رواية شهر زمان
الفصل الثالث3
بقلم مريم اليوسف
((معتصم))
(لا يحق لأي أحد أن يلومني أو حتى يعاتبني فما حصل قد حصل من عمل أيديهم،ف من طيبة نفسي وتواضعي ونفسي الهيِّنة اللَّينة جعلتهم يعتقدون أنَّني بلا رأي وبلا مشورة،لم يعطوا لرأيي أي أهمية أو قيمة،فل يتحمّلوا نتيجة أفعالهم إذًا،،بالطَّبع يتملّكُني الشعور بالندم الآن،،لم أكن أعتقد أن تصل الأمور إلى هُنا،رُبَّما قد تصرَّفت بلحظة غضب وأحضرت مصيبةً لرأسي،وكُلّما حاولتُ التراجُعَ أو حتّى إصلاح الأمر،يتعقّد الوسط أكثر،لم أعُد أعرف ماذا يجب عليَّ أن أفعل،،ولا أعرف حقيقةً ما ينتظرنا بعد كُلّ هذا..! #بقلم رزان السلامين
بصباح يوم جديد
فاقت غفران كالعادة ع حركة بالغرفة وهية حركة معتصم يلي عم يتجهز ليروح على شغلو
قامت وضمتو من ضهرو وباستو على رقبتو وهالحركة اربكتو كتتير لمعتصم
غفران : صباحو حبيبي ليش مافيقتني
فكلها اديها وبعدها عنو بطريقة سلسلة
معتصم : خليكي نايمة اذا بتحبي
غفران : لا مابصير الزوجة المطيعة لازم تفيق مع زوجها الصبح وتودعو قبل مايروح على شغلو
معتصم بسخرية ؛ اااه ، اي صح
غفران : حكيت شي
مد ايدو على جيبتو وطلع بطاقة بنك وقال : هي خليها معك اذا احتجتي شي
غفران : وكيف بدي استخدمها
نفخ بضجر وهو عم يشد الكرافة وقال : ابحثي ع النت وبتعرفي كيف تستخدميها ومعها باسورد
غفران : شو هاد الباسورد
معتصم : الرمز السري تبعها
غفران : ماشي ... روح الله لايحرمني منك ولا من عطاياك ياحق ويطولي بعمرك ويدمك فوق راسي
معتصم اتطلع فيها نظرة جانبية وقال :انا نازل افطر مع اهلي
غفران : انا شوي ولا حقتك
طلع وهية ضحكت وقالت : فوق ماعم ادعيلك هههه
~~~~~~~~~~~•
وصلت ع السفرة متحمسة والابتسامة على وجها .. وكأنو ناوية على فلم جديد
غفران : صباحووو
ردو بدون نفس ومبين انو وجودها مو موغوب فيها من اي حدا
غفران : بلشتو بالفطور بدوني .. بس يلله مابأثر
قعدت وقالت : ياااي هالسفرة بتشهي ... بتصدق حبيبي كنت شوف منها بالمسلسلات ولا مرة تخيلت انها تصير قدامي عن حقيقة
عامر وبتول عم يضحكو من تحت لتحت ومعتصم منغاظ منها بس مو قد امو وابوه
غفران : حبيبي شو اسمها هي الخبزة
معتصم بهدوء : توست
غفران : اي اي تذكرتو... هاد بدهن عليه زبدة وعسل مو هيك
معتصم : يلي بدك اياه
اخدت وحدة دهنت عليها زبدة وتقصدت توقعها من ايدها اكتر من مرة ودهنتها بعسل ومدتها لعند معتصم : كول هي من ايدي حبيبي
معتصم بعصبية : غفراان كلي انتِ
غفران : بس هي من ايدي يلله
ابوه : خلصنااا عاااد هي الحركات مابتصير ع سفرتي
غفران : ليش لكل واحد هون الو سفرة .. حبيبي وين سفرتك انت نقعد عليها
ابوه : لك انااا شو عاااملك يا معتصم لتعمل فيني هييك
ترك الاكل بعصبية ... وبتول وعامر فارطين ضحك ... ومعتصم قام مقهور وترك السفرة متل ابوه
ام معتصم : كلشي كنت اتوقعو الا انو اقعد انا مع هيك اشكال عسفرة وحدة
الست : طولي بالك .. خلص خليها تصير تاكل بالمطبخ مع الخدم
غفران : بلله شووو انا اكل بالمطبخ ... ماحزرتو ... يا الله وين راح عصومتي ما اكل ولا لقمة
قامت اخدت التوست يلي بأيدها وركضت اتجاه الباب وهية عم تنده : حبيبي وقف كلك هاللقمةة ...عصومييي
وبتول وعامر معد قدرو يسيطرتو على ضحكهن
امهن : خلصص انتو كماااان
ماردو عليها وتابعو ضحك
~~~~~~~~~~~~•
بالمشفى .
وتحديدا بالكافيه
قاعد معتصم مع رأفت
معتصم : اقسم بلله هالمخلوقة مو طبيعية .. غريبة اطوار
رأفت : هههه اقسم بلله خرجك
معتصم : مشان الله انت كمان لا تزيدها علي
رأفت : خلص خلص .. هات احكيلي شو الغريب فيها
معتصم : لك مبارح بالنادي سحبت مية كيلو وبدون اي جهد
رأفت : عم تمزح
معتصم : ع الآلة الركض تخطت الرقم القياسي
رأفت : اي مو لهل الدرجة ... بعد شوي رح تقلي انو بتطير
معتصم : مابتستبعد عنها شي ...
رأفت : طيب هية اكيد بتتمرن
معتصم : ولا بحياتها فايتة نادي
رأفت : معقول ملبوسة ولابسها شي جني
معتصم بضجر : كمان هي مابستبعدها ... او معها انفصام .. كل شوي بعقل جديد وتصرفات جديدة ... اوقات بحسها فهمانة واوقات تافهة .. اليوم ع الفطور خجلتني قدام اهلي الا بدها تطعميني بايدها
رأفت : ههههه بشرفك
معتصم : لك ااااخ بس
رأفت : مزال بدا تطعميك بأيدها .. اصبح الأمور تمام
معتصم : ايو تمام ... اتركها لربك
رأفت : طيب شو صار بموضوع سارة.
نفخ وقال : سارة مبارح كانت مواعدة زياد واجا ع النادي
رأفت :وانت انقهرت يعني
معتصم : شو رأيك .. بس انا عارف هية عملت هيك لتحتى تغيظني
رأفت : انت غيظها وهية تغيظك وخليكن هيك
معتصم : لنشوف مين رح يرفع الراية البيضة بالاول
رأفت : اكيد انت
معتصم : رفتعها كتير بس وحياتك هية يلي رح خليها ترفعا مزال اجت من هاد الباب .. يا انا ياهية مفكرة تغيظني بزياد بس ماحزرت
رأفت : نقطة ترشك وترشها على هيك حب
~~~~~~~~~~~~~•
بالفيلا
بغرفة بتول
عم تحكي ع التلفون بصوت واطي وعم تتأكد انو الباب مقفل
بتول : صابر ايمت بدك تحل عني .. معد قدرتي اسحب اكتر .. والله اهلي عم يسألو كتير عن المصاري يلي عم تنسحب
صابر : اي حاج عااد ... معكن مصاري مابتاكلها النيران وبدن يحاسبوكي ع كم ليرة يلي عم تعطيني اياهن
بتول : كلشي عم تاخدو مني وعم تقول كم ليرة
صابر : اي هدول ماعملولي شي
بتول : بس انا معد قادرة ع ولا ليرة زيادة
صابر : اي بكيفك ... بس لا تنسي موضوع الصور
بتول : لأيمت بدك تضل تبتزني والله حرام عليك ... لك عاملي كاابوس بترجاك حل عني
صابر : ههههه حبيبي جهزي مبلغ منيح لأنو لازمني مصاري كتير ضروري هاليومين والا صرتي بتعرفي شو ممكن اعمل
سكر بوجها وهية كانت يأسانة كتير ... ومعد فيها تسحب وتعطيه، اهلا عم يشكوا بالموضوع وانو هي مصاريف كتير عجامعة
طلعت من غرفتها والدنيا كلها مسودة بوجها ... وعم تحكي مع حالها : الله وقعني مع واحد مابخاف الله .. اوهمني بالحب واستغلني واستغل وضعنا
فاقت من شردوها عصوت امها عم تقول : لك بكرا بتسرقنا ونحنا مو حااسين
بتول : شوفي امي لي صوتك طالع
امها : شفتي اخوكي شو عامل
بتول : شوو
امها : عاطي بطاقة البنك تبعتو لست الحسن والجمال
بتول : عنجد
امها : اي والله هلق اتصلت فيه بدي اياها قلي عطيتها لغفران ... والله بكرا بتسرقنا ونحنا مو حاسين
بتول : اي مو لهل الدرجة مابتعرف تستخدمها
امها : بكون علمها .. لاتخافي عليها متل الحية من تحت لتحت
خطرت عبالها شغلة بتول ورجعت فورا ع غرفتها اتأكدت من تسكير الباب منيح
اتصلت بصابر وفورا اجاها الرد : هلا .. شو دبرتي المبلغ
بتول : لقيتلك شغلة اكبر من المبلغ
صابر : اوف شو هي ...
بتول : يلي رح تخلصني منك
صابر : هههه مافي شي بخلصك مني
بتول : اسمعني بالاول
صابر : شو هاتي لشوف
بتول : وحدة حلوة كتير وجدبة بنفس الوقت وفوق هاد كلو معها مصاري
صابر : وكيف بدي اوصلها لهي انا
بتول : خليها علي ...
صابر:اي.....؟!
~~~~~~~~~~~~~•
قاعدة بغرفتها ضايجة
الجو ممل كتير
غفران: هه هربنا من الملل لملل اكبر منو ... وينو هاد كمان عأساس اليوم ع الضهر بكون بالبيت الساعة رح تصير تلاتة
اخدت تلفونها ووقفت ع الشباك وعملت اتصال : الو ... ليك مين في ورا معتصم ... اي وينو هلق .... بالمشفى ... تمام
وهية شاردة شافت عامر بحديقة الفيلا ومعو بارودة خرز وعم يصوب على عبوات كولا فاضية بس ماكان عم يصيبن
ابتسمت ونزلت لعندو
كان عم يخرطش ويقوس بس التصويب عندو ضعيف
غفران : سلاام
التفت عليها وقال : هلا
غفران : شو عم تعمل
عامر : عم اتعلم التصويب
غفران : حلو بس ليش
عامر التفت حواليه وقال : بدي اطلع ع الصيد مع رفقاتي وبصراحة مابعرف صوب منيح
غفران : كأنك مابدك حدا يعرف
عامر : امي مابتسمحلي امسك سلاح ابداً ولا اطلع هيك طلعات ... لاتخبري حدا ها .. هاد سر بيني وبينك
غفران : ههههه ولا يهمك ..بس ليش امك مابتسمحلك
عامر : مابعرف بتخاف علينا قال ... وعكل شغلة لاتعملوا ولاتسوا .. طيب والله حلو الواحد يجرب هيك شغلات .. انو شوفيها لو اطلعت ع الصيد
غفران : هلق مافيها شي .. بس شغلة خطرة يكون شي حدا مابيعرف يصيد ويروحكن
عامر : مشان هيك انا عم اتعلم بهي
غفران : طيب اتعلم ع بارودة الصيد فرد مرة
عامر : بدك امي تقلعني من البيت .. عند رفقاتي في وحدة بنتعلم عليها عندن بس هي ماشي حالها حاليا
غفران : منيح
عامر : بتحبي تجربي
غفران : انو اي
عطاها البارودة وقال : جربي لشوف
اخدت البارودة ومسكتها بايدها التنتين وصوبت على عبوة واطلقت وصابتها بمهارة
عامر : لك صبيتهااا ... كيف عملتيهاا
غفران : ماهو بتجي مع الهبل دبل
عامر: ليكي جربي مرة تانية
صوبت وكمان جابتها
عامر : انت خطيييرة .. مو معقولة .. عنجد بالصدفة ولا متعلمة
غفران : هيك وهيك
عامر : مين علمك .. وكيف وايمت
غفران : وانا صغيرة كنت العب مع ولاد الحارة
عامر : شو ولاد هالحارة هدول
غفران : بتحب علمك
عامر: ياريت
غفران : اهم قاعدة هية اسفل ومنتصف الهدف
عامر : هاتي لشوف
نفذ التعلميات وبالفعل كادت انو تصيبها
عامر : كنت رح جيبها ... والله كنت رح جيبها
غفران : مع شوية تدريبات بتجيبها
عامر : طيب القاعدة التانية
اجا صوت من وراهن : شو عم تعملو انتو
التفتو وكانت امو
عامر : ولا شي عم اتسلى ببارودة الخرز
امو : وهي شو عم تعمل
غفران : ولا شي اخدت دق
امو : اي هاد الناقص .. روحي ضلي بغرفتك ولاتتفتلي كتير انت مجرد ضيفة وقريبا رح كبك برات هالبيت
غفران بحزن : الله يسامحك لي شو عملتلك
عامر ؛ ماما ليش هيك عم تحكيها
امو : مادخلك وروح التهى بدارستك احسن من هالمسخرة
~~~~~~~~~~~~~~•«
المشفى
ماشي معتصم وجنبو ممرضة وعم يحكيها : المريض بتخلوه تحت المراقبة ٢٤ ساعة
الممرضة : حاضر دكتور وغيرو
وقف لما شاف سارة ماشية هية وزياد وداخلين على المشفى واتوجهو ناح مكتب ابوها
معتصم : لا فيكي تروحي
وكمل اتجاهن وهنن لما شافوه وقفو
معتصم : عم قول ليش هالمشفى منورة
زياد : منورة بأهلها
معتصم : حولو خلينا نضيفكن شي
سارة : لاتعذب حالك كنا انا وزياد بمطعم قريب بس بابا طلب انو نجي يمكن في امور قانونية بدو زياد يساعدو بحلها
معتصم : اي على خير
سارة : بالاذن
تركوه ومشوا
وهو راح على مكتبو عم يتسائل بينو وبين حالو ياترى على شو ناوي عمي
~~~~~~~~~~~~~~•
قاعدين بمكتب الدكتور خالد
زياد : اي عمو قال طالبني
خالد : بدي استشيرك بموضوع المشفى اذا بدي فك الشراكة بيني وبين وبيت اخي شو لازم اعمل
زياد : بتعملو اجتماع واحد ببيع والتاني بيشتري او بتبيع حصتك لطرف تالت القرار الكن وانا علي امشي بالمعاملات
سارة : بابا ليش بدك تفك الشراكة
خالد : بسبب يلي صار انا خلص معد بدي اي شي يربطني ببيت اخي
سارة : هيك بهل البساطة
خالد : تحملتن كتير ... كان عنا كتير فرص لنكبر هالمشفى وهنن محلن وفوق كل هاد معتصم عامل المشفى سبيل على هاد حرام وهاد خطي
سارة : عحد علمي المشفى امورو ماشية تمام
خالد : بس ماعم نتقدم ولا خطوة لقدام كل مابنحاول نوسع او نكبر شي بقوموا بيفتحوا قسم مجاني ... انا كان بدي امتلك النسبة الاكبر بالمشفى مشان صير انا المدير واعمل يلي بدي اياه بس طول ما الادارة معهن رح نضل محلنا مشان هيك ناوي افصل الشركة واسس مشفى لحالي
سارة : بتقدر لحالك
خالد : عقدر امكانياتي
سارة : يعني هيك بهل البساطة تترك المكان يلي فنيت عمرك فيه
خالد : مو بهل البساطة بس انا وصلت لأخري معهن
خالد : كان املي فيكي تقنعي معتصم يتكتبلك حصتو بأسمك بس حتى هاد الامل راح
سارة : مين قال راح .. انا ومعتصم بنحب بعض ومتاكدة رح يرجعلي وكلشي بدك اياه رح يصير انت بس اصبر
زياد ماحكي بس عم ينقل نظرو بصمت بين سارة وابوها
خالد : انا والله مو طمعان بشي .. بس بدي وصل هالمشفى لمكان بيستحقو
سارة : فهمانة عليك ... خلص طول بالك وخلينا نصبر حالياً.. وبعدين لاترجع تخلي العلاقة تتوتر بينك وبين عمي ماصدقنا تصالحتو
خالد : ليش عأساس العلاقة مو متوترة
سارة : خلينا نتقبل الامر ... يعني واذا اتزوج معتصم خلينا نبين انو مو مهتمين .. وبعدين انا زياد رح يساعدني لرجع معتصم الي، ما هيك زياد
زياد بأنزعاج مكبوت : اي طبعاً
خالد : عشو ناويين
سارة : عكل خير بس انت طولي بالك هالفترة
خالد : طيب ماشي
زياد : بالاذن انا صار لازم روح
سارة : جاية معك
~~~~~~~~~~~^•^
اندق الباب على غفران
استغربت غفران لانو محدا دخل عليها غرفتها من يوم تزوجت
غفران : تفضل
دخلت بتول بأبتسامة : مرحبا
غفران : هلا
بتول : كيفك
غفران : منيحة .. وانتِ
بتول : كمان منيحة
غفران : تفضلي
دخلت بتول بتوتر وحكت : بدي اطلب منك طلب وخجلانة
غفران : اطلبي ولا يهمك
بتول : كنت عم احكي مع رفيقتي ع الواتس وانحظر من عندي عم تبعتلي كورسات كرمال الجامعة .. وماما مارضيت تعطيني موبايلها مدري شبها بتضل معصبة .... يعني اذا ممكن استعير موبايلك بس خمس دقايق تبعتلي النوطات وبرجعلك اياه فورا
غفران : اي تكرمي
فتحتلها الرمز وعطتها اياه
بتول : شكرا كتير الك .. مابطول بس تبعتلي الدروس وفورا برجعو
غفران : ولا يهمك على حسابك
اخدت بتول الموبايل بامتنان .. وصلت لعند الباب وكانت متقصدة تسكر الرمز
بتول : رجع قفل
غفران : تعي علمك ع الرمز مشان اذا قفل مرة تانية
بتول : والله مُحرجة منك
غفرا ن: ولا يهمك ولو
علمتها على رمز الموبايل وطلع وهية حاسة بشوية تانيب ضمير وصارت تحكي حالها : والله مبينة حبابة .. ياترى صح يلي رح اعملو
.. خلص لا تتراجعي بتول بركي بحل عني هداك النجس
دخلت ع غرفتها وفورا اتصلت ع صابر من موبايل غفران : الو .. ليك هاد رقمها .. قدرت جيب الرمز يعني فيني افتحو ايمت مابدي .. رح نركب محادثات وتصير تهددها وتسحب منها مصاري
صابر : وبركي ما رضت
بتول : ساعتها بتجي وتخبر جوزا وتأثبلتو الخيانة وبقلعها ونخلص منها وبوعدك الك مبلغ مرتب اذا صار هالشي
صابر : عم تعجبني افكارك الشريرة
بتول : لكن منبلش من بكرا هلق لازم رجعلها الموبايل خبرتها انو مارح اتأخر ... ليك وابعتلي الصور يلي بعتلك اياها صورة الدروس مشان تبين عنجد
صابر : ثواني
سكر ووصلت ع موبايل غفران صورة من رقم صابر عن دروس
وراحت ترجع الموبايل لغفران
دقت الباب ودخلت : شكرا كتير الك
غفران : اهلين .. المهم مشي حالك
بتول : اي بعتتلي الصور وحولتن ع البلوتث ع موبايلي هلق بدرسهن ع مهلي
غفران : اي منيح الله ينجحك .. اي صح انت شو عم تدرسي
بتول : طب اسنان
غفران : مشاء الله عيلة اطباء
بتول : هههه شايفة انت .. يلله بالأذن
طلعت بتول ومافي دقائق ودخل معتصم
قربت منو لتساعدو بشلح الجاكيت
غفران : يعطيك العافية حبيبي .. اتأخرت
معتصم ببرود : صار عندي عملية مفاجئة
غفران : الله يقويك
معتصم : شكرا
غفران : شو رأيك جهز غدا الي والك هون بالغرفة
معتصم بأستنكار : هوون
غفران : اي هون غدا رومنسي
معتصم : هي غرفة نوم كيف بدك تجيبي عليها الاكل وتدخلها ريحة الطبخ
غفران : طيب بنعتذر يا حضرة الدكتور .. شو رأيك نتغدا بالمكان يلي انت بدك اياه
معتصم : لا مالي نفس... بدي بدل تيابي ونام
غفران بضجر : طيب متل مابدك .. ممكن اطلع اتمشى
معتصم : سبق وقلتلك اعملي يلي بدك اياه لا تتقيدي فيني
غفران : ماشي .. نوم العوافي
~~~~~~~~~~~~~•
كانت قاعدة بكافتريا وقاعدة جنب الشباك شاردة لبعيد وعم تحرك كاسة العصير يلي قدامها
سمعت نقرات على الطاولة التفتت وشافتو وابتسمت
باسل : كيفو الحلو
غفران : تمام
باسل ؛ شو هالعروس هي يلي بتضل وحدها
غفران : شايف انت
باسل : شو الاخبار
غفران : تمام ...شو تشرب
اشر للكرسون وقلو : قهوة
باسل : اي كيف عم تقضي يومك
غفران : ملل .. لك ايي صح احزر مين شفت مبارح
باسل : مين
غفران : زياد الاشعر .. هاد يلي كنت تبعتلي حلقات البحث تبعتو
باسل : وين شفتيه
غفران : بالنادي ابن خالتها لسارة بنت عمو لمعتصم
باسل : بتعرفي انو هاد رفيقي
غفران : عنجد ... مشان هيك كنت تبعتلي حلقات البحث تبعتو
باسل : اي بعرفو شاطر وانت كنت تطلبي مني مساعدة وانا ابعتلك حلقاتو
غفران : وهاد شو وضعو
باسل : شو حابة تعرفي
غفران :بشكل عام
باسل : عازب محامي شاطر والو اسمو
غفران : مافي بحياتو حدا
باسل ؛ شو حطيتي عينك عليه
غفران ؛ مو لهل الدرجة بس أُعجبت فيه .. بس حسيت جاي مع سارة مشان تغيظ معتصم فيه
باسل : شو قلتيلي بتقربو
غفران : بنت خالتو
باسل : ايييه .. اتذكرت .. هو كان يقول انو بحب بنت خالتو بس بنت خالتو بتحب ابن عمها بظن هاي هية
غفران : وهية بتعرف هالشي وقررت تستغلوا لتقهر معتصم
باسل : مافي غير هيك
غفران ؛ مع انو مبين عليه محترم شو فوتو بهيك فوتة
باسل : بسبب الحب
غفران: الحب بيعمل هيك شي
باسل ؛ واكتر
غفران : باسل شو هو الحب
باسل : ماجربيته
غفران : مابظن
باسل : وان شاء الله ماتجربيه مابنصحك
غفران : تضرب ايه
~~~~~~~~~~~~~•
باليوم التاني
كانت عم تتقلب بالتخت والوقت قريب الضهر
كشفت وجها ونفخت بملل
وتعابير وجها بتدل انو الملل بدو يرجعلها ضلت صافنة بسقف وكأنو عم يدرو براسها تنهي هاللعبة وترجع لحياتها
غفران : برجع للملل تبعي احسن ما عايشة بمكان مو مرغوب فيني
حست على الباب عم يندق بشكل خفيف .. حاولت تنتبه اذا عنجد عم يندق ولا عم تتوهم وفجأة سمعت صوت الباب انفتح ... مثلت النوم ودخلت بتول ع روس اصابيعها اخدت موبايل غفران وطلعت متل مادخلت
فتحت عيونها غفران ... وتجلست مستغربة ... ياترى شوبدها هي من موبايلي ... معقول مشان المحاضرات ..ولا في شي تاني
وبعد اقل من نص ساعة سمعت نفس الحركة ومثلت النوم مرة تانية .. ودخلت بتول حطت الموبايل بكل هدوء وطلعت فورا
~~~~~~~~~~~~~•
بأحدى المطاعم
داخلة سارة وعم تدور بعيونها على الطاولات .. لحتى لمحت معتصم وكملت لعندو
سارة : معتصم .. خير شبك
معتصم : اقعدي
قعدت وهية عم تنظم انفاسها وقالت : لما حكيتني وقلتلي انك بدك تشوفني انشغل بالي عليك .. نبرة صوتك ماكانت طبيعية ... صاير شي بينك وبين مرتك
معتصم : لا لا بالاول شو تشربي
سارة : قهوة
~~~~~~~~~~~~•
سمعت صوت سيارة راحت لتشوف مين .. كان بس ابوه لمعتصم ومعتصم مو معو مع انو هاد الوقت بيجي فيه اغلب الاوقات
حملت تلفونها واتصلت : الو ... وينو معتصم ... اااه ... طيب اوك
سكرت وكتفت اديها وقالت : هدول شو عم يعملو مع بعض
وهية نازلة سمعت ابوه عم يحكي : هاد ابنك ماحلك تعرفيه ... ايمت بدو يقوي قلبو .. لسه كل مامات مريض بفوت بحالة نفسية ... مليون مرة قلتلو هي المهنة بدها قوة قلب
ام معتصم : طيب وينو هلق
احمد : مابعرف
رجعت ادراجها لما حست الوضع مو تمام
~~~~~~~~~•
معتصم:بعتذر لأنو بعتلك، حكيتك مابعرف اذا عندك شي او اذا عطلتك عن شي .. بس حبيتك تكوني جنبي
سارة : ولا يهمك انا جنبك ايمت مابدك حتى لو ماكنا لبعض بنقبى ولاد عم واصدقاء اذا بتحب
معتصم : شكرا
سارة : طيب والله حلك تتعود
رفع نظرو عليها
حطت ايدها على تمها وقالت : اسفة طلعت بدون ما اقصد
كمان ضل ساكت
سارة : بعرف انك مدايق .. بس مابصير تضل هيك ... هي مهنتك وبدك تشوف كتير حالات .. ماكل مامات شخص تزعل هيك... والله كرمالك
حاولت كتير بأنها تخفف عنو وتسايرو بس هو ابدا ما خف شي عنو
سارة : شو معتصم ... احكي شي من اول القعدة انت ساكت
معتصم : انا بدي روح .. وصلك
سارة : لا جايي بسيارتي
معتصم : تمام
حاسب واخد مفاتيحو
سارة : ع وين
معتصم : ع البيت
~~~~~~~~~~•
دخل على البيت .. حاولت امو توقفو وتحكيه
بس هو قلها بعدين بعدين وكمل ع غرفتو واول ما فات طلعت قدامو واتنهدبملل وكأنو قال ماناقصني غير انت
رما غراضو وكمل ع الحمام ... وطلع بعد شوي عم ينشف وجهو
غفران : كيفك
هز براسو وقال : منيح
حست فيه مدايق
غفران : اسمعت ابوك عم يحكي انو في مريض مات عنجد
معتصم : مريضة
غفران : بأهتمام كيف صار هيك
معتصم : ماتحمل جسمها العملية
غفران : يعني ماتت وهية تحت العملية
معتصم : اي
غفران : وانت يلي كنت عم تعمل العملية
معتصم : اي
غفران : هلق مافينيا نحكي شي هي مشيئة الله ... بس انت كيف تحملت .. قد ماكان الواحد قلبو قاسي الا ما يتأثر بهيك شي
معتصم : ههه لا لازم كون متعود عقلولتن
غفران : بس انت مانك بلا قلب .. مافي اي انسان ممكن يتجاوز هيك شي .. ويلي بيتجاوزها بكون عم يكابر صدقني ... وانت انسان صادق مابتقدر تخبي مشاعرك
راح قعد جنبها على التخت
وصفن قدامو
غفران تابعت حكي : ممكن هاد الشعور يروح بطريقتين
اتطلع فيها باستغراب
غفران : اذا بدك تتخطى هالشعور .. عيشو بكل تفاصيلو ... متل مابقولو انو توجع قد مافيك لحتى تتعود عهاد الوجع .. مثلا انا قوم ضل اضربك ع خدك مرة ومرتين وتلاتة شو بصير بخدك .. بيتخدر ماهيك ... وهيك الوجع ... ويلي عم يخليك بهي الحالة انو محدا عم يخليك تزعل براحتك .. بصيرو يلوموك انك مالازم تزعل ولا تنقهر وانك رجال وهي مهنتك ... بس انت انسان وكتلة مشاعر واحاسيس
معتصم منسجم معها وقال : والحالة التانية ؟
غفران : انك تفقد شخص غالي عليك كتير .. ساعتها مين مامات مابعود يأثر فيك وتقول اذا فلان مات وتخطيتها كيف هاد الشخص يلي مابعرفو ولا بيعرفني .. والله لا يفقدلك محب ... مشان هيك خليك بالطريقة الاولة
غفران : ازعل ابكي طلع كلشي جواتك وصدقني بترتاح .. ولا تسمع كلامن انو الرجال مابتبكي ... واذا بدك بتركلك الغرفة وبطلع تاخد راحتك
وقفت لتمشي بس هو مسكها ورجع قعدها وتمدد وحط راسو على رجليها
ابتسمت وصارت تلعبلو بشعراتو ... وحست بدموعو عم تنزل على رجيلها بس مامنعتو وخلتو ع راحتو
(احيانا بوقت الضيق صعب حدا يفهنا وماكل الناس بنقدر نواسيها بنفس الطريقة ... سارة حاولت تكون جنبو وعملت جهدها بس ماهاد يلي هو بدو اياه ... مابدو حدا يجي عليه ويفكرو انو هو غلطان بمشاعرو .. بالاول بنعالج المشاعر وهية لحالها بتاخد الطريق الصح )
حست انو غفي على رجليها ... ظبطتلو نومتو وطلعت على البلكون ... كانت الدنيا وقت الغروب ... شردت بالسما يلي ممتزجة الوانها بين الازق القاتم والبرتقالي وهربت كم دمعة من عيونها
رجعت ع الغرفة لبست وطلعت
~~~~~~~~~~~~~•
بفيلتها وبغرفتها بالتحديد ... فتحت درج جنب الخزانة طلعت منو باكية دخان ... قعدت ع طرف التخت طلعت سيجارة ولعتها وبلشت تسحب منها بشراهة وعيونها مركزة بنقطة وحدة قدامها والسيجارة عم ترجف بين اصابيعها المرتجفة
اندق الباب ودخلت ام جورج
: حبيبتي انت هون .. كيفك
غفران : منيحة .
: خير شبك ... صاير معك شي
غفران : ام جورج قهوة
ام جورج : حاضر
رجعت ادراجها وغفران بعدها على نفس الحالة
(راحت بذاكرتها ... لشي اشبه بالمنام... كانت عم تبكي بين ادين ابوها وعم تحاول تفلت منو ، بس ابوها عم يحاول يثبتها ويغمضلها عيونها ،بس قدرت تشوف الشي يلي دمرلا نفسيتها بهديك الفترة ،امها غرقانة بدمها
غفران ؛ بااااباا .. شبها ماما ... يا بابا
حدا اخدها من ايدين ابوها ودخلها على البيت وابوها رجع لعند امها )
غفران : الله يرحمك يا ماما ...
مرقت الدقايق والساعات وهية بعدها على نفس الحالة .. المنفضة جنبها ملينة عقومة السجاير ...
رفعت الغطا وتغطت بمحاولة منها انها تنام
ليرن تلفونها
سحبتو .. وشافت اسمو .. وانتبهت على الوقت الساعة ١٠
ردت : الو
معتصم : غفران وينك
غفران : اطلعت اتمشى
معتصم : وماخلصتي تمشاية ؟
غفران : لي في شي .. مو انت حكيت انو اعملي يلي بدك اياه ولا تتقيدي فيني
معتصم : الوقت اتأخر
غفران : طيب هلق بجي
معتصم : وينك انا بجي بجيبك
غفران : لا جاية
سكرت الموبايل وتغيرت حالتها لتعجب ... اول مرة بيتصل وبيسال عنها .. وعم يطلب منها انها ترجع
~~~~~~~~~~~•
دخلت على الغرفة وشافتو قاعد على البلكون عم يشرب قهوة ... وقدامو الدلة وفنجان تاني فاضي
غفران : مسالخير
معتصم : مسالنور
غفران : كيفك
معتصم : كتير منيح
غفران : اي تمام
معتصم : حسبت حسابك بالقهوة
غفران : لا شكرا.. شربانة كتير
معتصم : وين كنت صح بهل الوقت
غفران : عند خالتي.... انا نعسانة تصبح على خير راحت وبلشت تظبط الكنبة
معتصم : نامي ع التخت
غفران : لا نام انت عليه متعود ومابدي خربطلك عوايدك
معتصم : بساعنا نحنا التنين
ابتسمت وقالت : مابتحب حدا يشاركك فيه
معتصم : مين قال هالحكي
غفران : احساسي
~~~~~~~~~~~~~•
تاني يوم
بغرفة بتول عم تحكي مع صابر
صابر : هالبنت كتير حلوة وانا معد اصبر بدي احكي معها
بتول : لسه مامعك ادلة كافية
صابر : طيب انت استعجلي شوي
بتول : مافيني اعمل اكتر من هيك .. خلص انت اصبر واليوم بحاول راسلك من موبايلها
صابر : ناطرك ...
سكرت معو وبلشت تعض على اضافيرها بتوتر بحيرة
~~~~~``~~~~~~~•
نازلة غفران على الدرج بكل غرور .. لحتى لمحت الخدامة ووقفتها: انتي .. وقفي عندك
وقفت الخادمة وحط ايدها على خصرها وقالت نعم
غفران : غرفتنا فوق ليش محدا عم ينضفها
الخادمة : وانت شو شغلتك
غفران : لا والله هاد السؤال الك انت يلي شو شغلتك
الخادمة :اي حاج عاد حارتنا ديقة وبنعرف بعض ولا تنسي وين كنتي .. مشان هيك يا شطورة بتروحي ع المطبخ بتجيبي عدة التنضيف وبتنضفيها لحالك
نزلت غفران الدرجتين يلي باقين لتوصل لعندها بكل هدوء وبحركة سريعة كانت ماسكتها من شعرها بقوة لحتى كانت رح تدق بالأرض
غفران : انت تماديتي كتير وانا ساكتلك بس لحد هون بكفي
الخادمة : اااخ .. اااخ تركيني ... يا مدااام ... يا مدااااام
اجت امو لمعتصم ع الصوت وقالت :لك شوووصاير تركيها
غفران ماردت ع ام معتصم ومسكتها للخادمة من فكها بقوة وحكت : تاني مرة عيدها وارفعي صوتك وبوجهي واعصي اوامري وشوفي شو رح يصير فيكي فهمتي
ماترد بس ضلت تتوجع
غفراان : شووو افهمتي
هزت براسها لتفلتها
رمتها لبعيد لتوقع ع الأرض وعم تفرك مكان الوجع
ام معتصم : انت مين مفكرة حالك لتضربيها
غفران : وبدي كسرلها راسها كمان .. هيك بصير ليلي بيتجاوز حدودو
ام معتصم : لااا انت ذودتيها كتيير (ورفعت ايدها بدها تضربها )
بس غفران بسرعة مسكتلها ايدها قبل ماتوصل لعندها
غفران : مافي اي حق بالدنيا بيسمحلك ترفعي صوتك علي مو بس ايدك ... عم تفهممييي ... والله لونها ايدك واصلة علي لأخرب بيتك
ام معتصم بتوتر وخوف نترت ايدها منها وحكت وانت انت بأي حق بتضربيها
غفران : خادمة وعصت اواموري وبدي ربيها بس انت بأي حق .. (رفعت اصبعها بتهديد) اصحك تاني مرة تعيديها لأنو اللعب معي مو هين ابدا ... وانت(للخادمة) بدك تنقلعي وتنضفي للغرفة فوق متل ما الله خلقك والا مارح يصير طيب
ام معتصم واقفة وخايفة نوعا ما .. غفران بالموقف قدرت تفرد شخصيتها وتبين انها مابتهاب من حدا
~~~`~~~~~~~~~•
بتول بغرفتها رايحة جاي عم تفكر بخطة بحال صابر حكى غفران تبعد الشبوهات عنها
بعدين ضحكت وقالت : اصلا هية هبلة وشو ماحكالهارح تصدق
انفتح الباب ودخلت امها بعصبية وعم تحكي حالها : بدفع نص عمري ليلي بخلصني من هالمجنونة
بتول : خير امي شوفي
امها : هي البلوة يلي جايبها اخوكي .. رح انجلط منها انا ... ياربي دخيلك من وين اجتنا
بتول : شو صاير احكيلي
امها : حاطة راسها من راس الخادمة وعم تتناقر معها ... وعشوي كانت ضربتني الي كمان
بتول : عم تحكي جد
امها : متل ماعم قلك .. لاقيلي طريقة طفشها من هالبيت
بتول بثقة : خلص عندي .. بس الشغلة بتكلف
امها : تكلف قد ماكلفت .. المهم خلصيني منها
بتول : صارت عندي
امها : كيف
بتول : خلص ماعليكي
امها : اوووه ريحتيني شوي ... ناطرة منك باقي التفاصيل
بتول : اوك
طلعت امها وهية بحماس اخدت تلفونها واتصلت : الووو ... صاابر .. نفذ خطتك ... امي بدها تخلص منها بأي طريقة ... انت اعمل يلي عندك اذا قدرت تحصل منها مصاري منيح واذا ماحصلت انا بحصلك
صابر : ههههه واذا بنحصل التنين ليش لأ
بتول : انت وشطارتك عاد
~~~~~~~~~~~~~•
غفران بغرفتها رايحة جاي مقهورة ... انو نزلت مستواها للتتخانق مع خادمة وقحة وانها تمشكلت مع ام معتصم ..
غفران : مو هي المغامرة يلي بدي اياها ... انسحب ... لا لسه بكير ... وكمان اذا انسحبت هلق بتفكر ام معتصم اني خايفة منها ... لا ماحزروا ...
رن تلفونها راحت اتجاهو وشافت رقم مخفي
استغربت كتير ... ونقزت بنفس الوقت ... ابوها حذرها من قبل ... وخصوصا انو رقمها اشخاص محددين يلي بيملكوه
انطفى ورجع رن
ردت : الو
صابر : كيفك ياحلوة
ردت باستغراب : مين
صابر : معجب بجمالك الفتان
غفران : مين معي
قاطعها وقال: بعرف انك متزوجة
لما حكي هيك عرفت انو حدا من طرف هي العيلة وبعيد عن شكوكها وبعيد عن حياتها الحقيقة وابتسمت ابتسامت خبث وكملت : طيب مزال بتعرفني متزوجة ماعيب عليك هالحركات
صابر : هلق هو عيب بس من لما شفتك مدري شو صابني
غفران: وين شفتني
صابر : بعدين بتعرفي
غفران : طيب شوبدك مني
صابر : في الك معي امانة
غفران : امانة والي
صابر : اي .. وبدي شوفك لحتى اعطيكي اياها
غفران : وين
صابر (بقلبو : والله انها هبلة متل ماحكت بتول ) : رح ابعتلك العنوان
غفران : ماشي
سكرت وابتسامة خبيثة كسحت وجها اجت رسالة واتسعت ابتسامتها اكتر
رمت الموبايل وراحت تغير تيابها
~~~~~~~~~~~~~~•
كانت لابسة بنطلون جينز وفوقو قميص وفوق القميص جاكيت ورافعة شعراها لفوق ولابسة نضارات وكعب عالي وطالعة بكل ثقة .. شافتها بتول وهية طالعة وابتسمت بخبث وقالت : وهي رح اضرب عصفوين بحجر واحد .. ههه والله طلع بيطلع معك يا بتول
~~~~~~~~~~~•
قاعدة باحدى الكافيهات وهو مكان الموعد المجهول .. موبايلها قدامها ع الطاولة ..
فتحت مكالمة : وينكن
: وراكي تماما
: اي تمام خلي عيونكن مفتحين وممكن احتاجكن بأي لحظة
: امرك معلمتي
سكرت المكالمة لتجي القهوة يلي طلبتها وفجأة حدا سحب الكرسي يلي قدامها وقعد عليه شب قريب من عمرها
صابر : ع الواقع احلا بكتير
غفران : انت يلي اتصلت
ابتسم ومد ايدو وقال: اي انا صابر
غفران : هه
صابر : في شي بضحك
غفران : الاسم ذكرني بشي
صابر : اذا اسمي بخلي صف هالولو يبين فانا واسمي فدا الك
غفران : هههههه
صابر : شو القصة اتذكرتي فيني شي كمان
غفران : لا انسى
مدت وسلمت ع ايدو يلي بعدها ممدودة وقالت اي .. قلي شو الامانة يلي عندك
صابر : عشو مستعجلة .. خلينا نشرب شي .. ناخد ونعطي ... نتعرف عبعض
غفران : ملعيش .. خليني اعرف الامانة شو هية بالاول
صابر : طيب ماشي
طلع موبايلو ومدلا اياه واخد فنجانها القهوة ورشف منو رشفة
صابر : قلبي بهدول الصور
سحبت الموبايل وصارت تقلب فيه وشافت محادثة مصورة : انا ماني طايقة هالعيلة كلها .. انا بحبك الك مو لهاد الدكتور المعقد
_وانا بحبك ياروحي ... يلله ابعتيلي صورة اتمسى بهل الوجه الحلو
قلبت ع الصورة يلي بعدها تكملة المحادثة
_يلله
وصورتها
هي صورتها بالفعل ومتصورتها سيلفي بغرفة معتصم
رفعت نظرها عليه وقلها وهو عم يشرب قهوة : اي اي هي انت .. اتأكدي من الرقم يلي بالمحادثة
نزلت نظرها عشاشة الموبايل وشافت انو هاد رقمها بالفعل وصورة بروفايلها
قلبت ع الصورة يلي بعدها كمان محادثة بتشبه يلي قبلها وصور الها ...
غفران : اي شو يعني
صابر : يعني انا هكر يا حلو وقدرت اخترق موبايلك وراسلت حالي ، وعندي دليل بدينك قدام اهل زوجك بخليهن يقلعوكي برات الفيلا وتتركي العز يلي انت فيه
غفران : اهااا
صابر : بس مارح اعمل هيك اذا انت نفذتي يلي بدي اطلبو منك
غفران : اهااااااا
صابر : معك حق تنصدمي
غفران : هههه لا خليت الصدمة الك ... وقفت وقالت : ذكرني شو كان اسمك
صابر : صابر ... بس ع وين
هزت براسها وقالت : رح نشوف شقد رح تصبر يا صابر
اتطلعت ع الطاولة يلي وراها واشرت للشباب وقالت جيبوه
قامو بلابسن الاسود مسكوه وسحبوه وراها
وهو صار يصرخ ... لك شوووفي ... ميين انتووو ... طولووو باللكن ... عم نمزح ... مابتلقوا مزححح
طبعا محدا بالمطعم استرجى يتدخل .. وسحبوه تحت انظار كل يلي بالمطعم واختفوا فجأة
~~~~~~~~~~~~•
ببيت عمو لمعتصم
قاعدين عم يتغدو
حكي الاب : سارة شو الاوضاع
سارة : لسه ماصار شي جديد ..
الاب : شو يعني اي
سارة : بابا معتصم مابيقدر بدوني ... وكلها شوية وقت ورح يرجع كلشي متل قبل ... مثلا مبارح كان مدايق واتصل فيني دوناً عن الكل لحتى يفضفض
الاب : وشو كان مدايقو
سارة : يمكن مريض مات ومتأثر كالعادة
الاب : بسخرية : هه كالعادة ... هاد هو معتصم ..... اممم مشان هيك مبارح في فاتورة تحولت عحسابو اكيد للشخص يلي مات
سارة : قلتلو انو لازم يقوي قلبو وهي مهنة حياتو مو شغلة يوم ويومين ورح يتعرض لكتير مواقف بس هو عطول هيك
الاب : ورح يضل هيك ... محدا كاسر هالمشفى غير هو
سارة : بترجاك بابا لا تحكي شي خلي الامور ترجع لطبيعتها
الاب : اطمني ماعم حكيه شي .. وانا اصلا ناطر لترجع هالامور لمجرها
ترك الاكل وقال دايمة وراح
~~~~~~~~~~~~•
بمكتب معتصم قاعد وطابب على طاولتو اندق الباب رفع راسو كان الباب مفتوح وداخل رأفت
رأفت: سلام يا صاحبي
ركز قعدتو بملل وقال : اهلين
قعد قبالو وقال : لاتواخذني مبارح ماكنت فاضي .. شو كان بدك
معتصم : ولا يهمك مرقت
رأفت : ليكون بخصوص المريضة يلي ماتت
معتصم : هيك شي
رأفت : الله يرحمها .. المهم انت كيفك
معتصم : ماني منيح
رأفت شوفي احكيلي
معتصم : مقهور من حالي
رأفت : شو عملت
معتصم: مبارح لما كنت مقهور كان بدي حدا يكون جمبي وانا متل الحيوان حكيت مع سارة .... عأساس ماخد موقف حضرتي كيف هيك ضعفت قدامها وبعتت وراها ،هلق بتعرف انو انا مافيني بلاها
رأفت : طيب اعتبرو طريق للرجعة
معتصم : مو بهل البساطة مابدي انا يلي اتنازل لازم هية يلي تتنازل
رأفت : طيب صار يلي صار لا تحمل حالك فوق طاقتك
معتصم : وعم فكر فيها انو انا شو يلي عملت بحالي ليش عملت هيك شي غبي ... حاسس حالي فتت بطريق مافي منو رجعة
رأفت : لا تكبرها انت التاني مافي شي الا والو نهاية خلص مانك مرتاح طلق غفران
معتصم : مشان بين انو انا يلي انهزمت بعد مادخلت زياد على حياتها
رأفت: والله احترت معك .. ليك خلص وصلت لهون كمل ولاتلتفت وراك وخليك قوي ولاتضعف وهية لو مابتحبك ماكانت اسعملت نفس اسلوبك
معتصم : طيب لأيمت بدنا نضل هيك معقول محدا يتنازل
رأفت : قلك شغلة
معتصم : قول
رأفت : اذا ماتنازلت هالمرة اصبح هية مابتحبك ولا بتستاهلك اتركها وبلش حياة جديدة
شعور خوف تسلل لجوفو معقول يكمل حياتو بدونها ويخسرها للأبد ... هالتفكير موجع كيف لو صار حقيقة
رأفت لاحظ صفنتو وقال : ياصاحبي بدك تقوي قلبك الحياة مابتمشي متل مابدنا ... انت كمل بهل الخطة يلي ماشي عليها .. لانت لانت ما لانت الله معها مانك متطر تضل طول عمرك تقدم تنازلات ... حياتك بالمرتبة الاولة والباقي كلو بيجي بعدين
مارد وبعدو صافن بالفراغ
~~~~~~~~~~~~~~•
بمكان سقفو واطي واضوية طفيفة قاعد صابر على الكرسي ومربط وعلى وجهو بعض الكدمات وقدامو غفران ولافة رجل على رجل وحواليها بعض الرجال
غفران : اي ياصابر احكيلي مين دافشك علي
صابر : لك انت مين دافشك علي
غفران : انا هون يلي بسأل
صابر ؛ بتول هية طلبت مني حكيكي وابتزك واطلب منك مصاري
غفران : ليش
صابر : مشان انا حل عنها
غفران : كمان ليش
صابر : لأني عم ابتنزها الها كمان
غفران ؛ طيب شو بتستفاد مني
صابر : قال انت بتسحبي من اخوها وبتعطيني واذا انكشفتي بيخلصو منك
غفران ؛ بتول هالفصعونة بيطلع منها هالافعال ، شو ماسك عليها ؟
صابر:شوية صور ومحادثات بيني وبينها
غفران : بس هيك ؟
صابر : بس هيك
غفران : ومين عم تبتز كمان
سكت
اشرت لشب واقف جنبو ضربو كف خلا وجهو يفتل من قوتو
صابر : كم بنت بس
وقفت والتفتت لبرا وحركت رجليها تطلع
صابر ؛ حكيت كلشي .. فكيني بترجاكي .. والله معد قرب منك
ماردت عليه وضلت مكملة لبرا وجنبها شب وقال : شو نعمل معلمتي
غفران : رح احكي مع باسل وهو يتصرف انتبهو عليه
: نحنا بأمرك
~~~~~~~~~~~~~•
بتول رايحة جاي بغرفتها بتوتر ... مافي اي خبر من صابر عم تحاول تتواصل معو موبايلو مغلق وغفران طلعت معد رجعت
بتول : ياربي انا شو عملت ... اتصل فيها ...لا لا مادخلني هو قال انو رح يقلا هكر الموبايل وطبق المحادثات اذا حكيتها رح تشك فيني
~~~~~~~~~~~~~•
بالطابق الارضي قاعدة ام معتصم والست وام معتصم شاردة شاردة فيها
الست ؛ وين صرتي
ام معتصم : اااه
الست : وين شاردة
ام معتصم : هالبنت مو مرتاحتلا ابدا لازم طفشها من هالبيت بأسرع وقت
الست : معك حق وانا كمان مو مرتاحتلا
ام معتصم : الله يسامحك يا معتصم على هالاستفقادة .. نحنا بس ناقصنا نَوَر بهل البيت .. لو شوي فهمانة كان الواحد اخد وعطا معها بس مابتفهم الطيخ من البطيخ
الست : وينها
ام معتصم : مابعرف وين انقبرت
الست : قومي معي
ام معتصم : ع وين
الست : انبش بغراضها بركي بنلاقي شي
ام معتصم : شوبدنا نلاقي بين شراميحها
الست؛ لتكون عم تسرق وعم تخبي شي عننا
ام معتصم : معك حق بس بركي اجت
الست : اي وتجي شوبدا تعمل يعني بنقلا عم نشوف زوقك اذا بيتناسب مع عليتنا .. قومي قومي
~~~~~~~~~~~~~•
غفران عم تشرب القهوة مع باسل
باسل ؛ العما ولو معقول في هيك
غفران : طلع في
باسل : عأساس هدول محسوبين ع المجتمع المخملي
غفران : هه ... بس عم نتسلى ولو
باسل : ملا تسلاية
غفران : المهم هاد بدي اياه يضل بالمنفردة مابدي يقدر يتواصل مع اي حدا برا
باسل : بنشوف .. بس بدنا حدا يشتكي عليه
غفران : انا بيمشي الحال
ابتسم وشرب شفة قهوة وقال ؛ بيمشي
~~~~~~~~~~~•
كان جاي معتصم والتقى بغفران عباب الفيلا
صف سيارتو ونزل ومشي لعندا
معتصم : وين كنتي
غفران ؛ عند خالتي
معتصم : كيفها
غفران : الحمد لله
دخلو ع الفيلا وكانو مجتمعين على سفرة الغدا وعيونن عليهن بس غفران ساقت نظرها لعند بتول يلي لونها مخطوف وعم تطلع عليها بتوتر
سلمو والباقي رد السلام
غفران : حماتي بتحبني جينا بالوقت المناسب مو هيك حبيبي
معتصم : هيك .. رح غسل واجي
غفران راحت سحبت كرسي وقعدت
معتصم : مابدك تغلسي
غفران ؛ ادي نضاف
معتصم : كنتي برا يعني ملوثين .. قومي غسلي وتعي كلي
غفران : متعودة اكل بدون ماغسل بدك تغسل غسل لا تعلمي قصة
ابو معتصم : في وحدة بتحكي مع جوزها هيك مشاء الله على هالتربية
ام معتصم : عالقليلة احترميه قدامنا
الست : نسوان اخر زمن
عامر : شبكن ولو ماخربت الدنيا
غفران ؛ دايمة
قامت وطلعت عغرفتها ومعتصم لحقها بهدوئو المعتاد
فتحت الغرفة ودخلت وهو دخل وراها
معتصم : غسلي وخلينا ننزل ناكل
غفران : لا مشكورة مابدي غسل ولا بدي اكل من اكلكن يلي مابيتاكل
معتصم : هلق بتجوعي
غفران : شكرا شبعانة ببيت اهلي
معتصم : تسطفلي
غفران : اي مسطفلة
دخل عالحمام وحكت بصوت عالي ليسمعها : لاتنسى تغسل منيح ولمدة ٢٠ ثانية مشان ماتكون في جرثومي معلقة هون ولا هون
ابتسم وفتح المي وبلش يغسل اديه