت وصل ولادك يبقي توصلهم ي شيمي..

الشيمي بتنهيده لابناءه

عشان خاطر عمكم بس النهارده متتعودوش ع كده..

ابتسم ابناءه بسعاده الشيمي بجمود

عملت اي فموضوع الزفت اللي اسمه يحي، انا شايفه سايق فيها وبزياده...

عمر وهو يرتشف بعض القهوه بهدوء

متقلقش انا هتصرف فالموضوع..

الشيمي بحده

امتي ده بقي ولا بتثبتني بالكلام، اقسم بالله ي عمر اروح اطربق الحته فوق دماغه ومش هيفرق معايا..

عمر بصوت عالي وغضب

رووح ي شيمي روح عشان اجي وراك واجيبك وانت متكتف من هناك او متعلم عليك من عيل ابن امبارح فشغلنا...

الشيمي باحراج وغضب مكتوم

هو اللي..

عمر بحده

خلصنا انا قولت هتصرف يبقي تقفل الموضوع وتتفرج ع حقك وهو بيتجاب غير كده معنديش...

_ نهض وكاد ان يذهب للخارج ولكن اوقفه نداء زوجة اخيه، ليستدير لها..

مردفاً بهدوء

نعم ي كارما..

كارما بابتسامه مصطنعه

هي مين البنت اللي كنت قاعد معاها امبارح شكلكم تعرفو بعض..

_تنهد عمر بأبتسامه جانبيه وهو يتذكر تلك المشاغبه واجابها بهدوء مستفز..

عمر

دي نور...

_ اردف كلماته وتركها تستشاط غضباً وغادر ......

ــــــــــــــــــــــــــــــــــــــــــــــــ

_كان يجلس يحيي ع احد المكاتب الصغيره بالمصنع الخاص بمندور وهوو ينظر لبعض الاوراق بشرود، قاطعه دلوف مندور داخل مكتبه وهو غاضب...

يحي بقلق

خير ي حج في حاجه..

مندور بحده

خالد فين؟..

يحي بهدوء

فالورشه كنت هخلص الورق بتاع الطلبيات ده وهروحله...

مندور بغضب

سيب كل اللي فايدك وتعالي ورايا وكلمه يقوله يسبقنا ع البيت..

يحي بقلق

طيب حصل اي بس ي حج..

مندزر وهو يربت ع كتفه ويجيبه بغضب

حسابنا فالبيت ي بني..

_ بعد قليل وصل يحي ومندور لذلك الحي، ثم ذهبا الي الاعلي، ليجدو خالد ونور وسعاد يجلسان ويتحدثان بمرح..

مندور بحده ما ان دلف

سااااالي..

دلفت سالي خارج غرفتها وهي تعدل من وضع حجابها..

واردفت بقلق

نعم ي خالو..

مندور وهو يشير لها وليحي ونور وتابع بغضب

اعرف دلوقتي اللي حصل امبارح ويا ويلكم حد يكذب عليا سامعه ي استاذه نور..

خالد بعدم فهم

اي اللي حصل في اي؟..

سعاد بقلق فهي علمت بكل شئ حدث من ابنتها

اهدي بس ي حج وبراحه هيفهموك كل حاجه..

مندور بغضب

انتي تسكتي خااالص مهي دي اخرت ربايتك الساهله ليهم...

ثم صاح بـ نور وسالي بحده

انطقي منك ليها...

سالي بتوتر وخوف شديد

ااا انا اللي اخدتها و..

قاطعتها نور بدموع

الموضوع كله بسببي يحي وسالي ملهمش دعوه...

خالد بغضب شديد

في اي حد يفهمني..

مندور وهو يتجه لنور بغضب

فهميه ي انسه ي محترمه، فهميه كنتي بتعملي اي فبيت ناصر الشهابي وبتترقصي فحضن عمر عزام..

_انهي حديثه بصفعه قويه جعلتها تتألم بصوت عالي وهي تميل للجهه الاخري وهي ممسكه بوجنتها بألم...

خالد بصدمه ونظرات ناريه لنور

الكلام ده حصل ي نور؟...

_ازدادت شهقاتها بقوه وهي تختبئ باحضان والدتها...

مندور بغضب لها

قوليلي ي خلفتي السوداا دي المره الكام اللي تكدبيها عليا، بس عديتلك كتير لحد هنا وخلصت..

سالي بدفاع

ي خالو والله هو اللي خدها ترقص معاه غصب عنها ولما زودها ومكنش راضي يخليها تمشي،وانا اللي كلمت يحي يجي ياخدنا والله..

يحي بتاييد

حصل وانا روحت وجيبتهم...

خالد بحده لنور

وانتي تروحي لي هناك، والحفلات دي تروحيها لي ومقولتليش لي اصلا...

مندور بهدوء حاد

وتقولك بصفتك اي..

خالد بحده

بقولك اي ي خالي متصطدش فالميه العكره مش وقته الكلام ده..

مندور وهو يجذبه من قميصه بقوه

اتكلم بأدب ي ولد، ودلوقتي وترد ع سؤالي انت بتكلمها كده بصفتك اي...

خالد وهو ينظر ارضا بحزن

بصفتي ابن عمتها..

مندور وهو ينظر لنور بسخريه حاده

وبس...

_ كانت تنظر له بامل ان ينصفها الان ويختارها، فحين تجاهل هو النظر لها..

واردف بجمود

وبس ي خالي..

مندور بحده لنور

شايفه اختيارك، شايفه اللي كسرتي كلمتي مية مره عشانه اهو بايعك اهوو، هاتي تلفونك..

_ اعطته نور هاتفها وهي تنظر لـ خالد بخزلان شديد..

مندور بغضب شديد وصرامه

اقسم بالله ي نور لو عرفتك احتكيتي بيه بس من ورايا تاني مهتردد لحظه اكسر رقبتك، وانت ورحمة امك الغاليه ي خالد لو قربت من نور تاني لهتبقي اخرتك ع ايدي غور بره..

_ نظر لها خالد بحزن وذهب للخارج ودموعه متحجره فعينيه..

مندور بحده

طلوع من البيت تاني ممنوع ولا كليه ولا غيره لما تتربي ابقي اطلعي..

نظر لسالي وتابع بحده

وانتي ي دكتوره ياللي بقول عليكي عاقله، ومخافش ع نور طول مانتي معاها حقيقي زعلتيني منك..

سالي بدموع

والله ي خالي مكنت اعرف ده هيحصل..

مندور بغضب

متتكلميش معايا تاني لحد منسي عملتك دي غورو من وشي انتو الاتنين يلاا..

_ ذهبت كل منهما لغرفتها ودموعها ع وجهها وبالاخص نور..

سعاد بحزن شديد

اهدي ي حج صغيرين وبيتعلمو..

يحي بهدوء

معاها حق ي حج اهدي، وبعدين انت عرفت منين..

مندور بغضب

واحد من الحته هنا كان شغال فالناس اللي منظمه الحفله وشافهم وجه حكالي وواضح ان كان متابعهم..

نظر له بغيظ واردف

وانت مجتش لي وقولتلي، تستني لي اعرف من بره ي يحي..

يحي وهو ينظر لهاتفه بتوتر

انا لازم اروح اشوف الواد ياسين قبل م يرجع سلام ي حج..

سعاد بملامح حزينه

اجهزلك لقمه ي حج..

مندور وهو يتجه للمرحاض

مليش نفس انا هتوضي اصلي المغرب واستني العشي..

ــــــــــــــــــــــــــ

_ذهبت سالي لغرفة نور التي كانت تبكي بقوه وشهقات متتاليه..

سالي بجمود وهي تعطيها الهاتف

خدي خالد عايزك..

نور بحده ونبره مبحوحه

مش عايزه اكلمه ولا اشوفه تاني انا بكرهه..

سالي وهي تتحدث بالهاتف لخالد

ابقي بعدين كلمها ي خالد مش دلوقتي..

خالد بنبره حزينه للغايه

قوليلها ي سالي اني بحبها والله بحبها..

_تنهدت سالي بضيق من تصرفاته التي كل لحظه بحال واردفت...

سالي

حاضر سلام..

_ اعلقت وكادت ان تذهب حتي اوقفها صوت نور الباكي..

وهي تردف

انا اسفه ي سالي والله مكنت اقصد اقولك حاجه توجعك امبارح...

نظرت لها سالي بدموع واجابتها

لا متتاسفيش انتي قولتي اللي جواكي..

_ ذهبت سالي من امامها سريعا عائده لغرفتها.، لتذهب نور خلفها سريعا..

نور وهي تجلس امامها ع الفراش

والله انا اسفه عشان خاطري متزعليش انا حيوانه وجزمه وكل حاجه، والله زعل الدنيا كوم وزعلك مني كوم لوحده..

سالي وهي تمسح دموعها بالم

انا عمري مكنت اتخيل انك انتي تقوليلي كده، طول عمري من لما حصلي اللي حصل ودفنت احلامي، بقيت كل مشوف قصة حب او فرح حلو اتمني ليكي انتي واتمني احلامي اللي دفنتها دي تتحقق ليكي، وانتي تقوليلي كده ي نور....

نور ببكاء شديد وندم

مكنتش اقصد بجد ي سالي..

_نهضت سالي وارتدت حجابها ع ملابسه التي كانت عباره عن بنطال من الجينز الواسع وفستان قصير بعض الشي يظهر جزء صغير من قدمها، ثم اتجهت للخارج..

نور بقلق

انتي هتطفشي ي سالي متأفوريش بقي..

ابتسمت رغماً عنها واجابتها بنبره هادئه

هصالحك لو غطيتي عليا، ولو حد سالك قوليلهم نايمه بس انا عايزه اتمشي شويه مع نفسي..

نور بغيظ

بس انا عايزاكي تواسيني، بس نفسيتك اهم انطلقي ي فتااه..

_ ذهبت سالي الي الخارج، لتلقي بطريقها يحي يهبط الدرج وهو يتحدث بالهاتف نظرت له بطرف عينها وتابعت طريقها فحين ذهب هو خلفها وامسك يدها مشيرا لها بعينه ان تصمت..

يحي وهو يتحدث بالهاتف

طيب خليك عندك انا نص ساعه وهكون عندك..

_ اغلق الهاتف ووضعه بجيبه ونظر لها بجمود واردف..

يحيي

ع فين..

سالي وهي تنفض يده بقوه

ملكش دعوه..

يحي بهدوء مستفز

خلاص اروح اسأل الحج مندور..

سالي بسرعه

لا استني انا بس حابه اقعدمع نفسي شويه في كافيه حلو ع مسافة نص ساعه من هنا، هاخد تاكسي اقعد شويه وارجع..

يحي وهو يفتح باب البنايه

طيب تعالي هوصلك واروح اقضي مشوار وارجع اخدك..

سالي بملامح جامده

لا شكرا هروح لوحدي..

يحي بحده

ي تيجي معايا وانتي حاطه جزمه فبوقك ي تطلعي فوق وانتي حاطه نفس الجزمه فبوقك..

_تنهدت سالي بقوه وهي تغمض عيناها بغضب..

يحي ببعض المرح

بالراحه شفطي الاوكسجين كله..

سالي بغيظ

اضحك يعني ولا ابين سناني..

يحي ببرود

ولا دي ولادي انتي هتروحي تركبي العربيه يلاا..

_ ضربت الارض بقدمها وذهبت للسياره، ابتسم هو بهدوء وذهب وصعد السياره بجوارها وانطلق بهاا..

_ اوصلها بعد قليل الي ذلك الكافي التي كانت تريد الذهاب، وتركها وغادر الي وجهته..

_اوقف سيارته امام ذلك المقهي الشبابي وهبط منها بشموخ اكتسبه مجددا.. نهض ذلك الشاب الذي يشبهه كثيرا بملامح اجمل بقليل وجسد نحيل مقارنتا بيحي...

ياسين بمرح

ايش ايش مين ده؟ بقي ده اخويا انا..

يحي وهو يجذبه لاحضانه بقوه وابتسامه واسعه

واحشني لسانك االي بينقط رخامه ده ي ياسوو..

ياسين وهو يبادله العنااق واجابه بابتسامه دامعه

انت اكتر والله منه لله اللي كان السبب..

_كتم يحي غصه مريره بحلقه وابتعد عنه واردف بهدوء...

يحيي

عملت اي فالدبلومه بتاعتك..

ياسين بهدوء

اتقضت الحمد لله، سيبك بس مني اي العربيات الجامده دي والشياكه دي وفالاخر مش عايزني اشك فشغلك..

يحي وهو يتكئ ع سيارته

متقلقش الفلوس اللي هديها ليك لامك وابوك واختك حلال بعيد عن لبسي وعربيتي والمنظر اللي انت شايفه..

ياسين بحزن

ولي كده..

يحي بحده وهي يضع تلك النقود امامه

امسك دول وروح ع طول..

ياسين بسرعه

عائشه كانت عايزه تكلمك..

تنهد يحي بضيق واجابه

لما افضي ابقي اكلمها..

ياسين بسخريه

ي شق استني طيب وصلني لرمسيس بدل ماخد تاكسي..

يحي وهو يصعد سيارته

كنت ناوي اوصلك بس للاسف مش فاضيلك ابقي ابعتلي صور قمر بنت اختك هاا ولو نسيت هنفخك..

ياسين بغمزه

اشطا بقيت فتالته ابتدائي دلوقتي وحاجه كده قمر..

يحي وهو يذهب السياره من امامه

غور روح ي ياسين..

_ عاد يحي مجددا الي ذلك الكافي الذي ترك به سالي، هبط من السياره وهو غافلاً عن تلك الاعين التي تراقبه بحقد شديد..

_كانت هي بالداخل جالسه ع طاوله ما وتنظر لميااه النيل بدموع وتاره اخري تنظر لتلك الصوره ع هاتفها، كانت تلك الصوره له هو، صورته التي يضعها ع الوتساب لقد حفظتها ع هاتفها منذ فتره واخذت تنظر لها بدموع..

اردفت بصوت هامس ودموع هبطت ع وجنتيها

انتي غلطانه ي نور انا من حقي احب مهو مش بأيدي..

وقف خلفها واردف بهدوء

يلا ولا هتقعدي تاني..

_ اغلقت الهاتف سريعا ونظرت له بتوتر..

يحي

ها هتروحي؟..

_ نظرت امامها بتنهيده طويله ولم تجيب عليه، عدل المقعد وكاد ان يجلس جوارها..

لكنها اردفت باحراج

جعانه..

يحي بحاجب مرفوع و...

_ماذا سيحدث وهل يحيي شافها وهي تنظر لصورته علي هاتفها ام لا؟...

يتبع

الفصل السابع من هنا

لقراءة باقي الفصول من هنا

كرنفال الروايات

رواية القصه واللي كان الفصل الخامس5والسادس6 بقلم رحاب القاضي

مقالات قد تهمك

أقسام الوصول السريع (مربع البحث)

رواية القصه واللي كان الفصل الخامس5والسادس6 بقلم رحاب القاضي

مقالات قد تهمك