رواية العائلة المجنونة الفصل الثاني2 بقلم سما احمد
سما : اعمل اي؟؟.. انا كل شوية بضرب ومحدش سامع حسي ليه؟؟؟.. يعني هو انا وحشة؟؟؟..محدش حاسس بوجودي؟؟؟.. امي قابلة الوضع وساكته !!.. و ابويا كل شوية بيمد أيده عليا !!.. حرام اعمل اي يعني علشان الاقي حد يسمعني ويحس بيا؟؟؟
كنت بقولها وانا عيوني كلها دموع بكتب في مذكراتي دائما بحس انها صحبتي رغم أنها مجرد ورق لكن شايلة عني كتير
قفلتها وبعدها روحت اعمل كوباية شاي تطمني شوية حاجات بسيطة بس قادرة تفرح قلبي
سمعت وقتها اكتر صوت بيرعبني صوت تكة المفتاح اللي المفروض تكون امان ليا لكن لا هي مصدر رعبي و خوف بيتملكني
سبت كل حاجة وجريت على الاوضة بسرعة وقفلت الباب بـ المفتاح وجريت على السرير مرتاحتش غير لما دخل الاوضة حسيت براحة ان اليوم عدى من غير ضرب ليا الايد الي تسندني هي نفسها مصدر جرح ليا
وقتها تلفوني رن لقيتها اية صحبتي
رديت بصوت واطي وهي عارفة اني لما بعمل كده يبقي خايفة من بابا
اية بخوف: سما ما تخافيش انا معاكي مش هسيبك اهدي !!
سما بخوف شديد: هيضربني يا اية بابا كل مرة بيجي من برا سكران بينزل فيا ضرب!!.. انا حرفيا خايفة امي ملهاش ذنب.. امي كمان بتضرب معانا !!...وقتها سمعت صوت ماما بتصرخ
خدت التلفون وفتحت الاوضة لقيت ماما مرميه علي الارض وبابا نازل فيها ضرب
ما حسيتش بنفسي غير وانا بجري على بابا وبحاول اكتفو احوشوا عنها و اية سامعة كل حاجة
بابا بغضب: تعالي بقى يا روح امك بقى بتمدي ايدك عليا؟!. مره واحده كمان !! .. طب وحياة امي ما هسيبك!!
وقتها ما حسيتش بنفسي غير وانا بتتغرز سكينه في قلبي
فضلت مصدومه وعيني مليانة دموع
والدتي وقتها ضربت ابويا بفازة على دماغو وجريت عليا
ماما بخوف ولهفةر: سما يا سما فوقي يابنتي سمااا
سما وهي بتلفظ: انفاسها الاخيره : ليه عملتي فيا كده؟؟؟..ليه اخترتي اب ليا؟؟..ياريتك ما جبتيني لـ الدنيا !!
وكل ده وآية بتصوت وهي سامعة كلامي وبتطلب اني اتمسك بالحياة ولكن حياة اي من غير سند وضهر يحميك منها
وقفلت عينيا قفلت على حزن و أسى دنيا كان نفسي اعيش فيها مع اسره تحبني ما طلعتش بيها غير بدموع وضرب
مجرد احلام بريئه لطفل نفسه يعيش في فرح وسعادة وطلعت اوهام
ظننت أنك ابي سكني واماني ولكن اتضح انه مجرد احلام لم تكن ابي بل كابوسي الابدي