رواية الخزلان الفصل الثامن عشر18بقلم نوسه حمد

مرت الايام وحالي مستور الحمد لله لغايه م جات مرت عثمان وطردتني ف الشارع حاولت افهمها انو اولادي صغار وصعب اني اطلع بيهم وخصوصا الوقت متاخر بدون رحمه ردت علي انا عاوزه اكسر البيت  وابنيهو بتي جايه السودان  جايه تنزل فيهو قلت ليها طيب خليني اقعد بكره بتصرف وبطلع قالت لي انا. م قصرت خليتك الزمن دا كلو ع اساس انو تفتشي بيت بس شكلك م ناويه تطلعي سالتها من عثمان قالت لي فات شغل بره. اترجيتا تديني رقمو الشغال قالت لي لو عاوز اديك رقمو كان اداك ليهو انا م بديك الرقم  وطلعتنا من البيت وطبعا البيت اشتروهو بالعفش ادتني ملابسي وملابس امي وابوي وقفلت الباب وفاتت منظري كان زي الزفت الجيران دخلوني بيتهم واحترموني م قصرو بس حسيت اني م مرتاحه وقلت لازم اتصرف مشيت المدرسه لاقيت الاستاذه الكنت متواصله معاها زمان رحبت بي وقالت لي زعلت لمن عرفت انو انتي وعثمان انفصلتو سالتني من السبب قلت ليها قسمه سالتها من عثمان قالت لي عثمان سافر مصر مشا عشان افتح مدرسه هناك ومشا للتجهيزات وم كلمك هو غلبني ارد قلت ليها والدموع ف عيني عثمان اتغير بقا م شغال بي ولا بي اولادو قالت لي معليش ي نسيبه حقك برجع وعثمان م براهو حتي هنا نحنا بنقول اتغير وم معروف سبب التغير شنو بس صعب عليك انتي واولادك وسالتني البصرف علينا منو حكيت ليها كل الحصل واترجيتا انها تعيني معاهم استاذه قالت لي م ح تقدر الا بموافقه عثمان طلبت منها انها تشوف لي  مكان اقعد فيهو انا واولادي قالت لي ي ريت حسيت بي احراج طلعت وكلي حزن

 ورجعت جيرانا وقلت استحمل معاهم شويه ويوم انا نايمه حسيت بي انسان بتحرش بي فتحت عيوني لقيتو ابوهم الوقت كان نص الليل قومتا مخلوعه غلبني افتح خشمي ولويت ليهو يدو. شديد بدون اتكلم عشان م احرج مرتو الاحتوتني وفتحت لي بيتا هو خجل وفات  صحيت الاء من النوم وبقينا نوسوس قالت لي ماشه وين قلت ليها الاء ارح نطلع هسي وبحكي ليك ف الشارع قالت لي مستحيل اطلع بليل دا اترجيتا عشان نطلع وطلعنا نتسحب زي الحراميه ودا كلو عشان جارتنا م تحس بي وتجبرني ع القعاد وانا بعد الحصل مستحيل اقعد طلعنا وحكيت لي الويه بالحاصل قالت لي ستين يمين ترجع تكفتو قلت ليها الاء انا م غالبني اكفتو واكورك واطلعو قليل ادب قدام اولادو بس ي الويه انا ختيت اعتبار للمره الفتحت لي بيتها بصدر رحب مستحيل اخرب بيتا ولو جينا للنصيحه ي الويه قعدتي ف بيت راجل غريب غلط وانا مطلقه وانتي عارفه مفهوم المجتمع السوداني ع المطلقه كيف  عشان كده كان لازم نطلع وبقينا لافين بالحله قالت لي نسيبه هسي الناس تقول شنو قلت ليها الويه انا م بي يدي شي وانتي لازم ترجعي اهلك لو معتبراني اختك امشي ي الاء م عندك ذنب قالت لي انا م بفوت اخليك ف الشارع قلت ليها م مشكله الله كريم قالت لي لا انتي اولادك صغار انا م بفوتك بستحمل هو انا شكيت ليك قلت ليها م شكيتي لي بس اهلك كل مره بسالو فيك من المصروف شينه ف حقي قالت لي م تشيلي هم المهم نحنا نفكر نمشي اي مكان نقعد فيهو ونعمل خطه نرجع بيها عثمان ليك قعدت اضحك قلت ليها انتي مفتكره عثمان زي زمان عثمان شكلو مكتوب اصلو م براهو عثمان بخاف الله بس مرتو وولدو م خافو فيهو الله وربنا ينتقم منهم قادر يا كريم  

مشينا الجامع رقدنا فيهو قبل الصبح طلعنا مشيت المدرسه وقفت جنب الباب لمن المدرسه فتحت اتكلمت مع الاستاذه واترجيتا تخليني انوم في غرفه الغفير والغفير انوم في اي فصل عشان انا غلبني اقبل ع وين واولادي صغار لمن شافتهم حنت ف حالي ونظفو لي غرفه الغفير والغفير راجل كبير طيب شديد ومحترم ومتاثر ع الحاصل علي وم قصر معاي بقا حارسنا والغرفه كانت اكتر مكان امن لي والحمد لله مبسوطه كنت وبقيت اجيب شبس وفول وتسالي ابيع ف المدرسه والطلاب كلهم متلمين فيني وكانو بريدوني شديد  م بشترو الا مني وكنت بشرح ليهم ف الفسحه مرات نهايه الحصص بمشي اشرح ليهم وكانو متفوقين والاستاذه كانت مبسوطه مني ساعدتهم من دون مقابل الطلاب طلبو مني حصص عصر  قلت ليهم استاذنو المشرفه لو وافقت انا موافقه واصلا انا كايسه لي لقمه العيش  المشرفه وافقت وبقيت كل يوم العصر بدي حصص تقويه لماده الانجليزي  واموري بقت ماشه للاحسن وم كده بقيت ادي الويه قروش ترسل لي اهلا وانا كمان بقيت ارسل لي  ناس ابوي للعلاج وابوي اتحسن بنسبه ٨٠٪؜وكنت مبسوطه للاخبار دي والحمد لله  

الويه قالت لي نوسه تعالي نهتم بي نفسنا قعدت اضحك قلت ليها الويه اهتم شنو وانا الصباحيه كلها قاعده ف الشمس ببيع قالت لي نوسه انتي م شاءالله هدي بقيتي تدي حصص عصر وامورك ظابطه وقفي بيع الصباح قلت ليها لا لا الضغط عالي علي ولازم عشان امورنا تمش قالت لي طيب المهم نحنا نتميز قلت ليها جدا اديتا قروش مشت السوق جابت لي لبس حلو وكريمات وبدينا نهتم بي نفسنا وانا النوع البظهر فيني الاهتمام سريع   وكنا مبسوطين شديد 

وعثمان م منو خبر نهاي م فاتح الواتس ولا اتصل علي ونهاي م لومتو قلت عافيه ليهو لانو عثمان م ظالم الله عالم بالظلمني 

يوم المشرفه قالت لي نسيبه المدرسه جاينها ناس الوزاره عاوزنك ف حصه رايك شنو قلت ليها من عيوني هو انا لاقيه قالت لي تمام مشيت كلمت الويه فرحت لي شديد قالت لي المشرفه دي واثقه فيك شديد قلت ليها رغم اني م مارست المهنه كتير بس الحمد لله انا طريقه تدريسي حلوه ومحببه للطلبه قالت لي يوم بكره خلي لي روحك قلت ليها سمح 

صحيت كلي امل وصحيت الويه قامت قالت لي البسي اللبسه دي ولازم اخت ليك مكياج قلت ليها مكياج شنو قالت لي م عارفه بس بمكيجك وطبعا هي خطيره ف المكياج. ظبطت لي مكياج رهيب وهادي طلعت مشيت المدرسه الطلبه لمن شافوني ف الطابور فرحو فرح كلهم جوني قالو لي استاذه نسيبه ح تدرسينا تاني قلت ليهم ي ريت بس اليوم ح ادرسكم واتعاملو معاي كاني استاذه الماده تمام قالو لي حاضر ي استاذه وفاتو وانا نهاي م كنت متوتره كنت واثقه من نفسي جدا ثقه جاتني من وين م عارفه بس كنت مبسوطه ومتشجعه شديد   وجات الحصه بتاعتي والمشرفين جو وقعدو لي قدام رحبت بيهم وبديت حصتي  لمن اتكيفو مني وسالوني اذا كنت بدرس ف مدرسه  تانيه قلت ليهم لا بدرس هنا بس وبي قلبي قلت ليهم م جايبين خبر قالو لي تعالي ف المكتب مشيت وراهم اتكلمو معاي قالو لي المنطقه دي عندهم مشكله ف الانجليزي وطلبو مني اني حتي لو حصص  خارجيه ادرس الطلاب او اعمل معسكرات عشان اقوي ليهم الانجليزي بالذات الطلبه الممتحنين قلت ليهم ان شاء الله بس كيف قالو لي ح ندبر الموضوع دا وشكروني وادوني مبلغ مالي مكافاه لانهم كانو مبسوطين من تدريسي جدا وادوني عشره ع عشره  انا كنت مبسوطه المشرفه شكرتني قلت ليها العفو انتي م قصرتي مني كفايه انك خليتني ادرس فتحتي لي باب رزق  ورجعت لي الويه مبسوطه قالت لي تستاهلي بجد الناس م وقفت معاك بس ربنا كريم عليك 

تاني يوم رجعت لي البيع ف المدرسه وفسحه الفطور كلهم اتلمو فيني  وكلهم لمن اشترو مني بقعدو معاي  فجأه سمعت صوت عثمان وبكورك ف الطلاب لانو الجرس ضرب هم م قامو مني وكان جاي عليهم بالسوط كل طالب جرا في اتجاه وانا حيلي مات وغلبني البعملو لمن وصلني قال لي نسيبه بي استغراب وانا قلبي ادق وبقيت اتمتم كاني اول مره اشوف عثمان