رواية حطمت كبريائه الفصل الخامس عشر15والسادس عشر16 بقلم دنيا امام
تصحي جميله تاني يوم تلاقي نفسها في حضن اياد تفضل في حضنه وتبص عليه وهو يصحي بس يعمل نفسه نايم
جميله: مشكلتي اني بحبك اوي يا اياد ومقدرش اعيش من غيرك وكمان انا مسامحاك بس كان لازم اعمل كده علشان متكسرنيش تاني وتيجي جميله تقوم يشدها اياد عليه ويحضنها ويقول: وانا كمان بموت فيكي ياحبيبتي سامحيني انا اسف وصدقيني مستحيل اجرحك تاني
جميله بكسوف: ا.ا.اا.نت صحيت امتي
اياد ويبوس ايديها: من ساعه ماكنتي بتبصي عليا وقولتي بحبك ومقدرش اعيش من غيرك
جميله وتتقلب وجنتاها خجلا: ا.ا.ناا هقوم اخد شااور
اياد ويشدها عليه اكتر: طب انا كنت عايز اقولك علي حاجه كده
جميله باستفهام: حاجه ايه دي
اياد يشدها عليه اكتر: هقولك ويطفي النور و(تسكت شهرزاد عن الكلام الغير مباح)
ـــــــــــــــــــــــــــــــــــــــــــــــــــــــــــــــــــــــــــــــــــ
عند ميس في الڤيلا قاعده هي واريچ
ميس: ايه يا اريچ ننزل نعمل شوبنچ انا وانتي وهتصل بريم وجميله
اريچ: هي جميله رجعت مصر
ميس: ايوه واتجوزت كمان اياد اخو احمد جوز ريم
اريچ: طيب كلميهم وننزل النهارده
ميس: طيب هكلمهم دلوقتي
اريچ: تمام
وتقوم ميس تتصل بريم
ميس: ايوه يا ريمو
ريم ايه ياقلبي
ميس: بقولك ايه اريچ بنت خالي نزلت مصر وهننزل نعمل شوبنج ماتيجي معانا انتي وجميله
ريم: اشطا هقوم البس وهكلم جميله وهنعدي عليكي
ميس: تمام ياقلبي باي
وتتصل ميس بمحمد
محمد: قلبي وحشتيني
ميس: وانت كمان ياحبيبي بقولك
محمد: ايه ياقلبي
ميس: اريچ بنت خالي نزلت مصر وهننزل انا وهي نعمل شوبنج ومعانا ريم وجميله
محمد: ماشي ياقلبي خلوا بالكم من نفسكم
ميس: حاضر ياحبيبي باي
محمد: باي ياقلبي
ــــــــــــــــــــــــــــــــــــــــــــــــــــــــــــــــــــــــــــــــــ
عند جميله ترن عليها ريم
جميله: الو
ريم: ايوه ياجوجو بقولك
جميله: ايه ياقلبي
ريم: ميس كلمتني وهننزل انا وهي واريچ نعمل شوبنج هتيجي معانا
جميله: طيب هقول لاياد وهاجي
ريم: طيب ياقلبي هعدي عليكي كمان نص ساعه كده
جميله: ماشي باي
ريم باي
وتنزل جميله لاياد
جميله: اياد انا هنزل مع ريم وميس هنعمل شوبنج
اياد: ماشي ياحبيبتي انا كمان رايح الشركه
جميله: طيب انا هطلع البس وتطلع جميله تاخد شاور وتلبس فستان اوف شولدر ابيض طويل وجذمه بيضه مع بعض لمسات التجميل وتنزل تلاقي اياد لسه موجود
جميله: انت لسه هنا مش قولت هتروح الشركه
اياد: مستني اشوف القمر بتاعي قبل مامشي ويقرب منها اياد ولسه هيبوسها تبعد جميله
جميله: اياد بس بقي زمان ريم جايه
اياد بحزن مصطنع: خلاص ماشي يا جميله
جميله تقرب منه: حبيبي انت زعلت
اياد وفجأه يبوسها علي شفايفها وهي بتحاول تبعد ويرن موبايل جميله ويبعد عنها اياد
جميله بكسوف: د.د.ي ريم زمانها وصلت وواقفه بره
اياد: طيب انا هروح الشركه خلي بالكم من نفسكم ويبوسها علي خدها ويمشي وتطلع معاه تركب مع ريم
اياد: ازيك يا ريم عامله ايه
ريم: الحمد لله يا اياد انت اخبارك ايه
اياد: الحمد لله انا همشي بقي ياجميله
جميله: ماشي وتركب جميله جنب ريم وتمشي وفي العربيه
ريم: هنروح فين
جميله: لما نروح لميس الاول نبقي نشوف
ريم: اشطا ياحب وبعد وقت توصل ريم عند ميس وتتصل بيها وتنزل ميس و اريچ ويسلموا علي بعض ويركبوا العربيه وتمشي ريم علي المكان اللي اتفقوا عليه
ـــــــــــــــــــــــــــــــــــــــــــــــــــــــــــــــــــــــــــــــــ
عند اياد في الشركه قاعد في مكتبه ويدخل عليه رامي ومحمد واحمد
رامي: ايدوووووووو وصل يا جدعاااااان
اياد: يخربيتك فزعتني وانا قاعد الله يحرقك
محمد: نورت الشركه يا صاحبي
احمد: والله الشركه وحشه من غيرك
رامي: والله الشركه كانت مفرفشه من غيرك احم قصدي نورت بوجودك
اياد: بقي الشركه كانت مفرفشه من غيري مااشي اديني جيت اهو
رامي: بهزر ياعم الله ايه مبتهزرش يا رمضان
محمد: هههههههه الله يخربيتك خلاص
اياد: اخبار الصفقه اللي ماسكينها ايه
احمد: المندوب بتاع شركه .... كان هنا النهارده وعايزين شويه تعديلات
اياد: تمام فيه اجتماعات دلوقتي
محمد: اه فيه اجتماع كمان نص ساعه ولما يخلص هنروح النادي نتغدي هتيجي معانا
اياد: تمام بس يلا علشان الاجتماع
رامي: يلا بينا
ــــــــــــــــــــــــــــــــــــــــــــــــــــــــــــــــــــــــــــــــــ
عند البنات
جميله: انا هموت من الجوع
اريچ: وانا كمان جعانه اوي
ريم: طيب هنروح ناكل فين
ميس: في النادي
جميله: طيب يلا بينا
ريم: مفتاح العربيه اهو ياجميله سوقي انتي
جميله: طيب هاتي وتركب جميله العربيه وجنبها ميس ووراهم ريم واريچ
وبعد وقت يوصلوا البنات النادي وتقول جميله: هنقعد قدام البحر الجو هناك هيبقي احلي
اريچ: طيب يلا
ميس وريم: يلا
ــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
شريف نصار: اشرف هينزل بكره مصر هو ومراته وعياله
فريده: ماشي طيارتهم هتنزل امتي
شريف نصار: الساعه 8 باذن الله
فريده: اخبار ميرڤت ايه لسه بردو زي ماهي
شريف نصار: ربنا يهديها
فريده: يارب
شريف نصار: اتصلي بجميله واياد واعزميهم بكره علي الغدا علشان تبقي العيله كلها موجوده
فريده: حاضر
ـــــــــــــــــــــــــــــــــــــــــــــــــــــــــــــــــــــــــــــــــــ
عند الشباب يوصلوا النادي
اياد: يلا نقعد ع البحر
رامي: اشطا يلا بينا وتروح الشباب تقعد عند البحر
احمد: مش ريم وجميله وميس اللي هناك دول
محمد: ايوه هما
اياد: طيب يلا نقعد معاهم ونتغدي كلنا
الشباب: يلا بينا
ويروحوا الشباب عند البنات
اياد: انتو هنا من امتي
جميله: ايه دا انتو هنا
رامي: لا هناك هههههههه
اياد: بس يابني بقي الله يخربيتك
جميله: هههههه تعالوا اقعدوا
احمد: انتو هنا من امتي
ريم: من ربع ساعه كده
جميله: احب اعرفكم دي اريچ بنت خال ميس ولسه نازله من فرنسا انبارح
رامي: ايه دا مش معقول انتي
اريچ بانتباه: ايه دا انت
محمد: انتو تعرفه بعض
رامي: ايوه ماهي دي اللي انا قولتلكم عليها
فلاش باك
رامي: سمعليكوووو
احمد: انت يابني معندكش دم يعني احنا قلقانين عليك من انبارح وانت داخل تهزر
محمد: كنت فين يابني
رامي اهدو عليا طيب اخد نفسي الاول
احمد: انطق يازفت كنت فين
رامي: بص ياعم انا لما كنت راجع من الاجتماع كنت سايق بسرعه علشان الحق اجي معاكم عند ميس بس وانا ماشي خبطت بنت بالعربيه من غير قصد والبنت اغمي عليها وخدتها المستشفي بس الحمد لله محصلهاش حاجه كانت كدمه بسيطه في وشها بس كانت غايبه عن الوعي من انبارح وفاقت النهارده ووصلتها الڤيلا اللي قالتلي علي عنوانها وجيت علي هنا علي طول
باااااك
ميس يعني انت اللي هي قالتلي عليه انبارح
اريچ: ايوه هو بجد والله انا متشكره ليك اوي
رامي: علي ايه بس اي حد مكاني كان هيعمل كده
ريم: والله مش كل الناس زيك يا رامي
اياد: اخيرا عملت حاجه مفيده في حياتك
رامي: احم بتقول حاجه يا ايدوو
اياد: الله يحرقك يا زفت مابلاش ايدو دي قولتلك قبل كده مليون مره
رامي: عارف يا اياد انت بتفكرني بمين
اياد: مين ياخويا
رامي: بالراجل اللي في مسرح مصر اللي بيدخل يقول انا هعمل ايه اهو انت بقي زيه بس الفرق انت بتقول يانكد هتيجي منين
الكل: هههههههههههههههههههههههه
اياد: والله يارامي الكلب ماهسيبك ولسه هيقوم يضربه يرن موبايل اياد ويلاقي مامته بتتصل
اياد: ايوه يا ماما
الام: ازيك ياحبيبي عامل ايه واخبار جميله ايه
اياد: كويسين ياست الكل
الام: طيب يابني ابوك عازمك انت وجميله بكره علي الغدا علشان عمك اشرف نازل مصر بكره هو ومراته وعياله
اياد: معلش يا ماما انتي عارفه اني مبحبش ولا مراته ولا عياله مش هعرف اجي
الام: معلش يابني علشان خاطر ابوك
اياد: حاضر يا ماما هاجي بكره انا وجميله
الام: ماشي ياحبيبي سلام
ويقفل اياد مع والدته
احمد: فيه ايه
اياد: عمك اشرف نازل مصر هو ومراته وعياله بكره
احمد: استغفر الله العظيم يارب الواحد كان قاعد مبسوط
اياد: انا مكنتش عايز اروح بس بابا هيزعل
احمد: انا ولا طايق مرات عمك ولا البت الملزقه بنتها دي بس البت التانيه كويسه طالعه لعمك
اياد: ملناش دعوه
رامي: عمك مين دا
اياد: عمي اشرف يابني اللي سافر لندن من عشرين سنه كنا لسه صغيرين
رامي: ااااه افتكرته يعني هتيجي بكره
اياد: ايوه هاجي انا وجميله
وبعد وقت كل واحد يروح بيته
ـــــــــــــــــــــــــــــــــــــــــــــــــــــــــــــــــــــــــــــــــــ
عند اياد وجميله يوصلوا الڤيلا
جميله انا هطلع اغير هدومي وهنزل
اياد: ماشي ياحبيبتي
وتطلع جميله تاخد شاول وتغير هدومها وتنزل لاياد
جميله: مش هتغير هدومك
اياد: مش قادر والله
جميله وتقرب منه وتحط ايديها علي دماغه انت تعبان ياحبيبي
اياد يمسك ايديها يبوسها: لا يا حبيبتي مش تعبان
جميله: طيب اطلع غير هدومك وارتاح
اياد: حاضر ويقوم اياد يقف بس يدوخ وتقوم جميله بخضه تمسكه بس يشيلها اياد فجأة ويطلع بيها علي الاوضه
جميله: بقي كده بتضحك عليا يا اياد وبتعمل نفسك تعبان طيب نزلني بقي
اياد: بس يابت
جميله: هااااا بت طب نزلني يا اياد
اياد: مابس يابت بقي ويدخل بيها اياد الاوضه ويقفل الباب برجله ويحط جميله علي السرير
جميله: علي فكره انت رخم
اياد: بس يابت قولتلك دا انتي رغايه اوي ويطفي اياد النور و (تسكت شهرزاد عن الكلام الغير مباح)
روايه (حطمت كبريائه )
البارت السادس عشر
تاني يوم يصحي اياد يلاقي جميله في حضنه ويفضل يبص عليها ويمشي ايده علي شعرها وتحس بيه جميله وتصحي
جميله: حبيبي انت صحيت امتي
اياد ويبوس ايديها: لسه صاحي دلوقتي وكنت بتفرج علي الملاك بتاعي وهو نايم
جميله بكسوف: طيب انا هقوم اخد شاور وهجهز نفسي علشان نروح عند ماما وريم
اياد: دلوقتي لسه بدري
جميله: علشان اساعدهم في الغدا
اياد: ماشي ياقلبي
وتقوم جميله تاخد شاور وتلبس فستان اسود تلت كم قط ضيق من عند الصدر وحزام من عند خصرها منفوش يصل لحد ركبتيها وجذمه نفس لون الفستان وشعرها ينسدل علي ظهرها مع بعض لمسات التجميل
ويدخل اياد الاوضه ويشوف جميله ويتبهر بجمالها
اياد ويحط ايه علي قلبه: ااااااه ياقلبي مش قاادر
جميله تجري عليه بخضه: مالك ياحبيبي فيك ايه
اياد: مش قادر ياجميله مش قادر
جميله بدموع: مالك يا اياد حاسس بايه
اياد: مش قادر علي الجمال دا انتي ازاي كده
جميله بصدمه: ايه
اياد: هههههههههههههه
جميله وتضربه بخفه: حرام عليك والله كنت هموت من الخوف عليك
اياد: بجد ياجميله خايفه عليا
جميله وتمسك ايده وتقول بحب: طبعا ياحبيبي مش بحبك يبقي لازم اخاف عليك
اياد: لا احنا كده نهرب من العزومه دي وخلينا هنا احسن
جميله بكسوف: ا.ااياد يلا بقي هنتأخر
اياد: طب بذمتك اسيبك انا ازاي وانتي شبه الفراوله كده
جميله: يلا بقا يا ايدو
اياد: ياربي هلاقيها منك ولا من رامي الكلب
جميله: قوم يا ايدو بقي علشان خاطري
اياد: اه ياني بت انتي بلاش دلع احسن والله احلف منروحش ونقعد هنا
جميله: هههههههههه طب خلاص خلاص يلا ادخل غير هدومك علشان هنتأخر كده ويقوم اياد ياخد شاور ويلبس بنطلون چينز اسود وقميص جملي وجذمه جملي ورافع شعره وينزل يركب عربيته وجنبه جميله
ــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
فريده: احمد راح يجيب عمه من المطار
شريف نصار: ايوه راح من بدري وزمانهم علي وصول
ريم: احمد لسه مكلمني وقالي انهم داخلين ع الڤيلا
شريف نصار: كلمتي اياد يافريده
فريده: اياد كلمني وهو علي وصول دلوقتي
شريف نصار: طيب
ويدخل اياد وجميله
فريده: اهلا ياحبايبي تعالوا
اياد: ازيك يا ماما
فريده: الحمد لله ياحبيبي
اياد: ازيك يابابا
شريف نصار: الحمد لله يابني
جميله: ازيك يا ماما ازيك ياريم
فريده: الحمد لله يابنتي
ريم: تمام ياقلبي
اياد: عمي وصل ولا لسه
شريف نصار: علي وصول
اياد: ماشي
ويدخل احمد ومعاه عمه اشرف ومراته وابنه الكبير زياد وبنته الوسطي مايا والصغيره نور
شريف نصار: اهلا وسهلا ازيك يا اشرف عامل ايه
اشرف نصار: الحمد لله ياشريف انت اخبارك ايه
شريف نصار: الحمد لله
اشرف نصار: ازيك يافريده
فريده: الحمد لله يا اشرف ازيك ياميرڤت
ميرڤت بتكبر: كويسه
اياد: ازيك ياعمي
اشرف ازيك يا اياد يابني
اياد: الحمد لله ازيك يا زياد
زياد: الحمد لله يا اياد
مايا وبتقرب علي اياد: ازيك يا اياد عامل ايه
اياد ويبعد عنها ويقول: كويس ازيك يانور اخبارك ايه
نور: الحمد لله يا ابيه
فريده: احب اعرفكم ريم مرات احمد وجميله مرات اياد
ميرڤت: ايه هو اياد اتجوز احنا مش كنا متفقين ان اياد هيتجوز مايا بنتي ولا هي بنتي وحشه
اشرف نصار: خلاص ياميرڤت الف مبروك ياولاد ربنا يسعدكم
ريم وجميله: الله يبارك فيك يا عمي
فريده: اتفضلوا ياجماعه تعالي معايا ياريم انتي وجميله المطبخ علشان نحضر الغدا
جميله وريم: حاضر يا ماما
احمد: طيب هنقعد انا واياد وزياد في الجنينه لحد مالغدا يجهز
ــــــــــــــــــــــــــــــــــــــــــــــــــــــــــــــــــــــــــــــــــ
عند البنات في المطبخ
فريده: متزعليش ياجميله يابنتي من كلام ميرڤت
جميله: لا ابدا يا ماما حصل خير
ريم: هو فعلا اياد كان عايز يتجوز مايا
فريده: لا يابنتي اياد اصلا مبيحبش مايا ومكنش وموافق كمان بس ميرڤت هي اللي كانت عايزه مايا تتجوز اياد علشان الفلوس
جميله : ربنا يهديها
وتتدخل عليهم نور
نور: هو انا ممكن اساعدكم
فريده: لا ياحبيبتي ارتاحي انتي
نور: بس انا عايزه اساعدكم لو تسمحولي
جميله: خلاص ياقمر تعالي
نور: انتي جميله صح
جميله: ايوه انا
نور: انتي فعلا جميله
جميله: ميرسي ياحبيبتي
نور: وانتي كمان ياريم قمر ماشاء الله عليكم
ريم: انتي اللي قمر يانور
فريده طيب يانور حضري انتي السفره وانتي ياجميله روحي قولي لاياد الغدا جاهز
نور: حاضر ياطنط
جميله: حاضر
ـــــــــــــــــــــــــــــــــــــــــــــــــــــــــــــــــــــــــــــــــــ
عند الشباب في الجنينه
زياد: متزعلش يا اياد من كلام ماما انت عارفها
اياد: حصل خير
احمد: والله يا زياد ليك واحشه
زياد: والله وانتو كمان اومال فين رامي
رامي: زيزوووو
زياد: مفيش فايده فيك ههههههههه واحشني ياصاحبي والله
رامي: وانت كمان والله عامل ايه
زياد: الحمد لله
وتيجي جميله عند الشباب
جميله: اياد يلا الغدا جاهز
اياد: طيب يلا بينا يا شباب
رامي: يلا والله انا جي واقع من الجوع
اياد: علي طول همك علي بطنك كده
رامي: ماحضرتك مجتش الشركه وانا طالع عيني من الصبح ماهي ناس ليها جواز وناس يطلع عينها
اياد: طب يلا ياخويا
رامي: متزوقش طاااااب
ــــــــــــــــــــــــــــــــــــــــــــــــــــــــــــــــــــــــــــــــــ
علي سفره الطعام
قاعد اياد وتيجي مايا وتقعد جنبه
مايا: كده يا اياد تتجوز وانت عارف ان انا بحبك
وتيجي جميله تلاقي مايا قاعده جنب اياد وبتتكلم معاه
جميله: لو سمحت ممكن اقعد جنب جوزي
مايا بقرف: يعني السفره دي كلها مش عجباكي
جميله ببرود: والله عجباني بس عايزه اقعد جنب جوزي ولا دا يضايق حضرتك
مايا بتكبر: ممكن تقعدي جنبه الناحيه التانيه
جميله وتبص لاياد
اياد رامي هيقعد جنبي وجميله هتقعد هنا ولو سمحت قومي دا مكان جميله
مايا تقوم بعصبيه: اتفضلي
وتقعد جميله جنب اياد وتقول: كانت بتقولك ايه
اياد: بعدين ياجميله بعدين
جميله: قولت كانت بتقولك ايييهه
اياد: كانت بتقولي ازاي تتجوز وانت عارف ان انا بحبك
جميله: حبها برص
اياد بضحك: بتغيري عليا
جميله: انت بتضحك ماشي حسابك معايا لما نروح
اياد: هههههههههههههههه
ويقعد الكل علي السفره
فريده: اومال فين الواد رامي
احمد: طلع يغير هدومه ونازل
زياد: بابا هي نور فين
فريده: نور قالت هتغير هدومها وتنزل
ــــــــــــــــــــــــــــــــــــــــــــــــــــــــــــــــــــــــــــــــــ
عند رامي يدخل اوضته يلاقي بنت في الاوضه
رامي: انتي مين
نور بخضه: ا.اانت اللي مين وبتعمل ايه هنا
رامي: المفروض انا اللي اسألك بتعملي ايه هنا في اوضتي
نور باحراج: ا.ا.ا.ناا اسفه بس كنت بغير هدومي ومعرفش دي اوضه مين
رامي ويبص في عنيها يلاقيها كلها دموع: طيب خلاص بتعيطي ليه دلوقتي انا اسف معرفش انك هنا وبعدين انتي مين
نور: انا نور اشرف نصار
رامي: بس انا فاكر ان لما عمي اشرف سافر كان معاه زياد ومايا
نور: انا اتولدت في لندن
رامي: طيب انا هسيبلك الاوضه لحد ماتغيري هدومك
نور: لا شكرا انا خلصت عن اذنك وتنزل نور بسرعه وهي مكسوفه من رامي
رامي: يخربيت جمالك انتي ازاي بريئه كده
ويغير رامي هدومه وينزل يتغدي معاهم
ــــــــــــــــــــــــــــــــــــــــــــــــــــــــــــــــــــــــــــــــــ
عند الشباب بعد الغدا يقعدو في الجنينه يهزرو مع بعض وتيجي ريم وجميله بالعصير
جميله: اتفضلوا
اياد: جميله جهزي نفسك علشان هنمشي شويه كده
جميله: حاضر
شريف نصار: انتو هتعيشوا معانا هنا
اياد: معلش يا بابا انا مرتاح في الڤيلا بتاعتي
شريف نصار: يابني وليه بس ماتخليك انت ومراتك هنا مع العيله انا الاول قولت علشان عرسان ياخدوا راحتهم
اياد: حاضر يابابا
وتيجي ميرڤت ومايا وفريده ونور
فريده: خلاص يا اياد هتقعد معانا هنا بجد
اياد: ايوه يا ماما
ميرڤت: اومال هو كان عايش فين
فريده: عنده ڤيلا خاصه بيه هو ومراته
مايا بغل: والله بجد ومكنتش عايز تقعد هنا ليه
اياد: والله انا حر واحد وعايز يعيش هو ومراته لوحدهم
نور: بس مراتك قمر يا ابيه
جميله: ميرسي ياحبيبتي
وبعد وقت يطلع كل واحد علي اوضته
ڤيلا فريد المنشاوي في اوضه محمد بيكلم ميس
محمد: وحشتيني اوي ياقلبي
ميس: وانت كمان ياحبيبي
محمد: هعدي عليكي بكره نروح عند احمد الڤيلا علشان ذياد ابن عمه نزل مصر وهروح اسلم عليه وهاخدك تقعدي مع جميله وريم وهاتي اريچ معاكي
ميس: حاضر ياحبيبي طيب انا هنام بقي تصبح علي خير
محمد: وانتي من اهلي ياقلبي باي
ميس: باي ياحبيبي
في اوضه اياد وجميله
جميله: خلاص يعني هنعيش هنا
اياد: حبيبتي انتي زعلانه
جميله: لا بالعكس فرحانه اوي علشان هنبقي عيله واحده وكمان هبقي مع ريم وبعدين ياحبيبي المكان اللي هتكون فيه انا هكون معاك
اياد يمسك ايديها ويبوسها: ربنا يخليكي ليا ياحبيبتي
جميله: ويخليك ليا ياحبيبي بس عارف يا اياد لو شوفتك بتتكلم مع مايا هعمل فيك ايه
اياد: ههههههههههههه
جميله: بطل ضحك يا اياد بقي
اياد: بحب اشوفك وانتي غيرانه كده
جميله: مين قالك اني غيرانه
اياد: ياجدع ههههههههههه
جميله: والله انت رخم واوعي كده بقي
اياد: خدي بس هقولك حاجه مهمه
جميله: لا اوعي انا زعلانه منك يا اياد
اياد: وانا مقدرش علي زعلك يا روح اياد تعالي بقي هقولك علي حاجه مهمه ويشدها اياد عليه ويبوسها بوسه طويله و (تسكت شهرزاد عن الكلام الغير مباح)