رواية عريس دليفري الفصل الثاني2 بقلم فاطمة الزهراء
وقف قدامهم ومركز مع كارما وهى كانت متوترة رجع قعد على الكرسي
جواد بتسليه : عاوزك تمثلي إنك حبيبتي لمدة أسبوعين
كارما بصدمه : إنت بتقول أيه أنا مستحيل أوافق
جواد : تمام هنادى على العسكرى ينزلك عند البنات هى ساعة واحدة وهتوافقي بارادتك
تسنيم بخوف : أنا موافقة وبلاش ننزل تحت وهى كمان موافقه
كارما بغضب : انتى بتقولي أيه
تسنيم : ممكن تسيبني اتكلم معاها شوية
خرج جواد وهو بيغمز ل كارما وحدفته بملف على المكتب
تسنيم بهدوء : كارما مفيش حل قدامنا غير إننا نوافق هما اسبوعين بس ولا عاوزة نتحول للنيابه
قعدت تفكر ولاقت مفيش قدامها حل تاني وفكرت تخليه هو كمان يمثل إنه حبيبها علشان والدها ميضغطش عليها تاني .. دخل جواد وقعد على مكتبه ومتابعها
كارما بحذر : أنا موافقه بس عندى شرط
جواد بتسليه : أظن إنك مش موقف يخليكي تفرضي شروطك عليا
كارما بغضب : خلاص هننزل تحت أنا مش لعبه فى ايدك
جواد : خلاص متعيطيش قولي وافكر
كارما باستفزاز : أنا مش بعيط !! موافقه على طلبك وانت كمان عاوزاك تمثل أننا نعرف بعض فترة وتعاملني بطريقة مش كويسه علشان بابا ميجبرنيش اتجوز غصب عني
جواد بتفكير : موافق يا عروستي !!
كارما بغيظ : عروستك !! بقولك أيه أنا مجنونه أنا مستحيل أوافق عليك هى لعبه مش أكتر
جواد : انتى عروستي وأنا عريسك !! هاتي بقي العنوان علشان اكون عندكم أخر الأسبوع وننفذ الخطة يا جميل
وقفت تضرب برجلها فى الأرض ومتغاظه منه لكن قرر يلعب بأعصابها شوية
جواد : المحضر معايا علشان لو اتراجعتي متلوميش غير نفسك .. عرفيني رقم والدك علشان أكلمه وأخد ميعاد منه
اخد الرقم منها ومشيت هى وتسنيم وهما بيتشاهدوا أنهم خرجوا بسرعة .. سحر واقفه بره قدام القسم وخايفه تدخل لهم وبعد فترة شافتهم خارجين وجريوا عليها
سحر بهدوء : طمنوني عملتوا أيه وخرجتوا ازاى
تسنيم حكت لها كل حاجة وهى واقفه مصدومه وبتفكر ازاى يخرجوا من الحوار ده قرروا يرجعوا البيت الأول ويلاقوا حل
هاشم رجع العمارة ولاحظ نظرات الكل له طلع شقته وكانت فاضية واتصل ب سحر وكارما موبايلاتهم مقفوله فجأة سمع خبط على الباب راح يفتح وشاف البواب ومعاه كام واحد من الجيران ونظرتهم له شفقه هو من أول ما سكن معاهم والكل بيحترمه خاصة أنه بيساعد أى شخص يلجأ له لكن المره دي الموضوع مش بسيط
هادي : إحنا عاوزين نتكلم مع حضرتك فى موضوع مهم ونتمني تفهمنا
هاشم بتوتر : اتفضلوا الاول مش هينفع نتكلم واحنا واقفين كده
دخلوا وقعدوا البواب : الكل بيشهد بأخلاق حضرتك وعارفين إنك شخص محترم جدا لكن اللى بنتك عملته عمل قلق فى العمارة .. والناس بقوا يتكلموا علينا من يومين بدأنا نلاحظ شباب كتير بيجيوا هنا وطبعا عرفنا أنهم بيجيوا شقة الأنسه تسنيم وبيكون معاها كارما بنت حضرتك
هاشم وهو مصدوم : إنت ازاى تتكلم كده عن بنتى وبنت أخويا أنا مش هسكت على الاتهام ده
هادى : للأسف دى الحقيقة والنهاردة البوليس قبضوا عليهم
وهما بيتكلموا دخلت سحر والبنات معاها وقتها عرفوا إن هاشم عرف الحقيقة عينه عليهم وكان غضبان جدا
هاشم بحده : وأنتم عاوزين أعمل أيه الوقتي
هادي بقلق : حضرتك لازم تسيب العمارة أنا ممكن اشتري الشقق بمبلغ كويس لأن وجودكم هنا هياذي الكل واحنا عندنا بنات
هاشم : أنا مش هسيب الشقه وبالنسبه لبنتى اوعدكم هربيها من أول وجديد
مشيوا وكارما وقفت ورا سحر لكن مسك أيدها ودخلوا أوضتها وقفل الباب سحر حاولت تتدخل لكن منعها
هاشم بغضب : أنا ربيتك كده خليتي الكل يتكلم عننا تعرفي أن أصلي صعيدي ولا لأ .. عارفه أيه يتعمل فى الحاله دى القتل يعني المفروض الوقتى اقت.لك ليه عملتي كده
قعد على الكرسي وحس بتعب كارما راحت عنده وقعدت قدامه حاولت تتكلم لكن منعها دور على اللاب وشافه على الكرسي فتحه وشاف المنشور والتعليقات وكمية السخرية اللى متعرضه لها خرج وقفل الباب عليها بالمفتاح وقف قدام سحر واتكلم بصوت عالي
هاشم : كارما لو خرجت من الأوضه الكل هيتحاسب فاهمين واى واحده هتساعدها منكم متلومش غير نفسها
دخل أوضته سحر حاولت تتكلم معاه لكن رفض وراح شقة أخوه بعد ما حذرهم من الخروج بره الشقه
سالم رجع البيت وكان منتظر جواد لكن شاف شادي صاحبه قاعد بيتفرج على الماتش قعد معاه
سالم : هو جواد لسه مرجعش اتاخر ليه النهارده
شادي : كلمته وجاي فى الطريق حضرتك عاوزه فى حاجه
سالم : أيوه قررت أجوزه خلاص
شادي بضحك : تجوز جواد حضرتك بتهزر إنت عارف إنه رافض الموضوع
سالم : عاوزك تقنعه معايا وعلى فكرة عنده بنت أخ عاوزك تشوفها ولو عجبتك نطلبها هى كمان
شادي بهروب : لا أنا مش بفكر اتجوز الوقتي لسه بدرى جوز جواد الأول
دخل جواد وقعدوا يتعشوا سوا وشادى متابع نظرته لهم بعد م خلصوا قعدوا فى الصاله وقرر يفاتحه فى الموضوع
سالم بجدية : علي فكره باجواد يا بني عندي لك عروسه اننا ايه زي القمر بنت عمك هاشم ما انت عارفه
جواد برفض : مش موافق يا خالي
سالم بهدوء : ليه بس كدا هو في حد يقول مش مواقف عل طول كدا .. مش موافق ليه يا بني عند عله يعني ولا ايه حكايتك
جواد وقف وبيدور حوالين نفسه : يا خالي انا مش طفل صغير لسه علشان تحطنى قدام الأمر الواقع أنا مرتاح كده مش عاوز اتجوز
سالم : يعني ايه مرتاح كدا انت هتترهبن ولا ايه انا صبرت عليك كتتتتتير لكن واضح انت مش بتفهم افهم يا بني ادم انت لازم تتجوز وتجيب اللي يشيل اسم العيله
جواد : حضرتك محسسنى انى بنت وعنست فى ايه أنا مش هتجوز غير البنت اللى ارتاح معاها
سالم بغضب : والله في سما يا بن اختي لو ما سمعتش كلامي لا ح اكون ابن اختي ولا اعرفك انا اعطيت ميعاد للرجل يوم الخميس وانا مش عيل صغير قدامك .. والا هكلم جدك يجوزك بنت عمتك اللى مكملتش تعليمها
جواد : هو بالعافيه يعني
سالم : يعني انت صغرتني انا اللي عيل قدامك اما اعطي كلمه وارجع فيها ولا ايه بالضبط فهمني يا متربى .. يا ابن الاصول كبرت وبتعدي صوتك علي خالك كمان
جواد : يا خالي افهمني انا مش بفكر فى الجواز بلاش الأسلوب ده ارجوك
سالم بغضب : انت شايف كدا يعني انت كبرت وبتمشي كلامك علي ده انت كمان مش عجبك كلامي عموما كدا انت حدد طريقك والغيني من حسباتك تمام .. انا حطلع عيل امام هاشم وعيلته تمام باين اختي خساره تربيتي فيك ياخساره ياولاد لما صغير ياخد قرارات هوجاء وتمشيها علي رقبتي ماشي اعمل اللي يريحك وانا مش مسامحك يا بني
جواد بهدوء : خلاص يا خالي هروح معاك واقابلها بس موعدكش انى هوافق .. متزعلش منى بس أنا مش بحب الأسلوب ده
سالم برفض : لا لا باين اختي بنات الناس مش لعبه ودخول البيوت مش بالساهل يعني لما اقول حتروح يبقي عندك ضمير مش تروح سد خانه وخلاص انت كبرت واللي زيك عنده ولاد طوله
جواد : يا خالي انا لاقيت بنت خلاص بس حاضر هروح معاك ونشوف متزعلش بقي خلاص
جواد طلع أوضته وبيفكر فى طريقه يخلص بها من المقابلة دى لكن مفيش حاجه هيقدر يغيرها
كانت فى اوضتها بتعيط وقررت تنت.قم من جواد بسبب الموقف اللى هى فيه وفجأة وصلتها رسالة على الواتس
__ : مساء الخير يا جميل
كارما بصدمه: جميل !! مين حضرتك
__ : يعنى مش عارفاني ده مشاء الله بقيتي اشهر من نانسي عجرم فى مصر 😉😉
كارما بغيظ : لأ مش عرفاك عمرو دياب حضرتك يعني ولا اي 🤨
كارما : وبعدين اي اشهر من نانسي عجرم دى ليه بطلع ف ذا فويس ولا اي
__ : عمر دياب مين مش عيب تقولي اسم راجل غريب وانتى بتكلمي عريسك
كارما بغيظ : عريس ده اي🤨 انت مين ياعم انت والله لو ماقولت مين هبلكك
__ ياريت بس خايف المستمعين يجي لهم تلوث سمعي
كارما : ظريف حضرتك والله
__ ايه يا كوكو بلاش التهديدات معايا
كارما : انت مين يالا
__ خلاص كوكي ولا تزعلى
كارما : اي ياعمنا انت بتكلم فرخه كوكو وكوكى ماتظبط
__ : يالا انا بتقولى لي الكلمه دى عيب كده هاخد عنك فكرة مش تمام
كارما : طيب خد الفكره وامشي يلا
__ مقدرش ادبست فيك يا جميل
كارما : انت مين يا عم انت والله هزعلك