رواية الخزلان
الفصل العاشر10 بقلم نوسه حمد
فتحت الباب مخلوعه لاني م بعرف ناس في حلتهم لقيت الورا الباب مرت عثمان الاولي ومرت محمد رحبت بيهم وقلت ليهم اتفضلو وكنت مرعوبه وخلاص الافكار جاطت راسي قلت اكونن عاوزات اعملن لي عمل بقيت اتحصن في سري واحصن في بيتي ركن ركن وتركيزي نهاي م معاهم لانو بسمع كتير عن الضر فيهو العمل واستودعت نفسي وبيتي وراجلي لي ربنا حتي بقيت مركزه معاهم وحسيتهن جن أشوفن البيت مرتو قالت لي اها كيف حلتنا معاك قلت ليها والله تمام م عرفت الجيران لسه قالت لي ح تعرفيهم م تشفقي قربت اقول ليها انا هسي قلت ليك شفقانه بس مستحمله نظرياتها وتعاليقها وقلت النخليها م اركز معاها بس جاني احساس انو الكلام البتعمل فيهو دا م منها هي من مرت محمد شكلها مفتحه شديد وطبعا م وصفت ليكم مرت محمد عباره عن شبرررررر انا لمن وقفت جنبي جاتني في كلوتي من جواي بضحك علي الخلاني محمد عشانا بس لمن بتزكر نصيبي مع عثمان بحمد ربنا الف مره وم سمحه نهاااااااي انا احلي منها بالف مره وطبعا هي راسمه وضرتي راسمه بي قلبي قلت ضرتي عشان عرسو فيها اجتهدت بس دي علي شنو المهم م قدرت اصنفها شديد بس مجرد احساس جاني انها مفتحه وهي المحرشه ضرتي والاتنين م ركزت معاهم شديد مشيت خلطت ليهم عصير وقعدن شويه وطلعن انا رجعت نومتا عشان كنت تعبانه
م صحيت الا بصوت عثمان لقاني غرقانه ف النوم وكان مخلوع شديد قال لي معقوله من مشيت انتي نايمه قلت ليهو لا لا جوني ضيوف قال لي ضيوف هو منو البعرفك من هنا قلت ليهو اهلك قال لي اهلي طبعا هو اهلو من شرق الجزيره قلت ليهو مرتك ومرت ولدك قال لي الجابهم شنو قلت ليهو جن اسلمن علي قال لي ايوا لا لا تمام م اكونن شاكلنك قلت ليهو لا والله م سألني بس اتونسن معاي وفاتن قال لي لا لا ماف مشكلة والله م جاب مشاكل قال لي طبعا ناس المدرسه كلهم م مصدقين اني اتزوجتك قلت ليهو ي حليلن هم كيف قال لي بسلمو عليك وقالو ح يجو يوم يباركو ليك قلت ليهو م بقصرن قال لي نوسه والله الساعات الغبتهم عنك ديل انا مشتاق ليك شديد قلت ليهو انا كمان والله وزهجانه من قعدت براي قال لي ح تتعودي قلت ليهو ان شاء الله اتعود قال لي ان شاء الله وطبعا انا جيت اتغدا معاك وانوم حبه عشان امشي لي مرتي الاولي قلت ليهو هو متين اليوم مشا قال لي اصلا الاوقات الحلو ه معاك بتمر سريع قلت ليهو م نفسي تمر ياخ ولا نفسي ابعد قال لي ولا انا اتعلقت بيك شديد شديد وباسني في راسي ومشا الحمام انا قومتا سريع سريع بديت اجهز ف الاكل قلت مسافه استحما ويصلي يلقاني مجهزاهو ليهو ظبطت الاكل وختيتو ليهو وقعدنا ناكل عملت ليهو شاي شربناهو وقفلنا البيت ونومنا واظنو شالتنا نومه وم صحينا الا الساعه ١٢بليل بصوت تلفون عثمان اضرب برا ف الصاله مكالمه بي ورا مكالمه انا قومتا مخلوعه وهو كمان لمن وصلنا التلفون لقاها مرتو الاولي قالت ليهو انت نسيت ولا شنو الليله اليوم هنا معانا انت وين قال ليها والله تعبان شالتني نومه خليهو بجيكم بكره واظنها قعدت تجوط فيهو قال لي اعقلي انا البت دي افوت اخليها براها كيف قالت ليهو م عندي فيك شغله تتصرف عثمان قفل الخط وبقا محتار طبعا انا العبره خنقتني دي حياه م مستقره نهااااي شنو يوم لي ويوم عليها هي معرساهو ليها ميه سنه واولادها كبار لو قعد معاها ولا م قعد م ح تخاف لانها بيتها ملان بس انا بت صغيره ف الوقت دا يوديني وين زهجت شديد وهو زاتو خجلان يقول اي شي دخلت لبست عبايتي ونقابي قلت ليهو ارح وديني بيتنا وامشي ليها قال لي نوسه انتي زعلتي م تزعلي حبيبتي انا عاوز امش معاكن بالشرع قلت ليهو م زعلانه بس ح تخليني براي مصيري توديني لي اهلي قال لي فعلا والله قفلنا البيت ودور العربيه وداني بيتنا ابوي وامي انخلعو قلت ليهم ماف شي جيت ابيت معاكم وكنت زهجانه شديد دي بهدله ساي كنت مرتاحه شديد مالي ومال راجل المره ماف يوم مره علي وم ندمت اني عرست فيهو راجل مره وماف شي بصبرني غير انو عثمان معاي طيب ومحترم
دخلت نومتا ودموعي في عيني مرتو انانيه مهما كان م مفترض تتصل عليهو بس الحمد لله م قدرت انوم من المغسه للصباح صاحيه لغايه م جا هو واتصل علي فتحت ليهو الباب ونهاي م رحبت بيهو كنت زعلانه شديد قال لي انا عارفك حبيبتي زعلانه بس والله م بي يدي اعفي لي قلت ليهو الحمد لله قسمتي كده اعمل شنو استحمل بس قال لي نوسه انا جيت عاوزك في موضوع قلت ليهو عثمان انا م نومتا نهاي م قادره اسمع اي موضوع قال لي بتناقش معاك ونومي انا زاتي ماش المدرسه بعدين بجي اسوقك قلت ليهو شنو الموضوع قال لي نوسه لي انتي امس م رحبتي بي مرتي ومرت محمد وطردتيهم ليه قلت ليهو شنو شنو قال لي طبعا انا م اتوقعت انو انتي تطرديهم قلت ليهو م أتوقعت اني اطردهم بس صدقت اني طردتهم صح ؟بقا ساكت قلت ليهو عثمان من هنا ولي قدام انا اي شي بستحملو معاك ضر 😭مغارز😭 يوم لي ويوم عليها😭 بس الما بستحملو نقل الكلام قال لي كيف انا جيت اتناقش معاك عشان مهما كانو ديل اسرتي الاولي قلت ليهو اقسم بالله العظيم م طردتهم ودخلتهم وعملت ليهن اعصير اشربن السم ان شاء الله ودي بدايه تأليف المواضيع وانا م ناقصه ولا فاضيه وانت من الان تضع حل تنهي المهازل دي قالت ليك طردتني قول ليها م مشكله بعد تجيك هنا اطرديها طوالي اتسدي حقك بس م تصدق كلاما وتجي تناقشني فيهو هي عاوزه تفتش لسبب عشان انت تطلقني بيهو وم ح تقيف علي كده مدام انت صدقتها وجاي تدافع ليها وهسي بقولا ليك ي عثمان انا لو جيت شكيت ليك من مرتك الاولي م تشتغل بي ولا تصدقني لانو الضر حار ممكن اتغاظ منها واتهما بي اي شي وهي كمان عندها اهداف بي كذبتها دي طوالي من ساعتها تفصل النقاش في الموضوع دا وم تعشمها انك ممكن تشاكلني بسببها عشان تتطور اكتر من كده وانا واثقه من نفسي واشهد الله عاملتها احسن معامله ونهاي م صريت ليها وشي ولا طردتها بس هي شكلها اهدافا اكبر من كده وانا امس قلت ليك جاتني مرتك كنت خايف قلت لي م تكون غلطت عليك عشان انا بخاف ربنا م كذبت فيها قلت ليك لا والله نهاي م غلطت فيني بي امكاني اني اكذب واقول ليك قالت لي وعملت لي اخلق مشكله من السماء بس انا م عاوزة كده ولا بسعا لكده بس هي بتسعا لي كده عثمان بقا يعتزر لي ويترجا فيني اسامحو قلت ليهو انا م زعلانه بس انا من عرستك ومرتك عرفتك بقيت حاسه نفسي في حرب وبدل انت م تزيد الحرب علي مشيت ختيت راسك معاها وصدقتها والحاجه دي انا نهاي م بقبلا ولا بحملها قال لي والله اسف انت اديتني درس عمري م انساهو ووعد ان شاء الله م ح ازعلك في يوم وصراحه انا كنت زعلانه شديد رقدت نومتا وم ركزت معاهو وطلع مني
قررت اني م اتعامل معاها بحسن نيه وفعلا كلام امي صاح لو احترمتهم ولا م احترمتهم بشوفوني كعبه وقررت اني م اسكت
اخدت لي نومه ونهاي م صحيت امي قلقت علي قالت لي انتي اصلا بتنومي كده قلت ليها والله م عارفه بس دايما بحس بنعاس قالت لي شكلك حامل انا ختيت يدي في قلبي وبقيت مخلوعه شديد مفترض افرح مجرد كلمه احتمال تكوني حامل دي بس حسيت بخوف وم ركزت معاها قلت ليها حمل شنو م اظن طلعت فطرت معاهم ولبست مشيت ناس حبوبتي واتونست معاهم جيت لقيت عثمان قاعد وزعلان شديد قال لي كيف تطلعي من غير م تستأذني مني انا اتزكرت انو م بحب الحركه دي اعتزرت ليهو شديد وطبعا هو بختلف عني لمن اعتزر ليهو طوالي بيرضا بقول لي عارفه الفرق بينكم شنو حتي لو مرتي الاولي اتحننت ورسمت وعملت السبعه وزمتاا بس مستحيل تلحقك انتي بتعتزري لي طوالي وهي عمرها م اعتزرت لي حتي لو هي الغلطانه انا البسامحها
مرت الايام وبتو الكبيره جاها عريس مستعجل واهلو من المناقل وهو مقيم في دبي قال ح يتزوجها ويسوقها معاهو عثمان ساقني باركت ليها وعزموني قالو لي لازم تجي العرس وقلت لازم اتميز واكون احلي واحده فيهم وم اداهم زمن قال اسبوعين والعرس وانا الأسبوعين ديل عتبه الباب م بطلعها انحبستا عديل عشان دي ح تكون اول مره يشوفوني فيها اهل عثمان وطلبت لي حبسات بالفيس وجسمي بقا ناير ولوني فاتح ووشي رهيب واشتريت لي توب مشغول وطقمتو وكلمت عثمان اني م انصاريه بس لابسه النقاب من الشارع بس ف العرس بلبس وبعمل اي شي قال لي م عندي مشكله بس مع النسوان جوه قلت ليهو اكيد وجا يوم المناسبه وريتو اني انا بجي زيي وزي الضيوف عشان م ناقصه مغارز وكده قال لي م عندك مشكله وبعد جهزت ف الكوفير اتصل علي ورسل لي ولد اهلو بالعربيه جا ساقني وغتيت وشي م ظهرت الا عيوني وكنت فاكه شعري والرسم يوم عرسي م طلعت حلوه كده ونزلت من العربيه معاي بت خالتي الشفع مسيرني قالو العروس جات وم قدرنا نقنعهم اني م العروس والناس اتلمت فيني وزول قادر اصدق اني مرت عثمان ماف العجب اهلو من شافوني لمن انخلعو واخواتو اظنهن بكرهن مرتو الاولي بقو حارسني واتونسو معاي قالو لي م قدرنا نصلك عشان مرتو الاولي م تزعل قلت ليهن لا عادي م بتقصرو وم زحن مني الا لمن جات العروس والناس اتلمو فيهم وانا نهاي م طلعت قلت ليها لمن الناس دي كلها تشبع فيها تصوير وسلام انا بطلع اسلم عليها عثمان جا لمن شافني لمن انخلع قال لي نوسه بسحروك لي انا م عاوز احرمك وانتو نسوان بس خايف عليك من العين بت خالي جاتها نفسيات قالت لي راجلك دا التقول م بشوفني لمن اشوفك انتي بغيب عديل قلت ليها اصلا قعدنا نضحك وهو كان مشغول قال لي نوسه م تطلعي داخل اغير جلابيتي دي وجاي اسوقك تباركي للعروس قلت ليهو حاضر وطبعا انبسطتا عشان امغرز مرتو الاولي واقطع قلبها انتظرتو استحما واتريح وجا قال لي كده كيف قلت ليهو في كل حالاتك حلو قال لي هو احلي منك في قال لي جيبي يدك انا م صدقت انو عاوز يسوقني وطلعنا والناس بقو يصفقو وهو ابشر فيهم وسايقني وانا بسمتي ماليه وشي وباركت لي العرسان ومرت محمد وضرتي دايرات اموتن موووت واكتر شي ماغسهن توبي ودهبي والناس بقو اشاغلو في عثمان بالذات اهلو ناس الشرق وهو يضحك وانا مبسوطه بس حصلت حاجه م عملت ليها حساب القا ليك محمد في وشي وشكلو عاملها مفاجاه لي اختو والله يستررررررررررر………