رواية قصة وحيد الفصل الخامس5والسادس6 بقلم يارا محمد
بعتذر جدا عن الغياب الطويل و لكن كان بسبب ظروف صعبه و الحمد لله عدت.
أن شاء الله ميبقاش في انقطاع تاني مش هطول و نبدا و نقول بسم الله.
الفصل الخامس
مايان بتوتر: بتعرفوا تجروا ١...٢...٣ اجري يا مجدي.
شدت مايان ايد باباها اللي كان شايل ماريا والاثنين مش فاهمين حاجه.
مايان وقفت سواق تاكسي.
مايان للسائق بالروسي: سيدي بسرعه ارجوك.
السائق: الى اين؟
مايان: الى المطار فورا.
السائق: حسنا.
مايان بتبص وراها كل شويه: اسرع ارجوك اسرع.
كان السائق متوتر لان كان في عربيه سوداء بتلحقهم.
السائق: من هؤلاء و لم يلحقوننا؟
و قبل ميكمل كلامه كان حد من العربيه دي ضرب رصاصه ناحيتهم
مايان: اغلق فمك و اسرع فقط.
مايان خلت وحيد و ماريا يوطوا راسهم علشان ميتصابوش.
اتصلت ماريا على حد و اتكلمت معاه بالروسي.
وحيد بقلق: في ايه يا بنتي.
مايان: هفهمكم كل حاجه بس لما نوصل مصر.
وصلوا للمطار رمت مايان الفلوس للسائق وشدت باباها واختها وراها.
ماريا: بالراحه يا مايان ااااه هقع على وشي براحه.
شالها وحيد وكملوا جري. وكل شويه مايان تبص وراها تتاكد ان اللي بيلحقوهم تاهوا عنهم، دخلوا وسط الزحمه ولكن لسه بيتبعوهم ملقتش مايان مفر غير انهم يدخلوا حمام السيدات.
في الحمام:
وحيد وهو بينهج: ايه يا بنتي انا نفسي اتقطع.
مايان: معلش معلش؛ رنت تاني على نفس الشخص.
مايان وهي بتتكلم بالروسي: اين انت يا ماركوس، لما تاخرت يا احمق.
ماركوس: انا بالمطار لكنني لا استطيع رؤيتك.
مايان: نحن بحمام السيدات.
ماركوس: حسنا انا قادم.
دخلت واحده منتقبه وقربت من مايان.
مايان بقلق: من انت؟
ماركوس: لا تقلقي، هذا انا مايان.
مايان: هل احضرت ما طلبته منك؟
ماركوس: بالطبع.
اداها شنطه فيها عبايتين و خمارين و نقابين لمايان و ماريا، و باروكه بيضاء و قميص و بنطلون واسعين و عكاز لوحيد.
مايان بتساؤل: اين الباسبورات بالهويات المزيفه؟
ماركوس و هو بيطلعهم من جيبه: لا داعي للقلق.
مايان: حسنا اشكرك ماركوس، يمكنك الرحيل الان.
ماركوس: في اي وقت ساكون موجود، ولكن الى اين ستذهبون؟
مايان بكدب: الى امريكا لاكمل دراستي هناك، حسنا هيا اذهب لكي لا نتاخر على الطائره.
خرج التلانه و لحسن حظهم ما حدش عرفهم و مسافرا لمصر في سلام.
احد الرجاله بروسيا لشخص على التليفون: لا نعلم سيدي الى اين ذهبت اختفت في وسط الزحام ولم نستطيع اللحاق بها ولم تسجل خروجا من البلاد ولا يوجد لها اي اثر.
الرجل الاخر: حمقي كلكم حمقى لا تستطيعون اللحاق بفتاه صغيره ابحثوا عنها في كل مكان والا ساقضي عليكم.
الرجل بطاعه: حسنا سيدي.
في مصر:
وصلوا المطار واخذوا تاكسي متجهين للشقه
وحيد: مش هينفع نروح الحاره بالشكل ده هيفضلوا سين وجيم ومش هنخلص.
مايان السواق: روح علي اي كافيه قريب من هنا
السواق: امرك عروسه.
مايان: هنروح نغير هناك ونروح الشقه.
في الشقه:
ماريا: انا عايزه افهم ايه اللي حصل؟ ومين دول؟ وليه بيجروا ورانا؟
مايان: انا داخله انام.
ماريا: مايان بلاش استهبال؛ ومين دول؟؟ وعايزين ايه؟؟
مايان: لما تتكلمي معايا تتكلمي بادب؛ انا داخله اتخمد يمكن مقومش.
ماريا باستهزاء: هتوقع منك ايه يعني اهربي بالنومي، اروح فين يا بابا؟
وحيد: اوضتك القديمه تعالي.
ماريا راحت معاه ودخلها اوضتها ما فيش حاجه اتغيرت فيها الاوضه زي مهي كل حاجه موجوده العابها و هدومها و كل حاجه موجوده بصت لوحيد ببسمه وراحت تنام.
فضل وحيد بيفكر مع نفسه يا ترى اللي جاي مخبي ليه و لبناته ايه؟
ثاني يوم راحت ماريا لاوضه مايان دخلت و قفلت الباب وراها: اتفضلي احكي بقى ملكيش حجه.
مايان وهي بتعدل شعرها: الناس بتصحى على صباح الخير مش وش البومه ده.
ماريا: متتوهيش في الكلام انا متاكده ان دول مش رجاله فلوباتير حتى لو بقالي سنه في غيبوبه ده بيشك في صوابع ايده ومش بيشغل اي حد معاه اكيد ما جابش كل دول.
مايان: ماشي يا ست النبيهه سيبيني بقى في حالي.
ماريا: انت مش دايما كنت متعوده تحكيلي؟
مايان: الحوار المره دي كبير قوي بلاش.
ماريا: انا سامعاكي.
مسحت مايان وشها وقالت بتردد: دول فعلا مش رجاله فلوباتير، دول........دول.........يعني رجاله ا....ا...اا...
الفصل السادس
ماريا: انا سامعاك.
مسحت مايان وشها: دول فعلا مش رجاله فلوباتير دول... دولي يعني...رجاله ...ا....ا...اا... اليخاندرو
ماريا بصدمه: ا...ا...ا... اليخاندرو؟!!! ازاي وليه وايه اللي يخليه يبعت رجالته يراقبوكي؟؟
مايان: بالراحه وواحده واحده؛ انا هحكي لك كل حاجه.
أتنهدت و قالت: كانت حالتك خطيره بعد اصابتك لان الرصاصه كانت قريبه من القلب وانت كمان دخلتي في غيبوبه لان عقلك كان رافض كل إلي بيحصل، كنتِ عايشه على الاجهزه ولو كانوا فصلوها عنك كنت........كنت يعني........كنت هتم...وتي، كنتِ هتمشي وتسيبيني لوحدي في الدنيا دي، دي كانت اكبر وسيله ضغط عليا من ناحيه فلوباتير، اصل فلوباتير صفي كل خلافاته مع اليخاندرو وقدمني ليه كعربون محبه وقبض تمني كمان، فضلت ست شهور كامله في بيت اليخاندرو.
سكتت مايان وجسمها اتنفض لما افتكرت اللي حصلها و كملت: شفت فيهم كل انواع العذاب النفسي والجسدي اللي محدش يقدر يتخيله وما فيش عقل يقدر يتصوره؛ كان بيمارس عليا كل اساليب التعذيب.
رفعت مايان التيشرت اللي كانت لابساه وكشفت عن بطنها اتصدمت ماريا من المنظر كانت بطن مايان فيها جرح كبير من فوق لتحت وكان عميق ومتخيط بكل وحشيه.
مايان دموع: دي واحده من ضمن حاجات كتير سابها كاثر فيا هيفضل معلم فيا لاخر العمر ذكري كل مشوف جسمي هفتكر تفاصيل عشتها و حياه صعبه مريت بيها هفتكر كل حاجه حصلت بادق تفاصيلها، ولفت و وريتها ضهرها وكملت بكسره: شايفه ظهري يا ماريا، العلامات اللي فيه دي من الضرب بالكرباج؛ عارفه الكرباج يا ماريا؟؟؟ اللي بيضربوا بيه البهايم، وشايفه الحروق دي؛ دي اثار السيجار اللي كان بيطفيه في جسمي وبيستمتع بصرخاتي، ولو فتحت بقي بس بيهددوني بيكي، استحملت كل ده علشانك، فمتجيش دلوقتي و تلوميني و تعاتبيني انا فيا اللي مكفيني.
بكت ماريا وشهقاتها كانت عاليه، اترمت في حضن مايان وزاد بكاها وقالت بصوت مخنوق من كتر العياط: انا اسفه يا ريتني كنت مت بدل ما يعملوا فيكي كل ده.
طبطبت مايان عليها: بعد الشر عليمكي يا هبله لو جرالك حاجه هعيش لمين؟
بكى وحيد اللي سمع الحوار كله من الاول وخرج من الشقه وراح لمرام.
ماريا: طب هتعملي ايه؟
مايان: في ايه؟
ماريا: في اليخاندرو، اكيد مش هيسيبك كده تفلتي من ايده.
مايان: مش فارقه، اهم حاجه انك معايا.
ماريا: بس......
مايان بمقاطعه: مش فارق اي حاجه يا ماريا و متحطيش في بالك.
ماريا بخوف: طب سؤال صغير علشان ارتاح، هو دخلك معاه في تجارته؟
مايان بتردد: بصي هقولك بس اياكي تحكي لوحيد او لاي حد مهما كان مين فاهمه يا ماريا.
هزت ماريا راسها بموافقه .
مايان بحزن: اه للاسف، كان بيخليني اروح اتفق و اسلم البضاعه كمان، بس...بس يعني....انا قدرت اتواصل مع حد من الشرطه وانا حاليا شغاله معاهم.
ماريا و هي بتلطم: يالهوي... يالهوي... اتفقتي مع الشرطه ضد اليخاندرو اكبر زعيم في روسيا، انت عبيطه يا مايان؟!!! ده هيخلص عليكي وعليهم برصاصه واحد.
مايان: انا عايزه احميكم باي تمن حتى لو حياتي.
ماريا: ده مش معناه انك ترمي نفسك في النار، ده مش معناه انك ترمي نفسك في جحيم اليخاندرو.
------------------------------------------------------------------------------------
في شقه مرام:
بعد محكى وحيد ليها كل اللي سمعه.
مرام: لازم تحكي ليهم انك عرفت.
وحيد: افرضي هم مش حابين اني اعرف؟ مش هقدر اقول على حاجه، خايف يفكروا اني بتجسس عليهم، انا سمعتهم بالصدفه وانا رايح احضرلهم الفطار.
مرام: خلاص سيب الايام تكشف كل الحقائق.
وحيد: انا اب وحش اوي اني مقدىت اكون معاهم كول السنين دي.
مرام: انت عملت الي عليك و دورت عليهم.
------------------------------------------------------------------------------------
دخلت مايان مكان وكانت في قمه غضبها
مايان بحده: فين عدلي ابو المجد؟
الشخص الي بتكلمه: تقصدي اللوا........
مايان بمقاطعه: اخلص يا بتاع انت.
الشخص بخوف من غضبها: عنده اجتماع في الدور الثاني دلوقتي.
دخلت مايان و كان في عدد كبير من الظباط وراه بيحاولوا يمنعوها و لكنها دخلت زي العاصفه.
استغرب جميع اللي كانوا في الاجتماع من دخول واحده بطريقه همجيه للاجتماع بتاعهم اللي بيناقشوا فيه خطه المهمه الجديده.
عدلي بغضب: انت ازاي تدخلي كده، و انتوا يا بهايم مش عارفين تمنعوها....
راحت مايان ناحيه عدلي وشدته من ياقته وقالت بغضب جحيمي: اليخاندرو دخل البلد وانتم لسه نايمين على ودانكوا..........