رواية احلام ورديه
الفصل الثالث عشر13
بقلم نوسه حمد
وصلنا جزر المالديف الساعه تلاته صباحا وناس طلال كانو حاجزين ف فندق غير الاحنا حاجزين فيهو 😬😬😁😁ياخ لمن
قالو لي كده فرحت فرح عشان ابعد من البت الحشريه دي 😁😁
ودعناهم وفاتو ونحنا مشينا ه الفندق الحاجزين فيهو وعموري حبيبي كان حاجز لينا جناح خاص ياخ انا من دخلتو حسيت نفسي ف الجنه والله ي جماعه الفندق الحاجزين فيهو ولا قصر وزيرنا شي كده عجيب 😍😍😍
دخلنا الجناح وانا كنت مبسوطه شديد عموري قال لي ع فكره انا حجزتا شهرين وشغلي كلو سلمتو لي ابوي وصاحبي وان شاء الله مابتجيهو عوجه
قلت ليهو بس دا كتير عليك والصرف حار عليك قال لي انتي مجنونه كل مال الدنيا م اسوا شي زي بسمتي وسعادتي معاك وانا عاوز ابعد عن جو الشغل شويه واعيش معاك احلا 60يوم
قلت ليهو انت عارف انا الساعات القعدتها جنبك ونحنا ف الطياره اقسم بالله حسيت فيهم بي سعاده عمري م حصل ضقتها 😘😘😘
الكلام دا كلو ونحنا واقفين عموري قال لي حبيبتي انتي تعبانه من السفر يلا اخدي دش وانا بطلب لي اكل لانو جيعان شديد
قلت ليهو تمام حبيبي
مشيت الحمام غايتو سبحان الله الحمام حقهم احلا واجمل من غرف اغني راجل ف السودان شي احير
اها دخلتا كده وبقيت محتاره بقيت اتكلم براي هي ياربي الدش وينو والماسوره وين غايتو بقيت واقفه وقدر م فتشت لا لقيت لي ماسوره لا دش قلت دي فضيحه لو مشيت سالت عموري
المهم قعدتا ساعه والشي دا كلو غلبني لمن عموري دقا لي الباب قال لي حبيبتي يلا الاكل ببرد اطلعي قلت ليهو حاضر حبيبي
المهم لبست ملابسي وختيت البشكير ف راسي نظام استحميت وانا الحمام قلبتو من عدلتو م عارفاها😁😁😁😁😁
المهم جيت عموري قال لي نعيما بي قلبي قلتا ليهو علي شنو وانا م استحميت 😇😇
قلت ليهو انعم الله عليك حبيبي
جيت قعدتا جنبو والاكل زاتو م فاهماهو عاينت كده للاكل ومن شكلو بس بطني طمت
يلا عموري قال لي اكلي حبيبتي قلتا ليهو وينو الاكل ههههههههههه قال لي ودا شنو قعدتا اضحك قلت ليهو اكل انت حبيبي انا شبعانه وهو انا الجوع داير اكتلني عموري مسكني من يدي قال لي من الان انا لو م انتي اكلتي معاي نهاي م حا اكل حتي لو متا من الجوع
وانتي م عاوزه كمان انا م عاوز😏 وع فكره انا جيعان
قلت ليهو حبيبي ح اكل معاك يلا حبيبي بسم الله
المهم عموري قعد اياكل وانا دخلتا لي حته ف خشمي غايتو غلبني ابلعا وغلبني امرقا وم قادره احرج عموري عشان هو قال جيعان وصراحة الاكل م فاهماهو شنو وبطني طمت منو قلت اتلقي لحم خنزير المهم عموري شكلو جيعان شديد اياكل واتونس معاي وانا لقمه بس غالباني ابلعا المهم بطني طمت شديد حسيت بي طمام م عادي قمتا استفرغت استفراغ لمن قعدتا ابكي عموري بقا خايف علي لمن برجف حضني عليهو وشربني مويه قال لي عشان الطمام اروح بقيت ابكي واقول ليهو عموري انا قعدتا اكل عشانك والاكل م عجبني عموري قشا لي دموعي قال لي طيب حبيبتي تاني م ح اطلب اكل ف مطاعم كتيره برا نطلع ناكل الاكل البعجبك
المهم من التعب نومتا ف حضنو م صحيت الا الصباح قلت لي عموري هسي نعرف الوقت كيف والصلاه كيف والقبله ع وين قال لي بنزل اسال ناس الفندق وبجي
عموري نزل جاني بعد مسافه شايل ليهو مصلايه لونها عجيب ومصحف ملون رهيب وسبحه رهيبه قال لي سالت ناس المطعم وهم الادوني المصحف والمصلايه ووروني القبله
صلينا الصبح وصلينا ركعتين ادعينا لي نفسنا فيهم 😘😘😘😎😎😎😎😎
عموري قال لي استحمي عشان نطلع نفطر برا ونغير جو قلت ليهو المره دي استحما انت اول
قلت عشان اشوف الحمام فيهو مويه ولا الانا دخلتها دي غرفه
المهم عموري دخل الحمام واسمع ليك صوت المويه قلتا ي ربي دي علي وين قلت كان طلع لازم اسالو وم اخجل
المهم عموري طلع قال لي يلا ادوشي وتعالي قلتا ليهو عموري ممكن طلب قال لي اامري حبيبتي سوقتو من يدو ودخلتو الحمام قلت ليهو عموري دا حمام
عموري مات بالضحك قال لي اي حبيبتي موش انتي المره الفاتت استحميتي فيهو قلتا ليهو حبيبي م بكذب عليك انا المره الفاتت م فهمت قلبتو من عدلتو ولا استحميت ولا اي شيء
قلت ليهو وينو الدش ووينا الماسورة المهم عموري شعبان ضحك مشا لمس ليهو زر كده طوالي المويه كبت قال لي جيبي يدك اديتا ليهو ختاها في الزر وقال لي كده مويه فاتره وكده مويه دافيه يلا حبيبتي ادوشي وانا منتظرك برا عشان طوالي نطلع
المهم قلت هي نسيت اسال عموري من الليفه بس المره دي ضحكت ع نفسي براي قلت الناس ديل لو استحمو بي ليفتنا دي جسمن بتجرح
المهم استحميت وطلعت
لقيت عموري لابس ليهو قميص مخطط بالكبدي والاسود وبنطلون اسود وجزمه سودا غايتو استغفر الله من سماحتو وقفتا جنبو كده وقلت ليهو عاوزه احصنك حبيبي عشان م اسحروك علي قعد اضحك قال لي البسحرني منو حبيبتي هنا كل زول ف حالو قلتا ليهو لا الا احصنك المهم بقيت اقرا ليهز كده وهو اعاين لي وانا اعاين ليهو اقسم بالله من جمالو لمن راسي لفه🙈🙈🙈. لو م مسكني كان وقعتا
المهم عموري اختار لي فستاان كده حلو بالكبدي ولبست معاهو شبط كبدي وطرحه كبديه وفكيت شعري وجدعت الطرحه عملت روج كبدي وميك اب خفيف وطلعت لقيت عموري منتظرني
اول م جيت طالعه كده هو اعاين لي واضحك واغمز لي لمن وصلتو مسكني من يدي قال لي نوسه انتي حلوه وانا م بتحمل جمالك دا بموووووووووووووووووووووووووووووووووووووووووووووووووت يوميا غايتو الله استر قلت ليهو بطل بكش
مسكني من يدي وطلعنا ياخ والله احساس حلو حلا انو ماسكني قدام الناس وماشين وما شايفين غيرنا ف الدنيا
المهم طلعنا طوالي طلال اتصل ع عموري وشكلو مضايق وكرهان نفسو وقال. لي عموري راجع السودان عموري بقا اتكلم معاهو قال ليهو طلال انتو عرسان ومهما كان م ترجعو انا طوالي،سمعت كلام عموري شلت منو التلفون قلت ليهو طلال مالك وليه راجعين وانتو عرسان وداير الناس تقول عليكم شنو ياخ طلال شكلو مضايق شديد قال لي نوسه انا م هاميني الناس وانا هيفاء دي م مرتي وانا عرستها عشان ارضي امي المهم قلت ليهو الكلام دا ما ليهو لازمه جيبو شنطتكم وتعالو اقعدو معانا وبنتفاهم
المره الجايه بحكي عن طلال والسبب الخلاهو راجع السودان