رواية الخزلان الفصل الثاني2بقلم نوسه حمد
م قدرت اصدق عيوني معقولة محمد يكون عايز يعرس معقوله محمد اكون الخمسه سنه بغش فيني بقيت منهاره وبسال ف نفسي ف الاسئله دي وقويت قلبي المكسور ورديت علي الاستوري بتاعو قلت ليهو الف مبروك ربنا اتم علي خير ردا علي بكل برود قال لي عقبالك يا غاليه 🥰ردو دمرني اكتر من الخبر واحتمال لخير زول بالبرود دا كيف اكون ابو اولادي وزوج مستقبلي جاني دافع وجراءه اني ارد وم اي رد رد اندمو علي الخمسه سنه الحباني فيهم قلت ليهو اللهم امين يارب ربنا اديني راجل ويعوضني قال لي راجل هو في راجل ارجل مني قلت ليهو ياااه وليك عين كمان ترد هو انت اصلا راجل والله م راجل حركتك العملتها دي ماف راجل ود رجال بعملها بس للاسف كنت مخدوعه فيك بس جد انا م قادره اصدق انك انت غشاش وكذاب وم عندك كلمه ولا عندك زره رجوله قال لي نوسه انتي كترتيهو والله انا م بسمح ليك تهيني رجولتي قلت ليهو معليش والله بس لو رديت ولا م رديت علي رجولتك اتهانت من يوم كذبت علي وخدعتني وانا الهبله كنت مصدقاك ولا يوم ولا لحظه م شكيت في حبك لي واكتر شي موجعني بقيت تفتش لحجج عشان تقول لي انتي السبب وانتي بتاعت مشاكل وبتاع بس انا اختصرتك وم اديتك فرصه ودا كلو عشان اخد درس انو راجل م طلبك عديل بالباب م تصدقي ولا تثقي فيهو شكراً للدرس دا كل الاستفدتو من علاقتنا وبتمني ربنا اغفر لي العمر الضيعتو معاك في الونسه بالساعات والحب والكلام الفاضي ي ريتني انشغلت بي عباده تنفعني وشغل يسندني بس كلو لخير ربنا يسعدك كان نفسي اقول ليك مسامحاك بس م ح اقدر أسامحك لمن اموت ولو الموت في يدي اقسم بالله اشيل روحك قال لي اديني فرصه اتكلم اديني فرصه ادافع عن نفسي قلت ليهو اديك شنو فرصه انت بي كل بجاحه خاتي دعوه عرسك استوري م راعيت للكانت منتظراك الخمسه سنه دي والرفضت كل راجل اتقدم ليها قال لي عارف ي نوسه وانا نزلت عشان اتزوجك انتي بس انا اهلي من زمان كانو خاطبين لي بت خالي دي ولمن فاتحت اهلي ف موضوع العرس حلفو انو اتزوجها واتشاكلت معاهم ونوم م كنت بنوم ولا كنت باكل انتي من حقك تزعلي انا غلطت في حقك وم بقيت قدر كلامي ووعودي بس انا حاربت عشان اصل ليك ابوي حلف علي طلاق دايراني اخرب حياه امي مستحيل ي نوسه انا
اتختيت في وضع صعب وقبلت عشان ابوي حلف علي وح اتزوج واحده انا م بحبها وانا قلبي معاك انت قعدت اضحك م عارفه جاني احساس انو بكذب وم حصل قال كلمه وكذبتو فيها بس بعد الحصل بقيت م قادره اشوفو صادق واصدق كلام بقولو لي قلت ليهو ولا يهمك م مشكله ربنا يسعدك وحظرتو من الواتس م قدرت اصبر نهاي حسيت انو حيلي انهد دا خزلان م بعدو خزلان وبقيت اتوجع براي احساس المطلقه وجات بيت أبوها اكل م باكل وشراب م بشرب جاني ضعف دم دمي كلو انحرق اهلي غلبو فيني حيله م خلو دكتور م ودوني ليهو كل م اتزكرو بطني تطم وتلفوني ف يدي م مسكتو اهلي اتكلمو معاي كتير امي طلبت مني اصارحها وكانت مهمومه مفتكرين انو انا واقعه في مصيبه كل يوم تجي تسألني تقول لي مالك ي بتي وجعتي قلبي في زول لمسك بقعد اضحك اقول ليها يمه م ربيتني علي كده انا الحمد لله م عملت غلط للدرجه دي وحكيت ليها بالحاصل كلو امي دموعا جرت قالت لي ي بتي مالك ومال الحب ومالك ومال الاولاد انتي مفتكره البعملن فيهو بنات الزمن دا حب دي قله ادب وانا وعيتك علي اي شيء الا دي م بقدر اتحكم في قلبك بس ي بتي الحلال سمح ان شاءالله شين وم عندو قروش ولا كبير بالحلال سمح بس امور الحبه دي ي بتي م بتنفع واستغفري واستهدي بالله وارمي الماضي وراك وتختي في بالك انو اي عريس اجي ح توافقي عليهو قلت ليها يمه عريس شنو م بغش لي راجل واعرسو انا حلمت بالحياه مع محمد قالت لي حمو يكتلك محمد شنو كمان البتخلي ليهو حياتك وهو عرس ومرتو تلقيها حامل انا من غير م اشعر دموعي جرت اتزكرت حتي اولادنا سميناهم صعب اني انسا محمد حتي لو اتزوجت هو راجل بنسا بس البت م بتنسا سريع بس لازم اتشجع وانسا والفيهو انا دا م حل وبرضو م حل اني اعرس لي راجل وفي قلبي راجل تاني ح اظلمو معاي امي قالت لي بتجني والله قلت ليها ويعني الفيهو دا انا م جن 😭 مشيت فتحت تلفوني وقررت امسح صور محمد والدردشات ف الفيس والايمو والرسايل النصيه دي اول خطوه ممكن اتعافا فيها بديت امسح ف الصور والدردشات وكل م اقرا وعودو اضحك ودموعي نازله سيل ودي كانت اصعب لحظه علي دخلت الفيس عشان الغي طلب الصداقه واحظرو وفتحت صفحتو لاقاني منشور مثبت واحده اسمها ليلي وعامله ليهو تاق بقيت اقرا في المنشور وي ريتني م قريتو اول كلمتين طممن بطني واكتشفت انو محمد كان حبيبيها من وهم صغار يعني محمد كان بغش علي وبتسلا بي وهو خاطب بت خالو وم خطوبه وبس دي حبيبتو من هم اطفال البوست علي قدر م وجعني علي قدر م اداني قوه وقرررت اني انتقم من محمد ……….