رواية الخزلان
الفصل السابع عشر17
بقلم نوسه حمد
مرت محمد سمعتني كلام زي الزفت واكتر جمله وجعتني قالت لي الفي بطنك نزليهم عشان م يسمعو قصص مؤلمه قفلت التلفون وبقيت ابكي بقهر وحرقه ابواب الدنيا كلها اتسددت في وشي بيتي انخرب وطلعت خاينه وانا بريئه حاولت ابري نفسي بس م قدرت وبقيت ابكي وابكي البت الشغاله لي جات داخله مخلوعه قالت لي نوسه قلت ليها الويه انا خلاص الدنيا اسودت ف وشي قالت لي عليك الله استغفري واتعوذي انا والله م قادره وحاسه بالظلم الانتي فيهو وم بي يدي شي وقلبي بتقطع علي حالك وحال ابوك الظلم حار قلت ليها فوق دا كلو انا طلعت خاينه وحكيت ليها الحقيقه من البدايه طبعا هي زاتا اتفاجات قلت ليها ليك حق قصه مؤلمه قالت لي نوسه ولا مؤلمه ولا اي شي انتي م عملتي جنايه بس هم فهموك غلط والسبب بت خالتك يا حاجه من الاتنين بت خالتك تبرر موقفك ي محمد اقول لي ابوهو الحقيقه قلت ليها الاتنين انا م قادره اصل ليهم محمد ردت لي مرتو وسمعتني فارغ يعني انا ف نظرهم خاينه وم عارفه مرت محمد فهمت شنو او شافت شنو ولا عثمان كلمهم انا م قادره وريني اتصرف كيف انا مظلومة انا بحب عثمان ربنا شاهد لي انا تعبت نفسيا تعبت عثمان كان بحبني شديد بس بت خالتي قدرت تكرهو فيني الله انتقم منها كل م اتوجع بدعي عليها من قلبي وحسبي الله ونعم الوكيل فيها قالت لي نوسه اهل راجلك ديل وين قلت ليها ف الشرق بس م حصل زورتهم نهااااي وبعدين امش اقول ليهم شنو م ح يقدرو يعملو حاجه انا عاوزه عثمان يفهم الحقيقه بس هو رافض بس انا م ح ايأس بنتظر عداله ربنا بس انا م قادره اعيش بدونو عثمان سندي ي الويه غلبني وبقيت ابكي امي جات داخله وكانت حالتها صعبه وابوي رقد بره شكلو وكانت كئيبه قالت لي نسيبه ابوك خلاص قلت ليها شنو قالت لي الدكتور م طمني وقال الا نسفرو مصر وانا لا قدره لا حيله وم عندي شي ولا عندنا حاجه نبيعها انا قلبي انقطع نسيت العلي وبقيت في ابوي طلعت زي المجنونه وجريت ليهو قلت ليهو يابا مالك طمني عليك قال لي انا كويس انتي كويسه عثمان م رجع ليك انا قلبي انقطع قلت ليهو ابوي خليك مني المهم صحتك انا كويسه لو انت كويس انا م كويسه لو انت م كويس ابوي طمني عليك قال لي انتي الطمنيني عليك قبل ربنا اشيل امانتو قلت ليهو ابوي م تقول كده انا البربي معاي اولادي منو وبقيت ابكي قال لي م تبكي ي بتي كدي قومي ارقدي في حضني دا يا عالم تاني الاقيك متين قلت ليهو ابوي اموت ليك م تقول كده وكان مضايق شديد رقدت في حضنو ودموعي غرقت جلابيتو حسيتو ماسكني قوي ونام خليتو غرق ف النوم غطيتو ومشيت لقيت امي سرحانه وبتبكي شديد قلت ليها يمه م تدسي علي قالت لي ابوك لازم اسافر وانا م عندي قروش اسفرو بيها الا نبيع البيت دا بس نمش وين وبقت تبكي حياه ابوك اغلي من البيت قلت ليها يمه نبيعو البيت م مشكله ونقعد ان شالله في راكوبه انا بستحمل وانتي سافري مع ابوي وانا بلد وبلحقكم ان شاء الله اتزكرت دهبي وانا م كنت عارفاهو وين كان داسيهو عثمان ف الخزنه وقلت لازم اصل لي عثمان لبست عبايتي وطلعت مشيت ليهو ف البيت استقبلتني مرتو بالمطاعانات البتوجع القلب بس استحملتها انتظرتو لمن جا طلبت منو اطلع معاي عاوزه اتفاهم معاهو طلع ودور عربيتو وطبعا ف عيوني م قاعد اعاين بقا انا قلبي انقطع وقلت م ح اترجاهو تاني وربنا كريم علي قلت ليهو عثمان ابوي عيان محتاج نسفرو برا عاوزه دهبي قال لي دهبك م شيلتو منك انا قلت ليهو كيف قال لي وعزه جلال الله دهبك م شيلتو قعدت ابكي قلت ليهو اشهد الله انا م عارفاهو وين كيف يعني م عندك قال لي اخر مره اديتك ليهو اتزكري كويس وبعدين انا حاجه جبتها ليك م بقلعها منك نهاااي وابوك ربنا يشفيهو راجل طيب م يستاهل ان شاء الله بجي عليهو المساء قلت ليهو ابوي مرض بسببي وكل يوم بسالني منك ي عثمان وانت م عاوز تديني فرصه اتفاهم معاك خليني بس احكي ليك قال لي ولا كلمه كفايه الشفتو وعاوزه حاجه ولا اوصلك البيت قلت ليهو م عاوزه حاجه بس ممكن طلب ي عثمان اشتري مننا البيت بتاعنا عشان محتاجين قروش قال لي ليه وانتو ح تمشو وين قلت ليهو الله كريم امي وابوي ح يسافرو انا ح الد واقعد ان شالله ف الشارع قال لي نسيبه المشكله انو قروشي كلها بقت عند ام الاولاد يعني م بقدر اتصرف الا أستشيرها هي وانا ح اشتريهو وح اخليك تقعدي فيهو ان شالله قلن ليهو طيب اداني امل ومشيت منو وريت امي بالدهب قالت لي ربنا بعوضك ي شالتو مرتو ي ولدو يا هو وناكرو عليك قلت ليها لا م اظن
المساء عثمان جا لي ابوي وكفر ليهو ابوي اتكلم معاهو وحنسو بس احرجو لمن انا جيت قلت لي ابوي الحمد لله دي قسمتي وانا غير صحتك م عاوزه حاجه عثمان قال لي مرتي وافقت تشتري البيت بس ح تكتبو بس اسمها قلت ليهو م مشكله المهم تشترو مننا ابوي قال لينا بيت شنو وريتو بالحقيقه بقا جايط وقال م موافق حنستو تحانيس وقلت ليهو لازم تتعالج ي ابوي واترجيتو قلت ليهو لو م وافقت انا ح اطلع من البيت وم ح يشوفني بعد تعب حتي وافق وبيعنا البيت ليهم وعثمان قال لي اقعدي فيهو م محتاجين ليهو نحنا وتاني يوم بديت إجراءات السفر لي ناس امي وسفرتهم وودعتهم وقلبي مقطوع بقينا انا والاء البت الشغاله وخلاص قربت للولاده عثمان جهز لي حاجات الولاده بس م زي زمان وقبلت بي اي شي وجات لحظه الولاده وكانت من اصعب اللحظات علي لا راجل يطبطب علي وقت المي لا ام تقيف جنب راسي وتدعي لي اتمنيت اموت ف الولاده بس عمري طويل ولدت الحمد لله ورزقت بي بت وولد سهل وسهي وكانو قطعه من عثمان وعثمان فرح بيهم شديد وسما لي ووزعها ف الشارع وتاني نهاي م شفتو وحتي المصاريف قطعن مني ودي اكبر صدمه كانت لي وكنت عاجزه عن اي شي وم عندي قبله اقبل عليها والشي المصبرني انو ابوي ماشي ف العلاج ميه الميه ودي حاجه بحمد عليها ربنا بقيت اتصل ع عثمان بس ماف رد ورسايل م برد قلت احتمال هو م كويس
بقينا م لاقين البناكلو قررت اني اطلع اشتغل قبل اتم الاربعين الاء منعتني بس كان لازم اشتغل الاء م عندها زنب عشان تصرف علي بقيت لافه يوم كامل افتش لي شغل م لقيت وغلبني البعملو قررت اني ابيع ف الشارع مشيت لبتاع الدكان وطلبت منو يديني حاجات ابيع واسدد ليهو وافق وبقا يومي اديني حاجات ابيع واديهو القروش نهايه اليوم والباقي اشتري بيهو حاجاتي وكنت قريبه للبيت عشان اولادي صغار اهل ابوي وامي واحد فيهم وقف معاي ماف وبقو يشمتو علي عشان انا رفضت اني اتزوج اولادهم كنت بشوف الشماته ف عيونهم بس الحمد لله كلها اقدار الحمد لله قدرت بالحلال امسك نفسي واولادي وقنعت من عثمان نهاي لانو م براهو ومستحيل عثمان البعرفو م يصرف علي اولادو بس في حاجه ومشيت ليهم ماف زول فتح لي الباب
مرت الايام والحمد لله حالي مستور لغايه م جات زوجه عثمان طردتني انا واولادي من البيت وجدعتني ف الشارع 😭😭😭😭😭😭……