رواية عريس دليفري الفصل الثالث3 بقلم فاطمة الزهراء
حاولت كارما تعرف مين صاحب الرقم وفشلت فات يومين وهى فى أوضتها مش بتخرج منها والدتها وتسنيم يدخلوا لها الأكل ويخرجوا .. هاشم كان قلقان إن جواد يعرف اللى كارما عملته أو شخص يعرفه الحكاية بطريقة غلط وقرر يحكى لسالم ووعده إنه هيساعده لأنه هو كمان عاوز يطمن على جواد حاولت سحر تقنع هاشم يسامح كارما لكن رفض وقرر يكمل العقاب علشان متكررش الغلط تاني .. عند جواد نفسه يخلص من الموضوع ده بسرعه علشان يعيش حياته وفجأة قرر يكلم كارما مره تانيه من نفس الرقم .. كارما قاعده وبتفكر فى حل مش عاوزة تورط نفسها اكتر من كده وكمان بتفكر فى طريقه علشان تخلص من جواد لأنه مش هيسكت وخايفه من العريس اللى هيتقدم لها فجأة شافت رساله من نفس الرقم اللى بعت لها قبل كده قررت ترد علشان تعرف هو مين
__ مساء الخير يا جميل
كارما بقلق لأنها مش عارفه مين بيكلمها : انت مين !!وعايز ايه !!
__ نسيتي بالسرعه دى
كارما : نسيت اي احترم نفسك وقول انت مين والا هدي رقمك لخطيبى اخليه يروقك انت فاهم
__ الله كده تتخطبى من غير ما اعرف واضح انى دلعتك
كارما : واضح انك عايز تتروق حاضر انا هبعت الرقم لخطيبي واخليه يجيبك القسم عنده يتعامل معاك
__ وليه تعذبي نفسك اروح له بنفسي
كارما بغضب : وماله روح له اهو اخلص منك ومن قلة ادبك وانا هوصيه جامد
__ واحكيله على اللي بينا
كارما بغضب : بينا اي يا أخ انت احترم نفسك
__ انتى بتقولي لمين الكلمه دى
كارما : بقولها ليك هو في غيرك ويلا امشي من هنا بدل ما اروقك قبل ماهو يروقك
__ ياتري اهلك فى الصعيد هيعملوا ايه لما يعرفوا
كارما بخوف : يعرفوا اي ما تحترم نفسك انا اعرفك اصلا
__ اعلان الجروب يا جميل
كارما : انت مين وعايز اي
__ عاوز اتجوز
كارما : ماتتجوز وانا مالى
__ انتى العروسه وأنا العريس
كارما بصدمه : نعمممممممممم واضح إنك واحد مجنون
__ اللى قراتيه
كارما : لأ حضرتك اكيد غلطان ف العنوان انا مخطوبه وخطيب ظابط وهنتجوز قريب روح شوف حالك بعيد بقى
__ لا طبعا قلبي دلني على العنوان
كارما: ياعم انت مجنون ولا اي بقولك مخطووووووووبه وهتجوز قريب وخطيبى ظاااااااااااابط اي مش خايف
__ مجنون بكى يا حبيبتي
كارما : انت قليل الادب انا مش هرد عليك تانى وصدقنى هبعت رقمك لخطيبى
__ وياتري هيصدقك مش هو اللى قبض عليكي برضه
كارما : شئ مايخصكش والله
.. وبعدين انت هتصاحبنى ولا ايه انت مالك !!
__ ياريت نتصاحب يا حبى
كارما : وبعدين تعالى هنا انت عرفت منين أنه هو إلى قبض عليا
__ عيب تغلطي فى جوزك المستقبلي يا حبيبتي
__ أنا عارف كل شئ عنك من يوم ولادتك لغاية النهارده
كارما بصدمه : انت مين 😡
ماشي عرفت ازاى ومنين اي ظابط انت كمان
__ يا ولاد بلدنا يوم الخميس هكتب كتابى وأبقى عريس
الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا
حكتب كتابى عالحلوه زوبه
وافقت عليا من خطوبه
ابوها قالى ليه السؤال ده انت فى بلدنا زينة الرجال
انا اشتريتك عشان لاقيتك كسيب وعتره وحمش فى بيتك
ومادام عايزها حتبقى جوزها الغالى لجلك يبقى رخيص
اكتب عليها يوم الخميس
الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا
حعملها ليلة ولا كل ليلة
كارما : انت مجنون بجد
__ قلتلك عارف عنك كل شئ وعارف أن والدك مانعك من الخروج .. اللى يشوفك ويحبك لازم يكون مجنون
كارما : ومش عارف انى مخطوبه وهتجوز كمان وبحب خطيبى وهو كمان بيحبنى يبقى تحترم نفسك وتغور
__ بتحبيه من امتى شوفي حد غيرى قوليله الكلام ده
كارما : ماليكش دعوه قولتلك
__ امال مين له علاقه
كارما : مالكش دعوه قولتلك الله
__ طيب بقولك ايه البسي فستان طويل يوم الخميس وبلاش مكياج كتير
كارما بعصبية : ياالله صبرنى يارب أنت مين ياعم انت بقى الله
__ افرحى يا عروسه انا العريس
كارما : انت مجنون بجد مجنون وانا مش هرد عليك تانى الا لما تقولى انت مين
__ انا عريسك افهمهالك ازاى اكتر من كده
علياء : الاسم
__ عريسك
علياء بتفكير : ايوه عريسي ده مالهوش اسم
__ جواد يا كوكو
كارما : انننننننننننت 😡
جواد : مين غيري معاه رقمك يا هانم
كارما بدموع : أنت مجنون وبجد مش طبيعي أنا مش هكمل الاتفاق الحبس أسهل عندى من التعامل مع واحد زيك
جواد فكر شويه وعرف أنه زودها معاها : أنا أسف !!
كارما : أسفك مرفوض وعلى فكرة فيه عريس متقدم ليا وبابا وافق عليه يعني خلاص اللعبه خلصت يا حضرة الضابط
قفلت الموبايل خالص ودخلت تسنيم شافتها بتعيط ضمتها بهدوء ولاحظت رعشتها وخوفها نادت على سحر بعد ما أغمي عليها .. هاشم استدعى الدكتور وبعد كشفه عليها بلغهم بتعرضها لصدمه عصبيه طلب من سحر و تسنيم يخرجوا وهو قعد معاها وبيفكر هل يضغط عليها علشان توافق على الجواز ولا يتراجع فضل معاها لغاية الصبح سحر جابت لها الفطار وخرجوها من اوضتها رغم اعتراضها قعدوا يفطروا سوا وبعدين خرجوا علشان يشتروا فستان لكارما ولأول مره تلاحظ نظرات الجيران
لها بعد رجوعهم سمعوا خبط على الباب وكان عامل فى محل أزهار معاه بوكيه ورد قدمه لها أخدته وهى بتفكر مين ممكن يبعته لها أخدته وقعدت محتاره
عند جواد قرر يعتذر لها وبعت الورد شادى دخل عنده لاقاه مش معاه
شادي : بتفكر فى أيه يا عريس
جواد : أنا تقريباً حبيتها
شادي بتعجب : نعم !! حبيت مين اعترف
حكى له كل شئ وشادى كان متفاجئ من تغيير صاحبه وعرف إنه فعلا حبها بس جواد بيفكر حبها ازاى وامتى وهو ميعرفهاش غير من كام يوم لكن قرر يلغي اللعبه ويحولها حقيقه وتاني يوم لبس علشان يروح مع خاله يقابل العروسه اللى اول مره هيشوفها وبعدها يروح عند كارما مش عارف إنها العروسه 😁😁
كارما لبست الفستان وقاعده فى أوضتها وسمعت صوت الجرس دخل سالم وجواد ومعاهم شادي تسنيم وقفت مصدومه وجواد كمان متوقعش تكون موجوده عاوز يعرف سبب وجودها أيه قعدوا يتكلموا شوية
سالم بضحك : هى كارما مش هتخرج تقابلنا ولا ايه
وكانت صدمه جديدة لجواد اتكلم مع خاله بصوت واطي : هى العروسه اسمها كارما
سالم بهدوء : أيوه يا جواد واتمنى متحرجنيش مع صاحبي
تسنيم دخلت تعرف كارما إن العريس جواد وأنهم منتظرينها بره وفعلا خرجت ولاحظ تعبها سلمت على سالم وقعدت جنب والدها
سالم : بصراحه بقي أنا النهارده جاى وطالب ايد كارما لجواد ابن اختى وكمان تسنيم ل شادي صاحبه رأيكم أيه
هاشم سكت لانه متوقعش إنه هيتكلم غير عن كارما
هاشم : طيب نعرف الأول رأى كارما وبعدين نشوف تسنيم
جواد : لو سمحت يا عمي ممكن أتكلم شويه مع كارما
هاشم بابتسامه : تمام ادخلوا الانتريه اتكلموا فيه واحنا معاكم هنا
دخلت وهو دخل وراها كارما بهدوء : نعم يا حضرة الضابط ايه خطتك الجديدة أطمن هخرج أبلغهم رفضي وأعفيك من الحرج مع خالك
مسك أيدها بصت له بغضب : أنا بحبك وعاوز أتجوزك
كارما بسخرية : نعم !!