رواية احببته رغم كبريائي الفصل الحادي والثلاثون31 بقلم مريم احمد
رجعت حبيبة البيت و سمعت كلام مايفين و اتوضت و صلت استخارة
و فعلا حست انها مش مضايقة ولا اي حاجة بس قررت انها مش هتبينله انها سامحته بسهولة عشان تاني مرة ياخد باله من كلامه قبل م يقوله و برضو عشان ميقولش دي بتتصالح بكلمة اسف و يزعلها عادي و بعدين يقولها اسف و خلاص
خرجت الصالة لما سمعت صوت اخوها جيه
ابتسمت و قالتله
حبيبة...حمدالله على سلامتك يا اسلاام
ابتسملها و هو فرحان انها مش معيطة و قالها
اسلام...الله يسلمك يا بيبو
مد ايده ليها بالبوكس و هو بيقولها
اسلام...مرضاش ياخده لا هو ولا الشبكة
هزت راسها من غير اي تعبيرات ظاهرة على وشها ،لكن قلبها ؟ لأ قلبها كانت سامعة صوته و هو فرحان ان مروان كل دا مصر انه يصالحها
مروان الأدهم المغرور المتكبر نسي غرورة و تكبره عشان متبقاش زعلانه
ابتسمت ف نفسها و متكلمتش و اسلام اتكلم و هو بيقولها
اسلام...ممكن تعمليلي كوباية شاي و تجيبيهالي البلكونة ؟
هزت راسها بتأكيد و دخلت المطبخ ، هو اصلا مش عايز شاي عادي بعني بس حب انه يخليها تعمل شاي و بعدين يبدأ انه يتكلم معاها عشان هو عارفها لو كان قالها على طول تعالي نتكلم ف البلكونة كانت هتفهم و هتضايق و مش هتوافق
دخل البلكونة
و كان كل شوية يسمع صوت رساله ، نفخ بغضب و خد تليفونة يشوف مين الي كل شوية يبعتله رسايل لاقاه مروان الي كان باعتله رسايل كتير جدا زي " اتكلمت معاها ؟ " " فهمتها اني مكنتش اقصد ازعلها ولا لسه يابني " " هو انت مبتردش ليه يا اسلام هو ايه العند دا ؟؟" "يابني م ترددد؟؟؟"
و رسايل زي دي كتيييرر و رسايل باعتله فيها علامات استفهام بس عشان يرد
كتبله بزهق و هو بيقوله
اسلام..." رساله تانية منك و هعملك بلوك يا مروان "
اول م بعت الرسالة معداش ثانيتين و مروان قرأها
ظهر لأسلام تحت اسم مروان انه بيكتب ،راح كتبله بسرعة و هو بيقوله
اسلام..." انا حذرتك! "
ضحك جدا بانتصار انه خلى مروان يسكت لما ظهرله ان مروان بطل كتابة بس بطل ضحك و نفخ بغضب و زهق لما لاقى مروان بيرن عليه
رد عليه بزهق و هو بيقوله
اسلام...يا بني م انا لو كنت كلمتها كنت هقولك مالك يا مروان م تعقل كدا !!!
جاله صوت مروان الي كان بيقوله
مروان...طب اول م تكلمها اتصل بيا ماشي
رد عليه اسلام بغضب و سخرية و هو بيقوله
اسلام...مش ايناس و دانا و لانا بيحبوك ؟ لو فضلت ترغي ليهم كدا مش هيتخنقوا منك لا دول هيكرهوك كمان .. بقولك ايه انا مش عايز اصاحبك تاني من هنا و رايح احنا اعداء غور بقى
و قفل السكة ف وشه
بس مروان مسمعش اي حاحة هو قالها غير اسم " ايناس " بس الي اول م اسلام قاله افتكر يوم م راح يتقدم لـ حبيبة و ايناس قالتله على خطة حبيبة
ابتسم بانتصار و فرحة لما فكر انه يخلي ايناس تعرف قرارات حبيبة و تقوله سواء كانت فعلا مش عايزه يرجعوا يتخطبوا تاني ولا بتقول كدا ك تعزيز لنفسها يعني
...سبحان الله و بحمده سبحان الله العظيم
وزعت حبيبة الشاي على الكل و خدت كوباية اخوها و دخلت البلكونة
حطت الكوباية على السور و قالتله
حبيبة...الشاي يا سلوم
ابتسملها و قالها
اسلام...تسلم ايدك يا بوبه
ابتسمتله و قالتله
حبيبة...عملتهولك بالنعناع كمان
ضحك و قالها
اسلام...ياااه شكرا جدا
ضحكت و قالتله
حبيبة ...عفوا جدا
ضحك هو كمان و بعدين قالها
اسلام...مبسوط اني لما جيت ملقتكيش بتعيطي
ابتسمتله حبيبة و سكتت و هو قالها
اسلام...مروان بيحبك يا حبيبة متزعليش منه
هزت راسها و متكلمتش و هو خد تليفونه فتح شات مروان و ادالها التليفون
قرأت الكلام و ابتسمت ف نفسها و هي فرحانة
اتكلم اسلام و هو بيقولها بسخرية
اسلام..عمرك كنتي تتوقعي ان مروان الأدهم يبعت كمية الرسايل دي و الاعتذارات دي كلها ؟
حاولت انها تمنع ضحكتها و هزت راسها يمين و شمال بنفي
اتكلم و هو بيقولها
اسلام...طيب ممكن بقى فرصة و لو زعلك تاني يبقى خلاص
سكتت و متكلمتش و اسلام اتكلم و قالها
اسلام...ممكن ؟
سكتت شوية و بعدين قالتله
حبيبة...هفكر
ابتسم و قالها
اسلام...و انا واثق انك انكوا هترجعوا تاني
اتكلمت بتصحيح و هي بتقوله
حبيبة...انا اقصد هفكر سواء اوافق على اني ادينا فرصة ولا لأ
اختفت ابتسامته و اتصدم بس هز راسه بالموافقه و قالها
اسلام...ماشي يا حبيبتي الي انتي عايزاه
ابتسمتله و سكتت هي كانت متأكدة انه هيقول لـ مروان قرارها ف حبت انها تخلي مروان يندم اولا انه يتحكم ف خروجها و مرواحها عند صحابها و ثانيا عشان يفكر مليون مره قبل م يقولعا كلمة تزعلها
اتكلمت و هي بتقوله
حبيبة...تعالى نروح نجيب كاميليا و العيال يا اسلام
ضحك بخفة و قالها
اسلام...نصيحة بلاش..
استغربت و قالتله
حبيبة...ايه دا ليه
رد عليها بعد م شرب الشاي و قالها
اسلام...الواد نوح بيسنن و كل دقيقتين يقعد يعيط و انتي اكتر واحده بتتخنقي من عياط الأطفال ف بلاش
ظهر على ملامحها الحزن و قالتله
حبيبة...يا روحي لا يا اسلام انا عايزه اشوفه يلا نروح نجيبهم و نيجي
مدلها كوباية الشاي الفاضية و قالها
اسلام...روحي اعمليلي كوباية شاي تانيه طيب
هزت راسها يمين و شمال برفض و قالتله
حبيبة...نروح نجيبهم الأول و بعدين هعملك الشاي
ابتسم عليها و قالها
اسلام...ماشي يا ستي
ابتسمتله بفرحة و قالتله
حبيبة...هيييه
....استغفر الله العظيم الذي لا اله الا هو الحي القيوم و اتوب اليه
عدى ساعة كانوا وصلوا
اول م حبيبة دخلت الشقة جريت على نوح على طول خدته و هي بتقوله
حبيبة...الف سلامة عليك يا روحي انت
حضنته و طبطبت عليه
كانت لسه كاميليا هتقولها خلي بالك بس حبيبة سبقتها لما صرخت جامد
اخد اسلام نوح و هو بيقولها بقلق
اسلام...مالك يا حبيبة في ايه
حطت ايدها على كتفها بألم و هي الدموع ف عيونها و قالتله
حبيبة...نوح عضني
ضحكت كاميليا و مدتلها ايديها الي كان عليها مكان اللثة و سنان نوح الي تقريبا مش باينة اصلا و قالتلها
كاميليا...عادي يا حبيبتي اهو
قالتلها حبيبة بحزن و الدموع ف عيونها
حبيبة...من هنا لحد م يسنن بالسلامة انا مليش دعزة بيه ولا هشيله
ضحكت كاميليا و اسلام و ايناس طبطبت على حبيبة و قالتلها
ايناس...معلش يا حبيبة
ابتسمتلها حبيبة و باستها ف خدها و قالتلها
حبيبة...وحشتيني اوي اوي
ضحكت ايناس و قالتلها
ايناس...و انتي كمان اوي اوي
اتكلم اسلام و هو بيقولهم
اسلام...طيب يلا
هزت حبيبة راسها و نزلوا كلهم و حبيبة كانت خايفة تشيل نوح ف سابته لـ كاميليا
....لا اله الا الله محمد رسول الله
عدى وقت كانوا وصلوا البيت و كان صوت هزارهم و ضحكهم مالي المكان وسط طبعا صوت عياط نوح
بص اسلام لـ حبيبة و قالها
اسلام...فين الشاي يا بت انتي
هزت راسها لمعنى حاضر و هي مبتسمة و دخلت المطبخ
قالها بصوت عالي شوية عشان تسمع
اسلام...بنعناع
ردت عليه و هي بتقوله بصوت عالي برضو عشان يسمعها
حبيبة...حااضر
جابت الصينية و حطت فيها الكوبايات و حطت فيهم السكر و الشاي و شغلت الكاتيل
خدت تليفونها تقلب ف الفيس بوك شوية على م الكاتيل يغلي الماية
ابتسمت لما لاقيت بوست ظهرلها كان ذكرى من 3 سنين
كان صورة لـ سوشي كانت عاملة منشن لـ كارولين و هي بتقولها تعزمها على السوشي
شيرت الذكرى تاني و عملت منشت لـ كارولين و هي بتقولها
حبيبة.." بتحايل عليكي بقالي 3 سنين تجيبيلي سوشي و معبرتينيش 😂 "
قفلت التليفون لما الكاتيل فضل و صبت الشاي و خرجت
وزعت عليهم الشاي و فضلوا يتكلموا و يضحكوا على ذكرياتهم الي كانوا بيحكوها
...استغفر الله العظيم الذي لا اله الا هو الحي القيوم و اتوب اليه
تاني يوم كانت ايناس ماسكة تليفون ابوها و بتلعب بيه
رن تليفونه و كان مروان ردت عليه و هي فرحانة و بتقوله
ايناس...اونكل مروااان
ابتسم و قالها
مروان...عامله ايه يا نوسة
هزت راسها كذا مره و قالتله
ايناس...الحمدلله
ابتسم و قالها
مروان...ادي التليفون لـ بابا طيب
هزت راسها يمين و شمال و قالتله باعتراض
ايناس...لأ
مروان...طيب ليه؟
ردت عليه و هي بتقوله
ايناس...بابا مش هنا بابا راح هو و حبيبة يجيبوا عيش و فطار عشان نفطر و سابلي تليفونه
سألها باستغراب و هو بيقولها
مروان...هي حبيبة عندكوا؟
ردت عليه بنفي و قالتله بتصحيح
ايناس...لأ احنا ف بيت جدو
هزت راسه و جت ف باله فكرة راح قايلها
مروان...انتي بتحبي الشوكليت صح يا نوسه ؟
هزت راسها بتأكيد و قالتله
ايناس...ايوا... اوي
ردت عليها بابتسامة و قالها
مروان...طيب هطلب منك طلب لو عملتيه هاجبلك علبة شوكليت كامله ماشي
ردت عليه بفرحة و حناس و هي بتقوله
ايناس...قولت الطلب بسرعة
ضحك عليها و قالها
مروان...ماشي بس اوعديني انك متقوليش لأي حد ولا حبيبة
هزت راسها و قالتله
ايناس...طيب يلا قول
مروان...عايزك تسألي حبيبة هي لسه زعلانه مني ولا لا
هزت راسها و قالتله
ايناس...حاضر
اتكلم و هو بيقولها
مروان...و كمان اسأليها هي بتكرهني ولا لأ
هزت راسها بطاعة و قالتله
ايناس...حاضر ..
ابتسم و قالها
مروان...و ابقي قوليلي بقى هتقولك ايه ماشي
ردت عليه و هي بتقوله بطاعة
ايناس...ماشي
...سبحان الله و بحمده سبحان الله العظيم
عدى وقت و كانوا كلهم بيفطروا ف جو أسري جميل
خلصوا فطار و حبيبة و رضوى و كاميليا لموا السفرة و غسلت حبيبة المواعين و كاميليا رتبت باقي المطبخ و رضوى خدت المكنسة الكهربائية عشان تكنس الصاله
اول م شغلت المكنسه نوح اتخض من الصوت و فضل يعيط و هي فضلت تضحك عليه جامد
خرجت حبيبة من المطبخ تشوف في ايه بس انفجرت ف الضحك هي كمان لما لاقيت نوح باصص للمكنسة بخوف و بيعيط و ماسك ايد ايناس الي كانت بتطبطب على ضهره بايدها التانية
جت حنان و خدت نوح و هي بتبص لـ حبيبة و رضوى بغضب و بتقول لـ رضوى
حنان...شايفاه بيعيط اطفي المكنسة
كانت رضوى و حبيبه واقفين بيحاولوا يكتموا ضحكتهم عشان امهم متزعقلهمش
وجهت حنان كلامها لـ حبيبة و هي بتقولها
حنان...و انتي يا كبيرة يا عاقله طبطبي عليه بدل م انتي واقفه عماله تضحكي كدا
اتكلمت حبيبة و هي بتقولها
حبيبة..سوري
بصتلهم حنان بضيق و مشيت و رضوى بصت لـ حبيبة و هي هما الاتنين ضحكوا تاني
و رضزى رجعت تكنس الصاله و حبيبة رجعت تكمل المواعين
....استغفر الله العظيم و اتوب اليه
عدت كام ساعة
كانت حبيبة ف اوضتها و ايناس كمان كانت معاها
اتكلمت ايناس و هي بتقولها
ايناس...حبيبة
ردت عليها حبيبة و هي بتقولها
حبيبة...ايه يا نوسة
سألتها ايناس و هي بتقول
ايناس...هو انتي بتكرهي اونكل مروان زي م كنتي بتقولي عليه انه مغرور ؟
سكت حبيبة و بعدين هزت راسها يمين و شمال بنفي و ايناس سألتها و هي بتقولها
ايناس...طيب ليه لسه زعلانه منه
ردت علبها حبيبة و هي بتقولها
حبيبة...بصي هو كان في سوء تفاهم كدا بس انا عرفت انه مكانش قصده يزعلني بس انا برضو مخلياه فاكر لن انا لسه زعلانه منه عشان بعد كدا ميتعصبش عليا و يعمل حساب لكل كلمة بيقولها
هزت ايناس راسها بمعنى ماشي و متكلمتش و حبيبة رجعت مسكت تليفونها تاني
...لا اله الا الله محمد رسول الله
تاني يوم نزلت ايناس مع ابوها الي كان رايح يقابل مروانف اي كافيه عشتن يتكلموا ف حاجة بخصوص الشركة
اول م ايناس شافت مروان قاعد على طربيزة من طربيزات الكافيه
جريت عليه بسرعة و قعدت على الكرسي الي جمبه و قالتله و هي مداله ايدها
ايناس..الشوكليت
ضحك عليها و قالها
مروان...طب قولي ازيك الاول
هزت راسعا بمعنى ماشي و قالتله
ايناس...ماشي الشوكليت
هز راسه برفض و قالها
مروان...الأخبار الأول
هزت راسها هي كمان برفض و قالتله بعند
ايناس...لأ الشوكليت الاول
اتنهد بقلة حيلة و ادالها علبة شوكلاته من اغلى انواع الشوكليت و قالها
مروان...اتفضلي
اتكلمت ايناس و هي بتقوله
ايناس...حبيبة مش بتكرهك و مش زعلانه منك بس هي بتمثل عشان بعد كدا متزعلهاش و تعمل الف حساب لكل كلمة قبل م تقولها
رفع حاجبه بدهشه منها و هو مبتسم قدرت ف لحظة تخليه بعتذر بدل المرة مليون و هي اصلا مش زعلانه منه
ضحك و هو بيقول
مروان...ماشي يا حبيبة الكيلاني ووو