رواية الخزلان الفصل الثالث3بقلم نوسه حمد
#الخزلان3
#نوسه-حمد
امي كلامها صاح كيف انا اثق في ولد م بعرفو وجمعني بيهو الحب وابني امالي علي واحد حتي اهلو م بعرفوني واحبو خمسه سنه اتكلم معاهو ليل ونهار وم كده وبس كان بتحكم فيني بحجه انو بغير علي وخايف علي وانا الهبله بمشي بي كلامو خصمت من حياتي كتيرررررر وانا الدمرت نفسي وحبيت الانسان الغلط وكان ملاك ف نظري ف النهايه طلع كذاب وخاين باني مستقبلو وعارف هو ح يتزوج منو غشا علي بعد م كنت بحمل ليهو كل الحب بقيت احمل ليهو كراهيه وعدوانيه واصعب احساس امكن امر ع الانسان الحب يتحول لي كراهيه او عدوانيه قررت اني انتقم منو واقطع قلبو وادمرو زي م دمر معنوياتي وكنت بفكر واخطط ليل نهار اني اعمل شنو وم لغيت طلب الصداقه ولا رسلت ليهو جدعتو ف سله المهملات وبقيت افتش لي طريقه انتقم بيها منو وهو مستمتع بي حياتو وكل يوم مرتو تنزل منشور ومن مناشيرها شكلها الدنيا واقعه ليها شديد وسيطرت علي محمد بي كلو
امي بقت همها الاول والاخير انو انا اتزوج عشان اطلع من الحاله دي وانا م عاوزه اغش لي ولد ناس وانا كنت بحب واحد خمسه سنه م بالساهل اني انساهو وقررت اني اسبق اي عريس اتقدم لي واعرس ابو محمد ودي اكتر طريقه ممكن اخد بيها حقي اصلا انا كده كده حياتي ادمرت وعشان م ادمر لي حياه انسان برئ م عندو ذنب واتزوجو رغم انو ابوهو م عندو ذنب مرات اقول عندو ذنب لانو م ربا ولدو علي الصدق دي ابسط حاجه كان اقدمها لي ولدو اربيهو ع الصدق والامانه بقيت اصحح واغلط براي ف نفسي
وكل همي اني انتقم منو و قلبي م ببرد الا انتقم من محمد واندمو علي اللحظه العرفني فيها واقطع قلبو
بقيت افتش لي طريقه اني اعرف فيها ابوهو مرات اقول معقوله ادمر حياتي ف الانتقام وعمري اضيع مع راجل كبير بس كنت مصره اني اعرسو اصلا كده كده م فارقه معاي نفسي ودا عقاب لي نفسي بقيت فاتحه صفحت محمد اليوم كلو بفتش لي طريقه اعرف بيها ابوهو ومحمد ومرتو م شاء الله اخر حب وغرام ف الاستوريهات والمنشورات بي قلبي قلت ليهو استمتع وانتظر الراجيك كلو بحنضلو عليك د
دخلت صفحتو وفتحت الأصدقاء وكنت عارفه انو ابو محمد استاذ ومدير مدرسه بس ف مشكله ح تواجهني ابو محمد انصاري احتمال اصلا م يقبل الصداقه لو رسلت ليهو بقيت افكر ف طريقه ادخل ليهو الخاص بيها فكرت انو لو لميت في حسابو ارسل ليهو ف الخاص واقول ليهو انا عاوزة اشتغل استاذه معاكم واحنكو لغايه م يوافق كتبت ااسم ابوهو طوالي جاني انو صديق مشترك مع محمد وعشان اتاكد منو انو ابوهو هو خاتي صورتو قلت اكيد محمد بكون معلق عليهو فعلا فتحت الصوره والتعاليق لقيت محمد معلق ليهو ربنا امتعك بالصحه والعافيه يا ابوي
طوالي دخلت ليهو ف الخاص م رسلت ليهو طلب صداقه قلت ليهو سلام عليكم يا استاذ ممكن ترد علي عاوزاك ف موضوع
وبقيت حاضنه تلفوني منتظرا ردو لي م ردا علي امي قالت لي اسمعيني ارح معاي ناس عمتك ولدا جا من قطر احتمال عينو تقع عليك قلت ليها ود عمتي منو البعرسو لا لا ي امي انا م دايره اعرس وخليني ف حالي قعدت تكورك فيني قالت لي انتي اظنك جنيتي اخليك كيف ف حالك وحالك ماشي ادهور قلت ليها خلي يدهور انا م دايره لي عرس ولا دايره لي راجل ولو القيامه قامت م ح اتزوج قالت لي م علي كيفك المره الجايه م ح نستشيرك اصلا نعقد ليك طوالي برا حب برا كلام فاضي م ركزت معاها قبلت علي الحيطه واتغطيت بالبطانيه قالت لي خلاص جني وموتي م اتكلمت معاها انا قلبي من جوه مقطوع بقيت ادعي علي محمد انو زي م دمرني يدمر مسخ علي الحياه وطمم بطني من الاولاد ووصلني لمكان م كنت متخيله نفسي فيهو وم كنت متخيله اني افكر انتقم من انسان وم اي انسان دا الانسان الحبيتو واخترتو وفضلتو علي باقي الاولاد عشت نفسيات م يعلم بيها الا ربنا وبقيت منتظره رد من ابو محمد لغايه م جاتني منو رساله بقيت ارجف لقيتو كاتب لي مرحب يا بتي اتفضلي خير ان شاء الله وكان نشط الان قلت ليهو كيفك يا استاذ قال لي حبابك اتفضلي عرفتو انسان جادي وم بتجازف دا برسايل م اظن احنكو الا اكون جنبو عديل قلت ليهو عاوزه لي وظيفه ان شاءالله تدريب انا درست لغه انجليزيه ومفكره اني ادخل مجال التدريس وكان في استاذه حكت لي بالمدرسه بتاعتكم وم كانت عندها رقم ليكم ادتني اسمك الفي الفيس ودخلت عليك قال لي خلاص تمام رسلي لي اوراقك وانا ح ارجع ليك م صدقت قومتا صورت ليهو اوراقي كلهن ورسلتهم ليهو قال لي تمام وطلع
عديت ايام وم رجع لي ولا رسل لي وانا منتظرا وكنت حاسه انو ح يرجع ويوافق وفعلا رسل لي رساله قال لي تعالي المدرسه بكره ومعاك كل اوراقك انا الفرحه دايره تكتلني قومتا اتبسم براي قلت لي امي يمه انا ح انزل شغل قالت لي شغل شنو ونحنا نحنس فيك من اتخرجتي تشتغلي اتزكرت محمد كان قال لي م تشتغلي قلت ليها يمه بدل اقعد ساي دايره اشتغل قالت لي هداك ابوك واخوانك وريهم انتظرت ابوي جا وريتو قال لي كويس ي بتي الشغل م عيب ولا حرام اشتغلي طوالي فرحت شديد ومشيت جهزت احلي لبسه عندي والنوم غلبني م قدرت انوم نهااااي لمن اذان الصبح اذن قومتا صليتو حاضر وجهزت وانتظرت الواطه اصبحت سمح وطلعت مشيت المدرسه وسالت من مكتب المدير ومشيت ليهو اول م شفتو انخلعت اشبه محمد شديد لدرجه تخوف وصغير م كبير وشكلو محترم شديد رحب بي ودخلني المكتب