رواية القصه واللي كان الفصل السابع عشر17والثامن عشر18 بقلم رحاب القاضي

رواية القصه واللي كان الفصل السابع عشر17والثامن عشر18 بقلم رحاب القاضي

إن الصمت هو صراخ من النوع نفسه أكثر عُمقاً، و أكثر لياقة بكرامة الانسان...

نور بضيق

يعني مش هتحضري خطوبتي وكتب كتابي ي سالي، ده انا اجلتها مخصوص لحد متخلصي امتحاناتك وفالاخر تروحي المنيا ومتبقيش معايا فاليوم المنيل ده؟..

سالي بضحكه هادئه

ي حجه مين قالك مش هحضرها، احنا هنروح يوم او اتنين بالكتير، وانتي خطوبتك الاسبوع الجاي..

سعاد بجمود

والنبي انا معارفه خطوبة اي دي اللي لا العريس بيكلم العروسه ولا بيخرجو ولا اي حاجه من اللي بيعملوها المخطوبين دي..

نور بضيق

مانا لما بخرج معاه او نتكلم بنتخانق فقولت بلاش منها احسن لبعد الخطوبه..

سالي بهدوء

طيب مانتو مش متفقين اهوو يبقي بلاش منها الخطوبه..

نهرتها سعاد بغضب

فال الله ولا فالك انتي كمان..

تابعت بنفس نبرتها وهي تنظر لنور

هو الراجل مفيش من ناحيته حاجه، هي اللي كل ميجي او تخرج معاه تبقي قالبه خلقتها وتردله الكلمه بعشره، ولا وشها بتبقي عامله زي اللي مايتلها ميت، وعامله زي لي ده اخر حاجه ع موضوع الخطوبه، انا راضيه زمتك ي سالي توني ميت ليه٤٠ يوم امه واميره جم وقالولها تفرح وتعمل خطوبه والدنيا عادي الهانم مرضيتش وقالت هتبقي خطوبه ع الدايق فالبيت ولا حتي زغروته ولا اغنيه تشتغل..

نور بغيظ

ماما انا داخله اتخمد عشان لو فضلت قاعده فوشك انتي مش هتبطلي كلام فالحوار ده وانا دماغي بتلف لوحدها...

سالي بهدوء بعد ان ذهبت نور

براحه عليها يا مرات خالي مش كده وسيبيها براحتها..

سعاد بضيق

سيبك انتي من نور دلوقتي، ازاي ي بنتي هتسافري وانتي فبداية حملك كده..

سالي بصوت هامس

وطي صوتك ي مىات خالي انا مش عايزه حد يعرف بعدك غير يحي..

اجابتها سعاد

طيب ومقولتلوش لي لدلوقتي؟..

سالي بابتسامه هادئه

عشان لو قولتله هيأجل السفر وانا مصدقت وافق...

سعاد بهدوء

طيب ي حبيبتي ربنا يقومك بالف سلامه ياارب،وخلي بالك من نفسك وتخليه يسوق بالراحه..

سالي بأيماء

حاضر ي مرات خالي..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وفي المكان الخاص بمقابلات خالد ويحيي وسليم، كانو يجلسون سوياً وتحدث يحيي قائلاً بحده..

يحي

البضاعه جات من يجي شهر ي خالد وانت قولت هتعرف تجيب عدنان ومجاش..

خالد بهدوء

اهدي طيب عدنان هيجي انا كل ده كنت بحاول اخلي جيدا متسافرش وتفضل هنا وهي قعدت..

سليم بجديه

وهي جيدا اللي هتجيبه يعني؟..

خالد بجمود

ايوه جيدا اكتر حد عدنان بيثق فيه يمكن اكتر من ابوه اللي هو مندور نفسه، وهي الطريق الوحيد اللي هيساعدنا نوصل لعدنان..

يحي بنفاذ صبر

ي عم كل ده ماشي، هنجيبه ازاي ده المهم..

خالد بابتسامه هادئه

لو خالي تعب وحالته بقيت صعبه جدا، عندنان هينزل لابوه..

يحي بتفكير

استني مندور مش هيسمحله ينزل..

سليم بابتسامه ماكره

مهي دي مهمة البت اللي اسمها جيدا صح ي خالد..

اجابه خالد بهدوء

بالظبط كده، بس المشكله فهنخلي مندور يتعب ازاي..

نهض يحي من مجلسه واجابهم بهدوء

دي مهمتي انا..

سليم بقلق

انت هتعمل اي، احنا مش عايزين حد يشك فينا..

يحي بهدوء

اطمن الموضوع محلول، همشي انا ع المنيا بقي..

خالد بجديه

متتاخرش ي يحي عشان بعد اسبوع اول عمليه هتم فمصر..

يحي بابتسامه مرحه وهو يذهب للخارج

ده لو تمت بس..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_ وبعد قليل في منزل سليم وضعت حجابها وقامت بفتح الباب الذي كان يطرق، لتجد فارس يقف امامها وتلك النظرات المليئه بالحزن واللوم مصوبه بأتجاهها..

الهام بهدوء

ازيك ي فارس..

اجابها بجمود

كويس، سليم هنا؟..

الهام بتعجب

لا مش هنا هو طلع من شويه وقال رايح الجامعه عشان يشوف حل فرسالة الدكتوراه بتاعته، افتكرك معاه هناك..

فارس بقلق

جامعة اي، سليم اترفد من الجامعه من لما اتقبض عليه ومجاش تاني خالص وانا مشوفتوش من لما خرج وقولت اسأل عليه..

_اتت لتجيبه ولكن قطع حديثهم صوت سليم الذي جاء للتو..

سليم بحده لفارس

اي اللي جابك وعايز اي؟..

الهام بتوتر

ي سليم فارس كان ديما معانا وقت مكان مقبوض عليك، الراجل كتر خيره..

سليم بغضب

فعلا كتر خيره، بيريح ضميره بقي الراجل..

فارس بهدوء

ي سليم بلاش الكلام ده ليا انا، مكله كان قدامك وكان غصب عني،كنت خروح معتك.في ستين داهيه انا كمان..

الهام بقلق

في اي حد يفهمني، وتعالو ادخلو جوه بدل الوقفه اللي ع الباب دي..

سليم بغضب

مش هيدخل جوه عشان اللي كان سبب فدخولي السجن واعترف عليا زور وكدب ميستهلش يكون صاحبي..

الهام بصدمه وعدم تصديق

ده بجد انت عملت كده ي فارس؟..

فارس بحزن

والله غصب عني، انا مكنش فايدي حاجه تاني اعملها وكله كان قدامك ي سليم..

اجابه بحده

امشي ي فارس ومتورنيش وشك تاني..

_دلف سليم داخل المنزل ومعه شقيقته مغلقاً الباب بوجه فارس..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وفي ذلك الوقت كان يحيي يقود السياره بهدوء وهو ينظر امامه بشرود شديد، اما هي كانت تجلس بجواره وهي تنظر من النافذه بابتسامه هادئه، وما ان نظرت له حتي لاحظت ملامحه الغاضبه فأردفت بجمود..

سالي

لو المشوار هيدايقك نرجع ي يحي خلاص..

اجابها بهدوء

مش مدايقني ي سالي، بس في كام مشكله فالشغل شاغلين بالي بس...

اجابته بهدوء

خير ان شاء الله...

يحي بجديه

بصي عشان نبقي متفقين ماما وياسين وعائشه حاجه والاسطي عادل حاجه تانيه خاالص..

سالي بتوتر

انت هتخوفني لي، عائشه قالتلي انه طيب جدا..

اجابها بسخريه لازعه

مهي دي المشكله انه طيب جدا وبزياده..

_عادت به ذاكرته للخلف، لذلك اليوم الذي خرج فيه من السجن..

ـ كان يجلس بجوار والدته وشقيقه وشقيقته الذين لم يراهم طيلة السنوات التي ظل بها وحيدا فذلك السجن..

قمر بدموع وابتسامه حزينه

حمد لله ع سلامتك ي حبيبي نورت بيتك..

اجابها بهدوء

ده نورك ي ماما..

اردف ياسين بمرح

بس قولي ي يحي هما فالسجن كانو بيشيلوك حديد ولا اي، ده انت بقيت ولا الشحات مبروك..

يحي بضحكه هادئه

اي يلا اللطافه اللي بقيت فيها دي..

عائشه بابتسامه واسعه

هو ااه بقي شبهك اووي فالشكل بس مش واخد خفت دمك خالص، ده واخد رخامة الدنيا كلها....

ابتسم يحي ع حديثها ولم يجيب عليها بشئ.. فاردفت هي بحزن

لا بقي هو في اي؟..

ياسين

في اي انتي حد كلمك ي بت انتي..

اجابته بدموع

يعم اخوك من لما دخل واخدك انت بالحضن وماما وقمر وعندي انا بالعافيه مد ايده يسلم عليا ودلوقتي مش راضي حتي يكلمني كويس..

اردف بدموع متحجره

هتصدقيني لو قولتلك مش قادر ابص فعينك، او خايف اكلمك اصلا..

امسكت يده واجابته بابتسامه هاديه من وسط دموعها

ولي كل ده، انت مكنش ليك ذنب بالعكس انت دمرت حياتك كلها وانت بتدافع عني ولو حد لازم يكون حاسس بالذنب فهي انا مش انت..

مسحت قمر دموعها واردفت بهدوء

اي اللي فتح السيره دي تاني الموضوع خلص خلاص واللي عدي ننساه واللي عملو فينا كده ملهمش وجود فحياتنا..

تابعت وهي تشير لعائشه

مرزوعه عندك لي قومي جهزي معايا الاكل يلاا..

_دلف للداخل فذلك الوقت والده الذي كان ينظر امامه بحزن شديد..

ياسين بمرح

بابا تعالي، يحي خرج من السجن..

_نظر له عادل بدموع متحجره، فحين بادله يحي النظرات باخري مبتسمه ومليئه بالاشتياق..

قمر

بابتسامه هادئه: اي ي عادل مش هتاخد ابنك فحضنك وتقوله حمدلله ع السلامه..

اجابها عادل بدموع

هاخده فحضني، بس بعدها هطرده من هنا..

_نظر له الجميع بقلق، فحين اختفت ابتسامة يحي وهو ينظر لوالده بعدم. تصديق..

قمر بقلق

قصدك اي، هو ده وقت هزار ي عادل؟..

عادل بدموع وجديه

مبهزرش خليل قالي مش هينفع يقعد هنا والا هيرجعه السجن تاني وهيأذينا فلازم امشيه من هنا..

_انهي حديثه ثم تقدم من يحي وجذبه من ملابسه بقوه وذهب به للخارج المنزل، وقام بدفعه بقوه امام الجميع..

وصاح فيه بقوه وهو لا ينظر له

امشي من هنا انا مش هقعد فبيتي واحد رد سجون..

_اتت ضحكات عاليه من جوارهم وما كان هذا الا خليل الذي يقف خارج سيارته يرمق يحي بشماته واردف ببرودد.

خليل

جدع ي اسطي عادل، احنا مش عايزين الحته تتوسخ بالاشكال دي..

نظر هو لوالده بدموع هبطت بالفعل ع وجنتيه واردف لوالده

همشي حاضر ي حج عادل، مكنتش اتوقع ابدا ان يوم ملجأ ليك وانا مكسور انك تكمل عليا بالشكل ده عشان ترضي الباشا، انا همشي ومش هرجع تاني ي بابا اطمن..

_نظر له والده وهو يغادر ويمسح دموعه بطرف يده،وكتم غصته فهو خايف بقوه ع عائلته من بطش وقوة ذلك اللعين خليل..

ياسين وهو يذهب خلف يحي

استني ي يحي انا هاجي معاك..

صاح به والده بقوه

لو اتحركت وراه خطوه واحده هكسرلك رجليك، خد امك واختك واطلع فوق يلااا..

_نظرت له قمر بحزن شديد ولوم اكبر وذهبت للاعلي ودموعها لا تكف عن الهطول والان ذهب ابنها ولا تعلم ماذا سيحل به..

_فاق من شروده ع صوتها واصبحت دموعه تلمع بعيناه بقوه..

سالي بقلق

اي السرحان ده كله، روحت مني فين؟..

اجابها بتنهيده طويله

فاخر مره روحت فيها بيتنا وازاي ابويا طردني باكتر طريقه مهينه فاكتر وقت كنت محتاج اهلي جنبي فيه..

سالي بعدم تصديق

هو عمل كده، لي طيب؟..

اجابها بدموع هبطت بالفعل

عشان انا بقيت رد سجون، او بمعني اصح عشان اللي كان السبب فسجني هو اللي طلب منه يعمل كده والحج عادل طيب اووي وبيخاف ع عيلته اووي فنفذله طلبه..

سالي بفضول

وانت عملت اي بعد كده، جيت لخالي صح؟..

يحي بجمود

اختيار اجي لخالك اخر حاجه لجأت ليها، انا حاولت اشتغل فالمنيا اي حاجه، اي حاجه بجد حتي فقهوه روحت اشتغل لقيت كله خايف مني وكاني فعلا مجرم وقتال قتله، وفالاخر افتكرت عرض خالك اللي عرضه عليا فالسجن وانا كنت ع تواصل مع خالد حتي هو الوحيد اللي كان بيجي يزورني فالسجن بعد مخرج، فكلمته وجيت عندكم..

اجابته بابتسامه هادئه وهي تحتضن يده بكفها الصغير

كويس وملقتش شغل عشان جيت وشوفتك وبقيت فحياتي..

قبل يدها بهدوء واجابها بنفس نبرتها

لو هدور فاللي حصل من اول مدخلت السجن لحد دلوقتي ع حاجه حلوه فمش هلاقي غيرك ولا احلي منك..

_توردت وجنتيها بخجل وابتسمت بهدوء وهي تنظر ليديها الممسكه بيده بصمت، ابتسم هو ايضا ع خجلها الذي يزيدها جمالا فوق جمالها، ثم اوقف سيارته امام احد الاماكن التجاريه البسيطه واردف بهدوء..

يحيي

هنزل اجيب سجاير، اجيبلك حاجه معايا..

اجابته بابتسامه واسعه

ايوه هاتلي عصير وايسكريم وحاجه اكلها عشان جعانه اووي وشوكلاته..

يحي بمرح

تعالي كوليني ي سالي بالمره..

لكمته بخفه فكتفه وهي تضحك بهدوء واجابته

ي رخمم، بطل بخل..

اجابها وهو يذهب من السياره

حاضر ي قلبي هبطل بخل..

_ذهب هو الي ذلك المحل التجاري تحت متابعتها له من السياره وابتسامتها الواسعه التي لم تفارقها، ثم وضعت يديها ع بطنها..

واردفت بابتسامه سعيده وعينان لامعتين بفرحه كبيره

بابا هيفرح اووي لما هيعرف انك هنا ي حبيب ماما، او حبيبت ماما اكبر يلا عشان اعرف اكلمك كويس..

_لاحظت مجيئه فصمتت وهي تحاول اخفاء ابتسامتها...

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وفي شركة عمر عزام يجلس امامه شوقي ويتحدث بابتسامه صفراء مثله، ورد عليه عمر قائلا بخبث..

عمر

امم يعني انت جاي ي شوقي وعايزني اجبر سليم انه يديك ابنك؟..

شوقي بتوتر

ده من عشمي فيك والله ي عمر بيه وبعدين احنا بقينا نسايب وقولت انك مش هتبخل تساعدني خصوصا ان الواد سليم بقي تحت امرك دلوقتي..

عمر بجمود

والمقابل؟..

شوقي بتوتر اكبر

ااا انا يعني..

قاطعه ببرود

بص يا حبيبي مانا مش بتاع اعمل الخير وارميه البحر، عمر عزام مش كده ي شوقي انا كل حاجه بعملها لو مش مستفيد منها مش هعملها..

شوقي بقلق

اللي تطلبه ي عمر بيه، المهم ابني يرجعلي..

عمر بحقد شديد

خالد اخوك...

شوقي بخوف حتي بدات قطرات العرق تظهر ع جبهته

ماله خالد؟...

عمر بنفس نبرته الحاقده

يبعد عن نور وخطوبتي تتم لا جوازي كله يتم من غير م اخوك يعمل حاجه، عشان هدوءه ده مقلقني وانا مش عايز ادخل بينا دم واحنا نسايب..

شوقي بخوف شديد

دم؟!...

اجابه عمر بحقد

ااه دم، عشان اللي هيفكر يبعدها عني هدبحه ي شوقي..

_عندما ذكر امامه تلك الكلمات بدون قصد جعل شوقي يرتعش خوفاً واخذت تظهر امامه صور لاشخاص مذبوحين ودمائهم تغرق يديه، فأنتفض بقوه..

عمر بتعجب

متخفش انا قولتلك مش عايز دم فالموضوع، عشان كده مقابل ارجعلك ابنك تبعد اخوك تماماً عن حياتي انا ونور..

شوقي بتوتر وهي يقوم بتجفيف جبهته بيده

اللي تشوفه، خالد مش هيقرب منها تاني لا بزين ولا بوحش، حتي انا مخلي مراتي تدورله ع عروسه اهو يتشغل فيها..

عمر بابتسامه واسعه

حلوه الفكره دي جوزوه واخلصو منه..

شوقي بقلق

وابني..

عمر بهدوء

دقيقه هجيب سليم وهخليه يجيبلك ابنك لحد عندك ولو عايز مراتك ترجع كمان اخليه يجيبها..

شوقي بغضب

لا خليها انا عايزها ترجع لوحدها،المهم اخد تبني منها وبس..

_ يوجد. حولنا الكثير من عينة عمر وشوقي يستغلون ضعف الاخرين ويتمتعون بتعذيبهم كي يفتخرون بقوتهم ولم تكن هذه قوه بل قمة الضعف الذي يحاولن انكاره بهذه الافعال، ولكن هل سيدوم ظلمهم ام. للقدر رأي اخر؟

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وفي منزل مندور كانت تقف نور ع السطح الخاص بمنزلهم وهي تعقد ساعديها امام صدرها وتنظر امامها بشرود ودموع متحجره، وكل ما يمر بخيالها ولا تستطيع طرده هو وذكرياتهم سوياً منذ الطفوله حتي الان، اللعب سويا والركض بجميع انحاء الحي، وهو يمسك بيدها ويصلها الي مدرستها وايضا تعنيفه لها عندما كانت تلعب مع احد غيره، وعندما كبرا وهما يذهبان للخارج سوياً بمفردهم وهداياه والاعياد وتلك العيديه التي تاخذها منه قبل ان تأخذ من والدها، حتي ملابسهم التي كانو ينتقوها سوياً حتي يظهران مميزين عن الجميع، هبطت دموعها بقوه وهي تتذكر تلك الاشياء..

_انتفضت بفزع ما ان استمعت لخطوات خلفها، فمسحت دموعها واستدارت لتجد من، وما كان الا هو يدلف خارج تلك الغرفه التي توجد ع السطح وهو يرتدي قميص بدون اكمان ابرز عضلاته بشكل جيد وملامحه يبدو عليها النوم وشعره ينزل ت جبينه ليعطيه شكل جميل للغايه..

اردفت بجمود وهي تشيح بنظرها للجهه الاخري

معلش مكنتش اعرف انك هنا؟..

اجابها بجديه

بتبكي لي؟..

نور بحده

ملكش دعوه..

اتت لتغادر ولكنها استدارت له واخذت تنظر له بغيظ واردفت

هو انت هتحضر خطوبتي انا وعمر ولا مش هتبقي فاضي وهتبقي مع الهانم اللبنانيه..

ابتسم بهدوء وهو يمسح ع وجهه بيده واجابها

لا طبعا ده انا افضالك مخصوص ي نور..

تابع وهو يقترب منها بقوه

وكمان لو عايزاني انزل اختار معاكي فستان الخطوبه موافق..

ابتعدت عنه بغيظ واردفت

لا شكرا مستغنيه عن خدماتك..

_اتت لتغادر فجذبها من زراعها بقوه له فارتطمت به وهي تستند بكفيها ع صدره وحاوط خصرها بيده الاخري واصبح وجهها احمر بخجل شديد اردفت بتوتر شديد وهي تحاول الافلات منه..

نور

انت بتعمل اي اوعي كده خليني انزل..

اجابها بصوت هامس وهو يقترب بوجهها منها

مالك بتتنفضي لي اهدي ده انا خالد ي نور..

_حاولت دفعه عنها بقوه ولكن الاخر كان محكم قبضته عليها فاجابته بغضب..

نور

انت اتجننت ي خالد احنا ع السطوح، وبعدين انت من امتي بتتصرف كده معايا..

اردف بابتسامه واسعه

من النهارده، انا حر وبراحتي..

_انهي جملته ثم قام بتقبيل وجنتها، لتتسع مقلتيها بصدمه من فعلته الجريئه هذه، فدفعته بقوه فحين ابتعدت هو عنها وهو يضحك بهدوء..

صاحت به بغضب

انت فاكر نفسك اي، وعايز توصل لاي بطريقتك دي، انت بجد كل يوم بتنزل من نظري اكتر من اللي قبله..

اجابها بنفس هدوءه

انا عمري منزلت من نظرك، ولا عمرك هتقدري تبطلي تحبيني بلاش تكدبي ع نفسك..

نور بحده

انت عايز اي، ارحمني بقي وسيبني فحالي..

اجابها هذه المره بغضب

مش هسيبك ي نور، انا سايبك تغلطي دلوقتي براحتك عشان لما اديكي ع دماغك محدش يلومني، ولولا اني واثق انك مش مديه للزفت اللي بتقولي خطيبك ده ريق حلو انا كنت دفنتك قبل متفكري تتخطبيله، بس انا عارف انك مع اي راجل غير خالد بتبقي عسكري...

اردفت هذه المره بغيظ وغضب

لا غلطان، بس ع فكره انا ظلمت عمر لان القلم اللي اديته لعمر لما باسني فعربيته كان لازم انت تاخده، بس معلش انا هقوله ع اللي حصل وهو بقي يديه ليك راجل لراجل..

خالد بابتسامه ساخره

دوري ع غيرها ي نور، مش هتغاظ كده انا لان عارفك بتكدبي..

نور بنبره واثقه

مش محتاجه اكدب واقولك ضربته لانه باسني، كنت قولت باسني بس مثلا، وبعدين هو خطيبي وقدام الناس كلها انا وهو لبعض وبنبقي فالعربيه لوحدنا اغلب الوقت و..

صاح بها بغضب

غوري من وشي ي نور، انزلي عشان مرمكيش من فوق يلاااا..

_انتفضت بخوف من نظراته التي اشتعلت بغضب شديد، وركضت للاسفل، فحين دفع هو المقعد الخشبي الموجود ع السطح بقدمه..

واردف بغضب شديد

ماشي ي نور وحياة امك لاربيكي ي بت الجزمه واربي الو*** التاني ع اليوم اللي فكر يقرب منك فيه..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وبمكان اخر تقف فرح بالمطبخ الخاص بمنزلها وهي تعد وجبة الغداء، فجاء هو ووقف خلفها وهو ينظر لها بهدوء، استدارت هي كي تجلب بعض الاشياء وما ان راته يقف خلفها شهقت بفزع واردفت بانفاس متسارعه

فرح

في اي واقف كده لي ي محمد؟..

اجابها بهدوء وهو يدلف للدخل

لا مش واقف انا كنت داخل اشرب مش اكتر..

فرح بقلق

مكنت ناديتبي طيب وانا هجيبلك..

اجابها بابتسامه هادئه

انتي مش فاضيه فقولت اقوم اجيب انا،وبعدين انا متشلتش يعني عشان مقدرش اقوم اجيب كوباية مايه..

فرح بسخريه وهي تعود لما كانت تفعله مجددا

ع الاساس انك الاول كنت مشلول يعني..

ضحك بهدوء واجابها

مانا قولت هحاول اتغير فتخليكي جدعه وتعدي اللي عدي اللي حصل زمان..

نظرت له بجمود ونظرات تحمل الكثير من اللوم فاردف هو بهدوء

عشان كريم يستاهل تضحي صح؟..

اجابته وهي تترك ما تفعله

معاك حق، اتفضل بقي ضحي ي عم المتغير وبما انك فاضي جهز باقي الغدا، عارفه انك بتعرف تطبخ..

_نظر لها بغيظ وحاجب مرفوع وهو يرمقها بجمود، فبادلته بابتسامه ساخره وعادت لعملها..

محمد وهو يقترب منها بهدوء

بصي انا طبعي رخم عارف، بس هتنازل عنه واساعدك نجهز الغدا تمام..

اجابته بهدوء

اللي يريحك..

اخذ يقطع بجوارها بعض الخضروات واردف بجديه

ماما عايزانا نتغدا عندها بكره، اي رئيك؟..

اجابته بتنهيده ضيقه

ممكن ناجلها ليوم تاني لان بكره الصبح كريم عنده تدريب فالنادي و..

قاطعها بهدوء

انا بقول غدا مش فطار..

فرح بضيق

هو مش اليوم اللي هنتغدي فيه عند طنط انا بروح من الصبح اجهز الاكل؟..

محمد بجمود

لا انتي معزومه هناك وبس ولو عايزه تعملي حاجه فبراحتك، انما ماما انا جيبتلها طباخه ومساعده..

اجابته بابتسامه رقيقه

لا واضح انك اتغيرت، ع العموم تمام نروح..

محمد بهدوء

ع فكره ضحكتك حلوه اووي ي فرح...

اجابته بغيظ

منه لله اللي كان حارمني منها...

محمد بضحكه هادئه

ماشي لقحي عليا براحتك..

_بادلته هي الضحك بهدوء، ثم بدأ يجهزان الطعام سوياً وكان هناك صغيرهم يراقبهم من الخارج وهو سعيد للغايه بهدوء والديه...

ــــــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ــــــــــــــــــــــــــــــــــــــــــــــــــــــــ

_دلف سليم لمنزله ليجد شقيقته تجلس بجوار صغيرها بهدوء، فأغمض عيناه يكبت دموعه وهو يتذكر ما حدث منذ قليل..

_فلااااش باااك..

ـــــــــــــــــــــــــــــ

سليم بجمود

لو سمحت ي عمر بيه انا مش عايز ادخل الامور الشخصيه فالشغل و..

عمر بهدوء وهو يجلس امامه ع مكتبه بشموخه المعتاد

مين قلك اننا بنتكلم فالشغل، انا دلوقتي بكلمك وكأني بكلم اخويا الصغير..

سليم بنظرات جامده

ده شرف ليا ي افندم..

عمر بخبث

يبقي تسمع الكلام ادي الولد لابووه كام يوم وبعدين ابقي روح خده منه..

سليم بغضب مكتوم

وهو شوقي هيرضي يرجعه، وبعدين اختي ازاي اخد ابنها منها و..

عمر بحده

جرا اي ي سليم الولد هيروح عند ابوه مش هنخطفه، وبعدين هو جه قاصدني ياخد ابنه وانا مبحبش اكسف حد من حبايبي وده بقي ابو نسب يرضيك اكسفه، عيب ميصحش..

سليم بجمود وحده

وانا اسف مش هقدر اكسر اختي واخد ابنها منها حتي لو كان هيروح عند ابوه..

عمر بغضب

ماشي بس من اللحظه دي اعتبر نفسك مرفود من هنا ولا اي حد هيرضي يشغلك، وابن شوقي ورحمة ابويا لاخليه ياخده واختك مش هتشوفه تاني..

_رمقه سليم بحقد شديد ولمعت الدموع بعينه من هذا الذول الذي يتعرض له من هؤلاء المرضي..

تابع عمر بهدوء

ي بني افهم هو هيروح كام يوم وشوقي هيزهق منه وهيرجع لاختك، والقرار ليك برضو ي ابن زينهم..

فاق من شروده ع صوت شقيقته التي اردفت بابتسامه واسعه

واقف كده لي ي سليم تعالي اقعد لحد مجهزلك الغدا..

اجابها بهدوء حاول اظهاره رغم انهياره داخلياً

لا مش جعان، تعالي بس جوه عايزك فكلمتين..

الهام بقلق

في اي مالك حصل حاجه ولا اي؟..

سليم وهو يتجه لغرفته

تعالي بس ورايا هقولك..

الهام وهي تغلق باب الغرفه عليهم واردفت بقلق

في اي ي سليم قلقتني؟..

اجابها بدموع لمعت فعينيه

شوقي عايز ياخد يوسف كام يوم عنده..

الهام بحده

نعم ياخد مين ي سليم، شوقي لو اخد يوسف مش هي هيرجعه مستحيل ياخده مني، قوله لا ولو عايز يشوفه يجي يشوفه هنا ويمشي بس..

سليم بحزن شديد

بس هو عايزه كام يوم عنده وانا دلوقتي مقدرش امنعه من انه ياخده..

اجابته بنبره خائفه

يعني اي ي سليم هتديله ابني هتحرق قلبي وتديه ليه هتحرمني من ابني ي سليم..

احتضن وجهها الباكي بين يديه واجابها ببكاء ايضاً

ورحمة امي هرجعه ليكي وهندم كل كلب فيهم ع اللي عملوه فينا ده..

الهام ببكاء مرير

مش هقدر اسيب يوسف والله هموت لو غاب عني شويه عشان خاطري ي سليم..

مسح لها دموعها واجابها وهو يحاول الثبات امامها

ممكن تهدي عشان خاطري، انا هطلع انزله تحت وهو هيكون مع ابوه وانا والله مجرد وقت وهرجعه ليكي منه تاني خليكي واثقه فاخوكي..

_تركها تبكي بقوه وذهب للخارج واخذ الصغير وقام بتوصيله الي تلك السياره التي يجلس بها شوقي واردف بهدوء وابتسامه هاديه وهو يجلس ارضا ليكون بمستوي الصغير...

سليم

يوسف انت هتروح تقعد مع بابا وماما لبني كام يوم عشان ماما تعبت شويه وهي هتيجي تاخدك لما تخف..

اجابه الصغير بدموع

بس انا مش عايز اسيب ماما..

اغمض سليم عيناه بألم واجابه بابتسامه جاهد لاخراجها

مش انت قولتلي انك بتحب ماما لبني روح اقعد عندها كام يوم وانا وماما هنيجي ناخدك ي حبيبي اطمن..

_اومئ له الصغير وذهب للسياره بجوار والده وهو يمسح دموعه بحزن شديد، ذهب سليم لمنزله مجدداً فوجد شقيقته ترتدي ملابسها وتهم بالدلوف للخارج..

سليم بقلق

رايحه فين ي الهام؟..

اجابته ببكاء وحده

هروح لابني انا مش هسيبه لوحده..

صاح فيها بحده

هتروحي فين انتي اتهبلتي اقعدي وانا قولتلك هرجعه ليكي...

اجابته ببكاء وحده

وانا مش هستناك ترجعه انا مش هخلي ابني يتحرم مني وانا عايشه هنا ابكي عليه، انا هرجع لشوقي واللي عايز يعمله فيا يعمله بس اكون مع ابني..

_اتت لتذهب للخارج، ولكن جذبها سليم بقوه لاحضانه لتنهار هي بالبكاء فاحضان شقيقها وهي تخفي وجهها بأحضانه وتشهق بقوه..

اردف هو ببكاء ايضاً

ورحمة امك متعمليش كده انا قلبي مش ناقص وجع..

ابعدها عنه واردف بنظرات ثابته وعيون غارقه بالدموع

والله هرجعه وهندمهم ع كل اللي عملوه ده والله..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وقف يحيي بسيارته امام منزل اهله بالمنيا، فنظر لها ليجدها تنظر من النافذه حولها بابتسامه واسعه اردف بابتسامه هادئه...

يحيي

نورتي المنيا ي لالي..

نظرت له بابتسامه واسعه واجابته

اول مره تقولي لالي..

اردف بابتسامه مشاكسه

عجبتك مني صح؟..

اجابته بهروب

طيب هننزل ولا هنقعد هنا؟..

ضحك بهدوء واردف

لا طبعا انزلي..

_هبطت من السياره وذهبت ووقفت بجواره، فحين اخذ هو ينظر للشوارع بتنهيده طويله فمنذ شهور طرد من هذا المكان بابشع الطرق والان هو يعود وهو من اثرياء المطنقه والجميع حولهم يرمقهم بانبهار..

سالي بضيق

هو فين بيتها؟..

اجابها بهدوء

مين تقصدي امي؟...

سالي بغيظ

لا فرح اللي بنام واصحي ع اسمها اللي مكتوب ع قلبك ي حنين..

يحي بهدوء شديد

امممم روح البومه اللي جواكي طلعت..

سالي بغيظ

انت بتقول اي؟..

يحي ببرود

بصي اخر الشارع ده ع ايدك اليمين كده هتلاقي بيتها، روحي ولو لقتيها سلميلي عليها..

سالي بغيظ

وانا اي اللي هيوديني عندها ان شاء الله، ولا انت بتتلكك عشان نروح هناك..

اجابها وهو يضرب كف بالاخر

لا حول ولا قوة الا بـ الله ياارب مش انتي اللي بتسألي..

_صمتت وهي تنظر للجهه الاخري بغضب، فتنهد هو بضيق ثم حاوطها بزراعها واخذ يسير معها باتجاه منزل عائلته واردف بهدوء..

يحيي

ي غبيه هانم بدل متسأليني كنت بلعب فين وانا وصغير فين مدرستي بتاعت ابتدائي مثلا فين الورشه اللي كنت بشتغل فيها مع الحج بتسأليني ع بيت الاكس بتاعتي، يعني خلاص بطلتي تحشري مناخيرك فحياتي هتحشريها فمناخير الاكسات بتوعي..

سالي بحده

نعم هو في كام اكس ان شاء الله عشان تقول اكسات؟..

_كاد ان يجيبها، ولكن دلف ياسين خارج مكان عمل والده واردف بابتسامه واسعه وهو يحتضن شقيقه...

ياسين

هلا والله بالغالين نورتو المنيا..

يحي بصوت هامس وهو يبادل شقيقه العناق

كويس وطلعت قبل مكنت هتيجي تلاقينا ماسكين فشعر بعض..

ياسين بخبث

اي الخوف ده كله، اخص ع الرجاله..

لكمه يحي فقدمه بقوه، فتاؤه الاخر بألم فاردفت هي بقلق

مالك ي ياسين في اي؟..

اجابها وهو يكتم ضحكاته

مفيش حاجه ده شد عضل رخم جه فرجلي ما علينا، حلوه المفاجأه دي والله..

يحي بغيظ

متحورش ي يالا الهانم قالتلي انها قالتلك اننا جاين..

ياسين بهدوء

ماما متعرفش ولا بابا، انا وعائشه بس اللي نعرف..

يحي بجمود

ابوك فوق؟..

ياسين وهو يتقدم باتجاه المنزل

لا هو راح التوكيل بيسلم حاجات هناك وجاي، تعالو بقي نطلع فوق..

يحي وهو يمسك يد سالي ويذهب خلفه

انت يالا مش عمال تبكي كل متكلمني وتقولي ابوك ممرمطنش فالشغل انا طلع عيني، ده انا افتكرت هاجي الاقيك مفك او دبرياش..

ياسين بمرح وهو يصعد الدرج امامهم

لا مانا استحميت الصبح ولبست الطقم اللي ع الحبل وظبط حالي بدل م الدكتوره تيجي تلاقيني مشحم ومزيت عيب يعني..

سالي بابتسامه هادئه

انت زي القمر فكل حالاتك ي ياسو ..

يحي بغيظ

اتلمي ي ماما بدل مسفخك بالقلم ع وشك..

ياسين وهو يكتم ضحكاته ع غيرة شقيقه

يعم بتجاملني سيبها، اهو حد ناصفني فام العيله دي..

_وقف امام الباب وطرقه بهدوء، وما هي الا لحظات حتي فتحت شقيقته الباب وتبدو عليها اللهفه والاشتياق..

_نظرت له بابتسامه واسعه ودموع املئت عيناها وركضت لاحضانه بقوه واردفت بنبره باكيه..

عائشه

لا والله زعلانه منك، بس وحشتني..

_بادلها العناق بهدوء وهو يحاول كبت دموعه وتجاهل كل ما مر كي لا يحزن شقيقته منه اكثر واجابها وهو يبعدها بهدوء عنه..

يحيي

وانا مقدرش ع زعلك ي حبيبتي..

_ابتسمت له بهدوء، ثم مسحت دموعها ونظرت لسالي، ثم عادت النظر ليحي واردفت بأبتسامه مرحه..

عايشه

دي طلعت احلي من الصور ومش فلتر زي م ياسين قالي..

ياسين وهو يتصنع الخوف

والله مقولتلها حاجه..

سالي بقلق

اي ده هو قالك ايه؟؟...

عائشه وهي تحتضنها بقوه

سيبك مني وخش فلحم اخوك ي فواز..

_بادلتها سالي العناق ايضا بقوه وهي تضحك بسعاده تحت نظرات يحي الفرحه بها وبعلاقتها بأشقائه، ثم دلف جميعهم للداخل..

ياسين

خلاص يا حجه خلينا ندخل ولا ما صدقتي شوفتي بنات حلوه يا عم صلاح..

_لكمته هي فكتفه بغيظ تحت ضحكات سالي ويحي عليهم، وفذلك الوقت دلفت قمر خارج المطبخ وهي تصيح بعائشه وياسين غير ملتفته لمن معهم...

قمر بحده

مكفياكم مناكفه فبعض بقي فضحتونا فالشارع..

_صمتت وتجمعت الدموع فعيناها سريعا وهي تري من تحطمت روحها لاشتياقه يقف امامها وهو بابهي حالاته وينظر لها بابتسامه هادئه..

قمر بابتسامه واسعه ودموعها تنهمر ع وجهها

يحيي..

_ذهب لها سريعا ودون تردد اخذها لاحضانه بقوه وهذه المره لن يستطيع كبت دموعه وكذلك هي التي ضمته لها بقوه وهي تقبل كتفه بهدوء وتربت ع ظهره بحنان..

ابتعد عنها ومسح دموعه واردف بابتسامه هادئه

وحشتيني ي قمر..

اجابته بلوم وهي تلكمه بكتفه بهدوء

هان عليك كل ده متسمعنيش صوتك، مش كفايه حرماني منك سنين و..

يحي بهدوء

خلاص بقي وغلاوتي عندك متزعليش..

اجابته بابتسامه حنونه

عمري مهزعل منك ي نور عيني..

_اتجهت بانظارها خلفه لتنظر لسالي التي تنظر لهم بابتسامه رقيقه للغايه مثلها، ابتسمت لها قمر واتجهت لها، وقبل ان تتحدث باي شئ اخذتها فعناق طويل وبادلتها سالي العناق بقوه وهي تغمض عيناها بهدوء وقد شعرت بكم حنان هذه المرأه..

ابتعدت عنها قمر واردفت بابتسامه واسعه

نورتي بيتك ي مرات الغالي..

اجابتها سالي بنبره رقيقه

منور بأهله ي طنط..

قمر بسعاده كبيره تظهر عليها

انت جيبت الحلاوه دي كلها منين ي يحي..

_ اخذ يحي والدته من يدها بهدوء وجلس ع احد الارئك وبجوارهم جلست زوجته بجوار اشقائه. واجابها بمرح..

يحيي

بصي ي ست الكل هي تبان رقيقه وكانت كده فالبدايه لحد مدبستني فالجواز وبعد كده بقيت تنادي عليا الشارع كله يسمعها..

سالي بانكار

لا ع فكره هو بيهزر والله...

قمر بضحكه هادئه

عارفه والله، هو والزفت اللي جنبك ده مش معاهم غير المسخره وبس..

ياسين بمرح

قوليلي بقي ي سالي اي رئيك فحماتك اي اكتر حاجه عجبتك فيها..

قمر بثقه

مرات ابني حباني كلي ع بعضي صح ي سالي؟..

اجابتها سالي بابتسامه واسعه

طبعا ي طنط، حضرتك فعلا تتحبي جدا بس اكتر حاجه حبيتها اووي حضنك يعني حضتيني بعشم كده مكنتش عايزه اسيبك بصراحه..

يحي بغمزه خبيثه

طيب مانا بحضن بعشم برضو بس بتهربي مني..

_ضحك جميعهم بقوه فحين توردت وجنتيها بخجل شديد من وقاحته تلك امام اهله، وفذلك الوقت دلف والده للداخل، وما ان وجدهم حتي تهجمت ملامحه بغضب شديد..

ياسين بمرح

واهو الحج عادل وصل، كده اكتملت العيله..

_نظر له يحي بهدوء وكاد ان يتحدث ويذهب لوالده كي يصافحه ولكن توقف مكانه عندما صاح والده بحده..

عادل

جاي لي؟..

_ابتسم يحي بسخريه تحت نظرات القلق من الجميع وبالاخص سالي واجابه بهدوء...

يحيي

مكنتش اعرف وجودي هيزعجك اووي كده ي حج عادل..

عادل بغضب شديد

هيزعجني ايوه من لما روحت ووسخت نفسك بالحرام اللي بتشتغل فيه بقي وجودك يزعجني واللي مدايقني اكتر انك جايب بنت المجرم اللي مشغلك معاك..

صاح به يحي بغضب

لو سمحت، انا هعدي اي حاجه الا انك تهين مراتي، انا عديت كسرتك ليا زمان وعديت برضو انك مصدق الوسخ خليل دلوقتي لكن تهين مراتي وتتوقع اني هفضل ساكت مش هيحصل..

عادل بحده

لا تعالي اديني قلمين يلا مستني اي؟..

امسك يحي يدها بقوه وجذبها لتقف واجابه بغضب

متربتش ع كده منك ي حج عادل، بس اتعلمت منك ان المكان اللي متقدرش فيه يبقي مقعدش فيه دقيقه وحده..

قمر بحده ودموع

مش هتمشي ي يحي والله لو مشيت لهمشي معاك ومش هدخل البيت تاني..

عادل بحده

انتي بتهدديني يعني، طيب اتفضلي معاه ي قمر انا حياتي مش هتقف ع حد..

ياسين بحزن

ي بابا ارجوك كفايه بقي، هو من امتي خليل بيحبنا ولا يهمه مصلحتنا هو بيكره يحي وعايزك انت كمان تكرهه وتطفشه فعيشته..

عائشه بتايد

ايوه والله وكمان هو حاول يعمل كده مع ياسين بس ياسن طرده من الورشه، انت لي تصدقه وتكدبنا احنا؟..

_نظر لهم عادل ببعض الاقتناع من كلامهم، ثم نظر لسالي.. واردف بجمود..

عادل

انتي ابوكي بيشتغل اي؟..

يحي بغيظ

هي مش هت..

قاطعته سالي بهدوء وهي تجيب ع عادل

انا بابا متوفي من وانا عمري شهور، وماما ماتت وانا عندي ١٢ سنه وخالي ومراته هما اللي ربوني، خالي بيشتغل تاجر خشب كبير عنده كذا مصنع ويحي بيشتغل معاه..

تابع ياسين بخبث

ع فكره ي بابا سالي دكتوره جراحه فاخر سنه فطب وبنت محترمه وجدعه جداً، انا روحت حضرت الفرح واتعرفت ع اهلها هما فعلا ناس كويسه ومحترمين جداً..

_نظرت له سالي بابتسامه هادئه ع حديثها عنها وعن اهلها بهذا الشكل، فحين رمقها عادل برضا فملابسها المحتشمه ووجهها البرئ يوحي له بعكس ما توقعه واوهمه به ذلك اللعين خليل اردف بهدوء لها..

عادل

متاخذنبش ي بنتي ع الكلام اللي قولته انا بعتذر منك و..

سالي بابتسامه واسعه

لا متعتذرش حضرتك فمقام والدي، واكيد طبعا مش هزعل من حضرتك الموضوع كله سوء تفاهم وحصل خير....

_نظر لها عادل بأبتسامه هادئه، فحين ربتت قمر ع يدها بهدوء..واردفت لها..

قمر

بنت اصول ي بنتي..

_ابتسم يحي لها وهو يرمقها بفخر، فهي الان اثبتت وجودها بين اهله دون اي مجهود منه..اردف هو بجمود..

يحيي

معلش ي جماعه بس احنا لازم نمشي دلوقتي و..

عادل بجديه

مش هتمشو عيب تجيب البنت وتاخدها وتمشي ع طول من بيت اهل جوزها، ولا نسيت الاصول كمان..

تنهد يحي بضيق واجابه

لا منستش بس مش حابين ندايقك بوجودنا..

عادل بهدوء

وجود مراتك اللي واضح جدا انها الحسنه الوحيده فاللي انت بتعمله مش هيدايقني وقولت مش هتمشو النهارده يعني مش هتمشو..

قمر بابتسامه واسعه

خلاص بقي ي يحي خليني اشبع منك ومن مراتك بقي..

عادل بهدوء لسالي

البيت بيتك ي بنتي انتي بقيتي مننا دلوقتي، انا هدخل ارتاح شويه..

ثم تابع وهو ينظر ليحي بجمود

انا لسه ليا كلام معاك ي استاذ يحي..

_ذهب عادل باتجاه غرفته، فحين اغمض يحي عيناه يحاول تمالك اعصابه..

همست له سالي بهدوء

ممكن تهدي وبلاش عصبيه عشان محسش بالذنب اني خليتك تيجي..

اجابها بابتسامه واسعه

هو انا بقالي قد اي مقولتلكيش اني بحبك..

_ابتسمت بخجل غير منتبهين لنظرات عائشه وياسين لهم وهم يكتمان ضحكاتهم..

ياسين بصوت شبه باكي

اوعدني يارب حتي بنعزه تحبني..

عائشه وهي تجذب سالي من يدها باتجاه المطبخ

سيبك من النحنحه دي ي لالي وتعالي نجهز باقي الاكل مع ماما جوه..

_ جلس يحي مع ياسين واخذ يتحدثان حول عمل ياسين بالورشه والحي واشياء من هذه، حتي اتمت والدته وشقيقته وزوجته تجهيز مائدة الغداء، وجلس جميعهم عليها وكان يترأس الطاوله عادل وهو يتناول طعامه بهدوء، وكذلك الجميع..

قمر بابتسامه واسعه

اي رئيك فالاكل ي سالي؟.

كادت ان تجيبها ولكن اردف يحي بمشاكسه

لا دي اخر وحده تاخدي رأيها فالاكل، دي بهدلة معدة ابنك ي قمر والله..

سالي بدفاع

ي طنط انا والله قولتله اني مبعرفش اطبخ لاني كنت ديما مشغوله فالمذاكره، وقولتله ناجل الفرح لحد مكون جاهزه اعمل كل حاجه فالبيت هو اللي مرضيش..

قمر بهدوء

فداكي ي حبيبتي، وبعدين وقت متغلبي كلميني وانا هعلمك من الفون مفيش اسهل من الطبيخ..

_اومئت لها سالي بابتسامه هادئه، ثم لاحظت نظرات عادل لها فتوترت كثيرا واخذت تتناول الطعام بخجل..

عادل بهدوء

انتي بتصلي ي بنتي؟..

اجابته بهدوء

ايوه الحمد لله وكمان انا حافظه القرأن من قبل مدخل الجامعه ومرات خالي عودتني انا ونور بنتها ع اننا نصلي الفجر من واحنا صغيرين..

عادل بابتسامه هادئه

بسم الله مشاء الله ربنا يزيدك ي بنتي..

ثم تابع وهو يرمق يحي بحده

والبيه جوزك لسه بيصلي ولا بطلها دي كمان، اصله زمان كان بيصلي بالناس فالجامع..

توترت هي كثيراً وتعلثمت بالرد فاجاب هو ع والده بهدوء مستفز

لا ي حج بطلت اصلي من زمان كمان..

القي عادل بملعقة طعامه ع الطاوله بقوه واردف بغيظ

ي بجحتك ي اخي ده انت بقيت تقرف..

قمر بأبتسامه حزينه وهي تربت ع كتف يحي

متزعلش ي حبيبي وكمل اكلك..

يحي بابتسامه هادئه وكان لم يحدث شئ

والله باكل اهو متشغليش بالك انتي..

عائشه بحده لصغيرتها

والله ي قمر لو ماكلتي لخلي ابو رجل مسلوخه يطلعلك وانتي نايمه..

ياسين بمرح

شايفه ي سالي مش عارف لي عائشه بتحب التنمر ديما..

نظرت له سالي والجميع باهتمام فتابع وهو يكتم ضحكاته

واحد رجله اتسلخت عادي جدا تخوف بيه البنت لي، واي اللي يخوف فراجل رجله مسلوخه يعني..

_ضحكت سالي بقوه فحين رمقه الجميع بغيظ..

ياسين بمرح

مش قولتلك محدش ناصفني فالعيله دي غيرك، تسلم ي صاحبي يتردلك فالافراح..

يحي بهدوء لتلك الصغيره التي لا تريد الطعام

قمر تيجي نتمشي شويه بره؟..

اجابته الصغيره بحماس

ايوه موافقه يلا بينا..

ياسين بهدوء

طيب استني اخلص اكل وانزل معاكم..

يحي وهو ياخذ الصغيره ويذهب للخارج

لا خليك انا هروح انا وقمر لوحدنا..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_دلف الي ذلك المكان المظلم الذي يلتقي به مع يحي وسليم، ليجد ذلك الشاب يجلس ع احد المقاعد ويديه واقدامه مقيده وعيناه مغلقتين بشريط اسود...

جلس خالد امامه بعد ان ازال ذلك الشئ الذي يحجب الرؤيه عن الاخر، فحين انزعج الاخر من الضوء وهو يغمض عيناه، ثم فتحهما بهدوء ونظر لذلك الذي يجلس امامه وانتفض بخوف شديد..

خالد بأبسامه هادئه

لا اجمد كده ي باسم هو انا عملت حاجه، ده انا يدوب جيبتك من البار لحد هنا لسه الحساب مبدأش..

اجابه باسم بخوف وغضب

انا مكنش قصدي اقتله انا كنت قاصد اضربك فكتفك عشان انت استفزتني والله مكان قصدي اقتله ولا كنت ناوي اقتلك، طيب اعقلها انت احنا من امتي بندخل الدم بينا احنا بس بنتخانق و..

خالد بحده

بس قتلته وابوك بدم بارد جه وحط عينه فعنيا وعزاني فأخويا اللي انت قتلته وقفلتو المحضر وانت عايش حياتك وهو مات وامه ومراته مقهورين عليه..

جذبه خالد شعره بقوه ليتألم الاخر فتابع خالد بغضب

والنار اللي جوايا دي انا هعرف اخلصها منك ومن ابوك..

باسم ببكاء شديد وخوف

متموتنيش ي خالد اعمل اي حاجه بس متموتنيش..

خالد بغضب دفين

لا اقتلك اي الموت راحه ليك، بس اللي هيحصل فيك الموت ليه راحه، انا كل مفتكر توني وقلبي يوجعني عليه هجيبك هنا وهطفي ناري فيك انت..

_انهي حديثه وهو يلكمه فوجهه بقوه، قم قام بفك قيده واخذ يبرحه ضرباً ولا يري امامه سوي لحظة موت توني ودموع والدته التي تقتله بقوه..

_انتهي منه بعد ان فقد الاخر وعيه من شدة الالم واصبح وجهه ملئ بالدماء، فحمله ع كتفه بهدوء ووضعه بالسياره وذهب الي ذلك البار والقاه امامه وغادر قبل ان يلاحظ احد وجوده او معرفة من هو، واخذ سيارته وذهب الي تلك المقابر، وجلس امام مقبره هناك وهو يخبئ وجهه بين يديه واخذ يبكي بقوه مثل طفل صغير واردف بصوت باكي

خالد

محتاجلك ي امي اووي ومحتاجلك ي بابا ياريتكم جنبي ابنكم تعب وبيموت كل يوم من التعب ده، انا بوجع كل اللي حواليا وبتوجع معاهم ومش عارف ارتاح، لي ماختونيش معاكم لي سيبتوني لمندور يخليني بالشكل ده لي؟..

تابع وهو يبتسم بالم

واللي اصعب من كل ده اني بحب بنت مندور، انا بعشقها والحاجه الوحيده اللي مخلياني اعافر كده هي، مليش غيرها بعدكم،بس هي مش هتسامحني وانا مقدرش اسيبها..

_صرخ بقوه وهو يبكي ويستند براسه ع ذلك القبر، ظل هكذا كثيراً لا يعلم كم مر من الوقت ولكن هذا المكان الوحيد الذي يستطيع ان يخرج به ما يكتمه داخل صدره ويعاني منه..

_نهض وذهب من ذلك المكان، ثم الي منزل تلك الفتاه التي تدعي جيدا.. فتحت له الباب، وشهقت بفزع ما ان رأت حالته تلك..

جيدا بقلق وهي تجذبه للداخل

شو صار، ليش حالتك كده؟..

خالد وهو يجلس ع الاريكه الموجوده بمنتصف منزلها

كنت مدايق شويه..

جلست جواره واحتضنت يده بيدها واردفت بنبره صادقه

شو بدك ياه، مستعده اعمل اي شئ بدك يااه بس متكون بهالحاله بترجاك..

اجابها بتنهيده حزينه ع حاله وحالها ايضاً

جيدا مش عايزك تفهمي اللي هقوله غلط، بس انتي لازم تعرفي ده وتساعديني فيه..

جيدا بهدوء

معك باي شئ، لو بتقلي هلأ روحي موتي حالك بقولك انت تؤمر وجيدا بتنفذ..

خالد بتوتر

انا هتجوز نور بنت خالي..

_تركت يده ونظرت له بدموع، وكسره حقيقيه ظهرت ع وجهها، فحين اغمض عيناه بغيظ من تصرفاته المخادعه مع هذه الفتاه التي يعلم جيداّ انها تحبه وبصدق..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وبداخل محل ملابس راقي جداً، كانت تقف هناك مي مع ميار صديقتها ووالدتها وتحدثت بهدوء لهم قائله..

مي

ي طنط والله مهقصر فالجامعه خالص انا بس محتاجه الشغل هنا، وانتو محتاجين عمال هنا فلي مبقاش انا..

اجابتها تلك المرأه بهدوء

عشان انا بعتبرك زي ميار بنتي وانتو فهندسه ي مي ولازم تخلو بالكم من المذاكره..

مي بنبره حزينه

بس انا محتاجه الشغل ده، وهعرف اوفق بين الدراسه والشغل ولو قصرت فحاجه هنا او هنا مشيني..

ميار بهدوء

خلاص بقي ي ماما وافقي وانا اوعدك لو لقيتها مش مركزه فالجامعه هقولك..

اجابتهم والدة ميار بهدوء

ماشي ي مي من بكره هتبدأي شغل هنا فالمعرض تمام كده..

مي وهي تحتضنها بقوه وسعاده

تمام ي احلي طنط كامليا فالدنيا..

_ابتعدت عنها مي واخذت ميار صديفتها وذهب للخارج، فحين رمقتهم كامليا بابتسامه حنونه ثم اخذت تتابع عملها..

ميار بقلق

هو محمد مش بيكلمك ي مي؟..

اجابتها مي بجمود وهي تسير بجوارها

لا مكلمنيش ولو سمحتي ي ميار انسي موضوعه خالص ومتجبيش سيرته تاني..

ميار بضيق

ع فكره محمد حبك بجد ي مي بس معرفش لي كدب عليكي..

مي بدموع

اللي بيكدب مش بيحب وهو محبنيش وكان بيتسلي وانا خلاص رميته من ورا ضهري وهكمل حياتي بالشكل اللي انا عايزاه، هشتغل واكمل جامعه ومش هتبقي في حاجه فحياتي غير ماما ودراستي..

ميار بحزن

انتي متاكده من كلامك ده؟..

مي بتنهيده طويله

معرفش بس هفضل اقوله لنفسي كده لحد مبجد انسااه كانه مظهرش فحياتي، المهم بس دلوقتي اخلص من الراجل الغتت اللي اسمه مندور ده، انا بجد مش طايقه تدخله فحياتي انا وماما وانه فاكر نفسه كبيرنا بجد..

ميار بمرح

طيب مش يمكن بيحبك وبيعمل كده عشان فالاخر يتجوزك..

مي بغيظ وهي تصربها بحقيبتها

يخربيت خيالك ي شيخه اي ده..

ميار بخبث

ي بت زي الافلام والمسلسلات وفالاخر يجي محمد يقبض عليه ويتجوزك و..

مي وهي تاخذ احد الاحجار من الارض وتلقيه عليها بغضب

ي بت انتي مش قولتلك متجبيش سيرته تاني..

ميار بضحك شديد

انتي عملتي اي ي غبيه، اكبري بقي احنا خلاص دخلنا الجامعه وبقينا انسات كبار..

مي باحراج وهي تنظر للناس حولهم الذين ينظرون لهم بتهكم

يالهوي ع الكسفه اللي انت فيها ي حازم..

_نظر الاثنين لبعضهم بهدوء، ثم انفلت ضاحكين بقوه غير منتبهين لذلك الذي يجلس بسيارته ع مسافه بعيده منهم ويرمق مي بابتسامه حزينه ودموع هبطت ع وجنتيه بقوه..

مسح دموعه واردف بحزن

مكنتش متخيل اني حبيتك بالشكل ده ي مجنونه، نفسي تفهمي تصدقي اني حبيتك وان محمد كويس مش وحش ي مي..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وفي المنيا صعد خليل سيارته بعد ان انتهي عمله وكاد ان يقودها كي يذهب لمنزله، ولكنه صعق بقوه ما ان صعد بجواره يحي وهو يرمقه بجمود..

خليل بثبات خارجي رغم توتره الشديد بالداخل

اهلا اهلا وانا اقول المنيا نورت لي...

يحي بجمود وهو ينظر امامه

عايز اي تاني، اديني جيتلك بنفسي عايز اي ي خليل..

اجابه الاخر بابتسامه هادئه

مصلحتك عايزك ترجع عن الطريق اللي انت ماشي فيه، اصله مش شبهك...

نظر له يحي بغموض واجابه

معاك حق الطريق ده شبهكم انتو، فعشان كده انا دخلته..

خليل بقلق

قصدك اي؟..

يحي بابتسامه ساخره

لا متخفش كده ده احنا لسه بنبدأ القصه الجديده اللي بطلها انا، وانتو مش هيكون ليكم وجود ي خليل..

خليل بسخريه

اللي انت متعرفوش اننا مربوطين ببعض يعني لو حصل واحنا اختفينا انت هتبقي معانا ي ابن الاسطي عادل..

يحي بضحكه هادئه

بلاش نسبق الاحداث، ودلوقتي هحزرك بالكلام بس ي خليل عشان بجد مش فاضيلك وعندي الاهم ومستني افضالك انت والوسخ التاني وحقي هجيبه..

تابع بنبره مليئه بالظلام والغضب

ابعد عن اهلي ي خليل عشان مستعجلش حسابك..

خليل بأبتسامه مستفزه

للاسف مش هقدر عارف لي؟ عشان انا روحي فيهم ومقدرش استغني عنه..

_ما ان انهي جملته حتي اخرج يحي سكين صغير الذي كان يتناول به الطعام بمنزل والده وغرزه بيد خليل الذي صرخ بقوه والم..

يحي وهو يحاوط عنقه بيده

فكر بس تقرب من قدام البيت تاني ورحمة ابوك اللي كان انضف من انه يخلف عيل زيك هقتلك ي خليل، واعرف كويس انت بتكلم مين دلوقتي..

_دفعه يحي بقوه للخلف وهبط من السياره وذهب لسيارته التي كان يصفها بجانب سيارة خليل وغادر، فحين امسك الاخر يده بألم شديد وهو ينظر لاثر يحي بغضب شديد..

واردف بحقد من بين اسنانه

هنشوف مين هيقتل مين ي ابن الميكانيكي..

_بعد قليل دلف يحي لمنزل والده مجددا وهو يحمل ابنة شقيقته التي غفيت ع كتفه ويحمل ايضاً بيديه عدد كبير من الحقائب..

ذهبت له عائشه التي كانت تشاهد التلفاز

كل ده بره ي يحي، قلقتوني عليكم وياسين خرج وكلمته عشان يشوفك فين مردش عليا..

تململت الصغيره فأردف يحي بهدوء

راحت ي ستي الملاهي تلعب ومكنتش عايزه تيجي اصلا ده انا جيبتها بالعافيه..

اردفت الصغيره وهي تعانق يحي بقوه

خالو سابني العب كتير وراح جابلي اللعب دي كلها وادي الناس اللي بيشتغلو هناك كلهم فلوس عشان يخلو بالهم مني..

عائشه وهي تحمل الصغيره منه

لي كلفت نفسك ي يحي عندها لعب كتير..

يحي وهو يضع الحقائب ارضا

بس مكنش عندها حاجه من خالها، المهم فين سالي؟..

عائشه بقلق

بص اللي حصل ماما قالتلي ادخل اروق اوضتك عشان تباتو فيها وانا فعلا عملت كده بس نسيت والله اشيل صورك انت وفرح اللي ع الحيطه وسالي اول مدخلت وشافتهم اتغيرت وشكلها زعلت اووي..

يحي بهدوء

لا متقلقيش انا وهي مخلصين الموضوع ده وهي دماغها اكبر من كده..

_دلفت فذلك الوقت سالي خارج الغرفه واردفت بجمود وهي تتجاهل النظر له..

سالي

معلش ي عائشه لو مش هدايقك انا ممكن ابات عندك النهارده عشان مش مرتاحه فالاوضه جوه..

يحي بضحكه هادئه لشقيقته

مش بقولك دماغها اكبر من كده بكتير..

عائشه وهي تكتم ضحكاتها

ااه طبعا ي سالي تعالي..

يحي بجمود

مفيش الكلام ده لما انا هدخل معاها هترتاح..

سالي بملامح غاضبه

لا معلش انا هبات عند عائشه..

_جذبها يحي من يدها بقوه واتجه لغرفتهم تحت غيظها الشديد منه واردف لشقيقته بجمود..

يحيي

تصبحي ع خير ي عائشه، الهانم بتحب تدلع عليا بس..

_دلف داخل الغرفه واغلق الباب خلفهم بهدوء، ثم ترك يدها ووقف امامها وهو يرمقها بغضب..

وصاح فيها بحده

هو في اي، حتي قدام اهلي لازم تعاندي وخلاص؟..

اجابته بنفس نبرته

مفيش حاجه بس مرتاحتش هنا فيها اي دي بقي؟..

_ذهب من امامها وامسك بتلك الصور المعلقه ع الحائط وازالها ووضعها باحد الادراج واردف بحده...

يحيي

ارتاحتي كده، مش هما دول اللي كانو مدايقينك؟..

اجابته بدموع متحجره فعيناها

مكنوش مدايقني، مفيش حاجه..

تنهد بضيق واردف وهو يحاول الهدوء

كبري دماغك بقي من الموضوع ده، هي دلوقتي فصوره فالدرج ومقفول عليها انما انتي هنا معايا وقدامي وفحضني..

_انهي حديثه ثم جذبها لاحضانه بهدوء، فمسحت هي دموعها وهي تبتسم بهدوء، فهو قادر ع تغير حالتها فلحظات دائماً..

اردفت وهي تبتعد عنه قليلاً

مش هطول فالزعل المره دي عشان في حاجه عايزه اقولك عليها؟..

اجابها بهدوء

امم هي اي وربنا يستر..

ابتسمت باتساع واردفت

انا حامل فشهر ونص...

_اختفت ابتسامته سريعا وابتعد عنها، وتهجمت ملامحه بقوه..

تابعت هي بنفس ابتسامتها

عرفت اول امبارح لما قولتلك رايحه للدكتور عشان مرات خالي انا كنت اللي رايحه ومرضتش اقولك وقتها عشان كنا جاين هنا وك..

قاطعها بتهكم قائلاً

انتي معملتيش لي حسابك قبل ميحصل ده؟..

اجابته بعدم فهم

اعمل حسابي لاي، انا بقولك انا حامل ي يحي..

صاح بها مجددا بغضب

فهمت انك متنيله، بس معملتيش لي حسابك، ده مش وقته خالص وانا مش عايز عيال دلوقتي..

امتلئت عيناها بالدموع واجابته بغضب

هو انت لي محسسني انك بتكلم وحده غلطان معاها او وحده من الشارع، انا مراتك ي يحي وبقولك انا حامل اي اللي كنت اعمل حسابي عليه بالظبط..

اردف بنبره شبه هادئه

حاسبي ع كلامك ي سالي، وبعدين اللي اقصده ان لا انا جاهز ولا انتي كمان جاهزه اننا نجيب طفل دلوقتي...

سالي بدموع

لي؟ لي مش جاهزين؟..

اجابها بغيظ

عشان مستقبلك انتي لسه بتبتدي فالطب..

سالي بهدوء وهي تمسح دموعها

انا خلاص خلصت امتحانات والنتيجه هتظهر وبعدها هاخد التكليف وده همشي فالاجراءت بتاعته ع مهلي لحد مولد..

صاح مجددا بحده

انا مش عايز ي ستي مش عايز اخلف عيل وانا حياتي ع كف عفريت....

اجابته بألم ودموع

ومدام حياتك ع كف عفريت اتجوزتني لي، هو انا ناقصه وجع عشان تيجي تعلقني بيك وانت مش ضامن وجودك معايا..

تنهد بضيق واردف بنبره صارمه

خلصنا ي سالي بكره هنرجع القاهره وبعد بكره هنروح اي وقت تنزليه، ومش هقبل نقاش فالموضوع ده تاني..

_نظرت له بحزن شديد وخزلان فهي توقعت رد فعله عكس ذلك اطلاقاً ولكنه صدمها برده هذا، تركته دون ان تجيبه واتجهت للفراش ودثرت نفسها اسفله وهي تحتضن بطنها بيدها واغمضت عيناها التي لا تكف عن البكاء وصمتت لم تتحدث معه باي شي اخر، تابع هو حركتها وبكاءها هذا بغضب شديد من نفسه ليس منها، ثم خلع جاكيته وبقي بذلك التيشرت الخفيف وذهب للنافذه الخاصه بغرفته واخرج احدي لفافات التبغ خاصته وهو ينفث دخانها بغضب ومن الحين للاخر ينظر لها ليجدها ع نفس الوضع منذ ان ذهبت للنوم..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وفي اليوم التالي في شركة عمر عزام صاح عمر بغضب في محمد الذي بجلس امامه بكل هدوء قائلاً..

عمر بغضب

يعني اييييي بطلت هو بمزاجك ...

محمد بجمود

ايوه بمزاجي انا مش معاكم، انا ايوه غلطت الاول بس دلوقتي مش هساعدك فاي حاجه تاني..

عمر بغضب شديد وهو ينهض من ع مكتبه

انت نسيت نفسك انا اللي وصلتك لمكانتك دي، المهمات اللي جابتلك الترقيه اكتر من مره انا اللي كنت بقولك عليها...

اجابه محمد بجديه

ومقابل ده عديتلك شغلك اكتر من مره فخلصانين ي عمر بيه..

عمر بجمود

اي اللي عايز توصله ي ابن البحيري؟..

محمد بهدوء

اني ظابط شرطه واللي كان زمان معايا سهل بقي نار دلوقتي واي حاجه همسكها عليك او ع اي حد تبعك هنفذ اجراءات القانون معاك ومعاه..

عمر بابتسامه غاضبه

ده انت قلبك مات بقي وبقيت تتحدي عمر عزام بنفسه..

محمد وهو ينهض ليذهب من امامه

اللي عندي قولته، بعد اذنك..

_غادر محمد مكتب عمرعزام مزامنتاً مع دلوف الشيمي للداخل..

الشيمي بقلق

ماله دي جاي لي، في حاجه حصلت ولا اي؟..

عمر بنظرات غاضبه

ابن ال*** جاي يقولي انه نضف وبقي يعرف ربنا فشغله وانه مش معايا ومش بس كده ده كمان لو مسك حاجه عليا هيقبض علينا، نسي نفسه الواطي ده انا اللي وصلته لمكانته دي..

الشيمي بقلق

طيب اهدي انت وانا هكلم خليل يشوفه ماله..

عمر بحده

تكلم خليل تخليه يجي يجيب عيلته معاه، خليل هيرجع هنا تاني والزفت ابن البحيري انا هوديه ورا عين الشمس..

الشيمي بجمود

طيب، انا كلمت الجواهرجي هيجي بعد بكره..

عمر بأبتسامه هادئه

حلو جدا وانا هجيب نور تختار، وقول لمراتك تختار حاجه وتديهالها كهديه ع حسابي..

الشيمي بنظرات ساخره

ماشي ي عمر مع انك كان ممكن تختار انت طقم شيك ونقدمه ليها وخلاص..

عمر بابتسامه شارده

مش خساره فيها انها تختار اللي نفسها فيه..

الشيمي بغيظ

لحسن تطمع و..

عمر بحده

اللي عايزاه هجيبهولها حتي لو اختارتهم كلهم..

الشيمي وهو يذهب للخارج

ربنا يستر من اللي جاي ي عمر..

_ نظر من النافذه الزجاجيه الخاصه بغرفة مكتبه واردف بتنهيده طويله..

عمر

كلها ايام وهتبقي بتاعتي لوحدي ي نور لا ابوكي ولا امك ولا اي حد هيبقي ليه فيكي غيري...

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وفي المنيا كانت سالي تقوم بجمع اشياءها هي وزوجها بتلك الحقيبه الصغيره ودموعها عالقه بعيناها، دلف هو خارج المرحاض نظر لها بضيق واردف بهدوء...

يحيي

مين كان بيخبط..

اجابته بجمود

عائشه..

يحي بغضب

وفتحتيلها وانتي قالبه خلقتك كده ؟..

اجابته بحده

والمفروض اعمل اي يعني؟..

يخي بحده

وطي صوتك وانتي تتكلمي معايا، وبعدين اللي بينا محدش يعرفه ولا ياخد باله منه تمام..

ابتسمت بعدم تصديق واجابته بدموع

انت لي بتعمل كده.، وزعلت لما قولتلك انك مش بتحبني بس الحقيقه انك كده فعلا واكبر غلطه فحياتي ي يحيي اني وثقت فيك وحطيتك فمكانه عمرك مكنت تستاهلها..

صاح فيها بغضب

هو اي اللي حصل لكل ده احنا لسه ي سالي العمر قدامنا نقدر نجيب بدل العيل عشره بس دلوقتي انا ظروف شغلي وحالتي متسمحليش اربط حد بيا تاني واشيل هم فوق همي كفايه مش عارف اتحرك ولا اعمل اي حاجه تخلصني من اللي انا فيه بسببك وبسبب خوفي عليكي..

هبطت دموعها واجابته بحزن شديد

تصدق مكنتش اعرف اني حمل تقيل عليك كده..

اردف بغضب

انا بتكلم مع مين، انتي من امتي اصلا بتفهيني..

اردفت وهي تذهب وتلملم بعض اشياءهم

خلصت لم الحاجه بتاعتنا يلا بينا..

تنهد بغضب واجابها

يلاا ي سالي..

_بالخارج، ذهبت عائشه الي والدتها وياسين الذين كانو يجلسون ع مائدة الافطار..

فسالتها قمر بهدوء

فينهم مجوش يفطرو لي؟..

عائشه بقلق

انا روحت اناديهم بس سمعتهم بيتخانقو جامد وواضح ان سالي بتبكي فأتحرجت اخبط واتدخل..

ياسين بقلق وهو ينهض

انا هقوم اشوف يحي و..

قمر بجمود

اقعد مكانك محدش يتدخل بينه وبين مراته..

عائشه وهي تجلس بجوار ابنتها

المشكله بسببي انا نسيت اشيل صور يحي وفرح من الاوصه بعد مروقتها وهي من لما شافتهم واتغيرت..

ياسين بغيظ

وانتي اي الغباء ده، ازاي تنسي حاجه زي دي؟..

قمر بحده

اكتم انت وهي عشان جاين..

جاء لهم يحي وخلفه سالي وهم مستعدون للذهاب قمر بقلق

انتو ماشين ولا اي؟..

يحي بجمود وهو ينظر لسالي

معلش ي ماما بس عندي شغل، هنبقي نيجي تاني؟..

قمر بحزن

ي حبيبي انا لسه مشبعتش منك..

قبل يحي جبهتها واجابها بابتسامه هادئه

والله هجيلك تاني بس لازم ارجع القاهره دلوقتي عشان الشغل..

قمر بحزن

طيب خالي سالي عندنا كام يوم..

سالي بابتسامه جاهدت لاخراجها

كان نفسي والله ي طنط بس كمان كام يوم كتب كتاب بنت خالي ولازم اكون معاها عشان التجهيزات وكده، وان شاء الله هنيجي تاني..

قمر وهي تمسح دموعها

خلي بالك من مراتك ي يحي..

يحي بهدوء

حاضر ي ست الكل..

ياسين بجديه

انا هنزل معاكم لتحت و...

يحي بجمود

لا خليك وكمل فطارك، وابقي سلم ع ابوك لما يجي انا عارف انه خرج من الفجر ومرجعش عشان انا هنا..

_نظر هم لبعضهم بحزن، فحين ودعهم هو وسالي وذهبو خارج المنزل عائدون الي القااااهره..

فماااااااذاااااااا سيحدث....

الفصل الثامن عشر

‏ما أردته لنفسي ليس الذي حدث لي بالفعل، ولكني غيرت خططي ألف مرة لأفرح، وألف مرة لأعيش!

_كانت تقف بالمطبخ تتناول بعض الاشياء الخاصه بالافطار، حتي جاء هو واحتضنها بهدوء..

جيدا بهدوء

شو اللي فيقك هلأ؟..

خالد بملامح حزينه

انا اسف ي جيدا..

اجابته بابتسامه ساخره

ليش بـ تتأسف؟..

خالد بنفس نبرته

عشان هتجوزها و..

ابتعدت عنه واجابته بضيق

لا ما تعتذر، لانك قلتلي انك راح تتزوجها كرمال خالك والشغل وانك بدك تكون المميز عنده مو يحي او عمر..

تابعت بدموع متحجره

ولا انت بتعتذر لشي تاني؟..

خالد بقلق

اكيد بعتذرلك عشان كده، مفيش حاجه تاني..

اقتربت منه مجددا واردفت بدموع هبطت بالفعل

لما بتحكي عنها عيونك بيلمعو كتير، لما كنت بشوفك هنيك بتحاكيها كنت بشوفك طفل صغير معها، بتكون غير خالد اللي بعرفه..

ابتسم بسخريه مصطنعه واجابها

اي اللي انتي بتقوليه ده، انا لو دلوقتي في احساس جوايا هو الشفقه ع البنت دي بجد صعبانه عليا يعني عشنا فبيت واحد واتربينا سوا وانا بستغلها..

نظر لها مطولا بتنهيده حزينه وتابع

مع انها بتحبني بجد ومتستهلش اخدعها او اخدها كبري عشان اوصل للي عايزه بس الظروف اجبرتني ع كده..

جيدا بهدوء

م علينا ي خالد، انا حضرتلك الفطور، وكمان مفتاح البيت موجود ع الطاوله بغرفتنا..

تابعت بنبره تحزيريه

بتكتب كتب الكتاب هون وبتعبتها لوين مكانت انا هاليوم بس راح ضل بأوتيل بس الصبح من قبل طلوع الشمس راح كون هون وما بدي شوفها لهديك البنت مفهوم خالد..

خالد بايماء

مفهوم بس بشرط واحد..

جيدا بجمود

شو بدك؟..

امسك يدها بهدوء واجابها بابتسامه مرحه

تفطري معايا، مش كفايه امبارح نمتي وسيبتيني لوحدي يبقي تطفري معايا دلوقتي..

قبلته من وجنته بهدوء واردفت بنبره صادقه

مشكلتك انو ما بيهون عليا ازعلك، بحبك كتير..

_اختصنها بهدوء واصبحت ملامحه حزينه ونادمه ع استغلال مشاعرها بهذه الطريقه..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وفي بيت شوقي كانت لبني واقفه في المطبخ وبتكلم الهام في الموبيل وقالتلها بهدوء..

لبني

ي الهام خلاص والله فهمت هفطره كويس ومخلهوش يمسك الفون كتير ومينزلش الشارع ولو راح البلكونه اخلي بالي منه لانه بيقف ع الكرسي، والله انا عارفه كل ده من زمان مانتي كنتي بتخليه يقعد معايا باليومين واكتر...

الهام ببكاء

عارفه بس قلبي مش مطمن وهو بعيد عني..

لبني بلوم

اخص عليكي ي الهام مش مطمنه ع يوسف وهو معايا لا بجد اخص عليكي..

الهام وهي تمسح دموعها

مش قصدي والله ي لبني، ده انا يمكن اللي مريحني شويه انك معاه..

لبني بحزن

ربنا يجمعك بيه قريب..

_انتفضت بفزع ما ان سحب شوقي الهاتف من ع اذنها واخذ يرمقها بغضب..

لبني بتوتر

دي الهام بتطمن ع يوسف..

رمقها شوقي بغضب، ثم وضع الهاتف ع اذنه وصاح فيها بحده

بتطمني ع اي مش ابنك ده اللي رمياه عندي ومش راضيه تجيله، بس اقسم بالله ي بنت زينهم لاحرق قلبك عليه عشان مش ع اخر الزمن تيجي حتت عيله زيك تخليني اتحوج للي يسوي وميسواش عشان خاطر اخد ابني..

اجابته بغضب

انت فاكر نفسك اي، انا مش لعبه عندك ولا يوسف لعبه بينا ي شوقي وابني فحضانتي وهرفع عليك قضيه وهاخده غصب عنك وعن اللي يسوا واللي ميسواش اللي ساعدوك تاخده مني..

شوقي بسخريه لازعه

ماشي روحي ارفعي قضيه بس ابقي لاقي ابنك الاول وبعدين ارفعي قضيه..

_اغلق الهاتف بوجهها، ثم جذب لبني من خصلات شعرها بقوه..وصاح فيها بغضب

شوقي

ورحمة امي ي بت ال*** لو عرفت انك كلمتيها تاني او خلتيها تشوف الواد لكون رميكي فالشارع وهدمرك انتي واختك فاهمه..

_نفضت يده من خصلاتها بقوه، ثم ذهبت وحملت ذلك الصغير الذي بدا يبكي بخوف واتجهت الي غرفتها.. واردفت بغيظ..

لبني

حسبي الله ونعم والكيل فابوك ي يوسف..

_امسك شوقي باحدي الوسائد من ع الاريكه والقاها عليها بغضب، فهرولت الاخري الي غرفتها سريعا بخوف، تحت ضحكات الصغير الذي ظنهم يمزحون....

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_ وفي ذلك الوقت في منزل يحيي دلف خارج غرفته وهو يعدل من هيئة ملابسه، بحث عنها بعيناه ولم يجدها ولكنه استمع لصوت ضجيج خفيف ياتي من المطبخ، فتنهد بهدوء وذهب الي طاولة الافطار وجلس عليها واخذ يتناول افطاره بهدوء من بعض الاصناف الموجوده، نظر مجددا للمطبخ بضيق وهو يتذكر تلك الايام الماضيه منذ ان عادو من المنيا وهي تتجاهله تماماً، عندما ياتي من العمل تضع له الطعام ولا تتناوله معه، وتقضي اغلب وقتها بالاسفل مع نور ومساءً تتهرب بالحديث معه بحجة انها تقرأ احد كتبها العلميه، ففضل هو عدم الحديث معها بامر اجهاض صغيرهم حتي تهدأ الاوضاع بينهم قليلاً..

_دلفت هي خارج المطبخ وهي ممسكه باحد اكواب الشاي ووضعته له امامه ع الطاوله وجلست هذه المره معه واردفت بهدوء..

سالي

نور رايحه النهارده عند بيت عمر عزام عشان هتختار الشبكه وقالتلي اروح معاها..

اجابها بجمود

وهتروحو لي بيته مش فاهم؟..

اردفت بقلق من ان يرفض ذهابها

مهو قال جايب جواهرجي حلو من بره نصر وهي هتختار منه هناك فالبيت..

يحي بهدوء

انتي عايزه تروحي؟..

اومئت برأسها بنعم، فابتسم هو بهدوء واجابها

ماشي روحي بس متتكلميش مع حد هناك وخصوصا عمر واخوه..

سالي بأيماء وهي تنهض

حاضر..

اردف بجمود قبل ان تغادر

وابقي جهزي نفسك عشان بكره هنروح للدكتور هنخلص موضوع الحمل ده...

امتلئت عيناها بالدموع واجابته بقلق

انا مش هنزله ي يحي..

احتدت ملامحه ووقف امامها واردف بجمود

يعني اي، احنا مش اتفقنا ولا انتي حابه نعيد ونزيد فالكلام..

اجابته ببكاء

لا متفقناش انا مش موافقه انا عايزااه يجي..

تنهد بغضب قائلاً

انتي مجبتهوش لوحدك عشان تاخدي القرار فالموضوع لوحدك..

اجابته بحده وهي تمسح دموعها

ولا انت كمان ليك حق تاخد قرار لوحدك فالموضوع ده..

اردف هذه المره بحده

انتي قررتي تحملي من غير متقوليلي انك ناويه تجيبي بيبي دلوقتي، واخدتي القرار لوحدك وانا مش جاهز ومن حقي اقولك تنزليه لحد مكون جاهز..

اردفت بعدم تصديق وغضب

اقولك اني عايزه اخلف؟! اروح استئذن جوزي عشان اخلف منه انت واخد بالك بتقول اي، انا مراتك ي يحي استوعب كده..

ضرب يده ع الطاوله بقوه وصاح فيها بحده

انتي لي بتلفي الموضوع ومش عايزه تفهميني..

اجابته بجمود

من الاخر ي يحي انا مش هنزله؟..

اردف بغضب

يعني مش هعرف امشي كلامي عليكي ي سالي؟..

اجابته ببكاء

لا انت من لما عرفتك وانت اللي عايزه هو اللي بيحصل، انا ايوه بعاند معاك واناقشك بس فالاخر انت اللي عايزه بتعمله، هاتلي قرار واحد او حاجه وحده بينا مشيت زي مانا عايزه..

ابتسم بسخريه واردف

هتطلعيني ظالم بقي وخانقك و..

قاطعته بجمود

من غير متزود فكلامك انا مقصدش كده انا رضيت بقرارتك فكل اللي عدي عشان عايزه اكون معاك وباقيه عليك، انما فالقرار ده بالذات مستحيل اسمع كلامك فيه عايز تتبري منه براحتك عايز تطلقني برضو براحتك بس مش هنزله..

اجابها بغضب

وانا مبيتلويش دراعي ي سالي، لو اللي فبطنك منزلش يبقي خلصت كده..

_هبطت دموعها بألم وهي تنظر له بعدم تصديق ثم اردفت بصوت بالكاد خرج منها...

سالي

يبقي اتفقنا..

تابعت وهي تاخذ هاتفها وتتجه للخارج بعد ان وضعت حجابها

انا هنزل عند بيت خالي ومش هقول حاجه لحد، ووقت متكون جاهز قول لخالي اني انا اللي مش عايزاك ولا عايزه اعيش معاك يوم تاني..

_ذهبت للخارج وهي تبكي بقوه، فحين دفع هو المقعد الذي كان يجلس عليه بقدمه ليسقط ارضاً، ثم ذهب الي الشرفه الخاصه بمنزله واخرج احدي لفافات تبغه واخذ ينفث دخانها بغضب وهو يفكر بما سيفعله بهذا الموضوع، ولكن قطع شروده رنين هاتفه وما كان المتصل به سوي خالد..

اجاب عليه بجمود

خير؟..

خالد بهدوء

هنفذ الموضوع بتاع نور في شقة جيدا..

يحي بابتسامه ساخره

ي واد ي جامد انت هتتجوز نور فشقة البت اللي ماشي معاها، انت عايز الاتنين يعبوك فكياس ويرموك للكلاب يخالد..

خالد بضحكه هادئه

عيب عليك، انا فهمت جيدا ان جوازي من نور مصلحه عشان مندور يثق فيا تاني وارجع اركب الشغل بدالك..

يحي بجديه

تمام، هنخلص موضوع كتب الكتاب ونروح بقي نشوف موضوع البضاعه اللي هتتسلم النهارده خالك فاكر انه ذكي ومحدش هيشك فيه ولا هياخد باله ان البضاعه هتتسلم يوم خطوبة بنته..

خالد بغضب

كله هيبقي ع دماغه، المهم انت هتعرف تجيب نور؟..

يحي بجديه

ساهله ي عمم عليا، المهم بس تقنعها..

خالد بقلق

ربنا يستر..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_بمنزل والدة محمد البحيري، كانت فرح تجلس بجوار زوجها وهي تتناول الغداء معهم وايضا كان معهم اشقاء والدة زوجها..

مال عليها محمد واردف بصوت هامس

مكنتش اعرف ان ماما عازمه خالو وخالتو معانا، سوري..

اجابته بعدم تصديق

لا بص بالراحه كده عشان انا بجد مش متعوده ع الشخصيه الجديده دي وحاطه ايدي ع قلبي لحسن تتحول تاني فاي وقت..

ضحك بهدوء واجابها

اتحول؟! انتي بتكلمي زومبي ي فرح..

ابتسمت بهدوء واخذت تتناول طعامها فهمس هو لها مجدداً

بس اي الشياكه دي كلهة النهارده...

فرح ببعض خجل وابتسامه رقيقه

ع فكره انا ديما كده بس انت مش بتاخد بالك...

محمد بمشاكسه وهو يمرر يده بهدوء ع قدمها من اسفل الطاوله

كنت بتعمد اتجاهلك بس انتي ديما زي القمر، وخصوصا لما تضحكي كده..

_ما ان وضع هو يده ع قدمها حتي انتفضت بقوه وهي تزيح يده فاصدرو صوت عالي بالطاوله لينظر لهم الجميع بعدم فهم، فحين وضع محمد يده ع فمه وهو يكتم ضحكاته..

اردفت والدته بغيظ

هو في اي ي فرح؟..

فرح بتوتر وخجل

مم مفيش حاجه بس الشوكه كانت هتقع مني..

محمد وهو يكتم ضحكاته

ع مهلك ي حبيبتي..

اردف خاله بابتسامه مشاكسه

فكرتوني بايام شبابي ي ولاد والله..

_ضحك محمد بقوه ع قول خاله فحين تحول وجه فرح للون الاحمر بخجل شديد..

اردفت زوجة خاله بلوم وهي ترمق محمد وزوجها

بس بقي انت وهو كسفتو البنت..

تابعت بابتسامه هادئه

سيبك منهم ي فرح محمد وارث خاله فالمسخره..

محمد بمرح ع عكس عادته

ميرسي ي طنط دي شهاده اعتز بيها..

_ضحك مجددا محمد وخاله وبقوه وشاركهم الجميع الضحك..

فرح بهدوء

بعد اذنكم ي جماعه انا هقوم اغسل ايدي..

اردفت والدة محمد بجمود

طيب، وابقي جهزي الشاي والحلو اللي بعد الاكل فالمطبخ عندك..

اجابها محمد بجمود

اغسلي ايدك وتعالي ي فرح متتعبيش نفسك خلي وحده من البنات جوه تجهز الحاجه دي..

_نظرت له فرح بابتسامه هادئه واومئت براسها وذهبت الي المرحاض، فحين اخذ هو يتابع تناول طعامه وهو يتهرب من نظرات والدته الحاده له..

ـ_بعد قليل ذهب هو للمرحاض كي يقوم بغسل يديه، وما ان انتهي ودلف للخارج فوجد والدته تنتظره بملامحها الغاضبه..

محمد بقلق

في حاجه ي ماما؟..

اجابته بحده

هي البت دي عملالك اي مالك خرع لي كده معاها المره دي؟..

تتهد محمد بضيق واجابها

لا ي ماما انا مش خرع، بس اتعلمت احافظ ع كرامة مراتي قدام اي حد، واظن ده مش عيب..

ضحكت والدته بسخريه واردفت

امم والكلام ده مظبوط بس مع اي وحده غير مراتك، لان اللي انت بتحافظ ع كرامتها دي رفضتك زمان وجرحتك وحبت غيرك لما كنت حنين معاها وانت صممت تتجوزها بس انت كده بتغلط وهي لما هتلاقيك حنين كده مش بعيد ترجعله، فوق لنفسك ي محمد لحسن الماضي يتعاد فيك تاني لانها مش بتحبك ي حبيبي..

_ذهبت والدته من امامه وتركته غاضب وبقوه، اغمض عيناه ليمنع هبوط دموعه وهو يحاول عدم التفكير بحديث والدته الذي جعل قلبه يتألم مجددا، مسح ع وجهه بغضب وذهب للخارج ليجدها جالسه مع عائلته وهي تضحك بسعاده مثل سابقاً عندما احبها ولكن وقتها كانت تحب غيره، كور قبضة يده واتجه لهم.. واردف لها بجمود..

محمد

يلاا ي فرح هنمشي..

فرح بقلق

في حاجه ولا اي؟..

تنهد بقوه وهو يمنع نفسه من احراجها امام الجميع واجابها بجمود

معلش عندي شغل يلا..

فرح بهدوء

حاضر هجيب كريم نام جوه وجايه..

محمد بهدوء

معلش ي جماعه كان نفسي اقعد معاكم اكتر بس انتو عارفين ظروف شغلي..

اجابه خاله بهدوء

ربنا معاك ي حبيبي بس العزومه الجايه عندي انا، ولو مجتش انت وفرح هزعل..

محمد بجمود

ان شاء الله..

تابع وهو يوجه حديثه لفرح

انتي لسه واقفه، هاتي كريم وانا هستناكي تحت..

_اومئت براسها بنعم، وقد انتابها القلق من ان يعود لسابقه مجدداً..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

ـ وفي منزل مندور..

نور بضيق

ي بنتي مش هسيبك غير لما تقولي في اي؟..

سالي وهي تمسح دموعها

مفيش حاجه ي نور بس انا اتخنقت شويه وهنام هصحي كويسه..

سعاد بحده

هو ازاي اللي ما عندوش دم ده يزعلك وانتي فاول حملك كده؟..

نور بمرح

لا ي ماما يحي ده ذكي عشان بيقولو ان الام لو كانت زعلانه البيبي هيطلع حلو..

ضحكت سالي ووالدتها بهدوء وقالت سعاد

روحي ي نور انتي مشوارك ومتقوليش لابوكي انك روحتي لوحدك ماشي..

نور بهدوء

ماشي بس خلي بالك انتي من سالي وانا مش هتأخر..

_اوميت لها والدتها وذهبت نور للخارج، فحين جلست سعاد بجوار سالي واردفت بجديه

سعاد

هو لسه عايزك تنزليه؟..

سالي ببكاء

للاسف ايوه واتخانقنا جامد، وقالي لو منزلتوش هيطلقني..

سعاد بقلق

ي مصيبتي لا متوصلش لكده، انا هقول لخالك يكلمه مدام مش عايز يخلف مكنش اتجوز من الاول..

سالي بسرعه

لا ي مرات خالي عشان خاطري متقوليش لحد، اما اشوف هو هيعمل اي بدل الموضوع ميكبر..

سعادبحزن

هسكت وامري لله بس لو ذودها مش هسكت هو فاكر نفسه اي عشان يعمل الحركات دي..

_صمتت سالي وهي تبكي بقوه ولا تعرف بماذا تجيب زوجة خالها ع افعال زوجها الغير عقلانيه، ع الجانب الاخر كانت نور تهبط الدرج بهدوء حتي وجدته يدلف داخل المنزل وهو يدندن ببعض الاغاني ..

تابعت نزولها واردفت بضيق و بصوت هامس

ياارب صبرني ياارب ومرتكبش جريمه دلوقتي..

_وقف خالد امامها وهو يبتسم باستفزاز، فاتجهت هي للجه الاخري لتتابع سيرها ولكنه توقف امامها مجددا..

واخذ يغني بصوت هادئ وابتسامه مستفزه

مش عايزكم عندي غيركم حتي غيركم عندي غيرهم بس انا من جوه قلبي بالامانه زهقت منكم..

تنهدت بغيظ واردفت بحده

وسع من طريقي لو سمحت...

_اقترب منها بهدوء فتراجعت هي للخلف بتوتر واردف بنفس ابتسامته....

خالد

لو سمحت مره وحده، من امتي الادب ده كله؟...

نور بتوتر

من يومي مؤدبه، ومش ببات بره البيت عند ناس مش ولا بد..

خالد بضحكه هادئه

انتي مالك ابات بره البيت ولا لا؟..

نور بغيظ

انا مليش دعوه اصلا، وبعدين انا مش فاضيه زي مانت شايف النهارده خطوبتي وكتب كتابي انا وعمر ومش فاضيه خالص للتفهات دي..

تابعت وهي ترمقه بغيظ

صح قبل منسي اوعي متحضرش النهارده وتشهد ع كتب كتابي هو انا مش زي اختك..

صفعها خالد ع كتفها بقوه واردف وهو يكتم ضحكاته قائلا

عيب عليكي ده انا اول واحد هكون موجود..

تنهدت بغيظ وهي تمسك زراعها بالم واجابته

اوعي من وشي ي خالد عشان حرفيا اتعصبت اووووعييي..

خالد وهو يتصنع الخوف

طيب بالراحه اتفضلي..

_مرت من امامه وهي غاضبه بقوه ولكنه باغتها بقبله هادئه ع وجنتها فامسكت بحقيبتها الصغيره واخذت تضربه بها ففر هو للاعلي هارباً وهو يضحك بهستيريا، وذهبت هي للاسفل وصعدت السياره بالخلف التي كان يقودها اسامه وذهب بها الي منزل عمر عزااام..

نور بغيظ وهي تتحدث لاسامه

هو فاكر نفسه اي هاا فاكر انه ماثر فياا بطريقته دي؟..

اسامه بقلق وهو يجاريها فالحديث

لا طبعا مين ده اللي ياثر فيكي..

نور بغيظ وحده

قوله، قوله كده ولا تقوله لي هو التجاهل حلو معاه، هو اصلا ميستهلش اني اجيب سيرته..

اسامه وهو يكتم ضحكاته

ايوه صح..

نور بغضب

بس هو بقي مستفز ورخم وبارد، ومش مكفيه انه كل يوم عند الزفته اللبنانيه كمان جاي يرخم عليا ناقصه انا، بزمتك ي اسامه ناقصه انا؟..

اسامه بجديه مصطنعه

لا طبعا مش ناقصه..

نور بغيظ

استني بس هو معاه حق انا مالي مشالله عنه مجه البيت شالله حتي يروح لبنات لبنان والوطن العربي كله انا مااااالي..

اسامه بتايد

بالظبط كده انتي مالك..

نور بدموع

ااه فعلا انا مالي، واحد اصلا محبنيش تعرف هو لو كان حبني كان هيبقي زعلان لكن هو باين عليه انه مصدق، انا اللي فقربه بتعذب وبعده بتعذب برضو..

اسامه بحزن وهو يتابع بكاءها من المرآه الاماميه

ع فكره ي نور خالد بيح..

قاطعته بغضب

انت بتجيب سيرته لي، متجيبش سيرته قدامي تاني..

اسامه بغيظ

هو انا كنت جيبت سيرته اولاني عشان اجيبها تاني، مانتي اللي من لما ركبتي مش معاكي غير خالد..

نور بحده

شوفت بتجيب سيرته تاني اهو متقولش اسمه قدامي...

اسامه بملل

حاضر بس لو سمحتي متتكلميش تاني ممكن؟..

نور بغيظ

فستين داهيه انت كمان واسكت مش عايزه اسمع صوتك..

اسامه بضحكه ساخره

الله يكون فعونك ي خالد..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_ وبداخل منزل مي، ارتدت ملابسه وكانت تهم بالذهاب للخارج حتي اوقفها صوت والدتها الغاضب قائله..

منال بحده

غايره فين؟..

مي وهي تعقد رابطة شعرها امام المرآه

هروح الجامعه..

منال بنفس نبرتها

هتيجي امتي؟..

مي بابتسامه هادئه

هتاخر شويه عشان الشغل..

منال بحده

واخرتها، لازمته اي الشغل هااا، م الحج مندور مكفينا و..

مي بدموع

ومين مندور ده ي ماما عشان يصرف علينا، الراجل ده فنيته حاجه وحشه من ناحيتنا والفلوس دي كلها مبيدفعهاش كده وخلاص، فوغلاوتي عندك ي ماما متاخديش منه حاجه تاني..

منال بحزن

انتي اي اللي خلاكي تقولي كده ع الحج، يبنتي انا متربيه معاه هو وابوكي والست سعاد مراته يعني دول اهلي..

مي بضيق

ارجوكي ي ماما اسمعي كلامي لو لمره واحده ومتاخديش منه حاجه..

منال ببعض اقتناع: طيب ودراستك والكليه و..

قاطعتها مي بهدوء

عندك السنه دي لو منجحتش اعملي اللي عايزاه بس ارجوكي بلاش نبان محتاجين قدام حد..

منال بغضب

والظابط اللي ماشيه معاه؟..

اغمضت عيناها بحزن واجابتها

موضوع واتقفل وانا مفيش فبالي غير الدراسه وانتي وبس..

منال وهي تربت ع ظهرها بحنان

ربنا يكملك بعقلك يااارب..

_انهت مي ارتداء ملابسها ودلفت خارج منزلهم، ثم جلست ع الدرج وبدأت تبكي بقوه لا تعلم لماذا ولكنها شعرت للحظه بأن الدنيا ضاقت بها كثيرا، احتضنت نفسها بقوه وبدون اراده منها اتي هو الي ذاكرتها لتزداد دموعها وهي تتذكر لحظاتهم سوياً..

هزت رأسها بنفي واردفت وهي تمسح دموعها

مش هسمحلك تاذيني تاني، مش هسمحلك ي محمد..

_نهضت وذهبت الي عملها واصتدمت اثناء خروجها بشوقي الذي يقيم بنفس بنايتهم، فتجاهلته وذهبت الي وجهتها، فحين رمقها هو بضيق وذهب للاعلي غير منتبه لتلك الاعين التي ترمقه من بعيد بحقد..

_فمن هذا الذي يراقب شوقي، وماذا يخطط له؟..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

وفي ورشة مندور..

مندور بجديه

فهمت اللي هيحصل ي يحي بعد م الليله النهارده تخلص..

يحي بثبات

تمام بس انا مش عايز شوقي معايا..

مندور بجديه

مش هينفع لان الاول كانو اتنين بعتمد عليهم ي انت وخالد ي انت وتوني الله يرحمه، انما دلوقتي مفيش غيرك وانا مستحيل اشيلك العمليه وحدك فالظروف دي فهتاخد معاك شوقي واسامه و علي واحمد هيحصلوكم..

يحي بخبث

بلاش شوقي المره دي ي حج احنا كان خالد بيهدينا ع بعض انما انا وهو لوحدنا يبقي في جثة حد هتجيلك النهارده، بس بعيد عن الشغل كنت حابب استفسر عن حاجه؟..

مندور بهدء

خير ي بني..

يحي بجديه

هو انا لو عملت زي خالد وقولتلك عايز ابطل هينفع؟..

مندور بغضب مكتوم

لا مينفعش انت بالذات مينفعش، عشان انت اللي قولت عليه ابني، انت اللي كبرتك ودلوقتي بخليك تبقي كبير كل حاجه بعدي هنا، ده الناس بدأت تشك انك ابني بجد وانت عايز بعد كل ده تمشي مستحيل ولو حصل كده هتبقي بدل مانت ابني عدوي وانت عارف عدو مندور بيحصله اي...

يحي بنظرات حاده

انا بتهدد كده؟..

مندور بابتسامه هادئه

انت عارف كده من قبل متيجي واول مجيت هنا قولتلك انت داخل ع حاجه ملهاش نهايه ولا ليها طلوع قولتلي موافق بكل ارادتك وانا دي طريقتي، وبعدين سيبك من الموضوع ده انت ابني وجوز بنتي والكبير بعدي انت وخالد..

يحي بسخريه

انت لسه متعشم ان خالد هيرجع؟..

اجابه بجمود

ايوه ولو مرجعش انا هعرف ارجعه بطريقتي..

يحي بغضب

اوعي ي حج تاذي خالد وقتها انا اللي هزعل اديني قولتلك..

نهض يحي واردف بنفس نبرته

هروح اشوف الشغل فالمصنع..

_نظر له مندور وهو يغادر بغيظ وهو يسب خالد بغضب...

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_بمنزل عمر عزام منذ ان وصلت نور الي هذا المنزل وهي تشعر بالضيق الشديد وعدم الارتياح، تجاهلت نظرات كارما زوجة الشيمي الحاده لها، واخذت تهدئ من حالتها السلبيه حتي لا تتسبب فاي شئ مزعج خوفاً من والدها الذي حذرها ان تفعل اي شئ يغضبه اليوم..

_دلف لهم عمر وخلفه رجل لا يبدو مصري او عربي ومعه فتاتين يحملون حقائب سوداء كبيره بعض الشئ ويرتدون نفس الملابس..

تقدم منها عمر ومد يده واردف بهدوء

نورتي بيتك..

_صافحته بطراطيف اصابعها واجابته وهي تحاول رسم ابتسامه هادئه...

نور

منور باهله..

جلس بجوارها واردف

دانيل من اشهر مصممين الاكسسورات فالعالم عايزك تختاري اللي نفسك فيه..

جلست ع مسافه بعيده منه واجابته

ان شاء الله..

_اشار عمر بيده لذلك الرجل ليبدأ هو ومساعديه بعرض اشياءهم امام نور وكارما، فبدأت كارما بأختيار بعض الاشياء لها فحين ظلت نور تنظر لتلك الاشياء بضيق رغم جمالها الغير عادي الا ان هناك ضيق شديد يخيم عليها، ظن عمر بانها عابسه لاختيار زوجة اخيه بعض الاشياء لها اولا..

فأردف بنبره صارمه

كارما معلش بس خلي نور تختار الاول وبعدين خدي اللي عايزاه..

كارما باحراج شديد

تمام، اتفضلي اختاري..

نور وهي تشير لخاتم رقيق ذو تصميم خاص

ممكن اخد ده..

دانيل بأعجاب

برافو ي هانم ذوقك رفيع وراقي جدا..

نور بسخريه

ي شيخ اتنيل ده انا اختارت عشوائي متفتيش..

_كتم عمر ضحكاته عليها، ثم اشار الي بعض الاشياء واخبر ذلك الرجل بشراءهم لنور..ثم نهض واردف بهدوء..

عمر

تعالي ي نور نتكلم شويه، وخلي كارما تختار براحتها اللي نفسها فيه..

نور بقلق

اا لا انا لازم امشي يعني عشان الكوافير وكده..

_ابتسمت زوجة اخيه بسخريه فاغتاظ هو وجذب نور من يدها خلفه الي غرفة مكتبه واغلق الباب خلفه بقوه..

نور بغيظ بعد ان ترك يدها

يبني ادم انت قولتلك مليون مره متسحبنيش وراك بالشكل ده..

عمر بجمود

لو بتسمعي الكلام من اول مره مش هعمل كده..

نور بضيق

افندم عايز اي؟...

عمر بحده

هو ابوكي غاصبك عليا ي نور؟..

نظرت له لتعجب من سؤاله هءا واجابته

لا طبعا بابا مستحيل يغصبني ع حاجه..

عمر بهدوء

طيب اومال بتعامليني كده لي؟..

نور بتوتر

لا مش قصدي حاجه بس دي طريقتي..

عمر بجمود

تتغير لانها مش عجباني..

نور بحده

انا دي طريقتي ومش هغيرها، ومش عجبالك مكنتش جيت خطبتني من الاول، وبعدين احنا فيها اهوو..

عمر بحده

وهي دي كانت طريقتك مع خالد ي نور؟..

نظرت له بغيظ شديد واجابته بحده

حاجه متخصكش وملكش دعوه بيها..

اقترب منها بغضب فتراجعت هي للخلف بخوف وصاح فيهالا ليا انتي كمان كام ساعه هتبقي مراتي، واي نفس هتتنفسيه بعد كده يخصني..

نور بقلق شديد

انا عايزه امشي..

_التصق ظهرها بالحائط وهو مازال يقنرب منها وبدأ جسدها ينتفض بخوف اردف بغضب دفين..

عمر

لسه بتحبيه صح؟..

نور بدموع لمعت فعيناها

قولتلك عايزه امشي يا عمر؟..

تجاهلها وتابع بغضب ودموع متحجره

فيه اي زياده عني عشان تحبيه بالشكل ده ويخليكي متشوفيش عشقي ليكي يبنت مندور..

_نظرت له وهبطت دموعها بألم، ثم نظرت للجهه الاخري ولم تجيبه..

ضرب الحائط بيده لتنتفض اكثر هي وصاح بها مجدداً

ردي عليا..

نور بخوف شديد

انا عايزه امشي دلوقتي حالاً..

ـ عمر بغضب شديد وهو يضع يده ع عنقها بقوه فكادت ان تختنق هي واردف بغضب..

عمر

لو عرفت انك بس شوفتيه ومقولتليش هقتلك واقتله ي نور..

_هبطت دموعها بقوه وشحب لونها فابعد يده سريعا وقد انتفض قلبه بخوف شديد عليها، فاخذت تسعل هي بقوه وتنتفض بشكل مخيف، ظل يراقبها حتي هدأت..

نور ببكاء

انا عايزه امشي انت فاهم عايزه امشي..

عمر بندم من تصرفه المتهور

انا اسف مكنتش اقصد اعمل كده..

نور بغضب من وسط بكاءها

انت حيوان انا الكل حزرني منك وانا مسمعتهمش بس انت فعلا بني ادم مريض..

اجابها بدموع متحجره وغضب

مريض عشان بحبك، ملعون قلبي اللي خبك ي شيخه..

تابع بحده وهو يشير للباب

اطلعي بره ي نور واحسنلك محدش يعرف باللي حصل عشان كده كده هتجوزك واستحملي طريقتي العاديه بقي..

نور بقلق

مش فاهمه؟..

عمر بغضب

انا من لما عرفتك وانا بعاملك بطريقه تاني غير اي حد بس انتي متستهليهاش، ومن النهارده هتتعاملي عادي جدا بالنسبالي زي اي حد..

_رمقته بخوف ثم ذهبت للخارج لتري صديقتها نيره دالفه للداخل وقفت وتحدثت معها قليلا ولاحظت نظرات عمر لها من نافذة مكتبه فاستئذنت منها وذهبت الي السياره التي يوجد بها اسامه وصعدتها وغادر الاخر الي وجهته التي اخبره بها يحي..

_فحين دلفت نيره لشقيقتها ولم تطيل وذهبت للخارج لتجد سليم يخرج من غرفة مكتب عمر، فاتجهت له..واردفت بحزن..

نيره

عامل اي ي سليم؟..

سليم بجمود

كويس ي نيره هانم، في حاجه ولا اي؟..

نيره بدموع متحجره

انا كتب كتابي اخر الاسبوع كتب كتاب سريع وبعده هسافر المانيا ع طول مع جوزي..

نظر لها بدموع متحجره واجابها بهدوء

مبروك..

نيره بحزن شديد

انا اسفه ع كل حاجه حصلتلك بسببي، انا عمري مهنساك ي سليم..

_اردفت كلماتها وذهبت من امامه، فرمقها هو بدموع هبطت بالفعل، كل ما حدث له وما يحدث بسبب حبها الذي مازال ينتعش بداخله ولكنه يعلم بانها ياست من تلك الالام..

اردف بصوت واهن وهو يراقب دلوفها للخارج

ياريتك مكنتيش استعجلتي ي نيره كانت حاجات كتير هتتغير...

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وبعد قليل كانت سالي تقف مع اميره بالصيداليه الخاصه بها التي تم افتتاحها لها خالد وكان من دفع مصاريفها توني قبل ان يقتل ع يدين ذلك اللعين..

سالي بأبتسامه هادئه

والله انتي مجنونه ي اميره، طيب هي عملت اي لما عرفت انك مش حامل..

اميره بجمود

ولا حاجه زعلت شويه بس عرفت اني لازقه فيها ومش هسيب بيت

توني لحد مروحله..

سالي بحزن

ربنا يرحمه..

اميره بهدوء

المهم تمشي ع العلاج كويس واتغذي كويس برضو عشان البيبي لما يتولد صحته تبقي كويسه..

سالي بتنهيده طويله

ان شاء الله..

اميره بضيق

قولي لنور كمان متزعلش اني مش هقدر احضر خطوبتها انتي عارفه لو روحت الحته كلها هتفضل تتكلم عليا..

اجابتها سالي

لا متقلقيش نور مش هتزعل منك هي اصلا كان شرطها الوحيد اننا متعملش حاجه وتبقي ع الدايق..

اميره بحزن

ربنا يتمملها ع خير..

سالي وهي تذهب للخارج

ياارب، هطلع فوق انا بقي وانتي كملي شغلك..

_ذهبت سالي للخارج وكانت بطريقها لمنزلهم حتي قطع طريقها شوقي وهي ينظر لها بهدوء..

سالي بضيق

لو سمحت ي شوقي ابعد عن طريقي وبلاش فضايح..

شوقي بابتسامه واسعه

متخفيش جوزك مشي من شويه..

نظرت له بغضب واردفت بحده

اي اللي انت بتقوله ده، جوزي اللي انت بتقول عليه مشي انا بحترمه فغيابه قبل وجوده..

شوقي بخبث

طيب همشي بس تعالي معايا المحل هقولك كلمتين وامشي..

سالي بحده

اروح معاك فين انت اتجننت..

شوقي بجديه

فالمحل قدام الناس كلها، واللي هقوله ليكي بخصوص يحي ولازم نتكلم فيه..

_وقفت تنظر حولها بتردد ولكن فضولها كالعاده هو الذي قادها فذهبت معه الي المحل الخاص به غير منتبهه لصفيه التي كانت تتابعهم بل وقامت بتصوريها وهي تدلف معه للمحل وهو يغلق الباب خلفهم..

سالي بحده

سيب الباب مفتوح...

_ذهب شوقي وفتح الباب غير منتبه لما فعلته صفيه، ثم دلف الي الداخل..

شوقي بهدوء

اقعدي واقفه لي؟..

سالي بندم شديد ع مجيئها

اخلص ي شوقي وقول في اي عشان امشي..

شوقي بجمود

شكلك زعلان وتعبان، هو عملك حاجه؟..

صاحت فيه بغضب لاول مره فحياتها

انت جايبني هنا عشان كده؟..

شوقي بجديه

لو اذاكي فحاجه قوليلي انا هجيبلك حقك و..

اجابته بحده

انت مالك، يبني ادم افهم يحي بقي جوزي واللي بينا لا انت ولا غيرك ليه دخل فيه انت فاهم..

شوقي بنبره حزينه

انا بحبك ي سالي ووالله مقادر انساكي ولا مفكرش فيكي، ولما شوفتك مدايقه اتجننت ولو كان هو السبب ه..

سالي بغضب

لاخر مره بقولك خليك فحالك ي شوقي انت فاهم..

_تركته وذهبت للخارج فوجدت يحي يهاتفها، توقفت محلها واخذت تنظر حولها بخوف ولكنها لم تجده، فاغلقت الهاتف دون ان تجيب عليه ظنته يحدثها من اجل ان تذهب وتجهض جنينها..

_ع الجانب الاخر،قبل قليل...

ـــــــــــــــــــــــــــــــ

_كان يقف يحيي بالشرفه الخاصه بمنزل جيدا وخالد يجلس مع الماذون بانتظار نور، لاحظ وصول رساله ع هاتفها وما ان فتحها حتي وجدها من صفيه وعباره عن فديو..

تنهد بضيق وفتحها وما ان قام بتشغيله حتي اسودت عيناه بغضب وهو يراها تدلف مع شوقي بأرادتها الي محله الخاص واغلق الباب عليهم وهنا انتهي الفديو..

ارسلت له صفيه رساله اخري وكانت

قولت اوريك المدام بتعمل اي فغيابك، وافتكر اني قولتلك شوقي مش هيسيبها..

_ضغط ع الهاتف بغضب حتي كاد ان يكسره، ثم قام بالاتصال بها لياتيه رفضها للمكالمه فأزداد غضبه اضعاف..

واردف لنفسه بغضب

ماشي ي سالي ليكي الحق تعملي اكتر من. كده لو شوفتي الشارع تاني..

خالد بقلق وهو يقف خلفه

في حاجه ي يحي؟..

اجابه بجمود

لا مفيش حاجه نور وصلت؟..

خالد بتنهيده طويله وقلق

ااه اسامه بيقولي انهم خمس دقايق وهيكونو تحت..

يحي وهو يذهب من امامه ومازالت ملامحه غاضبه

: طيب انا هنزل بقي عشان اجيبها..

خالد بقلق

يحي متاكد ان مفيش حاجه..

يحي بضيق

يعمم قولتلك مفيش زفت حاجه خلاص..

_ذهب يحي للاسفل فحين مسح خالد ع وجهه بقلق.. واردف لنفسه بتوتر شديد....

خالد

في اي يالا اجمد كده دي نور هتعمل اي يعني..

تابع بنبره قلق

ــــــــــ

#بقلم_الكاتبه_رحاب_القاضي ــــــــ

الخوف من انها هتعمل اي، دي من غير دماغ..

ـــــــــــــــــــــــــــــــــــــــــــــــــــــ

_توقف اسامه بالسياره امام احدي البنايات الضخمه التي يوجد بها منزل جيدا..

نور بتعجب

وقفت هنا لي ي اسامه؟..

اسامه بهدوء

يحي هو اللي قالي..

نور بعدم فهم

يحي قالك اي بالظبط؟..

_فذلك الوقت فتح لها يحي الباب، فنظرت هي له بقلق..

نور

في اي ي يحي اسامه بيقولي انك انت اللي خليته يجيبني هنا..

يحي بجمود

سالي فوق تعبانه وعايزاكي..

نور بخوف شديد

نعممم مالها سالي حصلها اي، وبعدين انا سيباها فالبيت، اي اللي جابها هنا؟..

يحي بضيق

هتفضلي ترغي وتسبيها تعبانه فوق..

نور بقلق ولهفه شديده

طيب يلا نروحلها..

_ذهب ثلاثتهم للاعلي وما ان فتح الباب خالد حتي دلفت نور للداخل وهي تبحث عن سالي..

نور بخوف شديد

فينها ي يحي؟..

_جلس يحي واسامه بجوار الماذون، فحين تقدم منها خالد..

واردف بثبات...

خالد

سالي مفيش دي خطه عشان نجيبك هنا..

احتضنت هي حقيبتها بخوف واجابته

اااه ي حيوانات جرجرتوني لهنا عشان تعملو معايا الغلط..

خالد بغيظ تحت ضحكات اسامه ويحي عليها

ده انا اللي هعملك الغلط لو مسكتيش يا ام دماغ زباله...

نور بقلق وهي تنظر للمأذون

اومال انتو جبتوني هنا لي؟..

خالد بابتسامه بلهاء وهو يصفعها ع زراعها بقوه

جبتك هنا عشان اتجوزك ي بت..

نور بسخريه وهي تمسك زراعها بألم

لا والنبي هتتجوزني بجد؟..

_ اومئ لها براسه بمعني نعم فاحتدت ملامحها بغضب..

وصاحت فيه بحده: تتجوزني اي ي ابن الهبله وانا النهارده كتب كتابي ع عمر، وبعدين مانت رافض الجواز من زمان بقي حلو دلوقتي..

خالد بهدوء

خلصت الاجراءات ي شيخ..

اجابه الاخر بهدوء

ايوه مش ناقص غير بطاقة العروسه عشان نكملها.....

_جذب خالد منها حقيبتها رغماً عنها تحت اعتراضها الشديد واخرج البطاقه واعطاها للماذون الذي اخذ يكمل اجراءته..

نور بحده

انا مش هتجوزك ي خالد لو اطبقت السما ع الارض..

خالد بجمود

لا السما هتطبق ع الارض ولا حاجه انا هتجوزك بالهداوه والا..

نور بغضب: والا اي انا مبتهددش..

_نهض خالد وامسك بانينة الماء الزجاجيه وكسرها ع راس اسامه الذي صرخ بألم..

اسامه بحده

ينعل ابو شكلك ي خالد انت اتهبلت..

نور بفزع تحت ضحك يحي الشديد

انت بتعمل اي ي خالد؟..

صاح بغضب مصطنع

لو موافقتيش ورحمة امي هموتهم كلهم ي نور، انا بقيت خالد غير اللي انتي تعرفيه..

نور وكادت ان تبكي

يحي والنبي خليه يهدي ويسيبني ده ابويا يدبحني لو اتجوزته كده..

يحي بهدوء

متخفيش انا هرجع معاكي وابوكي مش هيعملك حاجه، واخلصي ووافقي بدل ميخلص علينا ده مش باقي ع حاجه..

نور بغيظ شديد

طيب ي خالد بس هي مجرد ورقه واول مهرجع هخلي ابويا يطلقني منك غصب عنك..

_ابتسم بانتصار وجلس بجوار الماذون و هي امامه وتم عقد قرانهم وذهب المأذون وايضا اسامه لينتظر نور بالاسفل..

خالد بابتسامه واسعه لنور التي تجلس ويبدو عليها القلق

يلا ي مراتي ادخلي جوه فالاوضه اللي قدامك دي دقيقتين اتكلم مع يحي فموضوع مهم وبعدين هو هياخدك يروحك..

نور بغيظ

حسبي الله ونعم الوكيل فيكم..

_ ذهبت هي الي داخل الغرفه فحين جلس يحي وخالد يتحدثون حول ما سيتم فعله بمندور وعمر اليوم، وما ان دلفت الغرفه لاحظت تلك الصوره الخاصه بجيدا فعقدت حاجبيها باستنكار وهي تري ملابس خالد الملقاه ع الفراش وايضاً بعض الملابس الخاصه بالنوم لجيدا، وضعت يدها ع فمها وهي تنظر لذلك الفراش والغرفه باكملها ببكاء، هو بالفعل كان مع تلك الفتاه هنا، هو بالفعل قام بخيانتها هنا والان تزوجها هنا ايضاً..

دلف هو للداخل واردف بهدوء

بنادي عليكي ي نور يلا عشان يحي ماشي..

_كانت جامده ولن تجيب عليه، فذهب لها بقلق وامسك يدها، فجذبتها هي منه بقوه..

واردفت بغضب وهي تشير لذلك الفراش

هنا خونتني هنا صح؟..

نظر ارضا بجمود واجابها

سبق وقولتلك انتي غلطتي وانا غلط..

صاحت فيه بحده

متقارنش انا اتخطبت لعمر قدام الناس كلها بعد مانت رفضتني اكتر من مره وطول فترة خطوبتي لا قرب مني ولا لمسني ويوم مفكر يعمل حاجه زي دي وقفته عند حده انما انت عملت اي رد؟..

اجابها بضيق شديد

مجبور اعمل كده ي نور عشان حياتنا اللي انا مجبور اعمل كده..

اردفت ببكاء وغضب

انت كداب، انت طول عمرك بتكدب عليا الاول تقولي غلطه ودلوقتي تقولي مجبور انت واحد حقير وقذر..

خالد بدموع وحزن

متظلمنيش ي نور...

اقتربت منه ودفعته بكلتا يديها ع صدره واردفت بغضب

انت اللي بتظلمني انت اللي بتلعب بيا وعمرك محبتني، اتجوزتني لي وانت ع علاقه بيها..

امسك يدها واردف بنبره شبه حاده

اتجوزتك عشان بحبك ومش هستحمل تبقي مع واحد غيري..

نفضت يدها منه واردفت بغضب هيستيري

وانت تبقي مع غيري عادي، اي الانانيه دي..

اجابها بغضب ودموع هبطت بالفعل

قولتلك مجبور ولازم اعمل كده عشان نرتاح انا وانتي فاللي جااي ي نور..

اجابته بغضب وهي تاخذ حقيبتها التي وقعت ارضاً

انا مش عايزاك لا دلوقتي ولا فاللي جاي انا بجد قرفانه منك..

_ذهبت للخارج لتجد يحي يجلس بانتظارها وهو ينظر لها بجمود، فهو فضل عدم التدخل بينهم وان هذا امر خاص بهم، ذهبت للخارج فنظر هو لخالد بحزن وذهب خلفها كي يقوم بايصالها للمنزل...

واردف لخالد بجديه

مندور كلمني وبيقولي انبهك لان سعيد بيدور عليك عشان يحاسبك ع اللي عملته فابنه..

خالد بضيق

هو انا عملت حاجه فيهم لسه..

يحي بصرامه

خالد خلينا فاللي متفقين عليه وسيبك من باسم وابوه دلوقتي وليهم روقه..

خالد بضيق: طيب، المهم خلي بالك من نور..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_كانت مي تعمل بالمعرض الخاص بوالدة صديقتها وتقوم ببيع بعض الاشياء لاحدي الفتيات حتي رأته يدلف الي الداخل وهو ينظر لها بابتسامه هادئه، فتركت تلك الفتاه وذهبت له وجذبته للخارج..

قائله بغضب

انت اي اللي جابك هنا؟..

اجابها بحزن

وحشتيني ي مي ومقدرتش امنع نفسي ومجيش اشوفك..

اردفت بغضب

بطل كدب بقي وسيبني فحالي، انا مش عايزه اشوفك..

محمد بدموع متحجره

طيب اهدي انا والله مش عايز حاجه انا بس جيت اشوفك وهمشي ع طول..

صاحت فيه بحده

افهم بقي انا مش طايقه اشوف وشك ابعد عني ي محمد..

اجابها بحزن شديد

حاضر بس انا حابب اقولك اني اتغيرت، اتغيرت عشان انا فعلا استاهل الحب اللي كنتي بتحبيه ليا، وبحاول ابقي نفس الشخص اللي اتعرفتي عليه اول مره..

اردفت بدموع هبطت ع وجنتيها

حتي لو ده بجد انا مش عايزاك وتغيرك ده ميلزمنيش، شوف حياتك بعيد عني وسيبني فحياتي..

محمد بدموع

ماشي ي مي همشي بس لما هتوحشيني هاجي ومش هاذيكي بس مقدرش مشوفكيش...

اجابته بحده ونبره يكسوها الالم

ارحمني بقي انا مبصدق امشي فحياتي واعدي حاجات انت كنت معايا فيها بلاش تخليني اشوفك وارجع للصفر تاني، لو فعلا بتحبني ابعد عني وخليك فحياتك وسيبني اكمل حياتي زي مانا عايزه..

_هبطت دموعه وامئ لها براسه، جاءت والدة صديقتها لهم..

واردفت بقلق

في حاجه ي مي؟..

مي وهي تاخذها وتدلف للداخل

لا مفيش حاجه، انا اسفه اني خرجت من غير اذنك..

كامليا بضيق

ولا يهمك ي حبيبتي، المهم الولد ده دايقك فحاجه..

_نظرت مي خلفها لتجده يمسح دموعه وصعد سيارته، تري نظرت الالم بعيناه تريد ان تخبره انها مثله تشتاقه وبقوه ولكن كيف وهم يمشيان بطريقين مختلفين لا يتقابلا بهم اطلاقا والطريق الوحيد لسعادتهم سوياً هو الابتعاد..

ميبيه حزينه للغايه:

انا هروح الحمام دقيقه وجايه..

_دلفت الي المرحاض ثم وضعت يدها ع فمها تكتم شهقهاتها وهي تبكي بقوه، تقسم ان مهما مر العمر عليها لن تحب احد مثله ولا تستطيع نسيانه..

_ وصل هو الي منزله ليجد فرح تجلس وامامها خليل ويبدو ع الاثنين الغضب وبقوه..

محمد بقلق

خير ي جماعه في اي؟..

خليل وهو ينظر لشقيقته بغيظ

اهلا ي محمد، كنت فين انا هنا من شويه...

محمد وهو ينظر لوجه زوجته الذي توجد به بعض الكدمات الحمراواردف بجمود..

محدمد

كان عندي شغل..

تابع وهو ينظر لفرح

اي اللي فوشك ده ي فرح؟..

اجابته وهي ترمقه بغضب

يعني مش عارف اللي فوشي جديد عليك اللي فوشي ده انت كمان؟..

اغمض عيناه بغضب واردف لخليل بحده

انت ازاي تمد ايدك عليها؟..

خليل بحده: اسالها طولت لسانها عليا لي قبل متسالني لي ضربتها..

صاح فيه محمد بحده

اياً كان اللي عملته اياك ي خليل تمد ايدك ع مراتي تاني، ومن النهارده ي تيجي البيت ده وانت محترمها ي متجيش..

_نظرت له بعدم تصديق ثم ابتسمت ببكاء، لوهله شعرت بالامان الذي فقدته منذ سنون ماضيه، الان احد يدافع عنها فسابقاً كان الاثنين يتستبقا فتعنيفها واهانتها..

خليل بسخريه

لا ده بجد بقي انك اتغيرت، وده بسبب العيله اللي مصاحبها بقي؟..

محمد بحده

خليل متتكلمش فاللي ميخصكش..

خليل بخبث

خلاص مش هقول انك كنت مصاحب حتت عيله فثانوي ولما سابتك انت تبت الي الله واتغيرت، بس هقولك بلاش تعادي عمر عزام عشان ميندمكش ندم عمرك..

محمد بجمود

امم هو اللي بعتك طيب روح قوله اني عند كلمتي وانه يخلي باله لانه قريب اووي محدش هيلبسه بدلة السجن غيري، ولو عايز حد وسخ زيه يداري عليه ينقلك ي حبيبي هنا واهو تبقو تيم جميل مع بعض..

خليل بغضب

ماشي ي ابن عمي انت اللي جيبته لنفسك، بكره بقي ابقي افتكر كلامك ده وانت بتستلم طلب نقلك لاسيوط..

_ اغمض محمد عيناه بغضب فحين ذهب خليل للخارج..

واردف بحقد

طدي لسه البدايه ولو مرجعتش فقرارك مش هتستحمل اللي جاي..

فرح بعد ان ذهب شقيقها للخارج اردفت لمحمد بنبره هادئه

شكرا..

ابتسم لها واجابها بهدوء

ده اللي المفروض كان يحصل من زمان متشكرنيش...

تابع بتوتر

تاي اتكلم عليها خليل د..

قاطعته بجديه

مش مجبر تبررلي حاجه، انا مش عايزه منك غير تحترمني وتخليني احس بالامان زي دلوقتي ومش عايزه حاجه تاني..

اردف بنبره ساخره

مش عايزه مثلا احبك او نبقي اتنين حبيبه عشان هو حبه لسه جواكي صح؟..

اجابته بنفي

لا مش كده، ولو هتتكلم بالطريقه دي يبقي خلاص منتكلمش احسن وبراحتك ابقي زي متكون..

اردف بحزن

ي فرح لو سمحتي انا بحاول ابقي شخص كويس عشان اعيش مبسوط ومرتاح، ومش عايزك انتي وابني تبعدو عني فياريت لما اتعصب او اقول كلام سخيف تعديه وانا والله هحاول مدايقكش تمام..

اجابته بهدوءتمام، تحب اجهزلك العشاا..

اردف بابتسامه هادئه

لا شكرا انا بس عايز انام عشان تعبان شويه، ولو كان طلب النقل ده بجد مش عارف انا هعمل اي اصلا..

اجابته بجديه

ممكن تروح انت وتبظبط الدنيا يكون كريم خلص المدرسه والتدريبات والعلاج بتاعه ونروح معاك..

محمد بتعجب

ده بجد هتيجي معايا اسيوط..

فرح بتوتر

ده يعني لو انت عايز يعني..

محمد بابتسامه واسعه ونبره مشاكسه

ماشي ي فرح تمام..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

عمر بقلق

يعني اي كل ده مجتش ي حج ومقولتليش لي من بدري كنا اتصرفنا ده الماذون ع وصول..

مندور بقلق

عمر بلا ماذون بلا زفت انا المهم عندي بنتي دلوقتي...

عمر بشك

هو يحي فين؟..

مندور بجمود

فالمصنع عنده شغل وزمانه ع وصول..

_ فذلك الوقت صدح صوت طرق ع باب المنزل، فذهبت سالي وقتحت الباب لتجد نور تقف امامها وملامحها باهته وجامده للغايه..

سالي بقلق: انتي كنتي فين كل الدنيا مقلوبه؟..

_دلفت نور للداخل دون ان تجيب عليها ووقفت امام والدها ووالدتها وعمر وهي تنظر ارضاً..

سعاد وهي تحتضنها قائله بخوف

كنتي فين ي بنتي كده تخوفيني عليكي..

مندور بحده

كنتي فين ي بت انتي كل ده؟..

عمر بجمود

بالراحه ي حج مش كده..

صاح مندور بغضب

كنتي فين ي نور..

اردفت بدموع وجسد منتفض بخوف

كنت عند خالد..

_صدم الجميع من ما تفوهت به، فحين احتدت ملامح عمر بغضب شديد..

وقف مندور امامها واردف بغضب دفين

مره واحده هسألك وتجاوبي كنتي فين ي نور وبتعملي اي؟..

تنهدت بقوه واجابته وهي تنظر ارضاً بخوف شديد

كنت عند خالد انا روحتله عشان نتجوز واتجوزنا..

سعاد وهي تضرب ع صدرها بكلتا يديها

ي مصيبتي السوداا يادي الفضايح..

مندور بجمود

سعاد خدي بنتك جوه ومشوفش وش وحده فيكم بره يلاا..

_ ذهبت نور وسعاد وسالي الي داخل الغرفه الخاصه بمندور..

عمر بغضب

انت راضي عن اللي بيحصل ده ي مندور؟..

مندور بجمود

زي مانت شايف اللي حصل..

عمر بغضب وصوت جهوري

اللي حصل ان بنتك اخدتني كوبري عشان توصل للوسخ اللي ماشيه معاه..

مندور بحده

وطي صوتك واعرف انت بتتكلم مع مين ي عمر ي عزام..

عمر بحده

لا اعرفو انتو الاول غلطو مع مين، وقول لبنتك ان عمر عزام مش بيسيب حقه وهي حقي طلعت او نزلت مش هتبقي غير ليا وانا هعرف اربي ابن اختك اللي اخد حاجه تخصني..

_ذهب عمر للخارج وهو غاضب وبقوه، فحين صاح مندور بنور التي اتت له ومعها سالي ووالدتها وجميعهم خائفون من هيئة مندور الغاضبه..

اقترب منها مندور بخطوات ثابته واردف بغضب

اتجوزك غصب عنك، ولا انتي اللي رحتيلو واياكي تكدبي فاهمه؟..

نظرت لوالدتها بخوف شديد وهي تنتفض، ثم نظرت لوالدها اجابته بنبره مهزوزه: انا اللي روحتلو عشان نتجوز..

_انتهي حديثها بصفعه قويه من يد مندور ع وجهها جعلتها تقع ارضا وهي تبكي بقوه والم..

سعاد وهي تقف امام مندور بخوف

واغلي حاجه ورحمة الغالين متعملها حاجه ابوس ع رجلك..

مندور بغضب وهو يدفع زوجته بقوه من امامه

لو اتدخلتي ي سعاد هتبقي محرمه عليا ليوم الدين..

_ذهب مندور لغرفته وعاد وهو ممسك بعصا بلاستكيه غليظه وتقدم من نور..

واردف بحده

العصايه دي انا جايبها مخصوص للكلاب اللي فالمخزن عشان لما تسيب اربيها، ودلوقتي هربيكي بيها لاني قصرت فربايتك ي نور..

_كانت جالسه ارضا وتبكي بخوف وتنتفض بقوه واصبح بكاءها صياح عالي للغايه ما ان بدأ مندور بصفعها بتلك العصا ع جسدها، فحين ركضت والدتها لغرفتها وهي تضع يديها ع اذنها وتبكي بقوه ع حال ابنتها، ذهبت سالي خلفها بخوف شديد وبكاء ايضا، امسكت هاتفها وقامت الاتصال به فهو دائما ملجأ لخوفها..

اجابها بجمود

نعم؟..

سالي ببكاء شديد

تعالي ي يحي بسرعه خالي هيموت نور..

يحي بقلق

طيب اهدي انا جاي اهو..

_ظلت سالي جالسه بالغرفه وتبكي بقوه وخوف وهي تستمع لصياح نور المتالم وصوت تلك العصا القوي الذي يصفع جسدها، سمعت صوت طرق ع باب المنزل فعلمت انه هو فركضت للخارج وفتحت الباب، فدلف هو للداخل سريعا وامسك بيد مندور..

قائلاً بحده

مش كده ي حج هتموتها..

مندور بغضب

تموت، تموت وتريحني من الفضيحه اللي هتشيلها ليا، راحت اتجوزته من ورايا..

يحي بغضب

ي حج ه..

قاطعته نور بصوت باكي وهي تمسك جسدها بألم شديد

ايوه انا اللي روحتله انا ي يحي..

_نظر لها يحي بغضب من ما اوصلت حالها له فهي كان من المتوقع ان تخبر والدها باجبارها ع الزواج ولكنها اخذت كل العقاب الان بمفردها..

مندور بغضب شديد وهو يتقدم منها مجددا

لسه ليكي عين تتكلمي..

يحي وهو يمنعه من تعنيفها مجددا

ي حج صلي ع النبي واهدي، وبعدين هي اتجوزته ع سنة الله روسوله مفيش حاجه غلط، ولو ع عمر عزام فمش هيقدر يعمل حاجه سيب الموضوع عليا..

مندور بغضب شديد

انت بتقول اي، راحت رخصت نفسها ليه كان جه وقالي عايز يتجوزها مكنتش هرفض بس هي وطت راسي فالارض...

يحي بهدوء

طيب اهدي دلوقتي وكفايه اللي حصل لدلوقتي واما خالد يجي نشوف حل للموضوع ده..

مندور وهو يذهب لغرفته

الموضوع مخلصش هنا ي نور، تغور ع اوضتها ومتطلعش منها مشوفش وشها فالبيت، انا هعرف ازاي احاسبك ع اللي بتعمليه ده..

تابع وهو ينظر ليحي

انت مش المفروض تروح تنفذ اللي متفقين عليه، قاعد لي لحد دلوقتي هنا..

يحي بجديه

كنت بجمع الرجاله انا واسامه ورايحين ع طول..

_ذهب مندور لغرفته وهو يرمق نور بغضب التي نهضت بمساعدة سالي لها وذهبت لغرفتها ومعها والدتها..

يحي بجمود

سالي دخليها وتعالي عايزك..

_اومئت براسها وذهبت مع نور للداخل وجعلتها تتمدد ع الفراش بهدوء..

سعاد ببكاء مرير

لي عملتي كده ي نور، لي عملتي فنفسك كده؟..

_احتضنت نفسها ببكاء والم شديد ومالت للجهه الاخري كي تهرب من نظرات والدتها لها..

سالي بحزن شديد

انا هشوف يحي بره وهجيبلك مرهم للكدمات اللي فجسمها دي وجايه..

_اومئت لها سعاد، فذهبت هي للخارج لتجده يقف امام الباب وهو يهم بالخروج..

سالي بقلق

انت هتمشي؟..

اجابها بهدوء

عندي شغل مش فاضي ولو حصلت حاجه تاني كلميني وهتصرف..

اردفت بهدوء

ماشي وشكرا..

نظر لها بغضب واردف بحده

انتي كنتي فين انهارده لما كلمتك ومردتيش..

نظرت له بتوتر واجابته

ك كنت فالبيت هنا، كنت براجع يعني فحاجات بتاعت الدكتوراه وكده..

أردف بغضب

انتي كداابه، انتي كنتي عند شوقي..

امتلئت عيناها بالدموع قائله بخوف

والله كنت هقولك بس احنا متخانقين و..

قاطعها بنبره غاضبه

هتقوليلي اي، هتقوليلي انك كنتي معاه فالمحل والباب مقفول عليكم، مهو انتي لو بتعملي حساب للراجل اللي متجوزاه متعمليش الحركه دي..

هبطت دموعها واشاحت براسها بنفي واجابته

والله انت فاهم غلط، هو قالي انه عايز يقولي حاجه عنك وانا روحت بس الباب كان مفتوح هو جه يقفله وانا قولتله يفتحه..

صاح فيها بحده وصوت شبه عالي متكدبيش قولتلك، واي بقي الحاجه اللي قالك عليها؟..

اجابته ببكاء

مكنش في حاجه وانا مشيت ع طول..

اردف بغضب

اللي عملتيه مش هعديه ي سالي، عايزه تزعلي وتقعدي عند بيت خالك براحتك شالله تخللي هنا، انما طلوع بره البيت تاني حتي لو قدام البيت ممنوع والا والله هندمك ع اللحظه اللي شوفتيني فيها..

_تركها وذهب للخارج وهو غاضب بقوه، فحين مسحت هي دموعها واخذت تضرب يدها براسها بندم، فان كان هناك امل ان يتصلح كل شئ بينهم بهيئته هذه فقدته، ذهبت واحضرت مرهم لنور ودلفت للغرفه بعد ان مسحت دموعها، لتجدها مازالت ع وضعها تقدمت منها واخذت تضع لها المرهم بهدوء وكانت الاخري جامده فقد دموعها تهبط بصمت..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

_وقف بسيارته يتابع تلك العربات المحمله بالبضاعه المليئه بالسموم وهي تغادر بعد ان تم تسليمها لاحد التجار، اخرج هاتفه وقام بارسال رساله ما لخالد...

ثم اردف بهدوء لرجاله

كده تمام ي رجاله، اسامه خد الفلوس ووديها المخزن وتقعدو هناك للصبح..

اسامه بقلق

وانت رايح فين طيب متيجي معانا؟..

يحي

لا انا رايح لخالد ولو الحج سألك قوله راح يشوف خالد عشان الموضوع اللي يخصه تمام..

اسامه وهو يذهب باتجاه السياره

تمام ي كبير..

_ صعد سيارته وذهب الي ذلك المكان المظلم الذي يوجد به خالد وسليم..

واردف بجديه

يلا ي جماعه مفيش وقت فاضل نص ساعه والبضاعه توصل مخزن خليفه الشاذلي..

خالد بجمود

يحي عطل انت العربيه بتاعت الحراسه اللي ورا البضاعه وانا هروح ع عربية البضاعه واجيبها، انت لو حد شافك هتبقي مصيبه..

يحي بحده

خالد مش هنغير الخطه، روح انت وسليم وانا هتصرف...

سليم بقلق

طيب ع فكره ابن خليفه الشاذلي فعربية البضاعه والواد ده الشحات مبروك فنفسه اووي..

يحي بأبتسامه خبيثه

عامل حسابي يلا بينا..

_ ع الجانب الاخر كانت تسير تلك السياره الضخمه المحمله بالبضاعه وخلفها سياره سوداء مليئه بالراجال الخاصين بذلك الرجل الذي يدعي خليفه الشاذلي، ولكنها توقفت ما ان وقفت امامها سيارة خالد، فحين تابعت سيارة البضاعه سيرها دون توقف، هبط هؤلاء الرجال من السياره فالقي سليم من النافذه تلك القنبله الغازيه التي جعلت المكان باكمله ملئ بالغاز الحارق للاعين وهبط خالد وسليم من سياره وهم يضعون ع وجوههم اقنعه مانعه للضرر من تلك القنابل وقامو بتقيد هؤلاء الرجال ارضاً وذهبو الي السياره مجددا وغادرو المكان..

_ع الجانب الاخر داخل سيارة البضاعه..

اردف السائق الي ذلك الشاب الصارم الذي يجلس جواره

وبعدين ي تهامي عربية الرجاله مجتش؟..

اخرج تهامي سلاحه واخذ ينظر حوله بقلق

كمل سواقه بسرعه لازم نوصل المخزن فاسرع وقت..

_فذلك الوقت كان يحي يقف ع كبري عالي وينظر لتلك السياره وهي تتقدم منه، فوضع ع وجهه ذلك القناع الاسود الذي يغطي وجهه باكمله معادا عيناه وما ان مرت السياره من اسفل الكبري حتي نهض هو ع السور الحديدي سريعاً والي نفسه عليها...

السائق بقلق

في حد فوق، اوقف العربيه ي تهامي؟..

تهامي بغضب شديد وهو يحرك رأسه يميناً ويساراً بشكل مخيف

اوعي توقفها كمل سواقه زي مانت..

_فتح تهامي باب السياره بجواره وامسك بالباب بقوه وبكل خفه صعد اعلي السياره ليجد ذلك الملثم امامه..

تهامي بغضب دفين

انت مش قد اللي بتعمله ده ي دكر..

_تقدم تهامي منه وكاد ان يلكمه بقوه، ولكن امسك يحي بيده وسدد له عدة لكمات سريعه مثل لاعبي الملاكمه، ولكن رفع الاخر قدمه وضربها ببطن يحي الذي تراجع للخلف حتي كاد ان يسقط من ع السياره ولكنه استطاع الثبات فتقدم منه مجدداً ذلك التهامي وكاد ان يدفعه ليسقط من ع السياره فاخرج يحي عصا حديديه صغيره من احد جوانب السياره يبدو انه دسها دون ان يلاحظ احد وسريعاً ما لكم ذلك الشاب بها بوجهه وع ضهره ثم رفع قدمه ودفعه بها ليسقط الاخر من ع السياره ارضاً واخذ جسده يدور ع الارض تحت الم الاخر الشديد، وسريعاً ما تقدم من السياره من الامام وبكل رشاقه هبط بجسده لداخل السياره من النافذه وهو يلكم ذلك السائق بقدمه واخذت السياره تسير بشكل غير منتظم فحين ضرب يحي السايق مجدداً ع رأسه بتلك العصا وفتح الباب ودفعه ليسقط الاخر ارضاً ثم جلس محله وقاد السياره ذاهباً الي ذلك المكان المظلم..

_بعد قليل من الوقت..

خالد بابتسامه واسعه

عااش ي جماعه دي اول ضربه لمندور كلهم هيبداو يشكو فبعض دلوقتي..

سليم بجديه

بس العمليه الجايه لازم تكون متغيره عن دي..

يحي وهو يغسل وجهه ببعض المياء من تلك الانينه البلاستيكيه: من لوقتها نشوف، انا لازم ارجع دلوقتي لان احتمال كبير مندور اول حد يشك فيه انا،وكويس ان اازفت ابن خليفه ده مضربش فوشي ..

خالد بهدوء

طيب تمام وانا وسليم هناخد البضاعه دي ونفضيها فالميه براحتنا..

سليم بضحكه هادئه

ايوه بشويش بشويش وبعدها هنولع فالعربيه دي فأي مكان مقطوع..

يحي وهو يذهب للخارج

تمام ي رجاله..

خالد بقلق

يحي هو حصل حاجه بعد نور مروحت، سليم بيقولي ان عمر عزام عمال يشرب وحالته زي الوليه اللي جوزها اتجوز عليها..

يحي بجمود

والله انت الموضوع بعيد عنك نور قالت لخالك انها هي اللي جالتلك عشان تتجوزها..

سليم بابتسامه مرحه

سيدي يسيدي ع الحب..

خالد بقلق

ازاي؟ وخالي عمل اي؟..

يحي بنبره حزينه

للاسف كان هيموتها لولا سالي كلمتني ولحقتها..

خالد بخوف شديد

لي عملت كده هي لييي؟..

_نظر سليم ويحي لبعضهم بضيق وعدم القدرة ع فعل شئ لذلك العاشق..

خالد بدموع متحجره وغضب شديد

انا هروحلها..

يحي بحده

انت غبي ياللا والخطه بتاعتنا لو روحت دلوقتي جيدا اللي مستنياك دي هتتغير ومش هنعرف نجيب عدنان ولا نعرف حاجه عن شغل لبنان..

خالد بغضب

انا هشوفها يعني هشوفها..

يحي بضيق

بكره نشوف حل للحوار ده، واهدي عشان انا لازم ارجع بسرعه..

ـــــــــــــــــــــــــــــــــــــــــــــــــــــ

ــــــــــ #بقلم_الكاتبه_رحاب_القاضي ــــــــ

ـــــــــــــــــــــــــــــــــــــــــــــــــــــ

مندور بغضب

يعني اي ي خليفه موصلتش البضاعه، الرجاله جات من بدري عندي،انا اي دخلي انك معرفتش تحافظ عليها واتسرقت منك..

خليفه بحده

ي حج مندور الحكايه دي عمرها محصلت ومحدش يقدر يعمل كده غير لو انت تعرف..

مندور بغضب شديد

متلبخش فالكلام عشان مقلبش عليك بجد..

خليفه بغيظ

انا اعمل اي دلوقتي انا صرفت نص تمن البضاعه وعمر عزام لو ماخدهاش بكره هيموتني ي حج..

مندور بجمود

اقفل طيب وانا هشوف الموضوع ده..

_ اغلق مندور معه وهو يفكر بغضب فمن الذي تجرا ان يفعل هكذا مع احد التجار الخاصين بمنطقته، ذهب الي النافذه ولكنه ضيق عيناه بغضب وهو لا يري سيارة يحي بالاسفل، امسك هاتفه وكاد ان يهاتفه ولكنه القاه ع الطاوله بغضب، ودلف خارج شقته متجهاً للاعلي..

_فذلك الوقت كان يحي يقف امام شقته ولكن قبل ان يفتح الباب استمع لخطوات ع الدرج نظر للاسفل ليجده مندور، فركض للاعلي بهدوء، فحين وصل مندور امام الشقه وطرق ع الباب عدة مرات ولكنه لم يستمع للرد، وقبل ان يفكر باي شئ جاء يحي من الاعلي وهو ممسك بجاكيته ويبدو ع وجهه الارهاق وشعره غير منظم..

يحي بقلق

خير ي حج في حاجه ولا اي؟..

مندور بجمود

انت كنت فين مجتش لي مع الرجاله، وعربيتك فين؟...

يحي بهدوء انا روحت لخالد قولت لاسامه يقولك بس لقيته عند جيدا ومعرفتش اتكلم معاه ورجعت ع المصنع خلصت ورق البضاعه بتاعت الخشب اللي اتسلمت من يومين وسيبت العربيه هناك وجيت طلعت ع السطوح وعيني غفلت شويه وصحيت ع صوت الخبط ده..

مندور باقتناع

ماشي ي يحي، انا كنت جاي اقولك ان البضاعه بعد مسلمتوها طلعو شوية عيال سرقوها من ابن خليفه ورجالته..

يحي بقلق مصطنع

ده ازاي حصل؟..

مندور بضيق

مش عارف مين اللي اتجرأ يعمل كده؟..

يحي بهدوء

تلاقيه حد ليه مشكله مع خليفه الشاذلي عشان لو قاصدنا احنا كان اخدها مننا احنا مثلا..

تابع بخبث

او عمر عزام..

مندور باهتمعم ومال عمر عزام بالموضوع؟..

يحي بجمود: عشان اللي حصل النهارده وموضوع جواز نور وخالد..

مندور بغضب

هشوف ي يحي المهم تقول لخالد ميظهرش فوشي اليومين دول عشان مخلهوش يحصل امه وابوه..

_اومئ له يحي وهو يتابعه وهو يهبط للاسفل، ثم تنهد بنفاذ صبر ودلف الي شقته..

فماذا سيحدث...

يتبع

الفصل التاسع عشر من هنا

لقراءة باقي الفصول من هنا

كرنفال الروايات

رواية القصه واللي كان الفصل السابع عشر17والثامن عشر18 بقلم رحاب القاضي

مقالات قد تهمك

أقسام الوصول السريع (مربع البحث)

رواية القصه واللي كان الفصل السابع عشر17والثامن عشر18 بقلم رحاب القاضي

مقالات قد تهمك