رواية الخزلان الفصل الثامن والتاسع بقلم نوسه حمد

#الخزلان8

#نوسه حمد 

م اتوقعت رده فعل مرت عثمان الاولي تكون كده بقيت ابكي ودموعي جاريه والناس اتلمت فينا  عثمان بقا همو انا وم قادر يسكت مرتو الاولي  وانا ابكي باعلي صوت وما حارقاني شي غير طردتها لينا م اتوقعت اجي يوم من الايام وزول يطردني ولا اكون م مقبوله لي زول لاني الحمد لله م عندي مشكله مع اي زول وم بحمل حقد لي زول ولا بزعل من الناس وبالي طويل في علاقتي مع الناس م بستعجل في اي شي حتي ردودي بعمل ليها الف حساب المهم عثمان جاب العربيه وركب لي شنطي وقبل يتحرك بقا يعتزر لي قال لي نوسه اعفي لي مرتي م عرفتك كويس عشان كده  رده فعلها كده قلت ليهو انا عازراها بس ي عثمان انا م هامله ولا خطافه رجال  عشان مرتك تنبزني هي مفترض تعرف القصه حتي تعمل كده قال لي معليش الضر حار ودي رده فعل عاديه وانا متوقعها منها رغم انو انا م بتربطني بيها حاجه غير اولادي وللامانه م مطلقها بس الحب والحنان بينا انتها زمان هي انشغلت بي اولادها بس انا عاوز اعيش ولقيتك انتي بالنسبه لي جنه الدنيا وبسمتك بس بتريحني قلت ليهو الله يخليك لي وم يحرمني منك قال لي امين 🙏 قلت ليهو ح نمشي وين هسي قال لي انا ح اوديك اهلك بس ممكن م تحكي لي اهلك عشان تشيليهم هم وانا بجي راجع اشتري حاجات الكرامه خلي امك تعزم الناس كلهم قلت ليهو طيب حبيبي ارح وابتسمت قال لي الله انا كده مبسوط ببسمتك دي  

عثمان نزلني في بيتنا ولقيت امي وابوي قاعدين اشربو في قهوه وانا م كلمتهم قلت ليهم جايه لمن شافوني انخلعو  قامو سلمو علي وكنت مشتاقه ليهم شديد  وم صدقت اني رجعت لحضنهم عثمان قال لي اخليك تشبعي منهم وانا بمش السوق قلت ليهو طيب امي وابوي كان ظاهر في وشهم انهم خايفين علي شديد واسئلتهم بتقول كده قلت ليهم عثمان طيب وم قصر مني امي قالت لي راجلك هين كعب مرتو واولادو قلت ليها لاقانا ولدو م قصر مننا نهاي قالت لي الله استر من مرتو م تكون بتاعت مصايب انا قلبي قعد ادق دي حاجه م حسبت ليها حساب نهاي 😭

كلمت امي انو تعزم اهلي عشان عثمان مشا اجيب حاجات الكرامه  قالت لي م بنعملا الليله انتي حنتك طلعتك لازم ترسمي وتتميزي حتي بكره نعمل الكرامه قلت ليها تمام. اتصلت عليهو كلمتو قال لي ماف مشكله انا بجهز الحاجات قلت ليهو تمام 

 اتعودت عليهو شديد وبقيت خايفه انو  ح يبعد مني وم ضامنه رده فعل مرتو ح تبقا كيف  شلت هم الدنيا والعالمين 

عثمان جا وجاب الحاجات وم خلا شي م جابو امي قالت لي بري راجلك دا كمل قروشو كلها فيك قلت ليها شكلو كريم شديد قالت لي من ناحيه راجل عرستي بس النسب دا م ضامناهو بس الله يستر  قلت ليها ربنا يهون ي امي م تخوفيني انا براي خايفه قالت لي تخافي ليه اصلك م تخافي دا راجلك حلالك لا مشيتي شحدتيهو لا سكيتيهو بالشوارع براهو عرسك خليك قويه وم يهزك شي مرتو م تسكتي ليها الكلمه بالكلمه قلت ليها يمه لا لا اقولو علي م محترمه وما مؤدبه قالت لي ما ياهم النسابه ديل  لو محترمه ولا مؤدبه بشوفوك لا محترمه ولا فيك زره احترام  عشان م تموتي بالمغسه والعبره م تسكتي ليها عشان تخاف منك لكن كان مشيتي سكتي ليها بتلعب بيك كوره قلت ليها يمه عثمان بزعل مني قالت لي م بزعل ولا بدخل فيكن راجلك الشفتو دا مدين شديد يعني لا ح يقيف معاك لا ح يقيف معاها ماشي بالدين قلت ليها فعلا والله بس انا خايفه قالت لي من الليله ماف خوف دي حرب دخلتيها براك وتستحملي قلت ليها العرس اصلا فيهو حروب لو راجل مره ولا صبي عشان كده ما فارقه معاي وانا دايره اعيش حياتي 

عثمات ناداني قال لي نوسه انا داير استحما عشان اطلع امش ليهم واشوف فهما شنو انتي اقعدي مع اهلك لمن اكرم ليك واشوف بت تمش تنظف البيت وبنرحل قلت ليهو حاضر حبيبي قلت ليهو بدلع انت ح تمشي تخليني يعني قال لي والله لو بي يدي م افارقك بس لازم امشي عشان م تطور المواضيع قلت ليهو طيب بنتظرك م تتاخر اديتو ملابسو استحما  واتريح وفطر وشرب العصير وودعني وطلع مشا لي مرتو الاولي 

امي قالت لي نومي واخدي راحتك عشان انادي ليك الرسامه العصر غيرت ملابسي ومسكت تلفوني ورقدتا   ودخلت الفيس لاول مره ولقيت رسايل من محمد كتيره دخلت قريتن وم ركزت معاهو رسلت ليهو رساله قلت ليهو انت متزوج  ماف داعي للخيانه وانا الحمد لله ربنا عوضني وطلعت 

 نزلت صوره يدي انا وعثمان ماسكين الكعبه  وكتبت كلام حلو وغيرت حالتي لمتزوجه قبل م انشرو سمح اهلي وصاحباتي كلهم بقو اباركو لي ومبسوطين لي  ومحمد شكلو شاف المنشور عمل عليهو اغضبني وبقا يتصل قفلت الخط ف وشو ورسلت ليهو رساله قلت ليهو شوف ي محمد انا بقيت مره راجل  م ترسل لي هنا رسل لي ريكوردات قال لي انتي حقتي انا كيف تتزوجي قلت ليهو بطل انانيه انت شكلك مريض والنوع الداير ف البيت مره وبرا البيت حبيبه بس انا بت ناس والحمد لله ربنا رزقني براجل محترمني ومقدرني وبحبني وم ببدلو برجال الدنيا دي كلها ومعليش انا ح احظرك رسلت ليهو الرساله دي وحظرتو وكنت مبسوطه اني اصبت الهدف   

رقدت اخدت لي نومه وكنت تعبانه تعب شديد م صحيت الا المغرب ولقيت ميه مكالمه ورساله من عثمان قومتا مخلوعه رجعت ليهو وبصوت نعسان قلت ليهو اسفه حبيبي  انا كنت نايمه قال لي نوم العوافي حبيبتي اشتقت لدلعك لمن تصحي من النوم فاقدك شديد قلت ليهو انت وين م ح تجي قال لي انا اتصلت عشان افهمك قللت ليهو تفهمني شنو قال لي نوسه  مرتي جيت لقيتا لمت لي اخوانا وشكلها ممغوسه من زواجي وحاولت اتفاهم معاها وطلبت انو يوم اكون ليها ويوم اكون ليك واصرت انو الليله يومها قلت ليهو شنو يعني انا ح انوم من دونك قال لي معليش حبيبتي اعفي لي وم تزعلي  قلت ليهو تمام قال لي بكره قبل تصحي ح تلقيني جنبك وانا الحا اصحيك قلت ليهو منتظراك حبيبي قال لي نوسه م تنومي وانتي شعرك مفكوك انا م نفسي زول يشوف حلاوتك دي غيري قعدت اضحك قلت ليهو بطل غيره ديل امي وابوي ومتعودين علي منظري دا قال لي م بجوكم ناس قلت ليهو اي قال لي تمام انا نسيت اخت ليك قروش الرسامه لو جات بحول ليها بنكك قلت ليهو حاضر حبيبي قفلت منو وسرحت شعري وبقيت اتزكر في كلامو وغزلو لي وانا مبسوطه شديد وطايره من الفرحه  

لقيت امي وابوي منتظرني بالأكل اتغديت معاهم وصليت المغرب امي جابت لي الرسامه ورسمت لي وظبطت لي حواجبي وشعري  

امي قالت لي كلمت اهلك بكره للكرامه وزوجك بجي وريتا بالحاصل قالت لي اجي المره دي موش كانت م دايراهو قلت ليها انا زاتي حيرتني شديد  قالت لي دي الغيره كان م تكون قامت تتحنن وترسم في نفس الليله اتزكرت رسمي قلت لازم اوريهو لي عثمان صورتو ليهو واستحميت ولبست لي فستان ظريف واتصورت ليهو طوالي استلمن قال لي  انتي نعمه وانا لازم احافظ عليك  ربنا يحفظ لي جمالك دا قلت ليهو امين حبيبي انت تعمل في شنو قال لي والله زهجان وراقد  وقلبي معاك قلت ليهو انا انوم كيف بدونك قال لي طيب حبيبتي صليتي العشاء قلت ليهو اي قال لي اتعشيتي قلت ليهو بطني طامه وشبعانه اكلت متاخر قال طيب ارح اشربي حليب 🥛 وخليني اسمع صوتك م صدقت طوالي اتصلت عليهو قلت ليهو عثمان بصوت دلع قال لي عيون عثمان وقلب عثمان وفشفاش عثمان قعدت اضحك قلت ليهو انا كل دا قال لي انتي كل شي قال يلا اشربي لبن وتعالي انومك قلت ليهو حاضر مشيت شربت اللبن وجيت قلت لي امي ح انوم تعبانه قالت لي اخدي راحتك انا لسه بدري علي دايره اجهز العده قلت ليها اعفي لي م ساعدتك قالت لي العفو ي بتي انا دايره راحتك وسعادتك 

مشيت اتكلمت معاهو قلت ليهو مرتك وين قال لي والله م بعرفا طلعت هي ومرت محمد وللان م جن وم ورتني انها ماشه وين ودي اكتر طبعه بكرها فيها وحزرتها الف مره انها توريني بس دا طبعها م بتغير  😔طبعا بتكيف لمن لا شعوريا اوريني الحاجات الما بحبها في مرتو ديك عشان انا م اعملن وبطنو تطم مني قلت ليهو معليش قال لي م شغال بيها ارح انومك انتي وانا زاتي تعبان انوم معاك بقا يتكلم معاي ويتغزل فيني ويتزكر في ايامنا الحلوه لغايه انا م نومتا وغرقت ف النوم وهو زاتو شكلو نام فجاه صحيت بصوتا هي تتكلم معاهو وشكلو هو نسا انو كان يتكلم معاي  انا بقيت مركزه في كلامهم قالت ليهو رايك شنو في رسمي دا اظنها مشت رسمت وزي م اتوقعت امي وح تبدا حرب الغيره بعد كده والله يستر ………..ي